CIDADE EUROPEA DO VIÑO 2017

CIDADE EUROPEA DO VIÑO 2017
CIUDAD EUROPEA DEL VINO 2017
Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.

Buscar neste blog

Amosando publicacións coa etiqueta DEPORTES. Amosar todas as publicacións
Amosando publicacións coa etiqueta DEPORTES. Amosar todas as publicacións

20.9.17

ESCOLA DEPORTIVA MUNICIPAL DE PATINAXE









A Concellería e Deportes do Ilmo. Concello de Cambados informa de que o vindeiro luns, día 25 de setembro, abriranse as inscricións para a Escola Deportiva Municipal de Patinaxe 2017/2018. Tódolos interesados deberán de inscribirse previamente na Oficina do Técnico de Deportes, sita no Edificio Multiusos de A Merced, na avenida de A Coruña en horario de 9:30 a 13:30 horas. As inscricións seguirán un rigoroso orde ata esgotalas prazas dispoñibles.

Posteriormente, a monitora encargada da actividade formará os  grupos e dará toda a información necesaria ós pais/nais/titores dos alumnos inscritos, sobor de cómo se desenvolverá a actividade. Posiblemente a actividade se desenvolva no mesmo lugar (pavillón do IES Francisco Asorey) e hora da pasada edición (16:30 a 18:00 horas).







ÉXITO DA PRIMEIRA OCEAN LAVA GALICIA CELEBRADA EN CAMBADOS











Nicolás Domínguez e Alice Hector levaron a vitoria na distancia 113

O pasado 10 de setembro disputouse en Cambados a primeira edición do Ocean Lava Galicia, con preto  de 250 inscritos

Os gañadores da proba 113 foron en categoría masculina Nicolás Domínguez (Disa HPS Tríatlon) mentres que en categoría feminina a vitoria foi para Alice Hector (Evo), recente gañadora do Ocean Lava Madeira este ano. Os dous triatletas dominaron a proba no caso de Alice desde o inicio da natación e  Nicolás desde o inicio do sector ciclista.

Completaron o podio en categoría masculina Luís Paredes (Motobike Galaico) e Javier Fernández (Tríatlon Vilagarcía) mentres que en categoría feminina o segundo e terceiro chanzo do podio foron ocupados por María Jesus Coya (Cidade de Lugo) e Olalla Duro (Artrogal tri498).

Na distancia 60 en categoría masculina primeiro fué Antonio González ao que acompañou en segunda posición o seu irmán Iván González, ambos os do Lamargha Beariz Tríatlon, mentres que terceiro fué Héctor Fernández (Tríatlon Arteixo). En mulleres impúxose Nerea Castro (Club Ciclismo-Tríatlon Poio), segunda fué Mónica Mesquita (Nosportlimit) e terceira Sonia Roca (Nosportlimit).

Vídeo resumen




A natación desenvolveuse en líena entre os portos de Santo Tomei e Tragove en Cambados, sobre un mar en clama total. O segmento ciclista, tras un complexo tramo de ligazón discorreu pola Vía Rápida do Salnés, entre os muncipios de Cambados, Vilanova e Vilagarcia de Arousa e finalmente o segmento pedestre disputouse na distancia 60 integramente en Cambados, mentres que os participantes na distancia 113 ademais de Cambados pasaron por Vilanova de Arousa, para cruzar ata A Illa de Arousa, pola ponte que une o terreo insular co territorio continental.

 No operativo da proba colaboraron 100 voluntarios ádemas de efectivos de corpos de seguridade do estado e o balance da primeira edición é moi positivo, con detalles por puír como en toda primeira edición, pero que seguro serán liquidados para que a segunda edición do Ocean Lava Galicia sexa aínda mellor.





