LUIS ARAGUNDE NON CONTESTA DE FORMA AXEITADA AO B.N.G.

Si lle apetece...........

O B.N.G. de Cambados quedou insatisfeito coa contestación que dou o concello ao escrito do BNG de data 15 de xaneiro de 2014 (R. E. nº 2014/208) sobre á realización de "actividades (textualmente) de información, orientación e prospección de emprego" na que se informa que os 20.000 € consignados, estaban destinados á contratación de persoal técnico (asunto que segundo afirman, non foi recollido no citado acordo  da acta da correspondente Xunta de goberno Local, por erro involuntario). Non dubidando de que a cuestión tratada fora do xeito descrito, e pensan que a información facilitada ao BNG resulta, totalmente, insuficiente e que seguen a existir datos que deberían ser aclarados, polo que solicitan que se respondan as seguintes preguntas e peticións:

1.- Que persoal foi contratado con esta subvención e por canto tempo?

2.- A praza ou prazas ofertadas, en relación con esta subvención, responderon a  algún tipo de concurso público? En calquera dos casos, o BNG solicita ter acceso á documentación sobre dito concurso.

CONTROIS "ANTITERRORISTAS" NO SALNÉS E PONTEVEDRA

O Grupo de Respuesta y Seguridad (GRS) da Guardia Civil estableceu onte polo menos tres controis nas estradas da Comarca do Salnés. Malia que a delegación do Goberno non informou do motivo do importante dispositivo, non é habitual que esta unidade operativa de elite .especializada na loita contra o terrorismo e as mafias da droga- despregue unha actividade tan intensa. 

 

Os axentes procedían do acuartelamento de Castro Senín, na parroquia de Mourente, en Pontevedra. Os guardias pararon coches tanto nas saídas da AP-9 en Caldas de Reis e Barro como nos accesos a Autovía do Salnés en lugares como San Vicente do Grove, Cobas e Meaño. Non se informou de ningunha detención.

O LUATLON ESTE DOMINGO NO GROVE

Este domingo 2 de febreiro a localidade pontevedresa de O Grove converterase na capital da solidariedade. O motivo non é outro que a celebración do Luatlón, evento de carácter benéfico en favor da Asociación Española contra o Cancro. A organización deste evento responde ao desexo de Alberto Figueiro de honrar a memoria do seu irmán Luís Miguel "Lu", quen faleceu fai aproximadamente un ano por unha leucemia. A causa conta con todo o respaldo do deporte galego e a idea é poder perpetuala no tempo. Cabo recordar que todos os interesados en participar poden facelo a través da web luatlon.org por un prezo único de oito euros a inscripción. Ademais, entregarase unha camiseta conmemorativa e serviranse avituallamientos con bebidas isotónicas a todos os participantes durante a proba que se desenvolverá polo centro urbano de O Grove a partir das dez da mañá do próximo domingo. Coa intención de animar a todos aqueles que queiran colaborar na iniciativa, Alberto Figueiro decidiu establecer diferentes niveis de esixencia con cinco categorías diferentes. A máis esixente comprenderá dous tramos en bicicleta e outro á carreira, sendo a "Andaina" a máis adaptada ás persoas de maior idade. O organizador recoñece que "estes últimos días antes do Luatlón son de moita actividade. Temos que estar atentos a moitas cousas e o teléfono non para de soar porque, afortunadamente, son moitas as persoas que queren vir e aportar o seu gran de area". Fonte: CICLO21

UNHA CHAPUZA MÁIS. A RUA ISABEL II A UN PASO DE SER PEONIL.

Nos vindeiros dias parte da avda da Pastora, o tramo que discurre dende a rúa Isabel II ata a esquina do Castriño e a propia rúa Isabel II deixarán de ser transitables para os vehículos. Do aviso xa se encargan duas sinais colocadas durante toda a mañán de onte polos operarios do Concello.

Temos que recordar que Luís Aragunde e Tourís nun alarde de imaxinación dixeran que a rúa Isabel II pasaría a ser peonil para favorecer o comercio desa rúa, en concreto aos" 17 locais comerciais e negocios que alí se atopan".

E agora veñen as preguntas. 

A sinal de prohibido,  palabra que tanto lles gusta aos do PP, non ten polo de agora un carteliño que poña "agás residentes". Polo tanto os propietarios dos garaxes non poderán acceder a eles?

As persoas maiores ou nenos que haxa que levar ata a porta por diferentes motivos, terán que facelo andando dende O Castriño por exemplo?.

