ESPERANZA SALNÉS RECIBIRÁ 15.000 € DA XUNTA

O vicepresidente da Xunta, Alfonso Rueda, asinou un convenio de colaboración coa Asociación Esperanza Salnés para o desenvolvemento de actividades de atención terapéutica de nenos e nenas con discapacidade física ou intelectual. O Goberno galego aporta esta pequena axuda para a mellora da calidade de vida destes menores apoiando asociacións que levan a cabo actividades que favorecen a súa integración familiar, social e laboral.

En total, en virtude do acordo asinado, a Vicepresidencia, Consellería de Presidencia, Administracións Públicas e Xustiza da Xunta de Galicia dotará con 15.000 euros a esta asociación, que traballa con nenos e mozos de entre 2 e 18 anos que padecen algunha discapacidade física, intelectual, sensorial, parálise cerebral e/ou patoloxías afíns, incidindo especialmente no eido asistencial. 

A Asociación Esperanza Salnés conta cunha unidade de atención no propio concello de Cambados que presta servizo e asistencia diaria a persoas de toda a comarca do Salnés, coa conseguinte mellora no seu día a día. Tamén facilitan un servizo de asesoramento e apoio ás familias e tratamentos individualizados e adaptados, levados a cabo por un equipo multidisciplinar.

ZONA CENTRO ORGANIZA UN FESTIVAL SOLIDARIO A PROL "ESPERANZA SALNÉS"

A asociación de comerciantes Cambados Zona Centro organiza o próximo 28 de decembro un festival

solidario a prol de Esperanza Salnés. O acto terá lugar no Auditorio da Xuventude ás 21:00 horas, e contará coas actuacións do monologuista Pepo Suevos e o grupo cambadés Take It Easy. A entrada en taquilla ten un custe de 10 euros, 8 en venda anticipada.

A XUNTA RENOVA A COLABORACIÓN COA ASOCIACIÓN ESPERANZA SALNÉS

Tras uns meses de espera tras facer a promesa o vicepresidente da Xunta, Alfonso Rueda, renovou esta mañá a colaboración do Goberno galego coa Asociación Esperanza Salnés para o desenvolvemento de actividades de Atención Terapéutica de Nenos con discapacidade física ou intelectual.

A Asociación Esperanza Salnés conta cunha unidade de atención no concello de Cambados que presta asistencia a menores de toda a comarca do Salnés, e ten entre os seus obxectivos mellorar a calidade de vida dos nenos e mozos de entre 2 e 18 anos que padezan algunha discapacidade física, intelectual, sensorial, parálise cerebral e/ou patoloxías afíns, incidindo especialmente no eido asistencial e favorecendo a súa integración familiar, social e laboral.

O Goberno galego colabora novamente cun orzamento de 15.000 euros para levar a cabo programas de intervención terapéutica para acadar solucións efectivas tanto aos menores con estas necesidades como aos seus núcleos familiares e ao seu entorno social, redundando nunha mellor prestación de servizos a toda a cidadanía desta comarca. 

CHARLAS NOS COLEXIOS DE CAMBADOS POLO DÍA INTERNACIONAL DAS ENFERMIDADES RARAS

O Concelleiro de Servizos Sociais, Sanidade e Terceira Idade de Cambados, Tino Cordal, e o Xerente da Asociación Esperanza Salnés, Augusto Chaves, visitaron na mañá de hoxe os colexios de Corvillón e San Tomé, onde realizaron sendas charlas dirixidas ao alumnado de sexto curso de primaria sobre as enfermidades minoritarias ou pouco frecuentes con motivo do Día Internacional das Enfermidades Raras que se celebra este mércores 28 de febreiro. A intención do concelleiro é repetir esta actividade o vindeiro ano noutros colexios do municipio cambadés.

As charlas están dirixidas aos nenos e nenas de sexto curso porque entendemos que este alumnado xa ten unha idade suficiente para comprender a realidade destas enfermidades e as súas problemáticas. Ademais, resulta máis doado sensibilizalos ao respecto aos 11 ou 12 anos que a idades inferiores.

