CONVOCATORIA DO 1º DE MAIO

Afrontamos este 1º de Maio sumidos/as nunha profunda crise económica que afecta de forma moi directa á clase traballadora a través da perda de miles de empregos, redución de salarios, precarización das condicións de traballo, perda de dereitos, etc. As políticas económicas, sociais e laborais que está a promover o PP a través dos Gobernos español e galego, seguindo as directrices de institucións como o FMI, o BCE ou a Comunidade Europea, responden ao seu modelo ideolóxico de economía neoliberal e de defensa dos intereses da banca, dos especuladores e da oligarquía financeira. Contra isto, a CIG chama á clase traballadora galega a participar nas mobilizacións convocadas en todo o país para reclamar emprego digno e rexeitar as medidas antiobreiras que se nos están a impoñer.

As políticas do PP  de recorte de gasto público, de deterioración de servizos públicos como ensino, saúde e servizos de asistencia social, de facilitar e abaratar o despedimento, de incrementar a idade de xubilación e reducir a contía das pensións futuras, etc, responden á defensa do mesmo modelo económico de capitalismo neoliberal. Son políticas que non serven para saír da crise económica e que realmente o que buscan é incrementar os beneficios e o poder económico do capital financeiro especulativo, cargando os custos da crise económica ás clases traballadoras.


Este sistema económico non garante dereitos básicos e universais á poboación. Este modelo económico e social obriga a clase traballadora a estar permanentemente en loita na defensa dun salario e dun posto de traballo digno; dun ensino e dunha sanidade públicos e de calidade; dunha vivenda para todos/as; dunha alimentación sa; dunha política industrial, agrícola e de infraestruturas respectuosa co medio ambiente... Este é un modelo económico ao servizo dunha minoría social e nestas situacións de crise é cando mellor se pon de manifesto. 

A CIG convoca manifestacións nas principais cidades de Galiza.


HORARIOS DAS DISTINTAS MANIFESTACIÓNS E CONCENTRACIÓNS: 


Vigo ás 12,00 h. Cruce da Doblada
A Coruña ás 12,00 h. Praza de Vigo, manifestación central.
Pontevedra ás 11,30 h. Praza da Ferrería
                                                      Ferrol ás 12,00 h. Avda. de Esteiro (local da CIG)
                                                      Santiago ás 12,30 h Praza Roxa
                                                      Lugo ás 12,30 h. Ronda da Muralla (edificio sindical)
                                                      Ourense ás 12,30 h. Pavillón dos Remedios
                                                      Ribeira ás 12,00 h. Praza do Peixe
                                                      Mondoñedo ás 12,30 h. Diante da ECAR
                                                      Vilagarcía ás 12,00 h. Casa do Mar
                                                      A Estrada ás 12,00 h. Praza do Concello

MANIFESTACIONS 29 ABRIL

Miles de persoas, que CCOO e UXT calculan en 70.000, saíron á rúa onte en nove cidades e vilas galegas en defensa da sanidade e educación públicas e en contra dos axustes que o Goberno introduciu nestes ámbitos.

En Vigo, a pesar de que o bo tempo animaba a gozar do aire libre, celebrouse a manifestación máis numerosa, á que asistiron unhas 15.000 persoas. Partiu do cruzamento de Vía Norte e Urzáiz e percorreu as principais avenidas da cidade.

Estaba encabezada por unha pancarta coa lema 'Coa educación e a sanidade non se xoga' e participaron nela os líderes sindicais vigueses de CCOO e UXT e cargos políticos como o alcalde de Vigo, Abel Caballero, e varios edís socialistas.

No seu percorrido cara á praza da Estrela, os manifestantes corearon consignas contra os recortes como 'Máis educación, PP solución', 'A culpa é dos que votan ao PP', 'O público é servizo o privado beneficio' ou 'Feijóo, atende, a sanidade non se vende'.

Na Coruña a protesta da Plataforma en defensa da sanidade e a educación congregou a unhas catro mil persoas, segundo fontes da Policía local. Partiu da praza da Palloza e dirixiuse ata o Obelisco, onde se corearon consignas contra os recortes do Goberno.

Do mesmo xeito que noutras concentracións, como en Lugo, onde segundo os convocantes congregou a 200 persoas, unha pancarta encabezaba a marcha coa lenda "Coa educación e a sanidade non se xoga".

