FALECE JOSÉ SOLLA, PIONEIRO DA COCIÑA ACTUAL GALEGA

Aos 91 anos faleceu o gran señor da gastronomía galega, José Solla, o prolífico cociñeiro que fixo da súa mítica Casa Solla un auténtico templo da mellor cociña tradicional galega; un lugar onde todos eran benvidos grazas ao señorío e o modélico trato que dispensaba, sempre cun sorriso amable este sublime profesional e artesán inquieto á vez. Se foi importante o labor de José Solla demóstrao o feito de que o seu restaurante foi incluído, alá por 1965, na xa prestixiosa ‘Guía vermella’, sendo así o primeiro embaixador español en ser incorporado ao exclusivo universo dos máis destacados establecementos gastronómicos. Uns poucos anos máis tarde, en 1980, o bo facer e unha traxectoria profesional que recoñece na vocación polos fogóns e o servizo o seu permanente obxectivo, é premiada por aquela Guía coa primeira estrela que é outorgada a un restaurante galego; mérito excepcional posto que foi o inicio do recoñecemento que agora consolidou Galicia, gastronómicamente falando, a nivel nacional e internacional.

Toda a familia Solla durante a celebración do 55 aniversario de Casa Solla

Personalidade, sentido común e criterio foron os matices deste valente José Solla que, entre grandes potas e esmeradas elaboracións de peixes, foi cedendo da pouco os mandos do restaurante ao seu fillo, non sen certo temor recoñecido #ante a transformación que vía vir no contido e continente do establecemento. Mentres tanto, continuou empuñando a bandeira da cociña tradicional a través da Asociación Amigos da Cociña Galega, sendo un dos cociñeiros máis solicitados á hora de promocionar a gastronomía de Galicia, nos que foron os comezos dos actuais showcookings. Cunha humildade elogiable, o labor deste sabio mestre foi, sen dúbida, a do nome e apelido de referencia que marcou o rumbo da cociña de Galicia que, mesmo, fíxoa transcender alén as nosas fronteiras.

O "GRUPO NOVE" LEVA A SÚA COCIÑA A OPORTO NUN RESTAURANTE EFÍMERO

O restaurante efímero Nave Nove, froito da colaboración entre a Xunta de Galicia e o Grupo Nove (22 cociñeiros, entre eles 2 cambadeses), abreu onte as súas portas na cidade de Oporto para promover a enogastronomía galega durante o outono. Desde onte e ata o vindeiro 17 de novembro, os cociñeiros do grupo realizarán as súas creacións neste establecemento temporal situado no Hotel Carrís Porto Ribeira.

A directora de Turismo de Galicia, Nava Castro, participou no acto de preapertura dirixido a prensa estranxeira e portuguesa onde se recreou a esencia de Nove a través do menú degustación que se ofrecerá a todos os clientes e que está elaborado polos 22 chefs do grupo para exportar a alta cociña galega no mercado portugués e favorecer así a internacionalización da oferta enogastronómica galega.

Nave Nove ofrece servizo de ceas de martes a domingo cun único menú degustación que consta de nove pasos: un apetitivo, dous entrantes, dous pescados, dúas carnes e dúas sobremesas. Poderase optar por incluír un maridaxe de vinos.

O restaurante itinerante permitirá reunir nunha única iniciativa 22 chefs de prestixio que suman oito Estrelas Michelín e 20 Soles Repsol e funcionará como embaixador da gastronomía galega en Portugal.

NOVA IMAXE E NOVO PROXECTO INTERNACIONAL DO "GRUPO NOVE"

Case a totalidade de integrantes do Grupo Nove asistiron á presentación, no Museo do Mar de Vigo, da nova imaxe deste prestixioso colectivo gastronómico galego, que ademais do novo deseño da marca, confirmaron a súa presenza activa fronteiras fóra de España -máis concretamente en Porto- a través da apertura dun restaurante efémero -o Nave Nova- que representa o primeiro paso da exportación da mellor cociña galega. Este proxecto que xa conta cun equipo de cociña que comandarán de forma itinerante, pero con presenza permanente e rotativa, os integrantes de Nove, conta coa colaboración da Xunta e empresas privadas como Estrella Galicia, Cafés Candelas e Grupo Carrís, entre outras.

O restaurante pop up abrirá as súas portas o próximo 24 de outubro ofrecendo un menú degustación con maridaxe que percorrerá a xeografía de produtos alimentarios galegos a través de 9 pasos (todos eles elaborados en receitas fusionadas a partir de diferentes propostas dos cociñeiros de Nove) e onde non faltarán os aperitivos baseados en bivalvos, pratos do mar, carne de porco celta e de vaca; e onde ata as sobremesas tamén representarán o outono galego, con protagonismos como o da castaña. O restaurante abrirá de martes a domingo e só ofrecerá servizo de ceas, podéndose xa reservar en www.nove.gal
No acto de presentación, e como colofón, o presidente do Grupo Nove, Miguel Ángel Campos, salientou que este cambio na imaxe do colectivo “vén dado como síntese dunha evolución de Nove que hoxe, e máis que nunca, aposta pola dignificación da profesión do cociñeiro e, sobre todo, pola formación permanente que manteña o bo facer da cociña galega actual”.

