Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.
Amosando publicacións coa etiqueta SUCESOS. Amosar todas as publicacións
Amosando publicacións coa etiqueta SUCESOS. Amosar todas as publicacións

19 de xullo de 2018

ARDE UN COCHE EN CAMBADOS


Un automóbil ardía esta tarde na av. de Vilariño, á altura do semáforos do cruce coa av. do Salnés.
Por causas que se descoñecen o vehículo, un Citroen C-8 comezou a arder, na zona do motor, cando estaba parado no semáforo. En segundos todo o automóbil era lume e lapas.
Non houbo que lamentar danos personais, pois duas as ocupantes, veciñas de Lugo, abandonaron o coche antes de que as lapas fixéranno inservible.
Na intervención colaboraron Protección Civil e Policía Local de Cambados e Bombeiros do Salnés.


15 de xullo de 2018

ARDE O MOTOR DUN AUTOBÚS EN OURENSE CON 52 EXCURSIONISTAS PROCEDENTES DE CAMBADOS



Incendio no motor dun autobús na A-52, no alto de San Cibrao das Viñas
O vehículo, que transportaba un total de 52 pasaxeiros, realizaba a ruta Cambados-Madrid. 

Un autobús que leva 52 pasaxeiros de Cambados a Madrid sufriu un incendio no motor do vehículo. Aconteceu ás 16:30 hrs, na A-52 dirección Benavente, ao cumio do municipio de San Cibrao das Viñas.
O foco de lume foi controlado por outros condutores que circulaban pola mesma vía. Os bombeiros de Ourense, dúas patrullas de motoristas da Garda Civil do Tráfico interviñeron no incidente.

Ao redor das 17:40 horas a empresa de transporte enviou outro autobús ao lugar dos eventos para trasladar pasaxeiros e equipaxe e continuar co percorrido. Ningún pasaxeiro necesitou asistencia médica.



24 de xuño de 2018

SEIS FERIDOS NUN ACCIDENTE EN CAMBADOS



Esta madrugada producíase un accidente en Cambados, a altura do Brexo, que se saldou con 6 peersoas feridas, tre por cada coche involucrado no sinistro.
Todos os feridos foron trasladados so Hospital do Salnés por duas ambulancias e a Policía Local.
Eran as 3:40 da mañán condo dous vehículos bateron. En principio tres dos feridos quedaran atrapados pero a Policía Local foi quen de liberalos.
Policía Local de Cambados, Protección Civil e ambulancias do 061 participaron no efectivo de salvamento.


LOCALIZADO O CORPO SEN VIDA DO OCTOXENARIO DESPARECIDO EN RIBADUMIA



O home de 80 anos que desapareceu onte en Ribadumia foi localizado esta mañá a dous quilómetros da súa casa falecido. Así o confirmaron os servizos de emerxencias que desde onte colaboraban cos axentes da Garda Civil para a localización deste veciño do Lugar de Rabuñade, que foi visto por última vez na casa dunha veciña arredor das once da mañá.
Tras a chamada dun familiar ao 112 Galicia arredor das dúas da tarde de onte, activouse un operativo para tratar de dar co paradoiro do home no que participaron os técnicos da Axencia Galega de Emerxencias mediante o emprego de drons, así como os cans de rescate de Padrón e os voluntarios de Protección Civil da localidade.
Finalmente, o corpo sen vida do señor foi localizado sobre as 11 desta mañá polo helicóptero da Garda Civil a dous quilómetros do seu domicilio situado no Lugar de Rabuñade. 


11 de xuño de 2018

CATRO FERIDOS ONTE NUN ACCIDENTE NA ESTRADA CAMBADOS-RIBADUMIA



Os servizos sanitarios de urxencia trasladaron na tarde de onte a catro persoas que resultaron feridas tras producirse unha colisión entre dous turismos na estrada de Cambados a Ribadumia.
Segundo os datos facilitados ao 112 Galicia, os vehículos chocaron á altura da rotonda dos Castaños e, como consecuencia do impacto, catro persoas necesitaron asistencia médica. Así, ademais dos profesionais do 061-Urxencias Sanitarias, os xestores do 112 Galicia pediron a colaboración dos bombeiros de Ribadumia ante a posibilidade de que houbese algunha persoa atrapada no interior dos vehículos implicados.
Unha vez no lugar, os efectivos do Servizo de Prevención, Extinción de Incendios e Salvamento do Salnés comprobaron que os feridos estaban liberados e accesibles, polo que descartaron empregar os equipos de excarceración.



