CIDADE EUROPEA DO VIÑO 2017

CIDADE EUROPEA DO VIÑO 2017
CIUDAD EUROPEA DEL VINO 2017
Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.

Buscar neste blog

Amosando publicacións coa etiqueta PROTECCION CIVIL. Amosar todas as publicacións
Amosando publicacións coa etiqueta PROTECCION CIVIL. Amosar todas as publicacións

22.8.17

PROTEECION CIVIL DE CAMBADOS ATENDE DOUS ACCIDENTES CON FERIDOS











Unha colisión rexistrada esta tarde en Vilanova de Arousa, na que se viron implicados tres vehículos, deixa unha persoa ferida. Segundo se lle indicou ao 112, o seu estado non reviste gravidade.
O accidente produciuse na estrada que conecta Cambados coa Illa de Arousa, á altura dun concesionario de vehículos. Foi unha persoa particular a que deu a voz de alarma ao 112 Galicia ás 17:05 horas desta tarde.
O persoal do Centro Integrado de Atención ás Emerxencias do 112 puxo os feitos en coñecemento do 061-Urxencias Sanitarias, dos Bombeiros do Salnés, da Garda Civil de Tráfico e de Protección Civil de Cambados.
Unha muller resultaba ferida na tarde deste martes ao sufrir un accidente de tráfico en O Río, en Corbillón. Segundo informan os servizos de emerxencias, trátase dunha veciña deste concello que tivo que ser trasladada ao Hospital do Salnés a través dunha ambulancia do 061 con dor cervical. Tamén tivo que ser atendida por atoparse moi nerviosa.
Este último accidente tivo lugar arredor das 4 da tarde.





12.8.17

UN APARATOSO ACCIDENTE SÁLDASE CUN FERIDO











Sobre as 10.30 horas desta noite do venres 11 producíase un accidente de tráfico entre un turismo e unha motocicleta no Ribeiro, Corvillón, no municipio de Cambados. Un home de 63 anos, veciño deste concello, resultaba ferido con dores no costado esquerdo e unha brecha na cella dereita. 
Os servizos do 061 trasladaron ao home ata o Hospital do Salnés para unha exploración detallada e o tratamento das feridas.
Segundo informaba Protección Civil de Cambados ata o lugar trasladáronse membros desta agrupación, a Policía Local, a Garda Civil de Tráfico e Atestados. 




7.8.17

FERIDO UN VOLUNTARIO DE P. CIVIL DE RIBADUMIA CANDO TENTABA ELIMINAR UN NIDO DE VELUTINA





Arquivo






Un voluntario da Agrupación de Protección Civil de Ribadumia resultou ferido onte á tarde tras sufrir unha caída dunha árbore. O efectivo estaba a retirar un niño de avespas velutinas, cando unha das pólas da árbore rompeu, precipitándose ao chan.
Segundo os datos facilitados ao 112, a vítima permanecía inconsciente e un dos seus compañeiros tivo que practicarlle unha masaxe cardíaca. Acto seguido, o voluntario foi evacuado polos efectivos sanitarios, xa consciente, ao Hospital Montecelo de Pontevedra.
Os feitos tiveron lugar no Couto de Arriba, na parroquia de Barrantes.
Foi Protección Civil a que alertou ao 112 Galicia, ás 20:30 horas da pasada tarde. Pola súa banda, o persoal da central das emerxencias do 112 informou ao 061-Urxencias Sanitarias. 








5.8.17

A EXPLOSIÓN DUNHA BOMBONA CAUSA DANOS NUNHA CASA DE CASTRELO












 A explosión dunha bombona provoca danos materiais nunha adega dunha casa de Cambados


Esta era a primeira hipótese, pero máis tarde manexábase unha segunda. Que o lume se orixinase por  mala combustión da cociña, na que había unha tarteira ao lume.


