Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.
Amosando publicacións coa etiqueta FUTBOL. Amosar todas as publicacións
Amosando publicacións coa etiqueta FUTBOL. Amosar todas as publicacións

13 de marzo de 2018

TODO PREPARADO PARA O COMEZO DA COPA DEPUTACIÓN DE FUTBOL 2018






Os vindeiros xoves 15 de marzo e venres 16 de marzo terán lugar os sorteos da primeira eliminatoria da Copa Deputación 2018, competición na que este ano participarán un total de 113 equipos de Terceira División, Preferente, Primeira, Segunda e Terceira Autonómica, é dicir, 6 más que na edición de 2017.
Os primeiros equipos que saberán cal será a súa estrea na competición serán os clubs da delegación de Pontevedra da Real Federación Galega de Fútbol. Este xoves, ás 20.00h, o Edificio Administrativo da Deputación de Pontevedra acollerá o sorteo da primeira eliminatoria, que está prevista para disputarse o 28 de marzo. Neste sorteo serán 61 equipos os que entren nos bombos, 2 de Terceira División, 8 de Preferente, 11 de Primeira Autonómica, 18 de Segunda Autonómica e 22 de Terceira Autonómica.
En canto aos equipos da delegación de Vigo, o sorteo terá lugar o venres 16 de marzo, ás 20.00h, na sede da Deputación na cidade olívica, na rúa Oporto. Neste caso serán 52 equipos os que coñecerán o seu rival. Máis polo miúdo, da delegación de Vigo, inscribíronse 2 equipos de Terceira División, 7 de Preferente, 6 de Primeira Autonómica, 13 de Segunda Autonómica e 24 de Terceira Autonómica.
Todas as eliminatorias xogaranse a un único partido que disputarase no campo do equipo de menor categoría. En caso de empate resolverase o mesmo mediante unha tanda de penaltis, incluída a final.


29 de xaneiro de 2018

ROBERTO FUENTES DEIXA DE SER ADESTRADOR DO C.J. DE CAMBADOS








Hai uns intres a directiva do C.J. de Cambados emitía un breve comunicado a través da súa páxina de facebook no que comunicaba o fin da relación entre o clube de fútbol e o adestrador pontevedrés.

COMUNICADO OFICIAL
O Club Juventud Cambados decide poñer fin á etapa de Roberto Fuentes como adestrador do primeiro equipo.
Dende o Club queremos agradecerlle o seu traballo e implicación durante estos meses así como desexarlle sorte para o futuro.
O Club xa está traballando na búsqueda do sustituto.

Roberto Fuentes sustituíra este verán a Luís Carro que estivera como adestrador nas derradeiras tempadas e que recibira e aceptara unha oferta do C.D. Ribadumia.
Fuentes, ex-xogador do Club e participante no derradeiro ascenso do CJ de Cambados a Preferente,  chegaba para intentar seguir na liña ascendente das dúas tempadas pasadas. Tras un comezo prometedor, nas derradeiras semanas os malos resultados, rotos onte por unha victoria ante o Santa Mariña, acompañaban ao equipo. Malia todo ocupa plaza de ascenso nunha liga moi igulada.





14 de decembro de 2017

XA HAI DATAS PARA A XORNADA APRAZADA DO FÚTBOL GALEGO














O Comité de Competición e Disciplina designa datas para a xornada aprazada
O 23 de decembro para as categorías base, o 31 para Preferente e o 11 de febreiro para 1ª Galicia son as datas fixadas si non se poñen dacordo os clubs


Aínda que realmente o "Boxing Day" se celebra en Inglaterra o 26 de decembro, día no que sempre hai xornada na Premier League e que fai referencia a unha celebración tradicional británica que foi trasladada ó fútbol, podemos calificar tamén con ese termo a xornada que acaba de quedar fixada polo Comité de Competición e Disciplina da RFGF para a categoría de Preferente, que acordou determinar o 31 de decembro, ás 12:00 horas, como data para a celebración da xornada que foi aprazada a fin de semana pasada debido ás adversidades meteorolóxicas.
O Comité de Competición decide dar un prazo en todas as categorías para que os clubs se poñan dacordo na celebración dos seus partidos, pero tamén fixa unha data de oficio por si ese acordo entre as dúas partes non se produce.



