ALERTA POR ALTAS TEMPERATURAS NAS RÍAS BAIXAS

O termómetro non marcara unhas cifras tan altas en todo o verán na Comunidade galega. Tanto é así que A Dirección Xeral de Emerxencias e Interior da Vicepresidencia da Xunta activou a alerta laranxa por altas temperaturas para avisar a todos os galegos e turistas que nestas épocas visitan Galicia, que ademais dos posibles perigos por coronavirus, tamén hai perigos por expoñerse á calor. De feito, o mercurio chegou onte ata os 37 graos centígrados nas Rías Baixas e tamén na zona do Miño (Pontevedra). Pero o máximo de temperatura levoullo a provincia de Ourense, que se mergullou nunha calor sufocante: rozaron os 40 graos. Desgraciadamente, a diferenza de Pontevedra, Ourense non ten praia e as pozas ao aire libre permanecerán pechadas polos concellos. Debido a estas altas temperaturas, que tampouco son extraordinarias teniendo en cuenta a época do ano, sobre todo na provincia de Ourense, Emerxencias avisou a concellos, deputacións e protección civil das zonas afectadas para que se manteñan alerta ante problemas derivados da calor. Desta maneira, tratarase de garantir a seguridade todos os cidadáns e bens. Por suposto, non basta só con que os servizos de emerxencias estean alerta, senón que tamén é labor cidadán manterse precavido e coidadoso con estes riscos: recoméndase limitar a exposición o sol, manter unha boa ventilación e ter en conta os cambios de temperatura. É tamén aconsellable manterse hidratado, tomar comidas lixeiras, cubrirse a cabeza e evitar exercicios físicos prolongados ao sol. Ademais, lémbrase que nunca debe deixarse a nenos ou persoas maiores no interior de vehículos pechados. O resto da fin de semana non apunta a distar moito co día de hoxe no que temperatura se refire: a provincia de Pontevedra hoxe alcanzará máximos de 34 graos, mentres que en Ourense espérase alcanzar os 39. A provincia da Coruña rexistrará hoxe 34 na capital galega, pero irase suavizando facía o norte, ata chegar á Coruña, con 30. En Lugo, os termómetros alcanzarán un máximo de 32 graos. O domingo suavizaranse, cunha baixada ao redor de dous graos menos en toda Galicia.

ESTE SÁBADO TOCA CAMBIO DE HORA

Este sábado toca cambiar a hora. Na madrugada do 28 (sábado) ao 29 de marzo (domingo) de 2020, ás 02:00 serán as 03:00. Desta forma, entraremos no horario de verán. Este ano, o cambio de hora chega nun momento excepcional na sociedade, xa que ante a pandemia do COVID-19, a ciudadania atópase confinada. Na UE, unha directiva de 2001 estableceu que o último domingo de marzo e outubro, é dicir dúas veces ao ano, levaría a cabo o cambio de horario, aínda que Europa estuda agora acabar con esta medida. Os países europeos teñen de prazo ata abril de 2020 para decidir se quedarán co horario de verán ou co de inverno. Se optan pola primeira opción, o último cambio de hora terá lugar en marzo de 2021, mentres que o reloxo cambiarase por última vez en outubro de 2021 naqueles países que decidan permanecer no horario de inverno.

CAMBADOS EN RISCO POTENCIAL DE INUNDACIÓNS

As marxes do río Umia, ao seu paso por Caldas de Reis e Portas; do Ulla-Sar, en Padrón, Dodro, Rianxo, Rois, Catoira, Pontecesures e Valga; do Anllóns, en Carballo; do río Lagares, en Vigo; as zonas próximas aos regatos de Bahíña e Groba, en Baiona; do río Fontecova e do Trasposta, en Viveiro; e o regato de Campeda, en Vimianzo, son as zonas con máis posibilidades de sufrir inundacións durante este chuvioso inverno, segundo os datos que achegou onte a conselleira Ethel Vázquez no transcurso na apertura da xornada de formación técnica de Augas de Galicia, organizada en colaboración do Colexio de Enxeñeiros de Camiños, Canles e Portos, sobre "O papel da enxeñería na redución dos riscos de inundación. Implementación de medidas nos concellos de Galicia". A titular de Infraestruturas avanzou que a Xunta está a elaborar plans de prevención para esas nove zonas fluviais de Galicia con maior risco de sufrir inundacións e puxo en valor o empeño para delimitar e acoutar cada vez mellor as zonas de risco potencial, avaliando os riscos asociados a esas inundacións desde unha perspectiva integral e multidisciplinar que axude á prevención e protección. Nese sentido identificáronse dúas áreas fluviais máis con risco potencial de inundacións: Sada e Cambados, e tamén se incrementou o ámbito de actuación en tres áreas de risco potencial significativo de inundacións xa existentes: ríos Gaio (Cuntis), Umia e Lérez. O obxectivo final é estar previdos e preparados ante posibles desbordamentos.

