CIDADE EUROPEA DO VIÑO 2017

CIDADE EUROPEA DO VIÑO 2017
CIUDAD EUROPEA DEL VINO 2017
Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.

Buscar neste blog

Amosando publicacións coa etiqueta OCIO. Amosar todas as publicacións
Amosando publicacións coa etiqueta OCIO. Amosar todas as publicacións

20.9.17

ASOCIACIÓNS CAMBADESAS VISITAN DIFERENTES RUTAS NA PROVINCIA E ASOCIACIÓNS DE FORA VISITARÁN CAMBADOS












O programa da Deputación de Pontevedra "En ruta coa Depo" continúa a súa andadura esta semana coa participación de preto de 1800 persoas de 19 concellos da provincia nos itinerarios preparados pola institución provincial. En total, entre hoxe mércores e o domingo terán lugar un total de 31 novas excursións que permitirán ás persoas participantes coñecer novos lugares da provincia de Pontevedra, como as Illas Cíes, a de Ons, a de San Simón ou a da Toxa, pazos como os da institución provincial, o de Oca ou o de Señoráns, os cascos históricos de vilas como Cambados, Cangas ou Salvaterra de Miño e moitos máis dos espazos naturais, urbanos e arquitectónicos máis senlleiros das paisaxes que compoñen o noso territorio.

Hoxe mércores 20, desde A Guarda, un grupo de 45 persoas da Asociación Avelaíña de Axuda a Persoas con Problemas de Saúde Mental viaxaron á ruta especial por Cambados polo seu nomeamento como Cidade Europea do Viño. A través desta actividade (ruta 7), coñeceron o Museo Etnográfico e do Viño, viaxaron ás ruínas de Santa Mariña Dozo e visitaron o conxunto histórico, a bodega do Pazo de Fefiñáns (con degustación) mailo Museo Muíño de Mareas da Seca.

Outras 54 persoas da Asociación de Mulleres Rurais O Campanario, de Vilanova de Arousa, máis outras 108 do Batuqueiro de Vilariño, en Cambados, realizarán o sábado, unha ruta que comezará na Illa de San Simón e chegará ata Ponte Sampaio, parando antes no Museo Meirande de Redondela e no castelo de Soutomaior, propiedade da institución provincial (ruta 21).

Ese mesmo día outras 54 persoas da Federación Boa Vila de Pontevedra chegarán á Illa de Ons e a vila mariñeira de Portonovo (ruta 23). Desde Vigo haberá unha visita pola ruta de Cambados Cidade Europea do Viño (ruta 7) para 54 persoas da Asociación Veciñal Emilio Crespo.

As actividades de "En ruta coa Depo" continuarán o domingo. Dentro das rutas culturais, 54 persoas da Asociación Veciñal Cultural e Deportiva de Cernadela, en Mondariz, visitarán Cambados Cidade Europea do Viño.

De San Simón a Ponte Sampaio (ruta 21) viaxarán outros tres grupos de 54 persoas cada un, da Asociación Érguete Baixo Miño (A Guarda), a Asociación Cultural Volandeira (Cambados) e a Sociedade Nautilius (Vigo).

A Deputación achega a este programa 260.000 euros, 21.500 euros máis que o ano pasado, e oferta por vez primeira 400 prazas gratuítas para persoas con dificultades económicas ou risco de exclusión social. "En Ruta coa Depo" oferta un total de 32 rutas distribuídas entre seis bloques: temáticas, culturais, marítimas, adaptadas para persoas con mobilidade reducida, dinámicas/activas/xuvenís e, por último, interxeracionais e para ANPAs. O catálogo de rutas pódese consultar no catálogo dispoñible na páxina web www.depo.gal.
En total, está previsto que a través deste programa promovido por Cohesión Social e Xuventude, participen preto de 20.000 persoas, 1.000 máis que o ano pasado, pertencentes a 300 entidades da provincia de Pontevedra.






15.9.17

GALICIA TERÁ UNHA LEI DE ESPECTÁCULOS PÚBLICOS







Galicia contará cunha Lei de Espectáculos Públicos e Actividades Recreativas, a primeira norma autonómica que establece unha regulación global deste asunto e que dotará dunha maior seguridade tanto aos grandes eventos como ás verbenas populares, segundo explicou o presidente da Xunta. "Estamos ante un proxecto de lei cun impacto amplo e notorio", apuntou Feijóo. A norma abordará diversas esferas como a seguridade, os controis de acceso, o papel das administracións en cada caso, os horarios, o tratamento dos menores neses eventos, a prohibición da revenda de entradas ou as sancións en caso de incumprimento.