OITO ESTRELAS MICHELÍN, ENTRE ELAS YAYO DAPORTA ABRIRÁN RESTAURANTE EN OPORTO

Oito estrellas Michelin abrirán un restaurante temporal no Porto. A asociación gastronómica Grupo Nove abrirá no outono un restaurante temporal no Porto (Portugal) no que se poderá gozar da cociña creativa galega de ata 22 chefs, que suman 8 estrelas Michelin e 20 soles Repsol., "Cada compañeiro desenvolveu unha receita coas que, dependendo dos produtos de proximidade que teñamos, elaborarase un menú degustación", expresou o presidente do Grupo Nove e cociñeiro, Miguel Ángel Campos. A asociación gastronómica Grupo Nove abrirá no outono un restaurante temporal no Porto (Portugal) no que se poderá gozar da cociña creativa galega de ata 22 chefs, que suman 8 estrelas Michelin e 20 soles Repsol.

"Cada compañeiro desenvolveu unha receita coas que, dependendo dos produtos de proximidade que teñamos, elaborarase un menú degustación", expresou o presidente do Grupo Nove e cociñeiro, Miguel Ángel Campos, que asegura que o restaurante servirá de "escaparate gastronómico de Galicia". "A cociña galega é tradición, produto, compromiso e innovación", destacou Campos, que asinou este luns un convenio de colaboración coa Xunta de Galicia no que se enmarca este proxecto. A cociñeira membro de Nove, Lucía Freitas e estrela Michelin na Tafona (Santiago de Compostela) declarou a Efe que "dinamizar a cociña galega" é a principal misión da asociación, así como "transmitir os valores e a cultura da gastronomía galega" e asegurou que o menú contará con 22 pratos, que se irán modificando segundo o produto que ofrece a tempada.
Freitas elaborará unha proposta de entrante na que mesturará a gastronomía xaponesa co bonito encebollado, mentres que o seu compañeiro Yayo Daporta, cun 'brillo' no restaurante que leva o seu nome en Cambados, adiantou que achegará un prato "baseado no mar", concretamente na ría de Arousa, co que pretende vender ao exterior "produto, calidade e tradición". O restaurante temporal Nave Nove estará situado no Forno Velho do Hotel Carrís Porto Ribeira e abrirá as súas portas do 24 de outubro ao 17 de novembro. No convenio asinado entre a Xunta e Nove inclúese ademais un paquete de roteiros gastronómicos que teñen como obxectivo "atraer a novos turistas que buscan descubrir a gastronomía galega" e vivir experiencias exclusivas centradas nun turismo e unha gastronomía de calidade que permita comprender mellor a identidade do noso territorio", tal e como comentou o presidente de Nove. No acto, tamén participaron a directora da axencia de Turismo da Xunta, Nava Castro, que declarou que a firma do convenio supón "un paso máis na estreita colaboración entre a Xunta e os profesionais galegos da cociña nos últimos anos" e o conselleiro de Cultura e Turismo, Román Rodríguez, que considera o acordo "un salto cualitativo". "A gastronomía é un símbolo de identidade de Galicia", afirmou Rodríguez, que considera que en Galicia fixéronse moitas cousas a nivel de promoción, formación, especialización, oferta e innovación na gastronomía pero que "aínda queda moito por facer para seguir alcanzando o nivel de excelencia". O conselleiro sinalou que a gastronomía é unha "fonte de gran riqueza" para a comunidade, xa que segundo explicou "é o segundo factor polo que veñen os turistas" e destacou "a enorme fábrica de materias primas de calidade que posúe Galicia, tanto a nivel de costa como no interior". O acto contou coa presenza de varios dos cociñeiros de Nove como Xosé Cannas, Manuel Costiñas, Yayo Daporta, Lucía Freitas, Juan Crujeiras, Roberto Filgueira, Javier Rodríguez Taky e Álvaro Villasante.

ANTONIO BOTANA FICHA POLO FAMOSO RESTAURANTE OURENSÁN "SAN MIGUEL"

Non por reiteralo perde forza, pero o certo é que ultimamente o gremio dos cociñeiros en Galicia parécese máis á tempada de fichaxes dos clubs de fútbol. Hai substitucións, incorporacións, baixas e altas, enroques e, como non podería ser doutra forma, novas e inminentes aperturas.
Neste sentido, Ourense -unha das cidades que máis se está renovando neste quebracabezas de gastrónomos- está de parabén coa chegada de Antonio Botana (integrante do Grupo Nove) que, sen deixar de lado o seu establecemento cambadés, Pandemonium, desde fai un par de semanas asesora gastronómicamente ao Restaurante San Miguel, onde ademais dunha renovación “tranquila” da súa carta -como apunta o chef- está encargado da área de negocio de eventos e banquetes do establecemento con máis historia na cidade (setenta anos desde a súa fundación). “Non pretendemos dar volta a todo, ao contrario -salienta Botana- aquilo que vemos que funciona potenciámolo. Pero si que estamos a dar un paso á cociña máis tradicional, sen apenas escumas nin esferificaciones; apuntamos a unha cociña de poucos elementos que é a que me caracteriza, de bo produto, máis sabor e menos internacionalización en canto a elaboracións”, apunta o cociñeiro, que finaliza sentenciando que “facemos o que sabemos: produto máis tradición cun toque de vangarda, que é o selo da miña cociña”.