A XUNTA INFORMA DE SITUACIÓNS DE CALOR INTENSA DURANTE A FIN DE SEMANA

Galicia estará baixo os efectos dun potente anticiclón e irase achegando unha masa de aire cálido procedente do sur da península

O efecto desta masa de aire comezarase a notar esta mesma tarde con valores que superarán os 30ºC na metade sur

As mínimas non descenderán por debaixo dos 20ºC en puntos da provincia de Pontevedra e oeste da Coruña, tendo o efecto de noites tropicais

A Xunta de Galicia, a través do seu Comité de Plan de Calor, no marco do Plan de Actuacións fronte aos posibles efectos das altas temperaturas sobre a saúde, informa que, dende hoxe, e ata o domingo, Galicia estará baixo os efectos dun potente anticiclón que aportará a suficiente estabilidade como para que o ceo estea despexado. Ademais, irase achegando unha masa de aire cálido procedente do sur da península Ibérica e do norte de África. O efecto desta masa de aire comezarase a notar esta mesma tarde, con valores que superarán os 30ºC con facilidade na metade sur. Esto será máis xeneralizado nas xornadas do sábado e o domingo, cando se rexistrán temperaturas moi elevadas durante o día, con avisos amarelos por temperaturas máximas en puntos do sur nestas dúas xornadas. Así mesmo, as mínimas non descenderán por debaixo dos 20ºC en puntos da provincia de Pontevedra e oeste da Coruña, tendo o efecto de noites tropicais.

Estímase que na tarde do domingo poderán formarse os primeiros fenómenos tormentosos e as nubes e os chuvascos poderán ser algo máis xeneralizados o luns, polo que as temperaturas descenderían nesa xornada por debaixo de umbrais de perigo.

Sistemática de intervención

O Comité de Plan de Calor está formado, ademais de pola Consellería de Sanidade e o Servizo Galego de Saúde; a Vicepresidencia e Consellerías de Presidencia, Administracións Públicas e Xustiza; Política Social, e Medio Ambiente e Ordenación do Territorio.

Este plan, que está operativo dende o un de xuño, establece as medidas necesarias para reducir os efectos na saúde asociados ás vagas de calor, os sistemas de previsión, alerta e comunicación a utilizar, e, ademais, define unha sistemática de intervención segundo os niveis de alerta establecidos. Por outro lado, establece as canles de coordinación interinstitucional entre as unidades competentes nesta materia.

Neste plan, os medios de comunicación e toda a cidadanía e organismos que constitúen a rede social de apoio existente á poboación máis vulnerable, son pezas básicas para evitar, na maior medida posible, danos á poboación.

Recomendacións

Sanidade quere, así mesmo, facer chegar á cidadanía unha serie de consellos que poderán ser moi útiles para estes días de calor. Beberase máis líquido do habitual sen esperar a ter sede, sobre todo auga e zumes de froita lixeiramente fríos. Deberase evitar inxerir bebidas quentes, alcohólicas, café, té e as moi azucradas. Así mesmo, comeranse verduras e froitas e evitaranse as comidas copiosas.

Respecto da vestimenta, Sanidade recomenda usar roupa de tecidos naturais, lixeira e folgada, de cores claras, sombreiros, lentes de sol e cremas protectoras solares. O calzado deberá ser cómodo, fresco e que transpire.

No interior dos edificios permanecerase, a ser posible, en espazos ventilados ou acondicionados, e utilizando as habitacións máis frescas da vivenda. Durante o día, baixaranse as persianas e pecharanse as xanelas, abríndoas pola noite para ventilar. Así mesmo, poderán utilizarse ventiladores. Nos momentos de calor máis intensa refrescarase o corpo cunha ducha ou cun baño en auga morna. Ademais, procurarase eludir as aglomeracións de persoas en locais sen aire acondicionado.

No exterior dos edificios evitaranse, na medida do posible, as actividades nas horas máis calorosas, reducirase a actividade física, procurarase buscar as sombras e, cando se estacione o coche, non se deberá deixar no interior nin a nenos nin a persoas maiores, nin a ningún animal de compaña.

Así mesmo, convén non ir á praia nas horas de máxima calor (mediodía e as primeiras da tarde). Asemade, Sanidade sinala que nunca se debe quedar durmido tomando o sol. Respecto das cremas de protección, utilizaranse as de maior protección posible, e nunca inferior a quince.

