CORES TOURÍS XA NON SERÁ DELEGADO DA XUNTA EN PONTEVEDRA

O presidente da Xunta, Alberto Núñez Feijóo, avanzou hoxe na rolda de prensa do Consello a aprobación do decreto da nova estrutura orgánica da Xunta, enfocada na loita contra a covid e na reactivación social e económica, como quedou patente dende o mesmo momento en que se configuraron as distintas consellerías.

Máis polo miúdo, Feijóo precisou que a Vicepresidencia Primeira asume as competencias da Axencia de Turismo de Galicia; e a Secretaría Xeral de Igualdade pasa a integrarse na Consellería de Emprego e Igualdade, onde se crea unha nova dirección xeral: a Dirección Xeral de Relacións Laborais, coa que se reforza este ámbito de cara aos vindeiros meses, nos que a reactivación económica e o emprego debe ser unha prioridade.

“E o segundo dos órganos directivos de nova creación tamén ten que ver coas prioridades do momento actual”, dixo, referíndose á Dirección Xeral de Atención Integral Sociosanitaria, que formará parte da Consellería de Política Social, que reforzará esta área para afrontar os retos presentes e futuros dos servizos sociais, ante a necesidade de perfeccionar os mecanismos de atención sanitaria nos centros de maiores e persoas con discapacidade e de repensar o modelo de residencias, ademais de seguir axilizando os procesos de valoración da dependencia e da discapacidade.

No tocante á Consellería de Facenda, o titular da Xunta subliñou que asume a Dirección Xeral de Avaliación e Reforma administrativa e a Escola Galega de Administración Pública. E referiuse tamén aos cambios de denominación en varios departamentos das distintas consellerías, como a Dirección Xeral de Enerxía e Minas pasa a chamarse Dirección Xeral de Planificación Enerxética e Recursos Naturais.

En relación aos nomes das persoas que ocuparán outras responsabilidades, Feijóo explicou Antonio Rodríguez Miranda será o secretario xeral de Emigración. Na Consellería de Facenda, Jesús Oitavén estará á fronte da Dirección Xeral de Avaliación e Reforma Administrativa, onde substitúe a Natalia Prieto Viso que ocupará a Dirección Xeral de Administración Local. Elena Mancha Montero de Espinosa ocupará a recentemente creada Dirección Xeral de Relacións Laborais da Consellería de Emprego e Igualdade. E, José Luis Cabarcos asumirá a dirección da Axencia galega da Calidade Alimentaria (Agacal), en substitución de Manuel Rodríguez.

Inés Santé Riveira será a nova directora da Axencia Galega de Desenvolvemento Rural (Agader), cargo no que releva a Miguel Pérez Dubois. Silvia Cortiñas será a nova secretaria xeral técnica da Consellería do Mar. E José Flores asume a xerencia do Sergas, onde substitúe a Antonio Fernández Campa.

Pola súa banda, Carmen Durán Parrondo ocupará a Dirección de Saúde Pública e Ana María Comesaña Álvarez será a nova directora de Recursos Humanos do Sergas.

En Política Social: Jacobo Rey Sastre asume a Dirección Xeral de Familia, Infancia e Dinamización Demográfica; Fernando González Abeijón ocupará a Dirección Xeral de Maiores e persoas con discapacidade; e o doutor Antón Acevedo, médico especialista en Medicina Preventiva e Saúde Pública, farase cargo da Dirección Xeral de Atención Integral Sociosanitaria.

En canto ás delegacións territoriais, Feijóo precisou que: Gonzalo Trenor farase cargo da de Coruña; Gabriel Alén ocupará a Delegación de Ourense; Luisa Piñeiro exercerá como delegada territorial da Xunta en Pontevedra; Javier Arias Fouz será o delegado territorial da Xunta en Lugo e, finalmente, a delegada territorial da Xunta en Vigo será Marta Fernández Tapias.

O presidente da Xunta concluíu subliñando que os novos delegados substitúen a Ovidio Rodeiro, José Manuel Balseiro, Marisol Díaz Mouteira, José Manuel Cores Tourís e Corina Porro, aos que agradeceu profundamente a súa labor á fronte da Administración periférica da Xunta, e que continuarán servindo aos galegos no Parlamento de Galicia.

José Manuel Cores Tourís

Naceu en Cambados en 1958. Cursou estudos de bacharelato no IES Ramón Cabanillas de Cambados.

Membro de Xóvenes Agricultores-Asaja Galicia. En 1985 fundou HORSAL, xunto con outros catorce horticultores da Comarca do Salnés, e desempeñou o cargo de director-xerente durante nove anos.

Foi vicepresidente do Consello Regulador da Denominación de Orixe Rías Baixas (1992-2007) e tamén membro das xuntas directivas da Asociación Española e da Asociación Europea de Cidades do Viño (ACEVIN-RECEVIN) e da Asociación Española de Cidades da Pesca (AECIPE).