Unha bombona de cámping gas estoupou esta tarde nunha adega de Cambados, deixando varios danos materiais, pero ningunha persoa ferida. 
Os feitos tiveron lugar nunha propiedade da Bouza, na parroquia de Castrelo. A explosión provocou un pequeno incendio, véndose unicamente afectado polo lume o teito da edificación. 
Unha persoa particular alertaba da explosión ao 112 Galicia ás 15:00 horas desta tarde. Acto seguido, o persoal do CIAE 112 puxo os feitos en coñecemento dos Bombeiros do Salnés, de Protección Civil, da Policía Local e da Garda Civil. Tamén se informou ao 061-Urxencias Sanitarias, aínda que non foi precisa a súa intervención. Amais, o acontecido tamén foi notificado á empresa responsable da subministración do gas. 





26.7.17

ARDE A COCIÑA DUN BARCO EN TRAGOVE














Un lume na cociña dun barco de pesca mobilizou esta mañá aos bombeiros de Ribadumia. Foron, precisamente os membros de extinción, os que, ás 10:50 horas poñían en alerta ao 112 Galicia, así como, distintos particulares que tamén vían as chamas. Indicaban que ardían madeiras dun barco en reparación nun asteleiro no exterior do arsenal, en Tragove.
Tras recibir o aviso, o persoal do Centro de Atención ás Emerxencias do 112 Galicia puxo os feitos en coñecemento de Protección Civil, da Garda Civil e da Policía Local.
Unha vez no punto, os membros de Protección Civil confirmaron que o que ardía eran  madeiras da cociña do barco. Aseguraban, ademais, que ninguén resultara ferido. Persoal de Salvamento Marítimo, o Servizo de Gardacostas de Galicia e a Autoridade Portuaria tamén foron informados polo 112 Galicia.
A esta hora, os bombeiros tras sufocar as chamas, continúan no punto coas tarefas de ventilación. 



Imaxes-Protección Civil de Cambados

1.7.17

UN HOME FERIDO AO SER ATROPELADO EN CAMBADOS












Un home de avanzada idade de iniciais F.G.V., resultou ferido esta mañá tras ser atropelado por un turismo no paso de peóns dos Catro Camiños, en Cambados. Urxencias Médicas daba conta do acontecido ao 112 Galicia, ás 11:45 horas. A partir de aí, dende o Centro de Atención ás Emerxencias do 112 requiriuse a intervención da Policía Local e de Protección Civil. Tamén, os Bombeiros de Ribadumia foron informados. Unha vez no punto, os axentes solicitaron ao persoal do 112 asistencia sanitaria para unha das ocupantes do turismo. 

Segundo informaron fontes municipais o ferido presentaba un traumatismo nunha perna e foi trasladado ao un centro sanitario.








16.6.17

UN FERIDO TRAS UN ACCIDENTE EN TRAGOVE








Esta noite, pouco despois da 1 da madrugada, na pista que vai do porto Tragove a Corvillón rexistrouse un accidente de tráfico co saldo de un ferido. J. C. L. C., de 52 anos e veciño de Cambados. O home bateu soa cabeza na  luna do vehículo. Foi evacuado ao Hospital do Salnés polo 061 medicalizado, cunha importante brecha na cabeza, segundo informaba Protección Civil de Cambados. O vehículo chocou contra un poste do tendido que provocou a caída dun cable de telefonía que impedía o paso de vehículos e que quedou suxeito de forma provisional por parte dos servizos de emerxencias de Protección Civil de Cambados.










12.5.17

ESPECTACULAR SAÍDA DE VÍA NA ROTONDA DE VILARIÑO













Esta mañán rexístrabase ubha saída de vía ao redor das 09.30 horas deste venres 12 na rotonda de Vilariño, en Cambados. Segundo a información facilitada polo 112 Galicia e Protección Civil de Cambados, un vehículo envorcaba lateralmente precipitándose por un desnivel dunha altura de dous metros. Un particular alertaba da presenza dunha persoa no interior do turismo, que finalmente puido saír do auto polo seu propio pé. Non sofreu feridas de consideración, segundo os Servizos de Emerxencias.
Foron alertados os servizos de Urxencias Médicas, da Garda Civil de Tráfico, Protección Civil de Cambados e os bombeiros do Parque de Ribadumia. Foi necesaria a intervención dun guindastre para a retirada do vehículo.