Recorde que, si ten parentes ou veciños que vivan sos, é conveniente facerlles un seguimento especial estes días, co fin de comprobar que adoitan as medidas recomendadas e o seu estado de saúde é o habitual.

A XUNTA ALERTA DUN EPISODIO DE TEMPERATURAS MÁXIMAS DE NIVEL LARANXA QUE DARÁ COMEZO MAÑÁ NA PROVINCIA DE OURENSE E QUE SE ESTENDERÁ ÁS OUTRAS PROVINCIAS A PARTIR DO VENRES

A Xunta de Galicia alerta dun episodio de temperaturas máximas de nivel laranxa que dará comezo mañá na provincia de Ourense e se estenderá ás outras provincias ao longo do venres.

Segundo as predicións da Axencia Estatal de Meteoroloxía o fenómeno meteorolóxico adverso dará comezo maña a partir da 13 horas na zona do Miño, na provincia de Ourense e se estenderá ao suroeste da Coruña; zona do Miño, interior e Rías Baixas, na provincia de Pontevedra; ao sur de Lugo; e á zona de Valdeorras e montaña ourensán, a partir do venres 3 agosto. Poderán alcanzarse 41 graos centígrados na provincia de Ourense e nas outras provincias os valores poderán acadar os 38-39 graos centígrados.

Recomendacións xerais

Para protexerse da calor, Sanidade recomenda beber máis líquido do habitual, sen esperar a ter sede, sobre todo auga e zumes de froita lixeiramente fríos. Deberase evitar inxerir bebidas quentes, alcohólicas, café, té, e as moi azucradas. Así mesmo, comeranse verduras e froitas en abundancia e evitaranse as comidas copiosas. Respecto da vestimenta, convén usar roupa de tecidos naturais, lixeira e folgada, de cores claras, sombreiros, lentes de sol e cremas protectoras solares. O calzado deberá ser cómodo, fresco e que transpire.

No interior dos edificios aconséllase permanecer, a ser posible, en espazos ventilados ou acondicionados e utilizando as habitacións máis frescas da vivenda. Durante o día, baixaranse as persianas e pecharanse as xanelas, abríndoas pola noite para ventilar. Así mesmo, poderán utilizarse ventiladores ou aparellos de aire acondicionado. Nos momentos de calor máis intensa refrescarase o corpo cunha ducha ou cun baño en auga morna. Ademais, procurarase eludir as aglomeracións de persoas en locais sen aire acondicionado. No exterior dos edificios evitaranse, na medida do posible, as actividades nas horas máis calorosas, reducirase a actividade física, procurarase buscar as sombras e, cando se estacione o coche, non se deberá deixar no interior nin a nenos nin a anciáns.

Cando se vaia gozar da praia convén tomar o sol de forma progresiva durante os primeiros días, evitando as horas do mediodía e as primeiras da tarde. Asemade, Sanidade sinala que nunca se debe quedar durmido tomando o sol. Respecto das cremas de protección, utilizaranse as que teñan un índice non inferior a quince, aplicándoas 30 minutos antes da exposición e renovar cada 2 horas. Ademais, convén protexer aos nenos con gorra e camiseta opaca.

PREPÁRATE PARA CATRO DÍAS DE CALOR ABAFANTE

A primeira ola de calor importante e significativa na Península Ibérica deixará un episodio en Galicia de polo menos catro días de temperaturas moi elevadas, tanto mínimas como máximas, que nalgúns puntos poderían bater rexistros históricos. A persistencia das altas temperaturas durante varios días pode comprometer a saúde das persoas polo que toma nota destes consellos de protección. Para empezar, prestemos atención a aqueles colectivos que poden acusar máis os efectos da vaga de calor. Así, os nenos, os maiores e os enfermos crónicos necesitan extra extra hidratación.

Ademais, todos e todas debemos beber aínda sen sede para reducir o impacto sobre a saúde das altas temperaturas. Tamén,​

• Cómpre evitar as bebidas con cafeína, que fan aumentar a frecuencia cardíaca.
   
• Aproveita as sombras se saes á rúa
   
• Utiliza roupa lixeira, gafas de sol, sombreiro e non escatimes en cremas de protección solar.

• Quizáis non sexa o mellor día para ir de paparota, pois as comidas copiosas tardan máis en dixerirse (máis traballo para o corpo).

• Reduce a actividade física.
   
• Na casa, durante o día, pecha as fiestras e baixa as presianas. Pola noite, cando descendan as temperaturas, aproveita para ventilar.
   
