ARRANCA A XIII COPA DEPUTACIÓN DE FÚTBOL

Comeza a XIII Copa Deputación masculina de fútbol con 128 equipos da provincia, un novo récord de participación

O sorteo da primeira ronda para os 67 equipos da zona de Pontevedra ten lugar onte mércores, ás 20:30 h, e mañá xoves será para os 61 clubs da zona de Vigo

---

A décimo terceira edición da Copa Deputación masculina de fútbol bota a andar coa realización dos sorteos das eliminatorias da primeira ronda e do cadro de competición. Concretamente estes sorteos dos emparellamentos tivo lugar este mesmo mércores, ás 20:30 h, no Edificio Administrativo, para a zona de Pontevedra, e mañán xoves 30 de xaneiro, ás 20:30 h na Casa Galega da Cultura, no caso da zona de Vigo. Ambos actos estarán presididos por Gorka Gómez, deputado de Deportes.

Nos bombos entrarán 67 equipos da zona de Pontevedra e 61 da zona de Vigo, o que supón un total de 128 equipos de Terceira División, Preferente, Primeira, Segunda e Terceira Autonómica, 9 equipos máis que na pasada edición, un novo récord de participación.

Unha vez coñecidos os cruces, os equipos teñen liberdade para fixar a data desta primeira eliminatoria, que empezará a xogarse a vindeira semana. O formato será o mesmo das últimas edicións, xogándose todas as eliminatorias a único partido que disputarase no campo do equipo de menor categoría e resolvéndose os empates cunha tenda de penaltis. A final xogarase a finais de maio nunha sede aínda por determinar.

En canto á competición feminina, que este ano chega á sexta edición, o sorteo terá lugar durante o mes de febreiro. Pola súa banda, en categorías base, na que participan máis de 1.000 equipos, os partidos comezarán cando rematen as competicións oficiais.

Nesta edición da Copa Deputación 2020 defenderán o título o Valladares, en categoría feminina, e o Pontevedra ‘B', en masculina. O conxunto vigués derrotou na final ao Umia, mentres que o filial granate venceu ao Pontellas.

Partidos dos equipos arousáns:
C.D. Bamio-USDM Deiro 
EF Cobres-SD Chispa
Atlético Faxilde-Portonovo
Romai-Catoira SD 
Vilaboa-Vilalonga, 
CD Mosteiro-Unión Sampaio 
Xil-Cerponzóns 
Agrupación Estudiantil-Cordeiro 
Lalín-Furia Atlético 
Zacande-Juventud Cambados
Beluso-Unión SD O Grove 
Libertad-Céltiga 
Atlético Cuntis-C.D. Ribadumia 
Amanecer-Rápido Bahía
San Andrés-Umia
Pontearnelas-Pontevedra B. 

TODOS OS CRUCES