Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.
Amosando publicacións coa etiqueta DEPUTACION. Amosar todas as publicacións
Amosando publicacións coa etiqueta DEPUTACION. Amosar todas as publicacións

18 de xuño de 2018

CAMBADOS ENTRE OS CONCELLOS QUE RECIBIRÁN AXUDAS PARA REHABILITACIÓN DO PATRIMONIO HISTÓRICO




Axudas Patrimonio

A Deputación aproba actuacións no patrimonio histórico e cultural para 45 concellos

Esta liña de axudas contempla a restauración de bens inmobles de titularidade municipal, conxuntos urbanos e contornas naturais; a adquisición de bens integrantes do patrimonio histórico; e a instalación de paneis informativos neste tipo de bens
A Xunta de Goberno aprobou na súa última sesión a resolución de axudas para actuacións no patrimonio histórico e cultural. Esta liña foi convocada cun orzamento de 500.000 euros e o número total de concellos beneficiarios ascende a 45. Hai que lembrar que o obxectivo xeral destas subvencións é o de promover a recuperación e rehabilitación deste tipo de patrimonio existente na provincia, sempre que sexa de titularidade municipal.
As bases contemplaban actuacións que incluísen propostas de obras de conservación, restauración e sinalización. Así, como obras de conservación estipulábanse as que tivesen como finalidade o mantemento do inmoble coas súas características e materiais orixinais, fosen reparacións puntuais, substitucións concretas de elementos deteriorados, ou as que derivasen de reparacións dos danos habituais provocados polo paso do tempo ou polo seu uso característico. Tamén contemplaba como subvencionables as obras de sinalización dos bens inmobles, e os estudos museográficos e arqueolóxicos coa información previa ao deseño dos mesmos e que son necesarios para a elaboración de sinais. A orde incluía ademais os proxectos técnicos oficiais e colexiados das actuacións a levar a cabo; o deseño e instalación de paneis informativos; e os gastos de estudos museográficos e arqueolóxicos para a elaboración dos paneis de sinalización, coa recollida da información precisa e veraz dos mesmos.
En canto á distribución das axudas, do total de 500.000 euros, un importe fixo de 250.000 euros repartiuse de forma lineal entre os concellos da provincia que presentaron solicitudes. Os outros 250.000 euros foron repartidos do seguinte xeito: o 20 % desta cantidade destinouse ao grupo de concellos de ata 10.000 habitantes; unha porcentaxe do 40 % destinouse ao grupo de concellos que teñan entre 10.001 e 20.000 habitantes; e outro 40 % destinouse ao grupo de concellos que teñen entre 20.001 e 50.000 habitantes. A porcentaxe económica correspondente a concellos incluídos nestes grupos pero que non presentaron solicitude, foi redistribuída e engadida ás cantidades iniciais.
Distribución por comarcas
Na comarca de Vigo foron aprobadas axudas por un importe total de 79.349,28 euros, que corresponden a un total de 6 c0ncellos solicitantes: Fornelos de Montes, Gondomar, Mos, O Porriño, Redondela, e Salceda de Caselas. Na comarca do Salnés as axudas ascenden a un total de 85.245,9 euros e corresponden aos concellos de Cambados, A Illa de Arousa, Meis, Ribadumia, Sanxenxo e Vilagarcía de Arousa. No Baixo Miño aprobáronse axudas por un importe de 33.738,53 euros para os concellos da Guarda, Oia, e Tomiño. Na comarca de Pontevedra o importe dos proxectos aprobados suma 60.404,4 euros e corresponden a solicitudes dos concellos de Barro, Campo Lameiro, Cerdedo-Cotobade, A Lama, Poio, e Ponte Caldelas. Na comarca de Deza e Tabeirós o importe total é de 35.116,51 euros para proxectos procedentes de Forcarei, Lalín, Silleda, Agolada e Vila de Cruces. Na comarca do Morrazo a suma ascende a 74.748,15 euros e corresponde a solicitudes dos catro concellos: Cangas, Bueu, Marín e Moaña. Na comarca de Caldas as axudas suman 45.016,82 e corresponden aos concellos de Caldas de Reis, Catoira, Cuntis, Moraña, Portas e Valga. Por último, na comarca do Condado-A Paradanta as axudas suman 86.380,41 euros e corresponden aos concellos de Arbo, A Cañiza, Covelo, Crecente, Mondariz, Mondariz-Balneario, As Neves, Ponteareas e Salvaterra de Miño.




CAMBADOS RECIBIRÁ 39.000 DA DEPUTACIÓN PARA GASTOS



Xunta de Goberno

O Goberno de Carmela Silva aproba novas achegas por valor de máis de 450.000 euros para once municipios da provincia ao abeiro da liña 2 do Plan Concellos

Cambados, Cuntis, Gondomar, Mos, Nigrán, Ponte Caldelas, Ponteareas, O Porriño, O Rosal, Vilaboa e Vilagarcía de Arousa recibirán achegas para amortizacións, pagamento de débedas e gasto corrente
A Xunta de Goberno da Deputación de Pontevedra aprobou achegas por valor de 453.101,06 euros destinadas a 11 concellos da provincia para realizar pagamentos de subministracións, afrontar gasto corrente novo, amortizar débedas e impulsar programas culturais, deportivos, turísticos, gastronómicos, actividades infantís e musicais, así como festexos. Máis polo miúdo, os municipios que forman parte desta relación da liña 2 do Plan Concellos aprobada polo Goberno provincial son Cambados, Cuntis, Gondomar, Mos, Nigrán, Ponte Caldelas, Ponteareas, O Porriño, O Rosal, Vilaboa e Vilagarcía de Arousa.