Fonte: La Alacena Roja

RÍAS BAIXAS, PARADA OBRIGADA PARA O BCC

Un total de 102 alumnos e alumnas do Basque Culinary Center ( BCC), acompañados por seis profesores, realizaron estes días unha visita á Denominación de Orixe Rías Baixas. Unha parada formativa xa fixa no calendario do centro, non en balde é a sétima ocasión en que os estudantes do primeiro curso do Grao en Gastronomía e Artes Culinarias acoden ás Rías Baixas para vivir unha xornada da man destes viños e da gastronomía galega. A viaxe incluíu percorridos por distintas adegas das subzonas de Condado do Tea e O Rosal, como Marqués de Vizhoja, entre outras; e continuou por adegas do Val do Salnés. Como explican desde Rías Baixas, a experiencia serviu aos alumnos “para coñecer de primeira man o proceso de elaboración dos viños da Denominación de Orixe Rías Baixas, así como os distintos matices que se poden distinguir entre unhas referencias e outras”. Todo iso acompañado polas indicacións dos adegueiros ou enólogos, quen lles proporcione o seu primeiro contacto directo co sector vitivinícola. A expedición culminou co habitual showcooking de produtos galegos con distintivo de calidade, harmonizados cun total de 36 marcas de viño da Denominación de Orixe Rías Baixas. Unha sesión que dirixiu Pepe Solla e na que tamén participaron outros dous chefs do Grupo Nove: Yayo Daporta e Lucía Freitas.

Máis de 20 nacionalidades
A expedición do primeiro curso do Grao en Gastronomía e Artes Culinarias do Basque Culinary Center está composta por 102 alumnos de máis de 20 nacionalidades distintas. Entre elas atópanse países como Estados Unidos, Arxentina, Brasil, Bolivia, México, Guatemala, Venezuela, Costa Rica, Panamá, Holanda, Polonia, Francia, Hundría, China ou Malaisia. Mikel Zeberio destaca que a viaxe á Denominación de Orixe Rías Baixas “é cada ano mellor, se cabe”. Neste sentido, pon de manifesto a alta participación e as preguntas expostas polo alumnado en todas as visitas a adegas. “Con esta experiencia queremos espertar neles ese punto de paixón cara ao mundo dos viños e que tamén aprecien o amplo abanico de posibilidades que este sector ofrécelles. Degustaron distintas elaboracións, con leas e sen leas, por exemplo, ademais de ver as diferenzas entre viños de distintas subzonas”, concreta. Como complemento á profundización sobre os viños de Rías Baixas, tamén se atopan as harmonizacións con outros pratos típicos da gastronomía galega. Neste sentido, Zeberio destacou a degustación realizada onte en Arbo de dúas elaboracións distintas con lamprea – fritura e á arbolense-. Unha experiencia que “todos lembrarán con moito agarimo, tal como fano os estudantes que xa finalizaron o grao”, conclúe Mikel Zeberio. Alumnado e profesorado do Basque Culinary Center regresarán mañá mércores a San Sebastián

O "GRUPO NOVE" PREMIO DA CRÍTICA NO APARTADO DE CULTURA GASTRONÓMICA

A entrega de premios celebrouse no hotel Los Escudos de Vigo, que este ano se celebrou co lema "40 anos facendo país para sermos máis nós", en referencia ao cuatrigésimo aniversario da celebración ininterrompida destes premios, e á que asistiron máis de 300 persoas representativas dos ámbitos da política, a cultura e a sociedade galegas, entre os que se atopaban o conselleiro de Cultura, Educación e Ordenación Universitaria, Román Rodríguez; o presidente do Parlamento Galego, Miguel Santalices; a presidenta da Deputación de Pontevedra, Carmela Silva; o alcade de Vigo, Abel Caballero, e Víctor F. Freixanes, presidente da Real Academia Galega (RAG).

O responsable do departamento de Cultura da Xunta de Galicia salientou que estes galardóns -instaurados en 1978 da man do Círculo Ourensán-Vigués- levan 40 anos de historia xogando un papel esencial “en prol do desenvolvemento e a normalización cultural e lingüística do país, desde unha vocación construtiva, inclusiva e xenerosa”.

Precisamente este legado é o que vai tomar como referencia a Xunta de Galicia para homenaxear á Xeración Nós nos 100 anos da fundación da revista ‘Nós. Boletín Mensual da Cultura Galega’. “Unha conmemoración o máis ampla, inclusiva e rica posible polo centenario deste grupo de intelectuais que revolucionou a Galicia do seu tempo e ensanchou as nosas fronteiras culturais”, dixo o conselleiro, que aproveitou para convidar a todas as administracións e institucións a participar nesta iniciativa dun xeito coordinado.

Galardoados edición 2017

Os Premios da Crítica instituíronse coa finalidade de facer público o recoñecemento do labor de persoas ou colectivos no eido da cultura galego, en oito modalidades concretas. Na edición deste ano os premiados foron Antonio Manuel Fraga no apartado de Creación Literaria; Marcos Pérez Pena en Investigación; Luis Emilio Batallán en Música; Programa Conciencia en Iniciativas Culturais e Científicas; María Luisa Sobrino en Artes Plásticas; e Flor Maceiras en Artes Escénicas; Festival S8 en Cine e Artes Audiovisuais; e Grupo Nove en Cultura gastronómica.

O conselleiro de Cultura expresoulle os seus parabéns a todos eles polo traballo realizado e pola “importante aportación para Galicia e o noso progreso”. Así mesmo aproveitou para recoñecer o labor de Bieito Ledo como presidente da Fundación Premios da Crítica e organizador deste evento que ao longo das súas catro décadas de historia ten en nómina 250 persoas e institucións galardoadas . 

