Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.
Amosando publicacións coa etiqueta OCIO. Amosar todas as publicacións
Amosando publicacións coa etiqueta OCIO. Amosar todas as publicacións

24 de abril de 2018

FESTA DA BICICLETA EN CAMBADOS



O domingo 6 de maio, ás 11:00 arrinca na praza de Fefiñáns unha nova edición da Festa da Bicicleta. O percorrido será de aproximadamente 11 km e ao final do mesmo haberá un sorteo de bicicletas, para o que haberá que inscribirse ás 10:00 na mesma praza.
Percorrido: Saída Praza Fefiñáns; Príncipe; Paseo Calzada; Santo Tomé; Narciso Pérez®; Avda. Galicia; Pastora; dirección Vilariño® hacia Martín Códax; Modia; Corvillón ®; N-549 dirección Tragove ®; Avd. Coruña e Plaza Fefiñáns.
®-Retencións
Lembrade que é obligatorio o uso do casco!

20 de abril de 2018

CONTINÚAN AS ACTIVIDADES DE ALTERNATÍVATE



Esta noite, continúa ALTERNATÍVATE!!
ás 22:00 teremos un obradoiro de bailes latinos impartido por Ismael Pardo, no salón Peña.
E mañá, obradoiro de repostería creativa, tamén ás 22:00 na cociña do salón Peña. Impartido por María José Area (esta actividade será con inscripción previa, no correo alternativate@hotmail.com)
Ambas actividades son de balde!!


19 de abril de 2018

UNHA NOVA RUTA CULTURAL E HISTÓRICA DA DEPUTACIÓN TOCARÁ CAMBADOS

Carmela Silva presentando Madrugas, Pedro?

Carmela Silva anuncia a posta en marcha dunha nova ruta para coñecer o patrimonio histórico da provincia: a ruta de Pedro Madruga

"Madrugas, Pedro?" pretende "desestacionalizar o turismo con actuacións que dean a coñecer que a provincia oferta múltiples historias que se poden vivir os 365 días do ano"

A presidenta da Deputación de Pontevedra anunciou esta mañá a posta en marcha dunha nova ruta para coñecer o patrimonio histórico das Rías Baixas: a ruta de Pedro Madruga. Carmela Silva subliñou que "con esta iniciativa pretendemos desestacionalizar o turismo, tal e como marca o Plan Estratéxico de Turismo, promovendo actuacións para dar a coñecer que a provincia oferta múltiples historias que se poden vivir os 365 días do ano".
A nova ruta "Madrugas, Pedro?" "une este obxectivo de desestacionalización –indicou a presidenta provincial – co eixo da campaña de promoción do destino Rías Baixas "Somos historias" para dar a coñecer que a provincia de Pontevedra permite vivir moitas historias, neste caso, relacionadas co patrimonio fortificado". Máis polo miúdo, e tal e como informou Carmela Silva, a ruta percorre fortificacións e os seus restos dos concellos de Soutomaior, Crecente, Mondariz, Salvaterra de Miño, Tui, Baiona, Vigo, Sanxenxo e Cambados, todos eles visitables e con acceso durante os 365 días do ano, nos que Pedro Madruga e a familia Sotomayor deixaron a súa pegada. 
En concreto, a presidenta detallou que a nova ruta de Pedro Madruga atravesa desde o castelo de Soutomaior, no que viviu, ata a Torre de Fornelos (Crecente) que reconstruíu e acabou posuíndo trala declaración de paz entre os Reis Católicos e a coroa portuguesa; o castelo de Sobroso, tomado por Madruga tralas loitas señoriais entre os Sotomayor e os Sarmiento, loitas que tamén implicaron ao castelo de Salvaterra, cedido polos Reis Católicos a Madruga. A ruta tamén pasa por Tui onde Madruga exerceu a encomenda sobre a igrexa e o vizcondado da cidade; polo castelo de Monterreal (Baiona), gobernado por Garci Méndez de Sotomayor, casado con Constanza de Sotomayor, filla de Pedro Madruga; por Vigo, xa que Pedro Madruga obtivo de Enrique IV un interese de 150.000 marabedís sobre as rendas reais da cidade; e polas torres da Lanzada e de San Sadurniño, reconstruídas por Suero Gómez de Sotomayor tralas revoltas Irmandiñas.
Con respecto ao nome seleccionado para a ruta "Madrugas, Pedro?" a presidenta provincial destacou que se trata de "espertar a interese para coñecer esta figura tan importante na historia de Galicia e tamén de España do século XV". De feito, Carmela Silva recordou que a orixe do alcume de Pedro Madruga para Pedro Álvarez de Sotomayor "vén dada polas loitas que mantivo co conde de Ribadavia polos límites de xurisdición, que os levou a acreditar ante notario que resolverían esta cuestión saíndo ambos a cabo dos seus respectivos castelos cando cantase o galo, establecendo o linde definitivo no lugar no que se atopasen. O que aconteceu, segundo as lendas, é que Pedro conseguiu adestrar un galo para que cantase cando batese as palmas e fíxoo cantar durante a noite, de modo que ao amencer xa estaba en Ribadavia onde o seu conde, ao avistalo, díxolle "Madrugas, Pedro!" e de aí quedou o de Pedro Madruga".

