CAMBADOS INFORMA MAÑÁ AOS VECIÑOS SOBRE AS BONIFICACIÓNS FISCAIS ÁS QUE SE PODEN ACOLLER

O goberno de Cambados quere aumentar o número de veciños que se beneficien das numerosas bonificacións fiscais actualmente implantadas no Concello. Ademáis das existentes a nivel estatal, os veciños de Cambados dipoñen dunha vintena de exencións de carácter municipal, aprobadas polo cuatripartito no ano 2017, referidas ao IBI, o IAE, o ICIO, a taxa de recollida do lixo, o Imposto de Tracción Mecánica ou o de Licencias Urbanísticas, Segundo o goberno local, este amplo paquete de Bonificacións vai dirixido a buscar unha maior igualdade social, mellorar as políticas sociais, o impulso da promoción económica e a creación de emprego. Por eso, co fin de que cheguen ao maior número de beneficiarios, o Concello organiza, en colaboración coa Deputación de Pontevedra a través do ORAL, unha Xornada Informativa sobre todas estas Bonificacións Fiscais que terá lugar o próximo xoves 17 de xaneiro ás 20 horas en Exposalnés.

GAÑA A BANCA, PERDEN OS HIPOTECADOS

O Supremo decide que sexan os clientes quenes paguen o imposto das hipotecas
Tomouse a decisión despois de moitas horas de deliberación no Pleno da Sala do contencioso administrativo do Tribunal Supremo. O Tribunal Supremo ha decidido, finalmente, que sexan os clientes os que se fagan cargo dos pagos do imposto de actos xurídicos das hipotecas. Ao parecer a decisión tomouse con 15 votos a favor e 13 en contra, dos 28 maxistrados, nunha sesión cunha gran división. Foi unha resolución, sen dúbida, moi difícil. Desde o luns desta semana reuniuse durante horas o Pleno da Sala do contencioso administrativo do Tribunal Supremo para deliberar sobre se eran os bancos quen debía facerse cargo de tal imposto, pero, finalmente, non foi así. A primeira decisión foi que os bancos pagasen o imposto A primeira decisión que tomou o Tribunal Supremo, o pasado 18 de outubro, sobre o pago dos impostos das hipotecas -tras ditaminar que non debían ser os contratantes quen os asumise- foi que os pagasen as entidades bancarias. Acordouse que os bancos debían asumir desde ese momento os pagos por tal imposto, pero non só iso, senón que ademais tamén debían pagar aos clientes que contrataran hipotecas, no últimos catro anos, o diñeiro correspondente a ese pago. É dicir, os bancos debían asumir de forma retroactiva os impostos de miles de clientes, o que supoñía pagar unha gran cantidade de diñeiro. O día despois, con todo, o presidente da Sala, Luís María Díez- Picazo, optou por paralizar os recursos que quedaban pendentes para poder estudar o caso con máis tranquilidade. Desta forma chegouse ás xornadas de debate deste luns e martes. Así pois, finalmente decidiuse volver á doutrina anterior, favorecendo á banca, e facer así que os clientes sexan os que asuman o pago dos impostos das hipotecas, como se fixo ata agora. Desta forma evítase que as entidades bancarias teñan que facer un gran desembolso nos pagos retroactivos a unha gran cantidade de contratantes de hipotecas. Un debate de máis de 15 horas en dous días

Non foi unha decisión fácil e así quedou demostrado no longo debate que se produciu para chegar a ela. Entre o luns e este martes foron unhas 15 horas de deliberación para tratar de decidir se finalmente os bancos debían asumir ou non os pagos do imposto das hipotecas. Un debate que xerou unha gran división dentro do Tribunal pero que, a pesar diso, púidose resolver. Cabe mencionar, por outra banda, que aínda que a decisión xa foi adoptada, non será ata dentro duns días cando se faga oficial. Será tamén nese momento cando se poidan coñecer todos os detalles da deliberación e os motivos que levaron a tomar tal decisión.

APROBACIÓN DEFINITIVA MODIFICACIÓN ORDENANZA IMPOSTO SOBRE BENS INMOBLES

Ao non presentarse reclamacións durante o prazo de exposición ao público, queda automaticamente elevado a definitivo o Acordo plenario provisional do Concello de Cambados de data 31.05.2016 de modificación da Ordenanza fiscal reguladora do Imposto sobre Bens Inmobles e que afecta ao artigo 9 “Bonificacións”, engadindo un apartado 5, cuxo texto íntegro faise público en cumprimento do artigo 17.4 do Texto Refundido da Lei Reguladora das Facendas Locais, aprobado polo Real Decreto Lexislativo 2/2004, do 5 de marzo.

