IV SIMPOSIO LGTBI GALICIA – WEBINAR CAMBADOS 2020

A cuarta edición do Simposio Internacional LGTBI Galicia como en anteriores convocatorias nace do convencemento de que se debe seguir traballando desde o concello de Cambados pola “naturalización” do colectivo, sempre en favor da igualdade.

Os obxectivos para lograr son como en anteriores edicións, abrir os ollos ás necesidades do colectivo e ás novas iniciativas de éxito a nivel nacional e internacional , reivindicar dereitos e visibilizar as dificultades coas que se atopa o colectivo LGTBI .

Como nas anteriores edicións o simposio consistirá nun programa que contará con representantes de diferentes países que expoñerán os seus diferentes puntos de vista respecto a cuestións referidas á “naturalización” social en canto a orientación sexual refírese. Nesta ocasión debido a situación sanitaria covid19 o formato do simposio non poderá ser presencial e mudarase ao formato webinar no que poderán interactuar todas as persoas que se inscriban de maneira gratuita

Neste IV Simposio a concellería de igualdade do concello de Cambados mostrará as boas prácticas que fomentan o respecto pola diversidade sexual e xénero a nivel local, nacional e internacional.

Esta acción organizada pola concellería de igualdade coa colaboración da Xunta de Galicia, Ministerio de igualdade e Pacto de estado está programada para realizarse o sábado 7 de novembro a partir das 9:45h

Máis información e inscricións gratuitas en   igualdade@cambados.es

Telf. whatsapp 682660580

XA HAI ALTERNATIVA A NAVE DE PEÑA, SI PORTOS NON DEIXA DE MAREAR A PERDÍZ

Xa hai alternativa para trasladar a maior parte de eventos que organiza o Concello de Cambados ou en colaboración de outras organizacións como pode ser Zona Centro.
Reproducimos íntegramente dous artigos que refrexan que hai lugares en Cambados aos que Portos non debería por pegas e un deles é a Sociedade Cultural. O artigo da Voz de Galicia é anterior a reinauguración e o do Faro de Vigo do mesmo día que o remodelado edificio abría de novo asúas portas. 

As declaracións de uns e outros deixan a porta aberta ao concello e os veciños para organizar actos de todo tipo nun edificio que é de todos os cambadeses e cambadesas.
En canto ao custe final da obra non imos repetir o que xa dixemos durante moitos anos e que moitos de vos xa sabedes.

Artigo La Voz de Galicia

Cambados espera estrear o edificio da Sociedade Cultural en decembro A reforma do inmoble avanza a bo ritmo, segundo a Deputación

M. ALFONSO VILAGARCÍA / A VOZ 14/07/2011 06:00 H "No principio do ano, a Sociedade Cultural de Cambados pechou as súas portas para sufrir unha profunda reforma. O inmoble atópase aínda inmerso nuns traballos de restauración que, segundo explicou onte o presidente da Deputación, Rafael Louzán, avanzan «a moi bo ritmo». Pero haberá que esperar polo menos ata decembro para ver o resultado final. E é que diversos inconvenientes atrasaron uns traballos que, en principio, deberían acometerse en catro meses e medio.O proxecto orixinal de reforma deste emblemático inmoble sufriu algunhas modificacións. No piso superior, onde se sitúa o salón de baile, foi preciso eliminar os diferentes niveis, para deixalo todo a unha altura. Tamén se optou por cambiar a fachada, que agora levará paneis de cristal debaixo das xanelas. Ademais, van eliminar algunhas das vigas do teito, para dar maior altura ao salón. Todo iso contribuíu a atrasar lixeiramente unha obra que, agora, xa está en marcha. Ata o de agora a empresa concesionaria encargouse de reformar toda a planta inferior. Nela construíuse unha sala de computadores, unha de lectura e outra de xogos, ademais dunha cafetería e un espazo para a secretaría. Deixouse tamén o oco para o ascensor e reformouse, lixeiramente, a escaleira de acceso. Pero aínda queda moito pendente. Falta por renovar todo o tellado, por cambiar a carpintería e por limpar e acondicionar a fachada. Así as cousas, a Sociedade confía en poder abrir as súas portas a finais de ano. Pero a data aínda non está confirmada. O que si está claro é que esta reforma permitirá dotar á localidade « dun amplo salón que vai estar a disposición do Concello e dúas veciños de Cambados», explicou onte Louzán. A Deputación encárgase de financiar estas obras, que custan algo máis de 700.000 euros. O presidente da entidade provincial considera que con este proxecto está a contribuírse, ademais, «a renovar e embelecer a fachada marítima de Cambados». Unha opinión que comparte o alcalde da localidade, Luís Aragunde, que onte se mostrou moi satisfeito coa obra. O presidente da Sociedade, Luís Somoza, quixo agradecer a colaboración de Concello e Deputación nesta obra e asegurou que a mesma « vai ser beneficiosa para ou pobo. Este edificio estábase caíndo e vámoslle dar a reforma que se merece», concluíu".


