CIDADE EUROPEA DO VIÑO 2017

CIDADE EUROPEA DO VIÑO 2017
CIUDAD EUROPEA DEL VINO 2017
Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.
Amosando publicacións coa etiqueta MEIS. Amosar todas as publicacións
Amosando publicacións coa etiqueta MEIS. Amosar todas as publicacións

22.6.17

DOUS FERIDOS EN SENLLOS ACCIDENTES NA COMARCA ESTA TARDE












Un garda civil, ferido nunha colisión na Illa de Arousa
Un axente da Garda Civil resultou ferido esta tarde nun choque entre a moto na que circulaba e un turismo. A vítima, que no momento do sinistro estaba fóra de servizo, foi evacuada polos efectivos sanitarios a un centro hospitalario.
O accidente produciuse na PO-299,  na rotonda de acceso á Illa.
Unha persoa particular alertou da situación ao 112 Galicia ás 16:30 horas desta tarde. Acto seguido, dende o Centro de Atención ás Emerxencias do 112 Galicia informouse a Urxencias Médicas, aos Bombeiros do Salnés e á Garda Civil de Tráfico.
Accidente en Meis
Ademais, en Meis, unha muller resultou ferida despois de que o coche sen carné co que circulaba batese contra un poste.
O sinistro tivo lugar na estrada que conecta Pontenova con Cambados, preto do Mosteiro. Foi unha persoa particular a que chamou ao 112 Galicia ás 16:50 horas desta tarde para explicar o ocorrido. Dende a central de emerxencias alertouse a Urxencias Médicas, aos Bombeiros do Salnés, a Protección Civil e á Garda Civil de Tráfico.





7.6.17

CONSTITUÍDA A MESA LOCAL CONTRA A VIOLENCIA DE XENERO DOS CONCELLOS DE CAMBADOS, MEIS E RIBADUMIA









A primeira  Mesa Local de Coordinación Interinstitucional contra a Violencia de Xénero constituíuse esta mañán en Cambados e participan os concellos de Cambados, Meis e Ribadumia e a Xunta que estivo representada por Susana López Abella. 
O obxectivo deste órgano é promover, no ámbito municipal, políticas e actuacións de cara á erradicación desta lacra.
López Abella destacou que compete aos poderes públicos a loita para a prevención e a erradicación da violencia de xénero, coa obriga de articular medidas de sensibilización, asesoramento, atención e protección ás mulleres que a sofren, procurando os medios efectivos e axeitados a cada caso e as alternativas para o exercicio dos seus dereitos como cidadás nun estado democrático. Polo tanto, resulta fundamental coordinar todos os recursos dirixidos a sensibilizar a toda a sociedade na loita e prevención da violencia de xénero.




ANDAINA E XORNADA FAMILIAR EN PROL DA AME












O domingo 11 de xuño terá lugar esta andaina solidaria destinada a recadar fondos para axudar na loita contra a AME, co seguinte programa:
- Punto de saída: Ruta da Pedra e da Auga
- 11:30 Saída dende a rotonda dos Castaños ata a Aldea da Pedra
- 13:30 Xantar na Aldea da Pedra (cada un levará o seu)
- 15:30 Xogos tradicionais cedidos por Cándido Mascato García, colchonetas, pancartas, globoflexia, carreira de sacos…
- 17:30 Concurso de postres con premio ós tres mellores postres
(imprescindible anotarse tanto á andaina como ó concurso de postres)
Ao final do percorrido, habilitarase un buzón onde cada participante dará un donativo.
As inscricións poderán realizarse a través do teléfono 666251677 ou na asociación Pé de Cuba, Con de Xido e os Demos da Petaca.
Apadriñan o Acto Belén Xestal e Luis Iglesia.





