MANIFESTACIÓN CONTRA A ANTENA DOS CAEIROS

Un grupo de veciños da rúa os Caeiros iniciaron unha recollida de firmas e convocan unha concentración para o vindeiro mércores, ás 19 horas ante a Casa Consistorial. 
O obxectivo é que a empresa Orange retire o proxecto de instalación dunha antena de telefonía e internet, que agora mesmo atópase paralizado no Concello á espera de informes técnicos e xurídicos sobre a licenza de obra solicitada. 
A compañía de telefonía está á espera de recibir a licenza municipal, un trámite que espera superar sen problemas pois afirma que a instalación cumpre con todos os requisitos legais.

Fátima Abal, reuniuse onte cunha vintena de cambadeses contrarios á instalación da antena polos efectos que sobre a saúde poida ter. A alcaldesa está cos veciños pero, "no caso de que a obra obteña os informes técnicos favorables, o Concello deberalle conceder a licenza", sinalou a alcaldesa. E é que existe preocupación porque se colocará cerca do IES Francisco Asorey e a alarma chegou mesmo aos pais do CEIP San Tomé, así como ás garderías desta zona e a escola da Pastora. 

VISITA A SANTIAGO DE ALUMNOS DO ASOREY

O vindeiro martes, 05 de abril de 2016 os alumnos de 1º Curso de CS Admon. e Finanzas, CS Instalacións de Telecomunicacións e CM Sistemas Electrónicos farán unha visita cultural a Santiago de Compostela.

Os alumnos visitarán:

*O MUPEGA (museo pedagóxico de Galicia)
*A Catedral (cubertas e museo)

Os alumnos entregarán  a cantidade de 10 € xunto coa autorización: 5 € en 

concepto de axuda ao pago do transporte e outros 5 € para a visita á Catedral 

(cubertas e museo).

VIII GALA DE IMAGEN FEGAS 2015

SEMANA DA CIENCIA NO INSTITUTO ASOREY

SEMANA DA CIENCIA 2014

A Asemblea Xeral da ONU acordou declarar o 2014 como Ano Internacional da Agricultura Familiar, unha iniciativa promovida polo Foro Rural Mundial e respaldada por máis de 360 organizacións civís e campesiñas de todos os continentes.

Esta celebración pretende promover políticas activas a favor do desenvolvemento sostible dos sistemas agrarios basados na unidade familiar campesiña, comunal, indíxena, cooperativa, e pesqueira. Pretende ademais loitar de forma eficaz contra a pobreza e a fame e buscar un medio rural basado no respecto polo medio ambiente e a biodiversidade. Tamén busca facer que aumente a visibilidade da agricultura familiar e a agricultura a pequena escala e centrar a atención mundial sobre o seu importante papel na loita pola erradicación da fame e da pobreza, a seguridade alimentaria e a nutrición, para mellorar os medios de vida, a xestión dos recursos naturais, a protección do medio ambiente e un desenvolvemento sostible das zonas rurais.

Unha das metas é conseguir que este tipo de agricultura se reposicione como centro de interese das políticas dos países, promovendo medidas de apoio e colaboración aos pequenos produtores (comercialización, acceso a financiación, formación e tecnoloxía, distribución da terra...)

Considérase AGRICULTURA FAMILIAR as actividades relacionadas coa produción agrícola, forestal, pastoril, acuícola... xestionadas  por unha familia e que dependen fundamentalmente da man de obra familiar. Esta é unha das formas de producir alimentos predominante tanto en paises desenvolvidos como sen desenvolver.

Centrándonos en Galicia, este tipo de actividade segue ocupando a un sector importante da poboación, que produce alimentos de moi alta calidade e que nos últimos tempos atopou moitas dificultades para facer rendible o seu traballo, o que levou ao abandono do rural e de moitas explotacións.

Como en anos anteriores o noso centro súmase a este evento realizando unha serie de actividades conmemorativas na SEMANA DA CIENCIA que se celebrará entre os días 10 e 14 de novembro organizadas polos Departamentos de Bioloxía e Xeoloxía e Física e Química.    