Artigo Faro de Vigo

O remodelado edificio da Sociedade Cultural consolídase como emblema de Cambados A Deputación investiu máis de 700.000 euros en acondicionar as instalacións

M. Méndez - Cambados 18.12.2011 | 07:30 "As instalacións da Sociedade Cultural de Cambados beneficiáronse dunha profunda transformación que consolida a este inmoble no novo emblema da localidade. Polo menos iso consideran cuantos onte participaron no acto inaugural, presidido polo titular da Deputación de Pontevedra, Rafael Louzán. O ente provincial investiu máis de 700.000 euros en obras como a reparación do tellado, mellora do illamento, dotación de ascensor, colocación de xanelas e ampliación de diversos espazos interiores. Unha vez finalizado ese proceso de renovación a Sociedade Cultural pasa a formar parte, xunto ao tamén recuperado edificio da confraría de pescadores e a nova avenida de Galicia, dunha especie de tridente que "pon en valor a fachada marítima cambadesa". Así quixo destacalo o propio Louzán, que flanqueado de autoridades como o alcalde, Luís Aragunde, quixo abanderar persoalmente a reestrea da Sociedade Cultural, punto de encontro de varias xeracións de cambadeses ao longo da historia e agora un símbolo máis desta vila e "un referente urbanístico, cultural, social e patrimonial", recalca o propio Louzán. Deste xeito explicaba que rehabilitar o inmoble "era un acto de xustiza coa historia de Cambados e da comarca", pero tamén foi o modo de saldar unha débeda cos veciños, pois "non merecían padecer a degradación que o paso do tempo exerceu sobre este inmoble". Louzán foi aínda máis lonxe, sobre todo cando apuntou que os edificios da Sociedade Cultural e da confraría "reflicten a personalidade de Cambados", no primeiro caso por tratarse do "escaparate" dunha vila que definiu como "aberta, plural, tolerante, cívica, lúdica e amante da cultura", e no referido ao inmoble do pósito porque ao inaugurarse este en 1917, tamén un 17 de decembro, foi o primeiro de todo o litoral español. Dito isto, Louzán sentenciou que a Sociedade Cultural debe consolidarse agora como "un dos centros neurálxicos da vida social, cultural e intelectual da localidade". A rehabilitación do edificio da Sociedade Cultural, dotado de 1.238 metros cadrados, fíxose mantendo a súa estrutura orixinal "e respectando o seu carácter funcional e organizativo". Fíxose así porque, insisten os promotores da obra, "o edificio é un emblema e un signo de identidade urbanística"."

OS MÉDICOS DE ATENCIÓN PRIMARIA IRÁN A FOLGA A SEMANA QUE VEN

A asemblea de áreas sanitarias, formada por facultativos de atención primaria, acordou nunha reunión celebrada en Santiago convocar unha folga en toda a primaria durante os días 27 e 28 de novembro. Aínda que en principio as datas que se manexaban eran o 7 e o 8, os médicos pospuxeron a data por varios motivos, entre eles a resolución do proceso selectivo e do concurso de traslados, e o seu interese en que a campaña de vacinación da gripe non se vexa afectada.Para quentar motores todos os xoves levaron a cabo concentracións diante dos centros de saúde. O colectivo expresou a súa intención de propoñer nun "futuro inmediato" unha folga indefinida e de estudar a renuncia para formar a novos residentes se Sanidade non responde as súas reivindicacións. Esixen, entre outras cuestións, un límite de 30 pacientes ao día nas consultas, que o orzamento de Atención Primaria ascenda ao 25% do total sanitario, unha cobertura do 100% das substitucións e unha atención homoxénea (derivacións e acceso a probas diagnósticas en todas as áreas).

CAMBADOS EN NEGRO CONTRA AS VIOLENCIAS

O Concello de Cambados súmase, un ano máis, á campaña “en negro contra as violencias” e convida a tódolos comercios, centros de ensino, clubes deportivos, asociacións e cidadanía a participar nela.

É preciso seguir reivindicando a igualdade, xa que os números indican que seguimos sen conseguila. Dende o ano 2003, só en España foron asasinadas máis de 1.000 mulleres e a cifra segue aumentando.

Debemos recordar que a violencia contra a muller abarca máis que a violencia física. Segundo a Declaración aprobada pola Asamblea Xeral da ONU (1993) defínese como “todo acto violento baseado na pertenza ao sexo feminino que teña ou poida ter como resultado un dano ou sufrimento físico, sexual ou psicolóxico para as mulleres, así como as ameazas de tales actos, a coacción ou a privación arbitraria da liberdade, tanto se se produce na vida pública como na privada”.