Quen estará a vixiar que ningún coche pase por esa rúa co pretexto de que deixou a alguén na porta da sua casa sin ser así. Sempre e cando a resposta a anterior cuestión sexa que si poden pasar neses casos.

Van a pechar a rúa no remate da mesma como da a entender o sinal posto na confluencia entre Eduardo Pondal e avda da Pastora?.

Avisarán cando sexa real o cambio de transitable a peonil para evitar posibles problemas?.

Lograrán que os cohes non aparquen enriba das beirarrúas?

Dende aquí desexamos que peonil, semipeonil ou como está agora a rúa, sexa todo moi bo para os "dezasete negocios e baixos comerciais e que facturen moito máis grazas as obras realizadas".

O INSTITUTO "ASOREY" DE CAMBADOS INICIA "O MAR E CAMBADOS"

CONTRATO-PROGRAMA: PLAN PARA ACADAR A EXCELENCIA EDUCATIVA

Mañá iniciase a nova edición do Plan de Excelencia do IES Francisco Asorey. Este curso comezarán a desenvolver unha nova temática  centrada no mundo  do mar (título: “O Mar en Cambados”), por ser este un campo de coñecemento próximo á realidade de calquera alumno/a dunha vila costeira coma a nosa e, ademais, un campo de coñecemento dunha enorme proxección en diversas áreas de investigación. Porque nesta ocasión o plantexamento deste programa faise en función da realización de diferentes proxectos de investigación que poidan ser  desenvolvidos por grupos de alumnos/as dos diferentes niveis seleccionados (2º, 3º, e 4º ESO).

O plantexamento de traballo consiste en que o alumnado  percorra un proceso de investigación continuo que se inicie cunha primeira fase de  formación,  procura de información e recollida de datos; siga cunha segunda fase onde se manexen os datos e se estruture o formato de tratamento da información e, finalmente, un proceso de presentación de resultados. En todas as fases de traballo será imprescindible e prioritaria a utilización de recursos TIC, de xeito que o alumnado participante aprenda a obter o máximo rendemento das novas tecnoloxías aplicadas as actividades de investigación. Farase, especialmente, fincapé na diversidade  de formatos para presentar os resultados dun proceso de investigación.

O alumnado participante neste novo proxecto iniciará mañá a súa andaina realizando unha visita ao banco marisqueiro do Serrido (de 9:30 a 12:30 horas) que será obxecto de estudo. Na visita irán acompañados por un técnico da confraría e  por profesorado da rama de ciencias (Bioloxía e Física e Química) que teñen planificada unha recollida de mostras que permita caracterizar este importante ecosistema e coñecelo en profundidade co posterior traballo de laboratorio.

O traballo, en torno a esta temática completarase ao longo dos seguintes meses coa participación de profesorado dos departamentos de música, inglés, xeografía e historia, tecnoloxía e informática.