A presidenta da Deputación de Pontevedra informou que a nova ruta de Pedro Madruga formará parte das campañas de promoción turística da Deputación de Pontevedra, distribuíndose folletos a través das oficinas de turismo así como un vídeo divulgativo, que tamén estará dispoñible nas webs institucionais e redes sociais, con todas as fortificacións que integran a ruta.


13 de abril de 2018

A BLOGUEIRA FIONA FERRER VISITA CAMBADOS ESTE DOMINGO




A presidenta da Deputación de Pontevedra, Carmela Silva, deu a coñecer que desde hoxe e ata o vindeiro luns, 16 de abril, a coñecida blogueira Fiona Ferrer estará a percorrer o destino Rías Baixas no marco dunha nova acción de promoción das Rías Baixas. O principal obxectivo deste blogtrip, tal e como informou Silva, é "converter ao destino Pontevedra provincia nun lugar de excelencia, de calidade, único e exclusivo como marcan as liñas do Plan estratéxico de turismo".
Deste xeito, durante as pasadas semanas, a Deputación de Pontevedra levou a cabo unha planificación da viaxe da blogueira Fiona Ferrer, seleccionada por American Express para coñecer o noso destino. Esta semana, tal e como informou a presidenta, Ferrer encargouse xa de compartir a través das súas redes sociais información do noso destino e o seu enfoque da viaxe e, desde hoxe mesmo e ata o vindeiro luns, estará coñecendo diferentes lugares da provincia. Ao longo desta xornada coñecerá Tui, coñecendo o patrimonio cultural e realizando unha ruta de shopping, e Baiona, onde descubrirá o noso patrimonio natural e como relaxarse nas Rías Baixas.
A presidenta da Deputación adiantou que mañá, sábado, Fiona Ferrer coñecerá Sanxenxo e O Grove, coa súa Illa da Toxa. Durante este día aproveitará para descubrir o patrimonio natural, a gastronomía e o termalismo que oferta a provincia de Pontevedra. Xa para o domingo o lugar seleccionado é Cambados, onde realizará unha ruta cultural e gastronómica, e Cuntis, onde se aloxará nun establecemento de turismo rural e descubrirá máis ofertas do patrimonio natural das Rías Baixas. A última xornada do blogtrip de Fiona Ferrer terá lugar o luns, 16 de abril, cunha visita a Lalín para percorrer o pazo de Liñares e Castrodeza e descubrir, así, o patrimonio arqueolóxico e o gastronómico a través dunha degustación de cocido.
blogtrip polas Rías Baixas, no que participará Fiona Ferrer, está enmarcado no "Premio Blogueiro e Blogueira Gold 2018" impulsado por American Express e que consisten en valorar a experiencia de seis influencers de diferentes sectores que visitarán durante catro días un destino nacional. A presidenta explicou que "na súa viaxe, gravarán un vídeo de dez minutos de duración que recollerá as experiencias vividas no destino e que será valorado polo público final e por un xurado de persoas expertas para elixir ao mellor blogueiro e/ou blogueira gold, que recibirá o premio nunha gala que terá lugar en xuño".
A Deputación colabora con esta iniciativa "tralo interese amosado por American Express para que a nosa provincia fose un dos destinos nacionais que participasen nos premios", indicou a presidenta provincial. Ademais, tal e como destacou Silva, o premio "ten un importante impacto, con centos de milleiros de visitas á súa web, cun impacto en redes sociais de máis de cinco millóns de perfís alcanzados en Twitter, máis de 27 millóns de impresións nesta mesma  rede social, máis de tres millóns de perfís alcanzados en Facebook, e 13 millóns de impactos a través dunha trintena de medios nacionais e locais".


ARRANCAN AS NOITES DE OCIO PARA XÓVENES "ALTERNATÍVATE"


Alternatívate Cambados comezará este venres o seu programa de actividades de lecer alternativo para os menores de 35 anos cun Ciclo de Cinema de Terror que inaugura no Auditorio A Xuventude a película O segredo de Marrowbone.
O segredo de Marrowbone, é unha película española dirixida por Sergio G. Sánchez ambientada nos anos 60, na que catro irmáns, temendo que lles separen tras a morte da súa nai, escóndense do mundo na súa abandonada granxa, un lugar cuxas vellas paredes esconden un terrible segredo.

Trátase dunha actividade gratuíta e na que non é necesaria unha inscrición previa, polo que desde a Concellería de Xuventude de Cambados animan á poboación maior de 16 anos a gozar destas proxeccións, que comezarán a emitirse ás 22 horas.

Venres 13 ás 20:00h Auditorio de A Xuventude

E mañán sábado Dani "Bacana" impartirá o Obradoiro de Capoeira. Con máis de 10 anos neste mundo adícase a ensinaza desta técnica polo Salnés e no 2017 gañou o Campionato Europeo de Savigliano na categoría de adulto. Non perdas este obraoiro. 

Sábado 14 - Salón Peña - 10 da noite - Entrada gratuita.



