O Concello de Cambados tentará solucionar o problema das inundacións na Modia. Para elo fixo falla que os veciños chegaran a recoller firmas, amagos de protestas e mobilizacións. pois tras denunciar os feitos non se fixo nada por arranxar ditos problemas. Agora agardan ao bo tempo, ou sexa mentras chova seguirán co problema. Agardemos que as choivas paren dunha vez, pois de seguir así o problema seguiría. E non sería ata o próximo inverno cando se verían si as obras están ou non ben feitas.
Operarios do Concello queren acometer canto antes a canalización das augas que se estancan no Campo da Modia, levándoas cara un regato que permitiría drenar as acumulacións que preocupan á veciñanza. Malia que esta canle quizais non sexa a solución definitiva do problema creado, confían en que axude en gran medida a mitigar as inundacións.
Os operarios están agardando o momento oportuno, en canto cesen as choivas, para intervir na zona do Campo da Modia, onde se veñen producindo inundacións durante este longo e complicado periodo invernal.
No Campo da Modia non se actuou antes por causa do mal tempo e, ademáis, por falta de presuposto para afrontar a que se vislumbraba como unha intervención dificultosa e moi gravosa económicamente.
Despois de estudar o problema da zona a fondo, os técnicos entenden que se poden levar a cabo uns traballos menos costosos do previsto inicialmente e, polo tanto, máis factibles para as arcas municipais.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.