No caso de que as Delegacións da RFGF determinen outras datas nas competicións dependentes das mesmas terán validez as datas sinaladas por elas.

Polo tanto, teremos un Nadal moi futbolero coa celebración de todos os partidos aprazados nas categorías de Preferente e fútbol base.






12 de decembro de 2017

AS RAPAZAS SUB-18 E SUB-16 QUE ADESTRARON EN CAMBADOS VIAXAN A VALENCIA













A selección galega sub-18 feminina que dirixe Quin Valbuena e a sub-16 de Edu González xa están listas para viaxar á localidade valenciana de Llíria para disputar a primeira fase do Campionato de España de Seleccións Autonómicas.

Lembremos que onte as rapazas tiveron un adestramento nos campos do Pombal para afrontar esta fase.

As nosas seleccións enfrontaranse alí á vasca e á valenciana, co seguinte calendario:

CALENDARIO E HORARIOS CAMPIONATO DE ESPAÑA SUB-18 E SUB-16 FEMININO
LLÍRIA (VALENCIA) - 16 E 17 DE DECEMBRO DE 2017   
DÍAHORAPARTIDOCAMPO
SELECCIÓNS SUB-18   
SÁBADO 1612:15COM. VALENCIANA - ARAGÓNEL CANÓ 1
SÁBADO 1612:15PAÍS VASCO - GALICIAEL CANÓ 2
DOMINGO 1712:15GALICIA - COM. VALENCIANAEL CANÓ 1
DOMINGO 1712:15ARAGÓN - PAÍS VASCOEL CANÓ 2
SELECCIÓNS SUB-16   
SÁBADO 1610:15COM. VALENCIANA - ARAGÓNEL CANÓ 1
SÁBADO 1610:15PAÍS VASCO - GALICIAEL CANÓ 2
DOMINGO 1710:15GALICIA - COM. VALENCIANAEL CANÓ 1
DOMINGO 1710:15ARAGÓN - PAÍS VASCOEL CANÓ 2

Estas son as convocatorias definitivas: SUB-18 | SUB-16
Fonte: FGF





11 de decembro de 2017

AS SELECCIÓNS SUB-16 E SUB-18 FEMININAS ADESTRAN HOXE EN CAMBADOS










As seleccións femininas sub-16 e sub-18 de Galicia adestran esta tarde en Cambados para chegar en plena forma á fase do Campionato de España que se xoga xa na vindeira fin de semana (Llíria, 15-17 de decembro). A cita é as 17:30 nos campos do Pombal

Sub-16

Sub-18




9 de decembro de 2017

COMUNICADO URXENTE DA FEDERACIÓN GALEGA DE FÚTBOL















Recibido en data 9 de decembro comunicación da Secretaría Xeral para o Deporte en relación ás actividades ao aire libre a celebrar o domingo 10 de decembro de 2017 e debido a graves problemas meteorolóxicos, procédese á SUSPENSIÓN de todos os partidos programados pola Real Federación Galega de Fútbol a disputar en xornada de tarde, entendéndose como tales os que se celebren a partir das 15:00 horas do domingo 10 de decembro de 2017.




1 de novembro de 2017

CAMBADOS, CAPITAL DO FÚTBOL BASE




Os campos do Pombal acolleron a 1ª Fase do Comarcal Sub15
A nota máis destacada foi o debut da selección da Costa da Morte, que luciu equipación amarela e negra


Cambados acolleu hoxe a primeira fase do Campionato de Seleccións Comarcais Sub-15, que se celebrou nuns campos do Pombal nos que se viviu un gran ambiente grazas á presenza dos 300 xogadores e xogadoras que disputan esta competición e de centos de afeccionados.

