ASEMBLEA DE SOMOS CAMBADOS ESTE VENRES

Baixo o lema “construíndo o cambio”, a plataforma veciñal Somos Cambados celebra este venres 2 de outubro a súa segunda asemblea dende a formación do goberno local cuadripartito; será no salón de actos de Exposalnés, ás 20:00 horas.

A asemblea ten como primeiro punto da orde do día a exposición do traballo realizado nos tres últimos meses por parte dos concelleiros de Somos Cambados que integran o goberno municipal, Tino Cordal e Xurxo Charlín, ademais de poder escoitar e valorar de primeira man as distintas aportacións que os veciños queiran trasladar para ser tratadas co resto de formacións que forman parte do goberno municipal de Cambados.

A continuación abordaranse cuestións relativas á estrutura organizativa interna da plataforma veciñal. Finalmente, Somos Cambados debaterá sobre o seu posicionamento de cara ás vindeiras eleccións xerais e a posibilidade de apoiar unha candidatura unitaria galega nos comicios do mes de decembro. Ademais de informar das distintas reunións nas que participaron integrantes de Somos Cambados coas dúas plataformas que se manteñen a día de hoxe neste proceso de converxencia: Iniciativa pola Unión e Marea Galega, e que a súa vez, poidan explicar aos asistentes a situación actual na que se atopan.

Nesta asemblea imos aprobar a creación dun grupo de traballo aberto a veciñanza, onde se comece a redacción dun documento básico organizativo e a elaboración dun censo de simpatizantes desta plataforma, para poder dar traslado a xente que así o desexe do traballo que se esta a facer no concello de Cambados e facilitar unha canle directa de comunicación cos representantes da Plataforma no goberno municipal do concello de Cambados.

Somos Cambados seguirá celebrando asembleas abertas periodicamente durante toda a lexislatura, coa intención de informar sobre o traballo realizado no concello e acordar con todos os seus simpatizantes (pois non existe a condición de afiliad@ nesta plataforma veciñal) as propostas para mellorar a situación económica e social da vila cambadesa e que permitan manter o compromiso co que a Plataforma Somos Cambados se presentou as eleccións municipais e poder manter unha comunicación directa e constante cos veciños de Cambados que desexen asistir as mesmas.

  

245.000 EUROS PARA OS C.I.M. GALEGOS

O DOG publica hoxe a resolución das axudas e subvencións a entidades locais polas que se achegarán 245.000 euros para a mellora do equipamento de 63 Centros de Información á Muller (CIM). En concreto, os beneficiarios serán 60 concellos galegos e tres mancomunidades.

Por provincias, a que máis beneficiarios obtivo é a da Coruña cun total de 23 concellos: Curtis, Coirós, Cee, Ortigueira, Zas, Muxía, Padrón, As Pontes de García Rodríguez, Melide, Outes, Carballo, Boiro, Santa Comba, Laracha, Santiago de Compostela, Ribeira, Negreira, Arteixo, Noia, Culleredo, Muros, Ames e Ferrol.

Na provincia de Pontevedra obtiveron subvención vinte CIM: A Lama, Caldas de Reis, Ponte Caldelas, Valga, Silleda, O Grove, Nigrán, Soutomaior, Baiona, Sanxenxo, Moaña, Marín, A Guarda, A Estrada, Redondela, Ponteareas, Poio, Vilagarcía de Arousa, Pontevedra e Vilanova de Arousa.

Pola súa banda, na provincia de Lugo houbo dez concellos beneficiarios destas axudas: Palas de Rei, Monforte de Lemos, Mondoñedo, Chantada, Sarria, Burela, Vilalba, Ribadeo, Viveiro e Quiroga; e en Ourense outros sete: Muíños, Avión, Verín, Pobra de Trives, Viana do Bolo, Maceda e O Barco de Valdeorras.

Ademais destes 60 concellos, tamén recibiron axuda as mancomunidades do Salnés, Comarca de Ordes e Terras de Celanova; e houbo dous concellos, Vigo e Lalín, que quedaron en reserva para recibir a súa correspondente axuda no caso de que algunha entidade non acepte a súa ou renuncie a ela. Paradóxicamente estes dous concellos non gobernados polo PP.

