ANPAS E SINDICATOS QUEREN DAR POR ACABADO O CURSO

As asociacións de nais e pais de Galicia enviaron un escrito á Consellería de Educación no que solicitan dar por finalizado o curso escolar 2019-2020 con data de 13 de marzo. Así figura nun comunicado conxunto da Confederación Anpas Galegas, Confapa Galicia, CIG- Ensino, FESP- UXT GALICIA, CCOO Ensino, CSIF Ensino Galicia E ANPE Galicia. De tal forma, emprázase á Xunta ao establecemento de criterios de avaliación "excepcionais" que posibiliten a promoción do alumnado. Entre outras cuestións, chámase a reorganizar os currículos de fronte ao próximo curso, así como a traballar en mecanismos compensatorios que eviten un esforzo "inasumible" polos alumnos no curso 2020-2021. Así, expoñen que "non hai unha capacidade real" para impartir de forma telemática os contidos e que cheguen a todos os alumnos, "tanto pola falta real de acceso á rede como por carencia nas familias de medios tecnolóxicos". A isto únese a ausencia de directrices e de posibilidade de seguimento polo profesorado do traballo realizado en casa.

CHARLA SOBRE COMO USAR UN DESFIBRILADOR NO INSTITUTO CABANILLAS

O vindeiro luns dia 17 nas instalacións do IES Ramón Cabanillas, a ANPA e o departamento de educación fisica  farán unhas xornadas relacionadas co uso do DESA.

Ditas charlas e prácticas serán impartidas por técnicos do 061 de forma voluntaria e altruísta.

Hai xa tres anos a ANPA Arco de Fefiñans dotou de un DESA (desfibrilador semi automatico) ó IES Ramón Cabanillas e co desexo de que o alumnado adquira nocións básicas do seu uso organizamos estas actividades.

DESA é a abreviatura de Desfibrilador Externo Semiautomático. É un dispositivo médico de uso extra hospitalario para reverter a parada cardíaca que pode axudar a salvar miles de vidas ao ano. A parada cardíaca ou morte súbita ocorre de forma repentina. A persoa que a padece perde a consciencia e a respiración debido a un fallo cardíaco do corazón. #Ante esta situación, cada minuto resta posibilidades de supervivencia, e actuar rápido pode supoñer salvar a súa vida. Para reverter a situación de parada, é importante que a poboación coñeza as técnicas de reanimación cardiopulmonar e saiban que é e onde hai un desfibrilador. Se realizamos a masaxe cardíaca e aplicamos o desfibrilador nos pimeros minutos, as posibilidades de manter con vida á persoa aumentan ata un 90%. Os desfibriladores externos semiautomáticos ( DESA) están deseñados para que a poboación poida usalos de forma fácil e intuitiva. A diferenza dos desfibriladores externos automáticos ( DEA), a descarga prodúcese de forma manual, avisando ao usuario de que ten que pulsar o botón de descarga e afastarse, un aviso que garante a seguridade da vítima e do usuario. No caso dos DEA, a descarga prodúcese automaticamente polo equipo.

Desde a ANPA agradecen de antemán ós membros do 061 que voluntariamente se prestan a impartir estas prácticas.