“Artigo 9. Bonificacións

As bonificacións de carácter rogado deberán ser solicitadas polo suxeito pasivo do imposto.

Con carácter xeral, o efecto da concesión de bonificacións comezará a partir do exercicio seguinte á data da solicitude e non poderá ter carácter retroactivo. Nembargante, cando o beneficio fiscal se solicita antes de que a liquidación sexa firme, concederase si na data do devengo do tributo concorren os requisitos esixidos para o seu disfrute.

1. Concederase unha bonificación do 90 % na cota íntegra do imposto, sempre que así se solicite polos interesados antes do inicio das obras, ós inmobles que constitúan o obxecto da actividade das empresas de urbanización, construción e promoción inmobiliaria tanto de obra nova como de rehabilitación equiparable a esta, e non figuren entre os bens do seu inmobilizado.

O prazo de aplicación desta bonificación comprenderá dende o período impositivo seguinte a aquel no que se inicien as obras ata o posterior ó remate das mesmas, sempre que durante ese tempo se realicen obras de urbanización ou construción efectiva, e sen que, en ningún caso, poida exceder de tres períodos impositivos.

Para disfrutar desta bonificación, os interesados deberán cumprir os seguintes requisitos:

— Acreditación da data de inicio das obras de urbanización ou construción de que se trate, a cal farase mediante certificado do Técnico Director competente das mesmas, visado polo Colexio Profesional.

— Acreditación de que a empresa dedicase á actividade de urbanización, construción e promoción inmobiliaria, a cal farase mediante a presentación dos estatutos da sociedade.

— Acreditación de que o inmoble obxecto da bonificación é da súa propiedade e non forma parte do inmobilizado, que se fará mediante copia da escritura pública ou alta catastral e certificación do administrador da Sociedade, ou fotocopia do último balance presentado ante a AEAT, a efectos do imposto sobre Sociedades.

— A solicitude de bonificación poderase formular dende que se poida acreditar o inicio das obras.

— Fotocopia do alta ou último recibo do Imposto sobre Actividades Económicas.

A acreditación dos requisitos anteriores poderase realizar tamén mediante calquera documentación admitida en dereito.

Se as obras de nova construción ou de rehabilitación integral afectan a diversos solares, na solicitude detallaranse as referencias catastrais dos diferentes solares.

2. As vivendas de protección oficial e as equiparables a estas segundo as normas da Comunidade Autónoma, disfrutarán dunha bonificación do 50 % durante o prazo de tres anos, contados dende o ano seguinte á data de outorgamento da calificación definitiva.

Esta bonificación concederase a petición do interesado, a cal poderase efectuar en calquera momento anterior á terminación dos tres períodos impositivos de duración da mesma e terá efectos, no seu caso, dende o período impositivo seguinte a aquel no que se solicite.

Para ter dereito a esta bonificación, os interesados deberán aportar a seguinte documentación:

• Escrito de solicitude da bonificación.

• Fotocopia da alteración catastral.

• Fotocopia do certificado de calificación de V.P.O.

• Fotocopia da escritura ou nota simple rexistral do inmoble (se na escritura pública non constara a referencia catastral, fotocopia do recibo do IBI do ano anterior).

3. Terán dereito a unha bonificación do 95 por 100 da cota íntegra os bens de natureza rústica das cooperativas agrarias e de explotación comunitaria da terra, nos termos establecidos na Lei 20/1990, de 19 de decembro, sobre Réxime Fiscal das Cooperativas.

4. Os suxeitos pasivos que ostenten a condición de titulares de familia numerosa disfrutarán dunha bonificación na cota íntegra do inmoble de uso residencial que constitúa a súa residencia habitual e na que estean empadroados, sempre que a renda familiar non supere os 16.000 €/anuais, de acordo cas seguintes categorías:

— Titulares de familia numerosa de categoría xeral: 50%

— Titulares de familia numerosa de categoría especial: 75%

Para a aplicación de ditas bonificacións será requisito imprescindible a súa solicitude polo interesado, que deberá acreditar:

a) O empadroamento na vivenda obxecto de solicitude dos membros da unidade familiar.

b) A condición e categoría de familia numerosa, por medio de título oficial.

