CIDADE EUROPEA DO VIÑO 2017

CIDADE EUROPEA DO VIÑO 2017
CIUDAD EUROPEA DEL VINO 2017
Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.
Amosando publicacións coa etiqueta DEPORTES. Amosar todas as publicacións
Amosando publicacións coa etiqueta DEPORTES. Amosar todas as publicacións

20 de febreiro de 2018

RESULTADOS DO CAMPEONATO DE POWERLIFTING WPC “CAMBADOS CAPITAL DO ALBARIÑO” 2018.










O pasado sábado déronse cita en Cambados (Pontevedra) varios dos mellores Powerlifters de españa no I Open Nacional “ cambados Capital do Albariño” 2018, organizado polo Club Vital Sport Cambados, o Club GT Team de Teixeiro (A Coruña) e o Ilmo Concello de Cambados.
A cita se saldou, na súa Categoría Elite, coa vitoria do madrileño Daniel Martínez , o multicampeón do mundo veu á capital do albariño disposto a non deixar dúbidas e sentenciou o campionato na primeira proba cunha Sentadilla case inhumana de 360 kg.

Os seus inmediatos perseguidores remontaron un pouco na segunda proba con grandes marcas na modalidade de Press Banca (217,5 kg César Agüera e 227,5 kg Guti) pero non foron suficientes para igualar ao Uruguaio afincado en Madrid, que tamén se impuxo na modalidade de Peso Morto, entre estes competidores fixeron 3 das 6 mellores puntuacións da historia de Powerlifting en España batendo ademais dous récords de España. A categoría completárona o Villagarciano Carlos Berride e Jaime Carballo con incribles marcas de 300 kg.
O triunfo en categoría feminina Nacional foise igualmente a Madrid da man de Isabel Sanz que con só 19 anos ostenta varios récord de España. O Open Nacional masculino, tremendamente disputado, con 14 competidores no que se bateron dous Récords Nacionais, un deles consecutivamente en dúas ocasións por competidores correlativos en quenda de competición, e tendo unha actuación estelar o Catalán José Luís Domínguez que bateu o actual Récord do Mundo de Press de Banca en categoría sub- junior e en Alejandro Serrano que se proclamou campión do Open.

Outros resultados foron: Campión masculino Press de Banca: Roberto Vázquez (récord de españa).
Campión masculino Peso Morto: Alejandro Serrano.
Campioa feminina Press de Banca: Leticia Fernández .
Campioa feminina Peso Morto: Isabel Sanz

VÍDEO-RESUMO





19 de febreiro de 2018

O CLUB PIRAGÜISMO CAMBADOS LEVA O V TROFEO CONCELLO DE RIANXO DE KAIAK DE MAR











O conxunto cambadés forxou o seu triunfo coa vitoria na xeral masculina e un cuarto posto en mulleres, na que o primeiro clasificado foi o Club de Mar Ría de Aldán. Na tarde do sábado celebrábase nas inmediacións da lonxa de Rianxo o V Trofeo Concello de Rianxo pertencente á liga galega de kaiak de mar, na que participaban preto de douscentos deportistas. Ao termo de todas as saídas da regata o Club Piragüismo Cambados sumaba 338 puntos que lle daban o triunfo na clasificación xeral do trofeo, a segunda posición con 249 foi para o Club de Mar Ría de Aldán , á súa vez o Club Piragüismo Olívico alcanzaba a cifra de 200 puntos para lograr o terceiro posto. Ademais fíxose entrega do II Trofeo Toffe aos clubs gañadores das clasificacións masculina e feminina, neste caso o Piragüismo Cambados foi o gañador en masculino e o Ría de Aldán en feminino. Polo que respecta á clasificación individual a vitoria en K1 Sprinter senior masculino foi para Jacobo García (E. P. Cidade de Pontevedra), en segunda posición chegou a meta Miguel Pérez (Piragüismo Cambados), sendo terceiro Daniel García (Náutico Cobres). Pola súa banda, María do Palacio (Piragüismo Olívico) logrou a medalla de ouro en muller K1 Sprinter senior, por diante de Araceli Menduíña (Ría de Aldán) e a súa compañeira de equipo Marta Hermida segunda e terceira respectivamente. A próxima competición da liga celebrarase o día 1 de maio en Cambados.