A manifestación central, aínda que non a máis numerosa, foi a celebrada en Santiago, onde unhas dúas mil persoas corearon consignas como "¡Manda carallo, nin dereitos nin traballo" ou Rajoy, escoita, o pobo está en loita"; "Nin un paso atrás" ou "gastos policiais para escolas e hospitais".

A esta marcha, que partiu da Alameda e concluíu na praza da Quintana, sumouse o secretario xeral do PSdeG, Pachi Vázquez, así como dirixentes do seu partido, ademais de membros de Esquerda Unida e os principais dirixentes de CCOO e UXT.

Xosé Manuel Sánchez Aguión, de CCOO e José Antonio Gómez, de UXT, expresaron o seu rexeitamento a un "recorte brutal" do Goberno do PP especialmente en sanidade e educación, en total 10.000 millóns adicionais.

A xuízo de ambos os sindicalistas, esta medida "vai pór en perigo aínda máis o noso sistema educativo" e tamén a asistencia sanitaria, o que supón que se fai recaer a crise sobre os máis desfavorecidos.

Mentres, en Ourense a protesta congregou unhas 700 persoas, que partiron da rúa Progreso ata a Subdelegación do Goberno. Os manifestantes dirixiron as súas críticas á sede do PP de Ourense, con berros como 'fóra, fóra' e 'fascistas'.

 En Vilagarcia preto de 500 manifestantes lanzaron proclamas contra os recortes e a política do PP no estado español i en Galiza. 

Estas manifestacións son o anticipo das que mañán se celebrarán co motivo do PRIMEIRO DE MAIO.

NACE ASOBLOG SALNES

A asociación de blogueiros de Cambados e arredores vén de ser creada na xornada do sábado. 

No transcurso da reunión aprobáronse os estatutos, redactouse a acta fundacional e foron elixidos os membros para a directiva. O presidente será Valentín Estévez, Maribel Iglesias será vicepresidenta e secretaria e Javier Vidal será o tesoureiro. A reunión asistiron unha parte dos bloggers xa que por diferentes motivos outros non puideron asistir. Nembargantes os que non asistiron xa foron informados do que se falou nesa xuntanza.

 

 A asociación tamén tratou na asemblea algunha proposta de actividade que será concretada nos vindeiros días. Este novo colectivo agrupa a máis de vinte persoas con blogs de diferentes temas, dende moda, pintura, poesía, actualidade ou aviación.

Dende aquí facemos un chamamento a todos aquelas persoas da provincia en xeral e da comarca en particular que queira entrar a formar parte desta asociación que se poña en contacto con calquera dos membros ou con ASOBLOG no seu perfil de facebook.

VALLE INCLAN IMAXEN DA LOTERIA

 Unha caricatura de Ramón María de Valle Inclán e o nome do Concello de Vilanova ilustran os décimos de Lotería Nacional para o sorteo do vindeiro 9 de xuño.

O motivo esencial para a celebración do sorteo na localidade arousán e a celebración do X aniversario da apertura da Casa Museo do Cuadrante, casa onde viveu o prolífico autor.

Despois dun ano de xestión, o Concello e maila administración de lotería da vila, conseguiron esta pequena homenaxe, que se incluirá nos actos do décimo aniversario do Museo Valle Inclán.

Pero ademais do décimo, Vilanova tamén acollerá o sorteo de Lotería Nacional do 9 de xuño. Será sobre a unha da tarde no pavillón de deportes municipal e será ademais emitido por Televisión Española, en concreto pola segunda canle do ente nacional. Cos nenos de San Ildefonso estarán tamén oito rapaces de Vilanova.

Os décimos dedicados a Valle e a Vilanova xa están á venda e custan 6 euros. O sorteo será público, previa invitación.

Ata Vilanova desplazarase toda a loxística requerida para o evento, cos emblemáticos bombos protagonistas xunto cos rapaces de San Ildefonso.

A ESTACION ELECTRICA DE VILARIÑO NO PLENO

ESTACIÓN ELECTRICA DE VILARIÑO

Outro dos asuntos que se debatían no pleno do xoves era a instalación dunha estación eléctrica de alta tensión en Vilariño. BNG e PSOE presentaron senllas mocións de apoio aos veciños, e un grupo de afectados acudiron á sesión.

