SAMAÍN NA BIBLIOTECA LUÍS REI DE CAMBADOS

Mañá 31 de outubro, das 17 ás 20 horas na bilioteca municipal Luis Rei celebrarase o Samaín e o Magosto, nunha xornada na que haberá castañas, xogos tradicionais, batukada, obradoiros para nenos e nenas, e doces típicos elaborados pola asociación de amas de casa Albariño.
O lugar para pasar unha tarde de medo será o xardín da biblioteca municipal, se o tempo o permite haberá xogos e actividades lúdicas para os pequenos da casa aos que animan a vir cos seus traxes máis terroríficos.

ACTIVIDADES PARA CELEBRAR O SAMAÍN E MAGOSTO

A Biblioteca Municipal Luís Rei ten preparado un gran abano de actividades para celebrar o Samaín e Magosto.

Ás 17:30 horas, nos Xardíns da Biblioteca, contaremos cunha procesión funesta acompañados de Batukada. Haberá doces típicos feitos pola Asociación de Amas de Casa Albariño, castañas asadas, música e moitas sorpresas.

Ademais, celebrarase un concurso de cabazas. Haberá 3 categorías: 1º e 2º, 3º e 4º, 5º e 6º. O concurso comezou onte mércores 25 ata o luns 30 de outubro ás 23:00 horas.

Os participantes terán que subir una foto da cabaza ao facebook  “Biblioteca Municipal de Cambados Luis Rei” e ser seguidor da páxina. A foto de cada categoría que reciba máis “Me gusta” terá un agasallo.

Os concursantes traerán as súas cabazas durante o luns 30 de outubro para exhibilas nos Xardíns da Biblioteca durante a tarde do Samaín.

Dende a Concellería de Ensino, Deporte e Cultura do Concello de Cambados, o seu responsable Victor Caamaño anima a todos os nenos e nenas da vila a gozar destas actividades.

Para máis información poden contactar co persoal do Departamento de Cultura no teléfono 986 520 008, ou no 986 520 902 ext. 764 e 765.

O CONCELLO DE CAMBADOS ORGANIZA O SAMAÍN E MAGOSTO, ESTE VENRES 28 DE OUTUBRO

O vindeiro venres 28 de Outubro vai ser finalmente a data elixida para celebrar o Samaín e o Magosto no Concello de Cambados.

A Concellería de Cultura decidíu adiantar esta actividade para que coincidise en venres e vaise a realizar na biblioteca municipal Luis Rei.

O lugar escollido este ano para pasar unha tarde de medo será o xardín da biblioteca municipal, se o tempo o permite haberá xogos e actividades lúdicas para os pequenos da casa aos que animan a vir cos seus traxes máis terroríficos. 

CAMBADOS CELEBRA O SAMAÍN E O MAGOSTO ESTE VENRES

O vindeiro venres 30 de Outubro vai ser finalmente a data elixida para celebrar o Samaín e o Magosto no Concello de Cambados.

A Concellería de Cultura decidíu adiantar esta actividade para que non coincidise coa homenaxe que o sábado 31 se vai a realizar na biblioteca municipal en recordo do seu bibliotecario Luis Rei, falecido este verán.

O lugar escollido este ano para pasar unha tarde de medo será o xardín da biblioteca municipal e a rúa San Francisco que se pechará ao tráfico. A partir das 17.30 horas, se o tempo o permité haberá xogos e actividades lúdicas para os pequenos da casa aos que animan a vir cos seus traxes máis terroríficos. Maquillaxes, globoflexia, tirada de trompos, xincanas, formarán parte da programación proposta. Ademais contarán cos doces típicos destas datas grazas á  Asociación de Amas de Casa Albariño e haberá tamén, como non, castañas asadas. Para rematar a xornada contarán coa actuación da Escola de Batucada, que porá unha mesa informativa para todos aqueles interesados en formar parte da mesma.

Se o tempo non o permite, cambiarase a ubicación da festa ao pavillón do Colexio de Magariños, dado que o Salón J. Peña estará co Mercadiño das Flores.