7.5.17

DOUS ACCIDENTES CON 4 FERIDOS EN CORBILLÓN











Tres mozos resultaron feridos tras un forte impacto que se rexistraba durante esta noite de domingo na estrada PO-549 ao seu paso por Corbillón, no municipio de Cambados. 
Por causas aínda por determinar, os dous turismos impactaban de maneira frontal. No Opel viaxaba un veciño de Cambados, de 27 anos, que sufría dor cervical, lumbar e queixábase dunha forte dor nunha das pernas, segundo fontes do servizo de Emerxencias.
No outro vehículo, un Seat, viaxaban dous irmáns. O condutor, de 21 anos, veciño de Cambados, doíase das cervicais e do tórax. Pola súa banda, a irmá, menor de idade e tamén veciña de Cambados, sufría dor torácica, lumbar e cervical.
Como consecuencia da violencia do impacto tamén se causaron danos nun terceiro vehículo e foi derrubada unha farola.

A poucos metros de alí, pasadas as oito e media da mañá rexistrouse outro accidente por unha saída de vía no que resultou ferido leve o condutor dun vehículo, un home de avanzada idade que foi trasladado en ambulancia.




13.4.17

ELIMINADO UN NIÑO PRIMARIO DE VELUTINA EN CAMBADOS










Esta mañán efectivos de Protección Civil de Cambados procederon a eliminación dun niño primario de vespa velutina ou asiática, na zona da avenida de Vilariño, de onde xa se retiraron varios niños.
O niños primarios, son nos que está só a raíña para poñer os ovos.


O Servicio de Emerxencias de Cambados leva retirados gran cantidade de niños de velutina, tanto en zonas apartadas como en zonas próximas a vivendas.
A maior parte destes niños foron localizados na zona da beira do Umia, zona do Monte da Pastora,  Castrelo e como sinalamos anteriormente avenida de Vilariño.

Coas trampas artesanais pódense eliminar agora na primavera moitas raíñas e por tanto moitos niños futuros. No inverno as raíñas hibernan e morren os machos e obreiras. En febreiro e marzo as raíñas inician os primeiros niños, os primarios e entre abril e maio nacen as obreiras e prodúcese o traslado aos niños secundarios.

A Xunta publicou un folleto sobre fabricación caseira de trampas para avispas con botellas de plástico, tipo auga mineral, que deben colocarse preto de plantas como as camelias ou os rododendros, que son asiáticas como as avispas.

Os expertos apicultores subliñan que por agora ningunha destas trampas é totalmente efectiva e aínda están en probas moitos métodos novos, como uno que se prevé presentar proximamente, unha especie de pistola.

Por agora, o máis fácil de facer é cunha botella de plástico de 1,5 ou 2 litros. Córtaselle a base superior e fúrase o tapón para que poida entrar unha avispa. Dentro ponse un atrayente comprado ou un caseiro (con cervexa negra, viño branco, azucre, zume de arándanos e cera de abella).

A parte superior cortada colócase dentro da botella, tras darlle a volta, como un embude. Na base realízanse pequenos buracos para que poidan escapar outros insectos.

Esta botella cólgase a un metro e medio do chan, preto das plantas como os camelios (por agora non se poñen preto das colmeas).








3.4.17

UN CAMBADÉS FERIDO TRAS CAER NUNHAS ROCHAS NO GROVE








Un cambadés de 58 anos foi rescatado onte na localidade do Grove despois de sufrir unha caída nunha zona rochosa. O varón –consciente en todo momento- caeu entre as rochas, en O Carreiro, San Vicente do Grove, pero non podía saír por si só. Así o relataban os particulares que, ás 19:15 horas da tarde pasada, chamaron ao 112 Galicia para pedir axuda.
A partir de aí, dende o Centro de Atención ás Emerxencias do 112 pasouse aviso a Urxencias Médicas, Bombeiros de Ribadumia, GES de Sanxenxo e aos efectivos de Protección Civil do Grove. Tamén, os axentes da Garda Civil e da Policía Local foron informados do suceso.
Unha vez rescatado, o home foi evacuado en ambulancia polo persoal sanitario ata o Hospital Montecelo.  