 A asociación que se formou para protestar contra o proxecto, "O Batuqueiro", revela que no informe de impacto ambiental dise que os tendidos irán enterrados a unha profundidade de 1,60 metros, cando hai unhas semanas os técnicos da Rede Eléctrica de España habíanlles devandito que irían a 2,50 metros. Esta diferenza entre as promesas da empresa e o que di en realidade o informe ambiental xerou aínda máis intranquilidade nos veciños.

Mentres, o sanitario Xulio Carmona, que é o responsable da área de radiacións electromagnéticas da Asociación pola Defensa dá Ría de Pontevedra apuntou antonte nunha charla en Oubiña que hai evidencias científicas que aconsellan limitar ao máximo a exposición a este tipo de campos. Así, Carmona expuxo que unha instalación de alta tensión como a prevista por Rede Eléctrica debería estar a un mínimo de 220 metros de distancia das vivendas para cumprir as máis recentes recomendacións europeas.

Pero a normativa actual non é tan restritiva, e de feito o proxecto da empresa tal e como agora está concibido implica que habería casas a apenas 15 metros de distancia. Os veciños queren parar este proxecto, así como o de ampliación de Fenosa.

No pleno aprobouse por unanimidade esixir o cambio de ubicación da planta de Rede Eléctica Española.

RAJOY RECUA E SI SUBIRA O IVE

Se alguén quere saber que vai facer mañán o governo de Rajoy que busque o programa electoral do PP e si o encontra que o lea do revés. Así e como están actuando. En campaña decían arre!!.... e agora din sooo!!!

O ministro de Economía e Competitividade, Luis de Guindos, anunciou hoxe que en 2013 subirán o IVE e os impostos especiais co obxectivo de recadar 8.000 millóns de euros adicionais.

O ministro non especificou que parte deses 8.000 millóns serán recadados a través do IVE nin canto subirá este imposto en termos relativos, e só dixo que o incremento "quedará consignado" nos Orzamentos Xerais do Estado do ano próximo.

Na rolda de prensa posterior ao Consello de Ministros, De Guindos asegurou que o ano que vén será o momento de aumentar a presión fiscal sobre o consumo, unha vez que a economía comece a crecer de novo.

Aínda que ata agora o Goberno negouse a tocar o IVE, hoxe o ministro dixo que é necesario que no momento da recuperación se vaia axustando a presión fiscal sobre os diferentes factores económicos, "reducindo a imposición sobre o traballo e aumentándoa sobre o consumo".

Engadiu que desta forma séguese a estratexia recomendada pola Unión Europea (UE) e o Fondo Monetario Internacional (FMI), que suxeriron nalgunhas ocasións que en España tiña marxe para subir o IVE.

Asi, como vemos na foto, nos están facendo a os cidadáns deste país.

O PARO SEGUE A MEDRAR

OS DATOS DE GALICIA

O primeiro trimestre de 2012 deixa en Galicia 25.200 parados máis, ata un total de 265.600, segundo a Estatística de Poboación Activa (EPA) publicada hoxe polo Instituto Nacional de Estadística (INE).

Segundo a EPA, Galicia ten unha taxa de paro do 20,18 por cento, fronte ao 24,44 por cento do conxunto do Estado, aínda que cunha taxa de actividade do 55,51 por cento, mentres que a media española é do 59,94 por cento.

Así, os ocupados en Galicia son 1.050.000, o que representa 22.000 menos que no trimestre anterior, un 2,09 por cento, e 30.200 menos que no mesmo trimestre de 2011, un 2,79 por cento menos.

A variación deste trimestre supón un 10,48 por cento máis de paro que no último trimestre de 2011 e 39.000 desempregados máis que no mesmo trimestre do ano pasado, un 17,23 por cento máis. 

OS DATOS EN TODA ESPAÑA

O número de desempregados aumentou en 365.900 persoas no primeiro trimestre ata 5.639.500 e a taxa de paro subiu 1,59 puntos e situouse no 24,44 % da poboación activa.

Ademais, segundo a Enquisa de Poboación Activa (EPA) publicada hoxe polo Instituto Nacional de Estadística (INE), no primeiro trimestre a ocupación diminuíu en 374.300 persoas ata situar o número de ocupados en 17.433.200 e a taxa de actividade permaneceu no 59,94 %.

O número de fogares con todos os seus membros en paro foi de 1.728.400, 153.400 máis que no trimestre anterior, mentres que aqueles en os que todos os seus integrantes están ocupados diminuíu en 252.300, ata os 8.593.700. 