17 de febreiro de 2018

I CAMPEONATO NACIONAL DE POWERLIFTING EN CAMBADOS











O Club Vital Sport Cambados, o Club GT Team da Coruña, e o Ilmo. Concello de Cambados, organizan hoxe sábado día 17 de febreiro, a partir das 10:30 horas, o primeiro Campionato de Powerlifting "Cambados Capital do Albariño" 2018, no que competirán atletas de nivel nacional e internacional. Un evento espectacular de Forza no que se verán deportistas de todos os niveis, desde principiantes e debutantes, a competidores nacionais e internacionais que tentarán conseguir algún Record Oficial.

Estades todos convidados a vir e gozar do campionato, e animar a todos os competidores. O Campionato terá lugar en horario de mañá e de tarde. Pola mañá participarán principiantes e debutantes neste deporte, e pola tarde competidores Nacionais e Internacionais.

Lugar: Salón Peña





3 de febreiro de 2018

RETIRAN A DENUNCIA CONTRA DOUS PAIS DE XOGADORES DO CAMBADOS











O árbitro do partido Verdugo-J. de Cambados retirou a denuncia que puxera o pasado domingo contra dous pais de xogadores do infantil B por agresión. 

Este blog xa tivera o mesmo domingo, coñecemento da versión dos pais e difería moito da que dera o trencilla.  Trala reacción do J. de Cambados de abrir unha investigación decidimos non publicar nada ata que esta finalizase. 


Unha vez que os pais acusados tiñan a idea de denunciar a este árbitro por denuncia falsa o propio colexiado dou marcha atrás, alegando que "estaba muy nervioso".
Segundo os pais, foi o propio colexiado quen se encarou cos pais despois de que estes lle dixeran "ciao" cando se dirixía a coller o coche para marchar e que o debeu entender por outra cousa. Os pais intentaron explicarlle que non lle dixeran nada malo pero non houbo maneira. Foi entón cando se produxo un intercambio de palabras pero nunca unha agresión como denunciara o árbitro.

Agora so queda agardar por un comunicado da delegación pontevedresa da FGF e un artigo na Voz De Galicia retractándose das acusacións falsas de este trencilla que deixou en entredito a reputación de pais e do clube cambadés. Por suposto tamén se fai necesario un comunicado por parte do clube toda vez que a investigación ten rematado.






30 de xaneiro de 2018

RAPACES DA CANTEIRA DO CAMBADOS VISITAN AO CELTA DE VIGO















O pasado sábado 27, a Fundación Celta recibiu na Cidade deportiva da Madroa ao Club Juventud de Cambados, club co que a Fundación traballa cunha escola de asesoramento e unha escola de Tecnificación.
Na visita, xogáronse dous amigables entre o Club Juventud de Cambados, contra os equipos
benxamín e alevín da Canteira Celeste. Ao finalizar o encontro os mozos tiveron a ocasión de ver aos xogadores do primeiro equipo así como ao Presidente D.Carlos Mouriño e o Míster Juan Carlos Unzué.






























29 de xaneiro de 2018

COMUNICADO DO C.J. CAMBADOS POR UN SUPOSTO CASO DE VIOLENCIA NO DEPORTE









➡️COMUNICADO OFICIAL
Despois dos supostos feitos acaecidos ao termo do encontro que disputaron o domingo o noso Infantil B e o AXD Verdugo e que foron recollidos no acta arbitral, onde dous pais de nenos do noso Club increparon e intentaron agredir ao colexiado, a dirección do Club abre unha investigación para obter toda a información sobre o incidente coa finalidade de tomar as medidas axeitadas ó caso.
Dende o Club Juventud Cambados queremos condenar calquera tipo de violencia, ben sexa verbal ou física en calquera campo de fútbol, especialmente nas categorías de fútbol base polo nefasto exemplo que estas condutas supoñen nos rapaces e rapazas.







ROBERTO FUENTES DEIXA DE SER ADESTRADOR DO C.J. DE CAMBADOS








Hai uns intres a directiva do C.J. de Cambados emitía un breve comunicado a través da súa páxina de facebook no que comunicaba o fin da relación entre o clube de fútbol e o adestrador pontevedrés.

COMUNICADO OFICIAL
O Club Juventud Cambados decide poñer fin á etapa de Roberto Fuentes como adestrador do primeiro equipo.
Dende o Club queremos agradecerlle o seu traballo e implicación durante estos meses así como desexarlle sorte para o futuro.
O Club xa está traballando na búsqueda do sustituto.