Os combinados de Santiago e Pontevedra foron os encargados de dar inicio ao torneo nesta tempada 17-18. A delegación pontevedresa venceu na categoría masculina (0-1), mentres que a vitoria foi para as santiaguesas na feminina (2-0). 
A continuación, disputáronse os dous partidos Vigo-Ourense, con dous triunfos para os vigueses: 2-1 para os rapaces e 3-0 para as rapazas. Os encontros entre Lugo e Ferrol que se xogaron ás 12:00 deixaron unha goleada para Lugo en categoría masculina (4-0) e un triunfo ferrolán na feminina (0-1).
No último partido da mañá en categoría masculina chegou a gran novidade da xornada e do Campionato Comarcal 17-18: o debut da selección da Costa da Morte, que se estreou no torneo cunha derrota ante A Coruña, vixente campioa (0-4). A delegación coruñesa tamén foi a vencedora en categoría feminina o pasado ano, e iniciou con vitoria a defensa do título: 2-0 fronte a Santiago.
 A partir das 16:00 horas, sete encontros máis ata completar os 15 dos que constou esta primeira fase. En categoría masculina, deu inicio á tarde un emocionante partido con moitos goles entre Vigo e Santiago (3-3). Empate tamén entre Ferrol e Pontevedra (1-1) e nova derrota da Costa, que non conseguiu anotar no seu debut nos comarcais: 4-0 ante Ourense.
Pechou a xornada en categoría masculina o triunfo por 4-2 da Coruña fronte a Lugo. Os coruñeses conseguían así converterse no único combinado masculino con dúas vitorias e encabezan en solitario a categoría.
A tarde deixou tamén tres encontros na categoría feminina. O duelo entre Pontevedra e Vigo rematou con vitoria (0-2) para as viguesas, e a continuación Ourense conseguiu o triunfo fronte a Lugo por 2-1. No último partido da categoría, a selección coruñesa impúxose a Ferrol por 2-4. Coruñesas e viguesas marcharon de Cambados con pleno de vitorias e lideran a clasificación feminina.

CATEGORÍA MASCULINA

RESULTADOS

SANTIAGO – PONTEVEDRA
0-1
VIGO – OURENSE
2-1
LUGO – FERROL
4-0
A COSTA DA MORTE – A CORUÑA
0-4

VIGO – SANTIAGO
3-3
FERROL – PONTEVEDRA
1-1
OURENSE – A COSTA DA MORTE
4-0
A CORUÑA – LUGO
4-2

CLASIFICACIÓN

POSTO
SELECCIÓN
X
G
E
P
GF
GC
PTS
1
A CORUÑA
2
2
0
0
8
2
6
2
VIGO
2
1
1
0
5
4
4
3
PONTEVEDRA
2
1
1
0
2
1
4
4
OURENSE
2
1
0
1
5
2
3
5
LUGO
2
1
0
1
6
4
3
6
SANTIAGO
2
0
1
1
3
4
1
7
FERROL
2
0
1
1
1
5
1
8
A COSTA
2
0
0
2
0
8
0


CATEGORÍA FEMININA

RESULTADOS

SANTIAGO – PONTEVEDRA
2-0
VIGO – OURENSE
3-0
LUGO – FERROL
0-1
A CORUÑA - SANTIAGO
2-0

PONTEVEDRA – VIGO
0-2
OURENSE - LUGO
2-1
FERROL – A CORUÑA
2-4
  
CLASIFICACIÓN

POSTO
SELECCIÓN
X
G
E
P
GF
GC
PTS
1
VIGO
2
2
0
0
5
0
6
2
A CORUÑA
2
2
0
0
6
2
6
3
SANTIAGO
2
1
0
1
2
2
3
4
FERROL
2
1
0
1
3
4
3
5
OURENSE
2
1
0
1
2
4
3
6
LUGO
2
0
0
2
1
3
0
7
PONTEVEDRA
2
0
0
2
0
4
0
Fonte- F.G.F.





