ÉXITO NAS VI XORNADAS DE DEGUSTACIÓN E MARIDAXE DOS AUGARDENTES

Preto dun centenar de persoas asistiron este sábado ás actividades das VI Xornadas de Degustación e Maridaxe dos Augardentes e Licores Tradicionais de Galicia, que se celebraron en Cambados. “Todo un éxito de convocatoria”, afirman os organizadores. Os visitantes puideron participar no Túnel dos Augardentes e Licores Tradicionais de Galicia, un espazo expositivo e de cata que puxo a disposición do público máis de 40 referencias -coas súas correspondentes fichas de cata- que se atopan actualmente no mercado. Posteriormente, celebrouse o taller de cata titulado ‘A maxia do Bagazo de Galicia’ -dirixido por Sonia Otero- e a actividade ‘Augardentes e Licores Tradicionais de Galicia na cociña e a coctelería’, que contou coa participación do chef do Casino A Toja, Mark Wernink, e o cociñeiro Fran Castro, que elaboraron tres pratos creados especialmente para a ocasión. Todos eles contaron entre os seus ingredientes con produtos con indicativo de calidade e moi propios para esta época do ano, ademais dos destilados galegos con selo de orixe. Así, degustáronse un Cremoso de Grelos de Galicia con escuma de Queixo Teto e Bagazo de Galicia con faragullas de Lacón de Galicia; Fabas de Lourenzá con Mexillón de Galicia, tendón de Vacún de Galicia e Augardente de Herbas de Galicia, e Jarrete de Vacún de Galicia con Castañas de Galicia, cogomelos e Bagazo de Galicia envellecido. Unhas delicias que se harmonizaron cos orixinais cócteles creados polo barman Anxo Camiña. Seguidamente, o presidente da Asociación de Repostería Tradicional de Melide, Alberto Rodríguez, tomou a substitución para elaborar tres prostres, nos que os destilados galegos con selo de calidade e orixe foron os grandes protagonistas. Para o presidente do Consello Regulador, José Antonio Feijóo, este tipo de actividades “serven para poñer en valor a calidade dos Augardentes e Licores Tradicionais de Galicia e para situalo no lugar que merecen, xa que se atopan á altura dos destilados internacionais de maior referencia”.

CITA COS DESTILADOS GALEGOS EN CAMBADOS

O Salón José Peña de Cambados acolle este sábado VI Xornadas de Degustación e Maridaje dos Aguardientes e Licores Tradicionais de Galicia, organizadas polas Indicacións Xeográficas (IIGG) dos Aguardientes e Licores Tradicionais de Galicia. 
A cita comezará xa pola mañá coa apertura do Túnel dos Aguardientes e Licores Tradicionais de Galicia, entre as 12.00 e as 14.00 horas. Tamén estará aberto pola tarde, entre as 16.00 e as 20.30 horas. 

Xa pola tarde, ás 16.00 horas, terá lugar a inauguración oficial da cita, trala que Sonia Otero coordinará o Taller de Cata "A maxia do Orujo de Galicia". Unha vez finalizada esta actividade, realizarase un breve descanso para dar comezo ao taller "Aguardientes e Licores Tradicionais de Galicia na cociña e a coctelería", no que participarán o chef do Casino A Toja, Mark Wernink, e o cocinero Fran Castro, que prepararán tres pratos entre cuxos ingredientes atopar os destilados amparados. 
Tamén os utilizará o barman Anxo Camiña para elaborar tres cócteles creados especialmente para a ocasión. Fará tamén o propio o presidente da Asociación Melide Terra Doce, Alberto Rodríguez, quen se encargará de elaborar dúas sobremesas con estes produtos.