• Comproba que os alimentos que inxires cumpran coas medidas de conservación necesarias
   
• Ante calquera emerxencia chama ao teléfono 112

ESTE SÁBADO ÚNETE A "LA HORA DEL PLANETA"

A Hora do Planeta é moito máis que apagar a luz durante unha hora, é un gran movemento global para enfrontar un problema global: o cambio climático. Unha campaña multitudinaria que empezou en 2007 en Sidney, impulsada por WWF, como un xesto simbólico da loita contra o cambio climático. En todo pobo e cidade as casas e rúas apáganse e as redes sociais acéndense para esixir aos gobernos de todo o mundo cambios políticos en materia enerxética. O cambio climático é xa una das maiores ameazas á biodiversidade No próximos tres anos, desde WWF facemos unha chamada de atención dentro a Hora do Planeta para sensibilizar ao mundo sobre o cambio climático e tamén sobre a perda de vida salvaxe que vén asociada aos seus impactos, dous problemas que son dúas caras da mesma moeda. En 2017, millóns de cidadáns , miles empresas e entidades de todo o mundo, 187 países e 7.000 cidades sumáronse á Hora do Planeta. Neste vídeo, podes ver como vivimos a gran festa da Hora do Planeta en España: Necesitas máis razóns para unirte? Entra na web da campaña e seguro que atopas máis.

CONECTATE

O CIAE REXISTRA 193 INCIDENCIAS RELACIONADAS COA METEOROLOXÍA ADVERSA

O Centro Integrado de Atención ás Emerxencias (CIAE) 112 Galicia ven de rexistrar un total de 193 incidencias debido á alerta laranxa decretada por costeiros e vento que afectou á nosa Comunidade entre as 16:00 horas de onte e as 08:00 horas desta mañá.

Por provincias, A Coruña foi a mais afectada con (101) incidencias rexistradas, Pontevedra con (49), seguida de Lugo con (27) e por último a provincia de Ourense con (16) incidencias. A caída de árbores e pólas (110) e obxectos varios (30) en estradas foron as incidencias que máis se repetiron.

En canto aos concellos, na provincia de A Coruña, destaca o de Ferrol e o de Oleiros con (7) incidentes xestionados en cada un deles, o de Valdoviño e o de Boiro con (5) incidencias, respectivamente. (12) incidencias son para os concellos pontevedreses de Vigo e (6) para o de Cangas, entre outros. Na provincia de Lugo destaca o concello de Xove con (5) incidencias rexistradas e o de Lugo con (4) incidencias. En Ourense, destacan as dúas incidencias de Xinzo de Limia. 

Para este mércores Meteogalicia activou un aviso con alerta laranxa en todo o litoral galego. Espéranse ondas de máis de 7 metros. O xoves a alerta cambiará a amarela. A previsión sinala que continuará a inestabilidade e espérase unha Noitevella pasada por auga.

COMUNICADO URXENTE DA FEDERACIÓN GALEGA DE FÚTBOL

Recibido en data 9 de decembro comunicación da Secretaría Xeral para o Deporte en relación ás actividades ao aire libre a celebrar o domingo 10 de decembro de 2017 e debido a graves problemas meteorolóxicos, procédese á SUSPENSIÓN de todos os partidos programados pola Real Federación Galega de Fútbol a disputar en xornada de tarde, entendéndose como tales os que se celebren a partir das 15:00 horas do domingo 10 de decembro de 2017.

ALERTA LARANXA A PARTIR DE MAÑÁN EN TODA GALICIA

A Dirección Xeral de Emerxencias e Interior da Vicepresidencia da Xunta alerta dun temporal de nivel laranxa que afectará a partir de mañá a toda a comunidade.

Segundo informa a Axencia Estatal de Meteoroloxía (Aemet) espérase que se inicie nas primeiras horas da tarde de maña, un temporal con ventos que poden acadar refachos de ata 120 km/h en toda a comunidade, con excepción da zona do Miño en Ourense, onde se acadarán os 100 km/h.

Tamén espérase a primeiras horas da tarde de mañá que de comezo temporal costeiro por mar combinada de forza 7,8 e ocasionalmente 9, con ondas de 5 a 6 metros que afectará a todo o litoral da nosa comunidade. En toda a provincia de Pontevedra, a primeiras horas de maña, espéranse choivas con precipitacións acumuladas que poderán acadar os 30mm/h.

 Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación aos concellos das provincias afectadas; ás Deputacións, servizos provinciais e agrupacións de voluntarios de Protección Civil e aos clubs náuticos, entre outros. Deste xeito, agárdase que se adopten as medidas oportunas para garantir a seguridade dos bens e das persoas.