Foi vogal do Consello de Administración de Portos de Galicia.

A súa actividade política comezou no ano 1987 ao ser elixido concelleiro da corporación cambadesa dentro da candidatura do Partido Popular. De 1989 ata 1998 desempeñou o cargo de primeiro tenente de alcalde. Foi alcalde do Concello de Cambados no 1998 e reelixido nas eleccións municipais de 1999, 2003 e 2007. Presidente da Mancomunidade do Salnés do 1998 ao 2003.

Foi senador por Pontevedra nas lexislaturas VII, VIII e IX (2000-2009), e secretario primeiro da Comisión de Agricultura, Gandeiría, Pesca e Alimentación, voceiro de Pesca, vocal da Comisión Mixta para o Estudo do Problema das Drogas e voceiro da Comisión de Peticións.

Desde 2009 desempeñou o cargo de delegado da Xunta de Galicia para a provincia de Pontevedra. Foi elixido deputado do Parlamento de Galicia nas autonómicas de 2012 e 2016, renunciando nas dúas ocasións para seguir ostentando o cargo de delegado territorial da Xunta de Galicia en Pontevedra. 

Cores Tourís exercerá como deputado autonómico tras ser elixido nos comicios de xullo. Agora será sustituído por Luisa Piñeiro, , alcaldesa de Moraña e secretaria de organización provincial do PP.

OS DEPUTADOS GALEGOS DOARÁN PARTE DO SEU SOLDO

Os deputados que quedan no Parlamento recórtanse o soldo polo coronavirus.
Non están todos, xa que desde que se disolveu a Cámara para a errada convocatoria electoral do 5-A tan só manteñen a súa acta de parlamentario os 42 integrantes (22 titulares e 20 suplentes) recortaranse os seus salarios para doar unha parte dos seus soldos públicos á loita contra o coronavirus, ben a través da conta facilitada polo Sergas, ben a outros proxectos de investigación.

O PP, con Alberto Núñez Feijóo e o seu goberno á fronte, anunciaron que doarán un 30% das súas retribucións. Gonzalo Caballero, líder socialista, subiu o listón ao 50% da súa nómina como deputado e avanza que o grupo do PSdeG tamén fará o propio. O Grupo Común dá Esquerda solicitou cobrar só o salario base (de 5.052 euros brutos pasar a cobrar 2.067 brutos), mentres que BNG e En Marea tamén fixeron pública a súa intención de doar unha parte dos seus salarios.

A oposición en pleno pide que Feijóo compareza de urxencia no Parlamento pola situación das residencias
Todos os grupos da oposición —PSdeG, Grupo Común dá Esquerda, BNG e Grupo Mixto— solicitaron este luns que compareza o presidente da Xunta, Alberto Núñez Feijóo, para «explicar a situación real» das residencias de maiores. Na petición, os portavoces dos grupos solicitan unha convocatoria «urxente» da Mesa do Parlamento, que á súa vez implicaría unha reunión da Deputación Permanente. Nesta reunión debateríase a necesidade de que o presidente da Xunta acuda á Cámara galega para «explicar a situación real das residencias de maiores afectadas polo Covid-19».

ROSA OUBIÑA VOLVE A ENTRAR NO PARLAMENTO GALEGO

Toma de posesión de Rosa Oubiña no 2013

O nomeamento como director xeral de Gandaría, Agricultura e Industrias Agroalimentarias de Silvestre Balseiros, que deixará o Parlamento de Galicia provocará que corra a lista do PP por Pontevedra e entre no Pazo do Hórreo de novo a cambadesa Rosa Oubiña Solla.

Rosa Oubiña Solla, nada en Cambados en 1961, cursou estudos de Dereito na UNED. É viticultora. Tamén realizou un curso de superior en Relacións Publicas e Protocolo, segundo informa o PP. Foi membro e vocal de Xóvenes Agricultores. Entre 1989 e 1992 foi presidenta de Novas Xeracións en Cambados. Nas municipais de 1991 foi elixida concelleira de Cambados a ata xuño de 2007 foi primeira tenente de alcalde e concelleira-delegada de Cultura, Muller e Servizos Sociais e Xuventude. En decembro de 2007 subsistiu a José Cuíña Crespo como deputado. Foi elixida deputada nas eleccións autonómicas de 2009. En decembro de 2013 substituíu a Alberto Pazos Couñago como deputado.

