PRESUPOSTO DO SERVIZO “SEGURO DE COBERTURA DE RISCOS DA FROTA DE AUTOMÓBILES MUNICIPAL”

DENOMINACIÓN “SEGURO DE COBERTURA DE RISCOS DA FROTA DE AUTOMÓBILES MUNICIPAL”

PRESUPOSTO DO SERVIZO:  14.370 euros anuais.

Esta Alcaldía, en uso das facultades atribuídas, ten a ben

RESOLVER:

Inicia-lo expediente de contratación do servizo referenciado e que pola Intervención se certifique a existencia de crédito en cumprimento do disposto polo artigo 109.3 do TRLCSP.

É obxecto do presente contrato a contratación dun seguro que cubra os riscos derivados da flota de automóbiles.

Mediante o contrato de seguro, o asegurador obrígase, polo cobramento dunha prima e para o caso de que se produza o evento cuxo risco é obxecto de cobertura, a indemnizar, dentro dos límites pactados, o dano producido ao asegurado ou a satisfacer un capital, unha renda ou outras prestacións convidas.

A póliza deberá garantir ao concello a cobertura dos riscos e continxencias derivadas de:

Seguro da flota de automóbiles propiedade do concello.

O asegurador comprometerase, dentro dos límites da lei e do contrato, a cubrir os seguintes riscos:

— Responsabilidade civil obrigatoria derivada dos danos e perdas ocasionados a un terceiro polo coche asegurado.

— Asistencia en viaxe.

— Seguro sobre o condutor, para o caso de morte ou accidente.

— Gastos ocasionados pola defensa xurídica do asegurado en calquera procedemento xudicial ou arbitral derivado dun accidente de circulación co vehículo asegurado.

PREGO DE CLÁUSULAS TECNICAS.pdf

PREGO DE CLÁUSULAS ADMINISTRATIVAS.pdf

ANUNCIO CONTRATACIÓN DE OBRAS

O concello de Cambados informa que se procederá á contratación, como contrato menor, das obras de “REFORZO DO FIRME EN TELLEIRA-VILARIÑO”, aos efectos de que polas empresas interesadas se formulen ofertas económicas para as indicadas obras.

As proposicións para participar deberán presentarse no Rexistro Xeral do Concello de Cambados, ata o vindeiro día 2 de outubro de 2015 (venres), en horario de 8.30 a 14.30 horas de luns a venres e ós sábados de 9.00 a 13.00 horas.

Deberán aporta-la documentación seguinte:

SOBRE A:

Modalidade A:

1º.- De conformidade co establecido no artigo 146.4 do TRLCSP o licitador deberá presentar unha declaración responsable indicando que cumpre coas condicións establecidas legalmente para contratar coa Administración.

Modalidade B:

1º.- Fotocopia do D.N.I. da persoa que formula a oferta.

2º.- Certificación de atoparse inscrito no Rexistro de Contratistas da Xunta de Galicia, no caso de atoparse inscritos.

3º.- Certificacións de atoparse ao corrente coa Axencia Tributaria e coa Seguridade Social (non necesaria de estar inscritos no Rexistro de Contratistas da Xunta).

4º.- Declaración xurada de non atoparse incurso en prohibicións de contratar (non necesaria de estar inscritos no Rexistro de Contratistas da Xunta).

5º.- Declaración xurada de que a empresa dispón dos medios suficientes para levar a cabo o obxecto do contrato.

SOBRE B:

Conterá a oferta económica.

a) Programa de traballo e memoria construtiva ata un máximo de 50 puntos.

b) Proposta de redución de prazos ata un máximo de 30 puntos.

c) Por número de novas traballadoras contratadas ata un máximo de 10 puntos.

d) Por número de traballadoras contratadas na empresa  ata un máximo de 10 puntos.

En caso de empate na puntuación entre dúas ou máis empresas, o criterio de adxudicación que servirá para produci-lo desempate recaerá naquela empresa que conte cunha plantilla cunha maior porcentaxe de mulleres contratadas. No caso de persisti-lo empate terá preferencia a empresa que teña maior porcentaxe de traballadoras fixas en plantilla.