As conversas co alumnado dos colexios de Corvillón e San Tomé foron presentadas por Tino Cordal, quen informou sobre a importancia da celebración dos días internacionais e, máis concretamente, do Día Internacional das Enfermidades Raras. O concelleiro de Sanidade e Servizos Sociais falou tamén do labor das administracións públicas para axudar ás persoas que padecen estas enfermidades e ás asociacións que acollen, apoian e tratan ás mesmas. Agradeceu o traballo realizado por todas estas asociacións e, especificamente, o de GaliciAme e Esperanza Salnés, que teñen a súa sede en Cambados.

O xerente de Esperanza Salnés, Augusto Chaves, fixo unha descrición da súa asociación e das tarefas desenvolvidas ao longo dos seus 21 anos de historia (dende 1997), un tempo no que atenderon a 125 nenos e nenas da comarca saliniense, pois no local da asociación préstanse tratamentos de fisioterapia, logopedia ou psicoloxía a familias de Cambados e doutros concellos como A Illa de Arousa, Meaño, Ribadumia e Sanxenxo.

As charlas mantidas este martes nos colexios de Corvillón e San Tomé foron seguidas con atención polo alumnado de sexto curso, quen amosou interese polo temática, tal como demostran as numerosas preguntas realizadas ao concelleiro de Sanidade e Servizos Sociais e ao xerente de Esperanza Salnés.

ESPERANZA SALNÉS RECIBIRÁ 14.000 € DO CONCELLO

A Asociación Esperanza Salnés que atende na súa sede de Cambados a nenas e nenos con diversidade funcional de toda a comarca do Salnés será a destinataria de 14 dos 40 mil euros en axudas benéfico-asistenciais que reparte este ano o Concello de Cambados. Cabe lembrar que co novo goberno municipal Esperanza Salnés case duplicou en dous anos os 7500 euros que lle daba o anterior goberno do Partido Popular, quen, en cambio, segue a dicir nos plenos da corporación e ante a prensa que o novo goberno ten abandonada a Esperanza Salnés. Algo que evidentemente os números desmenten claramente.

A Concellería de Servizos Sociais, dirixida por Tino Cordal, levará mañá á Xunta de Goberno Local a proposta de distribución dos importes das axudas benéfico-asistenciais. Ademais de Esperanza Salnés, tamén verán incrementada a axuda por parte do Concello entidades como a Asociación Española contra o Cancro (de 1900 a 3600) e a Asociación Lar Pro-Saúde Mental, que pasa de recibir 1000 a 3000 euros. Outras institucións como a Fundación Amigos de Galicia (de 5000 a 6000), o Banco de Alimentos Rías Baixas (de 1800 a 2500) ou o Asilo das Hermanitas dos Anciáns Desamparados (de 5000 a 5600 euros) tamén recibirán máis axuda do Concello de Cambados.

Cáritas Parroquial de Cambados (1900), a Asociación de Familiares de Enfermos de Alzheimer (1500), Down Xuntos (1000) e a Asociación de Parkinson de Pontevedra (1000) son outras das asociacións sen ánimo de lucro destinatarias das axudas do Concello de Cambados.

En relación á motivación que xustifica a concesión das Subvencións Benéfico Asistenciais por parte dos Servizos Sociais do Concello de Cambados, destácanse os seguintes aspectos:

– Tódalas asociacións que presentan a solicitude son entidades sen ánimo de lucro.

– As que NON desempeñan as súas actividades no termo municipal do Concello de Cambados, e o fan polo tanto fóra deste termo municipal, suplen as atribucións que a este Concello lle corresponde para atender a cidadáns deste municipio e minimizar a marxinalidade e a discriminación social desempeñando actividades fundamentais para os nosos cidadáns .

– As que están rexistradas a nivel estatal ou autonómico, desenvolven as súas actividades dentro do noso termo municipal, paliando diversas dificultades: económicas, psicolóxicas, e adicándose tamén a importante tarefa dos coidados paliativos cos nosos enfermos terminais e proporcionando incluso aloxamento en casos de hospitalización necesaria fóra da nosa provincia, suplindo as carencias naquelas persoas que por mor da crise non posúen nin traballo nin ingresos suficientes, suministrándolles mensualmente alimentos de primeira necesidade todas elas de vital importancia.