AS VI XORNADAS DE DEGUSTACIÓN E MARIDAXE DOS AUGARDENTES E LICORES TRADICIONAIS DE GALICIA EN CAMBADOS

As VI Xornadas de Degustación e Maridaxe dos Augardentes e Licores Tradicionais de Galicia contarán coa participación do televisivo Dani Polo. O mozo meigo finalista do concurso de TVE Pura Maxia é a principal novidade do programa deste ano, que se desenvolverá o próximo 3 de novembro no Salón José Pena de Cambados. Así o anunciou a vogal do Consello Regulador Sonia Otero na presentación da cita ante os medios de comunicación. Un acto no que estivo acompañada polo concelleiro de Enoturismo cambadés, José Ramón Abal, a quen agradeceu "a súa colaboración para o desenvolvemento desta iniciativa". Como en anteriores ocasións, a asistencia ás actividades propostas para esta xornada é de carácter gratuíto, previa inscrición. Todas as persoas interesadas en participar deberán reservar a súa praza a través do teléfono 986 520 786 ou enviando un correo electrónico a turismo@cambados.es. Túnel dos Augardentes e Licores Tradicionais de Galicia As VI Xornadas de Degustación e Maridaxe darán comezo o sábado 3 pola mañá coa apertura do Túnel dos Augardentes e Licores Tradicionais de Galicia. O horario de visita, no que as persoas asistentes poderán degustar unha ampla variedade de referencias de destilados galegos con selo de calidade, será de 12.00 a 14.00 e de 15.30 a 20.30 horas. As actividades comezarán ás 16.00 horas co Taller de Cata A Maxia do Augardente, que estará dirixido por Sonia Otero e que contará coa participación de Dani Polo. A vogal do Consello Regulador non quixo desvelar en que consistirá dita colaboración do mozo meigo, pero si asegurou que "haberá algunha que outra sorpresilla que non deixará a ninguén indiferente".

A continuación, ás 18.00 horas, terá lugar as proposta Augardentes e Licores Tradicionais na cociña e a coctelería. Como en anteriores ocasións, o chef do Casino A Toja, Mark Wernink, e o cociñeiro do Hotel Eurostars Illa da Toja, Fran Castro, prepararán en directo tres pratos entre cuxos ingredientes se atopan os destilados galegos con selo de calidade e orixe. Tamén os utilizará o barman Anxo Camiña para elaborar tres cócteles creados especialmente para a ocasión. A outra novidade do programa deste ano pasa pola colaboración do presidente da Asociación de Repostería Tradicional de Melide Melide Terra Doce, Alberto Rodríguez. "Colaborador habitual do Consello Regulador e firme defensor dos nosos produtos amparados, preparará en directo dúas deliciosas elaboracións que harmonizarán os Augardentes e Licores Tradicionais de Galicia coa repostería melidense", indicou Sonia Otero. Tanto o concelleiro cambadés José Ramón Abal como a vogal do Consello Regulador animaron á poboación para participar estas xornadas. En palabras de Otero, "son unha oportunidade única para descubrir o potencial dos destilados galegos con selo de calidade e orixe", á vez que conciencian "sobre a importancia de consumir augardentes e licores debidamente etiquetaxes".


www.orujodegalicia.org

POR FIN NAVA CASTRO EN CAMBADOS

A directora de Turismo de Galicia, Nava Castro, participou hoxe en Cambados nas V Xornadas de Degustación e Maridaxe das Augardentes e Licores Tradicionais de Galicia nas que se puxo en valor o papel destes produtos como recursos turísticos diferenciais.

A responsable de Turismo da Xunta asistiu a un dos showcookings organizados nos que se empregaron produtos amparados polas distintas Indicacións Xeográficas, como augardentes e licor de herbas ou licor café. Os menús incluíron tamén ingredientes como a castaña, tarta de Santiago, mel, mexillón, queixo do Cebreiro ou tenreira galega, todos eles pertencentes a outros Consellos Reguladores.

Organizada polo Consello Regulador de Augardentes e Licores Tradicionais de Galicia, esta iniciativa incluíu catas comentadas e obradoiros de cociña e coctelería, así como o túnel experiencial no que os visitantes puideron comprobar o amplo abano de posibilidades que ofrecen os destilados galegos con selo de calidade. O espazo expositivo e de cata permitiu tamén a degustación dunha gran cantidade de produtos dispoñibles no mercado.

