O I.E.S. ASOREY NON ESCAPA AO CORONAVIRUS ENTRE OS NOVOS CASOS NOS CENTROS DE ENSINO

Os centros, institutos e escolas infantís galegas achéganse ao medio milleiro de contaxios. As autoridades sanitarias han comunicado que estas instalacións contan xa con 486 casos en activo por COVID-19, o que supoñen 65 máis que os reportados o sábado, e que se centralizan sobre todo nas áreas de Ourense, A Coruña e Santiago.

A situación máis complexa séguese dando en Ourense, con 181 positivos (uns 23 de incremento respecto ao sábado) que obrigaron a pechar as instalacións da escola infantil María Ana de Celanova, o segundo caso de clausura no que vai de curso debido á COVID-19, ademais do Calasancio de Pontevedra. Dentro desta área sanitaria destacan o incremento de casos no Carballiño e o propio municipio de As Burgas, como os focos de maior incidencia en centros da provincia. Tamén se constataron casos en novos centros no Barco, O Carballiño, Ourense, Boborás, Sandiás e Verín, que se engaden á listaxe, e un total de sete aulas seguen pechadas, ademais dunha escola infantil en Celanova. Na área de Compostela, ademais, hai 17 positivos máis respecto a os datos do sábado, con casos confirmados en novos centros nos municipios de Ames, Boimorto, Muros, Ribeira, Santiago e Teo. NOVOS CENTROS CON CASOS O informe trasladado pola Xunta revela que se detectaron casos en máis de 60 novos centros respecto a a semana pasada en Arteixo, A Coruña, Betanzos, Carballo, Cerceda, Culleredo, Fisterra, Oleiros, As Pontes, Fene, Ferrol, Pontedeume, Valdoviño, Lugo, Cambados, Cerdedo-Cotobade, Pontevedra, A Cañiza, A Guarda, Nigrán, Redondela, Salceda de Caselas, Vigo. O resto de novos centros con casos detectados na provincia de Pontevedra son o IES Francisco Asorey de Cambados, o IES de Cotobade, o IES Sanchez Cantón, o CIP Carlos Oroza e o IES A Xunqueira II de Pontevedra; o CPI dá Cañiza, o CPR San José da Guarda, o CEIP Humberto Juanes de Nigrán, o CMUS Profesional de Redondela o IES Padras Louras de Salceda de Caselas; o CPR Plurilingüe Apóstolo Santiago, o IES Valadares, o CPR Daniel Castelao, o IES República Oriental do Uruguai e o CPR Plurilingüe San José de Cluny, en Vigo.

A CAMBADESA JULIA BOULLOSA RECOLLEU O SEU PREMIO POLO RELATO CONTRA A VIOLENCIA DE XÉNERO

A Unidade de Violencia de Xénero da subdelegación provincial organizaba por terceiro ano consecutivo un concurso de relatos curtos e debuxos que sirvan para reflexionar sobre este problema social. Este xoves na sede de Afundación entregábanse os premios nunha gala institucional presentada polos xornalistas Diana Lovar e Antón Prieto.

Maica Larriba, subdelegada do Goberno en Pontevedra, presidía o acto e facía un chamamento para que os máis novos adopten un compromiso para rematar coa violencia machista. Neste sentido, a subdelegada pediu unha reflexión sobre as cifras de asasinatos machistas que se producen e indicou que as compañeiras de instituto ou de colexio poden protagonizar no futuro un caso máis de violencia polo feito de ser mulleres. Lembrou que no segundo trimestre deste ano xulgáronse a catro menores en Galicia como presuntos autores de actos de violencia contra as mulleres.

Estíbaliz Palma, comisaria provincial da Policía Nacional; Simón Venzal, coronel xefe da Garda Civil; a directora provincial da DXT Paula Yubero, a directora do Instituto Españo de Oceanografía, Victoria Besada e a alcaldesa de Cambados, Fátima Abal acudían a este acto ao que tamén asistían outras autoridades locais e provinciais.

Para relato curto, o xurado composto pola escritora Montse Fajardo e o escritor Manel Loureiro; o profesor do instituto Valle Inclán, Eduardo Cid; e a profesora da UNED, Mila Lores, decidiu que os gañadores foran os seguintes traballos: 

CATEGORIA 1 (FP e ESO)
1º PREMIO: 'Amarga espera', de Julia Boullosa Alvarez do IES Francisco Asorey de Cambados.
2º PREMIO: 'Descubrindo a Violencia', de Alejandro Campos Herbes do CPR San Fermín de Caldas.
3º PREMIO: 'O Click', de Sabela Martínez do CPR A Inmaculada de Ponteareas.

CATEGORIA 2 ( Bacherelato e FP Superior)
1ºPREMIO: 'Fin da cita', de Lucía Ardao Cuevas do Colexio Apóstolo Santiago de Vigo.
2ºPREMIO: 'O primeiro amor', de Carla Márquez Pereira do Colexio Compañía de María de Vigo.
3ºPREMIO: 'Polas invisibles', de Nuria Pintos Rodiño do CIFP Carlos Oroza de Pontevedra.