UGT E CCOO PRESENTAN UNHA ILP POR UNHA PRESTACIÓN DE INGRESOS MÍNIMOS

Os secretarios xerais de CCOO e UGT de Galicia, Xosé Manuel Sánchez Aguión e José Antonio Gómez, presentaron esta mañá a iniciativa lexislativa popular (ILP) por unha prestación de ingresos mínimos. A proposta configúrase como unha axuda de 426 euros mensuais para as persoas que non teñan ningún tipo de ingreso.

Xosé Manuel Sánchez Aguión e José Antonio Gómez no momento en que asinan a ILP

Segundo os cálculos dos sindicatos, esta prestación axudaría a máis de dous millóns de persoas en todo o estado, preto de noventa mil en Galicia. Trátase de persoas que poden e queren traballar, pero que non o poden facer, e ás que os actuais mecanismos de protección non dan resposta e carecen, por tanto, de recursos para vivir.

O VALLADOLID VEN A CAMBADOS A GAÑAR

O primeiro adestrador do Brico Depôt  regresou despois de finalizar os seus compromisos coa selección mozambiqueña. Chegou máis tarde porque quedou no país africano para axudar a resolver os trámites do visado de Augusto Matogueiras, que non será case con seguridade o un dos catro estranxeiros en chegar ao equipo ao non arranxar os seus papeis. 
Na sua primeira rolda de prensa falou do seu equipo e do compromiso conta o Xuven de Cambados

Martín recoñeceu que a pretemporada «foi dura» pola cortedad de efectivos que impediron traballar de maneira adecuada os amigables programados. A súa valoración da Copa de Castela e León non foi boa. «Atopámonos rivais máis feitos. Sobre o partido con Ávila díxenlles que hai que competir máis».

O primeiro adestrador das "ardillas" argumentou que se trata de «un club que empeza de cero. Debemos traballar co que hai. Temos a responsabilidade de representar a Valladolid e a este deporte. Hai que ter paciencia e entender a situación pola que atravesa o club».

Iñaki Martín fixo fincapé en que el é primeiro que se está xogando o prestixio, pois se trata da primeira vez que son primeiro adestrador en España».

Comentou que pretendera regresar antes a España: «Tentei que Esteban e os mozos non se comesen sós a Copa de Castela e León». Tamén resaltou que, grazas ás novas tecnoloxías, estivo en permanente contacto cos seus axudantes e o club.

Sabe que no debut fronte ao Xuven Cambados o seu equipo non estará ao 100%. Confía en poder contar xa con Matogueiras e mesmo que poidan chegar os interiores Francisco Centeo e Shota Gelazonia. O que é máis que seguro que non estará é o base Brock Gillespie, cuxos trámites para o visado van máis atrasados. A pesar deles, Iñaki Martín sinalou que as ausencias non serven como «escusa, hai que ir o sábado para competir. Vou a Cambados a gañar, senón non estaría aquí».

O JUVENTUD DE CAMBADOS EMPEZA A VER A LUZ ECONÓMICAMENTE

Comunicado do C.J. de Cambados

A través do presente comunicado, o Club 

Juventud Cambados quere facer 

público o acordo acadado cos xogadores que 

formaban parte da plantilla senior 

na tempada 2012/2013 que no seu día abriron 

un proceso xudicial polo impago 

dos salarios correspondentes a dita tempada.

Este acordo pon fin a vía xudicial e evita a 

inmediata desaparición da entidade, 

dando un paso adiante de cara a conseguir a viabilidade do club, a cal se 

atopaba en entredito estos últimos anos.

Queremos agradecer a predisposición dos xogadores para acadar o presente 

acordo, así como a colaboración e comprensión mostrada por parte dos socios, 

institucións e empresas achegadas ao club.

Deixando atrás a peor situación do club ao 

longo da súa historia, o Club Juventud Cambados traballa con ilusión en 

recuperar a estabilidade económica, social e deportiva.

X.H. RIBADULLA CORCÓN PRESENTA NOVO LIBRO

Hoxe xoves 8 de outubro  ás 20:00 no Restaurante María Castaña, Rúa da Raiña, nº 19, de Santiago de Compostela do cambadés Xan Galván presentación do libro de contos "Moraime. Pequena vila con mar" de X. H. Rivadulla Corcón, escritor e actor coruñés, editado por Edicións Positivas.
Nos contos de Moraime fálase, entre outras moitas cousas, de algúns músicos. Un deles é o cubano Ibrahim Ferrer. A Moraime chega polo mar, aboiando nas augas, a gorra de Ibrahim Ferrer.

