CIDADE EUROPEA DO VIÑO 2017

CIDADE EUROPEA DO VIÑO 2017
CIUDAD EUROPEA DEL VINO 2017
Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.

Buscar neste blog

Amosando publicacións coa etiqueta Concello de Cambados. Amosar todas as publicacións
Amosando publicacións coa etiqueta Concello de Cambados. Amosar todas as publicacións

20.7.17

FEIJÓO SI, FEIJÓO NON











No goberno de Cambados está a exporse a posibilidade de non convidar o presidente da Xunta, Alberto Núñez Feijóo, ao 'Xantar do Albariño'.

O grupo do BNG propuxo aos seus socios de goberno -PSOE, Somos e Pode- que Feijóo non sexa convidado á comida oficial que organiza o Concello o último día da Festa do Albariño, ao considerar que a Xunta actuou "con desprezo e sectarismo" na celebración de Cambados como Cidade Europea do Viño 2017.

O goberno local leva meses queixándose da falta de apoio institucional e económico da Xunta para levar a cabo o programa de actividades para conmemorar a capitalidade de Cambados, tendo mesmo que anular algunhas das actividades previstas.

Os socios de goberno, tras abordar o asunto na xunta local, acordaron volver tratalo nunha reunión que manterán este venres e na que se decidirán os invitados ao Xantar.












19.7.17

A DEPUTACIÓN CONCEDE A CAMBADOS 30.000 € DENTRO DO "PLAN CONCELLOS"











A Deputación de Pontevedra destina 30.000 euros a Cambados no marco do "Plan Concellos 2017"

A institución provincial leva entregado o 74,50% o total destinado a Cambados dentro do Plan, cun investimento situado en máis de 688.000 €

A Deputación de Pontevedra vén de aprobar unha nova achega ao concello de Cambados no marco do "Plan Concellos 2017", dentro da súa liña 1 de investimentos. Nesta ocasión, a institución provincial, presidida por Carmela Silva, achegará 30.000€ para a instalación dun colector de saneamento e cunetas de pluviais en Cortiñas de Abaixo, en Corbillón.
Ao abeiro do "Plan Concellos 2017", anteriormente a institución provincial xa destinara a Cambados outros 311.934,87 euros en liña 1 para a humanización das rúas Ourense e Pontevedra, para o parque infantil de Beleco, para rematar as melloras das beirarrúas da avenida de Vilariño, para dotar de infraestruturas aos núcleos de Veiga e Fonte do Couto, para dotar de mobiliario as oficinas municipais, para facer un traslado do servidor do concello e a súa páxina web, para mellorar o acceso aos colexios de A Pastora e Os Olmos e para a construción dun muro no colexio de Corvillón. Amais tamén se destinara 138.554,85 € en liña 2 para o pagamento de gastos correntes dos seus servizos municipais e para as actividades do Samaín, o Magosto, o Nadal, a Semana Santa, a Festa da Vieira, as Letras Galegas, a Festa dos Maios e o Entroido e, finalmente, 207.565,98 € cos que Cambados puido contratar a 30 persoas que desenvolveron as súas profesións nos distintos servizos municipais da vila.
Coa suma desta nova achega, Cambados xa ten recibido da Deputación de Pontevedra o 74,50% do total do investimento que lle corresponde dentro do "Plan Concellos 2017", isto é, 688.055,70 euros dun total de preto de 925.000 €.




17.7.17

PRESENTADO O CONCURSO DE CAMISETAS DA FESTA DO ALBARIÑO












A asociación Zona Centro de Cambados premiará un ano máis á peña que, segundo o xurado, mellor defina nas súas camisetas o espíritu da Festa do Albariño.
O colectivo de comerciantes presentou esta mañá o xa tradicional concurso de camisetas do Albariño, que, un ano máis, volve repartir 600 euros en vales compra.
Este ano como novidade haberá un premio de 100 con motivo da Capitalidade Europea do Viño.
Un xurado formado por membros da Asociación de comerciantes e do Concello elexirán a camiseta gañadora, e a dous finalistas.
O primeiro premio será de 300 euros, o segundo de 200 e o terceiro de 100.
O prazo de presentación dos deseños é ata o venres 4 de agosto e os interesados en inscribirse deberán presentar un exemplar da camiseta e cubrir unha ficha cos datos dun membro da peña nas oficinas de Zona Centro, na rúa Ourense nº8, de 9 a 14 horas.