Na modalidade de debuxo, o xurado composto por Carme Hermo, profesora de Belas Artes e pintora; o pintor Manuel Ruibal; Ana Fortes, profesora do
instituto da Xunqueira; e o pintor Quique Ortega seleccionaron as seguintes obras:

CATEGORIA 1 (FP e ESO)

1º PREMIO: 'Xuntos non é unha fantasía', de Sergio Guillermo Loures Miranda do Colexio San José de Cluny de Vigo.

2º PREMIO: 'Fora as malas accións', de Laura Alonso Serdín do IES Carlos Casares de Vigo.
3º PREMIO: 'Recoñece. Hai saída', de Sofía Cedeira Rodríguez do IES Carlos Casares de Vigo.

CATEGORIA 2 (Bacherelato e FP Superior)

1º PREMIO: 'Phantom', de Sofía Neira Cibeira do IES Frei Martín Sarmiento de Pontevedra.
2º PREMIO: 'Cuestión de Tempo', de Mario do Prado Lago do Colexio Apóstolo Santiago de Vigo.
3ºPREMIO: 'Que non cho pinten de rosa', de Leire Gil Xusto do IES Xunqueira I de Pontevedra.

ESTUDANTES DO ASOREY ABORDAN A DESIGUALDADE NO ÁMBITO CIENTÍFICO E TECNOLÓXICO NA DELEGACIÓN DO GOBERNO

O alumnado de dous centros das provincias da Coruña e Pontevedra, o IES Francisco Aguiar, de Betanzos, e Francisco Asorey, de Cambados, abordaron onte mércores, nunha visita á Delegación do Goberno en Galicia, a desigualdade no ámbito científico e tecnolóxico. Segundo informa a Delegación do Goberno, máis dun centenar de estudantes continuaron o programa de visitas á exposición 'As mozas somos guerreiras... e tamén enxeñeiras e científicas, tecnólogas, matemáticas...', que está aberta ata o próximo 29 de novembro. Guiados pola responsable da área de Igualdade da Delegación, María Debén, e a director da área da Alta Inspección de Educación, Manuel Regueiro; o alumnado compartiu o contido da mostra do Consello Superior de Investigacións Científicas (CSIC). Nela, lémbrase que as mulleres "representan apenas ao 30% do alumnado nas carreiras universitarias dos ámbitos científicos e técnicos", remarca a Delegación do Goberno, que lembra que o obxectivo foi concienciar aos estudantes "da importancia de alcanzar cotas máis altas de igualdade e o feito de que a educación pode ser unha vía para iso". Esta visita forma parte das actividades programadas pola Delegación do Goberno, en colaboración co Ministerio de Presidencia, Relacións coas Cortes e Igualdade, con motivo do Día da Eliminación da Violencia contra a Muller.

A ALUMNA DO ASOREY, JULIA BOULLOSA, ACADA OUTRO PREMIO LITERARIO

Julia Boullosa Álvarez do IES Asorey de Cambados é a gañadora do Concurso de Relato curto contra a violencia de xénero convocado pola Subdelegación de Goberno de Pontevedra.

A alumna de 4º da ESO do Asorey gañou o concurso de relato curto en categoría 1, é dicir entre o alumnado de Secundaria, Ciclos Medios e FP básica.

O relato titulado ”Amarga Espera” mereceu a máxima distinción do xurado, o que supón para ela gañar como premio, un ordenador portátil. Asi mesmo, toda a súa clase vai a verse premiada cunha actividade dunha Xornada de Seguridade Vial da DXT de Pontevedra.
Hai unhas semanas outro relato de Julia Boullosa, foi seleccionado no Concurso Literario Cambados Mar de Letras, e formará parte do libro que recollerá os premiados e seleccionados na II edición.

O IES Asorey amosa a súa satisfacción pola nova distinción a unha das súas alumnas e aproveita asimismo para felicitala públicamente pola súa creatividade, que xa coñecemos dabondo por ser tamén membro do Grupo de Teatro, parte do grupo musical os 7 Magificxs, e colaboradora da revista Jolichadas. Tamén queremos felicitar á súa familia, pola súa implicación e colaboración en todas as iniciativas propostas.

UN ALUMNO DO ASOREY ACADA UN DOS PREMIOS EXTRAORDINARIO DE E.S.O.

A Consellería de Educación, Universidade e Formación Profesional vén de recoñecer a 20 estudantes cos Premios Extraordinarios de ESO ao Rendemento Académico correspondente ao curso 2018-19, tal e como publica hoxe o Diario Oficial de Galicia.
Estes galardóns, instaurados con carácter anual, teñen como finalidade valorar o esforzo e dedicación do alumnado que cursou ESO no sistema educativo galego cun excelente aproveitamento académico.
En total outorgáronse 20 premios extraordinarios para o alumnado que finalizou os seus estudos de educación secundaria obrigatoria no curso 2018/19 nun centro docente da Comunidade Autónoma de Galicia. Todos os premiados obtiveron unha media das cualificacións en todas as materias dos catro cursos de ESO igual ou superior a 9, e deles, o 45 por cento obtivo unha nota media de entre 9,75 e 10; o 50 por cento de entre 9,25 e 9,75; e o 5 por cento restante de entre 9 e 9,25.
Cada premio está dotado cunha contía de 750€ e supón a anotación da distinción no seu expediente académico, así como un diploma acreditativo. Ademais outórgalles a posibilidade de concorrer aos premios nacionais de educación secundaria obrigatoria.