OS COCIÑEIROS DO "GRUPO NOVE", MEDALLA CASTELAO 2017

Xosé Ramón Gayoso, Xusto Beramendi, Cristina Pato, o Oceanográfico de Vigo e o Grupo Nove, Medallas Castelao 2017, segundo vén de aprobar o Consello da Xunta. Os galardóns entréganse o vindeiro 28 de xuño.

JUSTO BERAMENDI
Nado en Madrid, cursou estudos de Enxeñería Industrial nesa cidade (1959-1967), de tradución en Barcelona (1969-1974) e o Doutorado en Historia en Santiago de Compostela (1987). Posteriormente foi catedrático de Historia Contemporánea na Universidade de Santiago de Compostela, da que tamén foi vicerreitor (1990-1994).

Consagrou a súa vida académica ao estudo das ideoloxías e o nacionalismo, de feito, entre as súas obras figuran estudos sobre as figuras de Vicente Risco, Manuel Murguía ou Alfredo Brañas, ademais do monumental ensaio De provincia a nación: Historia do galeguismo político. Este último valeulle o Premio Nacional de Ensaio 2008.

Xubilouse no ano 2012 aínda que non abandonou a actividade intelectual, actualmente preside a xunta rectora do Museo do Pobo Galego do que foi cofundador. Ademais, é membro fundador da Fundación Castelao e director da sección de pensamento político da Fundación Vicente Risco.

CRISTINA PATO
É titulada superior de Piano, titulada superior de Teoría da Música, Transporte e Acompañamento e titulada superior de Música de Cámara polo Conservatorio Superior de Música do Liceo de Barcelona. Ademais, realizou o Máster en Artes Dixitais da Universidade Pompeu Fabra e un doutoramento en Artes Musicais en Piano Colaborativo na Universidade Rutgers de Estados Unidos.

Esta ourensá foi a primeira muller gaiteira en publicar, con tan só 18 anos, un álbum en solitario, Tolemia. Posteriormente publicou outros 6 discos como gaiteira solista e dous máis como pianista.

En 2017 fixo historia ao recibir un Grammy xunto coa banda Silk Road Ensemble coa que actualmente colabora en Nova York.

CENTRO OCEANOGRÁFICO DE VIGO
Este centro centenario leva a cabo un importante traballo de formación de investigadores e técnicos sobre o medio mariño, polo que é moi habitual que estudantes de FP realicen prácticas na institución. Tamén é habitual ver traballando alí a profesionais doutras institucións nacionais e internacionais.

Desenvolve a súa actividade investigadora no ámbito dos recursos mariños, dos problemas relacionados coa oceanografía e a contaminación do medio mariño.

Na actualidade o Centro Oceanográfico de Vigo é o máis grande dos nove centros do Instituto Español de Oceanografía cun equipo de 119 persoas e forma parte do Campus de Excelencia Internacional Campus do Mar.

GRUPO NOVE
Este colectivo de cociñeiros leva desde 2003 reivindicando a modernidade e a vixencia da nova cociña galega, sen renunciar ás orixes da vangarda gastronómica e combinando o mellor da tradición e a innovación.

O grupo, inicialmente composto por nove cociñeiros, foi medrando ata acadar os 24 membros e 18 restaurantes que actualmente o compoñen. Todos eles suman oito estrelas Michelin e 18 soles Repsol e, co seu labor, engaden valor á marca Galicia situando o noso país no mapa.

XOSÉ RAMÓN GAYOSO
Forma parte da historia viva da Televisión de Galicia, cadea na que comezou a traballar desde o mesmo día da súa inauguración, en 1985, a carón da falecida Mercedes Bouzón.

Desde entón, presentou programas como Entre nós, Boa noite, Lúa nova, O veciño do xoves, Corazonada, Adiviña quen vén esta noite, e Pensando en ti. Pero terminou por consagrarse como un dos rostros máis recoñecidos da nosa televisión da man do programa Luar.

Antes de iniciar a súa traxectoria televisiva, foi lanzador de martelo, avogado e compoñente do dúo musical Keltia, co que lanzou o LP Choca esos cinco.
 
 

"COCIÑANDO NA FIN DO MUNDO" GAÑA O PREMIO ÁLVARO CUNQUEIRO

Na nova edición do Premio de Xornalismo Gastronómico Álvaro Cunqueiro, concedido polo concello de Lalín no marco das actividades da súa Feira do Cocido, que este ano foi parar á peza documental "Cociñando na fin do mundo". O filme, que contou co patrocinio da Deputación de Pontevedra e o destino Turismo Rías Baixas no Festival de Málaga e que colabora na súa difusión, está dirixido polo vigués Alberto Baamonde e producido por Esmerarte Industrias Creativas.

No documental, un retrato da nova cociña galega a través dos cociñeiros e cociñeiras do Grupo Nove que ademais percorre as paisaxes das Rías Baixas nos que estes se inspiran, "tanto se recollen imaxes espectaculares do noso patrimonio natural como se amosa a calidade da nosa gastronomía.

"Cociñando na fin do mundo" impúxose a outros 32 traballos presentados ao certame xornalístico Álvaro Cunqueiro. A través das reflexións dos e das chefs do Grupo Nove, e coa participación de produtores, produtoras e outros e outras profesionais, o documental aborda o presente e o futuro da cociña galega. Ao longo da película amósanse tamén receitas tradicionais como o cocido, os viñedos da Denominación de Orixe Rías Baixas, a pesca da lamprea, a horta aromática da finca de Pepe Vieira ou o traballo da Misión Biolóxica, que produce variedades como o chícharo lágrima.