O PALACIO DE FEFIÑÁNS UN ANACO DA HISTORIA DE CAMBADOS

En pleno centro da Capital do Albariño, Cambados, atópase este fermoso conxunto arquitectónico que fixo deste un dos lugares máis representativas desta vila chea de historia. Camiñar pola praza transportaranos uns séculos atrás pois parece que o tempo non pasou por este lugar. Un pazo coa súa torre de homenaxe e a igrexa de San Bieito (San Benito), forman este fantástico conxunto creado íntegramente con granito. A fermosura deste palacio fai que moita xente considéreo como o máis belo de Galicia. A parte principal que dá á praza está consturída en forma de escuadra, con moitas portas e fiestras con gardapolvos triangulares. Tres dos balcóns son redondos con barandillas de ferro, coma se fosen púlpitos para oratorias. O edificio remátase con dous grandes escudos de armas sobre as portas principais. Outro dos elementos máis singulares de Fefiñáns é a ponte do arco. Originalmente eran dous, pero uno foi destruído para facer unha estrada. O que se conserva ten unha balaustrada barroca e comunica as dependencias do pazo co bosque.  Hoxe en día alberga unha das adegas máis antigas de Galicia (1904) e nela prodúcense viños feitos cunha das uvas brancas máis laureadas do mundo: o Albariño. O viño vai unido á historia de é este palacio, xa que foi o primeiro lugar de Galicia onde se embotellou viño albariño (Medalla de Ouro en Barcelona a principios do século XX). Crese tamén que foi plantada a primeira cepa de albariño do Salnés. O Palacio en forma de L coñéceselle como Pazo de Fefiñáns. As súas orixes remóntanse ao século XVI e a súa construción débese a Juan Sarmiento Valladares, conselleiro de Felipe II. Máis tarde hérdao D. Gonzalo de Valladares e despois o seu fillo Fernando, I e II vizcondes de Fefiñáns. Posteriormente un enlace entre os Fefiñanes e os Marqueses de Figueroa a propiedade pasou a estes, familia que o conserva ata hoxe. O edificio consta de planta baixa e un piso. Na esquina presenta unha torre da homenaxe que é a imaxe máis característica do conxunto. A outra á caracterízase pola unión da leira anexa por unha ponte dunha arcada. Nas esquinas veremos uns curiosos balcóns circulares. Frontones e medallones renacentitas adornan as fiestras das ás. Dous escudos de armas pertencentes á familia dos Valladares complentan a ornamentación principal. Inscripción na torre da homenaxe de Fefiñanes, construída no século XVI polo valido de Felipe II Don Juan Sarmiento de Valladares. CONÓCETE A TI MISMO. POR SEMEJANZA A DIOS PROCEDE COMO HECHURA EN SU MANO. HUYE DEL VICIO. BUSCA LA VIRTUD. ABORRECE EL OCIO. AMA EL TRABAJO. NO SEAS SOBERBIO, ANTES HUMILDE. NO MIENTAS PORQUE ES LA MAYOR VILEZA DE LOS VILES. PROCURA LOS AMIGOS MEJORES QUE TÚ, PUES CON ESTO Y VERDAD, SECRETO Y LIMPIEZA DE ALMA, NOS SUCEDE BIEN TODO. DA LO QUE PUDIERES BIEN DISTRIBUIDO. NO OLVIDES LOS BENEFICIOS NI TE ACUERDES DE LAS INJURIAS SI QUIERES APARECERTE A DIOS. Y ADVIERTE QUE EL OSAR MORIR DA LA VIDA PORQUE LOS HONORES CON GRANDES PELIGROS Y TRABAJOS SE ADQUIEREN. AMA Y TEME A DIOS Y ATRIBÚYELE LOS SUCESOS PORQUE NO HAY OTRA FORTUNA. Aos pés do edificio temos a espléndida Praza de Fefiñáns con máis de 2.500 m2. Nunha esquina sitúase a Igrexa do San Bieito, mandada construír pola esposa de Gonzalo de Valladares, os cales háxanse aquí soterrados.                                                                                                                        Todo isto enmarcado nun belo marco histórico que conforma a vila de Cambados. O peor é o libre acceso dos automóbiles ao centro da praza así como o seu uso como aparcamento.

OS ECOSOCIALISTAS INICIAN A SUA ANDAINA NA COMARCA DE AROUSA

Espazo Ecosocialista, formación ecosocialista integrada en AGE, esta en pleno proceso asembleario (celebrará a súa II Asemblea Nacional o 22 de febreiro en Santiago de Compostela dous anos despois do seu nacemento).

Esta forza conformada fundamentalmente por persoas procedentes dos movementos sociais e da esquerda renovadora esta acentuando o seu papel propositivo e de alternativa construtiva á vez que medra e consolida a súa estrutura territorial e o seu crecemento.

Vilagarcía, é unha das prazas nas que os ecosocialistas teñen presenza, xunto a Cambados, O Grove e Vilanova. A organización, fai unha forte aposta polo mantemento da coalición ao longo de todo o ciclo electoral -de feito tratará de canalizar as súas iniciativas a través dos concelleiros de Esquerda Unida- sen renunciar á súa identidade e á construción dun verdadeiro espazo de encontro da cidadanía.

A semana pasada constituíu a súa agrupación comarcal de Arousa e elixiu un Equipo Comarcal composto por:

-         Isabel Camba (Coordinadora Comarcal)

-         Xulio Des Diz (Coordinador Comarcal)

-         Héctor Silveiro

-         Lois Baulo

OS GASTOS DE CAMBADOS EN FITUR

Canto tardará o Concello de Cambados en facer públicos os gastos da viaxe a Madrid en relación a asistencia a Fitur?. 
Cantas persoas con gastos a cargo do Concello asistiron a dito evento?.  
Virán desglosados eses gastos dos gastos surxidos pola reunión que o Alcalde mantivo ao dia seguinte coa titular do Ministerio de Fomento Ana Pastor?. 
Porque a estas alturas e sabendo como malfunciona o Concello a oposición aínda non ten presentada unha pregunta a este asunto?.