Vida parlamentaria

• Cargos nas comisións parlamentarias:
  • Lexislatura 08 (2009): Vogal Comisión 7ª. Agricultura, Alimentación, Gandaría e Montes. de 01/03/2009 ata 21/10/2012.
  • Lexislatura 08 (2009): Vogal Comisión 8ª. Pesca e Marisqueo. de 01/03/2009 ata 21/10/2012.
• Grupos parlamentarios dos que formou parte:
• Lexislatura 09 (2012): Membro do grupo Popular de Galicia pola provincia de Pontevedra de 01/01/2013 ata 2015.
• Lexislatura 08 (2009): Membro do grupo Popular de Galicia pola provincia de Pontevedra de 01/03/2009 ata 21/10/2012.
• Lexislatura 07 (2005): Membro do grupo Popular de Galicia pola provincia de Pontevedra de 01/01/2008 ata 01/03/2009

O PP LOCAL PRESUME DUNHA ROTONDA QUE NEGOU NO DEBATE DOS ORZAMENTOS DA XUNTA

Resulta paradóxico que o PP de Cambados presuma de que a Axega construirá unha rotonda no cruzamento dos semáforos de Corvillón cando no debate dos presupostos o mesmo PP rexeitou esa rotonda.

O grupo parlamentario En Marea cualifica de “hipocresía política” a presentación do proxecto da nova rotonda na parroquia de Corvillón, en Cambados.

O grupo de esquerdas afirma que “a mesma proposta foi presentada por En Marea a través dunha emenda aos Orzamentos da Xunta e foi rexeitada cos votos en contra do PP”.

Segundo explica a formación, “a emenda nº 114 do grupo parlamentario de En Marea formulaba o desvío de 500 mil euros para a construción na estrada PO-549 á altura de Corvillón (Cambados), nun treito entre o cruzamento de Tragove e a rotonda que dá acceso á Vía do Salnés, un dos puntos de maior sinistralidade da rede viaria galega”.

Desde En Marea sinalan que “comprobar que semanas máis tarde de ser rexeitada a súa proposta, a Xunta desvía 400 mil euros para a mesma obra rexeitada polo PP durante o debate orzamentario, é para En Marea outra mostra máis do fariseismo ao que nos ten acostumados o equipo de Feijóo, empregando a cotío os recursos públicos e as institucións para facer política partidaria no canto de gobernar para a xente”.

Tendo en conta que o proxecto é anterior ao debate dos Orzamentos da a entender que o PP nin siquera leeu a enmenda e dedicouse a votar en contra de todo o que propuña a oposición.

OS SOCIALISTAS LEVAN AO PARLAMENTO A FALLA DE COOPERACIÓN DA XUNTA CON CAMBADOS, CIDADE EUROPEA DO VIÑO

O grupo socialista levará ao Parlamento de Galicia a falta de participación da Xunta na promoción de Cambados como Cidade Europea do Viño 2017.

O deputado arousán Julio Torrado presentará, tal e como informou este partido, unha serie de preguntas para o seu debate na Comisión de Industria, Enerxía, Comercio e Turismo que se celebra este venres a partir das 10:30 horas no Parlamento de Galicia.

Os socialistas queren saber se o Goberno de Galicia considera aceptable o "desentendimiento" da vila de Cambados ao non responder as solicitudes de reunións e non acompañar ao goberno cambadés nas presentacións nacionais e internacionais que se realizan.

Ademais, tamén preguntarán á Xunta de Galicia se ten prevista algunha liña de apoio institucional e económico para levar a cabo as actividades previstas con motivo da distinción de Cambados.

O grupo parlamentario socialista critica a falta de colaboración económica e as trabas que o Goberno municipal está a ter para desenvolver os actos previstos con motivo da Cidade Europea de Viño.

B.N.G. PREGUNTA NO PARLAMENTO GALEGO POR CAMBADOS CIDADE EUROPEA DO VIÑO

A deputada do BNG, Montse Prado rexistra diversas iniciativas instando á Xunta a establecer o marco de colaboración co concello para iniciar, sen dilación, as actividades acordes coa relevancia deste nomeamento  

A deputada do BNG, Montse Prado insta  á Xunta a establecer un marco de colaboración co concello de Cambados para realizar as actividades derivadas do nomeamento de “Cidade europea do viño 2017”,hai catro meses e dotalas de financiamento.

Para a parlamentaria do BNG a Xunta debe “mover ficha” e iniciar as xestións necesarias para dar contido ao nomeamento de Cambados como o lugar máis representativo do viño albariño durante o ano  2017, aproveitar a oportunidade “única” de dalo a coñecer internacionalmente   e acadar a proxección de Galiza a través dun produto de grande calidade e prestixio.

Montse Prado demanda da Xunta implicarse nas actividades e dotación económica na “Cidade Europea do Viño 2017” e no recoñecemento do viño albariño. A deputada lembra que Cambados competiu con cidades de grande tradición vitivinícola como Aranda de Duero, Villafranca do Penedés e La Palma del Condado, e que en  anteriores edicións as cidades elixidas foron as italianas Conegliano e Valdobbiadene, a portuguesa Reguengos de Monsaraz ou Jerez de la Frontera.

Estas son as preguntas que presentará o grupo do B.N.G. no Parlamento de Galicia.

-Cal é a razón de que, seis meses despois de ter sido nomeada Cambados como “Capital Europea do Viño 2017”, non teña a Xunta prevista ningunha axuda para contribuír con esta celebración, a pesares de ter sido demandada polo concello de Cambados?  