A Deputación de Pontevedra presentou en abril de 2016 o filme na segunda xornada do "Gastroweekend" no marco do Festival de Cine de Málaga. Co aforo completo, os e as presentes puideron coñecer a "revolución gastronómica" –tal como a definiu o director Alberto Baamonde- que se está producindo en Galicia mediante a combinación de tradición e vangarda, ademais de degustar elaboracións de Pepe Solla e Javier Olleros, compoñentes do Grupo Nove e galardoados con cadansúa estrela Michelín.

"GASTROTOUR NOVE" UNHA XIRA POR ESPAÑA DOS COCIÑEIROS DO GRUPO NOVE

A mellor cociña de Galicia sae de viaxe por España con Gastrotour Nove

O Grupo Nove pon en marcha este outono a ruta "Achégache a Galicia, achégache a Nove" para levar a gastronomía galega ás principais cidades do norte de España    

O Grupo Nove, coa colaboración de Turismo de Galicia, vai desenvolver o próximo mes de outubro e comezos de novembro varias accións promocionais, que son continuación das celebradas en Madrid, Barcelona e San Sebastián, e que teñen entre os seus obxectivos reforzar a presenza da marca Galicia e da súa enogastronomía fóra da comunidade autónoma, difundindo unha concepción moderna e contemporánea da cociña galega.  

Nesta ocasión e co lema "Achégache a Galicia, achégache a Nove", a asociación de cociñeiros, que aglutina a un total de 9 estrelas Michelín e 17 soles Repsol, trasladarase a algunhas das cidades da península máis próximas a Galicia, contando cunha moderna unidade móbil (Tráiler) dotada de cociña e zonas de degustación, multimedia e expositiva.  

A primeira visita desta viaxe gastronómica será a Xixón (Asturias) o próximo 3 de outubro continuando nos luns sucesivos nas seguintes cidades; Oviedo  (10), Santander (17), Valladolid (24), Ponferrada (31 outubro), finalizando en Salamanca o 7 de novembro. O obxectivo é achegar a cociña galega ás comunidades de Asturias, Cantabria e  Castela-León, próximas a Galicia, cun amplo público obxectivo e principais emisoras de turismo á nosa comunidade.

En cada cidade celebraranse varias presentacións gratuítas e de entrada libre, no interior da unidade móbil, exaltando a cociña de autor e os produtos galegos, con diálogos entre cociñeiros e participantes, nas que se procederá á degustación guiada dos pratos, en xeral elaborados previamente e deseñados para a ocasión, para dar a coñecer as súas calidades.  

A estas presentacións accederán as persoas que, por iniciativa propia, achéguense á unidade expositiva móbil, en pases para un máximo de 24 persoas, ou aquelas que o consigan participando en diversas propostas a través das redes de Nove.  

En cada cidade tamén se realizarán accións  específicas de prensa, convocando a medios xeneralistas e especializados, ademais da prescriptores, bloggers e plataformas de comunicación relacionadas coa gastronomía en calquera das súas facetas, co fin de que cada acción teña unha difusión masiva.


FONTE- TURISMO DE GALICIA

O GRUPO NOVE SÚMASE A CAMPAÑA "NON PIQUES NON PEQUES"

A campaña “Non piques non peques” posta en marcha pola Consellería do Mar, nace co obxecto de fomentar o respecto da cidadanía aos talles mínimos establecidos pola Lei, ás especies ovadas ou que aínda non chegaron á súa madurez e que se cumpran os períodos de veda nos que non se pode consumir. O obxecto que persegue é o de axudar a preservar o labor, esforzo e dedicación de todos os colectivos vinculados ao mar que traballan dentro da legalidade. Esta campaña de concienciación estase a desenvolver a través de folletos informativos, vallas publicitarias e anuncios nos diferentes medios de comunicación e con puntos de información nos distintos establecementos adheridos.

Grupo Nove
Este grupo de restauración está formado por 22 cociñeiros e 18 restaurantes que co seu traballo e cos seus pratos buscan reivindicar a modernidade e vixencia da nova cociña galega, sen renunciar ás orixes da vangarda gastronómica de Galicia, que combina o mellor da tradición e da innovación. Este colectivo cociña produtos de tempada e pratos creativos co obxecto de difundir a cultura gastronómica galega e a nova cociña a toda a poboación, dentro e fóra de Galicia, buscando, deste xeito, que cada vez máis xente acuda aos restaurantes do grupo atraída polas creacións gastronómicas de calidade.

No showcooking, os cociñeiros do Grupo Nove Pepe Solla, Yayo Daporta e Lucía Freitas prepararon uns pratos a base de produtos do mar galegos, que despois degustaron os asistentes.

OS COCIÑEIROS DO "GRUPO NOVE" PROTAGONISTAS DA PELÍCULA "COCINANDO EN EL FIN DEL MUNDO"

O Culinary Zinema, a sección dedicada á gastronomía do prestixioso festival internacional de San Sebastián acolleu onte a estrea da primeira longametraxe documental sobre a gastronomía galega, Cocinando en el fin del mundo, unha película producida por Esmerarte coa colaboración de Turismo de Galicia e AGADIC.

A longametraxe, dirixida por Alberto Baamonde, permite descubrir o lado máis auténtico e elegante da gastronomía galega actual. Así, Cocinando en el fin del mundo é unha película que non se detén na cara máis coñecida, tradicional e turística da gastronomía de Galicia senón que céntrase nos elementos emerxentes e xeralmente ocultos que axudan a explicar o momento actual dunha cociña de futuro que afunde a súas raíces na tradición.