ASEMBLEA XERAL DA AMPA ARCO DE FEFIÑÁNS

ASEMBLEA XERAL DA AMPA ARCO DE FEFIÑÁNS DO IES. CABANILLAS

ADEUS A PACO BENÍTEZ

O suboficial do Rexemento de Infantería Galicia 64 de Cazadores de Montaña, da Brigada Aragón I, falecía este luns sobre as 8.30 horas en Jaca, en plena rúa, xunto á gardería municipal, mentres realizaba a instrución físico militar (ximnasia). Trátase de Francisco Javier Benítez Maya, de 42 anos de idade, de Badaxoz, que levaba varios anos en Jaca e pai de dous fillos, confirmaron fontes do Rexemento. Paco Benítez deixa viúva, tamén militar. Era unha persoa moi coñecida e querida na cidade, onde levaba residindo desde hai tempo e colaboraba habitualmente como voluntario no Club Xeo Jaca. A noticia supuxo un mazazo entre os seus compañeiros e entre os que o coñecían e apreciában, que eran moitos.
Antes de establecerse en Jaca, Paco pasou cerca de dous anos en Cambados e que visitaba de cando en vez, de donde era a sua esposa, Sandra Ribadomar, cando ambos estaban destinados en Pontevedra. Durante ese tempo ambos formaron parte da AMPA do Colexio da Pastora, onde tiven a sorte de compartir experiencias.
O suboficial, que contaba cunha dilatada experiencia en unidades de Infantería, falecía mentres realizaba unha actividade física programada de carreira continua, informaron as mesmas fontes, ao parecer, como consecuencia dun infarto fulminante. Nun primeiro momento, o suboficial era atendido no mesmo lugar do accidente polos seus propios compañeiros. Inmediatamente chegaría o médico do 112, pero non se puido facer nada por salvar a súa vida e faleceu nese mesmo lugar. Segundo indican as mesmas fontes, a familia xa foi informada e nestes momentos todos os esforzos do Rexemento centráronse en atendela neste difícil transo. O suceso conmocionou á poboación jacetana, do mesmo xeito que aos seus compañeiros, xa que xusto no momento no que se producía, numerosos pais acudían á gardería para deixar aos seus fillos pequenos, o que causou unha gran alarma que tivo, desgraciadamente, un fatal desenlace.


Este martes, ás 11.00 horas, no Acuartelamento San Bernardo de Jaca, tiveron lugar as Honras Fúnebres en honra de Francisco Javier Benítez Maya, un acto oficial organizado polo Exército con motivo do falecemento en Acto de Servizo do suboficial do Rexemento de Infantería Galicia 64 de Cazadores de Montaña e que estivo presidido polo Tenente Xeral Xefe da Forza Terrestre, Juan Gómez de Salazar Mínguez.
Durante a tarde, numerosos familiares e amigos pasaron pola Capela Ardente, situada no Acuartelamento San Bernardo de Jaca e onde permaneceu aberta toda a noite para recibir a cuantos quixeron expresar á familia e aos seus compañeiros do Exército a dor ante tan lamentable perda, e dar o último adeus ao suboficial, que falecía de maneira tan inesperada. O sarxento primeiro Francisco Javier Benítez Maya, levaba 20 anos de servizo no Exército, dos cales, seis, destinado en Jaca, onde era moi querido e coñecido e participaba activamente na vida social da cidade (era voluntario do Club Xeo Jaca).

Benítez Maya tiña unha traxectoria intachable. Participara en misións de paz en Kósovo e en Albania, e os seus méritos foran recoñecidos con distintas condecoracións: no momento do seu falecemento, estaba en posesión da Medalla OTAN (pola súa participación na misión de paz de Kósovo) Mención Honorífica e da Cruz ao Merito Militar con Distintivo Branco Mención Honorífica. A noticia causaba unha gran conmoción en Jaca, tanto pola forma en que se produciu (á primeira hora da mañá, xunto á gardería) como polo feito de que se trataba dunha persoa nova e moi apreciada en Jaca, por quen nin os seus compañeiros nin o 112 puideron facer nada a pesar da rápida actuación en canto produciuse o suceso.

Tras o acto de honras fúnebres, levouse a cabo unha cerimonia privada na capela do rexemento. Seguidamente, o corpo foi incinerado en Huesca, seguindo os desexos da familia do sarxento, que se desprazou desde Estremadura e Galicia.

O acto de despedida de Francisco Javier Benítez deu comezo coa entrada do cadaleito aos ombreiros de varios compañeiros, visiblemente emocionados. O bispo de Jaca, Julián Ruiz, oficiou unha misa e dixo "compartir a dor dos seus familiares", encabezados pola súa viúva, Sandra. Tamén, indicou que "o desexo é ser presenza para acompañar nun momento de sufrimento e desolación". Unha vez imposta a medalla e realizada a descarga de fusilería, o propio coronel David Vaquerizo ocupouse de realizar unha fiel descrición do sarxento, ao que definiu como "un traballador infatigable, disposto á conversación, que antepoñía a familia e era amigo dos seus amigos". A súa morte xerou "tristeza, pranto, congoja e mesmo, ira", segundo o xefe do rexemento, que concluíu que "o seu tributo debe ser de alegría porque así o querería e para elevar o ánimo da familia".