31 de outubro de 2017

PRESENTADO O COMARCAL DE FÚTBOL SUB-15 DE CAMBADOS







O municipio pontevedrés acolle este mércores a primeira fase do campionato
Máis de 300 xogadores e xogadoras participarán nunha gran xornada de fútbol organizada pola RFGF, o concello cambadés e o C.J. Cambados

Esta mañá presentamos en Cambados a primeira fase do Campionato Galego de Seleccións Comarcais Sub-15, que se disputará o mércores nos campos do Complexo Deportivo do Pombal. As seleccións femininas xogarán no campo 1 (pequeno) e as masculinas no 2 (grande).

Ao acto de presentación asistiron o concelleiro de Deportes de Cambados, Vítor Caamaño; o presidente do Club Juventud Cambados, Matías Fontán; o directivo da Real Federación Galega de Fútbol José Manuel Fernández e o delegado en Pontevedra, Jaime Otero.

Antes das intervencións José Manuel Fernández obsequiou ao Concello e ao club cunha camiseta oficial da Selección Galega, en sinal de agradecemento pola colaboración prestada na organización deste campionato.

Vítor Caamñao abriu o acto dando as grazas á Federación e ao C.J. Cambados. Recoñeceu estaren "encantados" de poder acoller este evento "no que poderemos ver 300 xogadores e xogadoras de toda Galicia, que representan o mellor futuro do fútbol galego", e tamén destacou a vertente turística e económica dun evento que "traerá a Cambados unhas mil persoas".

Matías Fontán comezou agradecendo á RFGF por pensar en Cambados como sede do evento, resaltando qye "desde o primeiro momento nós trasladamos á Federación as nosas ganas e ilusión de albergar eventos e campionatos". Deulle as grazas ao Concello igualmente pola boa colaboración e predisposición co club e destacou o retorno que vai ter con Cambados a inversión realizada para a organización deste campionato.

O directivo da RFGF José Manuel Fernández tamén comezou a súa intervención cos agradecementos, ao Concello e ao club, desexándolle a este a mellor das sortes "para regresar a onde se merece unha instirución tan relevante como é o Club Juventud Cambados". Fernández resaltou a aposta da Federación "polo fútbol base e o fútbol feminino", posta de manifesto na organización de campionatos como este e, sobre todo, quixo destacar o factor formativo dos mesmos: "Para nós é moi importante a formación e a aprendizaxe. Queremos que estes campionatos servan para inculcar aos rapaces e rapazas valores como o fair-play, respeto, solidariedade, xogo en equipo...".

No Campionato Galego de Seleccións Comarcais 17-18 participan un total de 15 seleccións: sete femininas, correspondentes ás sete delegacións da RFGF (A Coruña, Ferrol, Lugo, Santiago, Pontevedra, Vigo e Ourense) e oito masculinas, categoría na que debuta a recén creada selección da Costa da Morte.

Nesta primeira fase cada selección disputa dous partidos (determinados por sorteo) con dous tempos de 25 minutos cada un. Disputarase unha segunda fase co mesmo sistema de competición, e a suma de puntos das dúas determinará as catro seleccións de cada categoría que xoguen a fase final do campionato. A pasada tempada a primeira fase xogouse en Redondela, a segunda en Carballo e a final en Boiro. O feito de xogar simultáneamente encontros de categoría masculina e feminina fai necesario dispor dunha instalación con dous terreos de xogo xuntos ou próximos.

Os 15 equipos que inician este mércores o torneo comarcal loitarán por suceder como campións á selección da Coruña, que o pasado ano se proclamou vencedora nas dúas categorías.


Podedes coñecer todos os detalles (horarios, sistema de competición...) sobre o torneo descargando o dossier adxunto.