UN MORTO E UN FERIDO NUN ACCIDENTE MARÍTIMO NA ILLA

Tráxico suceso na Illa de Arousa.
Un mariñeiro da vila, duns 30 anos, faleceu este mediodía tras chocar a súa embarcación contra unha batea na Illa de Arousa (Pontevedra).

Segundo os datos facilitados polo 112 Galicia, pasadas as 13,30 horas recibiron o aviso dunha planadora con dúas persoas a bordo chocara contra unha batea. Como consecuencia do impacto resultou falecido un dos ocupantes e ferida a outra persoa, que foi atendida polos servizos de emerxencias no porto de Cabodeiro.  Foron mobilizados, ademais de Urxencias Sanitarias de Galicia-061, o Servizo de Gardacostas, Salvamento Marítimo, Policía Local e Garda Civil.Segundo as primeiras informacións, con el ía outra persoa que resultou ferida e que estaba sendo atendida no peirao do Cabodeiro.

A víctima mortal foi trasladada ata o mesmo lugar onde os equipos de emerxencias tentaron reanimalo, pero xa non puideron salvarlle a vida.

Cómpre sinalar que o persoal do 112 Galicia avisou do accidente a Salvamento Marítimo e ao Servizo de Gardacostas de Galicia e pediu a colaboración dos axentes da Garda Civil. Con todo, foi a mesma persoa que alertou quen, coa súa embarcación, recolleu á tripulación e remolcou a planeadora sinistrada ata Cabodeiro.  

Rubén Acha Oubiña, duns 30 anos, é moi coñecido tanto na Illa como en Cambados onde xogaba ao fútbol no equipo do  Albariño Veteranos.