En concreto, Cambados beneficiarase de achegas por valor de 39.097,61 euros para gasto corrente novo. Pola súa banda, Cuntis, 17.083,32 euros para actividades culturais e deportivas e Gondomar recibirá 7.413 euros para gasto corrente novo.
En canto a Mos, recibirá 91.765,95 euros para o servizo público de recollida e transporte de residuos sólidos urbanos e limpeza viaria e Nigrán beneficiarase de 94.877,46 euros para actividades deportivas, espectáculos musicais e outras diferentes actividades lúdicas. Pola súa banda, Ponte Caldelas recibirá 14.399 euros para a asistencia técnica para contratación do servizo de xestión de residuos sólidos urbanos e limpeza viaria e Ponteareas, 55.000 euros para gasto corrente novo co que se financiarán actividades culturais e festivas.
Para O Porriño, a Deputación de Pontevedra achegará 18.613 euros para os programas "Xoves teatrais" e "Venres musicais" e para O Rosal, 21.500 euros destinados á Feira do Viño e ao Campamento de inglés.

Por último, Vilaboa beneficiarase de 48.160,93 euros para actividades culturais e Vilagarcía de Arousa recibirá 45.190,7 euros para o servizo de mantemento dos semáforos.


15 de xuño de 2018

A MOSTRA DOS BOLECHAS CHEA AO SALNÉS PARA CENTROS ESCOLARES



Desde esta mañá e ata o 20 de xuño, día en que finaliza o curso escolar, a mostra ‘Gatiños, Ghatiñas, Gatíos. Xeitos de falarmos galego' xa ten completas todas as quendas para visitas escolares. Trátase da mostra que pode visitarse na carpa instalada na praza da II República de Vilagarcía ata o vindeiro 26 de xuño, e que  achega, a través do universo Bolechas, a riqueza do idioma galego a todas as comarcas da provincia. A mostra, orientada a público familiar e, nomeadamente, a alumnado de primaria, está concibida para atender grupos escolares durante as mañás, unha opción á que se acolleron con notable éxito os centros educativos da comarca. De todos xeitos, tamén se atenderán as demandas dos centros educativos que teñan opción de programar visitas durante as tardes. En horario de tarde, a mostra tamén permanece aberta para público familiar, sen necesidade de cita previa.
A exposición, organizada pola Deputación de Pontevedra no marco do Ano da Lingua, abriu oficialmente as súas portas esta mañá coa presenza dos irmáns e irmás Bolechas, Carlos, Pili, Loli, Braulio, Sonia e Tatá, que se achegaron ata o Salnés para darlle a benvida e saudar aos preto de 70 alumnos e alumnas procedentes do CEIP A Escardia. Tamén estiveron presentes o deputado de Cultura e Lingua, Xosé Leal, a tenente de alcalde de Vilagarcía, Tania García, o alcalde en funcións de Cambados, Víctor Caamaño, e Tomás Valín representando á Editorial Bolanda.
O deputado de Cultura e Lingua, Xosé Leal, explicou que "o que aquí vimos presentar é un proxecto que estamos levando polas dez comarcas da provincia, porque entendemos que no Ano da Lingua temos que poñer o foco nas crianzas, que é un segmento de idade no que o galego está cada vez máis ausente." Xosé Leal asegurou que "introducir o galego de xeito lúdico e dinámico a través dun produto tan consolidado como os Bolechas está resultando un éxito e un acerto". O deputado provincial tamén afirmou que "enfocando o proxecto a través das variedades dialectais tamén nos permite involucrar a toda a familia, non só ás crianzas, mentres que no eido educativo vemos que está funcionando como un contido complementario ao traballo que se realiza nas escolas". A tenente de alcalde de Vilagarcía, Tania García agradeceu ao ente provincial que elixira Vilagarcía como parada da exposición para toda a comarca do Salnés e asegurou que "os Bolechas forman parte da historia de Galicia e son o vehículo perfecto para achegar a lingua galega a toda a rapazada."
Pola súa banda, o alcalde en funcións de Cambados, Víctor Caamaño, afirmou que "este tipo de iniciativas son moi necesarias para inculcar o uso do galego, porque nas idades temperás é cando os idiomas mellor se absorben". Caamaño indicou que "para un uso normalizado do galego é preciso ter acceso a todas as facetas da vida no noso idioma e para os nenos e as nenas poder usalo a través da diversión é o máis axeitado". En representación da Editorial Bolanda, Tomás Valín explicou que a mostra está concibida "para aprender xogando" e "para coñecer todas as maneiras que temos de falar, e para que poidades ver e escoitar como de diferente se fala en Vilagarcía con respecto a outros lugares como Ribadeo ou A Coruña".
A exposición, que arrancara en Pontevedra a mediados de maio e que estivo en Lalín ata este mesmo luns, permanecerá en  Vilagarcía ata o 26 de xuño. No outono retomará a itineracia pasando por Moaña, A Estrada, A Cañiza, Caldas, Tomiño, Ponteareas e Vigo. Pola mañás a mostra poderá visitarse en grupos organizados a través dos centros educativos –os centros educativos que desexen concertar visitas poden dirixirse ao enderezo electrónico osbolechas@osbolechas.com ou no teléfono 981 569 155-, e polas tardes abre para todo tipo de público. O horario de apertura é de 10 a 13:30 h e de 16 a 20 h, de luns a venres. Os sábados, domingos e festivos o horario é de 11 a 14 h e de 17 a 21 horas.
Estrutura
A riqueza do idioma e a necesidade de mantelo vivo e fomentar o seu uso desde idades temperás ó o obxectivo fundamental de ‘Gatiños, Ghatiñas, Gatíos. Xeitos de falarmos galego'. A mostra, ademais de todos os aspectos lúdicos e pedagóxicos que contempla, tamén coida especialmente os elementos relativos á inclusión e á accesibilidade, tanto física como sensorial. Neste sentido, inclúe ramplas de acceso ao recinto, así como elementos sonoros e sensoriais, en braille e pictogramas de fácil lectura – estes últimos especialmente indicados para persoas con dificultades na aprendizaxe e mesmo con trastornos do espectro autista-.
O percorrido pola carpa estruturase en diferentes áreas consecutivas. A primeira sitúase xa na entrada coa ‘Porta das palabras', onde os rapazas e rapaces xa comezan a formar parte do proxecto toda vez que deben decidir por que porta entran ao recinto, xa que cada unha ten un nome e unha singularidade particular. Séguenlle 'A xanela‘ con paneis para xogar coas variedades dialectais do idioma; e o ‘Toque-toque', unha zona táctil para interactuar a través de xogos e ir aceptando e superando retos. O eixo central é o ‘Faladoiro', concibido como o gran teatro  dos diálogos nun espazo deseñado como unha aula-auditorio con bancadas, escenario e pantallas para visualizar aventuras dos Bolechas e participar de viva voz no concurso que propoñen os audiovisuais.  Continua coa sección ‘A mergullarse', unha piscina de bólas concibida para navegar nun mar de palabras que deben atopar e encestar no caixón correspondente; coa sección ‘As nubes', unha área inmersiva e multisensorial de luces, cores e son para estimular a aprendizaxe da linguaxe de xeito protagonista; ‘Cantareira' a modo de gran karaoke para interpretar cancións nas diferentes variedades dialectais; ‘Afouteza', unha zona touch e de experimentación con xogos táctiles de destreza, debuxo e pintura, tanto interactivos como tradicionais; e por último, "Chan", o gran mapa da linguas concibido como un xogo xigante da oca no que o taboleiro é un gran mapa de Galicia coas diferentes variedades dialectais, e cos seus correspondentes obstáculos, retos, desafíos e penalizacións.
Ademais a mostra contempla materiais de apoio e complementarios, como son as unidades didácticas deseñadas ad hoc a modo de caderno de actividades, que complementan e serven de repaso de todo o visto e vivido no percorrido expositivo. Inclúe tamén un libro aventura protagonizado polos Bolechas sobre as variedades dialectais do galego.