Cada ano posterior, e con anterioridade ó transcurso dun mes dende a finalización do período de exposición pública do Padrón do Imposto, deberá comunicarse ó Concello, mediante escrito dirixido ó Ilmo Sr. Alcalde, o mantemento das condicións esixidas ou as variacións das circunstancias, xunto con copia dos xustificantes necesarios. A falla da devandita comunicación, suporá a perda para ese período impositivo do beneficio fiscal.

Non se poderá aplicar a bonificación a mais dunha vivenda por titular.

Esta bonificación non será compatible coas demais bonificacións establecidas no presente artigo.

O efecto da concesión da presente bonificación comezará a partir do exercicio seguinte á data da solicitude e non poderá ter carácter retroactivo.

5.—Concederase unha bonificación do 95 por cento da cota íntegra do imposto a favor de inmobles de natureza rústica nos que se desenvolvan actividades económicas do sector primario (viticultura, sector lácteo, cárnico, horticultura...) que sexan declaradas de especial interese ou utilidade municipal por concorrer circunstancias sociais, culturais, histórico artísticas ou de fomento do emprego que xustifiquen tal declaración. Corresponderá dita declaración ao Pleno da Corporación e acordarase, previa solicitude do suxeito pasivo, por voto favorable da maioría simple dos seus membros.

Os suxeitos pasivos que ostenten a condición de titulares de inmobles de natureza rústica nos que se desenvolvan actividades económicas do sector primario e que soliciten a concesión desta bonificación terán que acreditar algunha das seguintes circunstancias: estar dados de alta en facenda nunha actividade económica do sector primario mediante declaración censal; ser socios dunha cooperativa agrícola, vitivinícola ou gandeira; ser viticultores pertencentes a denominación de orixe Rías Baixas.”

A presente modificación entrará en vigor o día seguinte a súa publicación no B.O.P, permanecendo en vigor ata a súa modificación ou derrogación expresa.

Contra o presente Acordo, conforme ao artigo 19 do Texto Refundido da Lei Reguladora das Facendas Locais, aprobado polo Real Decreto Lexislativo 2/2004, do 5 de marzo, poderase interpoñer polos interesados recurso contencioso-administrativo, no prazo de dous meses contados a partir do día seguinte ao da publicación deste anuncio no Boletín Oficial da Provincia, ante o Tribunal Superior de Xustiza de Galicia.

MEMORIA SELECTIVA DAS PÁXINAS DA DEREITA

O goberno municipal non vai pedir que se revise o valor catastral dos inmobles de Cambados.
Sabendo que a economía das familias non está para "tirar foguetes" esta é unha boa nova a pesares de que algúns individuos queiran terxiversar a verdade.

Xa no ano 2010 houbo unha revisión parcial que aumentou a recadación en máis de 150.000 €. Tendo en conta que a Xunta do PP vai revisar as construccións en terreos agrícolas (galpóns ou casetas propias para a maquinaria i enseres do campo) o concello pasará a ter uns cartos dos que agora carece e que se engadirán a partires do vindeiro ano.

Pero claro esto non o conta a dereita, ou polo menos algunha páxina da dereita. Eso sí, inventan unha taxa a de voladizos. Esta taxa esiste desde hai moitos anos pero ata agora viña incluída no recibo do lixo e a ORAL o que fixo foi separala dese recibo.
Como minten máis que falan, porque non din entón que baixou o lixo?
Porque nos recibos do lixo notarían unha pequena rebaixa, o que antes pagaban polos "voladizos".

Memoria Selectiva!!

Como exemplo as imaxes dos recibos que vedes.