MARTÍN CÓDAX ENTREGA OS RECADADO NOS "XOVES DE CÓDAX" A 9 ASOCIACIÓNS

Por cuarto ano consecutivo, Adegas Martín Códax destina a recadación obtida coa venda de entradas en Os Xoves de Códax a fins benéficos. Este ano, o importe total que se repartirán as nove asociacións beneficiarias ascende a máis de 27.000 euros, o que significa que ao longo das seis edicións desta convocatoria levan recadados máis de 65.000 euros.

A fin de dar luz á entrega destas doazóns que realiza a adega cambadesa, celebrouse un acto público coa participación de José Martínez Chantada -presidente da adega- e María Garrido -directora de Márketing-, quen agradeceu ás asociacións todo o labor realizado. Cada entidade recibiu a recadación de cada un dos concertos celebrados todos os xoves de xullo e agosto. Os colectivos beneficiarios son Cáritas Arousa, Afasal, Esperanza Salnés, Lareira prol saúde mental, Fundación Arela, Down Pontevedra, Fundación de Medicina Xenómica de Galicia e AECC Pontevedra.

Convén lembrar que Os Xoves de Códax convertéronse, desde 2014, non só nun proxecto de apoio aos artistas e á música de Galicia, senón tamén nun programa solidario que, grazas á colaboración con máis de 15 entidades, puido dar apoio a causas tan diversas como a asistencia a persoas sen recursos ou con discapacidades, o apoio a nenos con enfermidades de longa duración ou a investigación de enfermidades como o cancro ou o Alzheimer.

9 ONG´s SERÁN AS DESTINATARIAS DAS RECADACIÓNS DOS CONCERTOS DE "OS XOVES DE CÓDAX"

Cáritas, Afasal, AECC e Esperanza Salnés, son algunhas das asociacións ás que se destinarán os beneficios de Os Xoves de Códax

Por cuarto ano consecutivo Os Xoves de Códax destinará o importe dos despachos de billetes a diferentes asociacións benéficas da zona co obxectivo de contribuír ao benestar da comunidade da contorna.

Deste xeito, elixíronse 9 entidades diferentes que recibirán os importes das entradas dos diferentes concertos.

As asociacións elixidas son as seguintes:

    Cáritas Arousa, asociación convidada ao concerto de apertura de Silvia Pérez Cruz e Uxia.
    Afasal (Asociación de familiares de enfermos de Alzheimer), presente no concerto de Cristina Pato e Wöyza o pasado 13 de xullo.
    Fundación Andrea, que acompañará no espectáculo Miguel Lamas e Lin Cortés o 20 de xullo.
    Esperanza Salnés, convidada á actuación de Nastasia Zürcher que pecha os concertos do mes de xullo.
    Lar pro-saúde mental, compartirá protagonismo coa Banda de Balbina o 3 de agosto.
    Fundación Arela, será convidada a gozar da voces e música de Rosario a Tremendita e Abe Rábade o 10 de agosto.
    Down Pontevedra "Xuntos", que acompañará no show de Os amigos dous músicos o 17 de agosto.
    A Fundación de Medicamento Xenómica de Galicia acompañará durante a actuación de Alba Molina e Marcos Teira.
    AECC Pontevedra, que estará presente no concerto de clausura de Os Xoves con Budiño, Javier Limón & Javier Caracol.

Grazas a esta iniciativa, durante os tres anos precedentes, Adegas Martín Códax apoiou a diferentes asociacións, contribuíndo a causas tan diversas como a loita contra o cancro, o apoio a persoas con discapacidade ou en risco de exclusión social.

AS ASOCIACIÓNS QUE RECIBIRÁN OS BENEFICIOS DAS ENTRADAS SON:

CÁRITAS. Diocesana de Santiago de Compostela-Interparroquial de Arousa:

Entidade que desenvolve diferentes accións sociais, entre elas a atención básica a familias e persoas en situación ou risco de exclusión laboral. Ofrecen comedores sociais, roupeiros, servizos de hixiene e lavandería, alfabetización de adultos, comedores como unha seda para persoas maiores e dependentes...

