FÁTIMA ABAL COBRARÁ PORQUE O QUERE O PP, NON O GOVERNO LOCAL

Que non se ían a aprobar os salarios do governo por segunda vez era máis que evidente.
Hai que sinalar que a relación de dedicacións era inferior aos salarios de adicacións e de persoal de confianza mantida durante a etapa popular ou incluso á dos soldos políticos do cuatripartito, malia todo a oposición non aceptou a proposta.
De nada servía a nova proposta do bipartito de reducir o salario das dedicacións parciais nun total de 10.000 euros. A oposición, maioritaria no pleno, tumbou por segunda vez a proposición.

Pero o PP pasou dos ditos aos feitos, amosando que ao BNG e PODE fáltanlle táboas, estivo rápido e presentou unha enmenda que poucos agardaban. Aragunde plantexou unha modificación no punto a debate, aprobar un soldo de 40.000 euros brutos anuais para a alcaldesa. Deixando ao resto dos concelleiros sen os soldos propostos.
Ben é certo que os tres grupos da oposición posicionáranse a favor da retribución da alcaldesa, máis o PP adiantouse, facendo oposición, a Pode e BNG aos que colleu co "pé cambiado" e non foron quen de propor unha medida similar amosando que a oposición aparte de selo debe parecelo e nestes intres o BNG, non parece oposición, parece enimigo. O de Cambados Pode xa non é de extranar, acaban de entrar en política, como quen dí, e na oposición hai un mes e para Abal todo é novo.

Con todo, a maniobra do PP "xustifica dalgunha forma" a súa negativa a aprobar os salarios dos outros 4 liberados a tempo parcial, posto que basaron o seu "non" en porque lles parecían demasiados departamentos con retribución.

1 PP-BNG 0

O resto dos puntos económicos do Pleno, foron aprobados por unanimidade, incluida a aplicación do superávit de 2018.