O Alcalde debería tomar exemplo de outros e dar o custe  como fan outros alcaldes da provincia coma por exemplo Fernández Lores de Pontevedra que antes de iniciarse a viaxe xa dera as cifras. Algo público e notorio pois a prensa fíxose eco da nova e incluso televisións tan neutrais como Telesalnés.

O Concello de Pontevedra gastou uns mil euros na súa participación en FITUR da semana pasada. Un orzamento ben escaso co que tentou lucir na Feira Internacional de Turismo de Madrid grazas ó seu embaixador, o loro Ravachol.

O Concello de Pontevedra presentou a súa Aposta para FITUR 2014; unha sinxela proposta na que destacou sobre todo a mascota do Entroido: o loro Ravachol. Varias aves de peluche foron levadas a Madrid para animar esta Feira Internacional de Turismo. De mércores a venres, nas xornadas para profesionais, percorreron os stands doutras comunidades; xa na fin de semana animaron o departamento que a Cidade do Lérez ten no apartado de Turgalicia.

Deste xeito, o loro foi o leitmotiv dun concurso nas redes sociais. Amais das mascotas, proxectaronse vídeos turísticos sobre a Cidade, especialmente un no que se amosa o casco urbán iluminado. Unha participación, que malia a ser discreta, obtivo certa notoriedade de entre toda oferta turística. E é que Pontevedra é unha aposta segura no turismo galego, ben sexa como destino en exclusiva ou como parte dun roteiro polas nosas terras, grazas a súa situación estratéxica.

Carlota Román estivo en Madrid apoiando a proposta pontevedresa o venres; a pesares de crer que "FITUR xa non é o que era".

Fontes: "PONTEVEDRA VIVA" "TELESALNÉS"

"CHAPUZAS A DOMICILIO" 3ª ENTREGA DE TEATRO AS SEIS

Este vindeiro domingo 2 de febreiro a compañía Expresións Produccións fará rir a escachar coas súas “Chapuzas a domicilio" Trátase dun espectáculo de maxia e clown no que dous pintores teñen o encargo de preparar o escenario para unhas conferencias que ofrecerán unha serie de personaxes internacionais moi pintorescos.

¿Qué pasa cando chamamos a unha empresa de reformas para que nos pinten a casa? ¿Estamos seguros de a quen contratamos?

Dous pintores que entre brocha e rodillo dedicanse a facer algo mais que pintar.

Divirtete vendo a estes dous peronaxes facendo algo mais que chapuzas.

Un espectáculo de humor e maxia a cargo de dous artistas do gotelé.

¿Rematarán a tempo a obra?

Deixa ceive a imaxinación e desfrutarás vendo as chapuzas que nos fan os nosos traballadores.

DOMINGO 2 de FEBREIRO no AUDITORIO "DA XUVENTUDE" de CAMBADOS ás 18:00hrs

O AMISTOSO DE HOXE DO XUVEN VISTO DESDE CORUÑA

O Leyma Basquet Coruña non ten esta semana compromiso algún na LEB Ouro, por disputarse a Copa entre Andorra e Palencia. Pero Perico Díaz quere que os seus xogadores sigan activos, e para iso disputarán hoxe un encontro amigable. A expedición laranxa desprazarase hoxe a terras de Ou Salnés, para enfrontarse, a partir das 20.15 horas no pabellón de Ou Pombal e con entrada gratuita, ao Conservas de Cambados.
Un equipo que nestes momentos ocupa a novena posición (a última das que dan dereito a disputar o playoff de ascenso) da categoría inmediatamente inferior, a LEB Prata.
Os de Cambados lograron a praza na terceira Liga do baloncesto español logo de proclamarse o ano pasado campións da EBA, competición na que estiveran durante catro campañas. E, ata o momento, estanse movendo ben nunha división máis difícil.
O Xuventude Conservas de Cambados contan cun adestrador novo, Iago Casal (1981), que está sacando un bo rendemento do seu persoal.
Nela, destaca o veterano Alberto Rodríguez Osma (seis anos máis maior que o seu adestrador), que está callando unha gran tempada. Este pívot é, actualmente, o segundo xogador máis valorado da LEB Prata, só superado por Atoyebi, do Amics Castelló.