AFASAL

Entidade que se ocupa do tratamento integral dás persoas con Alzheimer, así como de dar apoio, formación e información aos seus familiares e coidadores.

FUNDACIÓN ANDREA:

Fundación de apoio aos nenos con enfermidades de longa duración, crónicas ou terminais cuxa finalidade é a atención e o apoio económico, moral, informativo ou de calquera outra natureza ás familias que, contando con escasos recursos económicos, haxan de coidar aos seus fillos con este tipo de doenzas.

ESPERANZA SALNÉS:

Asociación de atención a discapacitados físicos e intelectuais con servizos multidisciplinares de logopedia, pedagoxía terapéutica, fisioterapia e psicoloxía.

LAR PRO-SAÚDE MENTAL

O obxectivo xeral desta Asociación é axudar ás persoas diagnosticadas dunha enfermidade mental grave e crónica con discapacidades psicosociais, a recuperar ou desenvolver as habilidades e recursos persoais necesarios para funcionar con maior éxito na comunidade na que residan, con máis autonomía e maior calidade de vida.

FUNDACIÓN ARELA

Entidade que traballa desde 1998 en Galicia con infancia e adolescencia en situación de desprotección e conflito social. Actualmente xestionan 10 centros de menores repartidos por toda a xeografía galega.

DOWN PONTEVEDRA

Down Pontevedra  "XUNTOS", Asociación de Síndrome de Down ten como obxectivo mellorar a calidade de vida das persoas con Síndrome de Down para conseguir a inclusión destas persoas en todos os ámbitos (escolar, familiar, social, laboral...).

FUNDACIÓN DE MEDICAMENTO XENÓMICA DE GALICIA

O Grupo de Medicamento Xenómica é unha unidade de investigación conxunta formada principalmente por investigadores da Universidade de Santiago de Compostela, da Fundación Pública Galega de Medicamento Xenómica, do Instituto de Investigación Sanitaria de Santiago e do Centro de Investigación en Rede de Enfermidades Raras.

AECC PONTEVEDRA

Presta servizos de atención integral a persoas enfermas de cancro e as súas familias desde unha perspectiva psicosocial, desenvolve proxectos de sensibilización social sobre a enfermidade e a súa prevención e actividades de prevención e educación para a saúde, entre outras.

A XUNTA COMPROMÉTESE CON "ESPERANZA SALNÉS"

O vicepresidente da Xunta, Alfonso Rueda, e o delegado territorial da Xunta en Pontevedra, José Manuel Cores Tourís, reuníronse esta mañá co director xerente da asociación Esperanza Salnés, Augusto Chaves.

Na xuntanza, trasladaron o compromiso do Goberno autonómico de renovar a colaboración que xa viña mantendo con esta asociación. Ademais, eloxiaron o traballo fundamental que desenvolve esta entidade no eido da atención terapéutica a nenos e nenas con discapacidade física ou intelectual.

ESPERANZA SALNÉS RECIBE DA XUNTA UNHA SUBVENCIÓN TAN NECESARIA COMO INSUFICIENTE

O vicepresidente da Xunta, Alfonso Rueda, asinou esta tarde un convenio, insuficiente, de colaboración coa Asociación Esperanza Salnés para o desenvolvemento de actividades de Atención Terapéutica de Nenos con discapacidade física ou intelectual.

En total, en virtude do acordo asinado, a Vicepresidencia, Consellería de Presidencia, Administracións Públicas e Xustiza da Xunta de Galicia dotará con 15.000 euros a esta asociación, que ten entre os seus obxectivos mellorar a calidade de vida dos nenos e mozos de entre 2 e 18 anos que padezan algunha discapacidade física, intelectual, sensorial, parálise cerebral e/ou patoloxías afíns, incidindo especialmente no eido asistencial e favorecendo a súa integración familiar, social e laboral.

A Asociación Esperanza Salnés conta cunha unidade de atención no concello de Cambados que presta asistencia diaria a nenos e mozos de toda a comarca do Salnés, levando a cabo actividades que melloran a súa calidade de vida.

Lembremos que o PP de Cambados cando estivo gobernando no Concello non logrou arranxar un Convenio anual por non adecuar as instalacións e non tela inscrita perante a Xunta como asociación.