13.9.17

CAMBADOS CREA "BULE NA NOITE" COMO DESPEDIDA DE VERÁN SOLIDARIA PARA OS MÁIS PEQUENOS












Os máis pequenos de Cambados teñen este sábado unha festa de despedida do verán e adaptación ao novo curso escolar que acaba de comezar.

Trátase do Festival “Bule na Noite” que terá lugar no entorno de San Tomé a partir das 20 horas con tres actividades distintas: clase de zumba, carreira infantil e unha actuación musical.
A iniciativa, promovida dende a Concellería de Servizos Sociais, terá ademáis unha finalidade solidaria coa entrega de material escolar para poder participar.

O recadado será entregado ás familias máis necesitadas do municipio.
Así o explicaban o concelleiro Tino Cordal e unha das organizadoras de Bule na Noite, Bárbara Abal, na presentación do Festival.




23.8.17

PRESENTADAS AS 4 RUTAS MOTEIRAS DA PROVINCIA












O deputado delegado de Turismo Rías Baixas, Santos Héctor Rodríguez, presentou hoxe en rolda de prensa o catálogo que permitirá descubrir As Rías Baixas a través de rutas en moto. Santos Héctor sinalou que se trata "do primeiro folleto que se edita nesta categoría na nosa provincia e permitirá descubrir As Rías Baixas dunha maneira diferente". Baixo o nome de "Apaixonante. Rutas en moto, sinte Rías Baixas", a guía repartirase nas oficinas de turismo da institución provincial e tamén entre os clubs de motoristas de todo o Estado. O catálogo, que tamén estará dispoñible na páxina web www.turismoriasbaixas.com, propón catro rutas distribuídas ao longo de toda a provincia para gozar da beleza natural e da cultura milenaria de Pontevedra.
A primeira das rutas é a "Ruta Costa longa", que transcorre entre A Guarda e Catoira. Deste xeito, sinalou Santos Héctor, os e as motoristas coñecerán "os muíños do Folón e do Picón, as Pozas de Mougás, os concellos de Baiona, Vigo, Redondela, Pontevedra e Sanxenxo, a praia da Lanzada, O Grove, a Illa da Toxa, Cambados, A Illa de Arousa e Vilagarcía de Arousa", ademais dos concellos de inicio e de chegada.
A segunda das rutas é a "Ruta Costa curta", nesta ocasión entre Baiona e Pontevedra. Dentro do seu trazado os e as apaixonadas das motos poderanse deter "nas praias de Panxón, Patos e Prado, ademais de nos concellos de Vigo, Moaña e Cangas, onde poderán visitar Cabo Home mailo núcleo de Aldán, e tamén as vilas de Bueu e Marín", asegurou o deputado delegado de Turismo.
A terceira proposta chámase "Ruta Interior-Costa" e parte da Cañiza para chegar á Guarda. As persoas que escollan esta opción poderán "coñecer os concellos de Arbo, Salvaterra de Miño, Tui e a parroquia de Goián, en Tomiño", afirmou Santos Héctor.
A cuarta e última ruta, baixo o nome de "Ruta Interior", transcorre entre os concellos de Silleda e Poio. Tras deixar atrás lugares como o mosteiro de Carboeiro ou a fervenza do río Toxa, pasarán "por Lalín, Forcarei e Pontevedra", sinalou o deputado, para chegar ata o punto de chegada co conxunto histórico de Combarro como protagonista.
Santos Héctor sinalou que "no folleto inclúense os mapas de cada unha das rutas propostas, con información turística detallada de cada unha das localidades polas que transcorren". Ademais, tamén "algunhas pistas de actividades que se poden facer detendo unhas horas a motocicleta, como visitar as Illas Cíes, escapar ata Cabo Udra, bañarse na praia fluvial de Goián ou percorrer a senda do río Lérez, na capital pontevedresa", lembrou o deputado. A maiores, a guía tamén "facilita unha serie de consellos para facer viaxes longas en moto, que indican cuestións que se deben ter en conta antes de saír e tamén durante a viaxe".
A blogueira motorista Alicia Sornosa plasmará as rutas nunha guía online
Para a presentación da guía, a Deputación de Pontevedra contou coa presenza da xornalista, blogueira e influencer motorista Alicia Sornosa, "que xa pasou á historia por ser a primeira muller de fala hispana en dar a volta ao mundo en moto", asegurou Santos Héctor. Alicia Sornosa estes días está a percorrer a provincia de Pontevedra neste medio de transporte co obxectivo de "dar a coñecer o interesantes que son As Rías Baixas para visitalas a dúas rodas", sinalou o deputado, que lembrou que "Alicia Sornosa xa percorreu os cinco continentes relatando as súas experiencias na súa páxina web e nas súas redes sociais", nas que conta con entre 33.000 seguidoras e seguidores en Facebook ou os preto de 7.000 en YouTube, "e colabora tamén na guía Repsol".