Lugares e datas:

PONTEVEDRA. Pontevedra: 18 maio-29 maio. Avenida Montero Ríos            
DEZA. Lalín: 1 xuño-11 xuño. Praza de Galicia
O SALNÉS. Vilagarcía de Arousa: 15 xuño-26 xuño. Praza da II República
O MORRAZO. Moaña: 10 setembro-20 setembro. Paseo marítimo
TABEIRÓS-TERRA DE MONTES. A Estrada: 24 setembro-4 outubro. Praza do Concello
A PARADANTA. A Cañiza: 8 outubro-18 outubro. Praza Maior
CALDAS. Caldas de Reis: 22 outubro-1 novembro. Praza do CamiñoO 
BAIXO MIÑO. Tomiño: 5 novembro-15 novembroO 
CONDADO. Ponteareas: 19 novembro-29 novembroVIGO. 
VIGO: decembro (por determinar)





4 de xuño de 2018

CAMBADOS ACOLLE EN XUÑO SETE NOVOS OBRADOIROS "SMARTPEME"




O Centro ExpoSalnés de Cambados acollerá durante todo o mes de xuño sete novos obradoiros ao abeiro de "SmartPeme", o programa de capacitación tecnolóxica impulsado pola Deputación de Pontevedra. "SmartPeme" oferta ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de empresarios e empresarias e de mozos e mozas autónomas. O punto do Centro ExpoSalnés presta asistencia ao empresariado das comarcas do Salnés e Caldas.
As quendas para o mes de xuño son as seguintes: o martes 5 de xuño ás 19:00 horas, "Unifica a xestión das túas redes con Hootsuite". O xoves 7 de xuño, tamén ás 19:00 horas, "Como ser eficiente na organización do teu tempo: trello e toggl". O martes 12, á mesma hora, realizarase a acción "Parte Práctica da Lei de Protección de Datos 2018, RGPD Europeo", a cal contará cunha retransmisión en vivo. O xoves desa mesma semana, o día 14 á mesma hora, será a quenda de "Marketing de contidos: Como xerar unha estratexia efectiva". O día 19 de xuño, martes, ás 19:00 horas chega "Google Calendar, moito máis que unha axenda". O xoves desa mesma semana, á mesma hora, é a quenda de "Crea o teu propio logotipo con Canva". Por último, "Desenvolve a túa propia estratexia de email marketing" chegará o martes 26 de xuño, á hora habitual, as 19:00 horas. A oficina "SmartPeme" de Cambados, no Centro ExpoSalnés, atópase no Paseo da Calzada, s/n e as inscricións pódense facer no número de teléfono 886 20 20 20, o correo electrónico info.smartpeme@depo.es ou a páxina web www.smartpeme.depo.gal.
"SmartPeme" desenvolve este ano novas carteiras de servizos co obxectivo de continuar axudando ás empresas da provincia a ser máis competitivas na contorna económica actual. O programa abre tres novas grandes liñas: o "Centro Provincial de Economía Dixital" (CPED), no viveiro de empresas de Barro, "SmartPeme Impulsa" e "TurisTIC".
A través do Centro Provincial de Economía Dixital as empresas, persoas autónomas e emprendedoras da provincia poderán coñecer as ferramentas, aplicacións e solucións innovadoras máis relevantes da economía dixital. Para iso, o CPED vaise apoiar nas instalacións do FabLab que a Deputación ten instalado no viveiro de Barro, co obxectivo de posicionarse na vangarda da innovación ao servizo das empresas.
"SmartPeme Impulsa" abre novas vías de asesoramento en materia de innovación, competitividade e internacionalización unindo, deste xeito, os obxectivos das empresas coas máis novas tecnoloxías, procesos e servizos, e preparando ás empresas locais para competir nos mercados internacionais.
Finalmente "TurisTIC" erixirase como o punto de apoio do sector turístico. Este servizo, enmarcado no Plan Estratéxico de Turismo Rías Baixas, pretende potenciar o sector a través de axudas ás empresas para adaptarse á contorna dixital, cun enfoque específico para cada colectivo. Adicionalmente, esta liña de "SmartPeme" contará con algunhas iniciativas innovadoras como serán a creación dunha aceleradora para empresas TIC relacionadas co sector turístico e a creación dun congreso sobre o impacto das novas tecnoloxías no sector.



