ABREN DUAS INVESTIGACIÓNS POLO ACCIDENTE DA AVIONETA

Membros da Comisión de Aviación Civil chegaron hoxe desde Madrid para abrir unha invetigación paralela á da Garda Civil sobre o accidente de avioneta que onte tivo lugar en Barro. A aeronave caía sobre o medio dia moi preto da AP9 tras realizar unha aterraxe de emerxencia por rexistrarse un fallo técnico durante o voo. Os catro ocupantes resultaron feridos de diversa consideración, pero as súas vidas non corren perigo.

Ás once e vintecinco da mañá partía onte do aeroporto vigués de Peinador a avioneta modelo Piper PA-28 no que era unha viaxe de lecer polas Rias Baixas.

A Garda Civil xa estaba a estudar as causas do sucedido cando esta mañá chegaban ó lugar do sinistro membros da Comisión de Aviación Civil para iniciar outra investigación paralela.

UNHA AVIONETA ATERRA DE EMERXENCIA EN CURRO

Imaxen de PontevedraViva.

Catro persoas resultaron feridas, unha delas de gravidade, tras a aterraxe forzosa da avioneta na que viaxaban no bordo da AP-9, no concello pontevedrés de Barro.

En concreto, a aterraxe forzosa, que aconteceu sobre as 12,30 horas, tivo lugar nunha zona arborada que se encontra a uns 30 metros da Autoestrada do Atlántico, segundo precisaron a EuropaPress fontes de Protección Civil de Barro.

Os ocupantes --dous homes e dúas mulleres-- foron trasladados a distintos centros hospitalarios. De feito, un dos homes, ao revestir gravidade, foi trasladado en helicóptero ao Complexo Universitario Hospitalario de Santiago (CHUS).
Para que o helicóptero puidese recoller o ferido e trasladalo aSantiago foi necesario cortar un carril da AP-9, segundo indicaron as mesmas fontes de Protección Civil.

Pola súa banda, os outros tres feridos --un home e dúas mulleres-- tamén foron trasladados a centros hospitalarios, pero fixérono en ambulancia.
Ata o lugar do accidente desprazáronse os Bombeiros do Salnés, a Garda Civil, un helicóptero, varias ambulancias e a propia Protección Civil de Barro.


Información:EuropaPress

CADA SEMÁN O REI MAGO LOUZÁN SAE A DAR REGALOS

Esto vai camiño de converterse nunha costume. Cada semán o rei mago Louzán concede a construcción  de un novo campo de fútbol de herba sintética. Cartos hai poucos pero gástanse en campos de fútbol, Vuelta e outras cousas menos urxentes. Esta semán tócalle a Barro.

A Xunta de Goberno da Deputación de Pontevedra acordou a sinatura dun convenio de colaboración co Concello de Barro para dotar o campo de fútbol de céspede artificial de última xeración, cun orzamento de 494.354 €.

As obras consistirán na transformación do actual campo de fútbol de terra nun campo de herba sintética e na dotación de novas instalacións e equipamentos.

 

Para iso, a Deputación achegará máis de 466.000 €, dos que preto de 444.354 estarán destinados á execución das obras e case 22.000 á redacción do proxecto. Pola súa banda, o Concello de Barro destinará 50.000 €.

Trátase dunha iniciativa que ten por obxectivo corrixir as deficiencias do campo de fútbol e dotar o concello dunhas instalacións deportivas nas mellores condicións posibles.