21.3.17

CICLISTA FERIDO NUN ACCIDENTE EN CORBILLÓN











Esta tarde sobre as 8 producíase na parroquia cambadesa de Corbillón na estrada Po-549 un accidente.
Un ciclista de 46 anos veciño de Vilanova e con iniciais C.M.Z. resultou ferido tras un choque cunha furgoneta conducida por J.C.B.R. de 63 anos, segundo as primeiras informacións.
O ciclista sufría cortes e presentaba fortes dores cervical e lumbar. O conductor da furgoneta saleu ileso.
Ao parecer a furgoneta fixo un cambio de dirección e nese intre impactaron os dous vehículos.
No lugar do accidente presentouse unha ambulancia do 061, a Policía Local de Cambados, Garda Civil de Tráfico e Protección Civil de Cambados tamén.

Imaxes: Protección Civil de Cambados









18.3.17

UN INCENDIO EN CORBILLÓN QUEIMA 4 COCHES















Un incendio rexistrado esta noite nun taller de Cambados queimou catro coches. Dous deles quedaron calcinados por completo. O lume tamén afectou ao teito do garaxe.
As instalacións nas que se produciron os feitos sitúanse na Avenida de Vilagarcía, na parroquia de Corbillón. Unha persoa particular daba a voz de alarma ao 112 Galicia ás 22:10 horas desta noite. Segundo indicou, vía saír fume do baixo dunha casa destinado a taller.
O persoal do Centro de Atención ás Emerxencias do 112 alertou aos Bombeiros do Salnés, a Protección Civil, á Policía Local e á Garda Civil. A situación tamén foi posta en coñecemento dos efectivos de Urxencias Médicas, aínda que en ningún momento foi precisa a súa intervención. 
Polo de agora descoñécense as causas que causaron o incendio. 














8.3.17

UN BEBÉ DE TRES DIAS ILESO NUN ACCIDENTE NA VÍA RÁPIDA












Imaxes: Emerxencias Cambados


Un recén nado resultou ileso na tarde deste mércores nunha colisión por alcance en Cambados. O accidente tivo lugar na VG-4.3, na saída da Illa de Arousa, segundo informa o 112.
Un particular informaba da colisión ao centro de atención ás emerxencias ás 14,15 horas. Indicaba no seu relato que os vehículos se atopaban na beiravía.
Entón, o 112 puxo os feitos en coñecemento da Garda Civil de Tráfico, de Protección Civil de Vilanova de Arousa e dos Bombeiros de Ribadumia, que saíron cara ao lugar.
Ao chegar, constataron que o recentemente nado e as demais persoas implicadas atopábanse ilesas. Requiriron, por precaución, os servizos de urxencias médicas, que desprazou unha ambulancia ata o punto para comprobar o seu estado de saúde.






17.2.17

ACCIDENTE NA VÍA RÁPIDA CON UN FERIDO












Unha brutal colisión entre dous vehículos rexistrada na noite deste xoves na Vía Rápida que une Cambados con Ribadumia, á altura de Barrantes, saldouse cunha persoa ferida.

O sinistro produciuse, supostamente, cando un turismo invadiu de forma temeraria o carril contrario para realizar un adiantamento, provocando que outros dous vehículos ocupasen a beiravía para esquivalo e acabasen chocando entre eles.

A pesar do forte impacto e o estado no que quedaron os turismos afectados o único dos feridos, que foi trasladado a un hospital próximo, non sufriu feridas de gravidade.

O vial tivo que ser cortado durante preto de media hora. 
As autoridades investigan se finalmente o primeiro condutor -o que presuntamente realizou o temerario adiantamento- deuse á fuga tras provocar o accidente.