21 de maio de 2018

UNA MULLER FERIDA NUN ACCIDENTE EN VILARIÑO



Este mediodía producíase un accidente na estrada PO-307 na parroquia de Vilariño.
Como consecuencia dun choque entre un camión e un automóvil resultou ferida de carácter leve unha veciña de Ribadumia, O.M.B. con dores cervical e lumbar. Foi trasladada ao Hospital do Salnés pola Ambulancia do 061.
Participaron no operativo a Policía Local e Protección Civil de Cambados e a Garda Civil de Tráfico. 



14 de maio de 2018

UN FERIDO NUN ACCIDENTE NA CABANA




Este mediodía producíase un accidente de tráfico na Avenida de Vilagarcia, unha  moto batía contra un coche. O vehículo abriu a porta e a moto que circulaba polo mesmo carríl non puido esquivala chocando contra ela. O ferido é A.C.F de 72 anos, veciño de Cambados e foi derivado ao Hospital do Salnés por dor cervical, lumbar e perda de coñecemento. A Policia Local, Garda Civil e Atestados xunto Protecc.ección Civil de Cambados participaron no operativo.


5 de maio de 2018

UN ACCIDENTE NA MODIA SÁLDASE CUNHA PERSOA FERIDA



Un home resultou ferido esta tarde nun accudente de tráfico ocurrido na EP-9002 preto da Capela de San Antón, na Modia Cambados). O ferido J.M.P. de 73 anos e veciño de Cambados, que conducía un ciclomotor.
Foi trasladado ao Hospital do Salnés, dor cervical e lumbar polo 061. 
cando chegaron as asistencias médicas e Protección Civil de Cambados so estaba o ferido ni chan e a motocicleta, polo que parece ser o accidente prodúxose por unha saída de vía do vehículo sin que intervira ninguén máis.

Na intervención colabora a Ambulancia do 061, Garda Civil de Tráfico e Atestados, e Protección Civil.



4 de maio de 2018

EN MAREA PIDE QUE SE DECLARE A CASTRELO ZONA DE EMERXENCIA TRAS SER AFECTADA POLO TEMPORAL DE MARZO






En Marea pediu hoxe no Congreso dos Deputados que se declare á parroquia de Castrelo, en Cambados, como zona afectada gravemente por unha ciclogénesis explosiva.
A deputada de En Marea, Ángela Rodríguez, rexistrou unha proposición non de lei para o seu debate na Comisión de Interior na que solicita que o Congreso dos Deputados inste o Goberno a que, con carácter urxente, "declare zona afectada gravemente por unha emerxencia de protección civil á parroquia de Castrelo afectada pola ciclogénesis explosiva producida o día 23 de marzo de 2018". Ademais, a deputada recolle nesta iniciativa que se "adopte a totalidade das medidas que procedan das establecidas no artigo 24 da Lei 17/2015, do 9 de xullo, do Sistema Nacional de Protección Civil" e que ademais "se concedan subvencións, como as contempladas no Real Decreto 307/2005, do 18 de marzo e demais disposicións de aplicación que se soliciten".
Entre outras, Rodríguez sinala "axudas directas que compensen os danos nos cultivos afectados, exención das cotas á Seguridade Social do Réxime Especial Agrario ou a Redución dos índices de rendemento neto no método de estimación obxectiva do IRPF e Réxime Simplificado do IVE". Pola súa banda, Somos Cambados explica que o temporal "Hugo" tivo ventos que superaron os 110 quilómetros por hora provocando moitas incidencias en toda a comarca e especialmente na parroquia cambadesa de Castrelo.
Inclusó rexistrouse un tornado que durou un segundos pero era tal a súa virulencia que máis dunha ducia de vivendas, negocios e zonas agrícolas sufriron importantes danos. Somos Cambados incide, a través dun comunicado, en que "nunha parroquia como esta pódese producir un grave prexuízo económico para os veciños e agricultores e, como consecuencia, para o resto de sectores que dependan do sector primario".