10 de abril de 2018

TEATRO CARACOL VAISE AO LONXANO OESTE



Este ano o Teatro Caracol lévanos ao "Far West". No 25 aniversario da compañía  Olga González adaptou o Lonxano Oeste da compañía Yllana hai uns anos para trasladalo a Cambados.
O día 22 deste mes será o día no que o público en xeral poderá ver a obra. Desde ese día 18 e ata o 27, unha representación ao día para os nenos dos centros de ensino do Salnés.

E como 25 anos non se cumpren todos os días, Teatro Caracol ten pensado estrear no mes de setembro un documental sobre estes 25 anos no que se vexa a traxectoria da compañía nestes alos que encheron de sorrisos a miles de rapaces e non tan rapaces.

Xa podedes recoller as entradas en SANSATUR ou en CHINELAS, para asistir a obra deste ano.
Día 22 de abril as 18:00 e 20:00horas no salón de actos do Asorey.





VI SERÁN DE VOLANDEIRA



O vindeiro 28 de abril o OBRADOIRO VOLANDEIRA celebrarán o seu VI Serán e convidan a todos a pasar unha agradable tarde-noite con eles, disfrutando da música e o baile da nosa terra.
Será a partires das 21:30 da noite no Salón José Peña.
Animádevos a participar!!!


9 de abril de 2018

NOITES MOUCHAS CONTRAATACAN E APUNTAN DIRECTAMENTE AO CONCELLEIRO DE XUVENTUDE

A continuación reproducimos un post da páxina de Noites Mouchas no que contraatacan sen tregua contra o concelleiro, sen nomealo, de Xuventude Miguel Pérez Osorio

LOS DEMÁS SON CORRUPTOS.... PERO SI LO HAGO YO SI ESO YA TAL...
ABUSO DE PODER
Como bien se dice en la noticia, estar en política no debe ser una traba para "encontrar" trabajo, así como tampoco debe ser para el joven concejal de juventud dar la realización de un proyecto pionero en Cambados, y por tanto, de una idea que a él no se le habría ocurrido jamás, a un amigo afiliado a un mismo partido y con las supuestas mismas ideologías políticas.
Proyecto que tiene éxito que pide que se repita por parte de los cambadeses y a los que NUNCA se les dio respuesta en sus mensajes a la página del Concello que... (ATENTOS) él mismo gestiona, PERO POR CAPRICHO PERSONAL nunca fuimos una opción a concursar este año.



MENTIR Y DIFAMAR EN MEDIOS PÚBLICOS (PORQUE DIALOGAR CON NOSOTROS NUNCA FUE UNA OPCIÓN) Noites Mouchas tenía un presupuesto SIMILAR en su totalidad porque recordemos que, a pesar de esas 2 actividades menos de las que presume el concejal, en su programación se incluyó también un festival de música como cierre del programa, en el cual por supuesto se pagó a los grupos que tocaron y al técnico de sonido responsable (cualquiera que tenga un poco de idea sabrá que el precio de un festival y el volumen de trabajo que su organización supone no es comparable con una actividad de cine o baile de salón). Todavía así nuestro presupuesto distaba bastante del actual, aunque si sumamos el gasto de la reposición del cartel de la fiesta final (recordamos que el primero fue hecho pedazos por este señor) igual hasta puede ser cierto que los gastos ascendieran a tal cantidad.

ABUSO DE PODER GRACIAS AL SILLÓN QUE TIENE GRACIAS A TODOS LOS CAMBADESES
No nos quiso ni recibir, en ningún momento fuimos opción…pero nuestro proyecto del año pasado se lo ofreció a varias personas en su despacho para que ellas fueran las encargadas de desarrollarlo…que sí, muy descontento con el resultado, no?


ABUSO DE PODER, ELECCIÓN A DEDO, CORRUPCIÓN.

A pesar de todo, nos sentimos orgullosos de haber sido una inspiración para la realización de "algo" para la juventud por parte de una Concejalía inexistente (QUE GRANDES PROYECTOS SACÓ ADELANTE ESTE HOMBRE DESDE QUE LE REGALARON UN SILLÓN), así como también lo estamos por haber contribuido a la base del discurso de la alcaldesa ante la prensa sobre la fundamentación de dicho proyecto (da la casualidad de que se repiten argumentos que nosotros mismos presentábamos el año pasado), pero si se quiere sentir pionera e importante, adelante.

Por último... #NoitesMouchas era y será UN PROGRAMA DE OCIO ALTERNATIVO, diferente al resto de actividades nocturnas que se llevan a cabo en otros muchos ayuntamientos. Y decimos que es ALTERNATIVO porque no son los habituales talleres con actividades variadas, si no que muchas de nuestras actividades han consistido en UNA SIMULACIÓN DE PROGRAMAS DE TELEVISIÓN, con todo el trabajo e ingenio que eso conlleva por detrás. PERO SI OS QUERÉIS HACER CON EL TÉRMINO, ADELANTE, YA NOS QUITASTEIS TODO, EXCEPTO EL DERECHO A VOTO.