Descanse en paz.

CAMBADOS RECOLLEU MÁIS DE 2600 QG DE ALIMENTOS E MÁIS DUN CENTO DE XOGUETES POLO NADAL

O Concelleiro de Servizos Sociais, Sanidade e Terceira Idade de Cambados, Tino Cordal, amosa a súa satisfacción polo éxito da campaña de Nadal que serviu para recoller alimentos non perecedoiros, típicos do Nadal, produtos de hixiene corporal e xoguetes novos ou en bo estado de uso.

Esta campaña do Nadal realizouse grazas á colaboración da Agrupación de Protección Civil de Cambados, a Asociación de Comerciantes Zona Centro, o Club Atletismo de Cambados, o Club Xuventude de Baloncesto, a empresa Aquafit, que xestiona a piscina municipal, e todas as ANPAS dos colexios e institutos do noso municipio: Os Caeiros, Os Olmos, Santa Mariña Dozo, Arco de Fefiñáns, Con de Sete Pías, O Estanque, O Castro e A Pastora.

Nos colexios e institutos de Cambados as ANPAS recolleron ao longo de cinco días (do luns 11 ata o venres 15 de decembro) arredor de 500 quilogramos de alimentos non perecedeiros e típicos do Nadal, ademais de produtos de hixiene corporal. Este material foi recollido, ordenado e almacenado polo persoal dos Servizos Sociais do Concello de Cambados, quen procedeu ao seu posterior reparto entre as familias necesitadas os días 20, 21 e 22 de decembro.

En varios supermercados da nosa localidade tamén se recolleron alimentos non perecedeiros , típicos do Nadal e produtos de hixiene corporal. Foi a Agrupación de Protección Civil de Cambados quen se encargou de recollelos e entregarllos posteriormente aos Servizos Sociais do Concello. Neste caso, acadouse unha gran cantidade de alimentos, superando os 1500 kilogramos.

A empresa Aquafit, que xestiona a piscina municipal, recolleu no seu maratón navideño solidario de actividades, realizado o 29 de decembro, máis de cen quilogramos de bebidas non perecedeira (augas, zumes, etc.) e produtos de hixiene persoal (xabón, xel, xampú, etc.), que foron igualmente doados aos Servizos Sociais do Concello de Cambados, quen se encarga de distribuílos entre as familias necesitadas da nosa localidade.  

Na IV Carreira San Silvestre Solidaria de Cambados do 31 de decembro, o Club Atletismo de Cambado recolleu uns 500 kilogramos de alimentos non perecedeiros, aproximadamente, e varias ducias de xoguetes. Tamén se recolleron varias ducias de xoguetes no partido do Club Xuventude de Baloncesto celebrado no pavillón do Pombal o pasado 29 de decembro.
A recollida de xoguetes efectuada nas dependencias de Zona Centro e dos propios Servizos Sociais do Concello situadas no edificio de oficinas e servizos municipais da rúa Ourense foi algo máis abundante, pois neste caso superouse o centenar de xoguetes. Os xoguetes novos ou en bo estado de uso estanse a entregar ás familias necesitadas de Cambados nestes días previos á chegada dos Reis Magos. Segundo Cordal, “tratamos de evitar que ningún neno ou nena de Cambados quede sen xoguetes, independentemente da precariedade da situación económica da súa familia”.

