UN XOGADOR DO CAMBADOS T.M. 5º DO MUNDO

O padeeiro paralímpico español José Manuel Ruiz que pertence ao Cambados T.M., ascendeu ata o quinto posto no ranking mundial da súa categoría (clase 10), o que lle permitiría acudir de forma directa aos Xogos de Tokio 2020, obxectivo que se marca para converterse no primeiro paralímpico español que participa en sete Xogos Olímpicos. Ruiz escalou cinco postos na clasificación mundial grazas aos resultados cultivados no Open Spanish Costa Brava, onde logrou dúas medallas de ouro, unha individual e outra por equipos. Se agora pechásese a clasificación para Tokio 2020, o padeeiro granadino tería a clasificación directa para os seus sétimos xogos paralímpicos, algo que non logrou ningún outro deportista español.

Ademais de estar entre os cinco primeiros do ranking mundial cando se produza o corte para acudir aos Xogos, as outras vías para clasificarse son lograr o título continental, alcanzar unha praza no torneo preolímpico ou conseguir unha invitación da organización. Ruiz, que foi o abanderado de España nos pasados Xogos Río de Janeiro 2016, prepara actualmente xunto a outros xogadores e técnicos da Real Federación Española de Tenis de Mesa a súa participación no Open de Eslovenia, que se disputa en maio e onde buscará puntos para colocarse o máis alto posible no ranking mundial. Ademais, o padeeiro granadino está inmerso en lograr a permanencia na Superdivisión, máxima categoría do tenis de mesa nacional, co Cambados TM, club ao que pertence.

O CAMBADOS TM RECIBIRÁ A VINDEIRA SEMANA UNHA SUBVENCIÓN DA DEPUTACIÓN COMO CLUBE DE ELITE

A Deputación de Pontevedra vén de poñer en marcha os convenios programados cos que cada ano colabora cos clubs de elite da provincia, que neste 2019 chegan a un total de 16 entidades cun investimento total de 726.500 euros, e que este ano incrementan os seus recursos para o deporte feminino e o deporte adaptado.

Hoxe martes foron entregadas as resolucións aos primeiros once clubs deportivos que completaron a documentación para pechar ás axudas: Club Balonmán Porriño, Club Balonmán Cangas, Club Ciclista Rías Baixas, Club Deportivo Supermercados Froiz, Club Deportivo Vilagarcía Tenis de Mesa, Agrupación Deportiva Vincios, Coruxo Club de Fútbol, Club Rápido de Bouzas, Club Poio Fútbol Sala e Club Amfiv.

Tamén disporá de convenio o Tenis de Mesa Monteporreiro, de Pontevedra, que por primeira vez se incorpora a estas achegas tras conseguir o pasado ano o ascenso á Superdivisión Masculina. É o mesmo caso que o Club Cambados de Tenis de Mesa que ascendeu á máxima categoría e tamén estréase nestas axudas programadas e anuais da institución provincial. Precisamente o Cambados recibirá a súa resolución a próxima semana xunto á Sociedad Gimnástica de Atletismo de Pontevedra, o Atlético Guardés, a Sociedade Deportiva Teucro e o Pontevedra Club de Fútbol.

O CAMBADOS TENIS DE MESA SAE DO DESCENSO

O Cambados T.M. vence por 4-0 a Borges Grup Vall. O Comité de Competición da Real Federación Española de Tenis de Mesa dálle o triunfo aos cambadeses tras a incomparecencia do equipo catalán no Pavillón Municipal do Pombal.

A Xuíza Única de Competición da Real Federación Española de Tenis de Mesa, Manuela Selecto Cadrado, ditara o pasado 26 de febreiro unha providencia de incoación do expediente que, salvo sorpresa, acabaría outorgándolle ao Cambados T.M. os 2 puntos en xogo no partido de Liga de Superdivisión que debería disputar na mañá do pasado domingo 24 do mesmo mes co terceiro clasificado, o Borges Grup Vall. Ningún dos tres xogadores cos que pretendía competir o conxunto catalán apareceron no Pavillón Municipal de O Pombal. O motivo? Un suposto atraso nun voo, segundo informaron desde o Borges Grup Vall.