3 de maio de 2018

ACCIDENTE CON FERIDOS NO POLÍGONO SETE PÍAS




Esta tarde, pouco antes das 17:00 horas producíase un accidente no Polígono Industrial de Sete Pías en Cambados. Como resultado do choque frontolateral entre dous turismos producido por un conductor que se saltou un stop, saíron feridas dúas persoas.
O conductor dun dos vehículos, J.M.C.P. de Catoira de 36 anos con dor cervical e torácico.O outro ferido é C.C.N. de 47 anos e de Cambados. Ao igual que o anterior presentaba dor cervical e torácico. Os dous foron trasladados ao Hospital do Salnés por efectivos do 061.
Colaboraron na intervención a Policía Local de Cambados, G.C. de Tráfico (Atestados) Bombeiros do Salnés e Protección Civil de Cambados. 


23 de abril de 2018

CONTINÚA A INVESTIGACIÓN PARA ATOPAR AO AUTOR DAS PICADAS NAS RODAS DE COCHES EN CAMBADOS




A Policía Local e a Garda Civil de Cambados abriron unha investigación conxunta para dar co causante destes feitos. Noutra ocasión, en que houbo rotura de espellos retrovisores, resultou que o autor tiña as facultades mentais perturbadas.

 Esta fin de semana apareceron 24 coches coas rodas picadas, todos aparcados en varias rúas da zona histórica. A Policía Local e a Garda Civil andan a ver se dan con quen o fixo.

Ata 24 coches finalmente, apareceron na mañán de onte coas rodas picadas contou a patrulla da Policía Local de Cambados que estaba de garda o domingo de madrugada. 

A maioría dos coches afectados tiña picadas non unha senón as dúas rodas do mesmo lado. Estaban aparcados en sitios tan céntricos como a praza de Fefiñáns e noutras rúas próximas como  Celso Emilio Ferreiro, Álvaro Cunqueiro, o paseo da Calzada, a rúa Sevilla, San Gregorio, O Pombal, Ribeira de Fefiñáns e a rúa Carballeira,. É un acto vandálico ao que a Policía non lle atopa explicación.


Diferentes rúas, sin unha causalidade concreta. Son oito rúas diferentes do centro onde non hai conflito. A Policía Local sospeita que puido ser obra dalgún perturbado ou que estivese baixo os efectos do alcol ou das drogas. 




22 de abril de 2018

APARECEN MÁIS DE 20 COCHES COAS RODAS PICADAS EN CAMBADOS



Máis dunha vintena de coches estacionados en varias rúas de Cambados apareceron esta mañán coas rodas picadas. Segundo informa a Policía Local contabilizaron ata un total de 23 coches afectados, case todos, con dúas rodas danadas. Ao parecer os feitos tiveron lugar na madrugada e a Policía Local está a investigar para tratar de localizar o ou responsables destes feitos. As rúas onde apareceron os coches coas rodas picadas foron Celso Emilio Ferreiro, Álvaro Cunqueiro, o paseo da Calzada, a rúa Sevilla, San Gregorio, O Pombal, Ribeira de Fefiñáns, a propia praza e a rúa Carballeira, entre outras. Dase a circunstancia que os autores elixiron vehículos de gama media e alta, de marcas como Mercedes, Audi ou BMW. A Policía Local abreu a correspondente investigación para tratar de esclarecer o sucedido. Algúns testigos viron merodeando unha das zonas onde apareceron vehículos danados a un home de entre 50 e 60 anos. Esto non quere decir que esa persoa fora o autor dos feitos.


18 de abril de 2018

UN UNCENDIO NA RUA NOVEDADES DE CAMBADOS OBRIGA A EVACUAR UN EDIFICIO



Un incendio causa a alarma entre os veciños dun inmoble da Rúa Novedades, en Cambados.