-Vai prestar a Xunta de Galiza algún apoio económico e institucional ao concello de Cambados para levar a cabo as actividades que se derivan deste nomeamento? 

-É a actuación normal da Xunta, non atender as demandas de colaboración dos concellos, diante de eventos desta relevancia? Ou só actúa así cos que están gobernados por organizacións diferentes ao Partido Popular? 

-Cales son os criterios da Xunta para colaborar con eventos desta categoría? 

O B.N.G. LEVA O ASUNTO DAS AUGAS PARA A TOXA AO PARLAMENTO

O BNG ven de presentar no Parlamento Galego as seguites iniciativas relacionadas coa captación de augas no río Umia por parte de "Inmobiliaria La Toja". A proposta do BNG tamén será trasladada ao próximo pleno municipal.


Montserrat Prado Cores e Ana Belén Pontón Mondelo, deputadas do Grupo Parlamentar do Bloque Nacionalista Galego (BNG), ao abeiro do disposto no Regulamento da Cámara, presentan unha pregunta para a súa resposta oral en Comisión, relativa á construción dunha represa no río Umia para a captación de auga para a illa da Toxa.

O Boletín Oficial da Provincia de Pontevedra do 18 de xaneiro de 2016, publica a “solicitude de Gestora Inmobiliaria La Toja S.A para autorización de obras de construción represa no lugar de Atranco, parroquia de Cabanelas, concello de Ribadumia (Pontevedra)”.
O BOP di textualmente “As obras solicitadas consisten na construción da represa nunha superficie de 40.10 m. de lonxitude e 29,30 m. de anchura, con coieira, cunha altura máxima de 1,80 m. sobre rasante, e bloques de 500 kg., noiros de 20/1(H/V) augas arriba e 2/1 augas abaixo, cun canal central para augas baixas no lugar de Atranco, parroquia de Cabanelas, Ribadumia. Para reconstrución de represa existente necesaria para evitar a salinización da captación de auga par abastecemento da illa da Toxa”. A inmobiliaria que fai a solicitude dispón dunha captación propia de auga no río Umia, que usa para o abastecemento á illa, en especial para o rego do campo de golf. A autorización da captación foi renovada por arte de Augas de Galicia en xuño de 2015, e en relación coa mesma tamén se teñen realizado obras de mellora da canalización ata a illa da Toxa, que discorre pola Enseada do Bao, que está dentro do espazo natural protexido Umia-O Grobe. Non ten xustificación a realización desta represa, nin desde o punto de vista da necesidade de subministro, xa que os concellos do Salnés captan a maior parte da auga que consumen no río Umia no lugar de Ponte Arnelas, que previo paso pola depuradora ubicada en Treviscoso, distribúe auga aos diferentes concellos, contando o concello de O Grobe con tubaxe propia, nin desde o impacto medioambiental que supón, tanto a infraestrutura como a canalización, para o ecosistema do Umia.A isto hai que engadir as manifestación que teñen saído nos medios de comunicación da inmobiliaria, nas que declara que non ten maior interese na infraestrutura e que “foi Augas de Galicia quen nos obrigou a facer esta obra”.

O Bloque Nacionalista Galego, súmase aos colectivos que no Salnés manifestan a súa oposición a esta actuación no río Umia, (Colectivo Ecoloxista do Salnés, Club Naútico o Muíño, Asociación de Veciños de Oubiña...) un río que xa padece múltiples agresión mediambientais, e por iso formulamos as seguintes preguntas para a súa resposta oral en comisión:
-Considera o Goberno galego preciso a construción dunha represa no río Umia para a captación de auga para a illa da Toxa?
-Existe estudo de impacto ambiental, tanto da construción de represa no río Umia para a captación de auga para a illa da Toxa, como da canalización para levar a mesma, que transcurre pola enseada do Bao entre O Grobe e Cambados, que  é Humedal protexido, zona ZEPA e Ramsar)?
-Ten o Goberno galego intención de facer todos os estudos precisos e tomar todas as cautelas antes de autorizar esta infraestrutura?
-Coida que o río Umia pode aguantar indefinidamente afectacións sobre o seu ecosistema?

O PARLAMENTO GALEGO PARA QUE ESTÁ? PARA QUE SIRVE?

Suponse que o Parlamento de Galicia é unha institución neutral ou debería selo a pesar de que esté presidida normalmente por alguén do Partido que sustenta o Goberno de Galicia. 
Pero hoxe demostrouse que nin é así nin o disimula o PP, actual poseedor da Presidencia.
O xoves pola tarde tiveron a ben publicar un Twit que explica que a nosa afirmación é real.

Como vedes na imaxe o Parlamento Galego faise eco dunhas declaracións de Mariano Rajoy nas que decía que "Tengo fuerzas y voy a presentar mi candidatura. Los españoles quieren que nos entendamos, el @PPopular dará la talla"
Varias horas despois de dar a rolda de prensa na que o sr. Rajoy anunciaba que non se presentaría como candidato a presidente do goberno o twit seguía posto.