Alumnos premiados

Nesta edición na provincia da Coruña resultaron galardoados 8 alumnos, que son Rosalía Soto Rey do IES Antonio Fraguas Fraguas (Santiago de Compostela); Carmen González Fernández do IES Fraga do Eume (Pontedeume); Leopoldo Fernández Sánchez, Cristina Lamela Vázquez e Mario Freire Arias do CPR Manuel Peleteiro (Santiago de Compostela); Pedro Vidal Villalba do CPR Tirso de Molina (Ferrol); Noelia Penabad Garrote do CPR Ayala (Narón); e Mariña Tuñas Carballo do IES As Ínsuas (Muros).
Na provincia de Ourense os premiados foron Adrián Vázquez Velasco do IES Ramón Otero Pedrayo e Luis Martínez García do IES O Couto, ambos centros na cidade de Ourense.
E na provincia de Pontevedra os 10 premios recaeron en Ariadna Lorenzo Poncela e Lucía Cuíña Moreira do IES Sánchez Cantón (Pontevedra); Ibai Otero Gómez do IES Francisco Asorey (Cambados); Claudia Gómez Lomba do IES A Sangriña (A Guarda); Pedro Rodríguez Viñas do CPR Plurilingüe Mariano (Vigo); Xavier Graña Lobeira do IES Illa de Ons (Bueu); Andrea Ferrer Muñiz do IES de Poio; Celtia Castelo Gajino do CPR Plurilingüe Calasancio (Pontevedra); Emilia Alario Pastoriza do IES Gonzalo Torrente Ballester (Pontevedra); e Noa Comesaña González do IES de Beade (Vigo).

CAMBADOS RENDE HOMENAXE A CABANILLAS POLO SEU LX CABODANO

O Concello de Cambados e o IES F.Asorey asinan un convenio de colaboración para no concurso de poesía e relato curto ‘Cambados Mar de Letras’

Mañán sábado, ás 12 do mediodía no Paseo da Calzada, terá lugar os actos de homenaxe propiamente ditos: a ofrenda floral, lectura dos seus poemas e o rematar haberá un concerto a cargo do grupo Bou de Bou de Cambados.

Cambados conmemorará, como xa é tradición, o Cabodano de Ramón Cabanillas. Os actos van ter lugar este venres e sábado e inclúe a entrega de premios do concurso ‘Cambados Mar de letras’. Ademais, farase unha lectura de poemas e a ofrenda floral o sábado no Paseo da Calzada.

O 9 de novembro do ano 1.959 faleceu Ramón Cabanillas. Este fin de semana, coincidindo co cabodano do ilustre escritor, o Concello de Cambados vaille render homenaxe, nun acto que xa se converteu en toda unha tradición.

A xornada vai arrancar este ano coa entrega de premios do concurso de poesía e relato curto ‘Cambados Mar de Letras’, creado polo instituto Francisco Asorey e o Concello, motivo polo que a Xunta de Goberno Local aprobou un convenio de colaboración entre o centro educativo e o Concello de Cambados.

A entrega de premios ttivo lugar ás 11:45 desta mañá de venres no salón de actos do IES Asorey. Xa o sábado pola maña, contra as 12 do mediodía, terá lugar a os actos de homenaxe propiamente ditos, organizados polo Tenente de Alcalde, Tino Cordal: a ofrenda floral da súa neta, Pitusa Cabanillas, lectura dos seus poemas, ante a súa figura no Paseo da Calzada a cargo de Maribel Iglesias, Manuel Nuñez, Domingo Tabuyo, Ramón Caride, o catedrático Francisco Fernández Rei e a gañadora do concurso de poesía de este ano no concurso ‘Cambados Mar de Letras’, Lucia Boullosa Alvarez e o premiado co accésit nesta categoría, o seu irmán Marcos Boullosa Alvarez, e o rematar haberá un concerto a cargo do grupo Bou de Bou de Cambados. A maiores, co fin de perpetuar a memoria do poeta, vanse instalar nos vindeiros días o “Roteiro Cabanillas” que a través de vinte catro puntos dispersos por Cambados pretende dar a coñecer a súa vida e traxectoria, a cargo da empresa adxudicataria Zona de Obra O Rosal cun investimento de 14.422,40 €.

A DEPUTACIÓN DE PONTEVEDRA LEVA ESTE MÉRCORES ATA CAMBADOS UNHA NOVA CHARLA DO CICLO "TEMPO DE SAÚDE"

A Deputación de Pontevedra leva este mércores ata Cambados unha nova charla do ciclo "Tempo de saúde" dirixida á mocidade

Esta iniciativa promove conferencias, froito da colaboración entre Deputación e Colexio Oficial de Médicos, para achegar distintos temas de saúde á xuventude ou á terceira idade

A Deputación de Pontevedra levará este mércores ao IES Francisco Asorey de Cambados unha nova charla do ciclo "Tempo de saúde", unha serie de conferencias e coloquios sobre saúde posta en marcha entre a institución provincial e o Colexio Oficial de Médicos. A deputada de Cohesión Social e Xuventude, Digna Rivas, acudirá a partir das 10:45 horas á conferencia que impartirá o doutor Enrique Carlos Marra-López Moreno para o alumnado do centro educativo, así como para o profesorado e público en xeral, na que falará sobre a nutrición e a saúde.