De todos os xeitos, benvidos sexan eses cartos para facer a vida destes rapaces máis agradable.

Agora agardar que reciban as axudas necesarias para desenvolver a sua labor sin as ameazas da falta de cartos.

CAMBADOS ZONA CENTRO ENTREGA A ESPERANZA SALNÉS O RECADADO NA FEIRA DE OPORTUNIDADES

Onte martes 30, a asociación Cambados Zona Centro fixo entrega do importe recadado durante a celebración da feira de oportunidades 2016 cos inchables que se colocaron durante a celebración  do referido evento celebrado os pasados días 13, 14 e 15 de agosto, no Paseo da Calzada.

En total recadáronse 979,00 euros, que o presidente da asociación Juan Rey fixo entrega ao xerente da Asociación de Axuda a Discapacitados “Esperanza Salnés”, Augusto Chaves.

O presidente de Cambados Zona Centro quere resaltar o compromiso do comercio e hostalería cambadesa coas diferentes asociacións do noso concello, e en especial con Esperanza Salnés, non en van, tódolos anos, con motivo da celebración da tradicional cea de Nadal da asociación, apórtanse 5 euros de cada cuberto, en concepto de donativo, este colectivo.

O xerente de Esperanza Salnes, Augusto Chaves, quixo agradecer á asociación este xesto que se suma aos realizados por diferentes asociacións do Salnés ao longo deste verán, e que se ben non solucionan os problemas económicos de Esperanza Salnés, si é certo supoñen un pequeno alivio para as súas arcas.

GALA SOLIDARIA A PROL DE "ESPERANZA SALNÉS"

Gala solidaria que se celebrará en Cambados a prol de Esperanza Salnés este vindeiro venres dia 10 na Praza de Fefiñáns.
Os asistentes a este evento poderán gozar dunha gran velada que estará amenizada polas orquestras Suavecito e Podium.

Esperanza Salnés adícase ao tratamento de nenos discapacitados, e sofre periódicamente problemas económicos graves debido á falta dunha liña estable de axudas ao seu funcionamento. Así, o público que asista á actuación musical de Fefiñáns poderá contribuír co colectivo mediante doazóns nunhas urnas depositadas en varios puntos da praza. A entrada será gratuíta.

TORNEO 3x3 ESPERANZA SALNÉS

A explanada da Alameda de San Tomé será o escenario no que este sábado, 5 de setembro, se dispute o torneo solidario de baloncesto 3x3, no cal os fondos recadados serán destinados á asociación Esperanza Salnés.

Todos aqueles interesados en participar, poden inscribirse a través de facebook, na páxina 3x3 Esperanza Salnés. O prezo da inscripción será de 10€ por cada xogador, os cales inclúen unha camiseta conmemorativa e seguro médico por se hai algunha incidencia.

Todos os interesados en colaborar con Esperanza Salnés, poden facelo ademáis a través do bote para a recollida de aportacións. Tamén haberá un bar onde a recadación pola venta de bebidas irá destinada a este fin benéfico.

NÚMEROS PREMIADOS NO SORTEO DE ZONA CENTRO A PROL ESPERANZA SALNÉS

Na imaxen podedes ver os números premiados no sorteo que se celebrou onte das rifas  para recadar fondos a prol "ESPERANZA SALNÉS".

Lembrade que había 200 euros en vales compra e varias ceas en locales de Cambados.
Noraboa aos agraciados.

NÚMEROS

Número 1160, vale de 100 euros.

Número 1532, vale de 50 euros.

Número 985, vale de 50 euros.

Número 1598, cena en Casa de Miguel.

Número 782, cena en A de Luís.

Número 772, cena en A Esquina da Meiga.

Número 1219, cena en A Taberna do Trasno.

Número 1039, cena en A Traiña.

Número 1157, cena en O Cruceiro.