Xosé Henrique Rivadulla Conde 


A Coruña 1962   
Produciu e guionizou diversos programas culturais para a TVG xa desde finais dos 80. Estes labores desenvolveunos en títulos como O tragaluz, Visións, O son dun pobo ouGalicia en perigo. No eido das curtas foi o autor de Estela do Río e tamén ten experiencia en teatro e en radiodifusión. Unha parte do seu traballo no audiovisual está vencellada ao mundo do mar e da pesca.

X. H. Rivadulla Corcón é poeta, narrador, dramaturgo e guionista. Traballa dirixindo e escribindo programas par TVG, especializado en formatos documentais. Traballou en radio, e neste eido destaca o programa que dirixiu e presentou na Radio Galega: A Casa do Vagabundo, dedicado ao mundo do libro galego. Preside o Foro de Asociacións de Guionistas do Audiovisual, no que se agrupan as asociacións de Euskadi, Cataluña Valencia e Galiza. 

É vicepresidente da Fundación Gonzalo López Abente, con sede no concello de Muxía. Publicou a novela Do mar e a noite (2002); os poemarios Taberna á deriva (2002), O adeus do vello mariñeiro (2007), Camiño ao mar (2010) e Os papeis do vagabundo (201); as obras de literatura infantil e xuvenís O bebé máxico (2000), O elefante dunha soa orella (2004. Premio Frei Martín Sarmiento), ¿A que veñen as gaivotas a Compostela? (2006), O sorriso de Claudia (2007. Premio Frei Martín Sarmiento), Os piratas da illa da Esperanza (2008. Premio Frei Martín Sarmiento) e O noso amor será eterno (2011), A balada de Roi Nemiña (2012); as pezas teatrais ¡Furga Garabela! (2001) Salitre (2003) e Pan (2008). E foi incluido na antoloxía poetica De Pondal ao Batallón Literario.120 anos de poesía na Costa da Morte (2009).

ARRANCA O TALLER " CAMBADOS EMPREGO"

20 xóvenes desempregados menores de 30 anos comezarán a participar no taller de emprego que se poñen en marcha en Cambados a través dunha subvención da Consellería de Traballo da Xunta de case 180.000 euros.

Os alumnos formaranse durante 6 meses nos módulos de creación de páxinas web e en dinamización de actividades de tempo libre educativo, infantil e xuvenil.
O taller "Cambados Emprego", que se prolongará ata o próximo mes de marzo, está dirixido aos mozos e mozas que nin estudan nin traballan e están inscritos no sistema de Garantía Xuvenil. Isto converte a Cambados nun dos concellos pioneiros na organización destes talleres destinados á mocidade.

As persoas desempregadas participantes como alumnado percibirán o Salario Mínimo Interprofesional, 641,40 euros ao mes durante os 6 meses que durarán estes proxectos.
Os seus traballos serán aproveitados polo concello para a confección da páxina web turística "Descobre Cambados", mentres outros realizarán propostas de márketing sociocultural e unha programación de actividades dirixidas a nenos e mozos do concello.

O taller "Cambados Emprego· foi inaugurado esta mañá coa presenza da secretaria territorial da Delegación da Xunta en Pontevedra, Ana Ortiz, acompañada da alcaldesa, Fátima Abal, o concelleiro de Educación e Cultura, Víctor Caamaño, e o edil de Servizos Sociais, Tino Cordal.



Info: Arousa Sí Radio

ASAMBLEA DE SOMOS CAMBADOS

ASAMBLEA DE SOMOS CAMBADOS O VENRES 2 DE OUTUBRO, ÁS 20.00 HORAS NO
SALÓN DE ACTOS DE EXPOSALNES

PRESUPOSTO DO SERVIZO “SEGURO DE COBERTURA DE RISCOS DA FROTA DE AUTOMÓBILES MUNICIPAL”

DENOMINACIÓN “SEGURO DE COBERTURA DE RISCOS DA FROTA DE AUTOMÓBILES MUNICIPAL”

PRESUPOSTO DO SERVIZO:  14.370 euros anuais.