Tamén recórdaselle á poboación a importancia de seguir as medidas de protección como evitar aproximarse a diques ou rompentes co fin de previr un eventual golpe de mar que poida arrastrar persoas ou obxectos ou vixiar posibles caídas de obxectos desde balcóns e fiestras. Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.

ALERTA AMARELA NA COSTA PONTEVEDRESA POR TEMPORAL

A Axencia Estatal de Meteoroloxía (AEMET) activou o risco (amarelo) por precipitacións na costa de Pontevedra.
A inestabilidade seguirá sendo predominante no conxunto Galicia pola presenza de aire frío nas capas medias e altas da atmosfera, o que fará unha xornada de venres en Galicia con ceos parcialmente nubrados e chuvascos.

Segundo a información de Meteogalicia, as temperaturas mínimas experimentarán un lixeiro descenso, mentres que as máximas non terán cambios significativos.
Os ventos soprarán frouxos do sueste, con intervalos de moderado na metade sur. Desta maneira, as temperaturas mínimas oscilarán entre os 7 graos de Lugo e os 15 da Coruña; mentres que as máximas estarán comprendidas entre os 17 de Santiago e Vigo e os 19 de Ferrol e Ourense.

CHEGAN AS CHUVIAS ATA O DOMINGO

Chega unha fronte fría e as precipitacións a partir deste luns á zona das Rías Baixas e, en xeral, a toda a provincia de Pontevedra. Os ceos atoparanse nubrados, con choivas de carácter débil que afectarán principalmente á metade oeste de Galicia, segundo Meteogalicia. Pola noite as choivas serán máis intensas e xeralizadas. As temperaturas descenderán, especialmente as máximas, situándose entre os 18 e os 23 graos. O vento soprará frouxo de compoñente sur nas primeiras horas e de dirección variable o resto do día. 

Durante o martes, as Rías Baixas quedarán baixo a influencia das baixas presións, con réxime de ventos húmidos do suroeste. Durante a mañá, os ceos permanecerán parcialmente cubertos. Ao longo da tarde unha nova fronte achegarase polo oeste, deixando ceos cubertos e choivas que comezarán polo litoral e iranse estendendo cara ao interior durante a noite. As temperaturas sufrirán un descenso moderado situándose entre os 14 e os 21 graos. O vento soprará moderado do suroeste, con refachos fortes nas Rías Baixas durante a tarde.

O mércores se mantenndrán as borrascas en Galicia, con ventos do suroeste e a entrada de aire frío. Os ceos permanecerán nubrados con chuvascos xeneralizados. As temperaturas sufrirán un novo descenso, entre lixeiro e moderado, con mínimas de 13 e máximas de 19 graos.

A partir do xoves, as borrascas do Atlántico e as altas presións do Mediterráneo afectarán á comunidade galega. Esta configuración deixará ventos do sur-suroeste, con frontes que entrarán sucesivamente, deixando alta probabilidade de precipitacións en xeral, con temperaturas normais para a época do ano entre os 11 e os 20 graos.

AUGAS DE GALICIA CHAMA AO CONSUMO RESPONSABLE DA AUGA

A Oficina Técnica da Seca (OTS) recomenda a situación de prealerta por seca, polo que Augas de Galicia fai un chamamento a manter a moderación do consumo de auga e o uso responsable deste recurso. Así, o puxo de manifesto o director de Augas de Galicia, Roberto Rodríguez, que esta mañá presidiu a reunión de seguimento para informar da situación dos ríos e o estado dos encoros da Demarcación Galicia- Costa e revisar as medidas necesarias durante a fase de Prealerta por seca.

O director de Augas de Galicia recordou que a tendencia observada nos meses de febreiro e marzo foron positivas, e pese a ser de forma máis lenta do esperado, permitiu acadar “certa recuperación nos sistemas fluviais da demarcación. Esta tendencia non se está a seguir no mes de abril, que tan só presentou unha xornada de chuvia, o primiero día do mes; o que está a afectar ao caudal circulante polos ríos que volven a afasterse dos valores que serían normais para esta época do ano.

As previsións que traslada Meteogalicia para os vindeiros 10 días indican que non se agardan chuvias significativas, nin moito menos xeneralizadas; polo que de confirmarse este pronóstico, estaríamos ante o mes de abril máis secos da serie histórica. Ante este escenario é necesario manter a situación de pealerta por seca e reiterar a necesidade de consumir responsablemente a auga os 365 días do ano.