OUTRAS NOVAS NEGATIVAS DA XORNADA 

* A inflación aumenta unha décima e sitúase no 2% por mor do tabaco e da electricidade.

* A rebaixa de S&P fai perder á Bolsa a barreira dos 7.000 puntos e dispara a prima de risco.

* Standard & Poor's rebaixa dous puntos a nota de España e ameaza con novos 'sustos'.

ORZAMENTOS DE CAMBADOS 2012

O pleno da corporación municipal de Cambados aprobou onte á noite o orzamento para 2012, que ascende a 8,3 millóns de euros, uns 42.000 máis que o ano pasado. O documento aprobouse cos votos a favor do PP e o rexeitamento de BNG e PSOE. Así, mentres o equipo de Luís Aragunde considera que se trata dunhas contas realistas e austeras, e as mellores que se poden facer coa que está a caer, a oposición repróchalle a falta de ideas novas e de plans de fomento do comercio ou a hostalería locais.

O portavoz nacionalista, Víctor Caamaño, considera que se podería gastar moito máis en servizos sociais ou bolsas de estudo reducindo os gastos en persoal ou festexos. Así, o nacionalista desvela que o grupo de goberno non baixa nin un só euro os gastos en festas, como apuntou o equipo de goberno, pois aínda que é certo que descende en 5.000 euros a partida para festexos, aumenta nesa mesma cantidade a de arrendamento de mobiliario para os devanditos eventos. En total, o concello cambadés prevé gastar este ano 275.000 euros nese capítulo, aos que habería que sumar outros 20.000 de folletos e publicidade.

No que se refire a persoal, o BNG prescindiría en primeiro lugar de certos postos de confianza. Así, Caamaño indica que o gabinete do alcalde podería funcionar cunha soa persoa, no canto de con o tres actuais, e tamén considera unha dilapidación o posto do asesor xurídico, que leva ao redor de 40.000 euros anuais. "O concello ten un secretario, un interventor, un arquitecto, un aparellador, un tesoureiro…Hai técnicos suficientes para realizar un informe sen a necesidade de recorrer a un asesor xurídico. Ese é un cargo máis político que administrativo".

O portavoz do PSOE, Rafael Blanco, tamén critica o orzamento, que segundo el "o único que quere dicir é que imos pagar as nóminas e pouco máis". Critica, neste sentido, que apenas haxa investimentos –só contémplase a urbanización dun tramo da rúa da Pastora, 46.000 euros, achegados a tres bandas polo Estado, a Xunta e o Concello–, nin plans de fomento do comercio, a hostalería ou o emprego.

O socialista tamén puxo reparos importantes á política de persoal, pola forma en que se conceden as gratificaciones e pagas de produtividade e o sistema de contratación do persoal temporal.

Finalmente, Luís Aragunde declarou que "é o mellor orzamento posible" na actual crise, e destaca que "volve cumprirse o principio de estabilidade orzamentaria, xa que no exercicio 2012 os ingresos non financeiros son superiores aos gastos financeiros". O alcalde destaca como puntos fortes das contas o aumento de 20.000 euros en axuda no fogar (en total este servizo ten 150.000) ou o aforro de 40.000 euros na recollida do lixo que permitirá a aplicación dun novo sistema autofinanciado de recollida selectiva de vidro e cartón. Así mesmo, destacou os resultados da liquidación de contas de 2002, cun remanente de tesourería positivo de 242.000 euros, e un beneficio neto de 50.000.

O rodillo non deixa lugar a nada, ao final os que querían consenso na oposición olvídano cando alcanzan o governo.

Nova recollida de Diario De Arousa e Faro de Vigo

VARAPAU PARA R. QUINTANA E O SEU GRUPO

REPRODUCIMOS NA SUA INTEGRIDADE O ARTIGO DE  XORNAL DE GALICIA PARA QUE   NON SE PERDA NADA DO EXPOÑEN

Maneiro, Quintana e Benito Gonzalez.

O TSXG ven de confirmar as irregularidades nas que infrinxiu Rosa Quintana ao dar por legales as eleccións das Confraría de Pontevedra, denunciadas e cheas de chanchuyos do que afirma a titulñar do Mar nos seus comunicados de prensa como "O SECTOR", o que ven a demostrar que tipo de sector usa a titular do Mar para xestionar o Mar.