Os detalles deste concurso foron presentados esta mañán polo concelleiro Xurxo Charlín e Miguel Solla en representación dos comerciantes.



    • BASES DO CONCURSO

      1. PARTICIPANTES.
      Poderán presentarse a este concurso tódolos grupos que o desexen, non existindo ningún importe de inscrición por presentarse ó concurso. A persoa que inscribe ó grupo, e que recollerá o premio no caso de ser gañadores, debe ter como mínimo 18 anos de idade.

      1. TEMÁTICA.
      Liberdade nos temas (parodias típicas do albariño), sen que se poida ofender de ningunha forma a calquera persoa física ou xurídica.

      1. INSCRIPCIÓN NO CONCURSO.
      Cada grupo de participantes deberán depositar:
        • A folla de inscrición cuberta.
        • 1 camiseta, para que o xurado poida facer a valoración pertinente.
    • .
  1. LUGAR DE ENTREGA E DATA DE PRESENTACIÓN.
    • O lugar de entrega da folla de inscrición e a camiseta é nas oficinas da Asociación, situadas na rúa Ourense nº 8 (antigos xulgados – fronte á Cafeteria Thelma) ,  en horario de 9:00 a 14:00 horas.
    • O último día para realizar a inscripción é o Venres 5 de agosto ate as 13:00 horas.

  1. XURADO.
O xurado estará composto pola socios e directivos da Asociación Cambados Zona Centro.

  1. PREMIOS.
Establécese os seguintes premios en vales compra :
1º PREMIO:                                               300,00 €
2º PREMIO:                                               200,00 €
3º PREMIO:                                               100,00 €
PREMIO “CIDADE EUROPEA DO VIÑO”:   100,00 €

  1. ENTREGA DE PREMIOS.
Este premio será entregado ó grupo gañador o sábado día 5 de agosto no Concello de Cambados as 12:30 horas, expoñendo ante os medios de comunicación as camisetas gañadoras do concurso.

  1. MÁIS INFORMACIÓN.
Oficinas da Asociación Cambados Zona Centro
Rúa Ourense nº 8 (antigos xulgados)
Horario: 9:00 a 14:00 horas.

Tlf.: (986) 52 09 02  (ext.: #742) e_mail: info@cambadoszonacentro.com






16.7.17

O XANTAR DO ALBARIÑO DEIXARÁ 5 € A "AME" POR CADA COMENSAL











O Concello de Cambados pon a venda as tarxetas do Xantar do Albariño - O Xantar tera un custe de 45 euros, sendo destinados 5 euros en beneficio da Asociación GaliciAME.
- O Menú incluirá como novidade nesta edición as Ameixas ao Albariño.
O Concello de Cambados pon a venda as tarxetas para participar no Xantar do Albariño, cun custe de 45 euros, sendo destinados 5 euros deste importe para a entidade sen ánimo de lucro, a Asociación GaliciAME. O Concelleiro de Servizos Sociais e Portavoz de Somos Cambados, Tino Cordal explicou que cada comensal, sexan invitados ou aqueles que compren a tarxeta do Xantar, deberán aboar cinco euros sobre o prezo do menú, desta maneira o prato vai ter un prezo total de 45 euros, destinando esta recadación en axuda “dunha entidade benéfico-asistencial, de Cambados ou da bisbarra” sendo nesta edición a entidade seleccionada a Asociación GaliciAME.
No 2016 comezouse esta iniciativa solidaria por Esperanza Salnés, colectivo cambades que atravesa problemas de financiación, e neste exercicio decidiuse seleccionar a Asociación GaliciAME. Asociación sen animo de lucro de Cambados e na que destaca o labor da súa presidenta Merchi Alvarez, polo gran traballo que esta a realizar na comarca e o seu espírito incansable, loitando día a día non só con esta grave enfermidade, senón tamén pola difusión e sensibilización na sociedade da AME, ademais de tódalas accións que esta a realizar para mellorar a situación das persoas afectadas pola enfermidade da AME, e na busqueda de melloras na calidade de vida e posibles terapias curativas ou paliativas para todas as persoas que sofren esta enfermidade.
Cordal considera que si se mantén a afluencia de comensais ao Xantar, unhas 600 persoas, poderían recadarse uns 3.000 euros para esta asociación. Sobre o feito de encarecer o prezo do prato e introducir o pago aos invitados explicaba que non cree que ningunha persoa poña obxección coñecendo a finalidade da recadación. É máis, opina que ata “pode ser un incentivo” para que máis persoas acudan.