ACTIVIDADES:

OBRADOIROS:

Aproveitamentos vexetais

Manuel Domínguez (Ventos-Estudos Ambientais)

12 e 13 de novembro

(Alumnado 1º E 2º ESO)

CHARCAS CON VIDA, en colaboración con ADEGA

Construción da charca do patio do IES Asorey

(alumnado 3º ESO)

CONFERENCIA:

A conservación do medio natural, tarefa común. O MEDIO NATURAL RURAL E URBANO

Juan José Casares Long, catedrático de Enxeñaría Química e ex reitor da USC

Anxo Rodríguez López, investigador en formación no departamento de Enxeñaría Química da USC

(4º ESO e 1º Bacharelato)

EXPOSICIÓN

A agricultura. Cultivos en Galicia e no mundo.

Elaborada por profesorado e alumnado do centro

Do 10 ao 21 de novembro.

ADÍASE O PROXECTO CHARCAS CON VIDA NO I.E.S. ASOREY

Por mor das condicións climáticas adversas, temos que comunicar que suspendese ata a videira semana a actividade que se ía a desenrolar no Instituto Asorey de Cambados eda que lles informamos este pasado luns. Orixinariamente estaba plantexárase  para o martes, adiouse ata o xoves, pero finalmente houbo que deixala en suspenso sen data.
A actividade desenrolada por Charcas con Vida construirá dúas novas charcas en Cambados. Desta volta os participantes serán as alumnas e alumnos do IES Francisco Asorey.  O alumnado acabará de acondicionar as dúas charcas para que na época de chuvia manteñan unha boa lámina de auga e sexan o hábitat para multitude de especies.

OS PEQUENOS HUMEDAIS A ESTUDO NO INST. ASOREY DE CAMBADOS

Este xoves 9 de outubro Charcas con Vida construirá dúas novas charcas en Cambados. Desta volta os participantes serán as alumnas e alumnos do IES Francisco Asorey. O instituto xa conta no seu interior cunha pequena charca construída no ano 1997. Xa daquela o profesorado coñecía o importante valor didáctico dos pequenos humidais.

Aproveitando unha zona de asolagamento que existe no terreo do centro, fixéronse dous buratos con axuda dunha pala. O martes o alumnado acabará de acondicionar as dúas charcas para que na época de chuvia manteñan unha boa lámina de auga e sexan o hábitat para multitude de especies.

As charcas son ecosistemas pequenos pero moi importantes xa que albergan unha grande cantidade de organismos, moitas veces raros ou específicos destes lugares. Existen  animais que empregan as charcas para alimentarse, reproducirse ou realizar unha parte do ciclo vital. Outras formas de vida como algunhas plantas específicas viven sempre en lugares encharcados.

Ademais as charcas en centros educativos son un laboratorio perfecto para que o alumnado comprobe mediante experimentos e mostraxes, procesos como a colonización deste hábitat por diferentes organismos  ao longo do tempo, ou a metamorfose de varios organismos.

Nesta actividade participarán 3 grupos de 1º de ESO. Primeiramente os grupo recibirán unha sesión informativa sobre a importancia e ameazas das charcas, e a seguir realizarán os traballos no lugar das charcas para deixalas listas e esperar as chuvias.

ADEGA coordina o proxecto Charcas con Vida que dende 2013 leva creado e recuperado numerosas charcas por todo o territorio galego, mobilizando neste proxecto a máis de 1000 persoas. Neste ano Charcas con Vida conta coa colaboración da Consellería de Medio Ambiente, Territorio e Infraestruturas.

XORNADAS DE ELECTRÓNICA I ELECTRICIDADE 2014 NO INST. ASOREY DE CAMBADOS

Mañán martes 9 e mércores 10 de setembro vanse a celebrar no IES Francisco Asorey de Cambados as Xornadas de electricidade e electrónica 2014. Estas “Xornadas” van destinadas aos docentes galegos de formación profesional que imparten ciclos da familia profesional de electricidade e electrónica. En total  uns cincocentos profesionais entre centros públicos e concertados. Hai uns cen profeores/as inscritos, aínda que esperan que asistan entre 70 e 80 profesores/as.
Os ciclos que imparten son:
• Electrónica
◦ CM09001 Equipos electrónicos de consumo
◦ CSELE02 Sistemas de telecomunicacións e informáticos 
◦ CSELE04 Mantemento electrónico
• Electricidade
◦ CMELE02 Instalacións de telecomunicacións
◦ CMELE01 Instalacións eléctricas e automática 
◦ CSELE03 Automatización e robótica industrial
◦ CSELE01 Sistemas electrotécnicos e automatizado
• Mantemento e servizos á produción◦ CMIMA01 Instalacións frigoríficas e de climatización
◦ CMIMA03 Mantemento electromecánico
◦ CSIMA03 Mecatrónica industria
Estas son as 5ª Xornadas que celebramos. Comezamos en Vigo no ano 2010, Santiago 2011, Coruña 2012, Pontevedra 2013 e este ano celebrámolas en Cambados.