Rodríguez Osma ten, ademais, unha boa porcentaxe de tiros de dous (próximo ao sesenta por cento) e só un pouco inferior ao do seu compañeiro, o escolta José Emilio Oubiña. O veterano pívot tamén se sitúa entre os primeiros da lista en faltas recibidas, en concreto na terceira praza, cunha media de 4,57.
Ademais da os xogadores xa citados, o Leyma terá que estar moi atento a un á-pívot que tira moi ben de tres, Norman Rei, cunha porcentaxe de 44,44 por cento.
E o base do equipo, Juan Martín Orellano, é un dos mellores xogadores da Liga en canto a balóns recuperados (2,21 por partido).
Con todo, os homes de Perico Díaz terán en fronte a un rival perigoso e que ademais xogará en casa. O dos desprazamentos non se lle deu nada ben últimamente aos coruñeses, coas derrotas en Logroño e Melilla, un dos aspectos que intentará puír Perico Díaz neste amistoso.

Fonte "El Ideal Gallego"

INFORME DEMOLEDOR DE "SAVE THE CHILDREN"

Un total de 2.826.549 nenos, o 33,8 por cento da poboación infantil do país, viven en risco de pobreza ou exclusión social, o que converte a España no oitavo país da Unión Europea cunha maior taxa de privación entre os menores de idade, segundo un estudo de Save The Children presentado este mércores xunto á campaña 'E a min, Quen me rescata?'.

O traballo, titulado '2.826.549 Razóns', evidencia a inacción dos poderes públicos en España fronte á tendencia que se vén apuntando desde 2010, cando a taxa de pobreza infantil creceu tres puntos ata o 29,8 por cento. En 2011 subiu ata o 30,6, é dicir, 2,5 millóns de nenos en risco. Un ano despois chega ao 33,8%, afectando a máis de 2,8 millóns de menores.

A situación complícase en determinados colectivos, segundo explicou o director de Save The Children, Alberto Soteres: o 45,2% dos nenos de familias monoparentales, o 57% de cuxos pais non teñen a ESO e o 49,2% dos fillos de estranxeiros están nesta situación de risco de pobreza.                             
Con este marco, os dereitos da infancia están comprometidos, tal e como sinalou a responsable de Incidencia Política da ONG, Aurea Ferreres, quen detallou como se vulneran, entre outros, o dereito a unha vivenda, a un nivel de vida adecuado, á saúde, á educación, á protección fronte á violencia ou ao descanso e o esparcimiento pola falta de investimento e políticas públicas.

"Para nós, pobreza é ver familias de clase media abocadas a graves carencias polo desemprego, uns Servizos Sociais que están absolutamente desbordados, ver familias que dependen de ingresos informales e da familia extensa, ver a crecente desigualdade na sociedade española e a transmisión intergeneracional da mesma", apuntou Soteres.

PUBLICADO O DECRETO DE CONFRARÍAS

O Diario Oficial de Galicia publica hoxe o novo decreto de confrarías que unificará os procesos electorais de todas as confrarías de Galicia e das súas federacións. Este documento permitirá regular o procedemento electoral de todas as entidades, establecendo un calendario de convocatoria de eleccións unificado.

A Xunta ten a obriga legal de unificar os procesos electorais en todas as confrarías de Galicia e concentralas nun mesmo período temporal, tal e como recolle a Lei de Pesca. De aí a elaboración deste novo decreto que permitirá unificar a duración dos mandatos nas confrarías e a representatividade dos cargos electos nos órganos das federacións, acadando así unha mellora na coordinación dos procesos electorais.

Este documento contempla ademais un marco xurídico que lle permitirá ás confrarías e federacións adaptarse aos cambios constantes que se producen no sector, sobre todo no que ten que ver coa xestión dos recursos, co seu ámbito de organización e co funcionamento interno. Ademais permitirá que estes organismos sigan traballando como entidades modernas, solventes e competitivas nun mercado da pesca en constante transformación, sempre baixo a primacía da legalidade, transparencia contable e democracia interna.

Prazos
O novo decreto entrará en vigor no prazo de vinte días contados a partir de mañá. Posteriormente publicarase unha orde que convocará e regulará os procesos electorais. Na convocatoria estableceranse os prazos para o desenvolvemento do proceso electoral. A campaña electoral comezará a partir da proclamación definitiva das candidaturas e rematará ás cero horas do día inmediatamente anterior á data fixada para a votación.

A duración do mandato dos órganos das confrarías de pescadores –xunta xeral, cabido e patrón maior- será de catro anos, podendo ser reelixidos por períodos de igual duración. O prazo empezará a contar dende o día seguinte ao da toma de posesión dos vogais da xunta xeral.