O Xantar contará con Ameixas de Cambados elaboradas ao Albariño Outra das novidades nesta edición do Xantar do Albariño vai ser a introdución dun novo prato no Menú, neste caso tratase dun dos mariscos máis representativos e que máis abunda na lonxa de Cambados: as Ameixas, e que serán elaboradas ao Albariño, unha receita sinxela na elaboración pero cun gran sabor, e na que se maridan dous produtos típicos do noso concello co mellor do noso mar e da nosa terra. O Xantar celebrarase no pazo de Torrado o 6 de agosto (domingo), e segundo explica o Portavoz municipal, Xurxo Charlín, o menú consta do Viño Rías Baixas no que se servirá empanada de pan de millo e de trigo, pementos de Padrón da cooperativa Horsal de Cambados e "polbo á feira" da coñecida “Pulpería Aurora”, unha das máis importantes do Carballiño; xa na mesa servirase o Xantar composto de Cigalas, vieiras de Cambados, Ameixas ao Albariño, Redondo de tenreira ao forno con guarnición e Tarta de Santiago, Café e Augardentes, todo iso regado con viños de máis de 60 bodegas da denominación de orixe Rías Baixas.
Así as cousas, quenes queiran comprar a tarxeta física, xa poden pasar estes días polo Concello, e acudir ao departamento de Recadación. Mentres, os que prefiran adquirila por internet ou non lles quede máis remedio que utilizar esta vía, xa poden obtelas a través da páxina web municipal. Xurxo Charlín responsable do departamento de facenda e Portavoz municipal, explicou que se trata dunha medida que xa se introduciu o ano pasado, e que este ano vaise volver a realizar, xa que desta maneira “facilitase a compra das tarxetas para o Xantar a aquelas persoas que por calquera motivo non poidan pasar polo concello en horario de atención ao público”. Así, o que teñen que facer os interesados en cubrir cos seus datos persoais un formulario que aparece na páxina web, e que servirá para realizar a reserva. Unha vez realizada esta, desde o Concello remitiráselle ao día seguinte por correo electrónico a liquidación, para que o solicitante faga efectivo o pago das entradas compradas ben nun banco ou ben a través da pasarela electrónica habilitada para as liquidacións na web municipal.
Unha vez que estean pagadas ditas liquidacións, será cando as invitacións queden automaticamente reservadas a nome do solicitante. Este poderá acudir posteriormente a recollelas ao Concello ou no posto que se habilita o mesmo día da comida no pazo de Torrado, presentando para iso o carné de identidade.










8.7.17

MERCADO DOS OFICIOS












Na próxima fin de semana, o sábado 15 e o domingo día 16, a Praza de Fefiñáns, será a sede da oferta cultural, artesana e dos oficios tradicionais cunha nova edición do Mercado dos Oficios.
Seguindo o exitoso modelo iniciado o ano pasado o evento organízase en dúas partes, na Praza instalaranse os postos de artesanía, oficios e creación contemporánea, mentres que na alameda de Fefiñáns desenvolveranse as actividades culturais complementarias, mención especial aos creadores e profesionais que farán traballos ao vivo durante os dous días do Mercado, onde poderán verse cesteiros, oleiros, anticuarios e coleccionistas, encadernadores, deseñadores, xoieiros e outros profesionais nun evento que reúne arredor de trinta emprendedores de iniciativas variadas, reunidas baixo o criterio de achegar os labores de creación de artes populares ao gran público.








VII CARREIRA POPULAR CONCELLO DE CAMBADOS










Pechado o prazo de inscripcións, a VII CARREIRA POPULAR CONCELLO DE CAMBADOS  contará cun número de 417 corredores/as. De estes, 359 serán homes e 58 mulleres. Ademáís, contaremos con 63 cambadeses/as. Entre os favoritos a levarse a proba, en homes estarán os atletas da Sociedade Gimnástica Rubén Diz e Manuel “Huracán” Hurtado e o mediofondista internacional marinense do Miller, Víctor Riobó. Tamén pode entrar nas quinielas o atleta de La Bañeza Alejandro Martínez. No caso das féminas, as grandes favoritas para repartirse os tres primeiros postos son as irmás venezolanas afincadas en Pontevedra Edymar e Joselyn Brea e  Paula Mayobre de Ares. Entre os veteranos destacan Javier Fernández Feijoó e Esther Pedrosa, lendas do atletismo galego e español.
IMPORTANTE