Taxas- 34.73 €
Voladizos- 3.36 €
Lixo- 31.37 €

Voladizos + Lixo= 34.76 € = taxas

APROBACIÓN DEFINITIVA DE TRES NOVAS ORDENANZAS DO CONCELLO DE CAMBADOS

Aprobadas varias ordenanzas de forma definitiva

De conformidade co establecido no artigo 17.3 do Real Decreto Lexislativo 2/2004, de 5 de marzo, polo que se aproba o Texto refundido da Lei Reguladora das facendas locais, finalizado o período de exposición pública sen presentarse reclamación ningunha, enténdese definitivamente adoptado o acordo do Pleno do Concello de data 24.09.2015, de aprobación das Ordenanzas reguladoras do prezo público por utilización dos servizos e instalacións do Centro de Desenvolvemento local de Cambados, TAXA POR APROVEITAMENTOS ESPECIAIS DA VÍA PÚBLICA CON CAIXEIROS AUTOMÁTICOS E OUTROS ELEMENTOS ANÁLOGOS ADOSADOS ÓS EDIFICIOS E CON ACCESO DIRECTO DENDE A VÍA PÚBLICA e a Ordenanza fiscal reguladora da taxa pola realización de tarefas de control, verificación e tramitación dos expedientes de apertura de furanchos e loureiros do Concello de Cambados. , publicados no Boletín Oficial da Provincia de Pontevedra o 22/10/2015, procedéndose segundo o disposto no artigo 17.4 do devandito texto legal, á publicación do acordo automaticamente elevado a definitivo.


Máis información en cada un dos enlaces seguintes

ORDENANZA VIVEROS DE EMPRESAS

ORDENANZA CAIXEROS

ORDENANZA FURANCHOS E LOUREIROS

DEMAGOXIA BARATA

Demagoxia (do grego, dmaggos, líder popular; dmos, pobo) é unha estratexia política que consiste en apelar a emocións (sentimentos, amores, xenreiras, medos, desexos) para gañar o apoio popular, frecuentemente mediante o emprego da retórica e da propaganda.

O dicionario da Real Academia Galega defíneo como a «política baseada en agradar ó pobo satisfacendo as súas aspiracións e intereses e fomentando as súas paixóns para manexalo mello» e o dicionario Ir Indo tamén como unha «forma impura de goberno democrático, segundo o concepto aristotélico, na que exercían o poder aqueles individuos que seducían e enganaban ás masas mediante o seu discurso.».

Tamén pode considerarse a demagoxia como un tipo perverso de oratoria, que permite atraer cara aos intereses propios as opinións dos demais empregando falacias ou argumentos aparentemente válidos que, porén, tras unha análise das circunstancias, poden resultar inválidos ou simplistas.

Aristóteles sinalouna como a forma de goberno corrupta contraria á democracia; Polibio definiuna como Oclocracia.

A demagoxia apóiase nas masas, favorecendo e estimulando as súas ambicións máis desatinadas, os sentimentos decadentes e elementais, e as desviacións da real e consciente participación activa na vida política. Isto prodúcese mediante fáciles e ilusorias promesas, imposíbeis de manterse, que tenden a indicar como os intereses colectivos da masa popular, ou da parte máis forte e preponderante dela, coinciden, en realidade máis aló de toda verdadeira lóxica de bo goberno, cos da comunidade tomada no seu conxunto.

A demagoxia é exercida polo demagogo, quen, aproveitando particulares situacións histórico-políticas e dirixíndoas para fins propios, excita e guía ás masas populares someténdoas grazas a particulares capacidades oratorias e psicolóxicas, a miúdo instintivas, que lle permiten interpretar os seus temperamentos e as súas esixencias máis inmediatas, unindo a isto dotes carismáticos non comúns.

A que ven todo esto? Pois a que o PP de Cambados pide que se rebaixe o UBU ao 0´44%  e non no 0´58 que pretende o actual Governo Municipal. Dase a paradoxa que o PP sae agora con esta idea unha vez que o actual equipo de Governo aprobou a medida. 

Si tan convencidos estaban os populares porque non o plasmaron no programa electoral?  Desde logo prometer a "posteriori" é moito máis fácil incluso que no programa electoral.

Porque si tan convencidos están porque non presentaron unha moción coa rebaixa que eles mesmos plantexan?

COBRANZA LIXO PRAZA, PADRÓN MERCADO E PADRÓN PRAZA 4T 2015

De conformidade co previsto no art. 12 do Real Decreto Lexislativo 2/2004, en relación cos artigos 23 e seguintes do Regulamento Xeral de Recadación, do 29 de xullo de 2005 (Real Decreto 939/2005), se lles comuníca aos contribuíntes suxeitos ao TAXA RECOLLIDA, TRATAMENTO E ELIMINACIÓN DE RESIDUOS ADOITADOS correspondentes á Remesa: LIXO PRAZA 4T2015 TAXAS POR SERVIZOS MERCADO correspondentes a la Remesa: MERCADO 4T 2015 e TAXAS POR SERVIZO PRAZA correspondientes a la Remesa: PRAZA 4T 2015 e pertencentes ao período impositivo do ano 2015 o seguinte:

Durante o prazo comprendido entre o 5 de Novembro de 2015 ata o 5 de Xaneiro de 2016 ou o inmediato hábil posterior se aqueles fosen festivos), procederase ao cobro en período voluntario da cota do Padrón citado.

