AUMENTAN OS CASOS DE CORONAVIRUS EN GALICIA

- Feijóo abre a porta á suspensión electoral en Galicia se se expande a enfermidade.
- Hai nove casos máis que onte, e anúnciase un límite de 1000 persoas de aforo nos eventos na Comunidade durante 15 días.
- Tres casos continúan pendentes de confirmación, aínda que os expertos avisan de que a incidencia seguirá en aumento. O presidente da Xunta, Alberto Núñez Feijóo, anunciou este martes tras a reunión de coordinación sobre o coronavirus que os casos positivos en Galicia son 26, oito máis que onte. Ademais, hai tres casos pendentes por confirmar se están infectados polo virus. Unha das medidas anunciadas polo presidente para tratar de paliar o aumento de casos, que os expertos anuncian que continuará, é o límite de aforo a 1000 persoas en eventos multitudinarios culturais ou festivos durante 15 días. Outra delas é establecer un límite de visita dunha persoa por paciente ingresado en calquera hospital galego e a unha visita por interno nas residencias de anciáns. Feijóo afirmou que as medidas son "procedentes" #ante unha situación "preocupante". Ata onte había en Galicia 18 casos confirmados, 13 deles na área da Coruña, catro en Vigo e un en Ourense. A maior parte presentaba síntomas leves. Os catro primeiros pacientes ingresados no Complexo Hospitalario Universitario A Coruña ( Chuac) permanecen estables, un deles, un home de 81 anos con patoloxías previas, segue na UCI con prognóstico grave. Outros tres ingresados, entre eles o primeiro paciente confirmado con Covid-19 en Galicia, segue «estable» ingresado illado nunha planta convencional. Tamén están en planta hospitalizados en illamento dous dos casos con positivo dos detectados relacionados co centro cívico de Feáns na Coruña, que permanecen estables, sinalaron as mesmas fontes. En total hai 11 casos vinculados co local de titularidade municipal, que permanece clausurado e está a ser desinfectado.

CAMBADOS MANTEN MEDIDAS DE PREVENCIÓN POLO CORONAVIRUS

O Concelleiro de Sanidade de Cambados mantivo unha conversa no día de hoxe co Xerente da Area sanitaria, Xosé Ramón Gómez, para crear un plan de protocolo de actuación fronte ao Coronavirus. O obxectivo desta xuntanza e coñecer de primeira man as medidas que dende o SERGAS van levar a cabo nos Centros sanitarios, así como as recomendacións para os centros públicos en materia de prevención da extensión do Coronavirus. Dende o Concello de Cambados recalcan que non se trata de xerar ningunha alarma inxustificada, pero si de colaborar como entidades públicas nas medidas de prevención e estar preparados para calquera eventualidade ao respecto. 

Nese sentido o Concelleiro de Sanidade trasladoulle ao xerente da área sanitaria a total dispoñibilidade do Concello de Cambados a colaborar coa Consellería de Sanidade nas medidas que dende esta se pretendan por en marcha.

MEDIDAS DE PREVENCIÓN NAS DEPENDENCIAS MUNICIPAIS

Co fin de intensificar as medidas de protección e control do Coronavirus, dende as autoridades sanitarias lembrase que é imprescindible reforzar as medidas de hixiene persoal en todos os ámbitos de traballo e fronte a calquera escenario de exposición, e aconsella lavarse as mans con auga e xabón frecuentemente; ao toser ou estornudar cubrirse a boca cun pano desechable e tiralo ao lixo; e evitar tocarse os ollos, nariz ou boca.

Tamén se aconsella a limpeza de locais de uso público, tales como bares, ximnasios, comercios, etc. usando preferentemente hipoclorito para a limpeza (lixivia, rebaixada ao 1%), e asegurarse de que estean dotados sempre nos servizos con xabón e papel para o secado de mans, e ata hidroxel para que as medidas básicas de prevención poidan levarse a cabo da forma máis efectiva posible.

Ademais, para fortalecer protocolos, desde o Concello de Cambados efectuouse a compra de xel desinfectante como medida de prevención que pode axudar a evitar contaxios, e se vai a procederse a instalación de dispensadores de xel especial desinfectante a disposición dos usuarios de edificios e centro públicos, Centro de Día, e Centros Culturais de todas as parroquias de Cambados, para o seu uso polo persoal e incluso pola poboación que acuda aos mesmos.  Ao mesmo tempo tamén se instalaran os carteis informativos elaborados polo SERGAS con recomendacións sobre a hixiene e prevención da transmisión da enfermidade e tamén sobre como actuar en caso de sospeita de infección. 