ESTE DOMINGO 9 DE XULLO, CON MOTIVO DA CARREIRA POPULAR, DAS 09:30 ÁS 12:00 HORAS DA MAÑÁN PECHARANSE Ó TRÁFICO DE VEHÍCULOS NAS SEGUINTES RÚAS DO CENTRO: PRAZA DE FEFIÑÁNS, AVENIDA DE A CORUÑA, O POMBAL, RIBEIRA DE FEFIÑÁNS, PASEO DA CALZADA, PRAZA DO CONCELLO, PASEO MARÍTIMO, ALAMEDA DE SANTOMÉ, AVENIDA DE GALICIA, AVENIDA DE VILARIÑO, AVENIDA DE MADRID E RÚA REAL.
PREGAMOS DE TÓDOLOS VECIÑOS COLABORACIÓN E QUE SEPAN DISCULPAR AS POSIBLES MOLESTIAS













6.7.17

X.M. BUDIÑO E MERCEDES PEÓN APERITIVO DA FESTA DO ALBARIÑO














Xa está dispoñible (pódela descargar como arquivo adxunto) a programación cultural para os meses de verán.
E ademáis, o martes 1 de agosto na Praza de Fefiñáns, poderemos disfrutar dun aperitivo antes da Festa do Albariño, coa actuación ás 22.30 de Budiño e Mercedes Peón.






REPRESENTACIÓN DE “TRAS O VENTANAL”











Este domingo ás 19:00, o auditorio municipal da Xuventude acolle a representación teatral de “Tras o ventanal”, unha adaptación de “La Fundación” de Antoni Buero Vallejo. 
O prezo da entrada é de 5 euros






ACTUACIÓN DE ANTONIO SEIJO & PABLO ESTELLÉS
















ANTONIO SEIJO & PABLO ESTELLÉS estarán este venres 7 de Xullo ás 22:30 na praza Alfredo Brañas ofrecéndonos un concerto marabilloso, onde nos farán gozar dos mellores temas de todos os tempos. 

A selección do repertorio para o recital inclúe algúns das cancións máis clásicas da década dos oitenta, como I will survive, de Gloria Gaynor, e September, de Earth, Wind & Fire; e dos 90, como Living on a prayer, de Bon Jovi, e The show must go on, de Queen.

Antonio Seijo foi o violinista de Milladoiro durante máis de sete anos e acompañou a artistas como Julio Iglesias e Bonnie Tyler, entre outros. No seu concerto de hoxe haberá colaboracións doutros músicos, como o gaiteiro Óscar Ibáñez; o grupo Menage á Trois e Diana Tarín, semifinalista do programa A Voz da cadea Telecinco. 









5.7.17

PRESENTACIÓN DO LIBRO "VENTO NAS VELAS"




















O vindeiro venres as 20:00 hrs terá lugar na Confraría de Cambados a presentación do libro VENTO NAS VELAS  do fotógrafo Xurxo Lobato.
Intervirán: Fernando Piñeiro, Avelino Ochoa, Ruperto Costa (Patrón Maior da Confraría de Pescadores), Víctor Caamaño (Concelleiro de Cultura de Cambados), e o autor do libro, Xurxo Lobato. Un libro que nace coa vocación de divulgar, difundir e valorar aS embarcacións tradicionais galegas que forman parte do noso Patrimonio Marítimo.
200 fotografías de Xurxo Lobato. Repasa o rico patrimonio das embarcacións e a carpintería de ribeira.
Fichas coas tipoloxías das embarcacións tradicionais galegas, e fotos de faros, muiños de marés, vilas mariñeiras, festas do mar…

Vento nas velas conta con textos, en galego, español e inglés, de Avelino Ochoa, presidente de AGABACHE; José Ramón Soraluce Blond, catedrático de Composición Arquitectónica da UDC; Felipe-Senén López Gómez, arqueólogo, museólogo e académico da Real Academia Galega de Belas Artes; e Lino Prieto, encargado da parte relativa á tipoloxía de embarcacións. Recolle, tanto nos textos como nas fotografías, aspectos da cultura marítima tales como a carpintería de ribeira, a velería, a tipoloxía de embarcacións, os muíños de maré, a fisonomía das poboacións costeiras, os deportes marítimos, e as feiras, festas e romarías para celebrar o mar. 