28.11.16

APARECE UN COCHE ACCIDENTADO EN MEIS E O SEU CONDUCTOR MORTO











Un xoven de 36 anos e veciño de Meis resultou falecido tras saírse da vía o turismo no que viaxaba. O vehículo foi localizado pouco antes do mediodía por un veciño, na estrada que sobe ao Mosteiro da Armenteira, en dirección ao Campo de Golf.
Segundo explicaron os voluntarios de Protección Civil de Meis, a posición na que quedou o vehículo, metido nun desnivel, fixo que pasase desapercibido para quen circulase pola zona. Así, polo momento, descoñécese a que hora se produciu o accidente.
Urxencias Médicas enviou un equipo a bordo do helicóptero con base en Santiago, pero nada puido facer por salvar a vida do condutor.
Tamén tiveron que intervir os Bombeiros de Ribadumia, pois a vítima estaba atrapada no interior do turismo.
A chamada ao 112 Galicia dunha persoa particular permitiu activar un operativo no que participaron os efectivos do parque comarcal, voluntarios de Protección Civil e axentes de seguridade.







24.7.16

1 FALECIDO E 3 FERIDOS EN DOUS ACCIDENTES NA COMARCA






Accidente de Vilanova


Un accidente na estrada que une Vilanova coa ponte da Illa causou onte tres feridos. O sinistro foi sobre as 19.30 horas, nun dos cruces da Pantrigueira. Deste saíu un vehículo, e chocou contra outro que circulaba pola vía principal. Nun dos coches viaxaban tres persoas, e no outro, dous. En total, resultaron feridas tres persoas (os dous condutores, homes ambos, e unha muller que ía no asento do acompañante dun dos turismos). A saída das praias e o accidente provocaron retencións e colas kilométricas.

Por outro lado o condutor dunha moto perdeu a vida esta noite tras sufrir un accidente co seu vehículo en Meis. Circulaba pola estrada que une Vilagarcía con Pontevedra, á altura de Vilanoviña. Segundo a persoa que chamou ao 112 Galicia para pedir axuda, o accidente se produciu pouco antes das once da pasada noite. Quen chamou advertiu que o motorista estaba ferido grave. Uns minutos despois, os médicos de Urxencias Médicas comunicaron o seu falecemento.







11.7.16

DUAS PERSOAS FERIDAS AO CAER UNHA PONTE EN MEIS











Unha ponte de madeira, situada no concello de Meis, veuse abaixo este mediodía, cando estaban a cruzar sobre ela seis persoas. Dúas delas resultaron feridas: un home sufriu unha fractura nunha man e unha muller levou un golpe nas costelas. Ambos foron trasladados a un centro sanitario por un médico que estaba a participar na ruta de sendeirismo. 

A estrutura danada sitúase nun camiño na contorna do río da Chanca, preto do mosteiro de Armenteira. As persoas afectadas estaban a facer unha ruta de sendeirismo cando sufriron o contratempo. Un dos excursionistas telefonou ao 112 Galicia para explicar o acontecido. O persoal do CAE 112 Galicia informou aos Bombeiros do Salnés, a Protección Civil e á Garda Civil. Os Bombeiros balizaron e sinalizaron a ponte danada para evitar novos incidentes. Segundo explicaron os efectivos de Protección Civil ao 112 Galicia a ponte puido virse abaixo por mor do deterioro causado polo paso do tempo.  









28.3.16

ABREN AS DÚAS PRIMEIRAS POUSADAS DO SALNÉS









Coincidindo coa Semana Santa, a cadea Hotusa, do empresario galego Amancio López, acaban de abrir as portas as dúas primeiras Pousadas do Salnés, unha rede de establecementos de catro estrelas impulsada pola Deputación de Pontevedra.

Con un retraso de un ano por culpa dos erros de construcción e administrativos por parte do anterior Goberno Provincial.

Estes días, os hoteis da Lanzada, no Grove, e Armenteira, en Meis, recibiron aos seus primeiros hóspedes. As outras dúas pousadas, situadas en Meaño e Ribadumia, estarán listas para albergar turistas "o próximo verán", segundo adiantou a presidenta do organismo provincial, Carmela Silva.