Esta Alcaldía, en uso das facultades atribuídas, ten a ben

RESOLVER:

Inicia-lo expediente de contratación do servizo referenciado e que pola Intervención se certifique a existencia de crédito en cumprimento do disposto polo artigo 109.3 do TRLCSP.

É obxecto do presente contrato a contratación dun seguro que cubra os riscos derivados da flota de automóbiles.

Mediante o contrato de seguro, o asegurador obrígase, polo cobramento dunha prima e para o caso de que se produza o evento cuxo risco é obxecto de cobertura, a indemnizar, dentro dos límites pactados, o dano producido ao asegurado ou a satisfacer un capital, unha renda ou outras prestacións convidas.

A póliza deberá garantir ao concello a cobertura dos riscos e continxencias derivadas de:

Seguro da flota de automóbiles propiedade do concello.

O asegurador comprometerase, dentro dos límites da lei e do contrato, a cubrir os seguintes riscos:

— Responsabilidade civil obrigatoria derivada dos danos e perdas ocasionados a un terceiro polo coche asegurado.

— Asistencia en viaxe.

— Seguro sobre o condutor, para o caso de morte ou accidente.

— Gastos ocasionados pola defensa xurídica do asegurado en calquera procedemento xudicial ou arbitral derivado dun accidente de circulación co vehículo asegurado.

PREGO DE CLÁUSULAS TECNICAS.pdf

PREGO DE CLÁUSULAS ADMINISTRATIVAS.pdf

II PLAN DE CONSERVACIÓN E FUNCIONAMENTO DE BENS E SERVIZOS MUNICIPAIS 2015

A Xunta de Goberno Local celebrada no dia de hoxe acordou participar na convocatoria publica da subvención da Deputación de Pontevedra para financiar a prestación de servizos mínimos de competencia municipal mediante a contratación de 30 persoas desempregadas a través II Plan de conservación e funcionamento de bens e servizos municipais 2015.

As mencionadas axudas ou subvencións irán destinadas a financiar o custo salarial total, incluída a cotización á Seguridade Social, de traballadores desempregados, en xornada de 35 horas semanais, por un período de dous meses. O importe subvencionable por traballador calcúlase en función do importe proporcional do Salario Mínimo Interprofesional para o ano 2015 para a xornada sinalada, se ben tomando en consideración como xornada completa a de 37,5 horas semanais.

Os servizos que se van desenvolver serán de interese xeral e social e xa son prestados polas entidades beneficiarias en réxime de administración directa.

Os traballadores que sexan contratados para realizar as obras ou prestar os servizos deberán ser persoas desempregadas, non perceptoras de prestacións ou perceptoras de prestacións sociais destinadas a garantir os recursos económicos mínimos de subsistencia (RISGA, RAI, PREPARA e outros similares), inscritas no Servizo Público de Emprego de Galicia como demandantes non ocupados e que estean dispoñibles para o emprego. Estes requisitos deberán cumprirse tanto no momento da selección coma no da formalización do contrato. 

Para a xestión das ofertas establécese como ámbito de busca de emprego o municipio da entidade solicitante, polo que o concello solicitará os traballadores que necesiten mediante a presentación da correspondente oferta na oficina pública de emprego.

O Concello de Cambados será quen realice a selección definitiva dos candidatos mediante un proceso de selección a cargo dos funcionarios municipais designados.

No procedemento de selección teranse en conta os seguintes criterios dándolle preferencia por esta orde: 

a) Ás vítimas de violencia de xénero

b) Ós candidatos maiores de 45 anos

c) Ós candidatos que formen unha familia monoparental con fillos ó seu cargo

d) Ós candidatos con niveis de renda máis baixa

e) Ós candidatos con cargas familiares 

Para esta contratación de persoal vaise solicitar inicialmente 2 Técnicos Auxiliares de Cultura -Turismo, 1 Técnico de Medio Ambiente, 5 Técnicos Auxiliares Administrativos, 2 Albaneis, 1 Carpinteiro e 19 Operarios - Limpadores.