"Tempo de saúde" é unha iniciativa consistente en accións formativas sobre saúde, unhas dirixidas ás persoas maiores e outras á xuventude. Estase desenvolvendo de maneira piloto en 22 concellos da provincia, pero o obxectivo é estendelo a todos os municipios pontevedreses, tal e como manifestaron a presidenta da Deputación e o presidente do Colexio a principios de xuño cando asinaron o convenio de colaboración para a posta en marcha deste programa.

En Cambados, o doutor Enrique Carlos Marra-López Moreno explicaralles aos mozos e ás mozas diversas cuestións relativas á nutrición e á saúde. Ademais, esta charla tamén ten como obxectivo crear un clima de diálogo co público asistente. Preténdese que todas as persoas que asistan ás charlas de "Tempo de Saúde" aprendan o máximo posible sobre os asuntos que se tratan. Marra-López Moreno é licenciado en Medicina e Cirurxía pola Universidade Complutense de Madrid, especialista en Medicina Familiar e Comunitaria, e diplomado en Sanidade. Na actualidade exerce de médico de Urxencias Hospitalarias no Servizo de Urxencias Pedriáticas do Hospital Provincial de Pontevedra, tamén de médico de Urxencias Pediátricas no Centro Médico Pintado de Vigo, e no Centro Médico O Grove C.B. como médico de familia.

Ao igual que en Cambados, nas próximas semanas vanse desenvolver outras charlas dirixidas á poboación nova, centradas sobre todo nas temáticas de nutrición, trastornos alimentarios e enfermidades de transmisión sexual. En canto á xente maior, as conferencias centraranse na hospitalización a domicilio e nos trastornos depresivos e de ansiedade. Ademais, dentro desta iniciativa, tamén se van realizar dúas accións, unha dirixida a entidades e asociacións de Vigo sobre enfermidades raras e neurodexenerativas e outra para a zona de Pontevedra sobre trastornos depresivos e ansiedade.

BASES DO 1º CONCURSO LITERARIO “CAMBADOS MAR DE LETRAS”

O IES Francisco Asorey de Cambados, co Patrocinio do Concello de Cambados, convoca na súa 1ª edición, o Concurso Literario “Cambados Mar de Letras”. DIRIXIDO ao alumnado dos centros educativos de Galicia, que estean cursando estudos de Secundaria, Bacharelato e Ciclos Formativos, e sempre que non superen os 20 anos de idade.
MODALIDADES

• POESÍA: cunha extensión máxima de 100 versos, nun único ou varios poemas, de tema e forma libres.
• RELATO CURTO: cunha extensión comprendida entre 3 e 6 folios, de tema libre, mecanografados a dobre espazo e por unha soa cara.

PRESENTACIÓN DAS OBRAS
As obras deberán ser orixinais, inéditas e escritas en Lingua Galega, segundo a normativa ortográfica vixente. Deberán enviarse 4 copias en papel, e unha en formato dixital (Word, pdf, open office) nun CD ou nun Pendrive. Neles figurará o título e a plica, ou pseudónimo, do autor. Os orixinais virán acompañados dun sobre pechado onde figurarán os seguintes datos: Nome e apelidos, idade, enderezo, teléfono, correo electrónico, fotocopia do DNI, Centro no que realiza os seus estudos, e o curso no que está matriculado.
No sobre exterior figurará só o nome da obra e a plica.
E serán enviados a:
1º CONCURSO LITERARIO
“CAMBADOS MAR DE LETRAS”
IES FRANCISCO ASOREY
R/ OS CAEIROS Nº 25
36630 CAMBADOS
PONTEVEDRA. 
PRAZO DE PRESENTACIÓN
Estará aberto dende o 17 de Maio do 2018 ata 10 de Outubro de 2018.
PREMIOS
Concederanse 2 premios en cada modalidade, dotados con 250€ o 1º premio e 125€ o accésit, e figura conmemorativa. Poderían ser recomendadas para a súa publicación, algunha outra obra se así o ditaminara o Xurado, pero en todo caso sen dotación económica. Os premios poderán ser declarados desertos. As obras premiadas e as seleccionadas, serán publicadas nun libro editado polo IES Asorey e o Concello de Cambados, na colección EDICIÓNS DO SERRIDO. Os autores recibirán exemplares do mesmo.
XURADO
Estará formado por profesores e escritores de recoñecido prestixio, e a súa composición será dada a coñecer con anterioridade ao fallo.
FALLO
Será dado a coñecer no mes de Outubro de 2018, mediante aviso aos galardoados e así mesmo, difundirase o acordo a través dos medios de comunicación. A decisión do xurado é inapelable.
ENTREGA DE PREMIOS
A entrega de premios aos autores galardoados, que deberán estar presentes, terá lugar no Concello de Cambados, o vindeiro 9 de Novembro de 2018, declarado como Día do Poeta Ramón Cabanillas.
A participación neste Concurso Literario “Cambados Mar de Letras” 2018, implica a aceptación das presentes bases.