As paisaxes de Galicia en combinación con algún dos produtos máis exquisitos e singulares da tradición culinaria galega, xunto con referencias aos seus produtores, comercializadores e cociñeiros, son a carta de presentación desta película documental.

Cocinando en el fin del mundo constitúe, deste xeito, unha homenaxe á cociña galega, caracterizada pola súa perfecta mestura de tradición e vangarda, e aos profesionais, que día a día están a revolucionar a gastronomía da nosa comunidade.

A longametraxe aporta unha visión renovada da cociña da nosa comunidade, protagonizada por emprendedores e profesionais feitos a si mesmos difundindo este valor esencial da nosa oferta turística e da nosa identidade.

O Grupo Nove en vivo no festival de San Sebastián
Trala estrea de Cocinando en el fin del mundo, o Basque Culinary Center acolleu a celebración dunha cea temática a cargo dos cociñeiros do Grupo Nove, protagonistas da longametraxe, que contou coa presenza da directora de Turismo de Galicia, Nava Castro.

O grupo de cociñeiros galegos mostrarán a nova cociña galega nunha experiencia exclusiva deseñada en torno ao documental.

OS COCIÑEIROS DO GRUPO NOVE PRESENTAN O SEU LIBRO

A directora de Turismo de Galicia, Nava Castro Domínguez, interveu hoxe no acto de presentación do libro Nove e a nova cociña galega. Cociñeiros, paisaxes e produtos, unha iniciativa que xurdiu da colaboración entre o Grupo Nove e Turismo de Galicia e que recompila receitas e referencias de produtos típicos da gastronomía galega interpretadas polos cociñeiros desta asociación gastronómica.

Segundo destacou a directora de Turismo na presentación, “a importancia de desenvolver iniciativas que divulguen a nosa potencialidade como destino gastronómico radica na súa capacidade de transcender os tempos e de manter vivo un recurso único”. E engadiu que ademais das máis de 300 festas de exaltación gastronómica e do traballo diario dos nosos máis de 5.000 establecementos de restauración nos que se reinventan cada día os pratos da cociña de Galicia, a posta en marcha de iniciativas como esta publicación evidencia que nos atopamos ante “un sector innovador, vivo e competitivo”.

Ao tempo, a directora incidiu na posición de Galicia como destino referente na cociña baseada nas materias primas de calidade e resaltou ao tempo que en Galicia temos 51 servizos de restauración distinguidos coa Q de Calidade Turística, 11 Estrellas Michelin e 24 Soles Repsol.
Nava Castro comentou tamén que dende Turismo de Galicia desenvolvéronse iniciativas como as Rutas dos Viños de Galicia, a Xornada de Portas Abertas ou o desenvolvemento de aplicación para teléfonos intelixentes sobre enoturismo que contribúen á posta en valor da gastronomía galega como recurso turístico diferencial. Ao tempo lembrou que Turismo de Galicia vén de publicar unha orde de axudas especificamente dirixidas a incentivar a obtención do distintivo Q de Calidade Turística. “A calidade é o sinal de identidade da nosa cociña e da nosa terra”, dixo.
A colaboración de Turismo de Galicia co Grupo Nove , ten por obxectivo a promoción da gastronomía da nosa terra a través de accións como eventos promocionais, asistencia a eventos de promoción turística e realización de demostracións culinarias, así como a publicación do libro que hoxe se presentou, entre outras actividades.

A través das imaxes dos 23 cociñeiros do Grupo Nove e con magníficas fotografías de Ovidio Aldegunde, así como as achegas textuais de Martín Berasategui, Manuel Gago e Marta Fernández Guadaño o lector pode afondar nos aspectos máis contemporáneos da gastronomía galega actual.

As paisaxes de Galicia e o seu significado para cada cociñeiro, en combinación con algúns dos produtos máis exquisitos e singulares da nosa tradición culinaria, con referencias aos seus produtores e comercializadores e á calidade destes, son a carta de presentación das receitas elaboradas polos cociñeiros do Grupo Nove.
O bonito, as mazás tabardillas, a tenreira galega, as vieiras, o queixo de San Simón, o tomate negro de Santiago, as volandeiras, a galiña piñeira, o millo tenro, os ourizos, a auga mareira… son os ingredientes que protagonizan as receitas.

HOXE DECÍDESE O ÚLTIMO FINALISTA A COCIÑEIRO DO ANO

Iñaki Bretal, cociñeiro do restaurante Eirado da Leña de Pontevedra é un dos oito profesionais que compiten hoxe  mércores 12 de febreiro pola única praza que aínda queda dispoñible na gran final do prestixioso concurso Cocinero del Año. Verase as caras con outros tres cociñeiros guipuscoanos, dous pontevedreses, un alavés e un pamplonés nun evento que se celebra en Santiago de Compostela.
O escenario de este duelo gastronómico será o Centro Superior de Hostelería de Galicia. Cada un deles deberá demostrar a súa calidade e a súa maestría culinaria, presentando un menú que debe de estar perfectamente escandallado e o seu valor non debe superar en ningún caso os 16 euros. Entrante, prato principal e sobremesa formarán a combinación dos oito menús que resultaron merecedores de competir nesta semifinal.