O Concelleiro de Servizos Sociais, Sanidade e Terceira Idade de Cambados, Tino Cordal, agradécelle a todas as ANPAS, á Agrupación de Protección Civil de Cambados, á Asociación de Comerciantes Zona Centro, ao Club Atletismo de Cambados, ao Club Xuventude de Baloncesto e a empresa Aquafit a súa colaboración con esta campaña.
Cordal considera ademais que “entre os obxectivos desta campaña do Nadal tamén estaba transmitir á poboación cambadesa valores como a solidariedade entre veciños, sobre todo nos casos en que existen necesidades evidentes”. “Ser bo cidadán implica ser solidario e axudar aos teus veciños cando o precisan, e non só durante as festas do Nadal”.
Logo desta campaña solidaria do Nadal o Banco de Alimentos do Servizos Sociais de Cambados está practicamente cheo, tendo existencias para repartir entre as familias máis necesitadas do noso Concello durante varios meses. En definitiva, todo un éxito. 

CONCESIÓN DE SUBVENCIÓNS A ENTIDADES SOCIOCULTURAIS

A Concellaría de Cultura  do Ilmo. Concello de Cambados, en relación ás subvencións de carácter sociocultural ten a ben emitir o seguinte

INFORME:

O total de solicitudes presentadas é de:  37

Acéptanse 37 solicitudes por reunir toda documentación e requisitos esixidos nas Bases da Convocatoria.

Da aplicación das puntuacións, proponse o seguinte reparto:

326.489.00 Transferencias para actividades complementarias de educación

ANPA "ARCO DE FEFIÑANS"	614 €
ANPA "O CASTRO" CASTRELO	614 €
ANPA "OS OLMOS" (SAN TOME)	614 €
ANPA "CON DE SETE PIAS"	614 €
ANPA COLEGIO NTRA. SRA. DE LA MERCED	400 €
ANPA "OS CAEIROS"	614 €
ANPA "O ESTANQUE" CORVILLON	614 €
ANPA "A PASTORA"	400 €
ANPA "SANTA MARIÑA DOZO"	614 €

TOTAL : 5.098,00 €

338.489.00 Transferencias para Festas populares

ASOC. CULTURAL FESTAS PATRONAIS VILARIÑO	500 €
ASOC. VIRGEN DE LOURDES CORVILLON	500 €
ASOC. COM. FESTAS STA. CRUZ CASTRELO	500 €
ASOC. FESTAS PATRONAIS DE CORVILLON	500 €
COMISION COFRADIA SAN ROQUE DE CAMBADOS	500 €
COMISION FESTAS DE SAN ROQUE CORVILLÓN	500 €
ASOC. CULT. "PRADO DE SINEIRO" VILARIÑO	500 €
ASOC. AMIGOS DE CASTRELO	500 €

TOTAL : 4.000 €

CONCESIÓN DE SUBVENCIÓNS A ENTIDADES DEPORTIVAS

A Concellaría de Deportes do Ilmo. Concello de Cambados, en relación ás subvencións de carácter deportivo ten a ben emiti-lo seguinte

INFORME:

O total das solicitudes presentadas é de: 20

Acéptanse 20 solicitudes por reunir toda documentación e requisitos esixidos nas Bases da Convocatoria.

A lista, por riguroso orde de entrada no rexistro do Concello, é a seguinte:

1. CLUB DE PESCA AS JORITAS
2. CLUB XUVENTUDE BALONCESTO
3. CLUB CAMBADOS GAÉLICO
4. CLUB TENIS CAMBADOS
5. A. D. GRAN JETÉ
6. CLUB CAMBADOS TENIS DE MESA
7. ESCOLA DEPORTIVA A MERCED
8. CLUB PIRAGÜISMO CAMBADOS
9. JUDO CLUB SENÍN
10. CLUB NATACIÓN SALNÉS
11. MOTOCLUB O MELLOR DE CADA CASA
12. CLUB XAV VOLEIBOL
13. CLUB DE FÚTBOL BEIRAMAR
14. CLUB MARIÑO SALNÉS
15. CLUB VITAL SPORT CAMBADOS
16. CLUB JUVENTUD DE CAMBADOS
17. CLUB ATLETISMO CAMBADOS
18. CLUB XADREZ ALBARIÑO
19. CLUB ALBARIÑO VETERANOS
20. ASOCIACIÓN FILOSOFÍA DE XOGO