21.8.17

300 PERSOAS VISITAN CAMBADOS DA MAN DA DEPUTACIÓN










Comeza o programa da Deputación de Pontevedra "En Ruta coa Depo"

En total participaron preto de 600 persoas procedentes de seis concellos da provincia en rutas por Cambados, a Illa da Toxa e O Grove, Soutomaior, Redondela e San Simón, e as Illas Cíes

O programa da Deputación de Pontevedra "En ruta coa Depo" comezou unha nova andadura esta fin de semana coa participación de preto de 600 persoas de seis concellos da provincia nos itinerarios preparados pola institución provincial. Máis polo miúdo, preto de 300 persoas percorreron Cambados e O Grove, outras  200 visitaron O Grove, Soutomaior e Redondela e hoxe luns máis de 100 persoas se desprazarán ata as Illas Cíes.
Un grupo de 60 persoas procedentes de Redondela, da Asociación Cidadelle, realizaron o sábado unha ruta por Cambados, visitando o Museo etnográfico do viño de Cambados, as Ruínas de Santa Mariña, o casco histórico de Cambados, o Pazo de Fefiñáns e o Muíño das Mareas. Pola súa banda, un grupo de 110 persoas do Centro recreativo de Torroso en Mos realizaron tamén durante esa xornada unha ruta pola Ría de Arousa, visitando a Illa da Toxa, O Grove, o museo da Salazón, o xacemento da Lanzada e percorrendo en catamarán a Ría de Arousa. Esta mesma ruta foi a elixida por un grupo de tamén 110 persoas do Club de Xubilados e Pensionistas Nosa Señora do Carme de Moaña.
Máis de 108 persoas da Asociación Beade de Vigo realizaron onte domingo unha ruta pola Ría de Arousa, visitando a Illa da Toxa, percorrendo a ría en catamarán, coñecendo os atractivos turísticos do Grove, o museo da Salazón e o xacemento da Lanzada.  Pola súa banda, un grupo de 90 persoas da Asociación de Mulleres Rurais Eira de Vigo tiveron a oportunidade de visitar tamén onte os concellos de Redondela e Soutomaior, con visita á Illa de San Simón e ao Museo Meirande , percorrendo Ponte Sampaio e o  Castelo de Soutomaior.




28.7.17

OS VENRES DE AGOSTO SERÁN DE TROULA EN CAMBADOS










Despois da Festa do Albariño, a diversión non para en Cambados. Durante os venres de agosto, terán lugar os Seráns de Troula, unha serie de concertos dirixidos ao público xuvenil que contarán coa presenza de grupos e artistas emerxentes, de estilos moi variados.
O primeiro dos concertos terá lugar o venres 11 de agosto, na praza de Alfredo Brañas. Será un Serán de Rock, e contará coas actuacións de MJ Band e Ivy Moon.
O 18 será o turno do Serán de Country, esta vez na rúa Real, con Iván Caride e los Tonycash.
E para rematar, teremos un Serán de Reggae na praza de Alfredo Brañas, con High Paw e Crespo. Esta festa final contará coa actuación especial, como grupo convidado, de Los Primos Montiel, que ofrecerán unha fusión de ritmos latinos, flamenco-jazz e rumba.
Diversión asegurada os venres de agosto en Cambados! 