Adxuntos

• BASESMARDELETRAS (226 kB)

TEATRO PARA SEGUIR CELEBRANDO O MES DAS LETRAS GALEGAS

O xoves 24 e venres 25 ás 11:00 horas cada xornada no Auditorio Municipal de A Xuventude, terá lugar a representación teatral da obra de María Victoria Moreno “Anagnórise”. Este acto organizado pola Editorial Galaxia está dirixida a os centros de Ensino Secundario de Cambados.

O protagonista principal de Anagnórise é Nicolau Arís, un rapaz con problemas que un día decide deixar os estudios no Instituto e marcha a Madrid co propósito de encontrar a uns amigos que se dedican a negocios relacionados co tráfico da droga. A viaxe en autostop faina cunha muller intelixente, de nome celosamente oculto, que o recolle na estrada, e coa cal fala durante as horas que pasan xuntos dentro do coche. Os diálogos, sempre áxiles e ocurrentes, pero tamén naturais, van revelando a rica personalidade de ambos. Xa no destino, Nicolau e a súa amiga ocasional sepáranse sen que o rapaz saiba o nome dela. Ó remate, despois de que Nicolau entre en contacto cos compañeiros que o agardan en Madrid, irá buscar a súa amiga. Só entón saberá o seu nome.

"Anagnórise" producida por Editorial Galaxia e representada por Limiar Teatro, que utiliza un desguace como escenario para ir percorrendo toda a road movie que narra a historia da obra orixinal. 

TEATRO CARACOL VAISE AO LONXANO OESTE

Este ano o Teatro Caracol lévanos ao "Far West". No 25 aniversario da compañía  Olga González adaptou o Lonxano Oeste da compañía Yllana hai uns anos para trasladalo a Cambados.
O día 22 deste mes será o día no que o público en xeral poderá ver a obra. Desde ese día 18 e ata o 27, unha representación ao día para os nenos dos centros de ensino do Salnés.

E como 25 anos non se cumpren todos os días, Teatro Caracol ten pensado estrear no mes de setembro un documental sobre estes 25 anos no que se vexa a traxectoria da compañía nestes alos que encheron de sorrisos a miles de rapaces e non tan rapaces.

Xa podedes recoller as entradas en SANSATUR ou en CHINELAS, para asistir a obra deste ano.
Día 22 de abril as 18:00 e 20:00horas no salón de actos do Asorey.

OS ALUMNOS DO IES ASOREY RECOLLEN O SEU PREMIO POR "CANTIGUEANDO"

Os catro centros de ensino que se fixeron a mediados de xaneiro cos galardóns do certame de dinamización lingüística Vindevídeos recibiron hoxe os seus premios nun acto que se celebrou, tal e como estaba previsto nas bases do certame, no Museo do Mar de Galicia, ao pé do Pergamiño Vindel cuxa estadía galega quixo conmemorar a Consellería de Cultura e Educación a través dunha ampla programación na que se encadrou a iniciativa, convocada polas secretarías xerais de Cultura e de Política LIngüística. O CEIP do Carballal de Marín (Pontevedra), O IES Francisco Asorey de Cambados (Pontevedra), o CEIP Ortigueira de Vedra (A Coruña) e o CMUS Xan Viaño de Ferrol visitarán hoxe á tarde, ademais, a Illa de San Simón como parte do premio outorgado.

“A importante participación e a alta calidade, tanto técnica coma lingüística, dos traballos gañadores evidencia que o audiovisual é unha ferramenta moi atractiva e moi eficaz á hora de poñer en marcha iniciativas coas que promover e dinamizar o uso do galego no eido educativo”, sinalou o secretario xeral de Política Lingüística, Valentín García, na súa intervención, quen felicitou os premiados e lles agradeceu o feito de teren, tamén, “contribuído cunhs traballos e cunha creatividade que de seguro serían a fachenda de Martín Códax á difusión e ao coñecemento do tesouro da literatura medieval desde o Vindel”. No acto tamén participou o delegado territorial da Xunta en Vigo, Ignacio López-Chaves.

Premios á creatividade de inspiración medieval

O certame de dinamización lingüística Vindevídeos estableceu dúas categorías de premios e en cada unha delas dous galardóns: na categoría de centros de infantil e primaria fíxose co primeiro o CEIP O Carballal, de Marín (Pontevedra), polo seu traballo “Fals’e traedor” e obtivo o segundo o CEIP Ortigueira, de Vedra (A Coruña), polo vídeo “Galicia: referente da cultura medieval”. Na categoría de educación secundaria e ensinanzas especiais outorgóuselle o primeiro ao IES Francisco Asorey, de Cambados (Pontevedra), por “Cantigueando”; mentres que o segundo recaeu no CMUS Xan Viaño, de Ferrol (A Coruña), pola proposta “O Peque Coro do Xan Viaño descubrindo o pergamiño Vindel”.

Os catro traballos impuxéronse entre un total de 58 traballos -28 de infantil e primaria e 30 na categoría do resto de centros educativos- e as catro pezas audiovisuais gañadoras poden verse no Portal da Lingua Galega www.lingua.gal e na web de Cultura de Galicia www.cultura.gal. Tal e como estaba previsto, os catro centros recibiron cadansúa cámara de vídeo e foto, en función da modalidade; faxímiles do Pergamiño Vindel da autoría de Manuel Moleiro; visitas á mostra “O Pergamiño Vindel, un tesouro en sete cantigas” e á Illa de San Simón que desfrutarán hoxe; e os diplomas que os acreditan como gañadores.

