SIGUE A BUSCA DOS RAPACES DESAPARECIDOS HAI 10 DÍAS

Seguen buscando aos dous mozos que envorcaron co seu kaiak en Galicia, 10 días despois O accidente tivo lugar na praia de Coira, na localidade de Portosín o pasado luns 6 Salvamento Marítimo coordina un amplo dispositivo marítimo este mércores para buscar aos dous mozos desaparecidos tras envorcar o seu kaiak o pasado luns 6 de xullo pola tarde na zona de Porto do Son (A Coruña). Segundo informaron fontes de Salvamento Marítimo, a embarcación 'Salvamar Régulus' rastrexará desde Punta Castro de Baroña ata Praia Coira. Mentres, unha zodiac de Protección Civil de Noia rastrexa a área entre Punta Cabeiro e Praia Aguieira. Pola súa banda, unha embarcación do Servizo de Gardacostas na localidade de Portosín recibiu instrucións para realizar procura entre este mércores e o xoves «se as condicións meteorolóxicas permíteno», destacaron as mesmas fontes. Accidente na praia O accidente tivo lugar na praia de Coira, na localidade de Portosín o pasado luns 6 de xullo pola tarde cando tres amigos, dous mozos e unha moza, facían uso da embarcación. Sobre as 21.30 horas do 6 de xullo un particular comunicou ao 112 Galicia desde a Praia de Coira, en Portosín, que facía tres horas que tres novos saíran a navegar e non volveran. Tras coñecer os feitos, Salvamento Marítimo mobilizou un dispositivo de procura con medios marítimos e aéreos, ademais de terrestres e subacuáticos. Os servizos de emerxencia localizaron o día da desaparición o kaiak envorcado e rescataron a unha das ocupantes da embarcación en terra. A moza foi trasladada ata o aeroporto de Santiago nun helicóptero de Salvamento Marítimo, desde onde foi levada ao CHUS. As outras dúas persoas que viaxaban no kaiak, dous homes, permanecen en paradoiro descoñecido. No dispositivo tamén participaron efectivos do Servizo de Gardacostas de Galicia, axentes da Garda Civil e persoal de Protección Civil de varias localidades.

RECUPERAN RESTOS DO KAYAK DOS MOZOS DESAPARECIDOS

A Unidade de Drons do Grupo de Apoio Loxístico (GALI) da Axencia Galega de Emerxencias intervén desde esta tarde no operativo de busca dos dous mozos cuxo paradoiro é descoñecido despois de envorcar a piragua coa que navegaban, xunto con outra moza que xa foi localizada, nas proximidades da praia de Coira, en Porto do Son.

Esta mañá un pesqueiro localizou un chaleco que posiblemente poida pertencer á embarcación emborcada, que tamén foi recuperada.

Os efectivos do GALI rastrexan arestora, coas aeronaves non tripuladas, a zona comprendida entre a praia de Aguieira e Cabeiro, nun dispositivo coordinado por Salvamento Marítimo e ao que incorporáronse, tamén esta tarde, os membros das Agrupación de Voluntarios de Protección Civil de Noia e Outes, xunto co persoal da Rede de Radio de Emerxencias de Protección Civil da zona de Santiago (REMER). Deste xeito, peitean por terra a zona entre Arnela a Baroña e de Cabeiro a Sieira cos efectivos de Protección Civil de Porto do Son, de Noia e o GES de Muros, que tamén mobilizou unha lancha e unha moto acuática. Ademais, varias patrullas da Garda Civil e da Policía Local buscan aos dous mozos desaparecidos.

Por mar, varias embarcacións tanto particulares como de Salvamento Marítimo e da Garda Civil, que ademais incorporaron mergulladores ao dispositivo de busca, están tamén na procura dos mozos.

Cómpre sinalar que as tres persoas que navegaban na piragua trataban de chegar á Illa de Creba, perderon un remo da embarcación e un deles lanzouse á auga para recuperalo, pero xa non puido volver. Ademais, a forza da corrente arrastrounos, o que provocou que a canoa quedase totalmente envorcada.

Ao fío das 21:30 horas da pasada noite, unha persoa particular comunicaba ao 112 Galicia, desde a praia de Coira, en Portosín, que facía tres horas que as tres persoas saíran a navegar e non regresaran.

De inmediato, os xestores do Centro Integrado de Atención ás Emerxencias (CIAE) 112 Galicia puxeron os feitos en coñecemento do persoal de Salvamento Marítimo e do Servizo de Gardacostas de Galicia, que decontado desprazaron medios cara a zona. Do mesmo xeito, desde o 112 Galicia informouse da situación aos servizos sanitarios, á Garda Civil, á Policía Local e aos efectivos de Protección Civil da localidade. Tamén, desde o CIAE 112 Galicia solicitouse a colaboración do persoal do Grupo de Intervención Psicolóxica en Catástrofes e Emerxencias (GIPCE), para prestar apoio ás familias das vítimas.