Por todo isto, dende a Concellería da Muller e Igualdade repartimos carteis que tinguiran de negro os comercios locais e a praza de abastos. Se algunha asociación, clube deportivo precisa deste material en contra das violencias machistas, poderá recollelo en Alcaldía.

Convidámosvos, tamén, a participar na lectura do manifesto, que será o luns 25 de novembro na Praza do Concello ás 12:00 horas e, ao día seguinte, martes 26 de novembro á charla programada polo CIM “Mulleres Superviventes. Novas inciativas en materia de loita contra a violencia de xénero” no Edificio Exposalnés as 19:00 horas.

Está nas mans de todas e todos nós, formar unha sociedade máis xusta e comprometida coa igualdade real e a non violencia contra as mulleres.

“Contra as violencias, educación”

RATIFICAN A PRISIÓN PARA O SACERDOTE ACUSADO DE ABUSAR SEXUALMENTE DE MENORES EN CAMBADOS

A sección segunda da Audiencia de Pontevedra ratificou a prisión provisional sen fianza para S.C.V., o sacerdote salesiano adscrito ao Colexio María Auxiliadora de Vigo, que ingresou no cárcere o pasado mes de xullo, investigado por supostos abusos a menores nun campamento en Cambados.

O auto da Audiencia valida a resolución emitida polo xulgado de instrución de Cambados en agosto, e na que se lle denegaba a liberdade, argumentando que concorrían os requisitos que recolle a Lei de Enxuiciamiento Criminal.

Contra esa resolución, a representación do sacerdote presentou recurso de apelación, que a Audiencia Provincial desestimou. Segundo sinala o tribunal provincial no seu auto, "constátase a existencia duns feitos que presentan os caracteres de catro delitos continuados de abusos sexuais a menores de 16 anos", e hai "motivos bastantes" para crer que a persoa investigada pode ser responsable "criminalmente" deses delitos.

Así o demostran, reza o auto, as declaracións "coincidentes" do catro menores, e o feito de que "non consta ningún motivo espúreo para conseguir un prexuízo ao investigado". De feito, sinala a Audiencia, fronte á "coherencia" das declaracións dos mozos, o sacerdote nega o feitos "pero recoñece moitos dos detalles que denuncian os menores".

FEITOS

Os feitos remóntanse a xullo pasado, cando varias familias presentaron denuncia nos xulgados polos supostos tocamentos aos seus fillos por parte deste sacerdote, cando estaban nun campamento en Cambados.

A dirección do Colexio María Auxiliadora apartou de inmediato a S.C.V., e púxose a disposición das familias denunciantes, así como das autoridades policiais e xudiciais. "Baixo ningún concepto toleraranse comportamentos que menoscaben a integridade dos mozos e mozas", trasladou a congregación relixiosa cando se coñeceron os feitos.

PRISIÓN PROVISIONAL PARA O SACERDOTE DETIDO POR SUPOSTOS ABUSOS A MENORES NUN CAMPAMENTO EN CAMBADOS

A xuíza decretou prisión provisional comunicada e sen fianza para o sacerdote salesiano do colexio María Auxiliadora de Vigo que foi detido por supostos abusos a varios menores que participaban nun campamento na localidade pontevedresa de Cambados. Fuentes do Tribunal Superior de Xustiza de Galicia (TSXG) informaron de que ao sacerdote atribúenselle delitos de abuso sexual a menores. Respecto a dous das vítimas os abusos foron tipificados como continuados. Este martes, a xuíza que leva o caso tomoulle declaración en primeiro lugar a catro das menores vítimas de abusos sexuais, así como ao sacerdote, quen pasou a disposición xudicial a última hora da tarde. Segundo indicaron fontes do colexio a Europa Press, os feitos ocorrerían o pasado sábado, cando o relixioso, duns 40 anos, foi sorprendido por varios nenos realizando "comportamentos inadecuados" a outros menores, polo que o domingo as familias denunciaron os feitos nos xulgados de Vigo, onde o sacerdote foi chamado a declarar.
Con todo, o caso foi derivado ao xulgado de Cambados, que será o que leve o tema debido a que os feitos tiveron lugar neste municipio. Tal como explicou nun comunicado o centro escolar, o pasado sábado varios participantes do campamento puxeron en coñecemento dunha educadora algúns feitos "contrarios ao código de conduta para a protección de menores e adultos vulnerables" que se aplica no colexio. "Inmediatamente apartouse do seu traballo cos menores ao salesiano implicado e tratouse de aclarar o denunciado polos mozos, en diálogo con eles, e poder así, no seu caso, poñer en marcha as medidas correspondentes", indicou o colexio, que incide en que "se falou coas familias". DENUNCIA Segundo relata, o pasado domingo, o provincial salesiano e o director salesiano da casa atopáronse con pais dos menores para manifestarlles a súa "consternación" #ante o sucedido "e poñerse á súa disposición e ofrecerlles o acompañamento especializado que puidesen necesitar os seus fillos, lembrarlles o seu dereito para denunciar os feitos e informarlles de que a institución iniciaría inmediatamente o expediente informativo". No mesmo documento, o colexio púxose ao dispor da policía e as autoridades xudiciais, que xa se fixeron cargo da investigación, para colaborar con elas "en todo o que sexa preciso". Así mesmo, a organización salesiana ha aberto unha investigación previa baseada no procedemento canónico. Ademais, engadiron que "baixo ningún concepto tolerarán comportamentos que menoscaben a integridade dos mozos e mozas que as familias lles han confiado".