Procedemento electoral
Para garantir a transparencia e legalidade do proceso está a Administración electoral, formada pola xunta electoral, unha comisión electoral e unha mesa para cada confraría.

A xunta electoral é única para toda Galicia e terá a súa sede na Secretaria Xeral Técnica da Consellería do Medio Rural e do Mar. Comporase dun presidente/a, un secretario/a e catro vogais. Entre os seus cometidos destaca o de velar pola correcta coordinación do proceso electoral, vixiar o cumprimento das funcións asignadas ás comisións electorais e resolver as súas consultas, así como resolver as cuestións do proceso electoral.

A comisión electoral de cada confraría estará composta por un presidente/a, un secretario –o da confraría- e tres vogais. Ten entre outras funcións elaborar e aprobar o plan electoral, publicar o censo electoral provisional, aprobar o censo definitivo, preparar o colexio electoral e organizar o material do proceso e velar pola legalidade dos comicios.

Por outra banda, a mesa electoral de cada confraría comporase de presidente –será o patrón maior-, secretario –será o da confraría- e catro vogais. Ten como funcións presidir as votacións, efectuar o escrutinio e velar pola legalidade do sufraxio e resolver as incidencias que se poidan detectar durante as votacións.

MOBILIZACIÓNS CONTRA O TRASLADOS DE PACIENTES

M.P. Pontevedra Viva

Os pontevedreses están convocados a saír á rúa o próximo venres 14 de febreiro para, unha vez máis, defender a sanidade pública. Nesta ocasión, a convocatoria desta manifestación posta en marcha pola Plataforma SOS Sanidade Pública desencadéase con motivo do traslado de pacientes de determinadas especialidades ao Hospital de Santiago en lugar de ao de Vigo, que era onde ata agora se estaban a tratar estes casos.

Durante unha reunión mantida na sede da Federación Castelao en Pontevedra polas forzas vivas da cidade entre as que non faltaron os principais representantes políticos da cidade, o alcalde Miguel Anxo Fernández Lores e o tenente de alcalde Antón Louro, decideuse convocar esta xornada de mobilizacións. Ademais, tamén acudiron representantes sindicais, veciñais e sanitarios que mostraron, unha vez máis, a preocupación pola falta de investimentos nos centros hospitalarios de Pontevedra ao longo dos últimos anos e o temor ante as previsións de privatizar determinados servizos.

Aínda que se convocara en Pontevedra este traslado de pacientes afecta tamén a toda a comarca do Salnés, polo que os veciños desta comarca tamén están convocados a manifestación. Nestres intres non se sabe si será convocada unha manifestación na nosa comarca. Pero non se descarta que se poida convocar.

FERNANDO SALGADO PRESENTA "ELEFANTES Y HORMIGAS" EN CAMBADOS

O xornalista vilagarcián Fernando Salgado, corresponsal do Diario de Pontevedra no Salnés, vai presentar este venres en Cambados o seu primeiro libro, titulado Elefantes y Hormigas. O autor explicará os contidos da súa obra acompañado polo protagonista da historia, Julio Patachiuta, que viviu situacións dun enorme dramatismo dende a infancia na Gran Valaquia, rexión fronteiriza entre Grecia e Turquía, por mor da invasión nazi.

No acto está prevista a presencia do alcalde, Luis Aragunde, da xornalista Montse Fajardo, autora de Matriarcas, e mais do responsable de Prensa do Concello, Benito Leiro. Durante o transcurso da presentación tocará varias pezas o violinista Kevin Patachiuta, fillo do principal protagonista do libro.

As vivencias de Patachiuta son conmovedoras, porque tivo a desgracia de sufrir a invasión xermana do seu país. Sendo un cativo, veu como o exército nacional socialista alemán se levou a súa nai, que nunca apareceu, como matou a seu irmán, e mesmo el estivo a punto de morrer nos campos de concentración nos que foi confinado durante a Segunda Guerra Mundial.

Tras sobrevivir ó Holocausto, Julio deulle un xiro ó seu destino en Bos Aires, onde se dedicou a confección de prendas de pel. O actor principal de Elefantes y Hormigas foi tabaqueiro en prostíbulos italianos, transportista e mariñeiro, e polas súas mans pasaron esmeraldas e obras de arte.