CAMPAMENTO TECNOLÓXICO EN CAMBADOS











Cambados pon en marcha un campamento tecnolóxico para nenos e nenas de entre 8 e 15 anos durante os meses de xullo e agosto.
Será no edificio da Mercéd e o custe da matrícula é de 55 euros para os empadroados en Cambados e 65 para o resto.
Durante dous meses, todos os días de 9.30 a 13.30 os rapaces poderán aprender o manexo de drons e robots, impresoras 3D, creación de videoxogos, crear un spinner e mesmo elaborar una miniatura de si mesmos.
As inscripcións poden realizarse a través dos teléfonos da empresa Telocrea, organizadora da actividade.






4.7.17

EN XULLO CINE NA RÚA NO PARQUE DE TORRADO











Cinema Animado, todos os mércores de xullo, as 22:30 no parque do Pazo Torrado.

5  de xullo     - TROLLS
12 de xullo    - ANGRY BIRDS
19 de xullo    - MASCOTAS
26 de xullo    - ICE AGE 5







3.7.17

CAMBADOS LIVE FESTIVAL A BENEFICIO DO REFUGIO DE ANIMALES










Cambados adianta as festas de verán cun evento alternativo para a mocidade e ao mesmo tempo solidario co refuxio de animais.
Trátase do Cambados Live Festival, que se celebrará o 8 de xullo, a partir das 11.30 da noite na Praza do Concello coa música de dous djs internacionais.
Ademáis, o evento servirá para recadar fondos para o Refuxio de Animais de Cambados, que terá un punto de venda dos seus productos.






UNIVERSITARIOS DE CALIFORNIA ESTUDAN O ENOTURISMO DE CAMBADOS









Profesores e estudantes da Universidade Fresno en California (Estados Unidos) seleccionaron Galicia e Castela e León como exemplo de enoturismo e turismo rural en España. Nesta viaxe, os estudantes americanos coñecerán in situ os recursos e características específicas dos produtos e da oferta asociada a este segmento turístico.
O grupo xestionado e coordinado pola empresa e-Spain e a súa xerente, Angel Moretón realizaron un percorrido de 4 días pola zona sur de Galicia estudando a oferta enoturística e os recursos agroalimentarios ligados ao turismo.
Os estudantes comezaron  o seu andadura na veciña Comunidade de Castela e León onde foron visitar a D.O. Ribeira do Douro, tiveron a oportunidade de coñecer os viños de Roda visitando as bodegas Hijos de Alberto e a través dunha charla técnica do propio Consello Regulador da denominación de orixe, para finalizar na D.O. Cigales. Posteriormente o grupo emprendeu camiño cara a terras galegas, non sen antes visitar as Medulas e a Denominación de Orixe Bierzo.
 Xa en Galicia o seu primeiro destino foi a Ribeira Sacra cunha primeira parada en Monforte de Lemos para coñecer o traballo do Consello Regulador da Denominación de Orixe e visitar o Museo do Viño. Posteriormente o grupo dirixiuse á bodega Regina Vinarum para poder ver in situ os procesos de vinificación e catar as diferentes variedades da zona. Durante o resto de días os alumnos norteamericanos visitaron a empresa A Rosaleira como exemplo da produción sustentable de produtos vexetais, a bodega Terras Gauda e a Bodega Pazo Baion na D.O. Rias Baixas.
O grupo non abandonou Galicia sen antes facer unha parada no municipio de Cambados para coñecer a súa oferta enoturística e a importancia da mesma o ano en que ostenta a capitalidade europea do Viño. Alí tiveron nunha recepción oficial no salón de plenos e organizóuselle unha pequena visita guiada polos técnicos de turismo municipais, aos monumentos máis importantes de Cambados, pasando pola Praza de Fefiñans, a Torre de San Sadurniño e mesmo as Ruínas da Igrexa de Santa Mariña. Tras unha extraordinaria visita aos tres barrios que conforman a localidade, o grupo tivo a oportunidade de realizar unha cata e viños da D.O. Rias Baixas no Museo da Fundación Manolo Paz.