ACTOS DE MAÑÁN DIA INTERNACIONAL DE CONCIENCIACIÓN SOBRE O AUTISMO

http://pensandoenimaxes.blogspot.com

Mañán martes, 2 de Abril celébrase o "Día Internacional para a Concienciación sobre o Autismo", este ano se leerá o manifesto institucional na praza do concello ás 12:00 h, iluminarase en azul a fachada do concello e ademais dáselle a oportunidade a todas as familias de persoas con TEA de crear un manifesto propio para lelo no outro acto que terá lugar tamén mañán, a iluminación en azul da estatua de "A Naiciña" na praza Asorey ás 21:00 h. Se queres arroupar ás familias e ás persoas con TEA que estarán alí, non faltes, son unha gran comunidade e a túa presenza é importante.

A DEPUTACIÓN DE PONTEVEDRA DESTINA MÁIS DE 370.000 € A 41 CONCELLOS DA PROVINCIA PARA AXUDAS BÁSICAS DE EMERXENCIA

A Xunta de Goberno da institución provincial vén de aprobar a primeira relación de axudas básicas de emerxencia para este ano 2018 por valor de 372.500 euros. En total, benefícianse desta iniciativa 41 concellos da provincia de menos de 20.000 habitantes que poderán prestar apoio económico ás veciñas e veciños que se atopen en situación ou risco de exclusión social, con especial atención ás persoas con menores ao seu cargo.

A presidenta da Deputación destacou que no marco destas achegas enmárcanse axudas "que poden ser de diferentes tipoloxías, desde alimentación, ata vivenda, pagamento de recibos, de produtos de hixiene e limpeza, desprazamentos, lentes e audiófonos ou de produtos farmacéuticos; adquisición de electrodomésticos básicos; gastos derivados de tratamentos de odontoloxía ou produtos de apoio ou destinadas á infancia". Neste contexto, Carmela Silva subliñou a importancia destas achegas pola súa contribución a garantir as necesidades básicas de familias en situación ou risco de exclusión social.

Máis polo miúdo benefícianse da iniciativa os concellos da Cañiza, A Guarda, A Lama, Agolada, Arbo, Baiona, Barro, Bueu, Cambados, Campo Lameiro, Catoira, Cerdedo-Cotobade, Covelo, Cuntis, Dozón, Forcarei, Fornelos de Montes, Gondomar, Meaño, Meis, Moraña, Mos, Nigrán, O Grove, O Rosal, Oia, Pazos de Borbén, Poio, Ponte Caldelas, Pontecesures, O Porriño, Portas, Salceda de Caselas, Salvaterra de Miño, Sanxenxo, Silleda, Soutomaior, Tomiño, Valga, Vilaboa, Vilanova de Arousa.

O ano pasado, as axudas básicas de emerxencia que destinou a Deputación de Pontevedra aos concellos deron cobertura ás necesidades básicas de 1.820 familias das que 1.573 tiñan menores ao seu cargo, 1.114 tiñan ambos proxenitores en situación de desemprego, 320 eran familias monoparentais, 43 eran usuarias do Servizo de educación e apoio familiar , 45 eran persoas usuarias do Servizo de axuda no fogar e 9 eran vítimas de violencia machista.

MANIFESTO DO MOVEMENTO ASOCIATIVO DO AUTISMO EN EUROPA E ESPAÑA NO DÍA CELEBRACIÓN DO DÍA MUNDIAL DE CONCIENCIACIÓN SOBRE O AUTISMO

En marzo de 2017 cumplíronse dez anos dende a firma da Convención das Nacións Unidas sobre os Dereitos das Persoas con Discapacidades (CDPD) e o seu Protocolo Facultativo. Sin embargo, a pesar de que foi ratificada pola Unión Europea e case todos os Estados Membros, a sua aplicación é insuficiente en moitas áreas.

Con motivo do Día Mundial de Concienciación sobre o Autismo (2 de abril), o movemento asociativo do Autismo en Europa e España chaman aos responsables políticos da Unión Europea a adquirir un compromiso firme na eliminación das moitas barreiras que ainda impiden ás persoas con Trastornos do Espectro do Autismo (TEA) a desfrutar dos seus plenos dereitos.