As eleccións á Federación de Confrarías de Pontevedra deberán repetirse por fraude consentido polo equipo de Rosa Quintana que fixo caso omiso as denuncias como xa é habitual.

O Tribunal Superior de Xustiza de Galicia (TSXG) acaba de desestimar o recurso de apelación presentado polo gabinete xurídico da Consellería do Mar, ahora "Medio Rual e Mar" e entende que nas eleccións celebradas en xullo de 2009 houbo irregularidades que foran denunciadas ante Rosa Quintana, das que fixo caso omiso, como xa ven sendo habitual na súa consellería con todo o que non comulga con seus ideales políticos ainda que sexa ilegal, tos iso xustifican a anulación daquel proceso e unha nova convocatoria electoral, que apostamos pola apatía de Rosa Quintana e Vidal Pardo da que van dar largas, dado o pouco temo que lles queda na Consellería, según as estadísticas existentes neste momento, onde a ciudadanía rechaza en mais dun 80% os actuales cargos ao fronte do Mar.

Deste xeito confirma a sentenza de primeira instancia do Contencioso-Administrativo de Pontevedra, que en maio de 2011 deu a razón ao patrón maior de Bueu, José Manuel Rosas, que foi quen levou este asunto aos xulgados, despois de que a mesma Consellería do Mar, non lle fixera ningún caso as denuncias de irregularidades.


Onte declinou realizar manifestacións respecto diso porque asegurou que acababa de recibir a notificación da sentenza e non a coñecía.

O patrón maior budetense recorreu á Xustiza despois de perder as eleccións ante o seu homólogo de Portonovo, José Antonio Gómez, aínda que o resultado final fora un empate a 19 votos, e que as mañas deo equipo de Rosa Quintana fixo declinar a balanza a favor do seu chamado "SECTOR".

Se levou o caso aos tribunais porque se entendía que existían vicios de nulidade no proceso electoral, como a inclusión irregular de electores no censo ou a contabilización de votos que deberían ser considerados nulos, todo chanchuyos para arrincar de forma ilegal o cargo de Patrón Maior da Federación de Pontevedra, para conseguir Benito González a Federación Galega a reo das ilegalidades.

Pero as ilegalidades siguen a suceder en cadea nas federacións galegas, Benito González se enfrenta a varios procesos xudiciais por presunta prevaricación e malversación de fondos públicos, como xa estivera o anterios Presidente da Federación, Evaristo Lareo Viñas (actualmente en situación irregular ao fronte da Confraría de Caión e do Grupo de Acción costeira 3, por acollerse as subvencións para desguace do seu barco Estrella Verde, e denunciado ante Rosa Quintana que da a calada por resposta, confabulandose con este personaxe) ) que xunto a outros persoeiros fixeron desaparecer mais de 80 millóns de euros destinados aos voluntarios do Prestige, a través dunha Fundación declarada polo PP na Xunta, de interés público, OCEANO VIVO, onde estan todos os do equipo e o SECTOR de Rosa Quintana.

Rajoy no Moropa

Benito González, presuntamente o autor dunha reunión no barco Moropa, do Grupo Os Caneos, onde se colleu ao actual Presidente do Goberno de España, Rajoy, foi premiado polas súas irregulares actividades por Rosa Quintana, co cargo de membro do Consello de Administración do Porto de Vilagarcía, para que tivera uns ingrasos estras a costas don contribuintes.

Pero o equipo de Rosa Quintana, non soamente, premia a Benito González co cargo na autoridade portuaria de Vilagracia, o actual Secretario Xeral de Mar, Juan Maneiro, firmou un pago de 380 000 euros por un barco para a Confraría de Tragove, de Cambados onde e Patrón Maior Benito Gonzélez, e que a mesma no mercado non custa mais de 80.000 euros según os propios papeles presentados no expediente, de todo o cual investigan os xulgados e da Fiscalía Europea, xa que eran fondos europeos.

O TSXG estima os argumentos esgrimidos polo patrón maior de Bueu e considera así no seu fallo que entende que "nada do exposto impide chegar á solución final anulatoria".



O censo electoral para participar nas eleccións da federación inclúe aos patróns e vicepatrones maiores das 21 confrarías de Pontevedra, do que un resultado diferente podría cambiar radicalmente a presidencia galega.