#mexanporenribadenos 
#seicachove #verjonsadeconcejal 
#dedomaxicoparaelexir 
#comonosjustaunhasilla 
#maisvaleenchufequetalento




6 de abril de 2018

PRESENTADAS AS NOITES DE OCIO XUVENIL DE CAMBADOS





  • Alternatívate forma parte da programación que a concellería de mocidade dirixida por Miguel Pérez que pon en marcha para ofrecer alternativas de lecer á mocidade de Cambados
  • Como alcaldesa de Cambados sempre entendín que había que ter unha concellería de mocidade e que esta fose unha concellería imaxinativa e para os mozos e mozas que conte con iniciativas como é o caso de Alternatívate, que estou segura será un éxito.                                                                                                                                                                                                           
Onte no salón de plenos do concello de Cambados tivo lugar a presentación da programación para os próximos días de múltiples actuacións enfocadas á mocidade cun tipo de lecer que a xente nova estaba a demandar moi activamente.
O programa que presentaron a alcaldesa Fátima Abal e Miguel Pérez Osorio consta de 14 actividades, nas que buscaron a máxima variedade. Teñen un ciclo de cinema de terror, actividades que fomentan o deporte, e outras orientadas á creatividade. Desenvolveranse entre os días 13 de abril e o 24 de maio, e a entrada será totalmente gratuíta para toda as actividades, algunhas delas con inscrición previa.
Fátima Abal cre firmemente na mocidade de Cambados, e por esta causa sabe de certo que o deporte é moi importante na vida cotiá da mocidade, pero tamén é moi certo que os mozos e mozas necesitan o seu tempo de esparexemento e lecer e deixar a pasividade e peche que ofrecen as novas tecnoloxías, para saír a gozar de todo o que o noso pobo pode ofrecerlles, e por iso nace Alternatívate e segundo di a alcaldesa, “isto só é o comezo teño grandes proxectos en mente que sumados aos de Miguel Pérez farán de Cambados un referente para a diversión e lecer xuvenil na Comarca do Salnes.
As inscricións para as actividades que o precisen faranse a través do seguinte correo: alternativate@hotmail.com.  O programa completo pódese consultar no seguinte enlace:


22 de febreiro de 2018

FRANCO MINETTI TRAE O AUDITORIO DE CAMBADOS UN NOVO FANTASY SHOW








- O Evento será o vindeiro Sábado 10 de marzo ás 18:30 horas no Auditorio da Xuventude.

O artista Franco Minetti vai presentar no auditorio da Xuventude de Cambados o vindeiro Sábado 10 de marzo ás 18:30 horas un novo Fantasy Show e que terá un custe de 5€ para os nenos e 7€ para os adultos.

Tratase dun evento circense no que participara a Patrulla Perruna, xunto con malabaristas, equilibristas, faquires e pallasos, e que esta enfocado para os máis pequenos da casa e tratase dun espectáculo sen animais.

O organizador do evento cedeulle 20 entradas aos servizos sociais municipais, para que foran entregadas directamente as familias con menos recursos do concello, aínda que dende a Concellaría de Asuntos Sociais, o tenente de alcalde Tino Cordal, recoñece que hai outras necesidades prioritarias nestes momentos, pero insiste en que tamén é importante, e axuda a integración social que estes nenos que pertencen a familias que están en risco de exclusión social poidan gozar de este tipo de eventos e actividades.


A medida que se vai realizar dende os Servizos Sociais do Concello, vai implicar directamente os técnicos municipais desta area, xa que van ser estes os encargados de canalizar a entrega das entradas gratuítas para estas familias de xeito confidencial e privado, garantindo que chegan aos que realmente o necesitan e evitando, deste modo, que haxa distinción entre os nenos, co que se elimina a posibilidade de estigmatizar aos menores que as utilicen. 






12 de febreiro de 2018

GRAN DESFILE DE ENTROIDO ONTE EN CAMBADOS









As carrozas tomaron ás rúas de Cambados e numeros público as beirarrúas para admirar un gran desfile.
Saíron unha hora despois do previsto, dadas as previsións do tempo que auguraban tempo seco entre as 5 e as 8 da tarde. A choiva respectou finalmente o desfile de carrozas previsto este domingo en Cambados. A persistente choiva da mañá levou ao goberno local e ao departamento de Cultura a afinar a previsión meteorolóxica, tomando en vista desta a decisión de pospoñer. O multitudinario desfile que onte pola tarde percorreu a rúas cambadesas rematou coa vitoria da carroza "Había unha vez un monte", da asociación Volandeira, polo que o primeiro premio, dotado con 500 euros. Paradóxicamente na avenida da Coruña nesta carroza declarouse un incendio nun dos xeradores. Sufocado inmediatamente por Protección Civil de Cambados e sin lamentar danos personais. O número de carrozas foi lixeiramente inferior ás 21 (22 anotadas) por 22 (24 anotadas) que participaron na cita do ano anterior. Ás participantes neste 2018 tiveron un gran nivel e aumentou o número de persoas que desfilaron, nesta clásico do Entroido cambadés. En canto aos premios, o primeiro (500 euros) foi para “Había unha vez un monte”, o segundo (400 euros) para “ Tiki Tiki Hula Hula” e o terceiro (300) para “ Gothanpa, superheroes de cómic”.