Deste xeito, e de maior a menor puntuación, proponse o seguinte reparto, con cargo á partida orzamentaria 341.489.00, por importe de 70.000 euros,:

CLUB XUVENTUDE DE BALONCESTO, 53 PUNTOS: 17.100 €
CLUB JUVENTUD DE CAMBADOS, 43 PUNTOS: 13.100 €
CLUB CAMBADOS TENIS DE MESA, 33 PUNTOS: 9.500 €
CLUB PIRAGÜISMO CAMBADOS, 31.15 PUNTOS: 8.000 €
CLUB VOLEIBOL X.A.V., 28.9 PUNTOS: 6.000 € CLUB ATLETISMO CAMBADOS, 25 PUNTOS 3.350 €  CLUB DE TENIS CAMBADOS, 21.65 PUNTOS 2.100 € CLUB VITAL SPORT, 20.75 PUNTOS 2.100 € CLUB NATACIÓN SALNÉS, 20.05 PUNTOS: 2.100€ MOTOCLUB O MELLOR DE CADA CASA, 16.5 PUNTOS 1.000 € CLUB MARIÑO SALNÉS, 16.4 PUNTOS 1.000€ CLUB XADREZ ALBARIÑO, 14.85 PUNTOS 700 € CLUB DE PESCA AS JORITAS, 14.2 PUNTOS 700 € CLUB CAMBADOS GAÉLICO, 14.1 PUNTOS 700 € CLUB BEIRAMAR DE FÚTBOL, 13. 25 PUNTOS 700 € JUDO CLUB SENÍN, 12.2 PUNTOS 700 € ESCOLA DEPORTIVA A MERCED, 9 PUNTOS 300 € ASOCIACIÓN DEPORTIVA GRAND JETÉ, 8.6 PUNTOS 300 € CLUB ALBARIÑO VETERANOS, 8.25 PUNTOS 300 € ASOCIACIÓN FILOSOFÍA DE XOGO, 7 PUNTOS 250 € TOTAL: 70.000 €

ASAMBLEA XERAL ORDINARIA DA AMPA DO I.E.S. CABANILLAS

Na tarde do vindeiro martes 11 de outubro terá lugar no salón de actos do I.E.S. Cabanillas de Cambados unha asemblea xeral ordinaria, as 20:00h en primeira convocatoria e media hora despois en segunda.  

Nesa asemblea trataranse entre outros os seguintes puntos:

- Estado de Contas

-Memoria de actividades do curso pasado                                                         

-Banco de libros

-Data límite de pago da cota

-Excursións fin de ciclo                                        

-Renovación da Xunta 

 E rogos e preguntas.

Desde a ANPA agardan a maior asistencia e participación dos pais para mellorar todos os aspectos mellorables para o benestar dos rapace e comunidade do centro.

XUNTA EXTRAORDINARIA DA ANPA DO IES R. CABANILLAS

Este próximo luns 27 a ANPA  "Arco de Fefiñáns" do I.E.S Ramón Cabanillas vai celebrar unha xunta extraordinaria as 20:30 hrs na que se tratará o tema do Banco de Libros que esta Anpa organiza desde hai 3 anos.

Asemade lembrarvos que o mesmo luns 27 de 09:00 a 12:00 hrs (coincidindo coa entrega de notas) estarán na biblioteca do instituto recollendo os libros do BANCO DE LIBROS que se prestaron para o curso recién tematado. 

Lembrade que SOLO ESTARÁN ESE DIA!!!!

Para calquera dubida no duden en falar con eles no tfno 629836543 

SEMANA DA FROITA NO I.E.S. CABANILLAS

Desde hoxe ata o xoves no primeiro recreo farase o reparto de fruta entre todo o alumnado, esto e posible gracias a ANPA  do I.E.S. Cabanillas, "Arco de Fefiñáns"xa que a froita corre pola súa conta. Con esta actividade agardan que sirva  para fomentar o consumo de fruta nos máis xóvenes.

Lembrade tamén que sigue aberto o plazo para inscribirse na partida de Paintball do sábado 28.