PROSIGUE A BÚSQUEDA DO MARIÑEIRO DESAPARECIDO ESTA MAÑÁN

Arestora, equipos de emerxencias por mar e terra percorren a costa do Salnés para tratar de obter algún indicio que leve ao paradoiro do seu tripulante, veciño de Vilanova. Tras a búsqueda matinal, desde as catro desta tarde os efectivos andan a procura de Ramiro Piñeiro.

En concreto, están traballando na zona o persoal do Servizo de Gardacostas de Galicia e Salvamento Marítimo, mentres que por terra participan voluntarios de Protección Civil de Vilanova e tamén membros do Servizo Local de Emerxencias do Grove. Igualmente, están avisados os axentes da Policía Local do Grove e da Garda Civil e pequenas embarcacións particulares da Ría de Arousa.

De momento, a información recollida no 112 Galicia apunta a unha embarcación á deriva en Porto Meloxo, que apareceu preto das dez desta mañá e foi localizada por persoal da Confraría de Pescadores do Grove. Sen embargo, nada se sabe do paradoiro do seu tripulante. Un veciño de Vilanova que saíu pescar contra a medianoite e non voltou á casa.

Deste xeito, activouse un operativo de busca por mar e terra, que se move nun arco entre Vilagarcía e O Grove na procura dalgún indicio.

DESAPARECE UN MARIÑEIRO DE VILANOVA MENTRAS FAENABA

Hai escasamnente unha hora foi achada unha embarcación EMI á deriva nas proximidades de Porto Meloxo (O Grove), e o seu tripulante está desaparecido. O Centro de Salvamento Marítimo en Finisterre mobilizou o helicóptero Pesca I e a Salvamar Sargadelos. Tamén participan na procura Protección Civil, Policía Local e Garda Civil. O tripulante de 43 anos e veciño de Vilanova é Ramiro Piñeiro Lago, fillo da ex Patrona Maior de Vilanova Evangelina Lago e casado en Cambados. Ramiro Piñeiro saíra a pasada noite coa sua embarcacióna faenar na procura de camarón. Súa muller a Cambadesa Rocío Castro, irmá política do concelleiro cambadés Xurxo Charlín foi quen dou a voz de alarma ante a tardanza do seu marido.

RESCATADOS OS TRIPULANTES DUN VELEIRO QUE EMBARRANCOU NA ILLA DE AROUSA

Ao fío das 20:00 horas da tarde pasada, o persoal do servizo de Gardacostas de Galicia informaba ao 112 Galicia da saída do helicóptero Pesca1 para facer unha evacuación moi preto de Vilagarcía, ao norte da Illa de Arousa. Se trataba de evacuar aos tripulantes dun veleiro que sufrira una vía de auga e que tamén a embarcación Auxiliar Sebastián Docampo se desprazaba ao punto.

Tras ser informado o persoal de Salvamento, confirmaron que os tripulantes xa foran evacuados pola Auxiliar, todos eles en bo estado e que non precisaban asistencia sanitaria.

O 112 Galicia puxo os feitos en coñecemento dos axentes da Policía Local.

Aquí podes vero o vídeo https://twitter.com/i/status/1210720744746840064

"A pasada tarde-noite os compañeiros do ‘Pesca 1’ evacuaron aos tripulantes do veleiro ‘Nergha’ ata a embarcación auxiliar do ‘Sebastian de Ocampo’ de @salvamentogob. A embarcación de recreo embarrancou fronte a costa de A Illa de Arousa. Os seus tripulantes están fóra de perigo pic.twitter.com/dG5paVcg3T

— Gardacostas Galicia (@GardacostasGal) December 28, 2019 "

FINALIZA A INSPECCIÓN SUBMARINA DO 'SEN QUERER DOUS' E PROSEGUE A PROCURA NON ACTIVA DO DESAPARECIDO

• Membros de protección civil de Fisterra rastrexan o litoral
Salvamento Marítimo informou que ao redor das dúas da tarde finalizou a inspección e a obtención de datos das autoridades ao pecio do pesqueiro 'Sen Querer Dous', afundido tras un naufraxio ocorrido o pasado 19 de decembro, con tres falecidos e un desaparecido. A tripulación do buque de Salvamento Don Inda e o equipo a cargo do robot submarino regresaron a porto trala inspección do pecio, afundido a 114 metros de profundidade. Entre tanto, prosegue en superficie a procura non activa de Guillermo Casáis, tripulante cambadés desaparecido. O pesqueiro foi localizado este sábado polo remolcador Sebastián Ocampo nas proximidades da zona na que se produciu o afundimento. Coa inmersión do robot submarino procedeuse á inspección por parte das autoridades, co obxectivo de pescudar as causas que provocaron o naufraxio, para evitar no posible sucesos similares no futuro. De momento, o que prosegue é a procura non activa do mariñeiro desaparecido, na que Salvamento Marítimo está en alerta ante posibles avisos que poidan chegar de barcos na zona ou dos rastreos que se producen en terra. Na fase non activa os medios de Salvamento Marítimo non saen específicamente para a procura, aínda que nos exercicios habituais pásese pola zona. A principal hipótese coa que se traballa é que o mariñeiro desaparecido non se atope no pecio mergullado, debido a que se atopaba fóra do barco, segundo o relato dos sobreviventes. Transcorridos 11 días da traxedia crese que o corpo pode emerxer.