Hai unhas horas eliminouse o twit e publicaron outro (foto no lateral) no que non queda claro cantas persoas administran a conta ou non saben nin o que fan.
O de " que a túa man dereita non sepa o que fai a esquerda", da Bibla aplícano ben.

Unha mágoa que esta institución "neutral" non corrixa esta situación.
Desde logo a súa función non é esta senon informar a todos os galegos do que se fai na Cámara galega e non ser partidistas nin partidarios.

A HEPATITE C CHEGA AO PLENO DE CAMBADOS

A enfermidade hepática causada polo Virus de Hepatite C (VHC) constitúe un grave problema de saúde pública. Calcúlase, en cifras do Ministerio de Sanidade, Igualdade e Asuntos Sociais, que unhas 700.000 persoas son portadoras deste virus no conxunto do Estado español.

Até recentemente os medios de tratamento dispoñíbeis producían altas taxas de fracaso terapéutico, para alén de ter unha elevada toxicidade e efectos secundarios graves. Déronse, ademais, numerosos casos de doentes que non podían someterse a eles por intolerancia a algún dos fármacos empregados.

Como consecuencia, na actualidade hai na Galiza unha cantidade importante de persoas enfermas diagnosticadas, en diferentes estadíos de evolución da Hepatite C, que non están sendo tratadas, e que teñen como única alternativa a vixilancia da súa evolución á espera de chegar a un estado que determinase a idoneidade dun transplante hepático.

Esta situación viuse radicalmente alterada coa aprobación recente de novos fármacos. Particularmente transcendente foi o feito de a axencia europea do medicamento (EMA) aprobar, a principios do ano 2014, o Sofosbuvir, un antiviral de acción directa sobre o VHC. A comercialización deste medicamento no territorio español foi aprobada pola Dirección Xeral de Farmacia e Produtos Sanitarios o 5 de marzo de 2014.

O día 24 de setembro de 2014 a, daquela, ministra de Sanidade anunciou publicamente que o Ministerio acadara un acordo co fabricante do fármaco para incluílo na sanidade pública e que @s facultativ@s o puidesen prescribir a aquelas persoas enfermas que o precisaren. A ministra naquela altura acrecentou que a proposta se trasladaría inmediatamente á Comisión Interministerial de Prezos dos Medicamentos, e comunicou que en outubro poderían dispor  médicos/as dese medicamento en todo o territorio do Estado español, para o aplicar aos/ás pacientes que o precisasen.

Desde aquela hai elaborado un Protocolo de Posicionamento Terapéutico e un Documento de Priorización que están sendo aplicados, no caso galego, pola subcomisión para o Tratamento da Enfermidade Hepática, constituída na Consellaría de Sanidade.

A día de hoxe sucédense as declaracións públicas de hepatólogos/as a través da Asociación Española para o Estudo do Fígado, reclamando que os criterios para a dispensación do tratamento no sistema público sexan máis inclusivos e cifrando a necesidade de tratamentos urxentes para aplicar no territorio do Estado español nun mínimo de 30.000 para o ano en curso.

Por outra parte, o desacougo, a alarma e as queixas dos/as doentes de hepatite C, particularmente das persoas postransplantadas non negativizadas e das que se atopan en fase cirrótica (F4), van en aumento ao comprobar como nuns casos a súa situación non se inclúe dentro dos criterios de elixibilidade que se aplican  para o acceso ao fármaco, e noutros moitos a solicitude cursada polos/as seus hepatólogos/as, unha vez determinado que cumpren os requisitos estabelecidos polo Ministerio e recollidos nas Instrucións do acceso aos tratamentos da Hepatite C cursadas pola Dirección xeral de Asistencia Sanitaria, é rexeitada ou non contestada.

Por estes motivos, o grupo municipal do BNG solicita do Pleno da Corporación Municipal a adopción do seguintes acordos

-Instar ao Goberno galego para dirixirse ao Goberno de España e exixir que se garanta  o acceso ás novas terapias para as persoas doentes de Hepatite C que o precisaren. Todo isto debe producirse de acordo co criterio de médicos/as especialistas, que deben dispor de todos os recursos que foren precisos para a atención dos casos definidos como de tratamento urxente pola Asociación Española para o Estudo do Fígado na súa recente reunión co Ministerio de Sanidade, Igualdade e Asuntos Sociais.
-Instar ao Goberno galego a tomar as medidas necesarias para que a terapia cos novos fármacos para a Hepatite C se dispense nas farmacias hospitalarias a aqueles doentes a que lle fora prescrita por persoal médico especialista do Servizo Galego de Saúde, de xeito inmediato á súa prescrición.
-Trasladar estes acordos ao presidente da Xunta de Galiza, á titular da Consellaría de Sanidade e aos grupos parlamentarios do Parlamento galego.