18.9.17

OS NENOS DE CAMBADOS APRENDEN A SER SOLIDARIOS CON “BULE NA NOITE”















Os nenos de Cambados gañan a carreira da solidaridade


OS NENOS DE CAMBADOS APRENDEN A SER SOLIDARIOS CON “BULE NA NOITE” QUE CONSIGUE RECADAR MÁIS DE 700 UNIDADES ESCOLARES PARA OS MÁIS DESFAVORECIDOS.

O FESTIVAL BULE NA NOITE, CELEBRADO EN CAMBADOS ESTE PASADO SÁBADO COMO DESPEDIDA DE VERÁN DOS MÁIS PEQUENOS DO MUNICIPIO, CONSEGUIU RECADAR MÁIS DE 700 UNIDADES DE MATERIAL ESCOLAR ENTRE MOCHILAS, LIBRETAS, LÁPICES OU ESTUCHES.

A aportación era o único requisito para participar nesta iniciativa, promovida dende a Concellería de Servizos Sociais en colaboración con Nordalaina e o Clube de Atletismo de Cambados, e na que se inscribiron 150 pequenos.
O material recadado repartirase agora entre unhas 50 familias do municipio, que tamén son receptores do banco de alimentos e o Concello pensa xa en repetir a iniciativa o vindeiro ano.
Os detalles explicábaos esta mañá o concelleiro de Servizos Sociais e Portavoz de Somos Cambados, Tino Cordal, acompañado de Bárbara Abal, da empresa organizadora Nordelaina, e María Casal, do departamento de Servizos Sociais.
Fonte Arousa Si Radio







13.9.17

CAMBADOS CREA "BULE NA NOITE" COMO DESPEDIDA DE VERÁN SOLIDARIA PARA OS MÁIS PEQUENOS












Os máis pequenos de Cambados teñen este sábado unha festa de despedida do verán e adaptación ao novo curso escolar que acaba de comezar.

Trátase do Festival “Bule na Noite” que terá lugar no entorno de San Tomé a partir das 20 horas con tres actividades distintas: clase de zumba, carreira infantil e unha actuación musical.
A iniciativa, promovida dende a Concellería de Servizos Sociais, terá ademáis unha finalidade solidaria coa entrega de material escolar para poder participar.

O recadado será entregado ás familias máis necesitadas do municipio.
Así o explicaban o concelleiro Tino Cordal e unha das organizadoras de Bule na Noite, Bárbara Abal, na presentación do Festival.




11.9.17

ÉXITO DA OCEANLAVA EN CAMBADOS






Onte celebrouse a primeira edición do Ocean Lava Galicia, que se disputou en Cambados coa participación de case 240 triatletas. Foron dúas probas moi esixentes e con distancias diferentes.
Desta forma, na proba máis curta masculina (60.0) Antonio e Iván González (Lamargha Beariz Tríatlon) chegaron xuntos a meta, pero a vitoria foi para Antonio, mentres que segundo foi Iván Gonzalez.  Héctor Fernández (Tríatlon Arteixo) ocupou o terceiro posto do podio a uns quince segundos.
Na proba feminina, o podio estivo formado por Nerea Castro (Club Ciclismo Tríatlon Poio) no máis alto, con Mónica Mezquita (NoSportLimit) na segunda posición e Sonia Roca (NoSportLimit), no terceiro chanzo.
113.0
Nico Domínguez (Disa HPS Tríatlon) foi o vencedor da proba 113.0, con Luis Alberto Paredes (Galaico Pontevedra) na segunda posición e Javier Fernández (Tríatlon Vilagarcía) no terceiro posto.
Na categoría feminina, o triunfo foi para Alice Héctor  (Evo), mentres que María Jesús Coya (Cidade de Lugo Fluvial) ocupou o segundo posto e Olalla Duro (Artrogal Tri-498) foi o bronce.



6.9.17

UN CAMBADÉS FAVORITO NA OCEANLAVA QUE SE DISPUTA O PRÓXIMO DOMINGO EN CAMBADOS











O próximo 10 de setembro celebrarase en Cambados a primeira edición do Ocean Lava Galicia onde máis de 240 inscritos participarán nas dúas distancias que ofrece a proba.