29 de maio de 2018

ARRANCAN OS CURSOS DE ‘DEPOVERDE’. EN CAMBADOS, HORTOFRUTICULTURA SUSTENTABLE



A Deputación de Pontevedra informa do comezo de distintos cursos en materia de hortofruticultura e produción apícola sustentable. Os cursos son presenciais, totalmente gratuítos, e teñen unha duración de 30 horas. Os cursos de hortofruticultura impartiranse en Cambados, O Rosal, Silleda e Catoira; mentres que os de apicultura sustentable serán nas Neves, Forcarei, Caldas de Reis e Lalín. Estas accións van destinadas a persoas desempregadas e están cofinanciadas polo programa ‘ Empleaverde’ do Magrama. Máis información en depoverde@depo.es ou o teléfono 886 210 725.
O obxectivo xeral do proxecto é impulsar as producións hortofrutícolas e apícolas de calidade nos espazos protexidos e mellorar a empregabilidade das e dos habitantes destas zonas.
O proxecto desenvolverase en zonas da Rede Natura e irá destinado a todas as persoas interesadas en levar a cabo unha iniciativa empresarial nestes espazos ou traballar nos sectores hortofrutícola ou apícola.
Impartiranse 16 accións formativas, presenciais e en liña, cos seguintes contidos:
Capacitar as persoas interesadas en levar a cabo a actividade apícola sustentable en espazos protexidos ou a quen desexe mellorar a súa empregabilidade facendo un uso máis eficiente dos recursos naturais a través dunha actividade plenamente integrada no medio, contribuíndo á conservación da biodiversidade e da paisaxe nestas zonas.
Temática:
  1. Contextualización da zona de estudo. Datos de interese: descrición do medio físico, medio socioeconómico e outros. Definición e clasificación dos recursos naturais. Identificación e valorización do patrimonio natural e cultural da comarca. Identificación e descrición da diversidade da zona: especies vexetais locais.
  2. Antecedentes da Apis mellifera. Iniciación na apicultura sustentable. A apicultura e o medio. Comportamento social das abellas. Ferramentas e insumos do apicultor. Proceso produtivo para a obtención do mel.
  3. Proceso produtivo para a obtención de pole, cera, própole e xelea real. Importancia da apicultura rexional.
  4. Enfermidades e pragas na apicultura. Flora apícola e polinización. Cría natural de abellas raíñas. Observación do calendario apícola rexional.
  5. Produción apícola como motor económico nas zonas protexidas: produtos locais, selos de calidade alimentaria. Valor engadido dos produtos locais. Valor engadido da actividade agroalimentaria en espazos protexidos.
  6. Produción apícola ecolóxica.
  7. Xestión empresarial. Diferentes estratexias para o desenvolvemento local: os procesos colaborativos, sinerxías e redes de valor territorial, asociacionismo e cooperativismo, comercialización en liña. Axudas e subvencións. Lexislación aplicable. Prevención de riscos laborais no sector apícola.
Das 8 accións formativas recollidas neste punto, 6 correspóndense con formación presencial e os 2 restantes con formación a distancia, a través dunha plataforma de teleformación en liña.
Preparar ao alumnado nas técnicas de cultivo empregadas en hortofruticultura sustentable e fomentar o emprego neste tipo de agricultura, máis respectuosa co medio.
Temática:
  1. Introdución á hortofruticultura sustentable.
  2. A hortofruticultura na provincia de Pontevedra.
  3. O solo e a súa preparación. Fertilización, rega e xestión da cuberta vexetal.
  4. Operacións de cultivo das principais hortalizas.
  5. Técnicas de cultivo de froitas e hortalizas. Recolección e xestión. Preparación para o mercado. Xestión dos residuos que se xeran na explotación.
  6. Principais parasitos e xestión fitosanitaria.
  7. Os invernadoiros.
  8. Xestión dunha explotación hortofrutícola.
Impartiranse 8 tipos de accións, das cales 6 correspóndense con formación presencial e os 2 restantes con formación a distancia, a través dunha plataforma de teleformación en liña.