EXPOSICIÓN DE EMBARCACIÓNS TRADICIONAIS A ESCALA










Desde este vindeiro martes 4 de Xullo e ata o 23 permanecerá aberta a exposición "FASQUÍAS" de embarcacións tradicionais a escala na Confraría de Pescadores de Cambados e que integra nos actos do centenario da mesma.

"Fasquías. Embarcacións tradicionais a escala" é o título da exposición sobre embarcacións tradicionais galegas que a partir do 29 de xuño se poderá ver en Combarro e que percorrerá 6 concellos da provincia con motivo do Ano do Patrimonio. Esta mostra está composta por 18 maquetas de barcos, de diversos tamaños e que corresponden a diferentes tipoloxías, e 13 paneis explicativos.

Esta exposición vai acompañada por unha pequena publicación que leva por título Que embarcación é? Guía de embarcacións tradicionais de Galicia, editada pola Deputación en colaboración con Culturmar e A Citania. Esta guía recolle unha vintena de embarcacións tradicionais tanto de río como de mar e que son as máis comúns nas exposicións e nos encontros deste tipo. Inclúe ademais un glosario mínimo sobre as diferentes partes das embarcacións, os tipos de velas e a tradición das carpinterías de ribeira.

Mañá martes ás 20:00 no salón da Confraría de Pescadores de Cambados, será inaugurada a exposición de maquetas de embarcacións tradicionais, Fasquías, dentro dos actos do "Centenario" nos que Concello e Deputación están a colaborar. A inauguración irá acompañada dunha actuación de Xurxo Souto co seu espectáculo "Océano para terrícolas".




ACTIVIDADES SMARTPEME DO MES DE XULLO













O PROXECTO SMARTPEME DA DEPUTACIÓN LEVARÁ A CABO CINCO

CURSOS EN XULLO NO CENTRO EXPOSALNÉS DE CAMBADOS


SmartPeme é un programa de asesoramento no ámbito das TIC da institución provincial destinado ás persoas emprendedoras e ás pemes da provincia
O Centro ExpoSalnés de Cambados acollerá, durante todo o mes de xullo, cinco obradoiros ao abeiro do programa SmartPeme da Deputación de Pontevedra. SmartPeme ofértalles ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de persoas empresarias e de mozas e mozos autónomos.

28.6.17

CAMBADOS ACOLLE O 3º ENCONTRO DE TELEASISTENCIA DA DEPUTACIÓN











Cambados acolle este xoves o terceiro encontro 2017 de Teleasistencia da Deputación de Pontevedra

O servizo, que asiste a 450 usuarios de 47 concellos da provincia, atendeu o ano pasado 5.000 chamadas de emerxencia e inclúe tamén un programa de prevención do suicidio


O Salón de Congresos e Exposicións José Peña de Cambados acollerá mañá, xoves 29 de xuño, a "III xornada de convivencia" do 2017 de usuarios e usuarias do Servizo de Teleasistencia da Deputación de Pontevedra, que pretende ofrecer un día de ocio e lecer alternativo para estas persoas, que rache coas súas rutinas diarias, e no que tamén poidan aproveitar para intercambiar experiencias e problemáticas comúns polas que sen ven afectadas.

A actividade, á que asistirán a deputada de Cohesión Social Digna Rivas e a alcaldesa de Cambados, Fátima Abal, está dirixida aos usuarios e usuarias do servizo de teleasistencia dos concellos de Cambados, O Grove, Ribadumia, Sanxenxo e Vilanova de Arousa e contará cun espectáculo de maxia e animación a cargo do Mago Noel, globoflexia e música, todo acompañado por un pequeno ágape.

O obxectivo fundamental do servizo de teleasistencia da Deputación é permitir a permanencia das persoas usuarias no seu medio de vida habitual e o contacto permanente co seu entorno socio-familiar, evitando o illamento social, a soidade e asegurando a intervención inmediata ante situacións críticas, o que repercute moi positivamente na calidade de vida destas persoas.

Ante unha situación de emerxencia no fogar, con só  pulsar un botón, os e as usuarias reciben asistencia inmediata, 24 horas ó día e 365 días ó ano, mobilizando os recursos necesarios para dar solución ao problema. Isto é posible grazas a un terminal asociado á liña telefónica, que se instala nos domicilios e que permite establecer unha comunicación directa desde calquera punto da casa, similar ao sistema de "mans libres" dos teléfonos móbiles.