Para rematar, lembrar que o teléfono habilitado por parte do SERGAS para resolver dúbidas é o 900 400 116 ou ven o 061, e en caso de ter algún síntoma non acudir directamente ao Hospital nin ao Centro de Saúde e contactar telefónicamente co 061.

O CONCELLO DE CAMBADOS COLABORA COA CRUZ VERMELLA NAS ANDAINAS SAUDABLES

A Cruz Vermella organiza unas Andainas Saudables en colaboración co Concello de Cambados. A actividade está dirixida a maiores de 65 anos e a inscrición é gratuíta.

O Concello de Cambados colabora nas andainas saudables que está a organizar a Cruz Vermella do Salnés. As andainas saudables comezarán o 13 de agosto e rematarán o 30 de setembro. Realizaranse os martes de 10 a 11 horas.

Esta actividade está dirixida a maiores de 65 anos e a inscrición, gratuíta, debe facerse na Biblioteca Municipal Luís Rei, en horario de 9 a 14 horas e de 16 a 21 horas. Tamén poden inscribirse no enderezo electrónico arosa@cruzroja.ese no número de teléfono 986 512244.

O concelleiro da Área de Terceira Idade de Cambados, Tino Cordal, anima a cambadeses e cambadesas maiores de 65 anos a participar nesta actividade organizada pola Cruz Vermella.

As andainas terán os seus percorridos por sendeiros e paraxes naturais de Cambados.

UN ALUMNO DO COLEXIO DE CASTRELO RECIBE UN PREMIO A NIVEL GALEGO

Un estudante de 3º de Primaria do CEIP de Castrelo (Cambados) e unha alumna de 4º do CEIP Santa María do Castro (Boiro) gañaron o primeiro premio do I Concurso de Pequenos relatos Agaca. O Premio foi convocado no marco do programa ' Almorz@ con Beizos Brancos', impulsado pola Asociación Galega de Cooperativas Agroalimentarias ( AGACA) e Obra Social 'a Caixa' para fomentar a nutrición sa entre escolares. Así, o luns, día 18, terán lugar as dúas cerimonias de entrega de premios: ás 10,00 horas no colexio Santa María do Castro (Cabo de Cruz- Boiro) e ás 11,30 horas no Colexio de Castrelo (Cambados). O premio para os gañadores consiste nunha tablet e nun lote de libros. Os colexios, pola súa banda, recibirán, cada un, un premio económico e un recoñecemento pola súa participación. O concurso foi promovido entre os 20 colexios que este curso tomaron parte na iniciativa ' Almorz@ con Beizos Brancos', que ofrece ao alumnado de segundo ciclo de Primaria diversas opcións e consellos para almorzar de forma saudable.

PODE ESTAR MÁIS CERCA A CURA DO A.M.E.?