Lorena Moldes

Oito magníficos menús de cociñeiros que demostraron a súa creatividade, o seu talento e o seu profesionalidade nos fogóns. Ademais de Iñaki Bretal, os outros dous pontevedreses son Iván Méndez, do Restaurante Balneario de Mondariz; e Lorena Moldes, do restaurante A Tapería (O Grove). Xunto a eles competirán Alberto Molinero, do Restaurante Lola (Berantevilla, Álava); Asier Alcalde, do restaurante Laia (Hondarribia); Félix Manso, do Restaurante Gaztelumendi (Antxon, Irún); Iñaki Andradas, do Restaurante 7 del 7 (Pamplona); e Gael Dobarro, do Restaurante Ulia (San Sebastián).
Só un deles poderá estar na final deste concurso, que se celebrará o 3 de abril no marco da feira Alimentaria Barcelona.
O concurso Cocinero del Año é un prestixioso evento a nivel nacional dirixido a chefs profesionais maiores de 23 anos, e avalado polo chef tres estrelas Michelin, Martín Berasategui. Esta edición divídese en cinco semifinais ás que se presentan miles de chefs de toda a xeografía española. Nesta quinta e última semifinal están incluídas as comunidades de Galicia, Asturias, Cantabria, Navarra, País Vasco e La Rioja.

OUTRAS ACTIVIDADES
Ademais do concurso propiamente dito, todas e cada unha das semifinais contan cun amplo programa de actividades paralelas abertas a todos os profesionais da zona. Para esta semifinal, entre outros eventos, haberá relatorios e showcookings de estrelas Michelín e grandes chefs como Jordi Cruz (coñecido por ser xurado do programa Masterchef), Beatriz Sotelo, Javier Olleros (do Restaurante Culler de Pau) ou Ignacio Rojo. En negrita membros do Grupo Nove

Ademais, haberá diferentes degustacións de produtos dos patrocinadores do concurso.
A entrega de premios levarase a cabo tamén no Centro Superior de Hostelería de Galicia) ás 19:00 horas.

COCIÑEIRO DO ANO. TRES PONTEVEDRESES NA LOITA

Iñaki Bretal, cociñeiro do restaurante Eirado da Leña de Pontevedra é un dos oito profesionais que competirán o mércores 12 de febreiro pola única praza que aínda queda dispoñible na gran final do prestixioso concurso Cocinero del Año. Verase as caras con outros tres cociñeiros guipuscoanos, dous pontevedreses, un alavés e un pamplonés nun evento que se celebrará en Santiago de Compostela.
O escenario de este duelo gastronómico será o Centro Superior de Hostelería de Galicia. Cada un deles deberá demostrar a súa calidade e a súa maestría culinaria, presentando un menú que debe de estar perfectamente escandallado e o seu valor non debe superar en ningún caso os 16 euros. Entrante, prato principal e sobremesa formarán a combinación dos oito menús que resultaron merecedores de competir nesta semifinal.

Lorena Moldes

Oito magníficos menús de cociñeiros que demostraron a súa creatividade, o seu talento e o seu profesionalidade nos fogóns. Ademais de Iñaki Bretal, os outros dous pontevedreses son Iván Méndez, do Restaurante Balneario de Mondariz; e Lorena Moldes, do restaurante A Tapería (O Grove). Xunto a eles competirán Alberto Molinero, do Restaurante Lola (Berantevilla, Álava); Asier Alcalde, do restaurante Laia (Hondarribia); Félix Manso, do Restaurante Gaztelumendi (Antxon, Irún); Iñaki Andradas, do Restaurante 7 del 7 (Pamplona); e Gael Dobarro, do Restaurante Ulia (San Sebastián).
Só un deles poderá estar na final deste concurso, que se celebrará o 3 de abril no marco da feira Alimentaria Barcelona.
O concurso Cocinero del Año é un prestixioso evento a nivel nacional dirixido a chefs profesionais maiores de 23 anos, e avalado polo chef tres estrelas Michelin, Martín Berasategui. Esta edición divídese en cinco semifinais ás que se presentan miles de chefs de toda a xeografía española. Nesta quinta e última semifinal están incluídas as comunidades de Galicia, Asturias, Cantabria, Navarra, País Vasco e La Rioja.

OUTRAS ACTIVIDADES
Ademais do concurso propiamente dito, todas e cada unha das semifinais contan cun amplo programa de actividades paralelas abertas a todos os profesionais da zona. Para esta semifinal, entre outros eventos, haberá relatorios e showcookings de estrelas Michelín e grandes chefs como Jordi Cruz (coñecido por ser xurado do programa Masterchef), Beatriz Sotelo, Javier Olleros (do Restaurante Culler de Pau) ou Ignacio Rojo. En negrita membros do Grupo Nove

Ademais, haberá diferentes degustacións de produtos dos patrocinadores do concurso.
A entrega de premios levarase a cabo tamén no Centro Superior de Hostelería de Galicia) ás 19:00 horas.

OS COCIÑEIROS DO GRUPO NOVE PROTAGONISTAS EN FITUR

A organización de Fitur e IFEMA concederon hoxe ao stand de Galicia na 34 edición da Feira de Turismo de Madrid o galardón ao mellor stand institucional e das Comunidades Autónomas. A directora de Fitur, Ana Larrañaga, fixo entrega do premio ao presidente da Xunta de Galicia, Alberto Núñez Feijóo.

Con motivo do programa Fitur Escapadas para a fin de semana da feria, o stand de Galicia ofrecerá neses días promocións con prezos especiais de produtos turísticos ou escapadas a Galicia presentadas polas axencias de viaxes galegas que se sumaron a esta iniciativa.

Durante o sábado e domingo terán lugar no stand diferentes Show Cooking de cociña galega, a cargo o dun restaurador do GRUPO NOVE. 