Ademais do seguimento teleasistido e as xornadas de convivencia, o programa inclúe visitas regulares aos usuarios e usuarias co obxectivo de acompañar a estas persoas e así minimizar o sentimento de soidade e illamento ao que moitas se ven abocadas. No ano 2016 o servizo efectuou destas 276 visitas de seguimento, que se sumaron ás que se realizan habitualmente para a resolución de diversas incidencias.







27.6.17

ALEMAÑA TERÁ O VINDEIRO ANO A SÚA FESTA DO ALBARIÑO












O Concello de Cambados, coa colaboración da Mancomunidade do Salnés, levará o próximo ano a Alemaña a Festa do Albariño, a petición dos colectivos de emigrantes que viven naquel país.

O concelleiro de Enoturismo, José Ramón Abal, explicou que durante así llo solicitaron durante unha visita a semana pasada a Kiel e Cuxavhen para promocionar a capitalidade de Cambados como Cidade Europea do Viño.

Unha iniciativa que podería contribuír ao reto da declaración de festa de interese turístico internacional que se marcou o Concello de Cambados para o ano que vén.

O presidente da Mancomunidade do Salnés, Gonzalo Durán, explicou que a réplica da Festa do Albariño en Alemaña non só serviría para promocionar os viños e as adegas de Rías Baixas, senón tamén todos os recursos turísticos do Salnés.

Abal e Durán anunciaron que se retomarán as relacións cos seis concellos de Francia que están hermanados con Cambados e que se reforzará a promoción turística da comarca no Reino Unido.







LECTURA DO MANIFESTO POLO DÍA DO ORGULLO LGTBI














Con motivo da celebración mañá mércores do día do orgullo LGTBI, o Concello de Cambados realizará un acto conmemorativo no cal se dará lectura a un manifesto.
Por terceiro ano consecutivo, a bandeira do arco da vella estará presente no balcón da casa consistorial durante toda a semana.
O evento realizarase ás 11:30 na praza do Concello.


A data do 28 de xuño, recoñecida mundialmente como "Día do Orgullo", conmemora os sucesos de Nova York do ano 1969, onde producíronse manifestacións espontáneas para protestar pola redada policial nun bar denominado Stonewall Inn do barrio neoiorquino de Greenwich Village. Nas décadas dos anos 50 e 60 os gais e as lesbianas estadounidenses debían enfrontarse a un sistema legal moi hostil cos homosexuais.  Todos os estados do país penalizaban o sexo homosexual consentido entre adultos no ámbito privado. En 1961 un home adulto podía ser acusado de "crime" por manter sexo con outro adulto de maneira consensuada na privacidade da súa casa e podía impoñérselle unha multa ou chegar a pasar entre cinco e vinte anos  na cadea.

As movilizacións e manifestacións posteriores a redada policial do bar neoiorquino considéranse como a primeira vez que o colectivo LGTB de Estados Unidos comezou a loita polos seus dereitos.    





26.6.17

CONVOCADO O PLENO DE XUÑO










Fátina Abal como alcaldesa ven de convocar  o pleno do mes de xuño en sesión ordinaria que se celebrará no Salón de Plenos o vindeiro día 29, ás 21:00 horas e no caso de non existir quórum necesario, en segunda convocatoria dous días despois á mesma hora, para debatir os asuntos relacionados no seguinte:

 ORDE DO DÍA
I PARTE RESOLUTIVA
1º.- Aprobación, se procede, da declaración declaración institucional con motivo do día internacional do orgullo LGTBI.
2º.- Aprobación inicial, se procede, do inventario de camiños.

II PARTE DE CONTROL E FISCALIZACIÓN DA XESTIÓN DOS ÓRGANOS MUNICIPAIS DE GOBERNO
3º.- Acordo de goberno de rexeitamento á creación dun xulgado uniprovincial para asuntos de cláusulas chan.
4º.- Acordo de Goberno para reclamar ao Sevizo Galego de Saúde que substitúa ao persoal do Centro de Saúde de Cambados tanto nas súas baixas coma na súas vacaións e que se manteña o horario de consultas e os servizos habituais durante o verán.
5º.- Dar conta das resolucións da alcaldía
6º.- Rogos e preguntas

 O pleno como é habitual poderalo seguir na web do Concello