O B.N.G. PREGUNTA POR UN CONTRATO QUE PODE SER UNHA PRIVATIZACIÓN ENCUBERTA

O B.N.G. de Cambados ven de entrgar un escrito no concello de Cambados no que expoñen o seguinte:
que segundo a acta da Xunta de Goberno do día 23 de setembro do ano 2013, o concello ven de adxudicar (por un valor de 47.916 €) á empresa IMELFA E HIJOS S.L., o servizo de “CONSERVACIÓN, MANTEMENTO E RENOVACIÓN DAS INSTALACIÓNS ELÉCTRICAS MUNICIPAIS DE CAMBADOS”, por  procedemento negociado e sen publicidade, o que realmente significa unha privatización encuberta dun servizo que, ata o de agora, era realizado por empregados municipais, polo que tras leer esto fan unha serie de preguntas para que sexan respondidas na mellor brevidade posible:

1.- Que outras empresas presentaron ofertas para cubrir a privatización deste servizo?

2.- Como vai a afectar a privatización deste servizo ao persoal municipal que ata o de agora viña realizando as labores de mantemento eléctrico das instalacións municipais?;  implicará a eliminación dalgún posto de traballo?; que labores se lle asignará ao persoal municipal que ata o de agora viña realizando o mantemento das instalacións eléctricas dos locais municipais?.

TODO E POSIBLE EN CAMBADOS. CRÓNICA DUN ENCHUFE

Dias atrás  "Alza la voz Cambados"  publicaba a nova de que o Concello, concretamente o "noso" Alcalde quería agradecer os "servizos" prestados a un blogger con un posto de traballo relacionado coa calamitosa e custosísima (para o contido que ten) web oficial do Concello de Cambados. 

De ser certa a nova, nos creemos que ten máis de verdade que de falsa (pois acusar de dito "teje maneje" sen probas e como tirarse dun avión sen paracaídas), sería a primeira vez que se descubre un "chachullo" destas características no  noso Concello antes de que ocurra pois a posteriori todos sabemos dalgún

. 

O problema que se lle presenta a Luís Aragunde é difícil de resolver. En primeiro lugar unha das opcións que pode barallar na sua cabeza é a de non facer algo do que se lle acusa para desprestixiar ao blog que publica a nova. Outra opción é a de convocar a plaza pero cos requisitos tan ben apuntalados que so os cumpra a persoa a quen vai dirixida a convocatoria. Unha terceira sería a de contratar por breves periodos a esa persoa, contrato vai, contrato ven, como xa ten feito e outras ocasións. 
A derradeira opción é a de non facer nada e deixar que pase o tempo para voltar a retomar a idea dentro dun tempo, e así calmar a opinión pública polo de agora.

COMO BEN SABEDES, TODO E POSIBLE EN CAMBADOS.

PRÁCTICAS RARAS PARA ADXUDICAR CONTRATOS NA XUNTA?

Rexeitan a oferta da empresa Grupo Bap & Conde, S.A., entre outras, e logo adxudícanlle a dedo o contrato. A Secretaría Xeral de Medios da Xunta de Galicia publica unha licitación cuxo obxecto é unha campaña publicitaria e o valor do contrato é de 1.308.641,03 euros, preséntanse varias empresas, entre elas a que logo adxudican a dedo, rexeitan varias delas en primeiro lugar, logo a outra en segundo lugar e para rematar, debido a unhas fórmulas matemáticas, rexeitan ao resto das empresas que han licitado o concurso, incluída a empresa Grupo Bap & Conde, S.A. Ao non admitir a ningunha empresa, declaran deserto o concurso, axustándose á Lei de Contratos do Estado, e a continuación adxudican a dedo a unha das empresas que previamente rexeitaron "mediante fórmulas matemáticas", a empresa Grupo Bap & Conde, S.A. É posible que ocorra isto e non pase nada? De verdade séntense tan impúnes que pensan que ninguén xamáis lles denunciará?    Pois non xa está en marcha unha querela criminal. Fonte: Xornalgalicia.es