Pergamiño Vindel

A Consellería de Cultura e Educación e a Universidade de Vigo promoven a mostra “Pergamiño Vindel. Un tesouro en sete cantigas”, que trae a Galicia dende a Morgan Library de Nova York esta xoia da lírica medieval galego-portuguesa, berce da lingua e da cultura galegas. Na exposición, que se pode visitar ata este mesmo domingo 4 marzo no Museo do Mar de Galicia, o Pergamiño Vindel dialoga con máis de 50 pezas históricas que explican a sociedade, a estrutura de poderes e a vida cotiá da época das cantigas, así como obras contemporáneas nacidas baixo a inspiración deste mundo poético e do propio mar de Vigo.

O IES FRANCISCO ASOREY FAISE CO PRIMEIRO PREMIO DO CERTAME VINDEVÍDEOS DA XUNTA

A Consellería de Cultura e Educación fixo pública esta mañá a resolución do certame de curtas sobre a lírica medieval galega Vindevídeos, convocado polas súas secretarías xerais de Política Lingüística e de Cultura co gallo da estadía do Pergamiño Vindel no Museo do Mar de Galicia (Vigo).

Na categoría de centros de infantil e primaria fíxose co primeiro premio o CEIP O Carballal, de Marín (Pontevedra), polo seu traballo “Fals’e traedor” e obtivo o segundo premio o CEIP Ortigueira, de Vedra (A Coruña), polo vídeo “Galicia: referente da cultura medieval”.

Na categoría de educación secundaria, ensinanzas especiais de grao medio, ensinanzas de adultos destes niveis académicos e ensinanzas de réxime xeral cursadas fóra de Galicia outorgóuselle o primeiro premio ao IES Francisco Asorey, de Cambados (Pontevedra), por “Cantigueando”. O segundo premio recaeu no Conservatorio Profesional de Música Xan Viaño, de Ferrol (A Coruña), pola proposta “O Peque Coro do Xan Viaño descubrindo o pergamiño Vindel”.

Nos próximos días poderán verse no Portal da Lingua Galega e na web de Cultura de Galicia os traballos gañadores.

Ampla participación e calidade

O certame Vindevídeos, convocado polas secretarías xerais de Política Lingüística e de Cultura no marco da programación conmemorativa que a Consellería de Cultura e Educación puxo en marcha co gallo da estadía en Galicia do Pergamiño Vindel, premiou vídeos realizados en centros educativos sostidos con fondos públicos e relacionados coa cultura trobadoresca na que se xeraron as cantigas medievais galego-portuguesas.

Presentáronse un total de 58 traballos -28 de infantil e primaria e 30 na categoría do resto de centros educativos-, o que levou o xurado a destacar e agradecer a ampla participación, así como a boa calidade da totalidade das propostas.


A exposición do Museo do Mar

A Consellería de Cultura e Educación e a Universidade de Vigo promoven a mostra “Pergamiño Vindel. Un tesouro en sete cantigas”, que trae a Galicia dende a Morgan Library de Nova York esta xoia da lírica medieval galego-portuguesa. Na exposición, que se poderá visitar ata o mes de marzo no Museo do Mar de Galicia (Vigo), o Pergamiño Vindel dialoga con máis de 50 pezas históricas que explican a sociedade, a estrutura de poderes e a vida cotiá da época das cantigas, así como obras contemporáneas nacidas baixo a inspiración deste mundo poético e do propio mar de Vigo.

Os premios do certame Vindevídeos entregaranse ao longo do mes de febreiro no Museo do Mar de Galicia, co fin de que os galardoados -a quen se lles entregará unha reprodución facsimilar do Pergamiño Vindel- poidan visitar a exposición.

EN POUCOS DÍAS ARRANCAN AS OBRAS DO ASOREY

José Manuel Cores Tourís, asistiu esta mañá ao repranteo das obras de ampliación do IES Francisco Asorey de Cambados.

Estivo acompañado no acto polo concelleiro de Educación de Cambados, Víctor Caamaño, así como polo xefe territorial de Educación, César Pérez Ares, representantes da empresa adxudicataria, San José, e o director do centro, Ángel Manuel Rey.

“Grazas a esta ampliación, o centro poderá atender á demanda da implantación da FP Básica, así como a adaptación dos ciclos formativos profesionais á LOMCE, que pasan a ter unha duración de 2.000 horas”, explicou Cores Tourís, quen engadiu que os traballos se desenvolverán na época estival, minimizando así o impacto na actividade habitual do IES. “A empresa traballará sábados e domingo si fai falta, porque queremos que as obras estean rematadas en catro meses”. Co que desminte ao Delegado de Educación que acusaba ao Concello de retrasar a obra.

Segundo establece o proxecto, para a ampliación do centro procederase á demolición dunha parte da cuberta existente e, a partires de aí, proceder á construción de novos espazos destinados a aulas e espazos polivalentes.