ENTRE PATOS ANDA O XOGO

O expresidente da Deputación de Pontevedra, Rafael Louzán, imputado na Operación Patos. A xuíza de Instrución número sete de Vigo notificou esta mañá o auto de imputacións correspondente á investigación sobre presuntas irregularidades en contratos públicos e recepción de agasallos que salpica a 50 persoas, entre políticos, técnicos de administracións e empresarios. Xunto a Louzán, súmanse como imputados tamén o ex vicepresidente da Deputación, José Manuel Figueroa; o alcalde de Vigo, Abel Caballero, a actual deputada socialista Isaura Abelairas ou a delegada da Xunta en Vigo María José Bravo Bosch.  

  A xuíza María del Carmen García Campos, responsable do xulgado de Instrución número 7 de Vigo, admitiu as peticións do Fiscal de Delitos Económicos e eleva a 50 os imputados no marco da Operación Patos, causa que investiga o presunto amaño de contratos de obras públicas e a recepción de agasallos por parte de cargos políticos. No auto notificado o pasado dia 25, a maxistrada imputa ó ex presidente da Deputación de Pontevedra, Rafael Louzán e ó ex vicepresidente desta entidade, o tamén popular José Manuel Figueroa, xunto á delegada da Xunta en Vigo, María José Bravo Bosch, por supostas irregularidades en contratos públicos. Pola presunta recepción de agasallos, García Campos imputa ó alcalde de Vigo, o socialista Abel Caballero e á concelleira socialista, tamén deputada provincial, Isaura Abelairas. O límite fixado para considerar os agasallos como imputables fixouse en 600 euros. Normal 0 21 false false false MicrosoftInternetExplorer4   No seu escrito, o Fiscal poñía en cuestión ata 44 adxudicacións de obras e servizos por un valor superior a 17 millóns de euros realizadas pola Xunta, a Deputación de Pontevedra e os concellos de Vigo, Pontevedra, Nigrán, Santiago e Ponteareas. Todas virarían en torno á empresa Eiriña. O seu administrador, Enrique Alonso Pais, está considerado o cerebro desta trama de amaños. 

ACCIDENTE NA ROTONDA DE VILARIÑO

Duas rapazas, C.C.F. de 29 anos, conductora, veciña de Cambados e M.G.C. de 24 e veciña de Ribadumia sufriron feridas leves cando por causas descoñecidas acabaron co seu vehículo na fonte da rotonda de Vilariño. A proba de alcoholemia resultou positiva. En principio as ocupantes do coche non podían saír do mesmo. Unha vez chegaron as emerxencias xa estaban fora. Nun principio foron trasladadas ao PAC de Cambados e derivadas finalmente ao Hospital do Salnés.
Ao lugar do sinistro trasladouse a Garda Civil, Policía Local ei Servizo de Emerxencias de Cambados. O accicente prodúxose preto das 5 da madrugada.

A rotonda de Vilariño que regula o principal acceso ao centro de Cambados rexistrou durante este verán oito accidentes de tráfico, sen contar con este.

Neste punto de conflúen a estrada PO-300 que comunica con Pontevedra coa Vía do Salnés, no seu tramo Vilagarcía-Ribadumia.

ECLIPSE TOTAL DE LUNA ESTE DOMINGO VISIBLE EN GALICIA

Eclipse total de lúa na madrugada do domingo ao luns que poderá verse en Galicia. Nesa madrugada, as 2.12 horas producirase o primeiro contacto do satélite co cono de penumbra, pero será as 3.07 horas cando se inicie a eclipse parcial. A lúa permanecerá eclipsada totalmente desde as 4.11 ata as 5.23 horas, e a partir dese momento volverá a estalo parcialmente unha hora máis, rematando completamente a eclipse ás 7.22 horas.

“Como aínda na fase total a lúa non chega a desaparecer de todo, amosará tonalidades vermellas, ocres e castañas debido aos raios tanxentes de luz solar que a atmosfera desvía cara a ela”, explica o director do Observatorio Astronómico Ramón María Aller da USC, José Ángel Docobo, en relación a un fenómeno popularmente coñecido como ‘lúa vermella’.  En canto a eclipses de Sol, e logo da parcial do 20 de marzo deste ano, haberá que agardar ata o 10 de xuño de 2021 para poder ver outra desde Galicia. A próxima total visible na Península será o 12 de agosto de 2026. Ano e medio despois observarase unha anelar o 26 de xaneiro de 2028.