25.7.17

CURSOS DE AGOSTO NA OMIX









Durante o mes de agosto levaranse a cabo os seguintes cursos no centro sociocultural da Merced:

Decoración de eventos infantís:
Data: do 8 ao 11 de agosto
Duración: 12h

Monitor de necesidades especiais:
Data: 17 e 18 de agosto
Duración: 30h, semipresencial

Xestión eficaz do tempo:
Data: do 21 ao 25 de agosto
Duración: 15h


Todos estes cursos (cuxo prazo de inscrición está xa aberto) son gratuítos e están abertos tanto a monitores e voluntarios como a tódalas persoas interesadas en xeral.
Para máis información e inscripcións, poden acudir á OMIX (centro sociocultural “A Merced”, 1ª planta (av. da Coruña s/n)) ou chamar aos teléfonos 986542663/673533331 de luns a venres entre as 10 e as 14 horas.




 

12.7.17

GEOMEIGA CAMBADOS 2017











Os días 21, 22 e 23 de xullo, Cambados vístese de gala para acoller a geocachers de todo o mundo, no que será o primeiro multievento temático sobre as "Meigas"(brujas en galego) de Geocaching en Galicia.

Haberá todo tipo de actividades para maiores e pequenos nun enclave de beleza inigualable como é Cambados, desde paseos en kaiak ata visitas a unhas das adegas máis importantes de albariño, pasando por unha andaina nocturna para descubrir os recunchos máis fermosos de Cambados.
Todo isto e moitas sorpresas máis esperan na que queren convírtase en capital do Geocaching durante estes días en Cambados.

Dispoñerase dun pavillón para quen queira pernoitar en sacos de durmir (só é necesario comunicalo aos organizadores)

WEB GEOMEIGA


Entrevista a... os impulsores do "Proxecto GeoMeiga Cambados 2017"












MÁIS DE 200 PERSOAS FIXERON A "DEPO-ANDAINA" POR CAMBADOS










Máis de 200 persoas participaronn en Cambados na segunda xornada de "Depo Andainas"
O percorrido polo sendeiro natural da Pastora-Umia, en Cambados, foi un novo éxito do programa organizado pola Deputación de Pontevedra

Un total de 217 persoas participaron este domingo na segunda ruta de "Depo Andainas 2017". A primeira parada desta segunda edición do programa impulsado pola Deputación de Pontevedra fora a Illa de Arousa e nesta ocasión o protagonismo foi para Cambados, co sendeiro natural da Pastora-Umia. Esta ruta, ademais, forma parte do convenio de colaboración asinado entre a Deputación e o concello de Cambados dentro da posta en valor da elección da vila do Salnés como a Cidade Europea do Viño 2017. 

A lúdica xornada comezou ás 09.00h coa chegada dos máis de 200 persoas participantes nesta actividade de balde que está a ter tan boa acollida. Antes de iniciar a andaina, tódolos participantes puideron coller forzas no Mirador do Monte da Pastora cun biscoito de chocolate cortesía da organización. Así, a andaina comezou ás 09.30h, dividindo aos participantes en dous grupos dependendo do seu nivel. Así, puideron escoller facer a andaina a un paso máis lento, ou facela no grupo rápido, con un ritmo maior. De tódolos xeitos os máis de 200 participantes puideron facer todo o percorrido e visitar os principais puntos de interese do camiño, onde se fixo unha breve explicación de cada un deles. O Monte A Pastora e Ermita da Pastora, as ruínas de Santa Mariña Dozo, a Casa Ricoi (Museo Etnográfico e do viño), a Torre de San Sadurniño, a desembocadura do Umia, espazo natural protexido, e a Marisma do Umia foron os lugares de interese.
A actividade rematou pasadas ás 13.00h, tras máis de 3 horas e media de andaina, e fíxoo coa degustacións dunhas empanadas que permitiron aos participantes repoñer forzas tras completar os sete quilómetros de percorrido que ten o sendeiro Pastora-Umia.

O programa "Depo Andainas", que vive este ano a súa segunda edición tralo cheo absoluto do ano pasado, cando se esgotaron as prazas, ten por obxectivo impulsar hábitos saudables, promover o turismo deportivo e de territorio, as actividades ao aire libre e poñer en valor a riqueza medioambiental, etnográfica, cultural e patrimonial da provincia de Pontevedra.

