FEIJÓO RETRASA A APERTURA DE DISCOTECAS E OUTROS LUGARES DE OCIO NOCTURNO

Tantas ansias para adiantar a desescalada, tanto empeño en que haxa verbenas. tanto alentar a os furanchos. Presumir de aumentar o afor nos bares e restaurantes cando era unha medida do goberno central..... E agora a Xunta frena a apertura de discotecas e o resto de establecementos de ocio nocturno.
Agora que farán algúns alcaldes que eran os adalides da hostelería?

A Xunta de Galicia decidiu hoxe retrasar unhas semanas a entrada en funcionamento das discotecas e dos restantes establecementos de ocio nocturno, de xeito que a apertura deste tipo de locais estará autorizada a partir do vindeiro mes de xullo.

Tras unha reunión interdepartamental na que a Consellería de Sanidade expuxo un informe relativo a este tema, o presidente da Xunta fixo uso da súa capacidade como autoridade competente delegada e asinou o Decreto polo que Galicia apraza a apertura de discotecas e establecementos de ocio nocturno.

En opinión do Goberno galego, o funcionamento destes locais non procede por agora e considera preferible agardar a que se poida avaliar o resultado do levantamento doutras restricións, como o libre tránsito entre as catro provincias galegas que entrou hoxe en funcionamento xunto coa entrada da Comunidade Autónoma na fase 3.

Durante as conversas mantidas con membros do sector, a Xunta de Galicia recoñeceu e agradeceu o esforzo que está a facer ao ver prolongadas as restricións que lles afectan en aras da maior seguridade para o conxunto dos galegos, e trasladoulle o seu compromiso para seguir traballando conxuntamente co obxectivo de que a apertura a partir de xullo poida facerse nas condicións máis viables que sexan posibles.

Despois esixirá que o goberno de Pedro Sánchez pague esas restricións.

FEIJÓO E O NEGOCIO DA SANIDADE PRIVADA EN GALICIA

 LIGAZÓN á nova en PÚBLICO

A Xunta dáche cita para unha consulta, unha proba ou unha intervención cirúrxica saltándose os prazos legais de espera que ela mesma impúxose. E acto seguido chámache para dicirche que o que ela non pode facer, si poden facelo nun hospital privado, ao que está disposta a abonarlle o que custe atenderche nas mesmas condicións. Se aceptas, fano en poucas semanas, en días, mesmo. Se non, o Servizo Galego de Saúde (Sergas) entende que rexeitaches a solución ao teu problema e exclúeche das listas de espera. Unha oferta que ninguén pode rexeitar. Este é o sistema mediante o que o Servizo Galego de Saúde fai “de comercial” da sanidade privada, segundo denuncian médicos, asociacións de pacientes, sindicatos e organizacións políticas. Esas clínicas facturaron á Administración pública en Galicia máis de 600 millóns de euros no últimos tres anos.

CINISMO? ARRABALDEIRO? PRESUNTUOSO? ILLADO DO MUNDO? TRASLADAR A SÚA (I)RRESPONSABILIDADE AO PERSOAL DO SERGAS? QUE PRETENDE FEIJOO COAS SÚAS FLAMÍXERAS DECLARACIÓNS DE QUE EL VAI DEFENDER AO PERSOAL NA COMISIÓN DE INVESTIGACIÓN?

Podemos ler en PRAZA:

“Pola contra, a comisión de investigación pedida por En Marea, PSdeG e BNG e que se creará grazas á posibilidade que existe de que en cada lexislatura a oposición impulse en solitario unha análise así malia que non queira o partido maioritario, ten como obxectivo “determinar as consecuencias dos recortes e privatizacións sobre o sistema sanitario galego (2009-2018), con especial incidencia en casos como a non dispensación de medicamentos necesarios aos enfermos da hepatite C ou o falecemento dun paciente sen atención no PAC da Estrada”. Malia esa formulación crítica coas políticas sanitarias da Xunta, Feijóo xa avanzou este xoves que quere comparecer el mesmo na comisión para publicitar a súa acción de goberno. “Para min será unha honra defender como traballan os profesionais da sanidade pública galega e os recursos cos que contan”, dixo.”