Roberto Fuentes sustituíra este verán a Luís Carro que estivera como adestrador nas derradeiras tempadas e que recibira e aceptara unha oferta do C.D. Ribadumia.
Fuentes, ex-xogador do Club e participante no derradeiro ascenso do CJ de Cambados a Preferente,  chegaba para intentar seguir na liña ascendente das dúas tempadas pasadas. Tras un comezo prometedor, nas derradeiras semanas os malos resultados, rotos onte por unha victoria ante o Santa Mariña, acompañaban ao equipo. Malia todo ocupa plaza de ascenso nunha liga moi igulada.





BO COMEZO DO EXP A TORRE DE XADREZ NA LIGA













O sábado comezou a Liga Galega de Xadrez por Equipos e o EXP Torre de Cambados debutou na categoría de terceira división cunha victoria por 4-0. O encontro tivo lugar na sala de conferencias de ExpoSalnés, en Cambados.
Os rivais foron o EXP Escola Municipal, plantou unha boa resistencia pese á súa xuventude.
Na mesa 1 Miguel gañou a Rafa, quen tras xogar moi ben a apertura, precipitouse e deixouse un cabalo por mover rápido.
Na mesa 2 Iago picou nunha celada de Gabriel, quen acadou peza por 2 peóns e mellor posición, pero o Cambadés soupo remontar a partida gracias a un ataque ao rei.
Na 3, Carmen tivo a partida gañada nun momento pero Miguel desquitouse do ataque da xogadora Pontevedresa e pasou a un final gañado.
Na 4 Sergio acadou unha peza de ventaxa ao inicio da partida frente a Fidel, e conseguiu transformala en victoria.









24 de xaneiro de 2018

APROBACIÓN INICIAL DO REGULAMENTO DO RÉXIME XURÍDICO, XESTIÓN, USO E UTILIZACIÓN DAS INSTALACIÓN DEPORTIVAS









Aparece publicado no BOPPO de hoxe o Regulamento do réxime xurídico, xestión, uso e utilización das instalación deportivas de titularidade do Concello de Cambados.


O Pleno do Concello, en sesión ordinaria celebrada o 27 de xullo de 2017, acordou aprobar inicialmente o Regulamento do réxime xurídico, xestión, uso e utilización das instalación deportivas de titularidade do Concello de Cambados. De conformidade co previsto no artigo 49 da Lei 7/1885, de 2 de abril, Reguladora das Bases de Réxime Local, ábrese un período de información pública por espacio de 30 días para a presentación de reclamacións e suxerencias.
No caso de que non se presentase ningunha reclamación ou suxerencia, entenderáse definitivamente adoptado o acordo ata entón provisional, entrando en vigor no prazo de 15 días hábiles a contar dende a publicación do texto íntegro.
Este regulamento foi moi contestado nun principio polos usuarios, sobre todo pais, por ser demasiado restrictivo.



16 de xaneiro de 2018

NOVIDADES PARA A SEGUNDA EDICIÓN DO OCEAN LAVA GALICIA A CORRER EN CAMBADOS










Este ano melloráronse os circuítos da proba

Despois do éxito conseguido na primeira edición, Ocean Lava Galicia buscará consolidarse este 2018. Sobre os mesmos paraxes que na edición de 2017, o 29 de abril disputarase a segunda edición.
O cambio de data é a gran novidade desta edición, onde a organización tivo que adaptala polo comprimido calendario de tríatlon da federación galega de tríatlon. Tentando mellorar a experiencia dos triatletas, a organización deseñaron os circuítos sobre a base dos utilizados na pasada edición, pero tratando de mellorar os aspectos os puntos débiles detectados na proba. A natación será en liña como en 2017 con saída no Porto de Santo Tomei e chegada no porto de Tragove, os dous na localidade de Cambados, coa novidade de que este ano a natación farase pola parte de fóra do peirao para que sexa unha natación moito máis limpa. No segmento de ciclismo simplifícase a ligazón evitando o primeiro tramo urbano, e sinalizando e arrombando a zona máis complicada de leste. Seguirán sendo 4 voltas, pero coa eliminación da ligazón pasan a ser 80 quilómetros. Aínda así, o segmento ciclista mellora moito coa eliminación dese primeiro tramo de ligazón. No segmento de carreira, na distancia half a ponte da Illa de Arousa seguirá sendo un dos emblemas da proba. Redúcese tamén o tramo urbano, que se fará ao principio do media maratón investindo así a orde con respecto á edición de 2017. O segmento de carreira a pé sairá de Cambados, pasando por Vilanova de Arousa ata a Illa de Arousa onde se dará volta para volver a Cambados onde estará situada a meta.