O CAMBADOS T.M. COMEZA HOXE A SÚA PARTICIPACIÓN NA COPA DO REY E NOS CAMPIONATO DE ESPAÑA ABSOLUTO

O equipo cambadés comeza hoxe a sua participación na Copa do Rey e no Campionato de España.
O Cambados TM Fundación Deporte Galego desprazábase no dia de onte a Guadalaxara para disputar o Campionato de España absoluto e a Copa do Rey. O equipo despraza aos xogadores Fernando Padin, Javier Soria e Jose Manuel Ruiz que disputarán desde o mércores ao venres o Campionato de España de individual e dobres e do sabado ao domingo a Copa do Rey.

O Cambados Tenis de Mesa coñece xa os seus rivais na Copa do Rey. A competición estará composta por catro grupos de catro equipos, onde os primeiros clasificados avanzarán directamente a semifinais. Pola súa banda, os equipos que queden en segunda posición loitarán polos postos 5-8, os terceiros clasificados pelexarán polas posicións 9-12, e os cuartos loitarán polos postos do 13-16. Real Cajasur Priego TM, AD Vincios, CTM Móstoles e Marpex Beraun Errentería compoñerán o grupo 1; Arteal TM, CTM San Sebastián de los Reyes, Quadis Centre Natació Mataró e Fundación Cajasol Hispalis B están situados no grupo 2; Borges Grup Vall, Universidade de Burgos TPF, Visit Pontevedra e AD Collado Mediano loitarán no grupo 3; Irún Leka Enea, Fundación Cajasol Hispalis, Cambados TM e Tranvía de Murcia TM completan o cadro masculino no grupo 4. Este ano o Campionato de España Absoluto estará composto polas probas individuais e dobres e, a novidade en 2019, dobres mixtos. Os cadros finais das probas de dobres e dobres mixtos xa foron sorteados. Non se sortearon os cadros finais das probas individuais. Estes sorteos realizaranse nas instalacións de xogo en Guadalaxara, avisando coa suficiente antelación do seu lugar e a súa data.
SORTEO PROVISIONAL Y HORARIOS DETALLADOS

NORMATIVA CAMPEONATOS DE ESPAÑA 2019

DISTRIBUCIÓN DE FECHAS

OUTRO EMPATE MÁIS DO CAMBADOS T.M. PARA MANTER VIVA A ESPERANZA DA SALVACIÓN

En Cambados produciuse o segundo empate da xornada. Cambados TM e San Sebastián de los Reyes empataron a tres nun partido sen un dominador claro. O Cambados TM Fundación Deporte Galego empatou 3-3 este domingo no Pombal na 18ª xornada de liga de Superdivisión ante o San Sebastián de los Reyes. Tan igualado foi o choque que empataron a puntos (227) e o Cambados T.M. so sumou un xogo máis que o seu rival (13-12).

Polos cambadeses formaron Jose Manuel Ruiz(2) vencendo a Ramón Echanove e Rafael Das Heras, Fernando Padin(0) cedendo ante Rafael Das Heras e Takumi Ichinose e Javier Soria(1) cedendo ante Takumi Ichinose e vencendo a Ramón Echanove.

Con este novo empate o Cambados T.M. mantense igualado a puntos con Vilagarcía e Monteporreiro ocupando plaza de descenso xunto os pontevedreses e agardando a resolución do Comité de Competición sobre o partido de hai duas xornadas na que non se presentou o equipo contrario o Borges Grup Vall.

NOVO EMPATE DO CAMBADOS TENIS DE MESA, ONTE EN VILAGARCÍA

Vilagarcía Tenis de Mesa e Cambados Tenis de Mesa concluíron cun empate a xornada. Nigeruk e Cabezas adiantaron ao cadro local, mentres que Shaposhnikov, Liang e Padín reaccionaron remontando o duelo (2-3), pero Reiner Cabezas superou a Shaposhnikov para selar o duelo cun empate a tres.

Polos cambadeses formaron Qiu Liang(1) cedendo ante Renier Cabezas e vencendo a Nigeruk, Fernando Padin(1) cedendo ante Nigeruk e vencendo a Pedro Castro e Stepan Shaposhnikov(1) vencendo a Pedro Castro e cedendo ante Cabezas. Mal resultado para os cambadeses que deixaron escapar unha boa oportunidade de conseguir a vitoria. Deixando escapar varias vantaxes durante o partido como a vantaxe inicial de 2-0 de Fernando ante Nigeruk e de Shaposhnikov ante Cabezas no ultimo partido asi como a inesperada derrota de Liang ante Cabezas que fixo que só se puidese conseguir o empate.