A Asociación Galega de Defensa da Sanidade Pública contéstalle:

Ante as declaracións de Sr Feijoo de que comparecerá voluntariamente ante a Comisión Parlamentaria creada (a instancia dos tres grupos da oposición para analizar os recortes e privatizacións do Sistema Sanitario Público Galego coa presunta finalidade de defender aos profesionais sanitario), desde a Asociación Galega para a Defensa dá Sanidade Pública queremos denunciar:

1.- Que consideramos un exercicio de cinismo político e unha burla ao colectivo que o Presidente da Xunta se erixa defensor dos profesionais sanitarios dado que a súa política sanitaria desde que chego a poder estivo dirixida a reducir o gasto sanitario e favorecer ao sector privado recortando os dereitos dos mesmos.

2.- Entre a medidas adoptadas polo seu Goberno len este sentido cabria destacar os recortes de persoal obrigando aos profesionais a xubilarse contra a súa vontade aos 65 anos (sen repoñer as vacantes producidas); reducións salariais do 15-20%; a supresión de días de vacacións ; recortes nas prestacións económicas por enfermidade; precariedade laboral con mais da metade das plantillas en situación de provisionalidade; contratos lixo por horas ou días; ausencia de substitucións por vacacións ou enfermidade con repercuten en consultas masificadas en atención primaria; etc, etc.

3.- O Sr Feijoo non pode defender a uns profesionais aos que maltrata, senón que estes deben defender das súas políticas. As protestas de todos os sindicatos, colexios de médicos, organizacións profesionais e colectivos serven de exemplo para esta afirmación. Non se pode tomar o pelo a todo o mundo

4.- Consideramos que a creación desta Comisión, rexeitada pola Xunta é unha gran oportunidade para analizar e difundir as políticas recortes, privatizacións e desmantelamento do sistema e para propoñer medidas para a recuperación do sistema gravemente afectado polas mesmas en detrimento da saúde da poboación.

Asociación Galega para a Defensa da Sanidade Pública

RAJOY: O OCASO DO SAMURAI

O Director de Cine Yôji Yamada estremeceu ao mundo no ano 2.002 con motivo da estrea do filme que leva coma título este artigo, encumbrouno fóra do Xapón,  e se colou entre as cinco candidatas ao millor filme estranxeiro na 76 Edición dos Premios Óscar. Poucas veces tiven a oportunidade de ollar unha disertación tan fonda e chea de acenos entre o que é a vida e a morte, e unha palabra que cada vez ten menos significado nesta sociedade nosa: o Honor entendido coma dignidade,  honestidade e un estilo de vida encol dunhas serie de valores e principios, o que se ven en denominar a “integridade”. E todo isto ven a conto pola caída en desgraza do ExPresidente do Goberno de España Mariano Rajoy Brey, e a loita sen cuartel a que se enfronta o Partido Popular (máis coñecido agora coma o Partido Procesado).

Esa é a cuestión e non outra que fixo que a Moción de Censura que propiciou a chegada de Pedro Sánchez Castejón á Presidencia do Goberno,  a traveso da fórmula estabelecida na tan controvertida hoxe en día Constitución Española, en concreto no seu artigo 113. Por vez primeira na Historia da Democracia en España ese instrumento onde se enxuíza a tarefa política dun Goberno triunfou, e non sería posível sen a Sentencia demoledora do Caso Gürtel e o baile de encausados, imputados e condenados entre as ringleiras do PP que segundo din os expertos afúndese en España agás en Galiza, onde o máis que probable sucesor por prevalencia e  ascendente entre os seus (o Presidente da Xunta Alberto Núñez Feijoó) apartouse onte da carreira a sucedelo.