A proba comezará ás 8:30 da mañá na vila pontevedresa de Cambados, cunha natación en liña entre os portos de San Tomé e Tragove. A natación será a mesma para as dúas distancias. Posteriormente o sector ciclista desenvolverase cun tramo de ligazón, sobre un circuíto esixente, que será a 4 voltas para a distancia half (90 km) e 2 voltas (47,4 km) para a distancia 60.0 ambos os circuítos sen drafting.

Por último, a carreira a pé será a unha soa volta para as dúas distancias, é o tramo onde se percorrerá parte da Ruta Pai Sarmiento, coa peculiaridade de que se abandonará territorio continental na distancia half, para entrar na Illa de Arousa e volver novamente a Cambados.

En canto aos favoritos na categoría feminina estará presente Alice Hector que vén de gañar o Ocean Lava Madeira e  e do Ironman 70.3 de Rügen 2016é a máxima favorita para a proba en distancia 113.

En canto á participación masculina Nicolás Dominguez e o triatleta local Miguel Daporta son os favoritos para conseguir o primeiro título da proba.

Kenneth Gasque, director de Ocean Lava e organizador durante xa 26 edicións do Ironman de Lanzarote, estará proximamente en Galicia para presentar a proba e coordinar coa organización do evento todos os dispositivos para que a estrea no noroeste peninsular da franquía sexa un éxito.







2.9.17

O CAMBADOS XUVENIL VENCE EN OURENSE.

















O CJ Cambados Xuvenil participou na recepción oficial no Concello de Ourense onde se desprazou esta mañá para enfrentarse nun partido amistoso co CD Seixalbo  (12:00h). O resultado foi de 2-5 favorable aos amarelos, pero o importante era pasalo ben nesta visita á capital das Burgas.

A xornada inclueu xantar e visita ás termas da cidade das Burgas.





















23.8.17

XIMNASIA PARA MAIORES EN CAMBADOS













- As persoas maiores de 65 anos que se inscriban nesta actividade deportiva pagar tan só 9 euros ao mes polas clases de ximnasia no pavillón.

- As sesións comezarán o vindeiro 2 de outubro con tres xornadas semanais (luns, mércores e venres) en dous horarios diferentes (de 10 a 11 e de 11 a 12 da mañá).

O Concelleiro de Servizos Sociais, Sanidade e Terceira Idade, Tino Cordal, e o Representante de Aquafit Gestión, S.L., Alberto Durán, chegaron esta semana a un acordo para promover a ximnasia entre as persoas maiores de 65 anos nas instalacións do Pavillón Municipal de Deportes de Cambados.

Este acordo permitiralle ás persoas maiores de 65 anos que se inscriban nesta actividade deportiva pagar tan só 9 euros ao mes polas clases de ximnasia no pavillón. As sesións comezarán o vindeiro 2 de outubro con tres xornadas semanais (luns, mércores e venres) en dous horarios diferentes (de 10 a 11 e de 11 a 12 da mañá). O número de prazas dispoñibles é limitado, sendo de 60 persoas en total (30 para cada unha das sesións).

As persoas que desexen inscribirse poden facelo no despacho de servizos sociais situado na primeira planta da Casa do Concello. O prazo estará aberto ata que se completen as 60 prazas dispoñibles.

O Concelleiro de Servizos Sociais, Sanidade e Terceira Idade, Tino Cordal, explicou que o obxectivo fundamental deste acordo acadado con Aquafit Gestión, S.L., empresa adxudicataria das instalacións da piscina municipal cambadesa, é incentivar as prácticas saudables, o exercicio físico e o deporte entre as persoas maiores.