O "XEITO" PASA O PRIMEIRO EXAME CON NOTA NO PARLAMENTO EUROPEO

A comisión de Medio do Parlamento Europeo mostrouse a favor este mércores de excluír o 'xeito' das artes de deriva cuxa práctica será prohibida en augas comunitarias por consideralas unha ameaza para os recursos ou os ecosistemas mariños. A proposta inicial inclúe esta arte tradicional galega no grupo de pesca de deriva, pero a comisión europarlamentaria aprobou unha posición que modifica o listado de Bruxelas para excluír o 'xeito'. 

O informe do relator Marco Affronte foi aprobado con 51 votos a favor, 11 en contra e dúas abstencións, e inclúe unha emenda que pide que sexan excluídos do veto aqueles buques que faenan a pequena escala con redes de deriva se a súa actividade "non" é daniña para as especies protexidas", como é o caso do 'xeito'. A opinión desta comisión non é vinculante pero si será tida en conta pola comisión de Pesca, onde se votará o 30 de marzo, que é a competente 
nesta materia e cuxa posición será elevada ao pleno do Parlamento Europeo, previsiblemente no mes de abril.

TEMOS POR PRESIDENTE DA XUNTA A UN IMPRESENTABLE

Tres mariñeiros desapareceron este martes na zona de Corrubedo. 

I esta mañán, precisamente estes mariñeiros foron o centro nos primeiros instantes das intervencións dos principais responsables parlamentarios. Todos amosaron o seu pesar por estas desaparicións, pero houbo quen foi máis alá e mesmo frivolizou cun asunto tan sensible. Ao escoitar ao sinvergonza de Feijóo, reménxeselle as entrañas a calquera.

 

De feito, e tras a mensaxe de solidariedade, o presidente galego, xa durante a súa intervención na sesión de control ao Goberno na Cámara, comparou ás mareas cidadás que se están organizando nas distintas cidades galegas, coas mareas que matan mariñeiros. 

 

"Para nós o único que producen as mareas é a morte dos mariñeiros, esa é a única marea que nos preocupa", dixo Feijóo ao referirse a estas plataformas sociais. Una comparación que non sentou nada ben entre os grupos da oposición que mesmo o acabaron increpando.

ROSA OUBIÑA E MARTA RODRIGUEZ, TRAIZOEIRAS E CÓMPLICES

Asi se desprende das declaracións feita polo representante do Colectivo de Emigrantes Retornados do Salnés.

O colectivo de emigrantes retornados do Salnés volveu "decepcionado e indignado" coa actitude do Partido Popular que negou cos seus votos a iniciativa do BNG de modificar a lei 35/2006 do IRPF para evitar a discriminación existente entre pensionistas que perciben unha ou varias pagas como sucede coa totalidade dos emigrantes retornados.

Os Emigrantes Retornados acusan ás deputadas do Salnés do PP, Marta Rodríguez Arias e Rosa Oubiña Solla "cómplices e verdugos do roubo" de "traizón e complicidade necesaria con quen nos rouba", o PP,   "votan a favor nos concellos da comarca das nosas demandas pero chegan o parlamento e prefiren conservar as súas cómodas cadeiras a mollarse polos seus veciños e veciñas".

Xose Lois Leiros, lembrou que a iniciativa debatida o martes no Parlamento Galego presentada polo BNG, "é o principal obxectivo dos emigrantes retornados, era por tanto nosa e non só do BNG, polo que o PP hoxe volveu darnos as costas e nós deberemos facer o mesmo cando se presente a ocasión nas próximas eleccións".

O colectivo anuncia que todas as plataformas comarcais concentraranse o vindeiro martes 4 de novembro, ás 11:00 horas diante das delegacións comarcais de Facenda.

OS SOCIALISTAS DE CAMBADOS ARREMETEN CONTRA XUNTA E CONCELLO POLAS OBRAS DO IES MAGARIÑOS

En outubro do ano pasado os socialistas pedían en Rogos e preguntas que o Concello intentase mediar para dar unha solución definitiva ós problemas do patio do Colexio Antonio Magariños Pastoriza. Dous meses despois, repetían a mesma solicitude, esta vez cunha moción presentada no Pleno que o Partido Popular votou abaixo cos seus votos en contra.

Ao mesmo tempo, solicitan aos deputados do PSdeG no Parlamento Galego que rexistrasen a mesma solicitude, e así o fixeron mediante pregunta en sede parlamentaria rexistrada o día 13 de decembro de 2013.

  En xuño deste mesmo ano o goberno local presumía de que as obras ían estar realizadas neste mesmo verán e atopámonos en outubro de 2014 e aínda non hai nada feito. Unha vez máis outra mentira do Conselleiro de Educación e de Luis Aragunde: mentiron sobre a cantidade que se ía destinar á obra, que o 4 de agosto de 2011 decían que ían ser de 386.000€ na propia páxina web da Xunta de Galicia, mentiron sobre cando se ía realizar, estamos a piques de rematar o 2014 e era unha obra que se ía facer no 2012, mentiron sobre cando se ía empezar coa obra, e mentiron sobre canto tempo ía levar facela.