Así coma en México Distrito Federal  houbo un movimiento sísmico na Escala de Richter co galo do gol ca súa  selección infrinxiu no Mundial de Rusia a Alemaña, algo así aconteceu aquí en sentido literario ante o anuncio de Alberto de  que “Non haberá paz entre os malvados” (Enrique Urbizu), que non hai candidato vencedor antes de principiala contenda á sucesión onde se non perdín a  conta xa son seis os que se postulan a dirixir un partido que que entrou nunha espiral de autodestrucción coma a antiga UCD. Un amigo meu onte preso do ”paroxismo”  (teño bós amigos no PP, aqueles que éstes días e fai meses que se avergonzan das súas siglas por éste sen parar de casos de corrupción que o asedian) díxome se teño un fillo varón ñe poño de nome  ALBERTO …

https://www.youtube.com/watch?v=p2Rch6WvPJE

Tremendo, esto é moito. Houbo na Historia un Alberto Magno que antes de ser Santo se lle atribuían dotes máxicas e considerado hoxe en día Santo Patrón dos Científicos. Foi chamado o “Bispo Botas”  porén a súa grande humildade facíalle andar a pe e non a cabalo (o que a súa dignidade lle daba dereito …). Pero non se vaian todavía, unha e máis, na Galiza non é un nome calquera, tamén está relacionado coas lendas, a tradición e a Historia. Algunhas pontes teñen un significado máxico coma a de Ponte Sampaio e máis preto de nós a de Ponte Arnelas coñecida coma a “Ponte dos Padriños” e está relacionada coa fertilidade. Segundo conta a lenda, unha muller en estado de xestación que ten un posible risco de aborto ou dificultade para ter fillos debe achegarse a ponte dos padriños acompañada por unha comitiva. Esta ten a función de axudar a que a ponte non seña cruzada por nengunha muller ou animal,  e en silenzo esperar a que pase a pe un home ao que se ñe debe pedir que o bautice ou bendiga no seu ventre co auga do Río Umia. A continuación a muller e a comitiva que a acompaña ñe deben ofrecer e compartir unha cea alí mesmo, e todos eles deben arroxar desde a ponte e por riba das súas cabezas a vaixela empregada para a cea. Se o embarazo  chega a bó término ese home deberá ser o Padriño do neno ou nena que naza e levará o nome de ALBERTO OU ALBERTA en HONOR  ao Santo que se atopa entre o cruceiro situado na ponte.

CREPUSCULAR, non se me ocorre nada máis, e que dicir da homenaxe da Voz de Galicia de  hoxe en OFRENDA a D. Alberto Núñez Feijoó … unha serie de loas e alabanzas en artigos de Fernando Ónega, Roberto Blanco Valdés, Xosé Luís Barreiro, César Casal, María Xosé Porteiro, Fernando Hidalgo, Fernando Salgado, Ernesto S. Pombo e Laureano López, e nin unha soa voz discordante, todos debuxando coma no seu día o seu biógrafo Xosé Carlos Caneiro a Alberto coma nunha especie de Ulises ao que as sereas desde MADRID chaman e el coas orellas tapadas e batindo o mar contra él as ignora. Non é un tema para unha Epopeia ? “Petronio, o meu vaso das bágoas” (Quo Vadis, Henryk Sienkiewicz). A verdade é que eu quero ter unha foto con este home, penso que está chamado a ser alguén cunha iconografía e unha imaxe que atravesen o umbral do tempo e do destino (Fátima Abal xa sabes …  gárdame un oco). Vai lanzado a ser coma o defunto Manuel Fraga un mito, un símbolo, e ten nada máis que 56 anos !! … que proezas máis, que lendas, conxuros, e fazañas nos esperan amigos e amigas. “All the Man That I Need” …

https://www.youtube.com/watch?v=3WH1Ma50QUk

Un artigo de Óscar Manuel  Núñez.-

Cinéfilo.

MÁIS NOMES LIGADOS Á XUNTA E FEIJÓO INVESTIGADOS NA OPERACIÓN ZETA POR PRESUNTOS TRÁFICO DE INFLUENCIAS, FRAUDE E FALSIDADE DOCUMENTAL

O empresario Francisco Ramón de Lucas Branco, coñecido como Pachi Lucas, e a actual directora xeral de Conservación dá Natureza, Ana María Díaz López, son dúas dos 25 novos citados como investigados -figura xurídica que substitúe á imputación- no marco da "Operación Zeta".

Feijóo, Louzán e de Lucas

Así se recolle no auto feito público este venres pola titular do Xulgado de Instrución número 6 da Coruña.