CONCERTO SOLIDARIO A PROL "ESPERANZA SALNÉS"

Mañán venres pola noite un concerto solidario co que colabora o Concello a beneficio de Esperanza Salnés, un colectivo que axuda a nenos con minusvalidez e que padece de forma estrutural un grave problema económico que de non ser polo apoio dalgunhas administracións estaráse a falar da súa disolución.
Os grupos Modestia Aparte e A Cámara Lenta. Será as 22 horas, na Praza  do Concello, con  entrada gratuíta pero poñeranse á venda ao prezo dun euro unhas rifas coas que se poderá entrar no sorteo de 200 euros en vales de compra. O premio concédeo a asociación de comerciantes Cambados Zona Centro. Ademais, sortearanse artigos cedidos por comerciantes de forma desinteresada.
No Concello explican que a súa intención de cara ao futuro é incrementar a axuda municipal a Esperanza Salnés, e que o concerto do venres pola noite servirá tamén para darlle lustre a outro fin de semana especial na vila. 

MARTÍN CÓDAX ENTREGA 7500 EUROS A ENTIDADES BENÉFICAS

A adega Martín Códax entregou esta mañá o recadado na venda de entradas dos Xoves de Códax ás cinco entidades sociais beneficiadas. En total 7.500 euros que irán para proxectos sociais e de apoio á investigación de enfermidades, á doentes e ás súas familias.  

Fundación Amigos de Galicia, Esperanza Salnés, Asociación Española Contra o Cancro, a Fundación Andrea e Ingada. Son as cinco entidades seleccionadas por Martín Códax como beneficiarias da recadación este ano dos Xoves de Códax. A contía correspondente a este mes de xullo recibíana esta mañá. 1.500 euros para cada unha das entidades, dedicadas a proxectos sociais. No acto, cada unha delas explicou a que se destinarán estes fondos. Para algunhas, vitais. É o caso de Esperanza Salnés, a única na comarca dedicada á atención de persoas con discapacidade psíquica; ou Ingada, con apenas ano e media de vida.   A Asociación Española Contra o Cancro é outra das beneficiadas. Os recursos irán para os programas de acompañamento a enfermos e familiares, campañas de información e sobre todo a investigación.   Nunha liña semellante se move a Fundación Andrea, dedicada desde hai unha década ó apoio de nenos con enfermidades de longa duración, crónicas ou terminais. Ofrecen apoio económico a familias con escasos recursos, un programa de adecuación das estancias hospitalarias para que os cativos se sintan máis cómodos e unha bolsas de casas para as familias dos nenos que se teñen que desplazar a Santiago, ó ser o hospital de referencia o Clínico.   A lista complétaa a Fundación Amigos de Galicia, que se dedica á cobertura de necesidades básicas a familias sen recursos e promove un servizo de integración laboral para persoas en risco de exclusión social.   Todas agradeceron a iniciativa de Martín Códax e animaron a outras empresas privadas a que promovan este tipo de iniciativas solidarias. 

CAMPAÑA DE CROWDFUNDING A PROL "ESPERANZA SALNÉS"

HOXE POR ELES MAÑÁ POR NÓS!
Esperanza Salnés necesita a colaboración de todos para poder seguir axudando aos nenos con minusvalías da nosa bisbarra. Cunha pequena achega económica na conta ES03 2080 5414 68 3040108244 (ABANCA- CAMBADOS) podemos contribuír entre todos a que un ano máis a asociación poida ofrecer terapias e tratamentos para ofrecerlles aos nenos unha alternativa asistencial e unha mellor calidade de vida. #NOPERDAMOSAESPERANZA

Así é a campaña de crowdfunding iniciada hai uns dias para que todos aqueles que o desexen poidan axudar económicamente a esta institución.

Lembrade que a esta iniciativa hai que sumar o Torneo de Baloncesto 3x3 do 5 de setembro e o concerto solidario deste vindeiro venres.

TORNEO SOLIDARIO 3x3 DE BALONCESTO A PROL DE "ESPERANZA SALNÉS"

O Sábado 5 de Setembro celebrarase un Torneo 3x3 de Baloncesto en Cambados e os Beneficios destinaranse, na súa totalidade, á Asociación Esperanza Salnés.

Ide xuntando entre 4 e 5 xogadores para o torneo. Recordade que é algo mais que unha competición. Unha tarde para disfrutar e seguir promocionando o BALONCESTO e de paso axudar modestamente a Esperanza Salnés.