A campaña de sensibilización deste ano céntrase especialmente na accesibilidade, levando o título “Rompamos xuntos barreiras polo autismo. Fagamos unha sociedade accesible”.

O autismo afecta a unha de cada cen persoas, o que significa que en Europa hai actualmente arredor de cinco millóns de persoas con Trastornos do Espectro do Autismo, 450 mil en España. A pesar de que a concienciación sobre que é o autismo está crecendo, moitas persoas con TEA e as suas familias consideran que non se remata de comprender.

É crucial que, tanto os responsables políticos de toda Europa así como a sociedade no seu conxunto, logremos unha mellor comprensión do autismo e actuemos na eliminación das barreiras que impiden a plena inclusión e participación das persoas con autismo.

Para fomentar unha sociedade accesible e inclusiva para todos, o movemento asociativo do autismo insta aos responsables políticos a:

1. Adoptar unha Lei Europea de Accesibilidade firme e eficaz na que se aborden as necesidades das persoas con Trastornos do Espectro do Autismo.

En consonancia coas obrigas establecidas pola Convención das Nacións Unidas sobre os Dereitos das Persoas con Discapacidade (CDPD), o 2 de decembro de 2015 a Comisión Europea fixo pública unha proposta sobre unha Lei Europea de Accesibilidade. Unha vez que se aprobe dita proposta, esta debe dirixirnos cara criterios comúns en accesibilidade que abarquen determinados produtos e servizos en toda a Unión Europea, facéndoos accesibles para os cidadáns da UE con discapacidade.

O movemento asociativo do autismo en Europa fai un chamamento aos responsables políticos da Unión Europea e aos Estados Membros para que garantan que se adopte unha Lei de Accesibilidade forte e eficaz, seguindo as recomendacións do movemento de persoas con discapacidade. Esto resulta esencial para conseguir un impacto real nas vidas de millóns de persoas con discapacidade en toda a Unión Europea. A Lei debería incluír un amplo conxunto de requirimentos en accesibilidade, así como a abordaxe da gama de necesidades cognitivas e sensoriais das persoas con TEA.

2. Traballar xunto ao movemento asociativo do autismo para identificar e eliminar as barreiras específicas ás que se enfrontan as persoas con TEA.

Con esta campaña pretendemos destacar as barreiras específicas ás que fan fronte as persoas con autismo. Para poder responder ás súas necesidades en canto a accesibilidade, es esencial consultar e cooperar coas persoas con autismo e coas súas familias, obtendo así un axeitado entendemento das súas experiencias e fomentando solucións innovadoras.

Por exemplo, para promover o acceso ao mercado de traballo, pódense facer axustes para adaptar procedementos de contratación e estruturas de traballo inaccesibles, permitindo que as persoas con TEA se incorporen ao mundo laboral e, á súa vez, permitan a quenes contratan beneficiarse das súas habilidades e talentos.

Instamos aos responsables políticos, aos profesionais, aos líderes empresariais e á sociedade en xeral a que consulten e colaboren coas persoas con TEA e coas súas entidades representativas para crear unha sociedade máis acolledora en todos os ámbitos da vida, asegurando o cumprimento da Convención de Nacións Unidas sobre os Dereitos das Persoas con Discapacidades.

O SÁBADO LÉMBRATE DO CAMBIO HORARIO

A noite do sábado ao domingo 25 de marzo prodúcese o primeiro cambio de hora de 2018 e os reloxos adiántanse unha hora. É dicir, ás 2 da madrugada serán as 3. Esta modificación é parte dunha directiva europea que afecta a todos os países da Unión, e pretende aproveitar mellor as horas de luz e solar e consumir menos electricidade. Con todo, tamén ten outras implicacións que afectan aos biorritmos das persoas, especialmente aos máis maiores e aos

nenos, polo que os expertos recomendan non cambiar radicalmente os costumes diarios. Dúas veces ao ano —habitualmente o último domingo de marzo e o último de outubro—, os europeos axustan os reloxos para cumprir a directiva comunitaria 2000/84/CE. 

Para determinar o momento dos cambios horarios, tívose en conta o feito de que en España existen dúas horas oficiais, unha para a Península e o arquipélago balear e outra para Canarias, que vai unha hora por detrás desde 1922. Este cambio aplicouse por primeira vez durante a I Guerra Mundial para manter abertas as fábricas unha hora máis. De feito, un dos argumentos que defenden este adianto horario é o beneficio para o comercio. O cambio de hora empezouse a aplicar con regularidade durante a crise do petróleo, e desde 1981, toda Europa sincroniza os mangos dos seus reloxos á vez. Facémolo para manter o antigo costume de adaptar a actividade humana á duración do día, que é variable ao longo do ano nas nosas latitudes.