Especialización

A idea do empresario galego Amancio López é diferenciar cada un destes establecementos, que inclúen na súa páxina web dentro da categoría Domus Selecta de pequenos hoteis con encanto. No caso de Armenteira, a gastronomía será o seu principal atractivo, mentres que no da Lanzada o será o turismo. Pola súa banda, o de Meaño estará asociado ao mundo do viño e o de Ribadumia, á actividade física e a saúde.

O empresario cubrirá con estas novas aperturas boa parte da costa pontevedresa, onde tamén xestiona, a través da cadea Eurostars, o Gran Hotel da Toja e o Hotel Balneario Illa da Toja, ambos os propiedade do Banco Popular.






25.11.15

PRESENTACIÓN DE "ESMAR, MALTRATO CERO"







Este mediodía tivo lugar a 13:30 no Salón de Plenos do Concello de Ribadumia 
a presentación da Asociación contra o maltrato "ESMAR, Maltrato Cero"
A presidenta Mary Torres dou unha breve explicación presentación do nome completo da asociación (orixe das siglas)
ESMAR, é unha asociación que quere acoller a todas as víctimas de violencia de xénero e acoso escolar, tanto a mulleres, nenos e homes.
O ámbito de influencia xeográfica da asociación é a Comarca Do Salnés.
Obxetivos da asociación e quen pode ser socio tamén foron explicados nesta presentación, polo que convidaron a todo aquel que sufra violencia de xénero directa ou indirectamente e tamén  a calquer persoa que estea interesada no tema e que poida aportar ideas e axuda, a entrar na asociación.

Invitaron a os concellos da comarca so Salnés a facerse socios honoríficos e a participar e nivolucrarse no proxecto.
Un dos primeiros obxetivos ou metas a obter en primeiro lugar  desde a asociación é ter un servicio de atención no hospital do Salnés, algo  que demandan con urxencia posto que o centro máis cercano atópase en Pontevedra, no Hospital Provincial.

Quixeron agradecer tamén nomear as "fundadoras" e directivas que arrancaron o proxecto:
Vicepresidenta: Soledad
Secretaria: Tita
Tesorera: María Rosa
1º Vocal : María José
2º Vocal: Mª Carmen
A o acto acudiron representantes de Cambados (Fátima Abal) Ribadumia (David Castro), de Meis e da Mancomunidade (Gonzalo Durán).

Agradecemento tamén a todos os concellos do Salnés en especial aos Concellos de Ribadumia e de Cambados polas xestións realizadas e axuda prestada no nacemento de ESMAR o Centro de información as mulleres (CIM) dos Concellos de Meis, Ribadumia e Cambados e aos traballadores sociales, sicólogos etc que traballan axudando as víctimas.


Para  rematar tamén lembraron a duas personas que nos deixaron este ano, e desde o principio deron o seu apoio incondicional, e merecen o seu recoñecemento.
Xoaquín “Chon” Charlín
Rosi Moldes




MANIFESTO 25 DE NOVEMBRO CONTRA A VIOLENCIA DE XÉNERO








                             MANIFESTO MANCOMUNADO 25N

                                Cambados - Meis - Ribadumia


O 25 de novembro foi a data elixida pola Asemblea Xeral das Nacións Unidas, para conmemorar o Día Internacional para a Eliminación da Violencia contra a Muller, unha data que lembra-nos e deixa claro este tipo de violencia como unha das principais formas de desigualdade entre homes e mulleres.
Con motivo da conmemoración, o noso Concello manifesta o seu rexeitamento e o de toda a sociedade cambadesa para todas as formas de violencia contra as mulleres, así como o seu firme compromiso para a súa erradicación, impulsando para iso, todas as medidas que sexan necesarias.


A violencia nas súas diversas manifestacións é perpetrada contra as mulleres polo simple feito de ser, constitúe un atentado á dignidade persoal, integridade e os dereitos humans básicos.
A súa erradicación esixe non só unha condena e rexeitamento enérxico, senon tamén o compromiso de todos os gobernos e a participación activa da cidadanía.
Debemos asumir que a desigualdade, a discriminación, a desvalorización do traballo e a ocultación das contribucións das mulleres son os factores que se atopan detrás desta violencia que rexeitamos.