Estas xornadas celebradas hoxe en Cambados contribúen a posicionar a enogastronomía galega como recurso turístico, sendo este o segundo motivo polo que os visitantes escollen Galicia como destino. A gastronomía ocupa un papel destacado na Estratexia do turismo de Galicia 2020, a folla de ruta do turismo galego coa que se está a acompañar o crecemento ordenado e planificado de visitantes cun modelo turístico responsable e sustentable.

Pero, quen é e que fixo por Cambados Nava Castro? 
Aparte de non visitar Cambados durante este último ano, normal tendo en conta o "apoio" da Xunta á Cidade Europea do Viño, o seu apoio a Cambados circunscribeuse estar en Fitur o dúa que Cambados fixo a súa presentación nesa feira.

María Nava Castro Domínguez, nada en Ponteareas o 6 de marzo de 1969, é unha política galega do PPdeG. Foi alcaldesa de Ponteareas entre o 2000 e 2003. Dende o 2013 é a directora de Turismo de Galicia.

Filla de José Castro Álvarez. Licenciada en Filoloxía Hispánica. Foi tenente alcalde do concello de Ponteareas, Concelleira de Economía e Facenda e de Servizos Sociais. En setembro de 1998 entrou no Parlamento de Galicia substituíndo a Pablo Crespo (Gürtel). Nas eleccións xerais de 2008 foi elixida deputada polo Partido Popular pola provincia de Pontevedra. Renunciou en maio de 2009. Foi Directora xeral de Comercio da Consellería de Economía e Industria e, dende o 17 de xaneiro de 2013, secretaria xeral de Turismo da Xunta.

Cando o seu pai José Castro Álvarez foi condenado por corrupción (falsidade documental e prevaricación) substituíno como alcaldesa de Ponteareas. Cando o seu pai formou o seu propio partido, Unión Condado-Paradanta (UCPA) que concorreu ás eleccións municipais de 2003 presentou á candidatura á súa filla, Nava Castro. Posteriormente o partido disolveuse e integrasouse no Partido Popular.^[3]

Dende o 17 de xaneiro do 2013 a secretaria xeral de Turismo de Galicia, posto que posteriormente se renomeou como directora.

LISTA DE PREMIADOS NA CATA DE VIÑOS E AUGARDENTES DE GALICIA

Cambados acolleu na tarde deste luns a entrega dos premios da Cata de Viños e Augardentes de Galicia 2017. Participaron no acto o presidente da Xunta, Alberto Núñez Feijoo, a conselleira de Medio Rural, Ángeles Vázquez e a alcaldesa de Cambados, Fátima Abal. Esta foi a lista de galardoados:

Acio de ouro mellor viño tinto de Galicia: Lagariza Leira Millara (Leira Millara Viñedos e Adegas. DO Ribeira Sacra).

Acio de ouro mellor viño branco de Galicia: Paco&Lola (Cooperativa Vitivinícola Arousá. DO Rías Baixas).

DO Ribeiro

Acio de ouro branco: Pazo Casanova.

Acio de prata branco: Mauro Estévez.

Acio de bronce branco: 4F. Catro Ferrados.

DO Valdeorras

Acio de ouro branco: Godeval.

Acio de ouro tinto: D´Berna.

DO Rías Baixas

Acio de ouro branco: Pazo de Villarei.

Acio de prata branco: A Troita.

Acio de bronce branco: Namorio.

DO Ribeira Sacra

Acio de ouro tinto: Adega Vella.

DO Monterrei

Acio de ouro branco: Quinta dás Tapias. Colección 2016 Godello.

Acio de ouro tinto: Setembro 16.

Viños espumosos

Acio de ouro: Sensum Laxas (DO Rías Baixas).

Viños de colleitas anteriores

Acio de ouro: Son de Arrieiro (Ribeiro).

Acio de prata: Tasdovento (Monterrei).

Acio de bronce: Priorado de Razamonde 2015 (DO Ribeiro).

Viños de elaboración con madeira

Acio de ouro: Peza do Rei Barrica 2015. (DO Ribeira Sacra).

Acio de prata: Celme do Souto (DO Ribeiro).

Acio de bronce: O niño do cuco (DO Ribeira Sacra).

Viños de colleiteiro e pequenas adegas

Acio de ouro tinto: Vía Arxentea (DO Monterrei).