O B.N.G. DENUNCIA UN NOVO VERTEDOIRO ILEGAL EN CASTRELO

O B.N.G. ven de denunciar un novo vertedoiro ilegal en Castrelo concretamente no camiño que hai escasamente un mes o Concello ven de anchear e, en teoría, acondicionar a pista, nas Quintáns (Castrelo), que vai desde as proximidades de Condes de de Albarei ata a Fundación “Manolo Paz”. Que actualmente dita pista encóntrase nun estado  lamentable, moito peor do que estaba antes do arranxo do Concello e  semella que esta imaxe é un convite para que o lugar se convirta nun novo vertedorio ilegal en Cambados, algo que ultimamente ven sendo común no Concello. Así, onte, foi depositada na citada pista unha gran cantidade e variedade de lixo (desde colchóns ata, incluso, papeletas electorais do PP) que debe servir para que o Concello tome nota sobre unha actuación que segue polo mesmo mal camiño polo que naceu; polo que:

o B.N.G. pide polo tanto, que o Concello retire canto antes o lixo depositado na citada pista e tome as medidas necesarias para que este tipo de actuacións deixen de ser tan habituais en Cambados.

DISTINCIÓNS GALLAECIA´2013

O Pazo de Mugartegui acolleu este luns a entrega das Distincións Gallaecia 2013 ás bodegas da Denominación de Orixe Rías Baixas. Foron premiados 26 viños da denominación, cinco máis que na edición anterior. En gran medida corresponden a viños do 2012, aínda que tiveron un peso importante viños do 2010 e 2011, i en menor medida  do 2009 e 2006. Entre os galardonados atópanse tamén seleccións de viños de barrica.

O acto de entrega dos premios contou coa participación da presidenta da Asociación Galega de Sumilleres Gallaecia, Mercés González; o seu homólogo do Consello Regulador da D.O. Rías Baixas, Juan Gil Araujo; e o secretario de Gallaecia, Alberto R. García. Mercés González destacou que a participación en 2013 "foi máis elevada que en edicións anteriores, de modo que a selección fíxose máis complicada porque houbo que subir o corte". Neste sentido, incidió en que "os viños premiados son viños con máis de 85 puntos".

Con respecto ás características dos viños distinguidos, Mercés González describiu que "atopamos viños máis serios, elegantes e estructurados" e valora nesta engada "máis fructosidad con frescura na boca". En síntese, "recupérase este concepto de Rías Baixas Albariño antigo nun ámbito moderno e tecnolóxico, respectando a variedade e as subzonas", comentou González.

A continuación tedes o listado de viños.

Vinos distinguidos

Segrel Ámbar 2012- Bodega Pablo Padín.                                Laureatus 2012- Maria Guadalupe Somoza Cacabelos
Carqueixal 2012 - Bodegas Viña Nora                          Pazo de Señorans Selección de Añada 2006- Pazo de Señorans
Envidiacochina 2011- Adega Familiar Eladio Piñeiro                  Agnusdei 2012 - Bodegas Agnusdei
Valdamor barrica 2010 - Bodegas Valdamor                  Laureatus Dolium 2010 - Maria Guadalupe Somoza Cacabelos
Castro Baroña 2012 - Bodegas y Viñedos Castro Baroña          Pazo Piñeiro 2010 - Adegas Pazo de Lusco
Etra 2012 - Bodegas Eidosela                                                            Baladiña 2011 - Bodegas Lagar de Besada
Valtea 2012 - Vilarvín                                                                             Nora 2012 - Bodegas Viña Nora
Colleita de Martis 2012 - Bodegas Santiago Roma                        Peculio 2010 - Bodegas Eidosela
Fefiñanes III Año 2010 - Bodegas Palacio de Fefiñanes                Bago amarelo 2012 - Adegas Galegas
Veigadares 2011 - Adegas Galegas                                                   Nora de Neve 2010 - Bodegas Viña Nora
Contraparede 2009 - Adegas dos Eidos                                            Quinta Couselo 2009 - Bodega Quinta Couselo
Gran Vinum 2011 - Adegas Gran Vinum                                            Bouza do Rei Selección 2011 - Bodegas Bouza do Rei
Organistrum 2010 - Bodegas Martin Códax                                       Eidosela selección barrica 2009 - Bodegas Eidosela

TOURÍS DEIXA AS CONFRARÍAS E ADÍCASE AO SECTOR AVÍCOLA

Resulta cando menos curioso, o sr. Touris visita duas industrias avicolas, e 

no recorrido entre unha e outra atópase en Campañó o matadero "Avícola de 

Galicia", o segundo mais importante de Galicia que sacrifica máis de 30.000 

aves diarias.