Con este empate o clube cambadés sigue fora do descenso e cun partido menos.

Info e imaxe: Cambados Tenis de Mesa

PARTIDO DE RIVALIDADE COMARCAL NA SUPERDIVISIÓN DE TENIS DE MESA

A décima xornada da Superdivisión Masculina de Tenis de Mesa preséntase con cinco partidos programados.
Para o Cambados T.M. será o noveno partido tralo aplazamento da semana pasada polos compromisos europeos do seu rival.
O partido correspondente á 9ª xornada de liga de super división que se tiña que disputar o pasado domingo no Pombal queda aprazado pola participación de Irun Leka Enea na ETTU ata xaneiro. Este domingo 16, ás 11:00 horas, no pavillón Castelao de Vilagarcía acollerá un dos encontros da xornada, Vilagarcía Tenis de Mesa recibirá a Cambados Tenis de Mesa, nun novo derbi galego. Un partido para escapar da parte baixa da táboa na que se atopan os equipos arousáns.

TRES CLUBES CAMBADESES RECIBEN SUVBENCIÓNS PARA AS SUAS ACTIVIDADES

A Deputación de Pontevedra ven de publicar as subvencións concedidas e non concedidas polo Servizo de Deportes da Deputación Provincial, para asociacións e clubs deportivos sen ánimo de lucro para actividades deportivas ano 2018, aprobadas por Xunta de Goberno na súa sesión ordinaria do día 30 de novembro de 2018.

Tres clubes cambadeses lograron acadar subvencións para torneos ou competicións dos que eran organizadores.
A ASOCIACIÓN DEPORTIVA GRAND JETE, o CLUB CAMBADOS TENIS DE MESA e o CLUB DE PESCA AS JORITAS acadaron unhas subvencións de 1.967,72 €, 1.580,54 € e 1.000,00 € respectivamente.

DERROTA CONTUNDENTE DO CAMBADOS T.M.

Pola vía rápida como se dí normalmente cando un equipo pasa por riba doutro.

Este foi o caso do partido que "enfrontou" onte no Pombal ao Cambados Tenis de Mesa co Arteal Santiago.
Nada puideron facer Stepan Shaposhnikov, Fernando Padin e Javier Soria ante o equipo rival que demostrou en Cambados a súa superioridade e porque ocupa o primeiro posto na liga.

Un so xogo foron capaces de alcanzar os locais ante un líder que amosou a sua superioridade desde o primeiro momento.

Con esta derrota o Cambados TM volve a postos de descenso pero moi igualados cos seus predecesores. A liga está marcada pola igualdade tanto polo título como polo descenso con catro equipos en 2 puntos.
O Arteal TM continúa con 13 puntos á fronte de axustada clasificación, que ten a cinco equipos na loita polo liderado.

A vindeira semana Cambados TM xoga de novo no Pombal esta vez ante Irún, un equipo que so perdeu un partido.

PREVIA DO PARTIDO DO CAMBADOS T.M. ANTE O L.IDER

A Superdivisión Masculina de Tenis de Mesa disputa esta fin de semana a súa oitava xornada de competición con seis partidos programados. O domingo ás 10:30 horas no Pavillón do Pombal, Cambados Tenis de Mesa recibirá ao actual líder da competición, Arteal TM no duelo galego da xornada.
Mal rival para que o Cambados T.M. tente acadar a primeira vitoraia da tempada.
Pero si este equipo foi quen de remontar un 3 a 0 en contra pode conseguir a que sería a primeira vitoria na máxima categoría do tenis de mesa nacional.

Sorte!!! e agardemos que acudan moitos siareiros a este encontro.

NOVO EMPATE DO CAMBADOS TENIS DE MESA NUNHA REMONTADA ÉPICA

A visita do Cambados Tenis de Mesa a San Sebastián de los Reyes pechaba a xornada de competición na Superdivisión Masculina de Tenis de Mesa.
San Sebastián de los Reyes e Cambados Tenis de Mesa concluíron a sétima xornada con máxima igualdade, empatando o último duelo. Ichinose, Casares e Das Heras adiantaron 3-0 ao equipo madrileño, mentres que Liang, Shaposhnikov e Soria lograron empatar o duelo. Polos cambadeses formaron Qiu Liang(1) cedendo ante Takumi Ichinose e vencendo a Rafael Casares, Stepan Shaposhnikov(1) cedendo ante Rafael Das Heras e vencendo a Takumi Ichinose e Javier Soria(1) cedendo ante Rafael Casares e vencendo a Rafael Das Heras.
Igualdade máxima como se demostra no axustado dos marcadores parciais. Todos foron a 4 puntos e os dous que deron o empate a Cambados chegaron a 5.