23 de maio de 2018

ÉXITO DOS RAPACES DO MAGARIÑOS NA SUA EXPERIENCIA COMO EMPRESARIOS




O mercado ambulante de Cambados tivo está mañá uns postos moi especiais: un grupo de nenos de  5º curso do colexio Antonio Magariños que crearon a súas propias cooperativas acudiron a vender os seus produtos ao mercado dos mércores. Os alumnos montaron dous postos. Sobre eles, despregaron a súa variada mercadoría, na que abundaban os xogos e os artigos de artesanía. Todos os artigos foron confeccionados polo propio alumnado.
Unha d que recauden coa venta dos seus produtos irá destinado a AECC (Asociación Esoañola Contra o Cancro) e ao Refugio de Animales de Cambados.
A experiencia forma parte do proxecto “Depoemprende”, da Deputación, e o seu obxectivo é fomentar o espírito emprendedor entre os nenos e os adolescentes. O Magariños cambadés foi un dos centros seleccionados para participar na experiencia, e desde hai meses, as súas dúas clases de quinto de Primaria traballan na posta en funcionamento da cooperativa.
Os alumnos tiveron que dar todos os pasos aos que estaría obrigada calquera outra entidade similar, como crear e aprobar uns estatutos, pedir un CIF en Facenda, solicitar a licenza municipal para exercer a venda e pagar as taxas por ocupación de espazo no mercado.
Este é o segundo ano que o Magariños participa no programa da Deputación “Depoemprende”.



PRESENTADA NA DEPUTACIÓN A VI RUTA DO ALBARIÑO




A Deputación amosa o seu apoio ao deporte na presentación da VI Ruta do Albariño que discorrerá polo Salnés e polo Concello de Poio


A proba de ciclismo, que terá lugar os días 26 e 27 de maio, está destinada ás categorías de Júnior e Sub 20


A Deputación de Pontevedra, xunto a Federación Galega de Ciclismo, o concello de Meaño e Cambados e o Club Ciclista de Cambados presentaron hoxe, a VI Ruta do Albariño destinada a ciclistas das categorías Júnior e Sub 20, procedentes de Galicia, España e Portugal. A actividade, que se levará a cabo nas comarcas do Albariño, conta con tres etapas que serán recorridas os días 26 e 27 de maio. O acto de presentación asistiron o Presidente da Federación de Ciclismo, Juan Carlos Muñiz; a alcaldesa de Meaño, Lourdes Ucha; o concelleiro de Deportes de Cambados, Víctor Caamaño; e o presidente do Club Ciclista Cambados, Ernesto Falcón.
A alcaldesa de Meaño agradeceu a Deputación a súa colaboración para o desenvolvemento desta proba ciclista o traballo conxunto das dúas administracións para a promoción do deporte e a dispoñibilidade para facer a presentación da proba no Pazo Provincial. Igualmente, o presidente da Galega subliñou a importancia da colaboración da Deputación nunha proba adicada a rapaces e rapazas. Ernesto Falcón, pola súa banda, detallou os tramos máis difíciles que vai ter o percorrido da proba que "é moi esixente"  pero que gusta moito aos máis pequenos e pequenas. Pola súa banda, Víctor Caamaño destacou que para o Concello de Cambados está proba ciclista é importante pero que o mesmo tempo é un escaparate para toda a comarca do Salnés.
Durante a presentación, que tivo lugar no Pazo Provincial da Institución Provincial, a deputada de deportes, Chelo Besada, amosou o seu orgullo e compromiso coas actividades deportivas da provincia sinalando que "dende a Deputación traballamos a diario para poñer en marcha actividades que promovan o deporte nos distintos ámbitos da sociedade, converténdoo deste modo nun eixo prioritario para a Institución". Besada tamén resaltou a importancia que teñen este tipo de eventos para destacar o atractivo turístico da provincia.
O grupo de ciclistas iniciarán a ruta o sábado as 11 de mañá cunha primeira etapa de tres quilómetros entre Meaño e o alto do Busto. A segunda etapa, que terá lugar ese mesmo día pola tarde, será de 63 quilómetros nos que percorrerán os concellos de Meaño, O Grove, Sanxenxo e Poio. O domingo porase fin a esta actividade cunha última etapa de 92 quilómetros, que terá o seu inicio e a súa fin no concello de Cambados.


22 de maio de 2018

A DEPUTACIÓN DE PONTEVEDRA DESTINA MÁIS DE 370.000 € A 41 CONCELLOS DA PROVINCIA PARA AXUDAS BÁSICAS DE EMERXENCIA





A Xunta de Goberno da institución provincial vén de aprobar a primeira relación de axudas básicas de emerxencia para este ano 2018 por valor de 372.500 euros. En total, benefícianse desta iniciativa 41 concellos da provincia de menos de 20.000 habitantes que poderán prestar apoio económico ás veciñas e veciños que se atopen en situación ou risco de exclusión social, con especial atención ás persoas con menores ao seu cargo.

A presidenta da Deputación destacou que no marco destas achegas enmárcanse axudas "que poden ser de diferentes tipoloxías, desde alimentación, ata vivenda, pagamento de recibos, de produtos de hixiene e limpeza, desprazamentos, lentes e audiófonos ou de produtos farmacéuticos; adquisición de electrodomésticos básicos; gastos derivados de tratamentos de odontoloxía ou produtos de apoio ou destinadas á infancia". Neste contexto, Carmela Silva subliñou a importancia destas achegas pola súa contribución a garantir as necesidades básicas de familias en situación ou risco de exclusión social.