No pasado mes de xaneiro ámbalas dúas partes chegaron a un acordo similar para promover a natación entre as persoas maiores de 65 anos na piscina municipal de Cambados. Ese acordo permitiulle aos maiores cambadeses utilizar as instalacións da piscina a un prezo reducido sen ter que pagar tampouco a matrícula de inscrición.






22.8.17

XVIII XORNADAS DE INTRODUCCIÓN AO GOLF













A Concellería de Deportes do Ilmo. Concello de Cambados informa que  os videiros días 24 e 25 de agosto desenvolveranse, no Campo de Golf  “Chan do Fento” de A Armenteira, as XVIII XORNADAS DE INTRODUCCIÓN AO GOLF. A actividade, totalmente gratuita, está dirixida a nenas e nenos de entre 8 e 16 anos. As insripcións das prazas limitadas poderán facerse en horario de mañán nas oficinas municipais do Dinamizador Deportivo por riguroso orde de inscripción ata cubrir prazas.
O xoves 24 e o venres 25 de agosto sairase ás 10:30 horas da mañán en autobús de diante do Concello cara ó Campo de golf e o regreso está previsto para as 13:30 horas.





O XUVEN DA POR CERRADA A PLANTILLA RENOVADA NUN 90%










O conxunto cambadés asume unha tempada na que os problemas económicos impedían poder reter aos xogadores que tan bo nivel deron o ano pasado (tres foron a LEB Ouro, de feito). Un equipo tan renovado convértese en imprevisible. Incorporan mocidade con Bello, Poyatos e Barros. E logo chegan apostas de ligas portuguesa, xeorxiana ou romanesa. Unha das claves será o labor de integración que faga Chiqui Barros para cohesionar un bloque.

Chiqui Barros colle as rendas nun proxecto máis internacional que nunca. Repatrían a Galicia a Estévez, apostan pola mocidade de Poyatos que terá que demostrar que a LEB é o seu sitio, e poñen o acento internacional con fichaxes exóticas: o internacional xeorxiano Pkhakadze (do que falan moi ben), o internacional inglés Will Saunders (ten moi boa man e o seu reto é a súa condición física) e o internacional bielorruso Krysevich (que achegará físico á pintura).


Ent.- Chiqui Barros (Ferrol 1970) Chega procedente do Basquet Coruña, onde a pasada primavera logrou ascender ao filial á EBA. Nese mesmo club conseguiu unha fase de ascenso á ACB para mediados dos 90. 
Co Plasencia logrou levantarse campión de conferencia da EBA e levou no seu día ao Calpe á coñecida entón como LEB 2. Círculo Badaxoz (LEB 2) e ADT Tarragona (LEB Bronce) foron os seus últimos equipos masculinos antes de comezar no baloncesto feminino, onde estivo dúas tempadas á fronte do Universitario de Ferrol en LF2 e seis no Bembibre PDM, ao que subiu e asentou na liga Feminina. Ademais, o ferrolán conquistou o título de campión da liga Ecuatoriana co Universidade Tecnolóxica Equinoccial de Quito.

B.- Samuel Barros 
(19 anos, 1.90) é un base que chega desde Narón, co que competiu na pasada EBA promediando 15.3 puntos e 3.4 asistencias por partido.



B.- Otar Pkhakadze (Mgzavrebi) B
ase de 24 anos. Trátase dun xogador que foi internacional co seu país tanto en categorías de formación como na absoluta. Chega procedente da liga xeorxiana onde asinou 11.4 puntos co Mgzavrebi-Armia.



E.- Juan Martín Orellano (Zornotza) 
2,00 metros de estatura e 28 anos. Juanchi Orellano regresa a Cambados tras a súa aventura dun ano no Zornotza. Alí estivo nos números que máis ou menos promediaba en Cambados. 

E.- Pablo Villarejo (Alcázar) 
(25 anos, 1.95m) promedió 7.6 puntos e 1.1 rebotes por partido a pasada tempada. En Cambados volverá coincidir con Iago Estévez, co que compartiu vestiario en Alcázar.