Forma de Pagamento: 
ABANCA

CAIXABANK

BANCO SABADELL

Domiciliacións: Os contribuíntes poderán efectuar o pago a través dunha entidade bancaria. Para iso dirixirán comunicación escrita coa antelación suficiente.

O presente anuncio ten carácter de notificación colectiva ao amparo do art. 102 da Lei 58/2003, 17 de decembro, Xeral Tributaria.

Advertencia, ao vencimiento do prazo en período voluntario, sen ser satisfeita a débeda, determinará o inicio do procedemento executivo, a percepción da recarga correspondente e demais conceptos esixibles tal como fíxanse nos arts. 26, 28 e 161 da lei 58/2003 Xeral Tributaria.

NOVA MANIFESTACIÓN DOS EMIGRANTES RETORNADOS

A Coordinadora Nacional Galega de Emigrantes Retornados convoca unha manifestación de toda a emigración galega retornada en Santiago de Compostela o vindeiro sábado 21 de marzo.

A Coordinadora Galega de Emigrantes Retornados, xunto con 20 plataformas comarcais de emigrantes retornados, convocan para o sábado 21 de marzo unha manifestación en Compostela, con saída da Praza do Obradoiro ás 11:00h., onde reclamaremos a equiparación da presión fiscal independentemente da existencia de un ou mais pagadores, un marco homoxéneo para todas as pensións, ou a modificación do marco actual no sentido de evitar a retroactividade que establece a disposición adicional primeira da Lei 26/2014 tanto en relación coas persoas que xa tributaron por rendas percibidas en exercicios anteriores durante o ano 2013 e 2014, como para as que están pendentes de tributar todas as rendas desde o exercicio 2010 durante este período extraordinario de regularización.

Máis información

ATENCIÓN CAMBADESES QUE CHEGA UN NOVO IMPOSTO (2ª PARTE)

Tralos artigos publicados por CORES DE CAMBADOS, ATENCIÓN CAMBADESES!!!! CHEGA UN NOVO IMPOSTO?,  PEQUENO ALTERCADO NO CONCELLO POLO DOBRE IMPOSTO DO LIXO,  AS EXPLICACIÓNS DESDE O CONCELLO SOBRE AS TAXAS DO LIXO NON CONVENCEN e a intención dos Socialistas de Cambados de levar a pleno o tema do imposto do lixo a locais comerciais, OS SOCIALISTAS LEVAN A PLENO O ROUBO DO IMPOSTO DO LIXO, varios empresarios en conversas con este blog manifestaron as suas dúbidas respeto a que é o quere facer o concello, pois as explicacións dadas non calman os nervos destes empresarios senón que os aumentan. Posto que as declaracións á prensa da Interventora municipal xeran incertidume.
Vai sendo hora tamén que Cambados CCA tome cartas no asunto.

Todo esto leva a pensar en que un local de hostelería con venta de viños e despacho de loterías tería que pagar tres conceptos diferentes de lixo?
Ou kioskos de chucherías, que son ademáis bar, terían que pagar duas veces?
Estancos que teñen tenda, zapaterías con venta e arranxo? 
Pazos que ofrecen banquetes e tamén moitos outras actividades empresariais.
Vai sendo hora de que desde o concello movan ficha e deixen ben as claras que é o que vai pasar e non vale decir que o fan noutras poboacións, porque noutras poboaciós teñen uns servizos dos que carece Cambados e neso non queren igualarse.

PROPOSTAS DE NOVAS TASAS E IMPOSTOS MUNICIPAIS PARA PODER SEGUIR DESANGRANDO AOS CAMBADESES

PROPOSTAS DE NOVAS TASAS E IMPOSTOS MUNICIPAIS PARA PODER SEGUIR DESANGRANDO AOS CAMBADESES

Fai algo máis dunha semana faciámonos eco do malestar dun hostaleiro cambades porque recibiu unha notificación  do concello onde lle obrigaban a volver  a pagar o imposto de lixo dos anos 2011 e 2012; imposto que xa pagou no seu dia e que cando foi a pedir explicacións a ORAL a resposta que lle deron foi que, efectivamente, xa o tiña pagado e que o que lle reclamaban era un imposto “que se inventou o Concello de Cambados”.