Un incendio nun inmoble situado na Rúa Novidades de Cambados causou a alarma entre os veciños debido á intensa fumareda provocada por un lume declarado nun cuarto de baño.
O Centro Integrado de Atención ás Emerxencias (CIAE) 112 Galicia tivo coñecemento do suceso mediante a chamada de alerta do axentes da Garda Civil ás 6:30 horas desta mañá.
Ata o lugar acudiu un equipo do 061-Urxencias Sanitarias, pois no interior do inmoble había varios veciños que tiñan dificultades para saír das súas vivendas debido ao intenso fume acumulado nas escaleiras.

Por fortuna, ninguén resultou ferido, xa que a maioría dos veciños do inmoble abandonaron as vivendas en canto se decataron do lume. Só permaneceu o habitante do terceiro, cando xa estaban actuando os servizos de extinción e sufocaron as lapas.
Segundo indicaron os bombeiros de Ribadumia, o lume comezou nun aparato eléctrico instalado no cuarto de baño e estendeuse pola porta e outros obxectos.

A vítima do suceso foi realoxada polos servizos sociais municipais nun hotel.

Colaboran na intervención, Protección Civil, Policía Local, e Garda Civil de Cambados, Ambulancia do 061 e Bombeiros de Ribadumia.



13 de abril de 2018

ACCIDENTE EN CAMBADOS CON DOUS FERIDOS


Dúas persoas resultaron feridas esta madrugada nun accidente no que se veu implicado un so coche.

Segundo indicou Emerxencias de Cambados non tiveron que excarcerar ás vítimas, xa que ao chegar ao lugar os ocupantes estaban fora do vehículo.
O sinistro produciuse na Avenida de Castrelo (Cambados). O 112 Galicia tivo constancia do accidente a través da alerta do 061-Urxencias Sanitarias.
Ao parecer por causas que se descoñecen, o vehículo "voou" sobre un lateral para rematar contra unha finca aledaña a estrada.
Na intervención colabora a Policía Local, Protección Civil e a Garda Civil de Cambados.



9 de abril de 2018

LIBERAN A UNHA MULLER DO INTERIOR DO SEU VEHÍCULO TRAS ENVORCAR NA AUTOVÍA DO SALNÉS


© Concello de Sanxenxo

Unha muller foi excarcerada esta mañá en Sanxenxo tras envorcar co seu vehículo na Autovía do Salnés, entre as localidades do Grove e Sanxenxo.
Ata o lugar, desprazáronse de inmediato ademais do persoal sanitario, os membros do GES da localidade, que nada mais chegar ao punto, tras recibir o aviso do 112 Galicia, liberaron á muller. Así mesmo, tamén os Bombeiros de Ribadumia prestaron a súa colaboración nas tarefas de excarceración. Segundo o seu relato, foi preciso retirar unha das portas do turismo para evacuar á ferida. Tamén foi requirida a intervención do persoal de mantemento da estrada, que se encargou da limpeza da vía.
Unha vez liberada, persoal do 061- Urxencias Sanitarias trasladou á muller nunha ambulancia ata o centro hospitalario de referencia.
O accidente ocorreu pasados uns minutos das 07:30 horas desta mañá. Foi a esa hora cando unha persoa particular informaba ao 112 Galicia dun coche envorcado na Autovía do Salnés e, a partir de aí, o CIAE puxo en marcha o dispositivo.



23 de marzo de 2018

SEIS FERIDOS E NUMEROSOS DESPERFECTOS TRALA CHEGADA DE "HUGO"



O primeiro temporal da primavera xa está connosco. Chámase Hugo e mantén ás catro provincias en alerta amarela por ventos superiores aos 80km/h.

En Castrelo, Cambados, varias casas, galpóns, comercios e mobiliario urbán víronse afectadas por un pequeno tornado. Ocurreu na zona de Xesteira.
En poucos segundos os veciños viron como un tornado facía voar os tellados, rompía cristais e derrubaba galpóns e muros de cierre. foron afectadas unha ducia de vivendas.