FORMAS DE AXUDA
Existen varias maneiras de axudar.... os establecementos, empresas etc. que queren colaborar pódense poñer en contacto coa organización. En principio temos unha "apadriñamento" por equipo de 50 euros. No 
Unha campaña adicional dentro do torneo, poranse en distintos establecementos uns petos "Balón Solidario" onde se podrán depositar as axudas que anónimamente querades facer a Esperanza Salnés. O largo da semana que ven poremos os establecementos onde poredes atopar estes Petos.

Regulamento 3x3:

O campo de xogó será o equivalente a media pista de baloncesto e unha canastra.

Os equipos estarán compostos por tres xogadores en pista e dous cambios.

Cada equipo nomeará un capitan que será o representante único.

O xogo será a 16 puntos con 2 de vantaxe e terá unha duración máxima de 15 minutos. O rematar este tempo, gañará o encontro o equipo que vaia por diante no marcador.

No caso de que o partido remate en empate, cada xogador terá que lanzar un tiro libre, e gañará o equipo que máis canastras anote.

Cada canastra vale un punto, agás aquelas conqueridas máis lonxe de 6,25, que valerán 2 puntos.

A primeira posesión do balón será sorteada.

Despois de cada cambio de posesión, rebote defensivo ou balón recuperado, o balón deberá saír da liña de 6,25.

REXÍSTRATE

Despois de cada canastra o balón troca de posesión e iniciase o xogo dende o medio campo.

Cando o balón saia fora, deberá poñerse en xogo dende a banda.

As loitas supoñen, sempre, a posesión do balón para o equipo que se defendía.

As faltas sacaranse sempre de banda.

As faltas intencionadas non se permitirán e serán penalizadas con un tiro libre, posesión do balón ó equipo que sufriu a falta e expulsión do xogador agresor.

O principio fundamental do 3X3 é o "fair-play", ou xogo limpo. Cada partido rexerase por este principio e os participantes actuarán como árbitros. Cada xogador debe declarar as faltas que comete. En caso de liorta os equipos involucrados serán expulsados da competición.

Ningún xogador poderá xogar en máis de un equipo.

Os equipos que se retrasen máis e 5 minutos no comenzo do encontro quedarán descalificados.

Queda totalmente prohibido colgarse do aro, o que se penalizar con expulsión directa do equipo.

Calquera circunstancia non contemplada, será competencia exclusiva dos responsables da organización e a sua decisión última será inapelable.

A inscripción no torneo de baloncesto 3x3 supón a total aceptación de estas normas.

APADRIÑAMENTOS

Mariscos y Pescados SAN-MAR
ASEC Asesoria de Empresas

Peluquería Nuevo Estilo
Café Bar Xentes
Parruliños Moda Infantil
DTS Espacios Personales
Mariscos Daporta 
Clareo Tintorería
Acuarei Public
Ferrinautica
Rif Rock Cambados 
Construcciones Hnos. PradoTirado
Airiños Cafe-Bar
Vital Sport 
A Leria
Cofradía Nuestra Señora de Las Angustias
El Secreto de Candela
Porto de Cambados
Bodegas Tomada de Castro
Arroás Efectos Navales
Maríscos Joaquín Fariña

Seguiremos dando conta das novedades que se produzca en vindeiras datas.

ESPERANZA SALNÉS VOLTA A PEDIR AXUDA

Como cada ano a Asociación de Atención a Discapacitados Esperanza Salnés iniciou a rolda de contactos cos concellos da bisbarra para que aporten unha axuda mensual que permita sumar os 3.725 euros que precisan ao mes para sobrevivir.
O seu xerente reuneuse con algúns responsables municipais. Meaño xa lle donou 1.000 euros, dentro das súas subvencións anuais a entidades locais, en Sanxenxo non están a ter tanta sorte. O cambio nos gobernos de varios municipios complica a situación xa que varios atopáronse con partidas presupostarias para o ano esgotados en 5 meses.
Sanxenxo aporta varios alumnos a Esperanza Salnés e desde a entidade non son optimistas respecto a axuda que deste concello poidan recibir.
Polo que parece en Cambados o cambio de goberno non afectará. Segundo Augusto Chaves xerente, o edil de Servizos Sociais, Tino Cordal, se "comprometeu a facer todo o posible para garantir o noso futuro". A Fátima Abal pídenlle a axuda para intermediar coa Deputación ata agora puntal básico da economía da entidade.  Quen tamén debería facer un esforzo debería ser a Mancomunidade do Salnés e da que non se teñen noticias.
3725 euros mensuais serían suficientes, case 45.000 euros anuais, para que Esperanza Salnés poida dispensar a atención necesaria a 22 moz@s da comarca que precisan coidados específicos.