Doenos e avergoñanos as 40 mulleres asasinadas este ano.
Degrádanos como sociedade e cada nova vítima fainos cómplices.
As ameazas, As coaccións, os abusos dentro dunha parella "matan", Non son mera expresión de confllictos familiares son sinais e antecedentes do que é o acto máis cruel e violento, sacar a vida doutra persoa.
Os mitos, xustificacións e resistencias desvian a atención da orixe e a causa da violencia, que é a desigualdade.
Dita desigualdade debe ser eliminada a través da prevención e concienciación da sociedade sobre os abusos e violacións dos dereitos humáns.
Neste contexto, hai que estar atento para escoitar e detectar novas formas de violencia de xénero que están xurdindo a través do uso de novas tecnoloxías.
O cyberbullying asi como outras formas de invasión de privacidade nas redes son realidades que temos detectadas dende o noso centro de información as mulleres para os concellos de Cambados, Meis e Ribadumia.
Refléxanse nos datos recollidos certas conductas de dominación e relacións desiguais incluso a través dos medios de comunicación como é o internet entre a nosa mocidade que debe ter pola nosa parte unha atención especial.

Por todo isto dicimos ,sentimos e expresamos que :
- O noso concello está unido contra a todo tipo de violencia dirixida as mulleres.
- Dando o paso , mulleres e homes, de forma coordinada , toda a sociedade poderá atopar a SAIDA.
- Dende o Concello de Cambados facilitaremos todos os medios para promover a eliminación de violencia de xénero insistindo na educación como unha vacina eficaz contra dita violencia.





24.11.15

ACTIVIDADES POLO DÍA INTERNACIONAL CONTRA A VIOLENCIA DE XÉNERO








O 25 de novembro foi a data elixida pola Asemblea Xeral das Nacións Unidas para conmemorar o Día Internacional para a Eliminación da Violencia contra a Muller, unha data que lembra e deixa claro este tipo de violencia como unha das principais formas de desigualdade entre homes e mulleres.
Con motivo da conmemoración, están proxectadas unha serie de actividades ao longo do día:

12:00 – Lectura do manifesto mancomunado 25N
Na Praza do Concello, farase unha lectura pública do manifesto mancomunado dos concellos de Cambados, Meis e Ribadumia.

13:30 – Presentación no Concello de Ribadumia da “Asociación contra o maltrato ESMAR, Maltrato Cero”
A asociación de competencia comarcal ten entre as súas finalidades o apoio a mulleres do Salnés víctimas de violencia de xénero e de calquer tipo de maltrato físico ou psicolóxico.

18:00 a 20:00 – Charlas sobre “Intelixencia emocional no ámbito familiar”
Promoción do bo clima familiar para pais/nais e titores de alumnos de educación secundaria (12 a 16 anos)
Obxectivos:
-Favorecer a educación en valores de promoción da igualdade e prevención de conductas violentas no ámbito familiar e cos/cas menores.
-Fomento da coeducación e a corresponsabilidade.
-Educar a intelixencia emocional familiar para afrontar conflictos.
-Fomentar a comunicación dentro da familia.
-Comunicación, coeducación e corresponsabilidade familiar.
-Traballar en empatía e asertividade.




18.11.15

SHARKNADOS EN CONCERTO








Este venres a Cervexeria Palique 

 ten o placer de contar co 

acústico do grupo The 

Sharknadoos. 

Blues, Soul, rhythm & blues, 

funk, rock, rock 'n' roll e 

rockabilly para que bailedes ata 

gastar a suela dos zapatos!

Queda dito, o venres ás once e 

media tedes unha cita no Palique 

para disfrutar das mellores versións acústicas en cun 

impresionante directo.