                                                                       COMUNICADO DE GALICIAME

Dende a directiva da asociación GaliciAME, asociación galega que reúne ós afectados galegos de Atrofia Muscular Espiñal, queremos compartir unha noticia sobre a que levamos un tempo traballando,tanto a presidenta da identidade, Mercedes Álvarez Fernández, como a vicepresidenta, Yolanda Fernández Gómez coas nosas institucións i organismos para concienciar e dar a coñecer o momento histórico que estamos vivindo todos os afectados de Atrofia Muscular Espiñal.
En Decembro do ano pasado a FDA aprobou nos Estados Unidos ó primeiro fármaco dirixido a afectados de Atrofia Muscular Espiñal, denominado para o seu uso comercial SPINRAZA, pertenzente ós laboratorios Biogen, sendo aprobado para todos os tipos e idades sen restriccións.
Ante os acontecementos e rapidez decidimos poñernos en marcha, xa que o seguinte paso sería a súa comercialización en Europa, feito que acontece o 1de Xuño cando a EMA certifica a súa seguridade i eficacia., chegando así o turno para a Axencia Española do Medicamento. Trámite que pode tardar dende 6 meses a 2 anos ou incluso 5, xustamente isto último é o que non temos , polo que nos vemos obligados a explorar outro tipo de acceso.
Como nós xa levavamos un tempo reunindonos e informándonos do proceso a seguir para acceder ó fármaco, solicitamos ó noso parlamento, acceder ó mesmo como medicamento especial, sendo a única maneira de acceder sen esperar un acordo de prezo entre Estado farmacéutica. O conselleiro de Sanidade da nosa Comunidade Autónoma,quen tras coñecer a nosa situación, comprometeuse coa asociación a facilitar o acceso ó fármaco como medicamento especial.
O traballo en equipo de todos eles, fixo posible que hoxe 15 de Septembro poidamos informar de que:
1.- En Galicia accedemos ó fármaco denominado SPINRAZA como primeiro medicamento dirixido a doentes de Atrofia Muscular Espiñal como medicamento especial.
2.- Hoxe estase realizando a primeira administración ó primeiro neno de España que accede ó fármaco como medicamento especial.
3.- É un varón que conta con tres anos de idade afectado de Atrofia Muscular Espiñal tipo 2.
4.- A admistración do fármaco, que será por vía intratecal, levase a cabo aquí en Galicia, esta primeira no CHUS de Santiago de Compostela.
5.- O resto de afectados galegos irán accedendo do mesmo xeito como medicamento especial paulatinamente.
Confirmamos xa, que o seguinte afectado accederá en dúas semanas en Ourense.

Queremos aproveitar este comunicado para apoiar as familias afectadas do resto de España que xa se uniron para organizarse e seguir os nosos pasos en diferentes comunidades autónomas. Ofrecémonos a traballar codo con codo, axudándolles, aportando a máxima información posible, xa que todos estamos no mesmo barco, e desexamos que tódolos afectados AME de España accedan a SPINRAZA o antes posible. SPINRAZA non é a cura definitiva pero amósanos o primer raio de luz, abrindo a primeira porta que ata fai bén pouco estaba completamente pechada. Ainda que está aprobado para tódolos tipos e idades, non todos os afectados son aptos para recibilo, aquí en Galicia só temos un doente que non é apto. Por fin temos algo que ofrecer e dar os nosos afectados xa que aparte de esperanza augura unha boa calidade de vida. Nestos momentos lembrámonos tamén dos que xa se foron, comprometéndonos a seguir loitando por aqueles que sí están aquí e non reúnen as condicións para acceder ó fármaco. Mentras quede tan só un doente sen tratamento seguiremos pelexando.......

OS MÉDICOS GALEGOS MIRAN CON RECELO O ANTEPROXECTO DE LEY DE SAÚDE

Apenas comezaba o mes de agosto, a Consellería de Sanidade da Xunta de Galicia presentou no seu Portal de Transparencia o anteproxecto de lei polo que se modifica a Lei 8/2008 de Saúde de Galicia.

Algo que, ao parecer, non foi acollido de bo grado nin polos colexios nin o sindicatos, por non falar da oposición.

Como explica o presidente autonómico da Confederación Estatal de Sindicatos Médicos de España (CESM), José María Escuideiro, o feito de que a Administración sacase esta actualización sen unha negociación previa non é un bo sinal. Ao seu xuízo, esta proposta vai en detrimento de os profesionais ao reducir catro áreas sanitarias, e pon en perigo o papel dos hospitais comarcais. Ademais supoñerá a diminución de persoal porque se potencia ao hospital de referencia, e por tanto, a mobilización xeográfica, para moitos deles.

Escuideiro refírese á redacción do artigo 67 sobre a ordenación territorial onde se establece que as áreas sanitarias, os distritos e as zonas sanitarias virán determinadas por criterios de carácter funcional, tendo en conta as condicións xeográficas, demográficas, entre outras. Do mesmo xeito que os partidos da oposición como En Marea ou o PSOE, o sindicato critica que este cambio supón a redución das áreas sanitarias de 11 a sete "desaparecerían as de Monforte, A Mariña, O Salnés e Valdeorras".

Pola súa banda, desde a consellería aseguran que a modificación da Lei é principalmente administrativa e non supoñerá ningún cambio para os pacientes, que non terán que cambiar de médico nin de hospital. "A principal vantaxe que recolle a nova organización territorial é que achega ao servizo sanitario á cidadanía e permitirá unha coordinación entre atención primaria e atención hospitalaria máis efectiva, cunha cobertura asistencial realizada cos mesmos criterios asistenciais e de derivación entre centros, protocolos únicos de área, e maior interactuación de profesionais de ambos os niveis asistenciais".