As eleccións as confrarías de Galicia están fora de plazo, pero Rosa Quintana négase a esixir a celebración a sabiendas de que vai perder o control das mesmas e tería que poñer fin nos seus comunicados ao coñecido ( SECTOR ), cambiando por (EN CONTRA DO SECTOR), pero tamén debido a pouca permanencia que lle queda ao fronte da conselllería.

Evaristo Lareo Viñas 

A denuncia de inclusión indebida afectaba o patrón maior de Raxó, Ramón Portela; ao patrón maior e vicepatrona maior de Vilaxoán, Manuel Tarrío e Carmen Paulos; ao vicepatrón maior primeiro de Sanxenxo, Iván Peón; e ao vicepatrón maior primeiro de Vilanova, Juan Manuel Leiro Cores.

O TSXG considera probada a "indebida inclusión" de Ramón Portela posto que estaba en situación de incapacidade permanente, unha circunstancia que en si mesma lle inhabilita para o seu cargo.

O responsable do depósito de Raxó finalmente decidiu non participar nas votacións, unha decisión que o tribunal constata que "respectou".
Aínda así, o TSXG aquí dá un renglón claro e conciso, de que se cometeron as ilegalidades con conciencia e co ánimo de cometelas, xa que había constancia por escrito do denunciante das mesmas.

Máis información   http://www.pladesemapesga.com/index.php?name=News&file=article&sid=31633

TOMAS FOLE , OU COMO VOLTAR AO PASADO

A nova ordenanza de circulación que  a alcaldía de Vilagarcía quere impoñer a os seus veciños ven de levantar un tremendo "revuelo" na cidadanía. Nas redes sociais é un tema candente e nas ruas non se fala de outra cousa.

Correr, saltar ou circular de forma que moleste ós demais usuarios quedará prohibido en Vilagarcía se se aproba a ordenanza de circulación que o gabinete dirixido por Tomás Fole levará a pleno a vindeira semana.

Segundo esta ordenanza aquelas persoas que corran polas beirarrúas poderían ser multadas. Pero tamén aquelas que permanezan paradas, neste caso se o fan en grupo e obstaculizan con el o tránsito. As primeiras reaccións non se fixeron agardar, hai opinións para tódolos gustos.

Así mesmo, andar en patíns, monopatín ou similares queda relegado unicamente ás zonas habilitadas para elo. Castigando a aqueles que o fagan en prazas ou zonas peonís, exceptuando neste caso ós menores de oito anos. Para as zonas peonís a proposta do partido popular inclúe tamén a creación dunha tarxeta de residente, cuxas características se matizarán tamén no pleno.

Outras actividades coas que tamén quere acabar esta ordenanza son as que levan a cabo os aparcacoches, os chamados gorrillas. Ó igual que as dos limpa parabrisas ou as de aqueles que se dedican a venta ambulante aproveitando semáforos ou sinais. Para moitos veciños, o principal problema neste caso, é como poñerlle solución, e qué facer con eles.

Poñer publicidade nos coches ou colocala na vía pública, tirar cabichas ou calquera outro obxecto á rúa ou agardar ó autobús fora do refuxio ou da beirarrúa son prácticas que tamén prohibe esta ordenanza.

Neste momento foi xa presentada ó resto dos grupos políticos e a vindeira semana será debatida en pleno. O partido socialista non fixo agardar a súa resposta e calificou a iniciativa de absurda.

Ademais, segundo a voceira socialista, Tania García na situación na que nos atopamos resulta incrible que o goberno local só presente esta ordenanza en todo un mes de taballo, o que, segundo ela, pon de manifesto a pobre xestión municipal do grupo popular.

Queixémonos do Concello (https://www.facebook.com/groups/queixemonos/) é unha das páxinas máis activas de Vilagarcía e nela as opinións maioritarias son en contra de parte dos puntos desta ordenanza. A maioría critican o non poder estar na rúa falando con amigos ou compañeiros algo que segundo eses comentarios recórdalle a tempos que parecían esquecidos.

Agardaremos a que se celebre o pleno e algunha das medidas menos populares entre os vilagarcianos non se leve a cabo.

REUNION DE BLOGGERS

O sábado 28, ás 17:00 horas e no lugar de costume, o Hotel Os Pazos a Asociación de bloggers reunirase de novo. Houbo varias reunións deste grupo de blogueiros. O primeiro foi máis unha toma de contacto, como nas reunións seguintes para resolver o problema dos puntos dos estatutos para a asociación e a formación da súa dirección.

