UN ACCIDENTE NA MODIA SÁLDASE CUNHA PERSOA FERIDA

Un home resultou ferido esta tarde nun accudente de tráfico ocurrido na EP-9002 preto da Capela de San Antón, na Modia Cambados). O ferido J.M.P. de 73 anos e veciño de Cambados, que conducía un ciclomotor.
Foi trasladado ao Hospital do Salnés, dor cervical e lumbar polo 061. 
cando chegaron as asistencias médicas e Protección Civil de Cambados so estaba o ferido ni chan e a motocicleta, polo que parece ser o accidente prodúxose por unha saída de vía do vehículo sin que intervira ninguén máis.

Na intervención colabora a Ambulancia do 061, Garda Civil de Tráfico e Atestados, e Protección Civil.

SUFOCADOS DOUS PEQUENOS INCENDIOS EN CAMBADOS

Os servizos de emerxencias de Cambados, Protección Civil de Cambados e Policía Local, sufocaron onte dous novos pequenos incendios en Cambados. Un en A Modia (Vilariño), onde se logrou controlar rápido as chamas, e no Couto (Castrelo), preto duns depósitos da auga.
Polo que parece os dous lumes foron provocados e a rápida actuación de Protección Civil de Cambados evitou que estes pequenos lumes chegaran a máis.

FESTA DE SAN ANTÓN NA MODIA

Na xornada de mañán sábado 23 de Xaneiro, os veciños da Modia, na parroquia cambadesa de Vilariño, celebrarán a súa festa relixiosa en honor a San Antón. 

Os actos comezarán entrada a mañá cunha salva de bombas e a alborada a cargo dun grupo de gaitas. Tamén en horario matutino se oficiarán misas rezadas, e a partir das 12.00 horas terán lugar a misa solemne cantada pola Coral Santa Mariña de Cambados, seguida de procesión. A continuación, levarase a cabo póxaa de galos, pezuños e outros donativos. 
Pola noite, os presentes poderán gozar dunha gran verbena amenizada polas orquestas Os Satélites e Gran Parada e a partir das 00.00 horas, cunha gran queimada. 

Durante a velada realizarase o sorteo de diversos premios en metálico e haberá rosca e chocolate para tomar.

O CONCELLO VOLVE A ENGANAR AOS VECIÑOS DE CAMBADOS

Hai cuestión dunhas semanas CORES DE CAMBADOS preguntábase no artigo QUEN MINTE O CONCELLO OU "LA VOZ", quen enganaba ou mentía a propósito das obras das beirarrúas das rúas Atlántico e Juan Pablo II. Ou a prensa e algunha bitácora local ou o concello, minten.

Foto publicada pola bitácora local e Diario de Arousa

Pois ben, un amigo lector fíxonos chegar uns artigos de marzo deste mesmo ano,  tanto da prensa  como da mesma bitácora e na que se anunciaban a “bombo e platillo” o remate das obras Marzo (deste mesmo ano) no Campo da Modia.
Neses artigos pódese ler “ O concello finaliza as obras no Campo da Modia..... operarios munucipais instalaron 200metros de tuberias” Esto polo que respecta a bitácora local no seu castelán habitual.

En “La Voz de Galicia” pon o seguinte "O Concello anuncia que os operarios municipais finalizaron a instalación dos 200 metros de canalización que servirán para canalizar as augas pluviais que se concentran na zona cando chove e que tan molestas resultan para os veciños"."
Noutro xornal, neste caso “Diario de Arousa” e publicado uns dias antes e coa mesma foto dos traballadores que utiliza a bitácora local …..."Unha cuadrilla municipal empezou onte as obras para solucionar as frecuentes inundacións rexistradas na rúa Campo da Modia (Vilariño)”.

Segundo o noso informante todo esto é unha mentira posto que nin a maquinaria nin os operarios que se ven nas fotografías pertencen ao Concello. E a proba máis clara son as propias fotos onde se ven a dous traballadores cos seus chalecos reflectantes nos que se pode ver o anagrama dunha empresa privada propiedade dun dos dous traballadores que aparecen na fotografía, segundo o noso informante.