MÁIS RETRASO NA APERTURA DO CENTRO DE DÍA

Logo de quedar deserta a primeira convocatoria, a Administración autonómica impulsa un novo procedemento que terá que publicarse no Diario Oficial de Galicia (DOG), o Boletín Oficial do Estado (BOE) e no Diario Oficial da Unión Europea (DOUE).

A Xunta de Galicia, a través do Consorcio Galego de Servizos de Igualdade e Benestar, saca de novo a licitación o concurso para optar á xestión dos centros de maiores de Cambados, Cuntis e Redondela, logo de quedar deserta a primeira convocatoria.

Este novo procedemento será aberto a todas as entidades ou empresas que cumpran os requisitos de solvencia esixidos no prego de condicións, a diferencia do anterior proceso publicado no Diario Oficial de Galicia (DOG) o pasado 15 de xaneiro que estaba reservado a centros especiais de emprego –aqueles que teñen a lo menos un 70% de discapacitados no seu persoal-, e ao que non se presentaron ofertas.

Si non é a propósito parece. Que empresa ten o 70 % de discapacitados entre o seu persoal?

O novo proceso de licitación deberá ser publicado novamente no DOG, no Boletín Oficial do Estado (BOE) e no Diario Oficial da Unión Europea (DOUE), abríndose outra vez, polo tanto, os prazos de presentación.

Así as cousas, a entrada en funcionamento dos novos centros de día de Cambados e Cuntis e da oferta residencial do centro de maiores de Redondela quedará a expensas do resultado desta nova licitación. Cómpre indicar que o equipamento de Redondela entrou en funcionamento en decembro de 2016 e que o concurso servirá tamén para ampliar de 20 a 25 as súas prazas de centro de día.

ACEVIN CONVOCA OS IV PREMIOS DE ENOTURISMO

A Asociación Española de Cidades do Viño ( Acevin) convoca a IV Edición dos Premios de Enoturismo ‘Rutas do Viño de España’, unha iniciativa de periodicidade bienal cuxo obxectivo é “recoñecer o labor de empresas e territorios no desenvolvemento e enriquecemento continuo da oferta enoturística do noso país”, detalla o colectivo.

A variedade de propostas que ofrecen as 27 Rutas do Viño que actualmente forman parte desta marca permite diferenciar un total de 13 categorías dentro destes Premios, sendo doce delas concorrentes e unha meritoria. Estas 13 categorías corresponden a: Mellor Iniciativa Enoturística, Mellor Acción de Promoción, Mellor Destino Enoturístico Sustentable e Responsable, Mellor Municipio Enoturístico, Mellor Adega aberta ao Turismo, Mellor Aloxamento Enoturístico, Mellor Oferta Gastronómica, Mellor Establecemento Enoturístico, Mellor Experiencia Enoturística, Mellor Recuncho ou Paisaxe Enoturístico, Compromiso coa Sociedade e o Medio Ambiente, Accesibilidade no Enoturismo e Mérito Enoturístico (premio meritorio destinado a unha persoa). Do mesmo xeito que en edicións anteriores, os premios serán fallados por un xurado profesional e multidisciplinar integrado por representantes da Administración, os sectores enolóxico e turístico e críticos, xornalistas e expertos de recoñecido prestixio. Tamén se manterá nesta IV edición a participación dos enoturistas que visitaron as diferentes rutas como parte da valoración para ter en conta nos criterios de avaliación do xurado. Todos eles poderán votar polos seus establecementos e iniciativas preferidos a través dunha aplicación desenvolvida para as redes sociais de Rutas do Viño de España. A data límite de presentación de candidaturas é o próximo 31 de maio de 2018.

ESTA NOITE CAMBIA A HORA: AS TRES VOLVERÁN A SER AS DÚAS

Último fin de semana de outubro, nova cita puntual coas manillas do reloxo. A madrugada do domingo chega o horario de inverno: ás 03.00 horas serán as dúas. A noite alóngase unha hora para fortuna dos que caeron en brazos de Morfeo e non tanto para quen traballa. 
É responsable do cambio a Directiva Comunitaria do Cambio de Hora, que é de obrigado cumprimento co obxectivo de lograr un aforro enerxético. Este, segundo estimacións do Instituto para a Diversificación e Aforro da Enerxía (IDAE), podería alcanzar ao redor de 300 millóns de euros, o equivalente ao 5% do total. Desa cantidade, 90 millóns corresponde ao potencial dos fogares españois, o que supón un aforro de 6 euros por fogar e 210 millóns restantes aforraríanse nos edificios do terciario e na industria. O cambio de hora empezou a xeneralizarse a partir de 1974, a partir da primeira crise do petróleo, cando algúns países decidiron adiantar o reloxo para aproveitar mellor a luz do sol e consumir así menos electricidade en iluminación. Aplícase como directiva desde 1981 e foi renovada sucesivamente cada catro anos.