16.11.15

DOUS COLEXIOS DA COMARCA PREMIADOS NOS "OUFF ESCOLA 2015" DE AUDIOVISUAIS










O secretario xeral de Política Lingüística, Valentín García, asistiu esta mañá á entrega de premios da VI edición do certame de cine OUFF Escola, celebrado en Ourense. Convocado pola Concellería de Cultura da cidade e o Festival de Cine Internacional de Ourense (OUFF), en colaboración coa Secretaría Xeral de Política Lingüística, este concurso de cinema escolar está enmarcado na 20ª edición do devandito festival de cine, que se celebra na capital das Burgas entre o 14 e o 22 de novembro.
As bases estableceron dúas categorías: unha conxunta de Infantil e Primaria e outra para outros niveis de ensino non universitario (agás as escolas oficiais de Imaxe e Son). Nesta categoría a vencedora foi ‘Os camiños esquecidos’ do IES Poeta Díaz Castro (Guitiriz); o segundo premio foi para o IES Manuel Murguía (Arteixo) por ‘As tres portas’; e o Premio Blanco Amor ao mellor guión levouno o IES Isaac Díaz Pardo (Sada) pola obra ‘Fontes e lavadoiros do Concello de Sada’.
Pola súa banda, o mellor traballo na categoría de infantil e primaria concedéuselle a ‘Os superpoderes dos alimentos’, do CEIP A Lama; o segundo premio foi para o CEIP Torre-Illa (Pontevedra), polo traballo ‘Quen levou a lúa’; e o Premio Blanco Amor ao mellor guión foi para o CRA de Meis por ‘A vella na botella’.
Con independencia da categoría, o primeiro premio está dotado con 600€; 400€, o segundo; e o Blanco Amor ao mellor guión, con 300€. Ademais, as curtametraxes premiadas serán publicadas nos seguintes enderezos web: www.ouff.org ewww.lingua.gal
Nesta sexta edición do certame OUFF Escola participaron un total de 136 proxectos e máis de 2.300 rapaces, mostra dos bos resultados da promoción que procura o fomento da creación audiovisual na infancia e na adolescencia.




1.10.15

I SERÁN SOLIDARO A FAVOR DE GALICIAME







I Serán Solidario a favor de GaliciAme.

Estades todos convidados ó serán que terá lugar este sábado día 3 de outubro a partir das 17:00 na cervexería Palique de O Mosteiro

Podedes participar e apuntarvos para tocar. 
Cada músico terá unha consumición gratis e pinchos ata esgotar existencias.


Contamos coa vosa presencia para apoiar esta causa e para pasar un día de festa asegurad
a.





28.8.15

UN FERIDO LEVE NUN ESPECTACULAR ACCIDENTE EN MEIS







Un camioneiro caeu por un desnivel co vehículo que conducía pola Autovía do Salnés (AG-41), ao paso pola localidade pontevedresa de Meis. Pese ó golpe e á situación na que quedou o camión, o condutor –único ocupante do vehículo- estaba liberado e accesible e foi evacuado en ambulancia ó centro hospitalario de referencia. 
Por causas que se descoñecen, o home perdeu o control do vehículo, precipitándose por un desnivel e acabando no camiño de senderismo de San Martiño de Meis.

A consecuencia do sinistro, a calzada quedou cuberta con combustible do depósito, deixando unha mancha importante que, posteriormente, tivo que ser retirada polos Bombeiros do Salnés.

O vehículo accidentado era un camión frigorífico que transportaba mexillón.
O seu conductor e único ocupante non quedou atrapado no interior, pese o envorcamento, o que posibilitou que os servizos de emerxencia accederan a el sen problemas para o seu traslado a un centro hospitalario.
Ademais, como consecuencia do impacto, o combustible procedente do depósito do camión derramouse sobre a calzada. 

Así, o traballo dos Bombeiros do Salnés se está a centrar en conter e retirar a vertedura. Ás 11:15 horas de hoxe, varios automobilistas, que tamén circulaban pola Autovía do Salnés, chamaron ó 112 Galicia para pedir axuda. Ademais dos efectivos do parque comarcal, dende o Centro de Atención ás Emerxencias se informou a Urxencias Médicas, Garda Civil de Tráfico e Protección Civil de Meis. 