Os obxectivos destes encontros son:
1. Establecer un marco de encontro anual para fomentar sobre todo a 
colaboración, intercambio e a difusión de experiencias profesionais.
2. Fomentar a participación activa do profesorado a través dunha asociación 
de carácter profesional para que serva de interlocutor e canalice as 
necesidades profesionais; e que serva tamén como interlocutor coas 
empresas e a administración para mellorar a calidade da ensinanza.
3. Manter unha necesaria actualización técnica e didáctica actualizando os 
coñecementos desta temática.

4. Establecer canles de comunicación entre os centros educativos e empresas 
que fomente a súa colaboración.
Toda a información sobre estas xornadas está dispoñible na seguinte dirección 
WEB: http://goo.gl/X0OVt4

O I.E.S. ASOREY NECESITA DE TODOS NOS PARA O CONCURSO EUROESCOLA

O I.E.S. Francisco Asorey de Cambados, da conta da sua participación no Concurso EUROESCOLA e convida a todos a visitar o blog co que participan en dito concurso.

"Queridos compas, entramos na fase final de Euroscola, que remata o 10 de abril, precisamos difusión entre alumnado, pais, nais e profesorado, temos un blog xa activo que iremos mellorando, a máis visitas, máis posibilidades de gañar, por favor visitádenos e animade ao alumnado a facelo tamén (especialmente titores)"


Para ver o seu blog pica aquí

SEMANA DE EUROPA NO I.E.S. ASOREY

• O IES Francisco Asorey volve a presentarse este ano á edición de EUROSCOLA 2014, concurso organizado pola oficina do Parlamento Europeo en España. O concurso consiste en realizar un test con preguntas sobre a Unión Europea que deben ser preparadas na aula cos materiais que facilita a organización e tamén desenvolver e dar a máxima difusión posible a unha iniciativa orixinal e que teña que ver coa Unión Europea. Preséntanse un grupo de alumnos e alumnas de 1º de bacharelato dirixidos por unha profesora. A iniciativa que desenvolven este ano vai en torno a difundir entre a comunidade escolar (país, nais, profesorado, alumnado…) a importancia que ten o Parlamento Europeo, única institución europea elixida directamente pola cidadanía, e tamén neste ano de eleccións animar á xente a participar nelas porque é moito o que nos xogamos. Deseñáronse varias actividades e as principais concéntranse na Semana de Europa, do 10 ao 14 de marzo,

MARTES: INAUGURACIÓN DUNHA EXPOSICIÓN SOBRE O MURO DE BERLÍN

Cúmprense no 2014, 25 anos da caída deste símbolo da división de Europa e  fito fundamental na historia recente europea. Montraranse fotos, documentos e unha réplica en cartón do muro con graffittis incluídos.

MÉRCORES: Un stand atendido polo alumnado na praza do Concello de Cambados (día de mercado) dará aos veciños que se acheguen, información sobre a Unión Europea e as novas funcións do Parlamento europeo e as vindeiras eleccións de maio. Montaremos un mini-plató no que os viandantes que se animen expresarán a súa opinión sobre a UE, estas quedarán gravadas nun video que logo montaremos e divulgaremos.

XOVES: PARTIDO POR EUROPA

Dous equipos de alumn@s xogarán un partido de baloncesto. Os equipos serán: EUROPA, e CRISE. Os xogadores de EUROPA levarán os dorsais: MEDIO AMBIENTE, ENERXÍAS  LIMPAS, SALARIOS DIGNOS, EDUCACIÓN, INVESTIGACIÓN… o equipo da CRISE levará os dorsais: PARO, BAIXOS SALARIOS, CONTAMINACIÓN, EMPREGO PRECARIO, DESIGUALDADE…

QUEN GAÑARÁ?