CURSO GRATUITO DE ATENCIÓN E APOIO PSICOSOCIAL DOMICILIARIO

Cambados pon en marcha un “Curso de atención e apoio psicosocial domiciliario”, organizado pola empresa adxudicataria do Servizo de Axuda no Fogar (SAF), Idades, e a Concellería de Servizos Sociais.

O obxectivo é formar a 15 persoas que se comprometan a traballar na asistencia domiciliaria, debido á falta de persoal cualificado e o aumento da poboación que precisa este tipo de servizos.

En concreto, en Cambados son 60 usuarios os que están recibindo a atención domiciliaria.

O curso é gratuito e comezará o 16 de outubro en Exposalnés con 130 horas entre teóricas e prácticas, que se impartirán os luns, mércores e xoves. O prazo de inscripción está aberto ata o día 9 de outubro.

A iniciativa presentouse esta mañá no salón de plenos de Cambados, coa presencia do concelleiro de Somos Cambados, Tino Cordal, e a representante da empresa, Diana Eirín, e a coordinadora de Servizos Sociais, María Casal.

Fonte: Arousa Si Radio

CONCERTO BENÉFICO A PROL AECC (CAMBADOS)

Este domingo ás 20.30 horas no Auditorio da Xuventude (Cambados) haberá un concerto benéfico promovido pola xunta local de Cambados da Asociación española contra o cancro, no que actuarán os grupos Añoranza e M80.

O auditorio da Xuventude de Cambados acolle o domingo un festival benéfico en favor da asociación española de loita contra o cancro (AECC). O evento está organizado pola xunta local de Cambados e comezará a partir das 20,30 horas e a súa entrada será totalmente gratuíta. A achega será voluntaria por parte daqueles que se acheguen a gozar do espectáculo á Xuventude.

A Asociación Española contra o Cancro, é unha ONL (Organización Non Lucrativa), privada e declarada de utilidade pública, que leva 60 anos trabando na loita contra o cancro. A AECC integra a pacientes, familiares, persoas voluntarias e profesionais que traballan para previr, sensibilizar, acompañar ás
persoas afectadas e financiar proxectos de investigación oncolóxica e
tratamento do cancro. 

O noso obxectivo: mellorar a vida das persoas.

Estruturada en 52 Xuntas Provinciais e presente en máis de 2.000 localidades
españolas, a AECC desenvolve o seu traballo a través dos seus máis de 15.000
voluntarios e 680 empregados baixo unha filosofía de colaboración coas
autoridades sanitarias, institucións científicas e aqueloutras entidades
que perseguen un fin análogo ao da Asociación.
Todo iso sempre baixo os principios de axuda, Unidade, Transparencia,
Profesionalidade, Independencia e Dinamismo.
Abordamos o cancro desde un enfoque integral:
Apoiar: atención personalizada e individualizada,atención social (axudas
económicas, préstamo de camas eléctricas, cadeiras de rodas, perrucas, próteses, guindastres, programa de inserción laboral, programa de alimentos),atención psicolóxica, atención sanitaria, (unidades de coidados paliativos, programa volver falar para laringectomizados), isos e residencias.
Investigar: investigación oncolóxica de calidade orientada ao paciente.

A AECC é a entidade privada que máis fondos destina á investigación
oncolóxica.
Informar e concienciar: Educación para a Saúde en colexios, solidariedade na
empresa, campañas cancro de colon, cancro de mama, cancro de pulmón, cancro de pel, etc.


Cada día poñémonos ao servizo das persoas que nos necesitan !! 

ESTE VINDEIRO SÁBADO CAMBIA A HORA

A madrugada do próximo domingo, 26 de marzo, comezará o horario de verán ás 02.00 horas, cando se adiantará unha hora o reloxo e serán as 03.00 horas en todos os Estados Membros da Unión Europea.

O cambio de hora é unha Directiva Europea 2000/84/CE de obrigado cumprimento que pretende aproveitar mellor a luz solar en aras da eficiencia enerxética.

A este respecto o Ministerio de Energía destacou que a directiva é común para as datas e horas nas que comeza e remata o horario en toda a UE e que "non existe posibilidade de excepción" que permita a un Estado membro non aplicar o réxime da hora de verán.

A medida, segundo un estudo da Comisión Europea, ten impactos positivos non só sobre o aforro enerxético senón sobre outros sectores como o transporte, as comunicacións, a seguridade viaria, as condicións de traballo e os modos de vida, a saúde, o turismo ou o lecer.

O cambio horario remóntase á década dos 70, cando se produciu a primeira crise do petróleo e algúns países decidiron adiantar os seus reloxos para poder aproveitar mellor a luz natural do sol e consumir así menos electricidade en iluminación.