Ademais, tiveron a sua gratificación de 200€ ás carrozas e de 100€ ás maquetas pola súa participación. 

Reportaxe fotográfico da Voz de Galicia

E para hoxe......

BAILE INFANTIL E CONCURSO DE FILLOAS desde ás 17.00 h. 
No Salón de Congresos e Exposicións J. Peña, Baile de Entroido Infantil con animación a cargo de Chic e premios para os mellores disfraces individuais de 50€, parella 100€, grupo de 150€. Ditos galardóns serán cambiables en establecementos comerciais asociados a Zona Centro. Organizan, xunto co Concello, a Confraría de Pescadores San Antonio e Zona Centro. 
17.30 h. Concurso de Filloas na Sala de Degustacións do Salón de Congresos e Exposicións J. Peña con premios de 100€ ás máis saborosas e 100€ ao maior número de filloas feitas en 30 minutos. O resto dos participantes recibirán unha gratificación de 60€. 








9 de febreiro de 2018

TODA A PROGRAMACIÓN DO ENTROIDO DE CAMBADOS













Venres de ENTROIDO 

A TÚA CARA SÓAME 22.30 h. 
Na Praza de Alfredo Brañas A túa cara sóame, espectáculo musical imitando o programa “Tu cara me suena” onde teremos actuacións con música en directo. Anímase a toda a xente a que veña disfrazada de cantantes ou grupos musicais. 

* En caso de choiva trasladarase ao recinto do Salón de Congresos e Exposicións J. Peña


Sábado de ENTROIDO 

A partir das 17.00 h. 
No Parque de Torrado animación infantil e inchables da man de Animar-T*. 

21.00 a 01.00 h. 
Na Praza de Alfredo Brañas, Discoteca Móvil La Chata. Organizado polos locais A Leria, Brothers e Baloca. 

* En caso de choiva trasladarase ao recinto do Salón de Congresos e Exposicións J. Peña.


Domingo de ENTROIDO 

DESFILE DE CARROZAS 16.00 h. 
Na Escalinata de San Tomé, recepción das carrozas e maquetas inscritas que participen no desfile. 17.00 h. Comezo do desfile das carrozas acompañadas da música do Grupo de Batucada Olodum do Coio polas seguintes rúas: Escalinata de San Tomé – Avda. de Galicia – Praza do Concello – Avda. de Madrid – Praza de Fefiñáns – Avda. da Coruña – Ribeira de FefiñánsPaseo da Calzada – Praza do Concello. O desfile será retransmitido polo DJ Studio 21. 
18.30 h. Entrega de diplomas dos premios do concurso de 300€ á 3ª clasificada, 400€ á 2ª clasificada e 500€ á 1ª clasificada. Ademais, farase constar a gratificación de 200€ ás carrozas e de 100€ ás maquetas pola súa participación. 
(Para máis información, consultar as bases) 

* En caso de choiva o desfile farase o martes 13 ou como última data o sábado 17 de febreiro

Luns de ENTROIDO 

BAILE INFANTIL E CONCURSO DE FILLOAS 17.00 h. 
No Salón de Congresos e Exposicións J. Peña, Baile de Entroido Infantil con animación a cargo de Chic e premios para os mellores disfraces individuais de 50€, parella 100€, grupo de 150€. Ditos galardóns serán cambiables en establecementos comerciais asociados a Zona Centro. Organizan, xunto co Concello, a Confraría de Pescadores San Antonio e Zona Centro. (Para máis información, consultar as bases). 
17.30 h. Concurso de Filloas na Sala de Degustacións do Salón de Congresos e Exposicións J. Peña con premios de 100€ ás máis saborosas e 100€ ao maior número de filloas feitas en 30 minutos. O resto dos participantes recibirán unha gratificación de 60€. 
(Para máis información, consultar as bases).

Martes de ENTROIDO 

GRAN CONCURSO DE DISFRACES XUVENÍS E ADULTOS E CONCURSO DE COMPARSAS 17.00 h. Na Praza do Concello, Concurso de Disfraces nas categorías de xuvenil e adulto amenizado polos DJs Studio 21 con premios en vales de compra nos establecementos comerciais asociados a Zona Centro ao mellor disfrace individual de 100€, parella 150€ e grupo 200€. 18.30 h. 
Concurso de Comparsas con premios para as tres primeiras clasificadas: un 1º premio de 300€, un 2º premio de 200€ e 3º premio de 100€. Para o resto de participantes non premiados haberá unha gratificación de 100 €. 
(Para máis información, consultar as bases) 
*En caso de choiva ambos concursos trasladaranse ao Salón de Congresos e Exposicións J. Peña. 
* En caso de traslado do concurso de carrozas ao martes 13 de febreiro, o concurso de disfraces pasará a realizarse o domingo 11 de febreiro, no Salón Peña

Mércores de CINSA 

ENTERRO DA SARDIÑA 18:00 h. Na Praza do Concello*, degustación de doces típicos do Entroido, grazas á colaboración da Asociación “Amas de Casa Albariño”. 
19.00 h. Trala papatoria, terá lugar a homilía, antes do Enterro da Sardiña, que este ano guiará o Abade Avelino González cos cánticos sacros de Charanga Os Jaláticos e Olodum do Coio. Choróns e choronas quedades todos convidados formar parte deste sepelio que terá lugar na praia de San Tomé... para acabar con Don Macho-Man, a lacra do machismo na sociedade actual, queimándoo no lume purificador. 
* En caso de choiva trasladarase ao recinto do Salón de Congresos e Exposicións J. Peña.