Actualmente, só está aberta a inscrición da distancia half e en caso de non alcanzarse os 200 deportistas inscritos ao 15 de febreiro, abrirase a inscrición para a distancia curta. Esta distancia abriríase en principio con soamente 100 prazas, limitando sempre en todo caso a proba a 350 inscritos entre as dúas distancias, pois un dos obxectivos da organización é a loita contra o drafting. Ademais nesta edición incorpórase como coorganizador o club Olímpico de Vedra e manterán o apoio á proba os clubs locais: club piraguismo Cambados, club ciclista do Salnés, club ciclista Cambados e club atletismo Cambados ademais da Mancomunidade do Salnés, especialmente os concellos de Cambados, Vilanova de Arousa e A Illa de Arousa, con colaboración tanto en recursos humanos (Policía e Protección Civil) como medios técnicos. En total un dispositivo de aproximadamente 130 voluntarios, aos que tamén se unirán as agrupacións de Protección Civil de Caldas e Ribadumia. Máis información:http://oceanlavagalicia.com/ Foto e Info: Ocean Lava Galicia




29 de decembro de 2017

GOBERNO DA DEPUTACIÓN ADXUDICA A NOVA CUBERTA DA PISCINA DE CAMBADOS










A Xunta de Goberno da Deputación adxudica o novo complexo deportivo de Cambados

Carmela Silva asegura que "co novo proxecto cumprimos a legalidade para que Cambados poida prestar uns servizos públicos de calidade"
A Xunta de Goberno do Goberno de Carmela Silva vén de adxudicar definitivamente as obras do novo edificio do complexo deportivo do Pombal, en Cambados, á UTE Prace Servizos e Obras S.A. Copsesa. Deste xeito, a vila do Salnés contará, nun prazo de 11 meses, cunha das maiores reclamacións que viña facendo a cidadanía de Cambados nestes últimos anos. A empresa presentou unha oferta por 846.744,99 euros, unha rebaixa sobre o prezo que figuraba no concurso pública da substitución da envolvente e diversas melloras no seu interior.
A Presidenta da Deputación de Pontevedra, Carmela Silva, asegurou que "non poderiamos rematar o ano dunha mellor maneira que con esta boísima noticia para as veciñas e veciños de Cambados" xa que, lembrou, "despois de que os anteriores gobernos tanto da institución provincial como do concello fixeran un proxecto que non cumpría nin os mínimos criterios sanitarios nin tampouco os ambientais, agora por fin esta vila contará cunhas instalacións que estarán á altura e dentro do marco da legalidade".
Carmela Silva sinalou que "hoxe por fin damos o último paso do procedemento administrativo para que este proxecto sexa unha realidade e deixamos de condenar a Cambados a contar cunhas instalacións impropias" que, lembrou, "se fixeron ás présas e correndo, con fins electoralistas". "O actual Goberno da Deputación de Pontevedra levamos máis de dous anos facendo fronte ás chapuzas que nos deixou o anterior", afirmou a Presidenta, "pero tamén levamos máis de dous anos amosando que cando as cousas se fan dunha maneira rigorosa saen adiante, cumprindo a legalidade, os prazos previstos e, o máis importante, cumprindo os compromisos coa cidadanía para poder prestar uns servizos públicos de calidade".
Deste xeito, en canto rematen as obras de mellora e de reforma do complexo deportivo do Pombal, Cambados contará cunhas instalacións que corrixen as deficiencias do anterior edificio e que incluirán a substitución da cuberta do complexo (por mor da deficiencia en transmitancia térmica que presenta na actualidade) e a actualización das instalacións de climatización do complexo deportivo. O novo edificio integrarase no espazo urbano lindeiro, reducindo o impacto ambiental; mellorarase o seu confort térmico, unificaranse o vaso e a praia da piscina cos espazos lindeiros para así mellorar a resposta funcional deste espazo e modificarase o peche para que limite a demanda enerxética que se precisa para acadar o benestar térmico.
Con esta reforma tamén se mellorará a eficiencia das novas instalacións para así cumprir coa normativa aplicable grazas á instalación de sistemas de eficiencia enerxética que reducirán o consumo enerxético mediante o control e a regulación da temperatura, a mellora do sistema de iluminación coa integración de equipos altamente eficaces e con sistemas de control e integración de luz natural e a mellora do sistema de xeración da auga quente sanitaria e o de  quecemento da auga da piscina.