AXUDAS DO IGAPE PARA REFORMAS NAS VIVENDAS

O Consello de Dirección do Instituto Galego de Promoción Económica (IGAPE), acordou por unanimidade dos seus membros asistentes, a aprobación das bases reguladoras das axudas do Igape a particulares para a adquisición de materiais e pezas de mobiliario de cociña e baño (Reforma15), que inclúe o procedemento de selección de entidades colaboradoras que participarán na súa xestión.

Para máis información sobre estas axudas, consulta o seguinte enlace: http://www.xunta.es/dog/Publicados/2015/20150924/AnuncioO92-180915-0001_gl.pdf 

DOUS CAMBADESES LEVANDO CAMBADOS POLO MUNDO

O próximo día 7, e os días 14 e 15 de novembro, os competidores do  ximnasio Vital-Sport de Cambados Eloy González Costa e Víctor Martínez Batalla acudirán, na primeira data, á localidade de Seseña (Toledo) e, ao fin de semana seguinte, a Málaga, como integrantes do equipo Body Sport Team, ao que pertencen os competidores desta especialidade do Club Vital Sport Cambados, e dirixido por Xullo García PAMPÍN, para participar nos  Campionatos de Físicoculturismo e Fitness de AEFF, na categoría Men's Physique, Open Barbarian, na primeira data, e a, posteriormente, ao Campionato de España.  

Este ano, como novidade reseñar que este último, é clasificatorio para o Campionato Mundial Mr. & Ms. Universe N.A.C., que se celebrará na cidade alemá de Hamburgo o día 28 dese mesmo mes. Tamén decir que estes dous deportistas está a buscar colaboracións e patrocinios para poder acudir ao campionato Nacional que indicamos, calquera axuda, colaboración ou apoio que poidan recibir, será benvida, podendo para iso contactar directamente con eles a través das súas páxinas de Facebook, ou no ximnasio. 
Desde CORES DE CAMBADOS dámoslles ánimos na preparación e desexámoslles sorte para os campionatos.


Facebook de Eloy González

Facebook de Víctor Martínez

TORNEO ALBARIÑO DE BALONCESTO

Mañá sábado dispútase no Pavillón do Pombal o Torneo Albariño de Baloncesto. O partido será ás 18:00 horas e enfrontará ao Xuven co Vitoria de Guimarães, subcampión de liga da 1ª división portuguesa.

Trala derrota contra o Oporto, Hoyo comentaba que a pesar da derrota as sensacións eran boas e que o importante é que se nota que o equipo continúa crecendo, polo que se manifestou satisfeito. Os de Cambados continúan mellorando o seu defensa aos poucos, algo no que o adestrador lles había pedido "un paso adiante".

A pesar dos 21 puntos de diferenza, tratouse dun  encontro no que o Xuven competiu cada cuarto, non estando nunca a máis de seis puntos de distancia do Porto.

Agora o obxectivo é continuar nesta liña de traballo e mellora xa que "o importante é chegar ben a Valladolid", aseguraba Hoyo. Á cidade castelán leonesa desprazarase o Xuven o próximo 3 de outubro. Miguel Ángel Hoyo deixou claro á súa chegada a Cambados que non quería que se lle puidese botar en cara ao equipo non dar todo na cancha tras cada partido e isto cumpriuno. Os xogadores competiron ben e é por elo que as vibracións son boas.

AS CÁMARAS DE COMERCIO GALEGAS POÑEN EN MARCHA O I CONCURSO DE EMPRENDEDORES DE GALICIA.

As Cámaras de Comercio galegas poñen en marcha o I Concurso de Emprendedores de Galicia. O concurso consiste na gravación dun vídeo de menos de 2 minutos no que os participantes presentarán a súa idea de negocio/proxecto innovador, mencionando o programa “Aprende a Financiarte”

Despois, deberá dárselle difusión ao vídeo para que resulte seleccionado entre as 10 propostas máis votadas e converterse en finalista do concurso.Os finalistas presentarán a súa idea ante unha mesa de inversores na Cámara de Comercio de España o 25 de novembro.

O gañador recibirá un premio de 3000€ cos cales poderá comezar a financiar o seu proxecto, e ademais terá a oportunidade de entrar en contacto directo con posibles inversores interesados na súa idea. Os finalistas recibirán un cheque consultoríaAprende a Financiarte que inclúe a elaboración do plan de negocio do seu proxecto, a definición do plan financieiro e de financiación e o acompañamento na búsqueda de financiación por parte do equipo de especialistas de Aprende a Financiarte.