En relación co estado dos encoros, Roberto Rodríguez Martínez indicou que a ocupación dos mesmo está a niveles similares aos dos anos anteriores, polo que o abastecemento á poboación está garantido. Na actualidade os encoros de abastecemento presentan un volume de ocupación que se sitúa no 85,80%, unha cifra moi semellante á rexistrada en 2016 cando a súa porcentaxe de ocupación se situaba no 89,44%. Aclarou que é esperable que se acade a máxima ocupación a principios de verán para encarar a tempada estival con todas as maiores garantías posibles.

Non obstante, de cara a tempada estival será determinante a evolución dos caudais fluviais, que se espera que se podan recuperar algo mais no mes de maio.

A Consellería de Medio Ambiente e Ordenación do Territorio, a través de Augas de Galicia, activou o pasado 12 de xaneiro a situación de prealerta por posibilidade de seca hidrolóxica en toda a Demarcación Galicia Costa. A decisión foi tomada logo de comprobar o baixo caudal que corre polos ríos respecto do que sería esperable nesta época do ano. Malia a todo, o abastecemento de auga á poboación está garantido e non hai motivo para alarma.

A Oficina Técnica da Seca (OTS), que conta con persoal especializado de todos os departamentos da Xunta con competencias na materia, isto é, MeteoGalicia, a Axencia Galega de Emerxencias, a Consellería do Medio Rural e a propia Augas de Galicia.

NOVO TEMPORAL A PARTIR DESTA NOITE

A Dirección Xeral de Emerxencias e Interior da Vicepresidencia da Xunta alerta dun temporal costeiro de nivel laranxa que afectará ao litoral das provincias da Coruña e Pontevedra a partir desta noite.

Segundo informa a Axencia Estatal de Meteoroloxía (Aemet) espérase, a partir da madrugada do día 21, mar combinada do oeste ao noroeste de entre 5 e 6 metros, e ocasionalmente oeste forza 8, que afectará ás provincias da Coruña e Pontevedra.

Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación aos concellos das provincias afectadas; ás Deputacións, servizos provinciais e agrupacións de voluntarios de Protección Civil e aos clubs náuticos, entre outros. Deste xeito, agárdase que se adopten as medidas oportunas para garantir a seguridade dos bens e das persoas.

Tamén recórdaselle á poboación a importancia de seguir as medidas de protección como evitar aproximarse a diques ou rompentes co fin de previr un eventual golpe de mar que poida arrastrar persoas ou obxectos ou vixiar posibles caídas de obxectos desde balcóns e fiestras. Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.

3 PERSOAS ATRAPADAS EN ASCENSORES, UN ACCIDENTE E PEQUENAS INUNDACIÓNS EN CAMBADOS

O CAE 112 Galicia recibiu esta tarde varias chamadas de alerta por rúas anegadas en barios puntos da xeografía galega, Cambados entre eles.

A Plaza do Cobcello, rúa Nova, e puntos das PO 549, e PO 550 foron as máis afectadas.

Foi no intervalo entre as 12:30 e as 13:30 horas cando maior fluxo de chamadas se recibiron no Centro de Atención ás Emerxencias referentes a bolsas de auga e inundacións en rúas por  mor dos sumidoiros que apenas conseguían absorber a cantidade de auga recollida.

Fundamentalmente, as chamadas chegaron de veciños de Vilagarcía e Ribeira, aínda que tamén houbo algunha dende Cambados, Porto do Son,  Meaño e Redondela, por exemplo.

Para todos os casos, o persoal do 112 Galicia informou aos servizos de emerxencias locais, GES e Bombeiros.

Protección Civil de Cambados tivo que rescatar a 2 persoas atrapadas nos ascensores das suas vivendas tralo corte de luz que chegou a ser de máis de 5 horas nalgúns puntos do concello. Outra persoa foi rescatada por técnicos da empresa de ascensores.

Contra as 14:15 hrs. prodíxose un accidente en Castrelo, no lugar do Adro, resultando ferida unha muller de 50 anos, D.R.F. , que foi trasladada ao Hospital do Salnés polo 061.

ALERTA EN GALICIA POR ALTAS TEMPERATURAS HOXE E MAÑÁN

Este luns, Meteogalicia advirte que se mantén o aire cálido sobre Galicia, con valores máximos superiores aos 34-36ºC en puntos das provincias de Pontevedra e Ourense, especialmente nos vales do Miño e Sil. Por iso hai alerta amarela nestas zonas dos vales dos grandes ríos, sobre todo entre as 15 e as 21 horas.