27 de decembro de 2017

VENRES DE DEPORTE SOLIDARIO CON RECOLLIDA DE BEBIDAS E XOGUETES NO POMBAL









Este venres 29 de decembro será unha data chea de solidariedade no complexo polideportivo do Pombal grazas á boa disposición e xenerosidade da empresa Aquafit e do Club Xuventude de Baloncesto.
A empresa adxudicataria da piscina municipal realizará, ao igual co ano pasado por estas datas, un maratón navideño solidario de actividades. Comezará ás 16:15 horas coas seguintes actividades para nenas e nenos: Heroican Kids (16:15) e Zumba Kids (17:00).
Seguirá logo coas actividades para adultos (usuarios a partir de 14 anos): Ritmos Latinos (Merengue, Bachata, Roda Cubana, etc.), ás 17:45; Zumba, ás 18:45; Body Tono, ás 19:45; Aquagym (Piscina), ás 20:45; e, Ciclo, ás 21:30 horas.
Para participar neste maratón navideño solidario de actividades só é preciso apuntarse e levar algunha bebida non perecedeira (augas, zumes, etc.) ou algún produto de hixiene persoal (xabón, xel, xampú, etc.) que serán doados aos Servizos Sociais do Concello de Cambados, quen se encargará de distribuílos entre as familias necesitadas da nosa localidade.  
Por outra banda, a partir das 20 horas deste mesmo venres 29 de decembro, durante o partido do Club Xuventude de Baloncesto no Pavillón do Pombal, recolleranse xoguetes novos ou en bo estado para as nenas e os nenos das familias necesitadas de Cambados. Serán os Servizos Sociais do Concello os que se encarguen de repartilos durante os vindeiros días, antes da festividade dos Reis Magos.
Dende a Concellería de Servizos Sociais queremos expresar o noso sincero agradecemento tanto á empresa Aquafit, adxudicataria da piscina municipal, como ao Club Xuventude Baloncesto por estas iniciativas solidarias que serán, sen dúbida, moi ben recibidas polas familias necesitadas de Cambados.





26 de decembro de 2017

IV SAN SILVESTRE SOLIDARIA CAMBADOS














Quedan poucas horas para pechar as inscricións na San Silvestre Solidaria de Cambados.


Como cada ano, a acción solidaria estará presente na San Silvestre Cambados. Así que, non esquezades facer entrega de alimentos non perecedoiros cando recollades o voso dorsal, ademais este ano, os que queirades podedes entregar un xoguete, para que este Nadal os Reis Magos cheguen a tódolos fogares.
Todo o recadado, irá destinado ó Banco de Alimentos dos Servizos Sociais do Concello de Cambados.
Ademais de despedir o ano pasándoo ben, podedes levarvos un dos premios os mellores disfraces.
Así que tirade de inxenio e lucide as cosas mellores galas na San Silvestre Solidaria de Cambados.



Lembrade que as inscripción están abertas ata o xoves 28 ás 23:59 horas en www.galitiming.com











21 de decembro de 2017

DERROTA DO XUVEN EN CATALUÑA










Os xogadores do Torrons Vicens Hospitalet saltaron á cancha dispostos a recuperar a senda do triunfo ante un esixente rival. Unha complicada empresa ante os problemas de lesións sufridos polos cataláns na dirección o que obrigou ao ala Edgar San Epifanio a xogar ao un durante varios minutos. Con este panorama, os cataláns apostaron por un xogo sumamente ofensivo co que atacar a un Xuven que aguantou o tirón durante os primeiros minutos (26-24) sufrindo algo máis durante o segundo acto (49-41). Foi tras o paso por vestiarios cando os homes de Chiqui Barros protagonizaron os seus mellores minutos a través dun parcial de 17-27 que investiu as tornas do choque (66-68). A igualdade volvía ao marcador e no cuentro estaba no aire pero, nese momento, o equipo local foi capaz de dar un paso á fronte para asegurar unha vitoria coa que manter vivo o soño da Copa (93-87).
MVP: Devin Schmidt ( Torrons Vicens) - 31 valoración