Podes consultar as bases do concurso no seguinte enlace:http://www.aprendeafinanciarte.com/concurso.

Tamén obterás maior información no arquivo adxunto.

Ademáis, dende a Cámara de Comercio de Vilagarcía infórmannos de que se poñen a disposición dos interesados axudándoos a gravar o vídeo, para elo pódense poñer en contacto a través do email b.lorda@camaravilagarcia.com ou do teléfono 986 565286

TALLER DE PINTURA PARA MAIORES EN CAMBADOS

A Concellería de Cultura do Concello de Cambados organiza, grazas á colaboración do voluntariado de Cruz Vermella do Salnés, un Obradoiro de Pintura para persoas maiores de 65 anos na Biblioteca Municipal.

O obradoiro “Arte e Saúde” tratará de achegar ás persoas participantes ás disciplinas artísticas, como a pintura, o debuxo e o collage, potenciando o estado de saúde e benestar a través do traballo creativo, e sensibilizando ao alumno para que coñeza as posibilidades expresivas do color e a forma.

As técnicas que se usarán serán, entre outras, lápis, pastel, carbón, acrílico, tinta china etc.

A actividade, que comezará o 15 de outubro, levarase a cabo os xoves en horario de mañá, de 11.00 a 13.00 horas, e  manterase ata o 26 de novembro.

A inscrición para dita actividade farase na biblioteca municipal a partir do 28 de setembro, por orde de presentación das instancias. O curso é totalmente gratuíto. Ademais Cruz Vermella ofrecerá aos participantes a posibilidade de empregar o seu banco de material de apoio, en caso de precisalo (muletas, bastóns, andadores etc.). Para máis información poden chamar ao 986 520 008.

OS COCIÑEIROS DO "GRUPO NOVE" PROTAGONISTAS DA PELÍCULA "COCINANDO EN EL FIN DEL MUNDO"

O Culinary Zinema, a sección dedicada á gastronomía do prestixioso festival internacional de San Sebastián acolleu onte a estrea da primeira longametraxe documental sobre a gastronomía galega, Cocinando en el fin del mundo, unha película producida por Esmerarte coa colaboración de Turismo de Galicia e AGADIC.

A longametraxe, dirixida por Alberto Baamonde, permite descubrir o lado máis auténtico e elegante da gastronomía galega actual. Así, Cocinando en el fin del mundo é unha película que non se detén na cara máis coñecida, tradicional e turística da gastronomía de Galicia senón que céntrase nos elementos emerxentes e xeralmente ocultos que axudan a explicar o momento actual dunha cociña de futuro que afunde a súas raíces na tradición.

As paisaxes de Galicia en combinación con algún dos produtos máis exquisitos e singulares da tradición culinaria galega, xunto con referencias aos seus produtores, comercializadores e cociñeiros, son a carta de presentación desta película documental.

Cocinando en el fin del mundo constitúe, deste xeito, unha homenaxe á cociña galega, caracterizada pola súa perfecta mestura de tradición e vangarda, e aos profesionais, que día a día están a revolucionar a gastronomía da nosa comunidade.

A longametraxe aporta unha visión renovada da cociña da nosa comunidade, protagonizada por emprendedores e profesionais feitos a si mesmos difundindo este valor esencial da nosa oferta turística e da nosa identidade.

O Grupo Nove en vivo no festival de San Sebastián
Trala estrea de Cocinando en el fin del mundo, o Basque Culinary Center acolleu a celebración dunha cea temática a cargo dos cociñeiros do Grupo Nove, protagonistas da longametraxe, que contou coa presenza da directora de Turismo de Galicia, Nava Castro.

O grupo de cociñeiros galegos mostrarán a nova cociña galega nunha experiencia exclusiva deseñada en torno ao documental.

O "PEQUENO NICOLÁS" ESTÁ EN CAMBADOS

O delegado territorial da Xunta en Pontevedra, José Manuel Cores Tourís, visitou esta mañá a adega Martín Códax de Cambados en compaña do alcalde da localidade, Jesús María Fernández, e o exalcalde Luís "Pequeño Nicolás" Aragunde co obxectivo de comprobar o arranque da vendima na comarca do Salnés dentro da Denominación de Orixe Rías Baixas.