CONCERTO A BENEFICIO DE ESPERANZA SALNÉS

A Banda de Música da Escuela Naval Militar de Marín ofrecerá un Concerto a beneficio de ESPERANZA SALNÉS.

Sábado, 14 de Xuño ás 20:30

no Salón De Congresos José Peña - Cambados. Entrada 5 euros que serán doados íntegramente a entidade.   A Banda de Música da Escuela Naval Militar está formada actualmente por 44 compoñentes, músicos profesionais, que compaxinan o seu labor na Escuela de Marín con diversas actuacións, entre as que sobresae a sua recente colaboración no aniversario da cidade de Santander e mais nos actos realizados en Vigo con motivo da Volvo Ocean Race. Asemade participa en festivais e certames de música militar. A actual Banda de Música da Escuela Naval foi creada en 1940, cando esta Escuela estaba en San Fernando, sendo posteriomente trasladada a Marín en 1943. A sua misión é atender as necesidades marcadas polo réxime interior da Escuela Naval Militar, pero tamén realiza actuacións fora da mesma cun amplo repertorio que abranxe desde a música militar e popular á sinfónica. O seu actual director é Francisco García Hurtado.

TOURÍS ESQUÉCESE DE "ESPERANZA SALNÉS"

O delegado territorial da Xunta en Pontevedra, José Manuel Cores Tourís, destacou os máis de 770.000 euros que a Consellería de Traballo e Benestar destinou a actividades de servizos comunitarios e inclusión social na provincia de Pontevedra e que publicou recentemente no Diario Oficial de Galicia.

Tal e como explicou Cores Tourís, o importe das axudas corresponde a orde do 28 de maio de 2013 e teñen por obxecto o establecemento de subvencións ás entidades de iniciativa social que levan a cabo programas e prestan servizos sociais na área de actuacións dos servizos sociais comunitarios, inclusión social e, especificamente, en favor da inclusión social da poboación inmigrante. 

“Estas actuacións”, matizou o delegado territorial, “comprenden a atención ás persoas nos centros de inclusión e emerxencia social e o desenvolvemento de programas de servizos sociais”.

Para a foto sí estamos.

Estas axudas supuxeron un investimento provincial de 770,183,42 euros corresponden á provincia de Pontevedra.

No eido da Delegación Territorial da Xunta en Pontevedra, destacan os 170.280 euros outorgados ao funcionamento de centros e que corresponderon ao albergue de San Javier de Cáritas Interparroquial de Pontevedra, aos centros de acollida de Mondariz e A Guarda, e aos comedores sociais de Marín e Vilagarcía de Arousa. Curiosamente destas axudas ningunha é para o povo natal do delegado, sabendo que hai unha asociación que cada pouco está a pedir a colaboración de todos para non desaparecer. Trátase de "ESPERANZA SALNÉS", unha asociación que traballa para rapaces con discapacidade. Outras asociación deste tipo si lles foi concedida unha axuda. Porqé non a "ESPERANZA SALNÉS"?

Ademais, tamén se destinaron 73.021 euros tanto á Fundación Amigos de Galicia como a Asociación Rexurdir con motivo da posta en marcha de promoción de actuacións en favor da poboación emigrante. A Fundación Amigos de Galicia, a Asociación Española contra o cancro Pontevedra e as Voluntarias da Caridade Marín recibiron un total de 39.650 euros para a promoción de proxectos básicos ou complementario dos servicios sociais comunitarios. E, finalmente, Down Pontevedra Xuntos, Asociación Rexurdir e Lar pro saúde mental obtiveron 62.760,5 euros para a promoción de actuacións que constitúan a totalidade ou parte dun proxecto de inclusión social.