Máis polo miúdo benefícianse da iniciativa os concellos da Cañiza, A Guarda, A Lama, Agolada, Arbo, Baiona, Barro, Bueu, Cambados, Campo Lameiro, Catoira, Cerdedo-Cotobade, Covelo, Cuntis, Dozón, Forcarei, Fornelos de Montes, Gondomar, Meaño, Meis, Moraña, Mos, Nigrán, O Grove, O Rosal, Oia, Pazos de Borbén, Poio, Ponte Caldelas, Pontecesures, O Porriño, Portas, Salceda de Caselas, Salvaterra de Miño, Sanxenxo, Silleda, Soutomaior, Tomiño, Valga, Vilaboa, Vilanova de Arousa.

O ano pasado, as axudas básicas de emerxencia que destinou a Deputación de Pontevedra aos concellos deron cobertura ás necesidades básicas de 1.820 familias das que 1.573 tiñan menores ao seu cargo, 1.114 tiñan ambos proxenitores en situación de desemprego, 320 eran familias monoparentais, 43 eran usuarias do Servizo de educación e apoio familiar , 45 eran persoas usuarias do Servizo de axuda no fogar e 9 eran vítimas de violencia machista.


O GROVE ACOLLE A PRIMEIRA DAS CATORCE ACTIVIDADES SOCIOCULTURAIS DIRIXIDAS ÁS PERSOAS USUARIAS DO SERVIZO DE TELEASISTENCIA DOMICILIARIA



A Deputación de Pontevedra organiza para este mércores ás 17 horas na Sala das Cunchas do Grove a primeira das catorce actividades socioculturais previstas para este ano e dirixidas ás persoas usuarias do servizo de teleasistencia domiciliaria da institución provincial. Nesta primeira actividade, consistente nun taller de estimulación da memoria, participarán máis de 40 persoas e preto dunha decena de acompañantes dos concellos do Grove, Sanxenxo, Cambados, Meis e Ribadumia.
O taller da memoria que acollerá O Grove será impartido por unha das profesionais do servizo de teleasistencia domiciliaria da Deputación de Pontevedra. Máis polo miúdo, trátase dunha graduada en Psicoloxía coa especialidade de Neuropsicoloxía pola Universidade Complutense de Madrid e técnica superior en Profiling e Intelixencia Emocional, que achegará as claves para estimular a memoria.
Na actualidade, o servizo de teleasistencia domiciliaria da Deputación de Pontevedra atende a un total de 523 persoas de 45 concellos da provincia. Esta iniciativa permite a persoas de avanzada idade ou con algún tipo de diversidade funcional manter a súa independencia e continuar vivindo no seu domicilio con tranquilidade e seguridade, coa consecuente mellora na súa calidade de vida.
Ante unha situación de emerxencia no fogar, con só pulsar un botón, os e as usuarias reciben asistencia inmediata, 24 horas ao día e 365 días ao ano, mobilizando os recursos necesarios para dar solución ao problema. Isto é posible grazas a un terminal asociado á liña telefónica, que se instala nos domicilios e que permite establecer unha comunicación directa desde calquera punto da casa, similar ao sistema de "mans libres" dos teléfonos móbiles. Así mesmo, a través do centro de atención deste programa préstanse servizos de apoio inmediato a demandas de angustia, soidade, accidentes domésticos, mobilización de recursos ante situacións de emerxencia sanitaria, persoal ou social, xestiónanse axendas para recordar á persoa usuaria datos importantes sobre toma de medicación ou realización de xestións e tamén se realizan seguimentos permanentes mediante chamadas telefónicas periódicas. O servizo complétase con visitas regulares aos usuarios e usuarias, co obxectivo de acompañar a estas persoas e así minimizar o sentimento de soidade e illamento ao que moitas se ven abocadas, e xornadas de convivencia.
Ao longo do 2017 atendéronse un total de 4.735 alarmas (cun tempo medio de atención de 10,6 segundos e de resolución de incidencias de 1 minuto e 28 segundos) desde os terminais. Por número de chamadas destacan as persoas usuarias dos concellos de Tomiño, con 358; O Porriño, con 327; Mos, con 299; O Grove, con 258 e Sanxenxo, con 232 chamadas.
Durante o ano 2017, houbo 441 visitas de seguimento e coordinación, incluíndo as visitas por incidencia técnica. Ademais, ao longo do ano organizáronse dous tipos diferentes de actividades, unhas, lúdicas, dirixidas ás persoas usuarias do servizo de teleasistencia, que se realizaron nos concellos de Mos, Bueu e Cambados, e, outras, actividades de difusión que tiveron lugar nos concellos de Ponte Caldelas, Cerdedo-Cotobade, O Grove, Pazos de Borbén, Cuntis,  Barro, Cambados, Salceda de Caselas, Valga, Meis, Ribadumia, Forcarei e Sanxenxo.



ALUMNOS DO MAGARIÑOS VENDERÁN MAÑÁN NO MERCADO OS SEUS PRODUTOS


Alumnos participantes na 1ª experiencia Depoemprende

O mercado ambulante de Cambados terá mañán uns postos moi especiais: un grupo de nenos de entre 5º curso do colexio Antonio Magariños que crearon a súas propias cooperativas acudirán a vender os seus produtos ao mercado dos mércores. Os alumnos montarán dous postos. Sobre eles, despregarán a súa variada mercadoría, na que abundaban os xogos e os artigos de artesanía. Todos os artigos foron confeccionados polo propio alumnado.
A metade dp que recauden coa venta dos seus produtos irá destinado a AECC (Asociación Esoañola Contra o Cancro) e ao Refugio de Animales de Cambados.
A experiencia forma parte do proxecto "Depoemprende", da Deputación, e o seu obxectivo é fomentar o espírito emprendedor entre os nenos e os adolescentes. O Magariños cambadés foi un dos centros seleccionados para participar na experiencia, e desde hai meses, as súas dúas clases de quinto de Primaria traballan na posta a piques da cooperativa.
Os alumnos tiveron que dar todos os pasos aos que estaría obrigada calquera outra entidade similar, como crear e aprobar uns estatutos, pedir un CIF en Facenda, solicitar a licenza municipal para exercer a venda e pagar as taxas por ocupación de espazo no mercado.