Bases dos concursos








5 de febreiro de 2018

FÁTIMA ABAL PRESENTOU A FESTA DO “ALBARIÑO” 2018













A alcaldesa Fátima Abal : “ falta moi pouco para que a Festa do Albariño sexa recoñecida como festa de interés turístico Internacional, levamos 66 anos celebrando e honrando a cultura do viño”
A alcaldesa de cambados Fátima Abal presentou hoxe no palacete das Mendoza, sede de Turismo das Rías Baixas, a edición numero 66 da Festa do Albariño. Recordou con orgullo os comezos da feira alá polo ano 1953, ó calor da amizade compartida dun grupo de entusiastas do viño que competían da maneira máis fraternal pola mellor colleita do ano. Na actualidade expertos e sommeliers de toda España realizan a cata profesional que nomeará o mellor viño Albariño do ano.
Esta idea revolucionaria, salientou a alcaldesa, continúa vixente a día de hoxe , onde milleiros de persoas acoden cada ano para visitar as rúas e prazas e viaxar ó país dos sentidos, co sabor, aroma e esa cor amarelo dourado tan carismática deste caldo tan recoñecido; como dicía Álvaro Cunqueiro “o príncipe dos dourados”.
Foi en 1977 cando a Festa do Albariño recoñécese como Festa de Interese Turístico Nacional e a alcaldesa quixo salientar que se seguen traballando duro desde o grupo de goberno para que moi pronto sexa recoñecida festa de interese turístico internacional.
Son xa 66 anos de antigüidade da segunda festa gastronómica máis antiga de Galicia que no pasado ano 2017 nomeou a Cambados “Cidade Europea do Viño”.
A alcaldesa estivo acompañada dos seus homónimos da provincia xunto ca presidenta da deputación Carmela Silva, para salientar que as nosas festas dan a coñecer a nosa cultura e a nosa gastronomía, Cambados recibiu a pasada edición da Festa do Albariño a 200 mil persoas, e un rexistro en vendas de 90 mil botellas de viño en 5 anos. Un sector económico en mellora permanente donde enólogos e viticultores son os protagonistas.
A Festa do Albariño será inaugurada no paseo da Calzada por un cambadés ou cambadesa de renome 5 días antes do primeiro domingo de agosto á unha da tarde, e posteriormente dará comezo a festa con folclore e gaitas como manda a nosa cultura tradicional. De seguido se abrirán os stands para degustar os caldos, a gastronomía e durante os cinco días e noites que dura a festa Cambados será escenario de concertos e festivais de música , talleres, festas infantís, desfiles, teatro , e actividades para todas as idades.
A Festa remata ese  primeiro domingo  de agosto no que será escollido o mellor albariño do mundo, haberá  espectáculo pirotécnico un minuto antes da media noite e para pechar un festival de música en directo que cerra ata o próximo ano os días de adoración o noso caldo mais recoñecido.






26 de xaneiro de 2018

PERIGAN AS "NOITES MOUCHAS"











Queridos Mouchos e Mouchas:
Lamentamos comunicarvos que este ano NOITES MOUCHAS non se levará a cabo en Cambados.
O ano pasado terminábamos o programa coa "divertida" anécdota de que un vándalo nos rompera o cartel recén colocado da festa final das Noites Mouchas, e este ano quere seguir facendo das súas.
A última da que nos enteramos, é de que este individuo esta ofrecendo o noso proxecto das Noites Mouchas a outras persoas para que fagan algo "similar", porque segundo el, Noites Mouchas nin funciona nin lle gusta (no mesmo horario, no mesmo lugar, para o mesmo público obxectivo e tomando como referencia o que nós xa fixemos... Algo "similar" disque).