Con este resultado o Cambados TM deixa por debaixo ao clube madrileño que ten un partido menos.

O CAMBADOS T.M. EMPATA E SAE DE POSTOS DE DESCENSO

Esta mañá, Cambados Tenis de Mesa recibía á Fundación Cajasol Hispalis co obxectivo de estrear o marcador de vitorias ante o seu público, mentres que os sevillanos buscaban o triunfo para entrar en postos europeos.

Traballado e meritorio empate do Cambados T.M. ante un dos galos da categoría e sobre todo despois de porse os andaluces cun 0-2 a favor despois das duas primeiras partidas.
Arputharaj e Chaves adiantaron ao equipo andaluz, mentres que Padin e Liang igualaron o encontro. Finalmente, Arputharaj deu o terceiro punto ao cadro sevillano, mentres que Shaposhnikov logrou un novo punto para o equipo local, tras gañar a Chimbartsev por 3-2.

O Fundación Cajasol Híspalis formou co indio Anthony Arputharaj, o ruso Vladislav Chimbartsev e o sevillano Antonio Chaves Benjumea. No cadro local aliñou ao seu trío titular, co chinés Qiu Liang, o ruso Stepan Shaposhnikov e o local Fernando Padín.

Con este empate o equipo local sae do descenso momentáneamente.

DERROTA AXUSTADA DO CAMBADOS T.M. EN CATALUÑA

Vitoria traballada do CTT Borges Grupo Vall no Centro de Tecnificación das Borges Blanques ante o Cambados Tenis de Mesa polo resultado de 4 a 2. 

O Borges comezaba cun 2 a 0 de vantaxe no marcador xeral con dúas vitorias claras de Marc Duran e Oriol Monzó ante, Stepan Shaposhnikov e José Manuel Ruíz Reyes os seus respectivos rivais. A partir de aí o equipo galego foi quen de
empatar o encontro coa vitoria do seu xogador chinés Qiu Liang ante Joan Masip por 3-1, e o xogador ruso Stepan Shaposhnikov por un axustado 3-2 ante Monzó. No 5º partido enfrontaban Marc Duran por Borges e Qiu Liang por Cambados no que foi o partido máis espectacular do encontro. Marc Duran levou a vitoria por 3-2 asegurando o empate e deixando a oportunidade a Joan Masip para sentenciar o partido. Masip non perdoou ante Ruiz gañando por un claro 3 a 0 e deixando o marcador co resultado final de 4 a 2.

O CAMBADOS TENIS DE MESA XOGA HOXE NA PROCURA DA PRIMEIRA VICTORIA

A máxima categoría masculina de tenis de mesa nacional volve á escena, despois do descanso para a disputa dos torneos Zonales de 2018. 

Este fin de semana xogaranse os seis partidos programados da quinta xornada e un partido aprazado da cuarta.

A quinta xornada comezará este venres 9 ás 19:00 hrs coa visita do Cambados Tenis de Mesa ao Borges Grup Vall, onde os anfitrións buscarán retomar o camiño da vitoria mentres os visitantes pelexarán polo seu primeiro triunfo na categoría. No Cambados T.M. destaca o debut da liga do granadino Jose Manuel Ruiz comeza a sua participación na Superdivisión tras participar nos Campionatos Paralímpicos de Europa.

O CAMBADOS TM PERDE DE MANEIRA AXUSTADA NO POMBAL

A máxima categoría masculina do tenis de mesa español aperta a súa loita polo título tras a disputa da cuarta xornada, onde se desenvolveron catro dos seis partidos pertencentes a xornada. Os dous partidos restantes atópanse previstos para a súa disputa no próximo mes de novembro. O CERL Escala gañou no Pavillón de O Pombal ao Cambados TM, por apretado 2-4.
Un duro partido de mais de 4 horas de duración con parciais moi igualados que puideron decantar o partido para calquera lado.

Qiu Liang logrou o primeiro punto ao vencer a Kirill Shvets por 3-2.