Nada desto ao parecer é ilegal, pero é a enésima tomadura de pelo por parte do Concello aos cambadeses e cambadesas.
E decimos esto porque pensamos que a prensa e a bitácora local non publican máis que o que pon nas notas de prensa que lles envían dende do Concello.
Eso sí, non se molestan o máis mínimo en saber a realidade.

Por outro lado este informante vincula a empresa que fixo os traballos con obras en residencias de altos cargos políticos e outras obras de carácter público.
Picando nos enlaces que siguen podedes comprobar que o que denuncia CORES DE CAMBADOS é certo.

Non poñemos o enlace da bitácora para non facer publicidade gratuíta.

DIARIO DE AROUSA

LA VOZ DE GALICIA  

FARO DE VIGO

Nos dous últimos casos dan a entender que é cousa do Concello

O CONCELLO DI QUE VAI SOLUCIONAR AS INUNDACIÓNS DA MODIA

O Concello de Cambados tentará solucionar o problema das inundacións na Modia. Para elo fixo falla que os veciños chegaran a recoller firmas, amagos de protestas e mobilizacións. pois tras denunciar os feitos non se fixo nada por arranxar ditos problemas. Agora agardan ao bo tempo, ou sexa mentras chova seguirán co problema. Agardemos que as choivas paren dunha vez, pois de seguir así o problema seguiría. E non sería ata o próximo inverno cando se verían si as obras están ou non ben feitas.

Operarios do Concello queren acometer canto antes a canalización das augas que se estancan no Campo da Modia, levándoas cara un regato que permitiría drenar as acumulacións que preocupan á veciñanza. Malia que esta canle quizais non sexa a solución definitiva do problema creado, confían en que axude en gran medida a mitigar as inundacións.

Os operarios están agardando o momento oportuno, en canto cesen as choivas, para intervir na zona do Campo da Modia, onde se veñen producindo inundacións durante este longo e complicado periodo invernal.

No Campo da Modia non se actuou antes por causa do mal tempo e, ademáis, por falta de presuposto para afrontar a que se vislumbraba como unha intervención dificultosa e moi gravosa económicamente.

Despois de estudar o problema da zona a fondo, os técnicos entenden que se poden levar a cabo uns traballos menos costosos do previsto inicialmente e, polo tanto, máis factibles para as arcas municipais.

VECIÑOS DA MODIA ESTUDAN COMPRAR LANCHAS PARA PODER DESPRAZARSE

O portavoz do B.N.G. de Cambados ven de presentar un escrito no rexistro do Concello no que da conta das queixas dos veciños da Modia.  Un grupo de veciños e veciñas da Modia, puxéronse en contacto co grupo municipal do BNG para trasladarlles a súa preocupación e inquedanza pola situación que están a padecer.

 
Concretamente os veciños/as, que viven no Campo da Modia,  na rúa que baixa cara ao pequeno parque infantil da Escola Unitaria da Modia, quéixanse de que teñen transformada a súa rúa nunha canle permanente de auga salvo nos meses secos do verán. Que como consecuencia, gran parte dos días, teñen que saír á rúa con botas de auga e que nas  súas vivenda penetra a humidade procedente da auga que corre do exterior e que a situación aínda se complica máis co paso dos coches que salpican as entradas das casas. Nalgunha das portas, incluso, teñen que poñer algunha barreira de protección para que a auga non penetre na vivenda. Curiosamente a rúa está perfectamente asfaltada pero carece dos sumidoiros necesarios para facela transitable para os peóns, e non semella complexo nin custoso darlle algún tipo de solución a esta problemática. Os veciños/as quéixanse, ademais, de que no concello as súas demandas non foron tidas en conta e que nin se lles presta a atención que merecen, como cidadáns que pagan os seus impostos, nin se lles da ningunha solución; é máis, a día de hoxe están a agardar a que persoal do concello se achegue á súa rúa para que entendan a súa problemática e poida ser solucionada. 
Como non resulta aceptable que se poida seguir vivindo nesas condicións por máis tempo, é polo que solicitan que, con celeridade, persoal do concello se poña en contacto cos veciños/as afectados do Campo da Modia para darlle unha rápida solución a esta problemática, xa que se trata dunha situación que non se pode prolongar por máis tempo.