FALECE A MENOR DE TRES ANOS FERIDA NO ACCIDENTE DE VILANOVA

Imaxe: Garda Civil

A nena de tres anos que resultou esta mañá ferida grave nun accidente de tráfico en Vilanova non puido salvar a vida.

A menor viaxaba xunto á súa nai, de 26 anos, correctamente suxeita co sistema de retención infantil, aínda que a tablet que utilizaba para distraerse durante o traxecto foi a causa pola que a pequena se atopaba en coma. A nena, de tan só tres anos, sufriu un forte golpe na cabeza durante o accidente de tráfico que ambas sufriron á primeira hora deste luns na localidade de Vilanova de Arousa, en Pontevedra. No suceso víronse implicados varios coches. Nun primeiro momento produciuse un choque entre dous turismos que non tivo grandes consecuencias. Como resultado de tal alcance, o resto de vehículos tiveron que reducir a velocidade, algo que non fixo a nai da menor, segundo indicou o diario, por un deslumbramiento, polo que o seu Audi Q3 chocou co autobús escolar que se atopaba xusto diante delas. Eran as 9.00 horas da mañá de hoxe luns. Unha vez deuse a alerta, tivo que ser necesaria a asistencia dun helicóptero medicalizado para evacuar á menor ao Hospital Clínico de Santiago de Compostela, lugar no que se lle atendeu rápidamente dada a gravidade das feridas sufridas e que finalmente causaron a sua morte. A nai da nena tamén resultou ferida grave e atópase no Hospital do Salnés, aínda que non se teme pola súa vida. Os 14 menores que viaxaban no transporte escolar, da escola dos Salesianos de Cambados, non resultaron feridos, excepto un que foi trasladado ao hospital con prognóstico leve.