A próxima actividade de "Depo Andainas" celebrarase o 10 de setembro e nela visitarase Vilaboa e as Illas Cíes. De cara a esta terceira xornada do programa da Deputación de Pontevedra as inscricións abriranse o día 28 de agosto. Posteriormente, desenvolveranse dúas rutas máis, unha en Tui co Camiño de Santiago e, en último lugar, a outra en Soutomaior







4.7.17

EN XULLO CINE NA RÚA NO PARQUE DE TORRADO











Cinema Animado, todos os mércores de xullo, as 22:30 no parque do Pazo Torrado.

5  de xullo     - TROLLS
12 de xullo    - ANGRY BIRDS
19 de xullo    - MASCOTAS
26 de xullo    - ICE AGE 5







3.7.17

CURSOS DE VERÁN NA OMIX DE CAMBADOS













Está aberto o prazo de inscrición para os seguintes cursos:

Sacalle partido a tua marca persoal
DATA: 12-13 e 14 de xullo
DURACIÓN: 10 h
OBXECTIVO: Mellorar  a imaxe laboal ou profesional para obter máis oportunidades laborais e/ou de negocio
CONTIDOS:
·         A estratexia de marca persoal
·         DNI dixital
·         Introdución ás Redes sociais
·         Linkedin I
·         Linkedin II
·         Que é o Gooogle Plus?
·         Twitter
·         Facebook
·         Blogues
·         Youtube
·         Ferramentas para xerr contido atractivo
·         A estratexa: compartir ou competir?

Orientación laboral
          Data: 19 e 20 de xullo
          Duración: 5 h
          Horario: de 10 a 13:30

Educando en igualdade
         Data: 26 de xullo
         Duración: 4 h
         Horario: 10 a 14 h

Mindfunlness. Educando de centro a fora
          Data: 27 de xullo
          Duración: 4 h
          Horario: de 10 a 14 h

Curso de monitor de tempo libre:
Do 17 de xullo  ao 2 de setembro.
Requisitos:  ter a ESO e ser maior de idade
Prezo: 185 €


Mais información: OMIX – Centro  “La Merced
Tel 986542663








1.7.17

CURSO DE MONITOR DE TEMPO LIBRE











A Concellaría de Xuventude do Concello de Cambados informa da apertura do prazo de inscripción para o curso de monitor de tempo libre, que se desenvolverá no centro sociocultural “A Merced” entre o 17 de xullo e o 2 de setembro, en horario de mañá, de 8:30 a 14:30 horas.
Trátase dun curso oficial, homologado pola Xunta de Galicia, que terá un prezo de 185€ por participante, contando cun pequeno desconto para as persoas posuidoras do carné xove.
Para máis información e inscripcións, poden acudir á OMIX (centro sociocultural “A Merced”, 1ª planta (av. da Coruña s/n)) ou chamar aos teléfonos 986542663/673533331 de luns a venres entre as 10 e as 14 horas.
Ademáis, dende o Concello de Cambados facemos unha valoración moi positiva dos campamentos realizados na Pastora durante toda esta semana, na que foron impartidos os cursos “Xogamos a contar contos...” e “Educamos en galego: xogos tradicionais e deporte adaptado”. En ámbolos dous cursos, traballaronse a igualdade e a inclusión e realizaronse xornadas prácticas cos nenos e nenas participantes.




26.6.17

ABERTO O PRAZO DE INSCRICIÓNS NA "DEPO ANDAINA" POR CAMBADOS








Depo Andainas





O prazo de inscricións na segunda das "Depo Andainas" por Cambados abre este luns 26 de xuño