Obviamente, a raíz desta anécdota podemos sacar moitas conclusións e, si damos por boa a versión de dito hostaleiro, moitos coincidiremos que o concello de Cambados non é un concello tan “perita” como manifestou no seu dia o alcalde. ¿cal será o próximo imposto ou taxa que se inventará Aragunde para seguir “atracando” aos cambadeses?

Preocupados pola saúde financeira do axuntamento e cun claro espírito “reconciliador” co noso “querido” alcalde, ofrecémoslle unha serie de impostos que se poderían crear e que, sen dúbida, axudarían a aliviar as penurias económicas que parece  estar sufrido o concello.

IMPOSTO SOBRE O INSULTO E PALABRAS MALSOANTES A CARGOS DO PP

Cada ano, sobre todo en datas sinaladas, como na Festa do Albariño (na que o noso pobo enchese de políticos de certo nivel) a comitiva sempre ten que aguantar, de cidadáns ou de determinados colectivos, insultos diversos  ou comentarios do tipo: “hoxe vas coa muller oficial ¿onde deixaches á amante colombiana” ou “¿cando me invitades a esas orxías sexuais que vos montades?; pois ben, ¿por que non sacarlle rédito a tales palabras soeces que teñen que soportar os  nosos “respectables” políticos?  Pois para iso  nada mellor que un imposto sobre o insulto e palabras malsoantes que seria de aplicación xeral porque, hai moi pouca xente que  non teña motivos para insultar aos nosos gobernantes e, así, dese modo, a xente podería desafogarse a gusto con Feijoo, Rajoy, Louzán ou Tourís.

IMPOSTO SOBRE “ENCHUFES”, ESTOMAGOS AGRADECIDOS E “PARASITOS” VARIOS

¿Algunha vez parástesvos a pensar na cantidade de xente enchufada ou estómagos agradecidos  que hai no concello? Fulares, a súa parella,  o xefe de prensa, o asesor xurídico ou, mesmamente,   ese rapaz dunha coñecida familia pasteleira que é dos que mais horas extras cobra (outra cousa é que as traballe), por non falar de todos os operarios  “colocados” non pola súa valía profesional  senón, simplemente, polo seu manifesto servilismo ao PP; pois ben, dado o alto numero, como diciamos, de estómagos agradecidos que viven do concello ¿por que non aplicarlle un imposto?; sen dúbida reportaríalle ás arcas municipais fortes ingresos, é o menos que se lles podería esixir por cobrar do Concello i, en algúns casos, estar a maior parte do tempo tocándose as súas partes pudorosas.   

IMPOSTO SOBRE OS MALOS CIDADANS  E INIMIGOS DA “GLORIOSA” NACION ESPAÑOLA

Todos sabemos que para o PP todos os que non os votan son ou  simpatizantes de ETA, ou  “perroflautas” ou perigosos independentistas que buscan a destrución de España e, por tanto, tales individuos deberían pagar un imposto por malos españois e por vivir na “gloriosa nación”  que, en tempos pasados, foi un imperio onde nunca se poñía o sol. Obviamente este imposto non seria igual para todos, aumentando o gravame a medida que o individuo amosase mais distanciamento do que debe ser un perfecto cidadán; é dicir: colleriamos un exemplo de bo e perfecto español, por exemplo, o noso querido Jose Pepe, modelo de cabaleiro e cidadán exemplar  onde os haxa, e dese modo individuos “inadaptados” como Xaquín Charlín “Chon” ou Arturo Cores pagarían o interese impositivo mais alto porque pouco ou nada se parecen ao noso “querido” e sempre “recordado” escribidor favorito; obviamente poden reducir dito gravame si cambian de conduta ou maneiras,por exemplo,  acudindo á misa dominical ou portando o pendón na próximas procesións estivais (cando falo do pendón falo da bandeira non vaiades a pensar en ningunha amante colombiana que xa os vexo vir), neste sentido será importante a información que poida aportar Don José, o párroco.

IMPOSTO POR ADMIRAR AOS “MONUMENTOS” LOCAIS PPEPEROS

Que Cambados non ten políticos de dereitas de alto nivel iso é sabido  por todos pero o que ninguén poderá  negar é que, en algúns casos,  moitos deles atesouran un atractivo e un “sex  appeal” fora de toda dúbida; eu, aquí mesmo, teño expresado todo o que me inspira a ex concelleira local e actual deputada autonómica Rosa Oubiña, unha muller que, probablemente, podería vivir sen cerebro, dado o pouco uso que lle da, pero ¿que non se podería dicir e loar dese corpo que non envexa en nada ás top models internacionais? como sen dubida diría (e utilizando as súas propias palabras) o meu admirado, e anteriormente nomeado, José Pepe: “una mujer por la cual mas de un varón perdería la cabeza y la razón”.