A situación empeora o martes. Ese día achégase a Galicia unha masa de aire aínda máis cálido que deixará temperaturas máximas superiores aos 34-36ºC en xeral, agás no litoral norte. Ese día está previsto que todas as cidades galegas superen os 30 graos. En Ourense o termómetro estímese que acade os 40. 

Ademais dos vales que estaráne en alerta amarela xa o luns, o martes pasarán a alerta laranxa toda a costa de Pontevedra e case todo o interior da de Coruña. Cómpre lembrar que unha alerta laranxa implica un fenómeno meteorolóxico adverso pouco frecuente e de certa gravidade.

A PARTIRES DE MAÑÁN SUAVÍZANSE AS TEMPERATURAS EN GALICIA

A entrada de aire máis frío que nos días anteriores suavizará a partir de mañá as temperaturas en Galicia, onde haberá nubes baixas e néboas no litoral atlántico durante a mañá, segundo a predicción de MeteoGalicia.

Pola tarde haberá alternancia de nubes e claros, en xeral, sen descartar algún fenómeno tormentoso no interior.
As temperaturas comezarán a diminuír, sendo o descenso nesta xornada máis notorio no litoral.
O vento soprará flojo, de dirección variable, tomando en xeral unha compoñente oeste durante a tarde.


Temperaturas mínimas e máximas previstas para mañá en Galicia:


A Coruña  17° 24° 
Ferrol       17° 28° 
Lugo        15° 31°
Ourense      19° 35° 
Pontevedra  17° 25° 
Santiago     18° 31°

RECOMENDACIÓNS PARA PROTEXERSE DA CALOR DOS VINDEIROS DIAS

A Consellería de Sanidade informa que, aínda que non se prevé a superación dos límites establecidos no Plan da Xunta de Galicia para considerar unha situación de alerta por vaga de calor, durante os vindeiros días estaremos na nosa Comunidade moi preto de que se produza esa superación nun bo número de concellos. A tal efecto, a Dirección Xeral de Saúde Pública fai unha serie de recomendacións para estes días nos que se agarda a chegada dunhas xornadas con altas temperaturas.

Así, para protexerse da calor, recoméndase beber máis líquido do habitual, sen esperar a ter sede, sobre todo auga e zumes de froita lixeiramente fríos. Deberase evitar inxerir bebidas quentes, alcohólicas, café, té, e as moi azucradas. Así mesmo, comeranse verduras e froitas en abundancia e evitaranse as comidas copiosas. Respecto da vestimenta, convén usar roupa de tecidos naturais, lixeira e folgada, de cores claras, sombreiros, lentes de sol e cremas protectoras solares. O calzado deberá ser cómodo, fresco e que transpire.

No interior dos edificios aconséllase permanecer, a ser posible, en espazos ventilados ou acondicionados e utilizando as habitacións máis frescas da vivenda. Durante o día, baixaranse as persianas e pecharanse as xanelas, abríndoas pola noite para ventilar. Así mesmo, poderán utilizarse ventiladores ou aparellos de aire acondicionado. Nos momentos de calor máis intensa refrescarase o corpo cunha ducha ou cun baño en auga morna. Ademais, procurarase eludir as aglomeracións de persoas en locais sen aire acondicionado. No exterior dos edificios evitaranse, na medida do posible, as actividades nas horas máis calorosas, reducirase a actividade física, procurarase buscar as sombras e, cando se estacione o coche, non se deberá deixar no interior nin a nenos nin a anciáns.

Cando se vaia gozar da praia convén tomar o sol de forma progresiva durante os primeiros días, evitando as horas do mediodía e as primeiras da tarde. Asemade, Sanidade sinala que nunca se debe quedar durmido tomando o sol. Respecto das cremas de protección, utilizaranse as que teñan un índice non inferior a quince, aplicándoas 30 minutos antes da exposición e renovar cada 2 horas. Ademais, convén protexer aos nenos con gorra e camiseta opaca.

Mase de aire moi cálida

Segundo a predicción de MeteoGalicia para os vindeiros días, entre a xornada de hoxe venres e o vindeiro luns, Galicia atoparase unha situación atmósférica caracterizada polas altas presións estacionarias ano norte da península ibérica. Dende esa posición, o anticiclón deixará ceo despexado e achegará unha masa de aire moi cálida procedente do norte de África, que fará que as temperaturas sexan moi elevadas, superándose os 30ºC en xeral e os 35ºC de xeito xeralizado no interior nas tardes de sábado, domingo e luns. En canto ás mínimas, tamén irán ascendendo e veremos valores preto dos 20ºC no litoral atlántico. A situación está previsto que comece a remitir o martes e que baixen as temperaturas de xeito considerable a partir do mércores.