Entre as 23 testemuñas citados a declarar figura a actual conselleira de Medio Ambiente e Ordenación de Territorio e exresponsable da Consellería de Traballo e Benestar, Beatriz Mato, e o actual secretario xeral de Pesca en funcións e exdirector xeral de Promoción de Emprego, Andrés Hermida Trastoy.

No caso de Pachi Lucas, ao que se vinculou coa contorna de amizades do presidente da Xunta, Alberto Núñez Feijóo, a xuíza cítalle como investigado por un suposto delito de tráfico de influencias.

Ao empresario coruñés Gerardo Crespo, presunto xefe da trama -unha suposta fraude en cursos de formación para obter subvencións públicas-, cualificábaselle como o "conseguidor", segundo as investigacións policiais levadas a cabo.

Pola súa banda, á actual directora xeral de Conservación dá Natureza e exdirectora xeral de Traballo, Ana María Díaz, a xuíza cítalle como investigada por un presunto delito de prevaricación. O mesmo delito atribúelle ao exdirector de Formación e Colocación durante o bipartito da Xunta, Pastor Fuenteseca Díaz.

A este nome, súmase, tamén polo presunto delito de prevaricación, o de Juan José Barreira Cerezal, exdirector xeral de Traballo Autónomo e da Responsabilidade Social das Empresas do Ministerio de Traballo e Inmigración durante o goberno socialista. 

ESTAFA

A xuíza acorda, ademais, a citación en calidade de investigados de "quen prestou a súa colaboración para a constitución de sedes ficticias e que subscribiron contratos de arrendamento e de traballo a tal fin, co obxectivo de ser receptoras de accións formativas coas que obter beneficio económico". Trátase de 21 persoas que serán citadas pola súa presunta participación nun delito de estafa agravada, fraude de subvencións e falsidade documental nunha trama pola que xa foron imputados -antes de cambiarse a denominación para investigado- unha trintena de persoas, entre elas o tamén exdirector xeral de Traballo, Odilo Martiñá. No caso dos exaltos cargos, asegura que se basea non só en "os datos obxectivos xa apuntados en relación ao exame dos expedientes administrativos en que interviñeron, que revelan un total abandono na verificación dos requisitos de concesión e de xustificación do gasto" senón tamén na existencia de "indicios de conivencia cos principais actores da trama". Mentres, sobre o empresario Pachi Lucas, apunta á existencia de correos electrónicos remitidos desde o grupo empresarial de Gerardo Crespo nos que se alude a "asuntos en Madrid e Galicia", "referencias concretas a adxudicacións e cobros pendentes" e "unha cita concertada" polo agora citado como investigado para o empresario coruñés coa ministra de Fomento en funcións, Ana Pastor, segundo recolle o auto.


Ver máis en: http://www.20minutos.es/noticia/2649944/0/empresario-pachi-lucas-directora-xeral-ana-maria-diaz-citados-como-investigados-operacion-zeta/#xtor=AD-15&xts=467263

NÚÑEZ FEIJÓO DA OS DATOS SO QUE LLE CONVEÑEN

Os datos positivos en materia de emprego aportados por Núñez Feijóo hai uns dias e que eran "la mar" de positivos hoxe tórnanse negativos ao aplicalos a realidade. As oficinas do antigo INEM non sirven para case nada e os parados cada vez acoden menos a elas para atopar emprego. Así é como resultan positivos os datos, máis xente no estranxeiro e menos apuntados no INEM pero non por ter traballo senón porque ven que nesas oficiñas pouco poden facer por eles.

Galicia foi a segunda comunidade autónoma onde máis subiu o paro neste primeiro trimestre do ano en relación ó mesmo período de 2013, segundo a Enquisa de Poboación Activa.
Por riba de Galicia está Baleares, onde o número de parados se incrementou en 18.800 persoas.
Na nosa comunidade o paro subiu en 16.100 persoas.
As maiores baixadas do paro, segundo a EPA, producíronse en Andalucía, Canarias e na Comunidade de Madrid. En Andalucía a redución foi de 59.200 persoas. 