Tourís en Cambados

“O obxectivo desta visita”, engadiu o delegado territorial, “é estar en contacto cos viticultores e bodegueiros para coñecer o seu sentir nesta vendima na que, se estima, vanse recoller, segundo os últimos estudos realizados polo Consello Regulador, entre 30 e 32 millóns de quilos de uva en toda a denominación de orixe”. De feito, no día de onte, contabilizábanse 29 millóns de euros, “o que significa un 30% máis co ano pasado. Desta cantidade, o 65% corresponden á subzona do Salnés”.

A nota da Xunta plagada de erros e autobombo por todos lados. En Cambados hai unha alcaldesa, Fátima Abal, e a adega Martín Códax hai varios dias que comezou a vendima, entre outros erros. 

Tourís en Portas

Pero a nota importante é a presenza do ínclito Luís Aragunde que non se sabe en calidade de que achégase a calquer "sarao" para saír ao lado das autoridades nas fotos de rigor. Eso sí Tourís prosigueu co seu periplo por Portas onde visitou outra adega e neste caso o "Pequeno Nicolás" xa non foi tras el.

PRESENTADA A WEB www.cambadosenoturismo.com

 Esta mañá foi presentada no Museo do Viño de Cambados a nova páxina web www.cambadosenoturismo.com, unha nova ferramenta coa cal o Concello continúa coa súa aposta pola promoción do enoturismo.

Na páxina, que contará cun enlace permanente dende esta mesma páxina, ofrécese información sobre as adegas, así como únha completa guía virtual coa cal descubrir Cambados. Tamén conta cunha bolsa de emprego relacionada co sector enoturístico, así como cunha guía de eventos que se irá actualizando.

A Ruta do Viño Rías Baixas celebra a posta en marcha da nova web centrada en enoturismo promovida a través do seu asociado, o Concello de Cambados: www.cambadosenoturismo.com A presentación da mesma desenvolveuse esta mañá e nela participaron o concelleiro de Enoturismo, José Ramón Abal Varela; a presidenta do GDR Salnés 21, Lourdes Ucha Varela; a directora do Museo do Viño de Cambados, Rocío Acha, e o  xerente da empresa Achega Comunicacións, encargada da posta en marcha da web, Pedro Tasende. Ao acto tamén acudiu o presidente da Ruta do Viño Rías Baixas, Juan Gil Araujo, ademais doutros representantes institucionais, adegueiros e traballadores do sector enoturístico que mostraron o seu apoio á iniciativa.

Facendo gala do seu título como membro da Rede Europea de Cidades do Viño, o Concello de Cambados acaba de poñer en marcha un portal web, a través do seu novo departamento de Enoturismo, pensado para os amantes do mundo veu. Nel pódese consultar toda a información que un enoturista debe saber sobre este municipio e os da comarca do Salnés. Así, móstrase unha listaxe específica de adegas da zona, especificando que existen 9 visitables, 7 delas asociadas da Ruta do Viño Rías Baixas. Complétase a lista con aquelas empresas que tamén dispoñen de aloxamento, entre as cales se encontran outros socios da Ruta.

Para completar a visita ás adegas tamén se mostran os principais lugares de interese turístico da vila, como son o propio Barrio de Cambados ou o de Fefiñáns. Do mesmo xeito, as novas tecnoloxías incorporáronse a este portal web, que tamén ofrece unhas prácticas audioguías, así como códigos QR a través dos cales o visitante pode acceder á información que necesita desde o seu móbil. Para aqueles que prefiren as redes sociais tamén poderán atopar os espazos de Cambados Enoturismo en Facebook, Twitter, Instagram e Google+.

Desde a Ruta do Viño Rías Baixas valoraron moi positivamente a posta en marcha de "este proxecto, que vén reforzar a importancia do enoturismo non só en Cambados, senón tamén na subzona de Val do Salnés, a que rexistra maior número de visitantes durante o ano. Por tanto, non podemos máis que felicitar ao Concello de Cambados por esta iniciativa que esperamos poida atraer maior número de turistas non só a este municipio senón tamén a toda a Ruta do Viño Rías Baixas", afirman.