A.- Martín Bello
(19 anos, 1.94m) é un ala que chega desde Basquet Coruña, onde competiu co equipo de Primeira Nacional logrando o ascenso a EBA.


A.- Will Saunders 
O ala británico chega ao conxunto amarelo para reforzar a liña exterior, aínda que o 2.01 de altura tamén lle permite poder actuar en posición de 4. Formado na NCAA (Charleston Southern), destacou pola súa eficacia no tiro exterior. Na súa etapa como profesional competiu en Angelico Biella da Serie A2 italiana e a pasada campaña fíxoo na liga romanesa co o Sibiu.


AP.- Iago Estévez (Alcázar) 
(26 anos, 2.04m) que chega procedente de Alcázar Basket, onde militou as dúas últimas campañas. Estévez ten unha dilatada experiencia en EBA e debutaba o ano pasado en LEB Prata promediando 6 puntos e 3.7 rebotes en Alcázar Basket.


AP.- Bernard Morena
 (26 anos, 2.03m) é a aposta de Xuven para o posto de á-pivote. O xogador marfileño chega despois dunha tempada en branco por motivos persoais pero foi convocado pola súa selección nacional para disputar o Afrobasket


AP.- Carlos Poyatos (Palma) 
(22 anos, 2.07m) disputou a pasada campaña a EBA promediando 15 puntos e 7.8 rebotes por encontro.


P.- Vladzimir Krysevich (Galitos) 
(26 anos, 2.09m) chega desde o Galitos da primeira división portuguesa onde promediou 3 puntos e 2.5 rebotes por encontro. 




21.8.17

DÚAS MEDALLAS ACADARON OS PALISTAS CAMBADESES NA ILLA ONTE








Na mañá de onte celebrouse na praia de O Bao na Illa de Arousa a quinta competición da liga Deputación de Pontevedra para as categorías Alevín e Benxamín, sobre a distancia de 1500 metros. A proba tivo que atrasarse debido ao forte vento á primeira hora da mañá. A competición contou con máis de 500 deportistas. Minutos antes da entrega de premio a organización da regata gardou un minuto de silencio polos atentados das Ramblas e Cambrils.

Ao termo das seis probas das que constaba a competición o Club Náutico Pontecesures sumou un total de 7994 puntos que lle deron a primeira posición do podio, o segundo posto con 5876 puntos levoullo o Club As Torres Romaría Viquinga , terceiro con 5203 puntos foi o Club Náutico O Muiño Stark Group . Con estes resultados, a clasificación xeral de liga queda encabezada polo Náutico Pontecesures (278 puntos), seguido polo Club Náutico O Muiño Stark Group e o Club As Torres empatados na segunda posición a 270 puntos.

As medallas individuais estiveron moi repartidas ao longo da mañá en todas as categorías. A primeira saída foi para as mulleres Benxamín onde as tres primeiras posicións ocupáronas Natalia Moreira-E.P. Cidade de Pontevedra, seguida pola súa compañeira de equipo Alcia Otero e Sabela Dacosta- Ría de Aldán.

Os seguintes en participar foron os homes Benjamín, categoría na que levou a medalla de ouro Iván Dovalo- Piragüismo Cambados, a prata sería para Daniel Torres- Piragüismo Portonovo e o bronce levaríallo Samuel Citoula-Náutico Pontecesures.

Iria Ludeña-Kaiak Tudense obtivo o primeiro posto na categoría muller Alevín B por diante de Daniela Álvarez-Río Verdugo e  Uxía Dabila-Ría de Aldán. Sería Brais Chan-As Torres Romaría Viquinga o campión masculino, chegando a meta por detrás del  Noé Moraña- Confraría Pescadores Portonovo e Marcos Estévez-Naval de Pontevedra.