MAÑÁN PODERASE VER A "SUPERLUNA"

Mañán, 14 de novembro, os habitantes da Terra teremos a oportunidade única de observar non só a superluna máis próxima e brillante do ano, senón tamén a maior desde 1948, informa a páxina Space, citando ao astrónomo Bob Berman, do observatorio en liña Slooth.

Ao tratarse da posición máis próxima da Lúa respecto do noso planeta no actual século, este evento astronómico foi definido como "o verdadeiro feito protagónico do ano" por CBS News. A NASA sinala que o satélite non volverá situarse tan preto da Terra ata o 25 de novembro de 2034.

O fenómeno da superluna prodúcese cando o Sol, a Lúa e a Terra alíñanse e a órbita do satélite natural atópase no seu punto máis próximo á Terra. Isto fai que se aprecie un 14 por cento máis grande e un 30 por cento máis brillante do habitual.

Espérase que a superluna de novembro alcance o seu pico ás 13:52 GMT do 14 de novembro. O fenómeno será claramente visible a primeira ollada, pero para unha mellor observación é recomendable afastarse das luces urbanas. A próxima superluna do ano terá lugar o 14 de decembro.



FONTE: actualidade.rt.com

CAMBIO DE HORA NA MADRUGADA DO DOMINGO

Esta fin de semana comeza o horario de inverno. Os reloxos atrasaranse unha hora. Será, coma sempre, na madrugada do sábado ao domingo, cando ás tres serán as dúas na España peninsular. Amencerá antes, anoitecerá máis cedo e o debate sobre este cambio recrúase máis ca nunca. Dúas comunidades, as Baleares e Valencia, piden non efectuar esta medida e manter o horario estival. Parece ser que Mariano Rajoy incluso estuda unha proposta para aliñar o noso fuso horario con Londres. Todo o contrario que Feijóo que onte declarou que era español e non portugués en referencia a que si Galicia debería ter o mesmo fuso horario que Portugal, unha hora menos que na península. 

Un dos argumentos que empregan os defensores de adiantar ou atrasar unha hora o reloxo é o aforro enerxético, ademais doutros como beneficios para o comercio ou a seguridade viaria. Segundo estimacións do Instituto para a Diversificación e Aforro da Enerxía (IDAE), o potencial de aforro en iluminación en España polo cambio de hora pode chegar a representar un 5% do consumo eléctrico en iluminación, equivalente a uns 300 millóns de euros. Esta medida adóptase en 70 países de todo o mundo.


Con todo, segundo un informe de 2007 de Rede Eléctrica de España (REE), a empresa que rexistra minuto a minuto a evolución da demanda eléctrica, durante os primeiros días de aplicación da medida detectábase un aforro no consumo eléctrico que se vai diluíndo co paso do tempo.

A BANDEIRA VERDE PRESIDE O BALCÓN DO CONCELLO PARA CONMEMORAR O DÍA DA PLENA INCLUSIÓN DAS PERSOAS CON DISCAPACIDADE INTELECTUAL

O 2 de outubro é a data na que se conmemora o día da plena inclusión das persoas con discapacidade intelectual, e dende o Concello de Cambados querémonos sumar á campaña posta en marcha pola Confederación Española de Organizacións en favor das Persoas con Discapacidade Intelectual ou do Desenrolo (FEAPS), coa que se pretende concienciar sobre a importancia de defender a igualdade de oportunidades e a inclusión social das persoas con discapacidade intelectual ou do desenrolo e as suas familias, que constitúen o 1% da poboación.

UNHA ALDEA DE MEIS CONTA CON SO DOUS VECIÑOS

No Salnés hai unha aldea que, malia estar próxima ao mar e ás vías de comunicación, está quedando sen habitantes. Chámase Serrán e só lle quedan xa dous veciños, cando hai poucos anos aínda tiña trece.

A aldea de Serrán está no concello de Meis (Pontevedra). Alí esta mañá a tranquilidade era absoluta. Rompe o silencio a máquina dun dos dous veciños que viven na aldea e que non quere parar a falar. Na casa do outro veciño, está mañá non había ninguén. Son os veciños da aldea do lado os que nos contan como pasou Serrán de trece a douis veciños nos últimos anos.

"Antes aquí había moitos máis labradores e iso, con vacas porque era do que vivían". "Cando sae o sol, dá o sol todo o día. Aquí vivian ao mellor vinte persoas. Agora cando faleceu o último vese que queda a aldea a escuras, un pueblo sen futuro". " Hai un señor aí, unha casa que fixeron aí, pero teñen un inquilino. Soamente vive ese porque os outros eran un matrimonio e máis un fillo. Morreu o señor e entón levaron a señora para alá, para cara a Cambados".

A perda de poboación afecta tamén outras aldeas próximas á costa, pero segue a ser moita máis acusada nas zonas de montaña do interior de Galicia.



Información: TVG