Para o Goberno autonómico o anteproxecto de Lei reforza o papel de todos os hospitais comarcais e blinda tanto a súa existencia como a súa estrutura. "Ampárase, deste xeito, tanto ao persoal dos hospitais como a asistencia sanitaria de calidade para os cidadáns, que queda garantida".

Como indican no comunicado, actualmente, existen en Galicia sete Estruturas Organizativas de Xestión Integrada (EOXIs), 11 áreas sanitarias e 14 hospitais da rede sanitaria pública, tres dos cales, Barbanza, Cee e Verín non se corresponden cunha área sanitaria. Isto, unido á evolución da pirámide demográfica de Galicia, ?obriga a revisar a división territorial actua?.

Por tanto, esta ordenación territorial establece unha distribución en áreas sanitarias e en distritos, como divisións territoriais desas áreas. O ámbito das áreas coincidirá co das sete actuais EOXIs: A Coruña; Santiago de Compostela; Ferrol; Lugo, Cervo e Monforte de Lemos; Ourense, Verín e O Barco de Valdeorras; Pontevedra e O Salnés; e Vigo.

De momento, o prazo de suxestións, dispoñible no Portal de Transparencia da consellería, seguirá aberto. Os grupos políticos da oposición advirten de que emendarán o anteproxecto, e os profesionais sanitarios, pola súa banda, definirán durante a primeira semana de setembro a súa estratexia.

OBRADOIRO DE PILATES PARA MAIORES

Dende o vindeiro mércores 1 dexuño, e ata cubrir as 15 vacantes dispoñibles, está aberto o prazo de inscrición no Obradoiro de Pilates para persoas maiores de 65 anos que organiza Cruz Vermella O Salnés na Biblioteca Municipal Luís Rei.  Trátase dun curso gratuíto que se levará a cabo os venres de xullo e agosto de 11.30 a 12.30 da mañá. As clases serán impartidas por unha monitora especializada e faranse tanto no interior como no exterior da Casa dos Fraga.

Grazas ao apoio de Cruz Vermella, a Biblioteca Municipal pretende incentivar este tipo de actividades colaborativas para maiores de 65 anos co voluntariado desta institución, dado o éxito da anterior e primeira experiencia para este colectivo co obradoiro de pintura “Arte e saúde” que se celebrou o pasado inverno e que mesmo tivo listaxe de espera.

O obradoiro de Pilates encóntrase dentro do proxecto dirixido a maiores “Saúde Constante”, para o que Cruz Vermella conta coa financiación do Ministerio de Sanidade, Servicios Soiais e Igualdade, e ten como obxectivo mellorar a calidade de vida das persoas maiores de 65 anos no seu proceso de envellecemento.

Con esta actividade en concreto, preténdese reducir o impacto negativo do deterioro físico das persoas maiores. O método Pilates é beneficioso debido á súa capacidadede adaptación ás necesidades de quen o practica. Ademais, permite o aumento da flexibilidade, a forza, o equilibrio e o tono muscular, axuda a previr lesións, desgaste e caídas, aumentando así a seguridade nun mesmo e a sua autonomía.

As persoas interesadas na actividade poden facer a súa inscrición na Biblioteca a partir do 1 de xuño en horario de 10.00 a 14.00 horas.

Biblioteca Municipal Luís Rei

mariavazquez.cultura@cambados.es

Cruz Vermella O Salnés

arosa@cruzroja.es

A DEPUTACION AS VECES FAI COUSAS BOAS

Si moitas veces temos criticados gastos innecesarios da Deputación de Pontevedra hoxe temos que felicitar a Louzán e cía. Eso sí agardemos que se repartan entre os Concellos se mirar por quen  son governados.

A Diputación de Pontevedra aprobou a adquisición de 80 desfibriladores semiautomáticos externos de alta frecuentación para ser instalados en instalacións deportivas de 40 concellos dá provincia.  A Diputación financiará o 50% do custo de cada un dous desfibriladores que non superará os 1.300 euros. A compra por parte da Diputación destes aparellos leva implícita a impartición de cursos de formación para a acreditación do persoal non médico que os utilice, ddos ou tres acodes por parte do concello. Segundo datos da Consellería de Sanidade, cada ano aténdense unhas 800 persoas por esta causa.