Como non quero que me acusen de machista, tranquilas que tamén hai para vos e que mellor representante da masculinidade pepera local  que o guapo oficial cambades: o tenente alcalde Toñito Pombo, modelo da virilidade cambadesa por antonomasia, por non falar do propio alcalde Aragunde, un galan de talla XXXL e incluso o propio Fulares, porque pode que Fulares sexa un parasito da administración cambadesa e un cancro para a súa economía, que o é pero  sendo xustos, ninguén pode negar que é “guapito” e “resultón” : esa barba canosa e de aspecto, aparentemente desaliñada, esa pose ao James Dean; envexo a súa parella (como xa dixemos anteriormente outra parasita do concello) por ter tan boa compañía.

Pois ben, dito todo o anterior, ¿non seria xusto que os cambadeses tivesen que pagar unha taxa por gozar e   alegrarse a vista con tal “tremendos” corpos? nada mais xusto; iso si, si os cidadáns  tiveran  que pagar poderían esixir  unha serie de contra prestacións , por exemplo, que cando Aragunde saíse a remar na piragua, se puxese unha tanga que realzase os seus mais que “predominantes” atributos aínda que sexa por ser a parte que mais se toca cando está nos plenos municipais.   

Esperamos ter sido de axuda e si o Concello toma nota e implantan algúns destes impostos non nos odiedes o que importa non é o correcto funcionamento e marcha do pobo senón que Aragunde e os seus secuaces poidan seguir  vivir de tódolos cambadeses.  

Un saúdo a todos.

           RICARDO DOMINGUEZ REY

      

AS EXPLICACIÓNS DESDE O CONCELLO SOBRE AS TAXAS DO LIXO NON CONVENCEN

Hoxe leemos na prensa en palabras da interventora municipal que os hoteis con cafetería aberta ao público en xeral e non só para uso exclusivo dos seus hóspedes han de pagar tamén a taxa de recollida e tratamento de lixos por esta actividade, pero que en ningún caso deuse unha duplicidad no cobro de impostos de lixos.  

A nova saltou trala publicación de CORES DE CAMBADOS da nova sobre duplicidade de taxas que afectaba a varios establecementos hoteleiros e que o Psoe levara as queixas ao Concello.

Desde a administración local defenderon onte a lexitimidade do cobro do imposto, sinalando que así o recolle a ordenanza de recolleita de lixo a cal regula o cobro da taxa por actividades económicas e destacando que así tamén se recolle nas normativas da maioría de concellos pontevedreses.

Sigue explicando a interventora, algo que chama a atención dos hoteleiros, é que todo esto procede dunha inspección realizada en 2013 na que se detectaron hoteis con cafetería de acceso ao público en xeral e que só estaban pagando a recollida de lixos como hotel. É algo extrano siguen decindo os hoteleiros contrarrestando a información dada desde o Concello, que os embargos que chegan aos hoteis sexa de anos anteriores ao 2013 e que non se recibiran esas facturas nin as posteriores en tempo e forma ata o de agora. A partir de aí e, segundo fontes municipais, nomeando á Intervención municipal, comunicóuselles por escrito aos propietarios que debían abonar esa taxa tamén pola cafetería. Algo que os hoteleiros negan.

Esixir o pago deste imposto a uns hoteis con cafetería aberta e non a outros suporía un agravio comparativo e unha inxustiza?, engadiron desde o Concello, algo lóxico e que todo o mundo entende ou debería de entender.

Respecto ao cobrador, o Concello indicou que a xestión do imposto está delegada no Oral e "...non existe duplicidade algunha non cobro do mesmo. Unha actividade, un pago; dúas actividades dous pagos". Como exemplo puxeron o caso dunha bodega con restaurante, que suma dúas actividades ou o dun hotel con salón de banquetes, mentres que un hotel con comedor exclusivo para hóspedes, CONTA como unha actividade.

Resulta extrano tamén que na ORAL informen de que os recibos estén pagos e remitan aos hoteleiros ao Concello e o Concello diga que os cobros fainos a ORAL. En que quedamos? pregúntanse os propietarios.