VENRES: MESA REDONDA CON REPRESENTANTES DAS PRINCIPAIS FORZAS POLÍTICAS.

TEMAS PRIORITARIOS A TRATAR:  Para que sirve a UE?, A Europa que queremos e por que é importante votar nas eleccións de maio?

TAMÉN PODEDES SEGUILOS A PARTIR DO 24 DE MARZO NO BLOG:

http://europewewant.blogspot.com.es/

E NAS CONTAS DE FACEBOOK

https://www.facebook.com/ies.euroasorey?fref=ts

E TWITTER:

https://twitter.com/Euroasorey

UN NOVO PREMIO PARA O I.E.S ASOREY

Os alumnos do IES Francisco Asorey, participan no concurso de robótica e volven a gañar un premio.

A Institución Galega da Ciencia  (IGACIENCIA), en colaboración coa Fundación Barrié, organiza cada ano na Coruña o  Concurso Galego de Robótica. Este ano celebrouse  do luns 10 de febreiro ao venres 14 de febreiro, a sexta edición que levaba por título A Maxia da Robótica, no cal participaron preto de 1.200 alumnos e 64 profesores de 32 centros educativos de toda Galicia e que tivo lugar na sede da Fundación Barrié (Cantón Grande, 9). A actividade está dirixida a educación secundaria e terceiro ciclo de educación primaria.

O pasado 11 de Febreiro, alumnos de 3ºESO, 4º ESO e 1º de BACH participaron no VI concurso galego de robótica na sede da Fundación Barrié na Coruña organizado por Igaciencia e Fundación Barrié.

Este ano obtiveron de novo un premio o 3º, o ano pasado acadaran o 1º.

Trátase unha actividade do departamento de tecnoloxía do Instituto moi motivadora, onde os alumnos teñen que programar os robots e superar unha serie de probas ou desafíos. Para acadar unha determianda puntuación.

 

Os rapaces do I.E.S Asorey participantes foron:

Santiago Escudeiro Vázquez
Marcos Daporta González
Ariadna Cordal
Javier Estévez
Javier Carou Trigo

Profesor Ricardo Paredes.

Noraboa a todos eles.

O INSTITUTO "ASOREY" DE CAMBADOS INICIA "O MAR E CAMBADOS"

CONTRATO-PROGRAMA: PLAN PARA ACADAR A EXCELENCIA EDUCATIVA

Mañá iniciase a nova edición do Plan de Excelencia do IES Francisco Asorey. Este curso comezarán a desenvolver unha nova temática  centrada no mundo  do mar (título: “O Mar en Cambados”), por ser este un campo de coñecemento próximo á realidade de calquera alumno/a dunha vila costeira coma a nosa e, ademais, un campo de coñecemento dunha enorme proxección en diversas áreas de investigación. Porque nesta ocasión o plantexamento deste programa faise en función da realización de diferentes proxectos de investigación que poidan ser  desenvolvidos por grupos de alumnos/as dos diferentes niveis seleccionados (2º, 3º, e 4º ESO).

O plantexamento de traballo consiste en que o alumnado  percorra un proceso de investigación continuo que se inicie cunha primeira fase de  formación,  procura de información e recollida de datos; siga cunha segunda fase onde se manexen os datos e se estruture o formato de tratamento da información e, finalmente, un proceso de presentación de resultados. En todas as fases de traballo será imprescindible e prioritaria a utilización de recursos TIC, de xeito que o alumnado participante aprenda a obter o máximo rendemento das novas tecnoloxías aplicadas as actividades de investigación. Farase, especialmente, fincapé na diversidade  de formatos para presentar os resultados dun proceso de investigación.

O alumnado participante neste novo proxecto iniciará mañá a súa andaina realizando unha visita ao banco marisqueiro do Serrido (de 9:30 a 12:30 horas) que será obxecto de estudo. Na visita irán acompañados por un técnico da confraría e  por profesorado da rama de ciencias (Bioloxía e Física e Química) que teñen planificada unha recollida de mostras que permita caracterizar este importante ecosistema e coñecelo en profundidade co posterior traballo de laboratorio.

O traballo, en torno a esta temática completarase ao longo dos seguintes meses coa participación de profesorado dos departamentos de música, inglés, xeografía e historia, tecnoloxía e informática.