Nova relacionada

SALVAMENTO MARÍTIMO COMEZA A INSPECCIONAR O 'SIN QUERER DOS' MEDIANTE UN ROBOT SUBMARINO

SALVAMENTO MARÍTIMO COMEZA A INSPECCIONAR O 'SIN QUERER DOS' MEDIANTE UN ROBOT SUBMARINO

O obxectivo é pescudar as causas do afundimento. De momento continúa a busca do mariñeiro desaparecido.

O barco localizouse o sábado a 350 metros da súa última posición coñecida.

Despois de atopar o lugar onde está o barco afundido, este domingo reanudáronse os labores de busca do tripulante desaparecido no naufraxio. O barco afundiuse o día 19 ao sur de Fisterra cando regresaba a Portonovo.

O sinistro deixou tres mortos e aínda hai un desaparecido, Guillermo Casais. Este domingo trabállase na zona coa esperanza de recuperar o seu corpo.

O Buque Don Inda de Salvamento Marítimo desprazouse na mañá deste domingo á zona na que foi localizado o pecio do pesqueiro 'Sen Querer Dous', afundido nas inmediacións de Fisterra o 19 de decembro, para proceder á inmersión do ROV, o robot submarino.

O robot submarino dispón de ferramentas que lle permiten realizar a inspección e transmitir directamente as imaxes ao buque para a súa supervisión. De momento, continua a procura non activa do mariñeiro desaparecido, na que Salvamento Marítimo está en alerta ante posibles avisos que poidan chegar de barcos na zona ou dos rastreos que se producen en terra.

Nova relacionada

FINALIZA A INSPECCIÓN SUBMARINA DO 'SEN QUERER DOUS' E PROSEGUE A PROCURA NON ACTIVA DO DESAPARECIDO

LOCALIZADO O PECIO DO "SEN QUERER II" NA TARDE DE HOXE

Nun momento en que a procura do mariñeiro de Cambados Guillermo Casais non se atopaba activa, xorden novas esperanzas de localizar o seu corpo ao confirmarse a situación do barco afundido hai 10 días. O pecio de o pesqueiro Sen Querer II foi  localizado nesta xornada de sábado por Salvamento Marítimo en augas próximas a Fisterra, onde se produciu o seu naufraxio o pasado 19 de decembro co tráxico saldo de tres homes falecidos e un tripulante máis, Guillermo Casais, desaparecido. 

 

Segundo informa Salvamento Marítimo, a primeira inmersión realizada desde o buque Don Inda constatou que o buque localizado primeiro por o Sebastián Ocampo é, efectivamente, o pesqueiro sinistrado. Nestes momentos organízase un operativo para unha inspección submarina que terá lugar nas próximas horas aproveitando a situación meteorolóxica favorable que se anuncia ata fin de ano.

O achado e identificación do pecio produciuse nunha xornada na que a procura do mariñeiro desaparecido do pesqueiro Sen Querer II atópase en fase cualificada de "non activa", aínda que Salvamento Marítimo está en alerta ante posibles avisos que poidan chegar de barcos na zona ou dos rastreos que se producen por terra. Esta fase non activa significa que os medios de Salvamento Marítimo non saen especificamente para a procura, aínda que nos exercicios habituais pásase pola zona. Agora non se descarta que o corpo de Casais quedara atrapado dentro do pesqueiro, aínda que a hipótese principal coa que se traballa é a de que o mariñeiro desaparecido non se atopaba no seu interior no momento do afundimento. Isto é, polo menos, o que relatan os sobreviventes. Cando se cumpren 10 días da traxedia, estímase que o corpo pode emerxer pronto e ser desprazado polas correntes, que nesta xornada van cara ao norte.

A CAMBADESA TRIVI E INDITEX COLABORAN PARA SALVAR VIDAS

As cofradías de Cambados, Portonovo e Sanxenxo acollerán esta semana, en concreto o sábado 19 de xaneiro, a presentación do sistema de seguridade S2S. As reunións serán ás 12 horas no pósito cambadés e ás 18 en Portonovo.

Recientemente esta iniciativa xa se realizou noutras zonas de Arousa, como é Rianxo e Riveira, onde xa adquiriron 60 unidades deste produto galego patrocinado por Inditex. Hai que recordar que a empresa cambadesa Trivi é a que confecciona os traxes dotados con este sistema.

O obxectivo desta iniciativa é que toda a flota galega faga huso deste sistema co que se incrementará a seguridade nas embarcacións. Os socios das cofradías poden beneficiarse de que o 60% do custo está subvencionado pola Xunta de Galicia e que un 20% apórtao Inditex.

 Ademais, os que acudan a estas presentacións coñecerán outras medidas de carácter financeiro, promocional e compensatorio coa intención de que ninguén se quede sen esta medida de seguridade por razóns económicas. En definitiva, a intención é que desta forma aumente a seguridade, sen excepcións, da flota de baixura.