Nesta actividade de balde que organiza a Deputación de Pontevedra poderán participar 300 persoas que coñecerán a cultura vitivinícola da vila o vindeiro 9 de xullo
Este luns 26 de xuño abre o prazo de inscricións para todas as persoas interesadas en asistir gratuitamente á vindeira ruta das "Depo Andainas". A segunda parada deste ciclo, que comezou pola Illa de Arousa e O Carreirón o 18 de xuño, chegará nesta ocasión ao sendeiro natural da Pastora-Umia en Cambados, o vindeiro 9 de xullo. Nesta actividade poderán participar un total de 300 persoas.
A andaina comezará ás 9:30 horas desde o Monte da Pastora e terá unha duración de catro horas cun percorrido de arredor de sete quilómetros, con dificultade baixa. A ruta terá a cultura vitivinícola como protagonista, afastándose da zona monumental de Cambados, e nela poderase ver a desembocadura do río Ulla maila ría de Arousa ata a Illa de Sálvora, desenvolveranse visitas ás ruínas de Santa Mariña e ao Museo Etnográfico do Viño… Ademais, desenvolveranse actividades paralelas como un xogo de identificación de flora e fauna e demais elementos de importancia arquitectónica, etnográfica e de interese medioambiental.
O programa "Depo Andainas", que vive este ano a súa segunda edición tralo cheo absoluto do ano pasado, cando se esgotaron as prazas, ten por obxectivo impulsar hábitos saudables, promover o turismo deportivo e de territorio, as actividades ao aire libre e poñer en valor a riqueza medioambiental, etnográfica, cultural e patrimonial da provincia de Pontevedra.
A ruta de Cambados, ademais, forma parte do convenio de colaboración asinado entre a Deputación de Pontevedra e o concello de Cambados dentro da posta en valor da elección da vila do Salnés como a Cidade Europea do Viño 2017. Posteriormente desenvolveranse outras tres rutas nos meses de setembro e outubro, a primeira delas nas Illes Cíes, a segunda en Tui co Camiño de Santiago e, en último lugar, en Soutomaior.
As persoas interesadas en participar nesta andaina de balde, que terá lugar o 9 de xullo, poden inscribirse a partir deste luns 26 e ata o vindeiro 5 de xullo no seguinted enlace http://www.depo.es/depo-andainas/cambados-sendeiro-natural-da-pastora-umia





20.6.17

ABERTO O PLAZO PARA APUNTARSE NAS ACTIVIDADES PARA NENOS NO VERÁN DO CONCELLO DE CAMBADOS












A Biblioteca Municipal Luís Rei ten xa preparada unha completa programación de actividades infantís, este ano baixo o nome “Saborea o verán!” que como cada verán terá lugar entre os meses de xullo e agosto.


O obxectivo das mesmas é axudar ás familias cambadesas na conciliación da vida familiar e laboral, ofertando á vez, propostas divertidas e didácticas para os rapaces durante as vacacións. Trátase dun nutrido abano de obradoiros e xogos que se desenvolverán polas mañás, de 10.30 a 13.30 horas, de luns a venres, para nenos a partir de primeiro de primaria.  

Como todos os anos haberá actividades gratuítas relacionadas coas novas tecnoloxías, “EnREDamos cos ordenadores”, para que os nenos se divirtan á vez que amplían os seus coñecementos na informática, a internet e a mecanografía.

Tamén terá lugar un obradoiro para o achegamento á lingua inglesa (“English and fun!”).
Do mesmo xeito, con “Repasamos no verán”, tamén haberá hoco para o repaso e o apoio escolar.
Asimesmo, o obradoiro “L-emos!” dinamizará o hábito á lectura en papel e coas novas tecnoloxías, para lectores principiantes, todavía coa “L”.
Outra aposta importante será a creatividade nos traballos manuais, empregando diferentes técnicas en “Creamos cas mans!”.
Ademáis ofertaranse as seguintes actividades subvencionadas grazas ao programa Ler conta moito, da Xunta de Galicia:
-Sesión de Divermaxia con A illa dos nenos, o martes 8 de agosto para todos os públicos ata completar aforamento.
-Obradoiro Libros, imaxes curtametraxes !, os martes 22 e 29 de agosto, para achegar aos rapaces o mundo da creación cinematográfica. A inscrición é de balde ata cubrir as prazas (para rapaces e rapazas a partir de 10 anos).
Para ampliar a oferta, tamén se propoñen os seguintes obradoiros de pago:

-Xadrez, os venres.
-“Pequechefs de conto!” con receitas baseadas nos contos, que se realizará na aula de catas do Salón de J. Peña durante os mércores de xullo e agosto.
-“Pintura creativa con Emérita Méndez”, que levará a cabo todos os luns de agosto.
-Robótica-Lego Educación, os xoves.



As inscricións para estas actividades realizaranse do luns 19 de xuño ao 29 de xuño. Os interesados poden achegarse pola mañá en horario de 10.00 a 14.00 horas. As prazas son limitadas e a inscrición realizarase por rigorosa orde de chegada.