Actuacións a cargo de dous músicos do Axencia Galega das Insdustrias Culturais (AGADIC), con instrumentos tradicionais galegos (gaita, asubío, acordeón, percusión...), que amenizarán o stand nas xornadas finais do certame.

Cociñeiros do grupo:
A CORUÑA  Eduardo Pardo “Restaurante Domus” (A Coruña)Manuel Costiña “Restaurante O Retiro da Costiña” (Sta. Comba)Miguel Ángel Campos “Restaurante A Gabeira” (Ferrol)Xoán Crujeiras & Beatriz Sotelo “Restaurante A Estación” (Cambre)
LUGO    Álvaro Villasante “Restaurante Paprica” (Lugo)Héctor López “Restaurante España” (Lugo)
OURENSE     Javier González “Restaurante A Rexidora”(Barbadás)
PONTEVDRA  Alberto G. Prelcic “Restaurante Silabario” (Tui)Antonio Botana “Restaurante Pandemonium” (Cambados)Javier Olleros “Restaurante Culler de Pau” (O Grove)Pepe Solla “Restaurante Casa Solla (Poio)Rafael Centeno Moyer "Restaurante Maruja Limón" (Vigo) NUEVA UBICACIÓN Iñaki Bretal “Restaurante Eirado da Leña” (Pontevedra)Xosé T. Cannas “Restaurante Pepe Vieira” (Poio)Yayo Daporta “Restaurante Yayo Daporta” (Cambados) 

Ademáis  de Gonzalo Rei, Javier Rodríguez “Taky”, Pablo Romero, Iván Domínguez e Roberto Filgueira.

TODA A INFORMACIÓN DAS XORNADAS GASTRONÓMICAS

Adiantámolo fai unhas semáns e agora voltamos a recordar o programa das xornadas gastronómicas que organiza a Mancomunidade do Salnés

INNOVACIÓN E TENDENCIAS DA NOVA GASTRONOMÍA

A finalidade deste proxecto céntrase en conseguir un maior desenvolvemento do turismo como fonte de riqueza, apostando pola desestacionalización do mesmo a través da gastronomía, a cal vaise impoñendo como un dos recursos que maiores éxitos está logrando neste sentido.

Estas xornadas traerán á comarca do Salnés a coñecidos profesionais da gastronomía e o turismo, así como a cocineros do máis alto nivel.

Preténdese ofrecer un punto de encontro para todos os que queiran coñecer, descubrir, aprender, apreciar e vivir a cultura gastronómica. Todo iso, a partir dun variado programa de actividades.

PROGRAMA

Luns 9 de Setembro.

DEMOSTRACIÓNS TÉCNICAS CHEFS-ESTUDO.

Participarán cocineros de gran prestixio a nivel nacional e autonómico, realizando demostracións en vivo para profesionais da nosa comarca.

Pazo Baión. 18.00 - 21.00 (Prazas limitadas. Só para profesionais)

Show Cooking: Pepe Rodríguez Rei "Dialogando co clásico"

Dirixe o restaurante "O Bohio" cunha estrela michelín e é peza esencial dentro do concurso televisivo Master Chef, onde actúa como xurado e alma mater do programa.

Show Cooking: Pepe Solla "Territorio salado"

Cocinero do Restaurante Casa Solla cunha estrela michelín. Membro do Grupo Nove (Asociación Nove Grupo Gastronómico)

Martes 10 de Setembro.

CICLO DE CONFERENCIAS: INNOVACIÓN E TENDENCIAS DA NOVA GASTRONOMÍA.

Conferencias a cargo de expertos en turismo gastronómico que nos aportarán claves para a innovación.

Parador de Cambados (Prazas limitadas. Profesionais e público en xeral)

10:00 Bienvenida, inauguración e primeiras intervencións

Autoridades e Pepe Rodriguez Rei

10:30- 12:00 Relatorio: Tendencias en marketing gastronómico para subir vendas.

Erika Silva. Consultora en Marketing Gastronómico. Fundadora Escola Hostelería e Turismo Marketing Gastronómico.

www.marketingastronomico.com

12:12:30 Pausa café. 12:30-14:00 Relatorio : Da innovación ao aforro e do aforro á eficiencia na xestión de restauración

Eduardo Serrano. Experto en xestión de restaurantes. Director de Hotel, especialista en Xestión da Restauración e Turismo gastronómico. Presidente da Asociación Española de Directores de Alimentos e Bebidas. Socio Director de ESM e Asociados.

14:00-16:30 Pausa Comida

16:60-17:30 Relatorio: A Taste of Spain: 15 anos co turista gourmet.

Marta Angulo. Creación de experiencias gastronómicas. Receptivo de turismo internacional.

www.atasteofspain.com

17:30-18:30 Relatorio: Innovación na creación de produtos turísticos gastronómicos.

David Moura. Gerente da División de Turismo de CEGOS.

www.visionesdelturismo.com

Clases prácticas de cociña en restaurantes da comarca

MOLUSCOS DA RIA: DO TRADICIONAL Ao CREATIVO

Restaurante Paspallás. Vilanova de Arousa. Xoves 12 de setembro. 18:00-20:00.

A COCIÑA CREATIVA DOS CEFALÓPODOS DE RÍA

Restaurante Pandemonium. Cambados. Luns 16 de setembro. 19:00-21:00.

MERCADO E COCIÑA MARINERA TRADICIONAL

Restaurante A Quinta de San Amaro. Meaño. Martes 17 de setembro. 09:30-17:00.