En funcionamento dende o 1 de xuño

A Xunta de Galicia ten en marcha, dende o 1 de xuño, o plan fronte a unha posible vaga de calor, co obxectivo principal de reducir o impacto sobre a saúde da poboación galega polo mantemento das condicións de vaga de calor durante máis dunha xornada.

Este documento establece un sistema de previsión, alerta e comunicación dos riscos; define unha sistemática de intervención para cada nivel de alerta establecido; e reforza a coordinación institucional entre as unidades competentes nesta materia.

Considérase vaga de calor cando o índice de sensación térmica é superior, como mínimo, a 24ºC, e superior ao percentil 95 dos valores obtidos nos resultados históricos desa zona, e, ademais, con temperaturas mínimas superiores a 20ºC. Así mesmo, estas circunstancias deberán ter continuidade durante dúas ou máis xornadas.

Neste senso, as unidades competentes que participan nesta materia e que tamén o fan no Comité do Plan de Calor son, ademais da Consellería de Sanidade e do Servizo Galego de Saúde, os departamentos de Medio Ambiente e Ordenación do Territorio; Vicepresidencia e Consellería de Presidencia, Administracións Públicas e Xustiza; e a Consellería de Política Social.

Sistemas de comunicación

Os sistemas de comunicación da información establecidos no Plan céntranse na poboación xeral, con especial énfase nos cidadáns máis sensibles ás altas temperaturas, e os seus familiares, e está baseado nos medios de comunicación, ademais doutras canles, como pode ser Internet.

Asemade, establece os sistemas de comunicación da información para os profesionais do sector social e voluntariado dedicados ao coidado das persoas maiores; así como aos traballadores e dispositivos sanitarios.

Este Plan de actuacións da Xunta de Galicia fronte aos posibles efectos das altas temperaturas sobre a saúde coordínase co Plan Nacional de Accións Preventivas contra os Efectos do Exceso de Temperaturas, do Ministerio de Sanidade, Servizos Sociais e Igualdade. Non obstante, o sistema de información ambiental para a predición e seguimento das vagas en Galicia baséase na información facilitada pola Consellería de Medio Ambiente e Ordenación do Territorio, a través de MeteoGalicia, que achega datos máis polo miúdo e ten en conta outras variables, ademais da temperatura.

ALERTA LARANXA PARA HOXE E PARTE DE MAÑÁN

A Axencia Estatal de Meteoroloxía (AEMET) informa, no boletín nº 78/71GAL emitido hoxe día 13/04/2016 ás 11:01 horas, dun fenómeno meteorolóxico adverso LARANXA por COSTEIROS por vento en mar sur e suroeste forza 8 iniciándose durante a madrugada do día 14 e finalizando durante a mañá do mesmo día, afectando ós ámbitos xeográficos de A Coruña (Oeste e Noroeste), pasándose a nivel de alerta amarelo.

AEMET tamén informa, no boletín nº 187/71GAL emitido tamén o día de hoxe

13/04/2016 ás 11:01 horas, dun fenómeno meteorolóxico adverso AMARELO por COSTEIROS dende a noite do día 13 ata a maña do día 14 na costa da provincia de Pontevedra e A Coruña (Suroeste e Oeste).

ALERTA POR CHUVIA PARA TODO A FIN DE SEMANA

A Dirección Xeral de Emerxencias e Interior da Vicepresidencia da Xunta alerta dun temporal de nivel laranxa por choiva que afectará ao interior da provincia de Pontevedra nas vindeiras horas.

Segundo as predicións da Axencia Estatal de Meteoroloxía (AEMET), a última hora desta tarde iniciarase un fenómeno meteorolóxico adverso por choiva no interior da provincia de Pontevedra, que se prolongará durante a fin de semana. A precipitación acumulada en 12 horas poderá superar os 80 mm. O resto das provincias permanecerán en alerta amarela por choiva, cunha previsión de acadar os unha precipitación acumulada en 12 h superior a 45 mm.

Co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación de meteoroloxía adversa aos concellos, Deputación, asociacións de Voluntarios de Protección Civil e Bombeiros; así como aos organismos das administracións estatais, locais e autonómicos e empresas correspondentes.
Tamén recordáselle á poboación á importancia de seguir as medidas de protección como vixiar posibles caídas de obxectos desde balcóns e fiestras ou circular con precaución nas estradas, especialmente se utilizan vehículos lixeiros como bicicletas ou ciclomotores. Ademais aconsellase consultar a páxina web do CAE 112 www.112galicia.org, que conta con información meteorolóxica e con enlaces de interese.