20.8.15

O ARMENTEIRA C.F. RECIBE O APOIO DA DEPUTACIÓN







A deputada provincial de deportes, Chelo Besada, e o deputado pola circunscrición do Salnés, Javier Dios, visitaron onte as instalacións do campo do Leixo, en Meis, no que disputan os seus partidos os equipos de fútbol base e dos veteranos do Armenteira CF, para comprobar sobre o terreo os desperfectos que presenta e que poñen en risco a case un centenar de nenas e nenos da parroquia que xogan nel.
Os deputados provinciais atenderon as explicacións dos membros da xunta directiva sobre as carencias do campo, que levan anos comunicando sen éxito ás distintas administracións. Ademais puideron comprobar de primeira man como o valado está cortado nalgunhas zonas, hai varandas rotas e cheas de óxido, cables e caixas de iluminación soltas e o recinto non está pechado, polo que o club denuncia o conseguinte perigo que existe para todas as persoas que xogan no campo.



12.8.15

ESPECTACULAR ACCIDENTE NA AUTOVÍA DO SALNÉS








O persoal sanitario de urxencia trasladou esta tarde ao Hospital do Salnés a unha muller que resultou ferida tras sufrir unha saída de vía co seu vehículo e envorcar en Ribadumia. O 112 Galicia recibiu a chamada de varios particulares que indicaban que podería haber atrapados no interior do turismo, polo que se requiriu a presenza dos bombeiros do Salnés. Finalmente, non tiveron que excarcerar, aínda que si axudaron a quitar á ferida do coche. Ademais, o CAE 112 Galicia informou a Urxencias Médicas, Protección Civil de Ribadumia e Garda Civil de Tráfico.





29.5.15

UN CONCELLEIRO DE CAMBADOS UTILIZABA A LUZ PÚBLICA PARA O SEU NEGOCIO







PSOE  de Meis acusaba hai dias ao grupo de goberno do PP dese concello de malgastar diñeiro público no xuízo -e eventual derrubamento- dun establecemento de hostelería situado no Paraxe Dos Muíños de "Serén" (da Ruta da Agua e da Pedra na Armenteira)  por non chegar antes a un acordo coa propietaria. Así mesmo, acusa José Luis Pérez e o seu equipo de trato de favor cara ao empresario que ten a concesión porque segundo os socialistas é unha persoa vinculada ao PP de Cambados (concelleiro en funcións nestes intres). A voceira do PSOE de MeisMarta Giráldez alude ao feito de que o empresario se "enganchase" a iluminación pública, co que aforraría o custo da electricidade no seu bar. Giráldez atacou o PP porque ademais nesta campaña fixo o seu mitin de San Martiño nese bar "así que leva alí a xente a darlles ganancias".

Sobre isto, o concesionario dixo que "xa non estamos enganchados á iluminación pública, porque reforzamos a liña ata alí con diñeiro noso, e iso é algo do que se beneficiaron algunhas casas do ámbito". 


Tamén resulta estrano que a concesión definitiva fora por catro anos e case seis despois siga a concesión nas mesmas mans. Este prazo terá carácter improrrogable, polo que unha vez cumprido o mesmo, cesará o uso.




29.4.15

O ARMENTEIRA CLUB DE FÚTBOL SIGUE COAS SUAS PROTESTAS









Cada semán, no Campo de Fútbol de O Leixo na Armenteira,  aproximadamente 60 rapaces adestran con ilusión e entrega, dando igual os resultados, e importando máis a súa formación. 
 Hai ben pouco, solicitouse dende o Armenteira Club de Fútbol que se solucionasen as deficiencias que este campo presentaba; o terreo de xogo cheo de regos provocados pola auga das choivas, o cerre perimetral sen facer, polo que os cans abandoados e da canceira que está cercana campan as súas anchas polo campo, supoñendo un gran perigo para os rapaces, os cables da luz dos focos o descuberto, as barandillas soltas e con zonas cortantes...
 Falouse coa oposición e o alcalde de Meis, e este, prometeu que tomaría cartas no asunto. Dende o clube non saben si  creelo, despois de que  onte comprobaran o que alí se fixo. Unha chapuza e que podedes comprobar nas imaxes.
No clube chegan a pensar que, "se están a rir de nós".