Logo nin Fernando Padín nin Stefan Shaposhnikoy forn capaces de vencer a Sergui Grau e Diogo dos Santos (1-3 e 2-3 respectivamente). O cuarto punto e que lle dou vida aos locais consigueuno de novo Liang que venceu a Grau por 3 a 1. O quinto punto gañouno Shvets ante Stefan por 3-1 despois de que o local vencera o primeiro parcial. No sexto e definitivo xogo Padín tentouno pero sucumbeu ante Dos Santos por un xusto 2 a 3.
Con este resultado O Cambados T.M. é colista pero nada está dito nesta liga.

O XUVEN CAMBADOS RECIBE 35.000 EUROS PARA SANEAR A SÚA ECONOMÍA

O pasado venres  o DOG da Xunta de Galicia fixo oficiais os acordos de Patrocinio da Fundación Deporte Galego.
Todos os convenios formalizados no segundo cuadrimestre son convenios de patrocinio no marco do Plan de patrocinio publicitario dos equipos de alta competición de Galicia (exercicio 2018) pola súa participación en diferentes competicións, así como pola organización de actividades neste ano 2018.

Polo que respecta ao deporte cambadés son dúas as entidades as que lles foron concedidas axudas.  Por unha parte o Club Xuventude Baloncesto que percibirá a cantidade de 35.631,12 euros que axudarán a paliar a sua maltreita economía tralo seu paso pola terceira categoría do baloncesto nacional.
Por outra banda o Club Cambados Tenis de Mesa percibirá 6.843,29 euros para competires na máxima categoría do tenis de mesa nacional.

UN XOGADOR DO CAMBADOS TM XOGARÁ O SEU TERCEIRO MUNDIAL DA ESPECIALIDADE

O XOGADOR DO CAMBADOS ASPIRA A SUMAR A SÚA DÉCIMA MEDALLA NUN MUNDIAL -Terceira cita mundialista para Ruiz -O padeeiro accitano inicia mañá a súa participación na localidade eslovena de Celje O granadino Jose Manuel Ruiz viaxou a Celje (Eslovenia), onde mañá comezará a disputa do Campionato do Mundo individual de tenis de mesa clase 10 no que aspira a sumar a súa décima medalla mundialista. En Celje participarán os dezaoito mellores padeeiros de cada clase clasificados por ránking, que se enfrontan inicialmente en grupos de tres, para determinar a clasificación do cadro final. Ruiz, que ocupa o noveno posto no ranking, medirase na fase inicial ao cuarto mellor xogador do mundo, o chinés Hao Lian, e ao surafricano Theo Cogill. Ruiz e Lian enfrontouse en encontros individuais en dúas ocasións, cunha vitoria para cada un. O accitano venceu en 2011, mentres que caeu derrotado nos cuartos de final dos Xogos Paralímpicos de Río. Ao seu outro rival, Theo Cogill, só se enfrontaron nunha ocasión, no Open de Bélxica de 2017, con vitoria para o español por 3-1. Este será o sétimo Mundial de José Manuel Ruiz, que xa suma nove medallas mundiais (dous ouros, tres pratas e catro bronces), e proclamouse Campión do Mundo individual en Korea'10 e por equipos en Paris'98. Este Mundial de Celje é importante non só polo título que hai en xogo, senón porque, ademais, é o pistoletazo de saída na carreira para sumar puntos e lograr un bo posto no ránking para clasificarse para os próximos Xogos Paralímpicos de Tokio 2020, que serán os sétimos consecutivos para José Manuel. Por segunda tempada consecutiva, Ruiz é xogador do Cambados TM, que compite na Superdivisión masculina, a máxima categoría do tenis de mesa nacional, tras lograr o ascenso a campaña pasada. A competición arrincou fai un par de semanas, aínda que o padeeiro granadino -único deportista con discapacidade na categoría-, aínda non debutou para preparar adecuadamente este Mundial, e chegará directamente tras a pretemporada e sen ter ese ritmo de partidos que dá a competición.

O CAMBADOS TM NON PUDO CON CAMPIÓN

- El Cajasur Priego sigue intratable en su fortaleza

- Los de Luis Calvo se imponen con rotundidad a un rocoso Cambados

O Cajasur Priego non perdeu o ritmo co que arrasou na tempada pasada e onte logrou o seu primeiro triunfo caseiro da tempada, segundo nos dous partidos de Superdivisión disputados ata a data, ao superar con solvencia ao Cambados (4-0), un cadro galego recentemente ascendido que puxo dificultades pero que terminou rendido ante o campión. Ao equipo que dirixe Luís Calvo non lle afectou a baixa de André Silva, un dos seus mellores padeeiros, e sacou adiante o encontro con Carlos Machado, Alejandro Calvo e Diogo Carvalho como protagonistas. Especialmente brillante estivo o padexeiro luso, que sumou dous puntos para o seu equipo.