É dicir, que se substituirá a baixo cuberta actual por unha nova planta, de 600 metros cadrados útiles, que albergará un total de sete novas aulas (2 aulas polivalentes, 3 aulas taller e 2 aulas de desdobre), así como dous aseos e almacén de limpeza.

A ampliación do IES Francisco Asorey enmárcase dentro do Plan de Infraestruturas 2016-2020 deseñado pola Consellería de Educación, que ten como obxectivo mellorar a infraestrutura e o equipamento educativo para garantir unha educación pública de calidade.

Este investimento é posible grazas ao Plan de Infraestruturas da Consellería 2016-2020, así como aos recursos obtidos a través do Fondo de Superávit de Responsabilidade co que o Goberno central vén de recompensar a Galicia por ter cumprido o obxectivo de déficit marcado.

INAUGURACIÓN DA EXPOSICIÓN ARTASOREY

Dende o IES Francisco Asorey de Cambados, queren contribuir a facer do evento de Cambados CIDADE EUROPEA DO VIÑO 2017, un lugar de encontro de posicionamentos artísticos e de creatividade. Unha oportunidade que non podemos deixar que pase desapercibida, e que deberá quedar na memoria de tod@s os cambades@s como algo singular e especial. E por suposto, na memoria colectiva deste Instituto, como nexo de unión dunha colectividade que decidiu, no curso académico 2016/17, saír das súas aulas e compartir con toda a sociedade, a súas voces, a súa creatividade, e o feito de sentirse orgullosos de vivir e sentir Cambados.

A mostra poderá visitarse en Exposalnés dende hoxe ata o 2 de xullo.

EDUCACIÓN CONTRATA AS OBRAS DO IES ASOREY

A Consellería de Cultura, Educación e Ordenación Universitaria acaba de formalizar o contrato para levar a cabo as obras de ampliación do IES Francisco Asorey, en Cambados, por un importe de 768.989,15 euros, tal como publica hoxe o Diario Oficial de Galicia (https://www.xunta.gal/dog/Publicados/2017/20170215/AnuncioG0164-020217-0001_gl.html ).

Unha vez formalizado o contrato, a Consellería está a espera de obter a licenza municipal pertinente para realizar as obras. En calquera caso, a complexidade da actuación (que inclúe o desmonte de parte da cuberta existente, e a cimentación e reforzo da estrutura, entre outros) aconsella que os traballos se leven a cabo fóra do horario lectivo. De tal xeito, para garantir a axilidade e a seguridade das obras, a Consellería prevé que comecen no mes de xuño e cando se dispoña da autorización municipal.

O obxectivo da actuación é dar resposta ás necesidade de escolarización deste centro, concretamente no referido á formación profesional. Non en balde, as obras teñen como principal función acoller a FP Básica e mais a adaptación dos ciclos profesionais a 2000 horas. Así mesmo, levaranse a cabo distintas melloras nas instalacións existentes na totalidade do centro educativo.

A obra iniciarase co reforzo estrutural da edificación e a demolición dunha parte da cuberta existente para proceder á construción de novos espazos destinados a aulas e espazos polivalentes. A ampliación, que se realizará no segundo andar da edificación actual, contempla a construción de 2 aulas polivalentes, 3 aulas taller e 2 aulas de desdobre, en total 7 novas aulas, ademais de aseos adaptados para o profesorado e almacén de limpeza, nun total de 656,90 m². Ademais, faranse as melloras necesarias para facilitar o acceso ao novo volume e para integralo no conxunto do edificio actual

A obra está cofinanciada polo Fondo Europeo de Desenvolvemento Rexional nun 80 %, no marco do programa operativo Feder Galicia 2014-2020, eixe 10, obxectivo específico 10.05.01. (expediente ED 31/16-O).

DESAPARECE O ROBOT CAMARERO DO ASOREY

Un grupo integrado por 24 alumnos do IES Asorey crearon un robot para o concurso de robótica que organizou o Campus Industrial de Ferrol. Un concurso para o que traballaron durante moitas horas e que lles valeu o segundo premio, aínda que por un descoido, ao chegar o centro, o robot e o diploma desapareceron.  
O proxecto centrouse na creación dun robot camareiro que crearon modificando a estrutura do Mecano prestada pola organización.  Circula por uns rais instalados no teito de un simulado restaurante, para ir recollendo os pratos sucios das mesas ou deixando pedidos.  Un proxecto innovador, que como xa lles diciamos ao comezo non pode usarse como mostra para vindeiros alumnos, ou simplemente como recordo, porque non saben onde está, por iso estes rapaces cambadeses, piden a quen o teña, ou o vira que llo devolvan. 

SAEN A LICITACIÓN AS OBRAS NO ASOREY

A Consellería de Cultura, Educación e Ordenación Universitaria publica hoxe no Diario Oficial de Galicia (DOG) a licitación das obras de ampliación do IES Francisco Asorey, de Cambados. O orzamento para esta actuación ascende a 924.376,91 euros. O anuncio pode consultarse no enlace http://www.xunta.gal/dog/Publicados/2016/20160920/AnuncioG0164-150916-0001_gl.html .

O obxectivo da actuación é dar resposta ás necesidade de escolarización deste centro, concretamente no referido á formación profesional. Non en balde, as obras teñen como principal función acoller a FP Básica e mais a adaptación dos ciclos profesionais a 2000 horas. Así mesmo, levaranse a cabo distintas melloras nas instalacións existentes na totalidade do centro educativo.

