VOLVE A TROULA A CAMBADOS

A Troula volve a Cambados en agosto, coa segunda edición de Serán de Troula. Esta vez son os xoves os días elixidos para este ciclo de concertos orientados á mocidade, buscando ser un anticipo da fin de semana.

O salón de plenos da casa consistorial acolleu a presentación do evento, nunha rolda de prensa na que a alcaldesa, Fátima Abal, o concelleiro de xuventude Miguel Pérez e a organizadora do evento Cristina Padín deron a coñecer os detalles das actuacións musicais.

A primeira das citas será o xoves 9 de agosto na praza de Alfredo Brañas e estará adicada ao blues, cos grupos Mojo Experience e The Fabulous Resaca Brothers.

O 16 de agosto será o turno do pop, con Marem Ladson e unha sesión de DJ, na praza das Rodas.

E pechará o ciclo o serán de rock, o 23 de agosto na praza do Castriño, con Foxy Freire e Kings of the Beach.

SERÁN DEPORTIVO, GASTRONÓMICO E MUSICAL DO C.J. CAMBADOS

Este sábado dia 1 de xullo, o Club Juventud Cambados organiza o seu tradicional serán de final de tempada.

O formato será idéntico ao dos últimos anos. Durante a xornada de mañán, os rapaces do fútbol base disputarán un torneo 3x3. Pola tarde será o turno do torneo 3x3 categoría senior. Así, todos aqueles que queirades inscribir un equipo podedes facelo no teléfono 686338787.

Haberá unha zona gastronómica, onde poderás degustar, entre outras cousas, de churrasco, mexilóns, polbo, etc...

Xa pola noite, diversas actuacións musicais amenizarán o fin de festa.

Estades todos convidados a ir ata ao Pazo Torrado a disfrutar do serán deportivo, gastronómico e musical.

¡Non o dubides e achégate este sábado ata o Pazo Torrado!

Contan con todos para celebrar o fin de tempada do Club Juventud Cambados.

¡¡Anímate a pasar unha gran xornada no Pazo Torrado!!

I SERÁN SOLIDARO A FAVOR DE GALICIAME

I Serán Solidario a favor de GaliciAme.

Estades todos convidados ó serán que terá lugar este sábado día 3 de outubro a partir das 17:00 na cervexería Palique de O Mosteiro

Podedes participar e apuntarvos para tocar. 
Cada músico terá unha consumición gratis e pinchos ata esgotar existencias.

Contamos coa vosa presencia para apoiar esta causa e para pasar un día de festa asegurada.

ACTIVIDADES DO FÚTBOL BASE CLUB JUVENTUD CAMBADOS

Parte dos monitores da base do Cambados

Os responsables do fútbol base do Juventud de Cambados e o alcalde Luís Aragunde presentaron o II Festival de Música, Gastronomía, e Fútbol que terá lugar o vindeiro sábado 29 no parque de Torrado. Neste mesmo escenario déronse cita os organizadores e o regidor para explicar os detalles dun evento co que se persegue recaudar fondos para a canteira do club de cara á próxima tempada. 
A idea primordial parte de levar a cabo varios competicións de fútbol 4x4 en dous campos de fútbol indoor que se habilitarán no propio parque. Os protagonistas serán os rapaces da canteira nas diferentes categorías de formación, e tamén os que desexen sumarse de idade xuvenil e sénior, nese caso cada equipo abonará 5 euros de inscripción.

Pola mañá comezarán os partidos dos torneos de categorías base, desde chupetes  ata cadetes. No propio parque e mercé á axuda logística do Concello, habilitarán zonas de bar, parrillas para asar e tamén un merendero. Os organizadores recoñecen que esperan que non só os pais das categorías base gocen da oferta gastronómica, senón que se sumen máis persoas a unha festa que continuará pola tarde e pola noite.
Tralo xantar chegará a quenda da competición en categoría xuvenil -sénior. A disputa das finais de todas pechará o evento deportivo. A partir de entón seguirá o Festival, con actuacións musicais (grupos locais de folk, o grupo de rock cambadés Stand By) e o final de festa xa de madrugada poñerano varios dj´s de Conexión Dance e Arousa Si Radio.

ESCOLA DE VERÁN DE FÚTBOL

Luís Aragunde e os responsables da base do club aproveitaron a presentación do Festival para anunciar a posta en marcha da Escola de Verán de Fútbol do Cambados, que será en xullo e agosto nas instalacións de O Pombal. Dirixida a nenos e nenas de entre 5 e 14 anos, ofrece fútbol e diferentes actividades de lecer organizadas polos monitores do club e o Concello. O custo é de 35 euros cota quincenal e 50 euros cota mensual (con descontos para irmáns) e inclúe material deportivo. Os interesados poden inscribirse nos teléfonos 626 860 449, 686 338 787 e 627 932 336.