Entramos aquí nun debate, ata que punto pode unha persoa decidir por tantas que pasaron polo noso ciclo de actividades e están desexando repetir? Que paradoxa que este neno atrapado nun cargo de concelleiro, non teña unha mentalidade nin tan social, nin tan lista... Agora mesmo atopámonos na situación de que, tras semanas de traballo e cunha primeira edición xa ás costas, que se fixo para demostrar que estamos capacitados para traballar e ademais facelo ben, presentamos un novo proxecto para as Noites Mouchas do 2018 en Cambados, estando dispostos a escoitar propostas por parte da Concellaría de Xuventude, para adaptalo ou varialo no que fixera falta, pero só escoitamos o NON por resposta, sen sequera querernos atender. Como ben saberedes, as Noites Mouchas son un programa de ocio nocturno alternativo para a xuventude, pero este ano, tras a demanda que tivo a pasada edición, propoñiamos facer unha nova edición sen límite de idade, para que puidera acudir todo o mundo que quixera pasar un bo rato as noites do venres sen ter que coller o coche e saír do seu pobo, ou facer un gasto económico para poder socializar, por iso tamén falamos con outro bloque do goberno local e tampouco foi receptivo as nosas propostas. Cambados foi o primeiro, porque nós somos de aquí e porque sabemos das necesidades da xente nova, coma nós. Pero, ás veces, ser novo non é bo, e tes que demostrar continuamente a túa profesionalidade, sen medios, sen recursos, e se aínda así o fas ben, é moito máis doado quitarche o traballo das mans e apropiarse de el. Por todo isto con moita tristeza pola nosa parte, a día de hoxe non haberá Noites Mouchas en Cambados, non por que nos non queiramos, se non por falta de interese e vontade de quen ten a responsabilidade nestas áreas do concello. Aínda temos a esperanza de quen se comprometeu o ano pasado públicamente a repetir este tipo de actividades, corrixa esta actitude do responsable da área de xuventude, queda pouco tempo, pero aínda se pode chegar a facer se hai interese en facelo.
Seguimos tendo as mesmas ganas de facer que os venres sexan o mellor día da semana. Somos conscientes de que este texto terá consecuencias, pero sentímonos na obriga de informarvos e ser sinceros con vós, porque para enganar ocultar e mentir, sobra xente (que non persoas, e menos mouchos)
Un saúdo dende as altas esferas mouchas,

Vémonos pronto e con novidades.











4 de xaneiro de 2018

MAÑÁN SAIRÁ A CABALGATA DOS REIS EN CAMBADOS










Mañán venres 5 de Xaneiro, os Reis Magos visitarán a vila cambadesa.
Ás 12.30 horas, Melchor, Gaspar e Baltasar recibirán aos nenos e nenas no salón de plenos de Concello. Pola tarde, a partir das 17.00 horas, As súas Maxestades percorrerán coas súas carrozas acompañados polos seus séquitos e a banda de Música de Castrelo as principais rúas da localidade, desde a praza de Fefiñáns facendo o percorrido de costume.

Os Reis de Oriente percorrerán mañá as principais rúas do centro de Cambados para saudar aos máis pequenos. Cada un contará coa súa carroza e o Concello xa as ten listas para que todo salga perfecto. Ademais, como xa é tradición, a asociación Volandeira tamén creou unha montaxe especial para a ocasión.
O Concello comprou unha tonelada, para tamén entregalos nas cabalgatas das parroquias.
Melchor, Gaspar e Baltasar chegarán pola mañá e nas súas axendas teñen actos previos antes da gran cabalgata da tarde. Así, ás 11:30 horas visitará aos anciáns do asilo de San Tomé para desexarlles felices festas. Tamén haberá unha recepción oficial na Casa do Concello. Terá lugar ás 12:30 horas e contará coa presenza de autoridades locais. Os nenos que queiran asistir poderán acceder ao salón de plenos, aínda que non se descarta que saian ao exterior. Itinerario habitual Posteriormente, as Maxestades de Oriente retiraranse a descansar ao Palacio de Fefiñáns, onde xa se atopan as carrozas coas que logo percorrerán as principais rúas do centro urbano. O itinerario será o mesmo que en anos anteriores aínda que pode verse reducido no caso de que as condicións meteorolóxicas sexan adversas. As tres carrozas nas que viaxarán xa están no histórico inmoble e a temática mantense en segredo, para que sexa unha sorpresa. A comitiva sairá de Fefiñáns ás 17 horas e repartiranse máis de 700 quilos de caramelos–aptos tamén para celíacos– entre os asistentes. O resto, ata alcanzar a tonelada, repartirase nas recepcións que se fagan nas parroquias.


En caso de moi mal tempo, a comitiva cambiará as rúas polo Salón Peña.






2 de xaneiro de 2018

A POLICÍA AUTONÓMICA LEVA A CABO 120 INSPECCIÓNS PARA VELAR POLO CUMPRIMENTO DA LEI DE PREVENCIÓN DE BEBIDAS ALCOHÓLICAS EN MENORES












Axentes do grupo de Menores da Policía Autonómica levaron a cabo entre o 26 de decembro e o 2 de xaneiro un total de 120 inspeccións de control en 18 concellos galegos.
Por parte dos distintos grupos de Menores da Policía Autonómica da Coruña, Santiago de Compostela, Vigo, Ourense, Lugo e Pontevedra, nesta pasada semana realizáronse 43 dispositivos de control de menores en risco de desamparo (absentismo escolar e consumo de alcohol/tabaco e drogas en menores de idade), nos concellos de Ames, A Coruña, Betanzos, Cangas, Cambados, Culleredo, Lugo, Marín, Nigrán, O Porriño, Oleiros, Ourense, Padrón, Ponteareas, Pontevedra, Ribeira, Santiago de Compostela e Vigo.
Como resultado do dispositivo levado a cabo, foron identificadas 26 persoas e inspeccionadas 120 zonas de ocio, locais e centros comerciais. Levantáronse 2 actas de infracción, ambas por venda de alcohol.
A Policía Autonómica, dende a entrada en vigor da Lei 11/2010, de prevención de bebidas alcohólicas aos menores de idade, leva a cabo diversos dispositivos policiais por toda a Comunidade Galega, para velar polo cumprimento da mesma e previr o consumo deste tipo de bebidas polos menores de idade.
Nestes dispositivos, ademais das denuncias pola infracción da Lei 11/2010, tamén se informa aos propietarios dos locais do seu contido, das actuacións que deben levar a cabo para o cumprimento da mesma e evitar o consumo de alcol entre os menores de idade, así como, que por parte da Policía Autonómica se continuará coas actividades necesarias para velar polo cumprimento da norma.