As dúas últimas competicións foron para os homes e mulleres Alevíns A, ocupando as tres primeiras posicións do podio feminino Marta Guimarey- As Torres, Anxela Fontán- Piragüismo Verducido  e Érika Torres-Piragüismo Portonovo respectivamente. A carreira masculina gañábaa  Mario Santos- Náutico Pontecesures, en segunda e terceira posición cruzaban a liña de meta Anxo Eitor-Náutico Pontecesures e Pablo Domínguez-Piragüismo Cambados.

A seguinte competición da liga Deputación de Pontevedra celebrarase o próximo 9 de setembro na Illa de Arousa.










17.8.17

PARTIDO DE FÚTBOL PARA A IGUALDADE E ECONTRA A VIOLENCIA DE XÉNERO














Este sábado, 19 de agosto, o campo de fútbol do Pombal acollerá un partido de fútbol entre o Beiramar C.F. e o Deportivo Abanca B.
O encontro, que ten por lema “Fútbol pola igualdade e contra a violencia de xénero", disputarase ás 18:00 e a entrada será gratuita.

O encontro foi presentado días pasados no salón de plenos de Cambados pola alcaldesa, Fátima Abal, o presidente do Beiramar, Carlos Castro, e a presidenta e a vicepresidenta de "Esmar", Mari Carmen Torres e Soledad Cores. Os catro coincidiron en destacar o estado alarmante de casos de violencia de xénero, e a conveniencia de visibilizar esta secuela social con actos como un partido de fútbol que será arbitrado unha parte por unha muller e a outra por un home.







10.8.17

BASES DA CONVOCATORIA PÚBLICA DE SUBVENCIÓNS MUNICIPAIS A ENTIDADES SEN FINS DE LUCRO PARA O ANO 2017












A Xunta de Goberno Local, en sesión celebrada o 01.08.2017, acordou aprobar as Bases que rexerán a convocatoria pública de subvencións municipais a ENTIDADES SEN FINS DE LUCRO para o ano 2017, faise público o seu texto íntegro que é do seguinte tenor literal:
CONVOCATORIA PÚBLICA DE SUBVENCIÓNS MUNICIPAIS A ENTIDADES 
SEN FINS DE LUCRO PARA O ANO 2017
BASES
Disposicións xerais
1. Estas bases teñen por obxecto establece-los criterios e o procedemento para concede-las subvencións municipais, de acordo cos principios de publicidade, libre concorrencia e igualdade para a realización de actividades que complementen ou suplan ás atribuídas á competencia municipal, ou que, en xeral contribúan ó fomento dos intereses xerais ou sectoriais dos veciños do municipio de Cambados.
2. As presentes bases apróbanse de acordo co disposto na Ordenanza Xeral de Subvencións do Concello de Cambados (BOPPO nº 217 de 10 de novembro de 2004) e a normativa aplicable, especialmente a prevista na Lei 38/2003 de 17 de novembro Xeral de Subvencións, no Real Decreto 887/2006 de 21 de xullo polo que se aproba o Regulamento da Lei Xeral de Subvencións, na Lei 9/2007 de subvencións de Galicia e no Decreto 11/2009, do 8 de xaneiro polo que se aproba o Regulamento da Lei de subvencións de Galicia.



BASES








TRES CLUBES CAMBADESES RECIBEN SUBVENCIÓNS DA DEPUTACIÓN










CONCESIÓN DE SUBVENCIÓNS E SUBVENCIÓNS NON CONCEDIDAS A CLUBS DEPORTIVOS SEN ÁNIMO DE LUCRO QUE PARTICIPAN EN COMPETICIÓNS FEDERADAS DE ÁMBITO INFERIOR A NACIONAL, NO DEPORTE BASE E REXIONAL PREFERENTE (MODALIDADE FÚTBOL) PARA O ANO 2017
De conformidade co establecido no artigo 18 da Lei 38/03, de 17 de novembro, xeral de subvencións e na base 25ª.16, do orzamento provincial para o ano 2017, publícanse as subvencións concedidas no mes de xullo, polo Servizo de Deportes da Deputación Provincial, aprobadas por Xunta de Goberno na súa sesión ordinaria do día 28 de xullo de 2017 a clubes da provincia de Pontevedra, tres de eles de Cambados.