Por eso publican esta queixa para que o Sr Alcalde, o Presidente da Deputación, a Federación ou calquer órgano do que poida depender que os rapaces do Armenteira Cf dispoñan dunhas instalación dignas:
 "Señores, se pensades que vos estades a rir dos directivos, dos pais dos rapaces, dos adestradores ou incluso do equipo veterano, estades moi equivocados, xa que, de quen vos estades rindo, e de apróximadamente 60 rapaces ( para o ano que ven contarase con incluso 80) que cada seman entrenan con ilusión e con ganas nunhas instalacións abandoadas por vos. 
 Parece mentira que vos riades así da ilusión destes rapaces. Esta claro que non xogan no Ribadumia, para que se lles conceda o dereito dun campo digno, xa non decimos de cesped artificial, non, tan só un campo digno."


 Sen máis despedímonos de todos vos, que non sabedes máis que mentir, e que incluso ríndose duns nenos que traballan con ilusión. Tíñavos que caer a cara de vergoña.



As duas imaxes inferiores son do "arranxo" que se fixo estes dias, as outras 3 siguen igual tras moito tempo nese estado.


























20.4.15

O ABANDONO DE INSTALACÓNS NON É EXCLUSIVO DE CAMBADOS






O Armenteira C.F. ven de estrear web a modo de blog co que pretenden informar a socios, xogadores afición e amigos así como a outros equipos das novedades que vai xerando o clube de Meis. 
Nesta web podes atopar os resultados e crónicas dos equipos da entidade, enlaces as redes nas que están (Facebook e Twitter), historia do clube ou como contactar con eles. 
Tamén queren facer desta web unha ferramenta para reinvindicar unhas melloras máis que necesarias no campo de fútbol de O Leixo, que se atopa nun estado bastante deplorable.

Como podedes observar nas fotografías as porterías están oxidadas, así como as barandillas, que están rotas e da pena velas.

Ademais, parece ser que como teñen a canceira moi preto deles os cans abandonados moitas veces campan as súas anchas polo campo, podendo ser perigosos e facerlle dano a alguén, así como causar enfermidades xa que poden morder, mexar e cagar polo campo de fútbol. E xa postos, vemos como o concello contribúe ao feismo nacional utilizando como porta un somier!
Como sempre, as autoridades pasan de todo o que non dea cartos ou votos,  parece unha vergoña que os nen@s da Armenteira teñan que xogar ao fútbol nun sitio así.


















20.2.15

UNHA ALDEA DE MEIS CONTA CON SO DOUS VECIÑOS







No Salnés hai unha aldea que, malia estar próxima ao mar e ás vías de comunicación, está quedando sen habitantes. Chámase Serrán e só lle quedan xa dous veciños, cando hai poucos anos aínda tiña trece.

A aldea de Serrán está no concello de Meis (Pontevedra). Alí esta mañá a tranquilidade era absoluta. Rompe o silencio a máquina dun dos dous veciños que viven na aldea e que non quere parar a falar. Na casa do outro veciño, está mañá non había ninguén. Son os veciños da aldea do lado os que nos contan como pasou Serrán de trece a douis veciños nos últimos anos.

"Antes aquí había moitos máis labradores e iso, con vacas porque era do que vivían". "Cando sae o sol, dá o sol todo o día. Aquí vivian ao mellor vinte persoas. Agora cando faleceu o último vese que queda a aldea a escuras, un pueblo sen futuro". " Hai un señor aí, unha casa que fixeron aí, pero teñen un inquilino. Soamente vive ese porque os outros eran un matrimonio e máis un fillo. Morreu o señor e entón levaron a señora para alá, para cara a Cambados".

A perda de poboación afecta tamén outras aldeas próximas á costa, pero segue a ser moita máis acusada nas zonas de montaña do interior de Galicia.




Información: TVG