20 de decembro de 2017

ACTIVIDADES DE NADAL EN CAMBADOS











O salón Peña acollerá boa parte desas posibilidades de lecer coa recreación dun conto de Nadal no que non faltarán inchables e outros atractivos para os máis pequenos. A presenza de Papá Noel o día 24 tamén está na axenda de actividades, do mesmo xeito que a tradición do Apalpador que estará o día 26 de decembro en Pena e o 2 de xaneiro no Auditorio. Tamén se manterá o anticipo do fin de ano o día 31 ás 12.00 horas coa repartición de Lacasitos en lugar de uvas, evento que tamén contará cunha sesión de zumba. Ese mesmo día celebrarase a tradicional carreira de San Silvestre e tamén haberá tempo para concertos e concursos de postais entre os escolares cambadeses.



Un Nadal de Conto 

CAMPAMENTO DE NADAL

Inchables, pintacaras e obradoiros infantís en Nave de Peña

De 11h a 13.30h e de 16.30h a 20h (o 24 e 31 ata as 17h)
22 dic Inauguración ás 16h. Actuación musical, obradoiro: Customiza o teu gorro de Nadal
23 dic Postal do Nadal e colgador de porta
24 dic Visita de Papá NoeI e recollida de cartas dos máis atrasados. 
Obradoiro: adorno de Nadal
29  dic Crea o teu xogo de Nadal e marcapáxinas.
30 dic Obradoiros: Manualidades do Nadal
31 dic 11h. Zumba 
         12h. Badaladas con lacasitos, espumoso e cotillón 
         12.30h. Entrega de premios do Concurso de Contos, Obradoiro: Manualidades de Aninovo

Sábado 23dic
17h. Festival Benéfico de Nadal "Grand Jete" en Pavellón do Pombal a favor da asociación Gaticia AME. Festival de diferentes danzas clásicas e deportivas (entrada anticipada en oficina de turismo 2,5€)

Domingo 24dic
Visita de Papa Noel en Salón Multiusos Peña

Martes 26dic
12h. O Apalpador contando historias de Nadal en Bibloteca Municipal Luís Rei

Jueves 28dic
20h. lrmáns Xesteira en Auditorio

Viernes 29dic
19h. Trimentes en Auditorio

Sábado 30dic
20h. Concerto de Fin de Ano. Banda de Música de Castrelo

Domino 31dic
12h. As 12 Badaladas con Lacasitos. Salón Multiusos Peña
17h. Carreira Popular '"San Silvestre de Cambados"  circuito urbano

Martes 02ene
12h. O Apalpador no Auditorio de A Xuventude

Viernes 05ene
11h30. Recepción Reis Magos en Asilo de Anciáns.
12h30. Recepción Reis Magos. Concello de Cambados.
11h.     Obradoiro de iniciación á fotografía en Biblioteca Luis Rei
12h30. Obradoiro de construcción de xoguetes en Biblioteca Luis Rei
17h.     Cabalgata de Reis. Praza de Fefiñans

Domingo 07ene
20h. Concerto de Reis "Manso e Amigos"

ACTIVIDADES NAS PARROQUIAS

Obradoiros de Nadal 

Martes 26dic 
Casa da Cultura de Corvillón
11h. Ludoteca e Xogos
12h. Obradoiro de contrucción de xoguetes
17h. Barafunda Aimación, Titiritando
18.30h. Cine. De Profundis. Animación todos os públicos.

Miércoles 27dic

Casa de Cultura de Vilariño
11.00h. Ludoteca e Xogos
12.00h. ObradoIro de iniiciación á fotografia
17.00h. Teatro Pequeno, con Barafunda
18.30h. Cine Porqulos, porquiño. Animación todos os públicos.

Jueves 28dic
Casa de Cultura de Oubiña
11.00h. Ludoteca e Xogos
12.00h. Obradolro de xoguetes arriculados
17.00h. Max,a. co mago Oe,mi
18.30h. Cine A crise carnivora. Animación todos os públicos.

Viernes 29dic
Casa de Cultura de Castrelo
11h. Ludoteca e Xogos
12h. Obradoiro de papiroflexia
17h. Contadas de Nadal
18.30h. Cine A tropa de trapo no pais onde sempre brilla o sol. Animación todos os públicos.

CAMPAMENTO DE NADAL

22dic-24dic, 29dic-31dic
11h-13h30 y 16h30-20h