Información completa










9.8.17

CICLISMO E MILLA URBANA ESTA FIN DE SEMANA








A Concellería de Deportes do Ilmo. Concello de Cambados informa que o vindeiro venres, día 11 de agosto, a partir das sete da tarde no Paseo Marítimo de Cambados, disputarase a XXIII MILLA E DOBLE MILLA URBANA DO ALBARIÑO. A proba contará con varias carreiras por idades coas súas respectivas distancias: os nenos de 10 a 13 anos correrán 800m, os de 14 a 18 anos, 800m, os veteranos (maiores de 36 anos) correrán unha milla (1609m), e a categoría absoluta (de 18 a 35 anos) unha doble milla (3218m). Para estes últimos haberá premios en metálico e trofeos e medallas para os primeiros clasificados de cada categoría.

O sábado, día 12 de agosto, será o día do ciclismo, posto que se disputa o XLIX GRAN PREMIO CICLISTA DO ALBARIÑO. A partir das cinco da tarde e no circuito urbano de Cambados, tódolos siareiros poderán disfrutar do deporte do pedal con categorías dende cadete a xuvenil.







8.8.17

O PIRAGÜISMO CAMBADOS NON PUDO REVALIDAR O TÍTULO NA COPA SIPRE











Na praia da Madalena no concello de Cabanas tiña lugar a última proba da liga galega de kaiak de mar e da IV Copa Sipre de kaiak de mar, na que se reuniron vinte e catro equipos de Galicia. Ademais a competición era campionato galego da especialidade.

O Club de Mar Ría de Aldán facíase co triunfo na xeral da proba  ao sumar 335 puntos, por diante do Club Piragüismo Olívico que sumou 300 puntos, a terceira posición levoulla o Club Piragüismo Cambados con 236 puntos.
Polo que respecta á clasificación xeral masculina, a vitoria final na liga foi para o Club de Mar Ría de Aldán con 260 puntos, sendo o vencedor en mulleres o Club Piragüismo Olívico con 105 puntos.

A nivel individual a vitoria en K1 senior sprinter foi para Adrián Carpente do Club Náutico Cambre, seguido por Jesús Rodríguez do Piragüismo O Barco e de Daniel García do Náutico Cobre, Rut Otero do Breogán do Grove foi a primeira en muller senior sprinter, por diante de Noelia Moledo? Ría de Aldán e María Alonso-Piragüismo Olívico.

Ademais pola mañá celebráronse o campionato galego da categoría infantil e o campionato galego individual sprint. O Ría de Aldán levou a vitoria na xeral de infantís por diante  do Piragüismo Olívico e o Náutico Cobre.
O vencedor individual na proba de velocidade masculina foi Adrián Carpente do Náutico Cambre e o triunfo en mulleres levoullo  Carmela Menduiña do Ría de Aldán.










30.7.17

A CAMBADESA MARÍA PÉREZ PRATA NO MUNDIAL DE ROMANÍA












A cambadesa María Pérez acada a prata nos Mundiais de Romanía na proba disputada hai escasamente unha hora.



As canoistas María Pérez (Náutico O Muiño) e Antía Jácome (E.P. Ciudad de Pontevedra) conseguiron a prata na final de C-2 200 metros, campionato de Europa junior e sub-23 que se está a disputar en Pitesti (Romanía).
As españolas chegaron no segundo posto da final tras quedar por detrás da parella serbia que as superou por pouco menos de medio segundo  Completaron a proba cun tempo de 00.00.46.544 por 00.00.46.020 das serbias.