Así mesmo recordade que nas diferentes casas de cultura de Corvillón, Castrelo, Vilariño e Oubiña, os técnicos de cultura do Concello desenvolverán actividades semellantes durante as referidas datas de xullo e agosto.

Dende a Concellería de Ensino, Patrimonio e Cultura do Concello de Cambados, o seu responsable Víctor Caamaño anima a todos os nenos e nenas da vila a apuntarse para gozar dun verán entre libros e diversión.

Para máis información poden contactar co persoal do Departamento de Cultura no teléfono 986 520 008, ou no 986 520 902 ext. 764 e 765.









16.6.17

PRESENTADO O "ATLANTIC FEST" DA ILLA













Esta mañán foi presentado o Atlantic Fest, que celebrará a súa segunda edición do 30 de xuño ao 2 de xullo na Illa de Arousa. Tras a boa experiencia do ano pasado, volven organizar conxuntamente o mercado GalicianTunes, unha carpa de expositores e showcases que de novo formará parte do programa de actividades.
A oferta completa foi presentada nun acto desenvolvido no Auditorio Municipal e no Centro de Interpretación da Conserva da localidade arousá coa participación do alcalde da Illa, Carlos Iglesias; a presidenta da Deputación Provincial de Pontevedra, Carmela Silva; o director da Agadic, Jacobo Sutil; o director do festival, Antonio Caneda, e os representantes do resto das entidades patrocinadoras e colaboradoras.
Paisaxe e música
Na súa intervención, Sutil subliñou os ingredientes que fan deste festival unha iniciativa chamada a ter continuidade como cita destacada no mapa galego de festivais de música: “Un marco natural valioso paisaxística e culturalmente, unha organización e unha xestión altamente profesionalizada e unha carteleira artística de primeira liña, coa presenza de figuras de talle nacional e internacional, pero sen perder de vista a promoción da música que se está a facer na actualidade en Galicia e o apoio á difusión dos seus intérpretes”, asegurou.
Así, no cartel que se despregará tanto no escenario da praia do Bao, como noutros puntos da Illa como o Auditorio Municipal, a Praza de Abastos e as propias rúas da localidade, figuran Los Planetas, Lori Meyers, The Temper Trap, Maxïmo Park, Delorean, L.A., Annie B. Sweet, Joe Crepúsculo e Rosalía & Raül Refree, entre outras bandas, xunto cos galegos Os Amigos dos Músicos, Electric Feels, Sen Senra, Puma Pumku, Dois, Esposa, Mounqup e Kings of the Beach.
Espazo de encontro para o sector musical
O director da Agadic explicou que a colaboración da Xunta co Atlantic Fest materialízase a través de GalicianTunes, a marca para a difusión exterior da música feita en Galicia, que conta xa con 400 artistas e grupos rexistrados na súa plataforma dixital. “Seguimos a contribuír, deste xeito, á fundación dun novo espazo de encontro para o sector musical galego, no que se darán cita empresas e profesionais desde os stands que estarán dispostos nunha carpa no recinto do festival, carpa que este ano muda e mellora en situación e dimensións, e na que tamén haberá lugar para un programa de charlas e de showcases”, continuou.
Estas actuacións na carpa GalicianTunes estarán prortagonizadas por bandas emerxentes, como Komodo e Audionave –dúas das gañadoras do concurso de maquetas dos Estudios Mans–, xunto con Antilia, Doen, Víctor Coyote e Mecanismo Ruso.





15.6.17

FESTIVAL DE FIN DE CURSO DA ESCOLA DE XIMNASIA RÍTMICA GRAND JETÉ












A escola de ximnasia rítmica Grand Jeté celebra este domingo 18 de xuño, ás 18:00 horas no Pombal, o seu festival de fin de curso. A entrada ao evento é de balde.
Esta escola foi fundada no 2015 en Cambados, e actualmente imparte clases, entre os 3 e os 15 anos, nos seguintes centros: CEIP de Corvillón, CPI O Progreso de Catoira, CAD Gato Negro de Carril, Dojo Berserkers de Vilagarcía, CEIP Viñagrande Deiro, Club de Competición en Cambados e Escolas de iniciación en Cambados.