Este é o segundo ano que o Magariños participa no programa da Deputación "Depoemprende".



10 de maio de 2018

ESTE DOMINGO TEATRO NA XUVENTUDE. HOMENAXE A Mª VICTORIA MORENO




A compañía de tratro galega Matrioshka representará o domingo 13 no Auditorio Municipal Cambados a obra "Señora que pasea pola rúa con dous cans preciosos" desde as 19 horas. A obra está patrocinada pola Deputación de Pontevedra. Entrada gratuíta. A obra é un espectáculo teatral contemporáneo creado en homenaxe ás mestras da vida como María Vitoria Moreno Vázquez, escritora galega de literatura infantil e xuvenil á que se dedica o Día das Letras Galegas 2018.  "Señora que pasea pola rúa con dous cans preciosos" é, por tanto, un percorrido pola vida desta escritora, unha muller que sementou futuro indo sempre ao contraxeito.

A Deputación de Pontevedra levará por todos os concellos da provincia, desde o 4 de maio ata o 3 de decembro de 2018, sesenta representacións dentro da programación teatral Ano da Lingua, dedicada a María Victoria Moreno, a autora homenaxeada no Día das Letras Galegas 2018. Señora que pasea pola rúa con dous cans preciosos (Matrioshka Teatro), Romance de cans (Viravolta Títeres-Seisdedos) e Mar Adiante (Odaiko) son tres das obras deste ciclo titulado María Victoria Moreno a escena! A elas súmanse Anagnórise (Limiar Teatro), Unha historia de amor. Homenaxe a María Victoria Moreno (un contacontos para o público ilustrado por Polo Correo do Vento) e Leonardo e os fontaneiros (Ubú Teatro).


5 de maio de 2018

MODIFICADO O PERCORRIDO DA FESTA DA BICICLETA EN CAMBADOS




Mañán domingo 6 de maio, ás 11:00 arrancará na praza de Fefiñáns unha nova edición da Festa da Bicicleta. A partires das 11 da mañá, a marcha cicloturista sairá da Praza de Fefiñáns e percorrerá un circuito lixeiramente modificado de arredor de 9 km. para o que haberá que inscribirse ás 10:00 na mesma praza.
Ao remate, haberá avituallamento líquido para tódolos participantes, sortearanse 7 bicicletas e obsequiarase con cadansúa placa conmemorativa á bicicleta máis orixinal, á familia máis numerosa, ao participante de menor idade e ao de maior idade.

Lembrade que é obligatorio o uso do casco!

PERCORRIDO




2 de maio de 2018

7 NOVOS OBRADOIROS SMARTPEME EN CAMBADOS EN MAIO



Novos obradoiros do programa "SmartPeme" para axudar a modernizar a actividade económica da provincia

O programa de asesoramento no ámbito das TIC da Deputación de Pontevedra está destinado ás persoas emprendedoras, autónomas e ás pemes da provincia.
As oficinas do programa "SmartPeme" da Deputación de Pontevedra acollerán durante o mes de maio novas accións formativas para a adaptación das empresas e proxectos emprendedores da provincia de Pontevedra ao novo escenario dixital no que desenvolver as súas actividades e aproveitar as ferramentas existentes co obxectivo de aumentar a súa competitividade. Deste xeito, "SmartPeme" oferta ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de empresarios e empresarias e de mozos e mozas autónomas.
As quendas para o mes de maio na oficina de Cambados son as seguintes: o mércores 2 de maio ás 19:00 horas, "Aprende a promocionar a túa empresa con Pinterest". O luns 7 de maio, tamén ás 19:00 horas, "Edición de fotografía para plataformas e-commerce". O xoves 10, á mesma hora, "Prestashop I: Comeza a crear a túa propia tenda online", ao que lle seguirá a segunda parte, "Prestashop II: Xestión dunha tenda online", o luns 21 ás 19:00 horas. O xoves desa mesma semana, o día 24, será a quenda de "Seguridade informática: conceptos básicos", pero esta vez ás 17:00 horas, ao igual que "Márketing dixital: clave para competir nun mercado turístico global" o luns 28. Por último, "Crea un servizo privado de almacenamento na nube" chegará o xoves 31 de maio, nesta quenda á hora habitual, as 19:00 horas. A oficina "SmartPeme" de Cambados no Centro ExpoSalnés, atópase no Paseo da Calzada, s/n.
As inscricións pódense facer no número de teléfono 886 20 20 20, o correo electrónico info.smartpeme@depo.es ou a páxina web   http://www.smartpeme.depo.gal.