O servicio de Emerxencias do Concello de Cambados (Protección Civil) acudeu en axuda dos veciños


Catro persoas resultaron feridas esta tarde en Vilanova de Arousa, concretamente en San Simón, despois de que o coche no que circulaban chocase contra unha árbore caída na estrada. O accidente ocorreu na PO-531, concretamente no punto quilométrico 18,500, ao fío das 18.10 horas.
Nese momento, o 112 Galicia recibía a
alerta do sinistro a través do 061-Urxencias Sanitarias.
Acto seguido, o persoal do Centro Integrado de Atención ás Emerxencias (CIAE) 112 Galicia pasaba o aviso á Garda Civil de Tráfico, a Protección Civil, aos Bombeiros de Vilagarcía e ao servizo de mantemento da estrada.
En Raxó outro pequeno tornado fixo volcar varias embarcacións, nunha delas estaban duas persoas que tiveron que ser trasladadas a un centro sanitario.



























UN FERIDO NUN ACCIDENTE LABORAL EN TRAGOVE



Esta mañán producíase un accidente laboral na empresa Altman Marine en Tragove. 
O ferido José Antonio G.R. de 62 anos e veciño de Pontevedra é inspector de Capitanía Marítima e caeu dunha altura de 3 metros mentres realizaba unha inspección a un barco.

O inspector caeu de costas, e foi atendido polos sanitarios aos que indicou a dor lumbar e outras lesións derivadas das contusións.

O ferido foi trasladado a un centro hospitalario e o seu estado parece grave.
No operativo participou Protección Civil de Cambados, Policía Local, o 061 e a Guardia Civil, 




22 de marzo de 2018

O MENOR QUE ONTE TIVO UN ACCIDENTE PODERÍASE ENFRENTAR A VARIOS DELITOS



O menor de Cambados que onte causou un accidente onte a tarde enfróntase a un delito contra a seguridade viaria e a outro de furto si finalmente é denunciado polo propietario do vehículo que conducía no momento do accidente, a quen llo colleu sen permiso. Trataríase dun compañeiro do equipo de fútbol do menor dunha localidade cercana a Cambados.

O accidente causou tres feridos leves que foron trasladados ao Hospital do Salnés. As dilixencias iniciounas a Policía Local, dado que o accidente producíase na zona do centro urbano. Agora será a Fiscalía a que adopte as medidas pertinentes contra o menor implicado no accidente.

Nova relacionada- DASE Á FUGA TRAS UN ACCIDENTE CON TRES FERIDOS EN CAMBADOS



21 de marzo de 2018

DASE Á FUGA TRAS UN ACCIDENTE CON TRES FERIDOS EN CAMBADOS







Esta tarde noite producíase un accidente na avenida de Vilariño frente a Boutique do Pan co resultado de tres persoas feridas.
Todos foron trasladados polo 061 ao Hospital do Salnés. A.M.T. de 50 anos e de Vilagarcía que
conducía un dos turismos implicados, con dor lumbar e cervical. Unha muller, M.T.C.S. tamén de 50 anos que o acompañaba e veciña de Caldas refería dor cervical, lumbar e dorsal. Dese mesmo turismo era a terceira persoa ferida, unha muller de 81 anos, M.V.S.A. veciña tamén de Caldascon dor cervical e lumbar. 

O conductor do outro vehículo deuse á fuga.
Ao parecer trataríase dun menor que colleu o coche dun amigo maior de idade. Abandonou o lugar a pé pero pouco tempo despois localizado e levado a dependencias policiais acompañado supostamente da sua nai.

Na intervención colaboran Protección Civil de Cambados, a Ambulancia do 061 e a Policía Local.

Nova relacionada- O MENOR QUE ONTE TIVO UN ACCIDENTE PODERÍASE ENFRENTAR A VARIOS DELITOS

15 de marzo de 2018

DOUS ACCIDENTES EN CAMBADOS HOXE






Dous accidentes nas últimas horas tiveron lugar en Cambados.
O primeiro deles tivo lugar as 11:20 da mañán en Castrelo concretamente na estrada de O Facho sin heridos. Duas furgonetas bateron  entre elas.
O segundo dos accidentes ocurreu
na EP -9506, no lugar de Cobas de Lobos na parroquia de Vilariño entorno as 18:00 desta tarde.
Neste accidente resultou unha persoa ferida que é evacuada ao Hospital do Salnes. S.P.R. de 58 anos e veciña de Cambados. Refire dor cervical, lumbar e dorsal.
Protección Civil, Garda Civil, Policía Local e 061 participaron nos operativos.