Imaxes: Protección Civil de Cambados

Espectacular persecución tras darse dos personas a la fuga en un control







4.2.17

MADRUGADA AXETREADA PARA PROTECCIÓN CIVIL DE CAMBADOS












Protección Civil de Cambados realizou 23 operativos de limpeza de arquetas, tivo que cortar ou retirar 16 árbores (no Parque de Torrado polo que se pechou ao público, xunto a igrexa parroquial, recoller 39 colectores e limpar once vías por presenza de tellas, canlóns, sinais e demais.

Tamén informou da rotura de tres postes do tendido eléctrico e da retirada dun par de carteis, ademais de constatar que o vento arrincou parte do tellado da escola unitaria de Vilariño e que rompeu un cruceiro de pedra no lugar de O Cruceiro.

Ademáis a caída dun bolardo e unha cruz do campanario da Igrexa de Fefiñáns  obligou a acordoar a zona por risco de máis desprendementos e na parroquial unha cristaleira quedou seriamente danada.

Xa esta madrugada pasada unha casa no Riveiro, en Corbillón inundouse, pola cantidade de choiva que caeu durante a noite. Varias árbores caíron tamen nas primeiras horas deste sábado, en Corbillón e Oubiña.


Máis Imaxes









22.1.17

80 NIÑOS DE VELUTINA ELIMINADOS EN CAMBADOS










Protección Civil de Cambados leva neutralizados preto de 80 niños de avispa asiática desde setembro, data na que a Xunta os dotou de traxes para facer fronte a esta especie, ata onte sábado no que tiveron que intervir na parroquia de Corbillón para eliminar outro avispero. 
Cabe destacar que deses 80 niños a meirande parte foron erradicados na zona de paseo na desembocadura do Umia. 
A zona de Vilariño tamén é un foco de abundantes niños de velutina.
Desde a Xunta desenvólvese un programa de vixilancia e control da denominada Vespa Velutina e piden a colaboración da cidadanía para alertar ante a aparición dalgún insecto ou de niños desta especie.
Esta avispa é un insecto invasor que ameaza as colmeas poñendo en pelgro o futuro da produción apícola e diminuíndo o importante papel polinizador que desenvolven as abellas.






20.1.17

TRES FERIDOS NOUTROS TANTOS ACCIDENTES HOXE EN CAMBADOS











Tarde de traballo para os servizos de Emerxencias de Cambados que asistiron a tres accidentes de tráfico co resultado de tres feridos leves.

O primeiro dos accidentes prodúxose as 13:30 horas na zona da Parcelaria de Oubiña, un dos conductores involucrados, de Cambados, resultou con golpes nas cervicais e na zona lumbar.

Dez minutos despois e non moi lonxe de alí producíase o segundo dos sinistros. Na estrada PO-300 pouco despois do cruce do Polígono de 7 Pías dous coches colidiron resultando ambos conductores de A Illa e O Grove, feridos. O primeiro de 28 anos resultou  concontusións nas zonas cervical e lumbar. O conductor de O Grove resultou ferido na cabeza e con fortes dores nas cervicáis.

O terceiro dos accidentes prodúxose no Porto de Tragove e non houbo que lamentar danos personais.


Os sucesos mobilizaron a Protección Civil de Cambados, Garda Civil de Tráfico e ambulancias do 061.






10.1.17

RETIRADOS 8 ENXAMES DE VESPA ASIÁTICA EN CAMBADOS










Siguen a aparecer novos nidos de vespa volutina ou vespa asiática en Cambados e  hoxe os membros de Protección Civil da nosa vila procederon a eliminar nada máis e nada menos que oito.

A avespa asiática, a vespa velutina, mantivo este martes moi ocupado ao equipo de Protección Civil de Cambados que tivo que retirar oito enxames, seis en diferentes puntos de Castrelo, un na senda do Umia e un na avenida de Vilariño. 
Habitualmente retírase un niño ao día, segundo informaron desde Protección Civil de Cambados.
Para a retirada destes enxames os membros da agrupación empregan un traxe especial facilitado polo servizo 012 despois de que os efectivos participasen nun curso específico no que se lles deron as pautas para exterminalas con garantías.