24 de abril de 2018

FESTA DA BICICLETA EN CAMBADOS



O domingo 6 de maio, ás 11:00 arrinca na praza de Fefiñáns unha nova edición da Festa da Bicicleta. O percorrido será de aproximadamente 11 km e ao final do mesmo haberá un sorteo de bicicletas, para o que haberá que inscribirse ás 10:00 na mesma praza.
Percorrido: Saída Praza Fefiñáns; Príncipe; Paseo Calzada; Santo Tomé; Narciso Pérez®; Avda. Galicia; Pastora; dirección Vilariño® hacia Martín Códax; Modia; Corvillón ®; N-549 dirección Tragove ®; Avd. Coruña e Plaza Fefiñáns.
®-Retencións
Lembrade que é obligatorio o uso do casco!

23 de abril de 2018

A PROGRAMACIÓN TEATRAL DO ANO DA LINGUA LEVARÁ A MARÍA VICTORIA MORENO, LETRAS GALEGAS 2018 POR TODA A PROVINCIA



A programación teatral do Ano da Lingua levará a María Victoria Moreno por toda a provincia

Seis compañías escenificarán textos sobre a vida e a obra da autora homenaxeada no Día das Letras Galegas deste ano nun total de 60 actuacións 
programación teatral do Ano da Lingua O departamento de Cultura e Lingua aproveitou o Día do Libro para presentar publicamente a programación teatral do Ano da Lingua que terá como protagonista a obra e a vida de María Victoria Moreno, a autora homenaxeada no Día das Letras Galegas no 2018. Baixo o lema ‘María Victoria Moreno a escena! a Deputación levará un total de 60 representacións teatrais por todos os concellos da provincia. "Con este programa o que facemos é democratizar de verdade o acceso á cultura, e conseguimos que todas as persoas, vivan no concello que vivan, poidan ver teatro de calidade" asegurou o deputado de Cultura e Lingua, Xosé Leal.



O deputado nacionalista estivo acompañado na presentación por representantes de tres das compañías que fan parte desta programación, Anxo García de Viravolta Títeres- Seisdedos, Inacio Vilariño de Odaiko, e as tres actrices que conforman Matrioshka Teatro, Anabel Gago, Lorena Conde e Chelo do Rejo. Estas últimas escenificaron, ademais, un pequeno fragmento da súa montaxe que leva por título "Señora que pasea pola rúa con dous cans preciosos" e coa que poñen en escena a faceta docente de María Victoria Moreno. Leal tamén aproveitou a súa intervención para poñer en valor "o papel da muller na cultura, porque a muller ten moita presenza pero non sempre ten a visibilidade que lle corresponde" e lembrou que en 55 edicións, o Día das Letras Galegas se lle dedicou a autoras só en moi contadas ocasións.
Sobre "Señora que pasea pola rúa con dous cans preciosos", Lorena Conde explicou que "o que queriamos era, dunha banda, conmemorar a obra da autora, pero doutra facerlle unha homenaxe a todas as figuras de referencia que todas temos na vida e que fixeron que sexamos mellores persoas". A actriz indicou que este enfoque está baseado  nas declaracións da propia María Victoria Moreno nas que aseguraba que prefería a súa faceta de docente por riba da de escritora. O espectáculo toca todos os aspectos  que foron importantes na vida e na obra da escritora como son a literatura, o ensino, os animais e a natureza.
Viravolta Títeres – Seisdedos  porá en escena "Romance de cans", baseado no conto "Can branco, can negro". Anxo García explicou que "María Victoria Moreno escribiu este conto en forma de romance polo que aproveitamos para recoller e introducir ditos e contos sobre cans e amosalos a través do personaxe do cego dos monifates". García lembrou que Viravolta Títeres leva máis de trinta anos realizando investigacións sobre a representación popular, a través da que chegaron ao personaxe do cego dos monifates, moi común na Galiza nas representacións populares, e que o están aproveitando como recurso para poñer en valor textos de autores galegos, como pode ser Castelao, ou coma nesta ocasión, o conto elixido de María Victoria Moreno.
Odaiko levará polos concellos unha obra titulada "Mar Adiante" baseada na primeira obra publicada por María Victoria Moreno, poñendo enriba das táboas o barco escola ‘Arroás', que é o fío condutor de todos os contos da obra orixinal. "Construímos un espectáculo que é un soño e construímos un barco escola que non se basea na relación de poder entre profesorado e alumnado, senón que se basea na praxe" asegurou Inacio Vilariño. O actor engadiu que "a pedagoxía que xa nos anos 70 estaba reivindicando nesta obra María Victoria Moreno era moi avanzada para aquela época". A montaxe ten, ademais, unha gran presenza musical utilizando practicamente todas as partes do barco como instrumentos para producir sons e facer música.
Propostas
Ademais de "Mar adiante" de Odaiko e de "Romance de cans" De viravolta Títeres – Seisdedos, a programación teatral do Ano da Lingua inclúe dúas propostas máis para público de todas as idades. Son "Unha historia de amor. Homenaxe a María Victoria Moreno", un contacontos ilustrado para público familiar a cargo do colectivo ‘Polo correo do vento'; e a adaptación de "Leonardo e os fontaneiros", unha produción da Editorial Galaxia e que pon en escena Ubu Teatro, utilizando técnicas como a narración oral, a dramatización e o teatro de sombras.
Para público maior de 14 anos contémplanse dúas propostas: "Señora que pasea pola rúa con dous cans preciosos" de Matrioshka Teatro; e "Anagnórise" tamén producida por Editorial Galaxia e representada por Limiar Teatro, que utiliza un desguace como escenario para ir percorrendo toda a road movie que narra a historia da obra orixinal.  
Todas as compañías participan na programación teatral do Ano da Lingua con 10 representacións cada unha, e todas serán de balde para o público ata completar o aforo dos lugares nos que se presentan.