 

Ben, parece que este sábado se reunirá cos estatutos na man, para a constitución da Asociación e formar a xunta directiva desta nova iniciativa.

Eles seguen a apelar a todos aqueles que teñen un blog, un sitio web, unha canle en YouTube para presentar as súas creacións ... que se animen participar nesta asociación que vai promover a cada un dos seus membros e  tamén a cultura, os deportes, a  música ...

Nova recollida de Dos vueltas de tuerca

GRAZAS POLO VOSO APOIO

Fai uns dias fixemos a nosa publicación número 100 con motivo dese feito queremos agradecervos queridos amigos a vosa fidelidade. Grazas por estar ahí, por ler as nosas publicacións, grazas por difundilas. En definitiva GRAZAS.

 

Cando comenzamos co blog non pensamos en chegar a ter tantas visitas como temos. Xa rondan as 3500 visitas o que para nos é todo un orgullo. Son unha media de trinta visitas por artigo, algo co que non contaba cando xurdiu a idea de crear Cambados Xusto. Algunhas chegaron as cen visitas e outras nin siquera as dez pero ningunha pasou desapercibida por vos. Sabemos que hai temas que interesan máis e outros que non suscitan o mesmo interese pero para iso é algo co que contábamos dende o principio.

Hai artigos dos que nos sentimos máis orgullosos pois refírense máis a o pensar de que escribe e ademáis tiveron gran acollida. O exemplo máis claro e o artigo no que falábamos de que o noso alcalde non representaba a tódolos cambadeses, cousa que supoñíamos pero que o sr. Aragunde tivo a ben confirmar. A ALCALDIA DE CAMBADOS NON REPRESENTA A TODOLOS CAMBADESES  ese era o título de dito artigo.


Outro artigo do que nos sentimos moi orgullosos é a entrevista a Tino Cordal nº un en seguemento. Tamén hai artigos cos que nos levamos un pequeno disgusto pero eses son os menos, sempre hai xente que non lle gusta que as verdades salgan á  luz pero tivo unha enorme repercusión na rede.

Todo foron feitos coa ilusión de que vos gustaran e iso creo que é o principal deste "traballo".

Nuns dias entraremos no mes das letras galegas e temos preparados un especial para estas datas tan especiais para os que nos sentimos orgullosos da nosa cultura e a nosa lingua.
Como moitos pensades o mes das nosas letras deberían ser os doce do ano, de xaneiro a decembro pero cada dia que pasa o galego está máis perseguido. E somos nos os que debemos protexelo para que non volvan os dias escuros que tanto mal lle fixeron ao noso idioma.

Agora somentes queda seguir traballando e seguir publicando o que nos vemos que poida interesarvos.                              

          
        

         GRAZAS

CONFLITO EN DEMOCRACIA REAL XA!

A colectivo Democracia Real Xa (DRY), impulsor do movemento 15-M, entrou en conflito interno despois de que un grupo de membros anunciase este fin de semana que a plataforma se constituirá como asociación. Os impulsores da iniciativa para converter a DRY nunha asociación defenderon hoxe a lexitimidade da súa decisión fronte ao resto de membros da plataforma, que rexeitaron esta actuación ao entender que representa só a unha "reducida minoría".

Nun comunicado publicado na súa páxina de Facebook, os defensores do modelo de asociación explicaron que, tanto a convocatoria da asemblea extraordinaria na que a iniciativa foi aprobada como a potestade coa que contaban para chegar ao acordo, eran lexítimas, causadas en parte por un baleiro normativo. "Debido á inexistencia de normas claras acordadas entre todos e de ferramentas de votación adecuadas, non se pode falar de protocolos aplicables para a convocatoria extraordinaria dunha asemblea" aclaran na rede social.

Tamén especifican que a reunión "foi publicitada convenientemente con antelación", e que a decisión de constituírse en asociación foi apoiada por unha maioría "próxima á unanimidade" entre os seus participantes presenciais e a través de internet. Este grupo responde así ás numerosas críticas expresadas polo resto de membros da plataforma, que tacharon a súa decisión de ''ilexítima e unilateral", e anunciaron que non a asumen como colectivo.