Estatística






20 de decembro de 2017

200 XIMNASTAS EN FAVOR DA A.M.E.









O pavillón de O Pombal, en Cambados, acolle o vindeiro sábado 23 unha exhibición de danza a beneficio de GaliciAME, a asociación de apoio aos enfermos de atrofia muscular espinal e ás súas familias. O evento organízao a escola de danza cambadesa Grand Jeté. O evento empeza ás 17.00 horas, e congregará en Cambados a máis de 200 bailaríns, procedentes de ata 18 escolas de toda Galicia. Isto converterá a exhibición de Cambados nun dos eventos de danza clásica máis importantes en Galicia. As entradas están á venda durante este fin de semana na oficina de turismo (situada no edificio de Exposalnés), e a partir do luns venderanse na biblioteca municipal Luís Rei. Se se compran de forma anticipada, custan 1,5 euros, e se se compran en despacho de billetes, 2,5. O diñeiro recadado será doado a GaliciAME, unha organización radicada en Cambados que está a colaborar economicamente cun grupo médico do hospital catalán Sant Joan de Déu, que está a tentar completar unha historia natural de AME.





14 de decembro de 2017

XA HAI DATAS PARA A XORNADA APRAZADA DO FÚTBOL GALEGO














O Comité de Competición e Disciplina designa datas para a xornada aprazada
O 23 de decembro para as categorías base, o 31 para Preferente e o 11 de febreiro para 1ª Galicia son as datas fixadas si non se poñen dacordo os clubs


Aínda que realmente o "Boxing Day" se celebra en Inglaterra o 26 de decembro, día no que sempre hai xornada na Premier League e que fai referencia a unha celebración tradicional británica que foi trasladada ó fútbol, podemos calificar tamén con ese termo a xornada que acaba de quedar fixada polo Comité de Competición e Disciplina da RFGF para a categoría de Preferente, que acordou determinar o 31 de decembro, ás 12:00 horas, como data para a celebración da xornada que foi aprazada a fin de semana pasada debido ás adversidades meteorolóxicas.
O Comité de Competición decide dar un prazo en todas as categorías para que os clubs se poñan dacordo na celebración dos seus partidos, pero tamén fixa unha data de oficio por si ese acordo entre as dúas partes non se produce.



No caso de que as Delegacións da RFGF determinen outras datas nas competicións dependentes das mesmas terán validez as datas sinaladas por elas.

Polo tanto, teremos un Nadal moi futbolero coa celebración de todos os partidos aprazados nas categorías de Preferente e fútbol base.






12 de decembro de 2017

AS RAPAZAS SUB-18 E SUB-16 QUE ADESTRARON EN CAMBADOS VIAXAN A VALENCIA













A selección galega sub-18 feminina que dirixe Quin Valbuena e a sub-16 de Edu González xa están listas para viaxar á localidade valenciana de Llíria para disputar a primeira fase do Campionato de España de Seleccións Autonómicas.

Lembremos que onte as rapazas tiveron un adestramento nos campos do Pombal para afrontar esta fase.

As nosas seleccións enfrontaranse alí á vasca e á valenciana, co seguinte calendario:

CALENDARIO E HORARIOS CAMPIONATO DE ESPAÑA SUB-18 E SUB-16 FEMININO
LLÍRIA (VALENCIA) - 16 E 17 DE DECEMBRO DE 2017   
DÍAHORAPARTIDOCAMPO
SELECCIÓNS SUB-18   
SÁBADO 1612:15COM. VALENCIANA - ARAGÓNEL CANÓ 1
SÁBADO 1612:15PAÍS VASCO - GALICIAEL CANÓ 2
DOMINGO 1712:15GALICIA - COM. VALENCIANAEL CANÓ 1
DOMINGO 1712:15ARAGÓN - PAÍS VASCOEL CANÓ 2
SELECCIÓNS SUB-16   
SÁBADO 1610:15COM. VALENCIANA - ARAGÓNEL CANÓ 1
SÁBADO 1610:15PAÍS VASCO - GALICIAEL CANÓ 2
DOMINGO 1710:15GALICIA - COM. VALENCIANAEL CANÓ 1
DOMINGO 1710:15ARAGÓN - PAÍS VASCOEL CANÓ 2

Estas son as convocatorias definitivas: SUB-18 | SUB-16
Fonte: FGF





11 de decembro de 2017

AS SELECCIÓNS SUB-16 E SUB-18 FEMININAS ADESTRAN HOXE EN CAMBADOS










As seleccións femininas sub-16 e sub-18 de Galicia adestran esta tarde en Cambados para chegar en plena forma á fase do Campionato de España que se xoga xa na vindeira fin de semana (Llíria, 15-17 de decembro). A cita é as 17:30 nos campos do Pombal

Sub-16

Sub-18