NORABOA AS RAPAZAS, AS FAMILIAS E AOS SEUS CLUBES!!!!!





29.7.17

UN NOVO OURO PARA MANUEL FONTÁN






O padexeiro do Náutico O Muíño selou a súa partición en Györ (Hungría) cunha segunda medalla de ouro na proba de C1 200 metros.
A última xornada dos Xogos Europeos da Mocidade que se están celebrando na cidade húngara de Györ, deixounos outra mostra máis da superioridade do deportista vilanovés afincado en Cambados, do Club Náutico O Muiño que sumou a súa segunda medalla nestos xogos, despois da que conseguiu o pasado xoves no C1 500 metros.
Pola mañá Fontán clasificábase para a final vespertina, gañando con autoridade a súa serie. Ás 15:40  disputábase a final de medallas na que por segunda vez nestes xogos Manuel conseguía unha medalla de ouro, despois de marcar un tempo de 43.380 milésimas, a segunda e terceira posición foi para os representantes de Hungría Benedek Horváth e de Xeorxia Gia Gabedava respectivamente.


En canto a María Pérez, onte acadou o décimo 

posto, 2ª  na Final B. Un 10° 

posto do mundo no C-1 Júnior 500 metros 

sendo todavia de 1° año. Mañán 

loitará polas medallas na final do C-2 500 

metros e con moitas 

posibilidades de acadar un metal.
Noraboa aos rapaces e como non, as familias e 

Club Naútico O Muiño Piragüismo







28.7.17

SEGUEN OS BOS RESULTADOS DOS NOSOS CANOÍSTAS











As padexeiras galegas nunha competición anterior



Seguen os bos resultados do piragüismo pontevedrés no Campionato do Mundo Junior e sub-23 que se está a disputar en Pitesti (Romanía).
A canoista cambadesa María Pérez (Náutico O Muiño) e Antía Jácome (E.P. Ciudad de Pontevedra) clasificáronse para a final de C-2 500 metros junior, tras quedar segundas na súa serie. Completaron a proba cun tempo de 02:17.500, só superadas pola parella ucraína.
Pola contra en individual, María Pérez (Náutico O Muíño) non poderá loitar polas medallas e terase que conformar con participar na final B na proba junior de C-1 500.
Manuel Fontán clasificouse para a seguinte fase do C-1 200 metros ao finalizar 2° a sua calificacion nos Xogos Europeos da Xuventude.





ANDAINA "MÁS ZAPATILLAS, MENOS PASTILLAS"










Esta Andaina é o primeiro circuíto gratuíto de carreiras populares adaptadas ás persoas da terceira idade, cuxo obxectivo é promover hábitos de vida saudables e fomentar a saúde a través do deporte.

Terá lugar este domingo 30 de xullo polo centro urbano de Cambados (Pontevedra), con saída na praza Fefiñanes ás 9 da mañá e chegada nese mesmo lugar tres horas máis tarde, e constará das seguintes partes:
Percorrido curto, inclusivo e non competitivo.

Actividades complementarias sobre hidratación e nutrición

Zona interactiva, onde as familias poderán divertirse e gozar dunha clase de zumba para todos.
Será un traxecto de 2,1 km, empezando na Praza de Fefiñanes, indo polo paseo marítimo ata a Praza de Abastos e volvendo pola Avenida Madrid. A Andaina non será unha competición, o obxectivo é que todos os participantes completen o percorrido sen a necesidade de chegar á fatiga. "Queremos que todos sintan parte e que non haxa xente que quede atrás, por iso non se incentivará a competencia, senón a inclusión de todas as persoas da terceira idade, sen importar os anos que teñan" comentan desde a organización.

Ademais, todo o beneficio que se recade doarase á Asociación de Familiares de Enfermos de Alzheimer (AFASAL), para poder axudar a difundir a súa imaxe dentro da comarca do Salnés e conseguir que poidan brindar un mellor servizo aos seus pacientes.