  As obras no patio comezaron aínda esta semana a pesar de ter o patio totalmente valado desde setembro e polo tanto inutilizable polos nenos, tanto para as entradas e saídas do colexio, como para os recreos como para desenrolar a actividade de Educación Física. Por se esto non fose bastante grave de por sí, a Xunta adícase a desprestixiar a labor do profesorado na súa páxina web, sen que o Concello de Cambados rectifique, nin medie , nin se desculpe.

   Ademáis a empresa non vai poder rematar as obras no plazo previsto que era a vindeira semana, xa que según din non poden seguir traballando pois non contan co material para o arranxo. A situación é ademáis de esperpéntica, realmente vergonzosa.

A realidade é a seguinte: unha vez máis os nenos de Magariños os principais perxudicados pola inoperancia, ineptitude e deixadez de Luis Aragunde.

As clases de Educación Física, un ano máis estánse facendo dentro das aulas: cando é posible na de música e cando non, onde se pode. Os nenos do patio dos maiores teñen que entrar e saír polo patio dos pequenos, houbo que establecer turnos para saír ó recreo, cambiar determinadas actividades como a Biblioteca e o Plan Lector, merendar dentro das aulas onde logo se imparten as clases aproveitando a media hora na que sae o turno dos maiores ó patio...

Un ano máis a mesma situación que en anos anteriores... Que digan o que queiran pero as cousas demostránse con feitos e o feito está en que un ano máis o patio do Magariños segue sen arranxar...

Os socialistas de Cambados séguenlle, como a comunidade escolar, preocupando moito este tema e voltan a solicitar dos seus parlamentarios que o Conselleiro dea unha explicación sobre este tema e sobre o porqué os nenos do Colexio Antonio Magariños voltan a estar, un ano máis sen poder recibir as clases de Educación Física. Onte, 10 de outubro, rexistrouse unha pregunta ó respecto no Parlamento de Galicia.

Se esta situación non se resolve axiña, un ano despois, presentarán de novo a mesma moción que presentaron en decembro do ano pasado, solicitando as mesmas cousas, que segundo o Alcalde Luis Aragunde e os seus concelleiros, votaron en contra, porque xa estaban resoltas.

O BNG PREGUNTA NO PARLAMENTO POLAS OBRAS NOS CENTROS DOCENTES DE CAMBADOS

Montserrat Prado Cores e Cosme Pombo Rodríguez, deputada e deputado 
Grupo Parlamentario do Bloque Nacionalista Galego (BNG), formulan a seguinte Pregunta para a súa resposta escrita, e oral en comisión, relativa á situación de dous centros educativos no concello de Cambados.

Nestes días están saído nos medios de comunicación diversas noticias sobre retrasos en obras a realizar en dous centros educativos do concello de Cambados, o IES Ramón Cabanillas e o CEP Antonio Magariños, obras que provocan unha grande incomodidade ás comunidades educativas dos devanditos centros públicos e unha modificación no funcionamentos normal das actividades lectivas.
As obras dos dous centros foron anunciadas repetidas veces por diversos responsábeis do Partido Popular, alcalde, delegado territorial, xefe territorial de 
educación, presidente da deputación, etc..., coa presenza propagandística e mediática coa que adoitan adornar os anuncios de obras, inauguracións ou outro tipo de actuacións ou futuras actuacións que se consideran positivas, chegándose incluso a anunciar, promesas que sempre foron seguidas de retrasos e máis retrasos até chegar á situación actual na que no mellor dos casos, se estas obras se chegan a rematar, o alumnado de ambos centros terá que convivir con elas cando houbo tempo paraacometelasou cando menos para inicialas nos meses do verán coas aulas baleiras.
O pasado martes na páxina web institucional da Consellería de Educación 
publícase unha nota na que se chega a acusar a profesorado dun deses centros escolares, o CEP Antonio Magariños de ser responsábel de que o alumnado non tivera actividades de educación física cando é sabido pola administración e por toda a comunidade educativa do Centro, o perigo que supoñía e sigue supoñendo para o alumnado e para o profesorado realizar educación física nas condicións nas que están as instalacións.
O Partido Popular esta cruzando liñas vermellas, ao usar a páxina web 
institucional da Consellaría como si se tratara do “seu medio de información privado” para omitir opinión e non información, e para atreverse a responsabilizar ao profesorado do que é a Consellaría a única responsábel. Opinión porque a afirmación que alí se fai de que “o patio cuberto reunía as condicións de seguridade” non está avalada por ningún informe nin comunicación aos responsábeis do Centro de que isto era así.