CONTRADICCIÓN AOS SEUS PRINCIPIOS
Segundo argumentan, as conclusións desta asemblea non son "vinculantes nin lexítimas" para DRY, xa que a proposta foi aprobada sen contar co "quorum mínimo esixido" polos integrantes deste movemento. Así mesmo, recordan que o colectivo xa acordou o pasado verán, durante o seu II Asemblea estatal celebrada en Málaga, que DRY non adoptaría ningunha forma xurídica xa que "contradicía" os seus principios.

A decisión de converterse en asociación foi debatida durante unha asemblea o pasado fin de semana en Leganés, na que foi aprobada polos asistentes ao acto, segundo afirmaron fontes desta nova organización. A asociación resultante explicou entón nun comunicado que o obxectivo era transformar a indignación cidadá nunha "presión real e efectiva" cara ás institucións públicas, que cualificou de sistema "perverso".

AS INCONSTITUCIONALIDADES DA REFORMA LABORAL

CC OO e UXT presentaron hoxe un escrito ante a defensora do Pobo, María Luisa Cava de Chairo, para que promova un recurso de inconstitucionalidade contra o decreto da reforma laboral que basean en oito razóns.

Segundo informaron ambos os sindicatos, o real decreto lei vulnera a Carta Magna nos seguintes artigos:

- Artigo 86.1 porque non hai razóns justificativas de urxencia ou de extraordinaria "necesidade".
Para CC OO e UXT se omite a xustificación dalgunhas medidas e non existe conexión entre a situación de urxencia definida e a medida adoptada para atendela.

Consideran "extrema falta de idoneidade" do decreto lei para a redución da indemnización por despedimento improcedente, que pasa de 45 a 33 días, e dun máximo de 42 mensualidades a 24 e para a limitación temporal da ultraactividade dos convenios (a prórroga automática dos que expiraron) a dous anos. Tampouco cren idóneo que se impoña na negociación colectiva un mandato de adaptación dun ano para revisar os grupos profesionais.

Para os sindicatos a reforma afecta a dereitos, deberes e liberdades dos cidadáns porque afecta ao dereito á tutela xudicial efectiva no réxime xurídico dos salarios de tramitación, porque se poden extinguir os contratos por vontade unilateral do empresario. Ademais, afecta á negociación colectiva porque cambia o seu sistema en aspecto estruturais e esenciais.




- Artigo 35.1 sobre o dereito do traballo ao establecer un período de proba dun ano "en todo caso", no novo contrato indefinido de apoio aos emprendedores.

Vulnera ese mesmo artigo ao suprimir os salarios de tramitación (os comprendidos entre a data de extinción do contrato e a resolución xudicial que declara o despedimento improcedente).

- Artigos 35.1 e 24.1 sobre as novas causas dos despedimentos colectivo e obxectivo

- Artigo 37.1 sobre o dereito á negociación colectiva, por ''submisión" das partes que non alcanzaron acordo de inaplicación do convenio aplicable na empresa a unha decisión pública obrigatoria. A reforma fai mención ao papel atribuído á Comisión Consultiva Nacional de Convenios Colectivos.

Respecto dese mesmo artigo, pola atribución ao empresario da facultade de modificar de forma unilateral as condicións de traballo establecidas en convenio.

- Tamén vulnera o dereito á negociación colectiva e á liberdade sindical que recoñecen os artigos 37.1 e 28.1 da Constitución, por restrinxir sen causa razoable a liberdade de estipulación dos sindicatos máis representativos, ao establecer a atribución da prioridade absoluta do convenio.

- Artigos 9.3; 14; 24 e 35 CE polas súas disposicións segunda e terceira que establecen a aplicación da institución do despedimento colectivo ao ámbito do emprego público laboral e pola exclusión dos mecanismos laborais de suspensión ou redución de xornada, que son figuras de flexibilidade interna.

 

Os sindicatos recordan que por mandato do real decreto lei non poden ser desenvolvidas no emprego público, "polo que non queda máis alternativa que a do despedimento" para este sector.

Fontes da oficina da defensora do Pobo sinalaron  que expertos da área de Política Social desta institución estudarán o escrito e que o prazo para decidir se se interpón o recurso de inconstitucionalidade expira o 11 de maio.

As mesmas fontes sinalaron que o prazo para recorrer calquera decreto lei é de tres meses logo da súa publicación no BOE. 

 Por outra banda os sindicatos preparan o 1º de Maio máis reivindicativo dos últimos anos.