XVI CONCENTRACIÓN DO ALBARIÑO DE CLÁSICOS EN CAMBADOS

O Club Clásicos Salnes acollerá o próximo 2 de Setembro a celebración da XVI Concentración do Albariño de Clásicos. Os cerca de 100 autos e máis de 200 asistentes chegados de Madrid, Portugal ou de varios puntos de Galicia a este evento poderán gozar co seguinte programa: • 09:30 h.- Apertura Parque Pechado, Pza FEFIÑANES. • 11:00 h.- Peche Parque Pechado. • 11:30 h.- Saída en Ruta con Paseo por Cambados, facendo un percorrido por esta bonita localidade da comarca do Salnés, e
dirixíndose a outros concellos da comarca. No Restaurante Forniños, aparcarán, para dirixirse á zona portuaria. • 12:00 h - Embarque en Catamarán Pelegrín no peirao de Tragove en Cambados, ruta marítima, aperitivo, e degustación dos caldos da adega Paco e Lola (Meaño) (poderase comprar viño no barco). • 14:30 h - Desembarque e ruta a pé cara a Restaurante Forniños (Cambados). • 14:55 h – Aperitivo e mariscada no Restaurante Forniños (Cambados).
• 17:00 h - Saída en ruta cara ao concello de Vilanova de Arousa. • 18:00 h - Chegada ao concello de Vilanova de Arousa, visita á Conserveira centenaria “Antonio Perez Lafuente” Pan do Mar. • 19:00 h - Entrega Trofeos e Fin da Concentración na Conserveira Antonio Perez Lafuente.

BNG PRESENTA MOCIÓNS NO SALNÉS CONTRA A SUBIDA DAS PEAXES DA AP-9

O BNG do Salnés cualifica a anunciada subida das peaxes da AP-9 como "un atraco a man armada ao pobo galego". A formación nacionalista sinala que "a AP-9 é unha vía de comunicación que afecta a numerosos cidadáns do Salnés, empregados, autónomos ou transportistas, que a teñen que usar diariamente para desenvolver o seu traballo". Por iso, a formación nacionalista presentará mocións en todos os concellos da comarca do Salnés que se abordarán nos próximos plenos de decembro. Do mesmo xeito, o BNG presentará tamén unha moción no Parlamento de Galicia para esixir á Xunta de Galicia que "deixe de mirar para outro lado" e demande a "supresión das peaxes, así como a transferencia da AP-9 á Administración galega". Ademais, os nacionalistas consideran que "é necesario que se supriman as peaxes, mellórense as infraestruturas, que termine a explotación privada e a AP-9 convértase nunha autoestrada pública e gratuíta de titularidade galega", e engaden que "o BNG non será consentidor deste atraco aos veciños".

UNHA AVIONETA ATERRA DE EMERXENCIA EN CURRO

Imaxen de PontevedraViva.

Catro persoas resultaron feridas, unha delas de gravidade, tras a aterraxe forzosa da avioneta na que viaxaban no bordo da AP-9, no concello pontevedrés de Barro.

En concreto, a aterraxe forzosa, que aconteceu sobre as 12,30 horas, tivo lugar nunha zona arborada que se encontra a uns 30 metros da Autoestrada do Atlántico, segundo precisaron a EuropaPress fontes de Protección Civil de Barro.

Os ocupantes --dous homes e dúas mulleres-- foron trasladados a distintos centros hospitalarios. De feito, un dos homes, ao revestir gravidade, foi trasladado en helicóptero ao Complexo Universitario Hospitalario de Santiago (CHUS).
Para que o helicóptero puidese recoller o ferido e trasladalo aSantiago foi necesario cortar un carril da AP-9, segundo indicaron as mesmas fontes de Protección Civil.

Pola súa banda, os outros tres feridos --un home e dúas mulleres-- tamén foron trasladados a centros hospitalarios, pero fixérono en ambulancia.
Ata o lugar do accidente desprazáronse os Bombeiros do Salnés, a Garda Civil, un helicóptero, varias ambulancias e a propia Protección Civil de Barro.


Información:EuropaPress