Polas razóns expostas formulamos as seguintes preguntas para a súa resposta
escrita:
1. Cal é a previsión de remate das obras que está previsto acometer no 
CEP Antonio Magariños e no IES Ramón Cabanillas?
2. En que situación están as obras de ambos centros a día de hoxe?
3. Que medidas están previstas ou están xa en execución para que a 
actividade escolar se vexa afectada o mínimo polas obras garantindo que o alumnado 
reciba as ensinanzas correspondentes?

4. Dispón a Consellaría algún informe técnico que avale a afirmación feita 

na web oficial da mesma a respecto do CEP Magariños de que “o patio cuberto reunía as condicións de seguridade ”? De ser así, en que data se realizou o mesmo?

5. Comunicóuselle @s responsábeis do CEP Magariños en algún momento 

que a Consellaría se responsabilizaba do que puidera suceder coa seguridade d@s nen@s xa que “o patio cuberto reunía as condicións de seguridade ”?

AS OBRAS DO MAGARIÑOS CHEGAN AO PARLAMENTO GALEGO

As obras da pista do colexio Magariños chegan ao Parlamento galego en vista das pésimas e contradictorias explicacións de Luís Aragunde.

Montserrat Prado Cores e Cosme Pombo Rodríguez, deputados do Grupo Parlamentar do Bloque Nacionalista Galego (BNG) formularon a seguinte Pregunta para a súa resposta escrita, relativa á situación provocada polo retraso na realización das obras de mellora no CEIP Antonio Magariños de Cambados.

No mes de agosto do ano 2012 informouse por parte da Xunta de Galiza

sobre as obras que a Consellería de Cultura, Educación e Ordenación

Universitaria tiña planificado realizar no CEIP, Antonio Magariños de Cambados.

Tanto no Portal Educativo da Xunta de Galiza como en distintos medios de

comunicación, apareceron informacións sobre as obras que estaban planificadas

realizar nese curso escolar.

Naquel momento, a Consellería informaba da existencia dunha partida

para o arranxo das instalacións deportivas, principalmente, para a mellora da pista deportiva cuberta. Esta información foi refrendada polo Conselleiro nunha visita ao centro educativo.

En febreiro de 2013, a Consellería de Cultura, Educación e Ordenación

Universitaria na contestación a unha pregunta realizada polo BNG, sobre a non

conclusión das obras e as datas previstas para a súa realización, non foi quen de

facer ningunha concreción, nin por suposto dar unha data, limitándose a dicir que “as obras de mellora darán comezo en función da dispoñibilidade orzamentaria”.

En novembro de 2013 volveron facerlle promesas á comunidade educativa

do colexio Magariños nunha reunión, na que estaban presentes o Xefe Territorial

e o propio Delegado da Xunta en Pontevedra José Manuel Cores Tourís, que

cualificou de prioritarias as actuacións que había que realizar, comprometéndose

a facer unha valoración económica e técnica das intervencións precisas, e feita a

mesma a manter unha reunión.

Mais a realidade é que sete meses despois desta reunión e case dous anos despois das promesas realizadas, están sen completarse as obras prometidas, a pesar da catalogación destas obras como prioritarias e de que “teoricamente” hai varios anos que tiña orzamento, obras que seguen sendo urxentes, porque cando chove non é posible realizar actividades de educación física polo perigo que supón, para a integridade física do alumnado.

Para desagrado do BNG e da comunidade educativa do CEIP Magariños,

estes días aparecía unha información nos medios de comunicación na que se

dicía que o proxecto non está rematado e polo tanto moi pouco probábel que as

obras se poidan realizar antes de rematado o verán.

Este desagrado convértese en estupor coas declaracións feitas polo alcalde

do concello de Cambados, Luis Aragunde, que ven de asegurar con rotundidade o comezo “inminente das obras” desmintindo a información dos responsábeis da

Xunta en Pontevedra que admiten que o proxecto no está rematado.

Para o BNG resulta escandaloso o engano sistemático do PP á comunidade educativa do CEIP Magariños, tanto desde o Concello coma desde a

Xunta, e lamentamos que estean instalados na política de propaganda e non na de cumprir os compromisos, especialmente lamentamos esta actitude porque

estamos a falar da calidade educativa d@s nen@s e da súa seguridade.

Por estas razóns formulan as seguintes preguntas para a súa resposta

escrita:

-En que data se van acometer as obras de mellora prometidas polo

Conselleiro, polo Delegado da Xunta na provincia de Pontevedra e polo Alcalde

do Concello de Cambados no ano 2012?

-Vanse iniciar as obras “inminentemente” como anuncia o alcalde, ou está

sen rematar o proxecto como manifestan responsábeis da Xunta en Pontevedra?

-Cales son as razóns para que a Consellería de Cultura, Educación e

Ordenación Universitaria non teña realizadas as obras prometidas desde hai case 2 anos no CEIP Magariños de Cambados?

-Tense realizado por parte da Consellería algunha comunicación @s

responsábeis do centro educativo a respecto da previsión de inicio das obras?