Acio de ouro branco: Lagar da Cachada (DO Rías Baixas). Cambados

Acio de prata branco: Leira Teira (DO Ribeiro).

IG Augardente de Galicia

Pote de ouro: Pazo de Señoráns.

Pote de prata: Vedra do Ulla.

Pote de bronce: Ximonde.

IG Licor Café de Galicia

Pote de ouro: Fonte do Frade.

Pote de prata: Bouza do Rei.

Pote de bronce: Da Fada.

IG Licor de Herbas de Galicia

Pote de ouro: Porta do Miño.

Pote de prata: Ximonde.

Pote de bronce: Mosteiro de Xagoaza.

Artigo relacionado: ENTREGADOS OS PREMIOS DA CATA DE VIÑOS E AUGARDENTES DE GALICIA

XORNADAS DE AUGARDENTES E LICORES TRADICIONAIS DE GALICIA

Organizado pola asociación Cambados Zona Centro en colaboración co Concello de Cambados, ofrecerase unha degustación dos destilados de calidade e orixe galegos.

O Salón de Congresos e Exposicións José Peña de Cambados acollerá o próximo xoves 27 de abril a Xornada Augardentes e Licores Tradicionais de Galicia. A cita, organizada de modo conxunto polo Consello Regulador de Augardentes e Licores Tradicionais de Galicia, e a asociación de empresarios Cambados Zona Centro en colaboración co Concello cambadés, comezará ás 17.00 horas.

A sesión estará dirixida pola vogal do Consello Regulador e enóloga, Sonia Otero, quen explicará aos asistentes as cualidades diferenciadoras dos destilados galegos coa Indicación Xeográfica e de calidade certificada. A asistencia a cita é totalmente gratuíta e realizarase por orden de inscrición, dado o número limitado de plazas. A reserva poderase formalizar cun correo electrónico a info@cambadoszonacentro.com ou a través do teléfono 986 520 902 (ext. #742).

Esta actividade englobase dentro do programa anual de promoción do Consello Regulador. A través das diversas catas e sesións formativas, búscase concienciar a profesionais e consumidores sobre a importancia de consumir destilados debidamente etiquetados. O mesmo tempo, infórmase sobre as funcións deste ente e os procesos de calidade aos que se someten Augardentes e Licores de Galicia.

XORNADAS DE DEGUSTACIÓN E MARIDAXE DAS AUGARDENTES E LICORES GALEGOS

O CRIIGG Augardentes e Licores Tradicionais de Galicia, en colaboración co Concello de Cambados, presentará este xoves no Salón José Pena as Xornadas de Degustación e Maridaxe dás Augardentes e Licores Tradicionais de Galicia que se celebrarán por vez primeira en Cambados co obxectivo de achegar ao consumidor final todas as posibilidades que ofrecen estes destilados de calidade diferenciada. Ao acto de presentación asistirá o presidente do CRIIGG, José Antonio Feijoo, e o alcalde de Cambados,  Luís Aragunde.

As actividades proposta polo Consello 

Regulador desenvolveranse en horario de sábado tarde e domingo pola mañá co obxectivo de ampliar as posibilidades do público para poder participar nesta novedosa iniciativa que incluirá unha cata comentada destes destilados e un showcooking a cargo dos prestixiosos restauradores do Grupo Nove Yayo Daporta (sábado) e Antonio Botada (domingo) que empregarán en distintas elaboracións os cinco produtos amparados por este Consello Regulador, así como outros produtos con denominación de orixe como a DOP Queixo Tetilla e IXP Mel de GaliciaTetilla e IXP Mel de Galicia.

O showcooking combinarase, ademais, coa elaboración de varios cócteles con base nos destilados galegos amparados e que estará a cargo do coctelero Anxo Camiña. Así mesmo, e durante todo o tempo en que se estean desenvolvendo estas actividades, o Salón José Pena tamén acollerá un Túnel dás Augardentes e Licores Tradicionais de Galicia, na que se expoñerán e poderanse degustar os destilados amparados das empresas asociadas ao Consello Regulador da comarca.