O encontro inaugural enfrontou ao luso Diogo Carvalho co cambadés Fernando Padín. Carvalho marcou o ritmo desde o principio e sumou o primeiro punto á marcador local con suficiencia, nun partido resolto en tres mangas con parciais de 12-10, 11-6 e 11-3. Co marcador xa en franquía, chegou a quenda para Alejandro Calvo. O xogador local prieguense tivo que suar para superar a Javier Soria, pero tampouco cedeu un só set e terminou impoñéndose con parciais de 11-9, 11-8 e 12-10. O punto que deixou a vitoria case no zurrón do Cajasur Priego achegouno Carlos Machado, que se enfrontou ao ruso Stefan Shaposhnikov. Machado dominou xa desde o primeiro set e acabou pechando o choque con suficiencia, aínda que en catro mangas, cuns parciais de 11-2, 12-10, 6-11 e 11-9. Para finalizar, Luís Calvo confiou de novo en Diogo Carvalho, que asumiu a responsabilidade ante a lesión de André Silva. O luso derrotou a Javier Soria, nun duelo que non pasou dos tres sets (11-6, 11-0 e 11-9), para pechar un contundente triunfo do conxunto prieguense sobre un Cambados que pelexou con dignidade e puxo en complicacións ao campión, pero que acabou cedendo nos momentos máis quentes de cada un dos partidos.

O TENIS DE MESA CAMBADOS CONSEGUE O SEU PRIMEIRO PUNTO

A Superdivisión Masculina de tenis de mesa xa ten en xogo a todos os seus equipos, tras a disputa da segunda xornada da competición. Irún Leka Enea lidera a clasificación, pola diferenza de partidos gañados-perdidos.
Polo que respecta ao Cambados Tenis de Mesa onte no Pavillón do Pombal tivo a estrea como local ante 150 siareiros e consigueu o seu primeiro punto na máxima categoría cun empate ante Visit Pontevedra. Liang e Padin lograron os tres puntos do cadro local, mentres que Galvano e Cifuentes, por partida dobre, fixeron o propio para o Visit Pontevedra.


Sabor agridoce para os cambadeses xa que a alegría do primeiro punto despois de ir sempre por baixo no marcador únese a tristeza da sensación de poder conseguir un mellor resultado xa que Stepan que non tivo o seu dia e non conseguiu puntuar.

Entre o público pudo verse ao alcalde de Pontevedra e a alcaldesa de Cambados Fátima Abal xunto aos concelleiros Tino Cordal e Víctor Caamaño que fixeron entrega de regalos ao equipo capitalino.

Imaxes: Tenis de Mesa Cambados e F.E. de Tenis de Mesa

O CAMBADOS TENIS DE MESA AGARDA CONTAR CO APOIO DOS CAMBADESES NO SEU DEBUT COMO LOCAIS NO POMBAL

Si a semana pasada producíase un fito histórico, como foi o debut dun equipo cambadés na máxima categoría do seu deporte e de cantos se practican no noso povo, este domingo o fito logra un novo nivel.
No pavillón de O Pombal o vindeiro domingo vivirá unha xornada histórica, o debut dun equipo da vila na máxima categoría do deporte cambadés a nivel nacional. O Cambados Tenis de Mesa, enfrontarase neste primeiro encontro na casa ao Visit Pontevedra de Monte Porreiro. O partido disputarase desde ás 10.30 horas.
O Tenis de Mesa Cambados atópase moi ilusionado cara este reto. Agarda contar co equipo de gala para a estrea, que será o formado polo canteirán Fernando Padín, o ruso Stepan Shaposhnikov e o alemán de orixe chinesa Qiu Liang para tentar sumar puntos na clasificación ante un rival cunha traxectoria común aos cambadeses, acaba de ascender e o seu obxectivo é manter a categoría.

Desde o facebook dos locais animan a asistir ao encontro: "Os esperamos en el Pombal para ayudar al equipo a conseguir la victoria".