As industrias visitadas son propiedade de destacados dirixentes do PP. O 

matadero "Avícola de Galicia" foi adquerido por capital catalán e a Tourís 

cheiralle a independencia e diso non quere saber nada.

O delegado territorial da Xunta en Pontevedra, José Manuel Cores Tourís, visitou esta mañá a industria “Avícola O’tres S.L.” de Ribadumia, co obxectivo de coñecer a súa actividade, destacando a importancia económica do sector dos produtos avícolas en Galicia, e, en concreto, na provincia de Pontevedra.

 O delegado territorial da Xunta en Pontevedra, José Manuel Cores Tourís, visitou esta mañá a empresa “Lago, Aves, Huevos y Caza S.L.” de Pontevedra, co obxectivo de coñecer a súa actividade, destacando a importancia do sector avícola en Galicia.

Así empezan duas notas de prensa da Xunta de Galicia de hoxe martes. 

Como vedes Cores Tourís deixou de lado por uns intres o reparto de cartos as confrarías da provincia de Pontevedra para visitar duas empresas do sector avícola. Foi recordarlle as empresas que son beneficiarias, xunto con outras da provincia, das axudas que otorgou a Xunta a empresas do sector avícola por valor de 3,6 millóns de euros.

“Estas axudas”, explicou Cores Tourís, "cofinanciadas con fondos europeos Feader, permitiron aportar case 3,6 millóns a 50 empresas da provincia de Pontevedra dos sectores do leite, os produtos ecoloxicos, a madeira, o viño e a carne, como é o caso de *Lago* e *O’tres*".

QUEIMAN TRES FURGONETAS DUNHA PANADERÍA EN CAMBADOS

Efectivos de Protección Civil de Cambados tiveron que sufocar o lume aparecido en varios vehículos aparcados no Concello de Cambados. A alerta foi recibida arredor das 2:15 horas desta madrugada do martes 28 a través de particulares que avisaron ao Servizo de Emerxencias do 112 cando comezaba a arder un dos vehículos na rúa Pays de Doll e, a continuación, outros dous na Avenida de Castrelo.

Un veciño con un extintor logrou sufocar o lume no primeiro dos vehículos incendiados. E minutos despois, saltaba a alarma de que tamén estaban ardendo os outros na Avenida de Castrelo ata onde se desprazaron os efectivos de Protección Civil e tamén os Bombeiros do Salnés.

Os vehículos afectados polas chamas foron tres pequenas furgonetas de transporte pertencentes a unha panadaría cambadesa. Unha das furgonetas sufriu os maiores danos véndose afectada a zona do cableado eléctrico. Na outra furgoneta, queimouse parte dunha roda e a aleta.

A Garda Civil está a investigar as causas destes incendios que, segundo os primeiros indicios, serían provocados. Xunto a un dos vehículos apareceu unha pastilla de arranque de barbacoas.

Non se rexistraron danos persoais.

Fotos tomadas por Protección Civil de Cambados

TODO E POSIBLE EN CAMBADOS. CRÓNICA DUN ENCHUFE

Dias atrás  "Alza la voz Cambados"  publicaba a nova de que o Concello, concretamente o "noso" Alcalde quería agradecer os "servizos" prestados a un blogger con un posto de traballo relacionado coa calamitosa e custosísima (para o contido que ten) web oficial do Concello de Cambados. 

De ser certa a nova, nos creemos que ten máis de verdade que de falsa (pois acusar de dito "teje maneje" sen probas e como tirarse dun avión sen paracaídas), sería a primeira vez que se descubre un "chachullo" destas características no  noso Concello antes de que ocurra pois a posteriori todos sabemos dalgún

. 

O problema que se lle presenta a Luís Aragunde é difícil de resolver. En primeiro lugar unha das opcións que pode barallar na sua cabeza é a de non facer algo do que se lle acusa para desprestixiar ao blog que publica a nova. Outra opción é a de convocar a plaza pero cos requisitos tan ben apuntalados que so os cumpra a persoa a quen vai dirixida a convocatoria. Unha terceira sería a de contratar por breves periodos a esa persoa, contrato vai, contrato ven, como xa ten feito e outras ocasións. 
A derradeira opción é a de non facer nada e deixar que pase o tempo para voltar a retomar a idea dentro dun tempo, e así calmar a opinión pública polo de agora.

COMO BEN SABEDES, TODO E POSIBLE EN CAMBADOS.