A obra iniciarase co estudo estrutural da edificación e a demolición dunha parte da cuberta existente para proceder á construción de novos espazos destinados a aulas e espazos polivalentes. A ampliación, que se realizará no segundo andar da edificación actual, contempla a construción de 2 aulas polivalentes, 3 aulas taller e 2 aulas de desdobre, en total 7 novas aulas, ademais de aseos adaptados para o profesorado e almacén de limpeza, nun total de 656,90 m². Ademais, faranse as melloras necesarias para facilitar o acceso ao novo volume e para integralo no conxunto do edificio actual

A obras está cofinanciada polo Fondo Europeo de Desenvolvemento Rexional nun 80 %, no marco do programa operativo Feder Galicia 2014-2020, eixe 10, obxectivo específico 10.05.01. (expediente ED 31/16-O).

A XUNTA AMPLIARÁ O INSTITUTO ASOREY

O conselleiro de Educación, Román Rodríguez, visitou este mércores o IES Francisco Asorey de Cambados, onde anunciou a ampliación do centro por un investimento total superior ao millón de euros.

Segundo explicou Rodríguez, a primeira fase das obras licitarase ao longo deste mes e contará cun orzamento próximo aos 251.000 euros. 

A actuación no centro permitirá a implantación da FP Básica, así como a adaptación dos ciclos informativos que alí se imparten á Lomce. 

Sete novas aulas

Segundo establece o proxecto, para a ampliación do centro procederase á demolición dunha parte da cuberta existente e, a partires de aí, proceder á construción de novos espazos destinados a aulas e espazos polivalentes.

É dicir, que se substituirá a baixo cuberta actual por unha nova planta, de 600 metros cadrados útiles, que albergará un total de sete novas aulas (2 aulas polivalentes, 3 aulas taller e 2 aulas de desdobre), así como dous aseos e almacén de limpeza.

A ampliación do IES Francisco Asorey enmárcase dentro do Plan de Infraestruturas 2016-2020 deseñado pola Consellería de Educación, que ten como obxectivo mellorar a infraestrutura e o equipamento educativo para garantir unha educación pública de calidade.

OS ALUMNOS DO ASOREY VISITARÁN O MUSEO DE PONTEVEDRA

O Departamento de XEOGRAFÍA E HISTORIA do I.E.S. Asorey ten programadas para os alumnos de 2º ESO A/B/C o Mércores, 08 de xuño → DESDOBRES-2 e Xoves, 09 de xuño →DESDOBRES-1 unhas visitas ao Museo de Pontevedra e 

ao Centro de Interpretación das Torres Arcebispais (CITA).

No Museo de Pontevedra participarán na actividade-taller “Que hai tras as  

imaxes?”

UNHA ALUMNA DO I.E.S. ASOREY GAÑA UN PREMIO NACIONAL

O blogue, albatecuenta.blogspot.com.es, dunha alumna do cambadés IES Francisco Asorey, Alba Sánchez Barco, foi recoñecido co 1º premio da edición española do concurso de blogues  ¿Qué estás leyendo?, convocado pola Organización de Estados Iberoamericanos para a Educación, a Ciencia e a Cultura e a Fundación SM.

Ter entre 15 e 17 anos e ser alumno dun Instituto de Ensino. Ese, era o principal requisito para participar no concurso ¿Qué estás leyendo?

En que consiste?

Os participantes debían crear un blogue ou utilizar algún que xa tivesen, onde puideran contar a súa experiencia como lector.

O blogue pódese facer individualmente ou en grupo.

No blogue tiñan que falar das súas lecturas pero tamén podían poñelas en relación con outros moitos temas que lles interesen, como o cinema, o videoxogo, o teatro, a música, a fotografía, o deseño gráfico, a pintura...
O blogue pode estar escrito en calquera das linguas de cada país.
O concurso convocaba tamén aos profesores a estimular aos seus alumnos para participar desde calquera ámbito do ensino: Ciencias Sociais, Ciencias da Natureza, Lingua e Literatura, Matemáticas, Música, Artes, Educación Física, a estimular e apoiar aos seus alumnos para participar.

Cal é o premio?

O blogue gañador de cada un dos países obterá, como premio, unha Tablet.

Ademais, todos os participantes recibirán un diploma acreditativo (dixital) da súa pertenza á rede Questasleyendo.org.

Ademais, a organización concedeu 4 mencións especiais, unha delas a Inés Rodríguez Chas, do IES María Casares (Oleiros, A Coruña), polo blog ‘Casi un millón de historias’ (http://casiunmillondehistorias.blogspot.com.es/ ).

Na entrega de premios tamén participaron o delegado da Xunta en Pontevedra José Manuel Cores Tourís; o xefe territorial da Consellería na provincia, César Pérez Áres; Ana Ruth Arnosa, titora do IES Francisco Asorey e a directora do centro, Mª Luísa Prieto Cendán; o coordinador de programas da Fundación SM, José María González Ochoa; Belén de la Torre González, técnico de Programas Educativos da OEI; así como o concelleiro de Educación de Cambados, Víctor Caamaño,