En contraposición o paro baixou en 2.300 persoas no primeiro trimestre deste ano respecto ó mesmo período do ano anterior, segundo os datos da Enquisa de Poboación Activa.
É o primeiro descenso nun primeiro trimestre de ano dende 2005, segundo a EPA, que incorpora xa a nova base de poboación.
Tras este recorte do desemprego, o número total de parados acadou a cifra de 5.933.300 persoas.
Dentro do período de crise, en tódolos primeiros trimestes de ano dende 2008 o paro rexistrou subas, sendo a máis pronunciada a do primeiro trimeste de 2009.



 

RAJOY E FEIJÓO DEBEN DIMITIR

O BNG, a través do seu portavoz nacional Xavier Vence, esixiu esta tarde "a dimisión de Feijóo e Rajoy e a convocatoria inmediata de eleccións", á vista dous graves feitos de financiamento ilegal recollidos na documentación que obra en poder dá xustiza, segundo os cales PPdeG tería recibido en 2006 donativos de grandes construtoras que realizaban traballos para a administración.



Estes novos feitos, unidos aos coñecidos durante a fin de semana pasada na que se revelaba que ou PPdeG recibira en 2006 case dous millóns de euros en doazóns opacas, veñen confirmar que "estamos diante dun monstro de enormes dimensións, unha trama de financiamento ilegal que se estendeu non tempo e implicou a empresas e particulares con fortes vínculos coas administracións gobernadas polo Partido Popular". Sinalou que, cos datos que se coñecen neste momento "tratar dunha trama que afecta á estrutura profunda e aos dirixentes dun partido político que ten a responsabilidade de gobernar Galiza e ou Estado Español, pois polo momento en que se produciron as doazóns é imposible que Feijóo e Rajoy non tivesen coñecemento delas. Están completamente desacreditados".

Vence afirmou que "a corrupción do PP non é algo accidental, é estrutural e responde a un esquema de poder para privilexiar a unhas elites do estado, especialmente as da capital do Estado, ao mesmo tempo que beneficia ao Partido Popular e persoalmente aos seus dirixentes".

Ou portavoz nacional explicou que "coa revelación dúas novos datos a situación de Rajoy e Feijóo é cada vez máis insostible pois non trátase só de que vos máximos dirixentes do PP asuman as súas responsabilidade por lestes graves feitos senón que esta situación pon en cuestión ao PP como partido con lexitimidade para gobernar non Estado e na Xunta". Neste sentido, Vence cualificou ao PP de "formación en estado de putrefacción que non pode gobernar".

A única vía de saída para recuperar a lexitimidade nun momento de gravísima crise económica e social é "convocar eleccións para devolverlle a voz á cidadanía" i esixir que a xustiza chegue ata ou final non esclarecemento dos graves delitos que se poden derivar da documentación que están publicando os medios de comunicación.

AUSTERIDADE PARA QUEN? NON PARA FEIJOO E O PP

Os cartos destinados á personal de confianza do PPdeG na Xunta superarán os 3,8 millóns de euros. E iso, a pesares de que un dos principais argumentos que utiliza o presidente galego é a recurrente austeridade.

 

Con todo, Núñez Feijóo parece que contradice ese principio cando os gastos para os asesores que terá no seu goberno aumentarán un 0,7% con respecto a 2012. Un doble raseiro que non deixou indiferente aos grupos da oposición,  PSdeG e  BNG.

 

A "falsa austeridade"

 

Ambos os dous grupos criticaron a "falsa" austeridade do presidente autonómico e denunciaron que pregona unha cousa e fai completamente a contraria. 

 

Pola súa banda, o Secretario Xeral da Presidencia, Valeriano Martínez, xustificou este aumento pola asunción da Axencia para a Modernización Tecnolóxica de Galicia (Amtega) e da Axencia Galega de Turismo. E volveu insistir noutro dos argumentos de Feijóo, a baixada de soldos. "Os soldos dos traballadores xa se reduciron un cinco por cento", indicou ao tempo que lembrou qu o gasto en persoal dentro da Secretaría Xeral da Presidencia cae "un 6,5 por cento" con respecto aos últimos orzamentos.