Estas non son as primeiras queixas da hostelería cambadesa, so hai que lembrar a problemática das terrazas no Albariño, na que segundo os hosteleiros algúns teñen que pagar, aparte do que pagan todo o ano, as terrazas neses dias de festa.

OS SOCIALISTAS LEVAN A PLENO O ROUBO DO IMPOSTO DO LIXO

A formación que lidera Fátima Abal preguntará no concello cal é o motivo polo que aos hostaleiros lles está a chegar un novo recibo do lixo polas cafeterías dos hoteis, coma se estas fosen un negocio aparte e non formasen un conxunto con ditos hoteis. Un recibo, ademáis, que se está a cobrar con carácter retroactivo, algo a todas luces inxusto.

Segundo a voceira socialista: “unha vez máis, é indignante a forma que ten de facer as cousas este concello, actúa cun despotismo inaudito, estamos escoitando cada día casos de hostaleiros aos que lles chegan recibos do lixo por duplicado, e incluso en forma de atrasos. Por eso, preguntaremos cal é o motivo destes recibos, os cales ademáis son emitidos polo propio Concello en lugar de pola ORAL que é quen ten esa potestade”.

Os socialistas esixen que o concello dea a cara e se explique, en lugar de agocharse como fai habitualmente. “Os veciños e veciñas están xa cansos deste escurantismo, temos un alcalde que por un lado presume públicamente de transparencia, unha transparencia que na realidade non existe, e por outro lado sube impostos de forma completamente irregular, xa que os hostaleiros xa estaban pagando ata o de agora o que lles correspondía. Ademáis, cando algún afectado pide que lle expliquen que é o que acontece, négaselle esa información. Parece que o Concello anda unha vez máis a dar bandazos, como se pensaran que a xente non se ía enterar desta duplicidade impositiva”.

Fátima Abal afirma que “non se entende a que ven este contínuo maltrato aos sectores que moven a economía local, cando o que precisa o noso pobo é xustamente o contrario, necesítase potenciar a nosa economía en lugar de asfixiar con impostos e con incertidume aos sectores productivos, os cales necesitan unha claridade que este goberno municipal é incapaz de garantizar”.

PEQUENO ALTERCADO NO CONCELLO POLO DOBRE IMPOSTO DO LIXO

Esta mañán no consistorio de Cambados prodúxose unha discusión entre o hosteleiro que denunciou o asunto do dobre imposto do lixo que está a aplicar o concello por un lado e a ORAL, que é o organismo competente para a recadación de impostos.
Tras pedir explicacións, ninguén desde o concello tivo a amabilidade de dar detalle deste novo abuso.
Un funcionario amenazou con chamar a Policía Local si o veciño, seguía insistindo de modo vehemente, na esixencia de explicacións.
Segundo testigos presenciais, ninguén do Concello foi quen de explicar o tema.
Recordemos que  CORES DE CAMBADOS sacou a luz o venres a nova sobre este atropelo do que onte se fixo eco A TI MEU CAMBADOS e que relatamos a continuación por boca do afectado, que nos consta que non é o único e xa se están a preparar varias reclamacións. 
O relato que sigue foi a contestación ao publicado por este blog.

O que escribes pasoume a min. Resulta que me chega unha carta de pago por 

parte do Concello decíndome que lle teño que pagar a basura porque según me 

din, desde o Concello, teño unha cafeteria que produce basura e me reclaman 

1251,11 euros por liquidacion de atrasos de taxas de recollida de lixo dos anos 

2011 e 2012 pola cafeteria.... Resulta que vou a ORAL e me din que a basura 

eses anos xa a teño paga (polo que me dan un justificante donde di que pago 

407,66 cada catro meses de basura polo Hotel ), e que este novo pago xa non 

depende de min e din que non son o unico negocio que ten este problema.E 

ahora me vexo fasendo unha reclamacion..........Cando a mañán acudín o 

Concello díxenlle ao funcionario que leva este papeleo -inventades estes novos 

impostos porque non tendes un peso no Concello? ...E a respuesta do 

funcionario foi mover a cabeza. O que pasa e que hay mis xente fora que 

dentro do Concello, e selles paga un soldo e máis un seguro e están mais 

tempo nos bares, supermercados e de tiendas que no Concello e despois veñen 

estes inventos de impostos que o que traen e moito malestar entre os veciños--

--Quixera saber quen e o que manda no Concello!!...