O I.E.S. CABANILLAS ORGANIZA UNHA PARTIDA DE PAINTBALL

A AMPA "Arco de Fefiñáns" do I.E.S. Cabanillas organiza unha saída para os alumnos do centro para xigar ao Paintball no Campo do Lobo en Caldas de Reis o vindeiro sábado 28 de maio.
O precio para socios é de 10 € e para os non socios de 25€. Os interesados poden recoller o impreso de inscrición nas aulas ou conserxería e entregalos despois de facer efectivo o pago en CAIXA RURAL.

O terreo de xogo ten un tamaño de 25000  metros cadrados que se dividen en 4 escenarios urbanos onde practicar o paintball de maneira segura e moi divertida. Son campos estudados e preparados para sacar o máximo de acción e adrenalina.
Ademais dos escenarios contan con vestiarios e unha zona cuberta para tomar un descanso entre partida e partida.

EDUCACIÓN RESOLVE O CONTRATO DE COMEDORES ESCOLARES POR INCIMPRIMENTO REITERADO

A Consellería de Cultura, Educación vén de comunicarlle ás empresas Col-Servicol S.L. e Cátering Perea Rojas S.L. a resolución dos contratos de servizo de comedor escolar que prestan en 20 centros da comunidade, debido ao incumprimento grave e reiterado, na metade destes centros, das condicións establecidas nos contratos.

O departamento educativo da Xunta tomou esta decisión logo de constatarse unha serie de incidentes de carácter grave na prestación do servizo, especialmente nas dúas últimas semanas, que non garanten as condicións do servizo contratadas.

Esta decisión foille comunicada hoxe mesmo ás direccións de todos os centros afectados (repartidos nas provincias A Coruña, Lugo e Pontevedra), a quen tamén se lles adiantou que desde a Consellería se está pechando unha alternativa para garantir o servizo de comedor nestes centros nos vindeiros días, que estará operativa xa desde mañá xoves. Tamén se lles deu conta da decisión aos alcaldes das localidades con comedores escolares xestionados pola Xunta onde prestaban os seus servizos as dúas empresas.

Na vindeira semana darase conta ao Consello da xunta da contratación, por procedemento de urxencia, dos novos servizos de comedor.

A prioridade da Consellería é velar pola seguridade alimentaria e sanitaria dos menús escolares en todos os centros que xestiona. De feito o departamento de Educación actuou coa máxima dilixencia desde o primeiro momento en que se rexistraron incidencias, pero dentro dos cales administrativos esixidos por lei.

A resolución administrativa dos contratos adóptase unha vez concluídas as investigacións levadas a cabo polos servizos de inspección de Educación e de Sanidade, tanto en comedores escolares de Cambre e Culleredo (onde están abertos dous expedientes de penalidades) coma en centros de Arousa e Cuntis onde se rexistraron incidencias. 

Non obstante, cómpre lembrar que arredor de 11.700 nenos e nenas comen cada día a través de cátering en comedores escolares xestionados pola Consellería. Por tanto, as incidencias acontecidas nas últimas semanas, -aínda que importantes-, en ningún caso se poden extrapolar ao conxunto do servizo de cátering, que está funcionando con normalidade.

A AMPA DO MAGARIÑOS EXPÓN AS SUAS DUDAS ANTE A DIRECCIÓN DO CENTRO

A AMPA do Colexio Antonio Magariños non ten constancia de queixas por parte de pais sobre o tema do cátering. Malia esto púxeronse en contacto co director do centro, tras ver a nova na prensa sobre as queixas aparecidas en Vilagarcía, como responsable pois agora quen leva os cáterings é a propia Xunta de Galicia. Ante a dirección comunicaron as dudas e como podía afectar aos rapaces que fan uso do servicio de comedor do centro. 
A dirección púxose en contacto co Delegado de Educación que prometeu dar unha resposta en breve.
A AMPA, como non podía ser doutra maneira, ponse a disposición dos pais e nais para facer de intermediario coa Dirección do centro para expresar calquer queixa sobre o servicio de comedor ou calquer outra inquietude.


Artigo relacionado