HIERRO, PROTAGONIZADA POLO CAMBADÉS MATÍAS VARELA ACADA UN NOVO PREMIO

Hierro. o thriller protagonizada por Candela Pena, Darío Grandinetti e o cambadés Matías Varela, xa gañara dous Premios Ondas, un Fotogramas catro Mestre Mateo.

A serie 'Hierro' dos irmáns galegos Jorge e Pepe Coira fíxose co galardón á mellor serie nos XXV Premios Zapping, que se entregan este mércores en liña e que convocan a Associació de Consumidors de Mitjans Audiovisuals de Catalunya.

Sinopse

Candela é unha xuíza que foi destinada ao Hierro, aparentemente polo seu comportamento pouco ortodoxo, debendo adaptarse a un novo modo de vida mentres se enfronta cun caso: un novo habitante da illa, Fran foi asasinado a véspera da súa voda e o primeiro sospeitoso é Antonio Díaz escuro empresario e pai da noiva do morto.

A SERIE "HIERRO" CO CAMBADÉS MATÍAS VARELA FINALISTA NO FESTIVAL DE VENECIA DE TV

"Hierro" foi seleccionada como finalista á mellor serie na terceira edición dos premios do festival de televisión de Venecia, que distingue ás mellores producións televisivas de todo o mundo. A serie, coproducida con Movistar +, xunto á produtora galega Portocabo e a francesas ARTE e Atlantique Productions, é a única ficción de fala hispana seleccionada por estes premios, que gañou " The New Pope", segundo informa Portocabo. Os novos episodios desta serie que mostra a investigación que leva a cabo unha xuíza que chega ás illas Canarias para un caso en concreto, contarán coa incorporación de dous actores galegos ao elenco protagonista. Trátase de Antonio Durán Morris e Matías Varela, actor sueco con orixe en Cambados e que é coñecido a nivel internacional polo seu papel en sériea Narcos, segundo informaban desde a produtora coruñesa Portocabo. Nun comunicado, a produtora galega detalla que a segunda tempada de "Hierro", dirixida de novo por Jorge Coira e protagonizada por Candela Pena, Darío Grandinetti e Matías Varela, verá a luz en 2021. A serie colleitou este ano ademáis os Premios Ondas (serie e actriz protagonista, Candela Pena), Premios Iris (guión), Premios Feroz (drama e actriz protagonista), Premios MiM Series (actriz de drama) ou os Premios Mestre Mateo (serie de TV, dirección de produción, guión e música orixinal) entre unha lista de 18 galardóns. Creada por Pepe Coira e dirixida por Jorge Coira, con Alfonso Blanco de Portocabo como produtor executivo, a serie finalizou este verán a rodaxe da súa segunda tempada, que chegará a Movistar+ en 2021 e constará de 6 episodios de 50 minutos de duración.

UN PREGHÓN MOI CAMBADÉS DA O PISTOLETASO DE SAÍDA A FESTA DO ALBARIÑO

A presidenta da Deputación de Pontevedra, Carmela Silva, xunto á alcaldesa de Cambados, Fátima Abal, e á deputada de Cohesión Social e Xuventude, Digna Rivas, inauguraron a Festa do Albariño, xunto a elas, representando a Xunta a conselleira do Medio Rural, Ángeles Vázquez a directora xeral de Gandaría, Agricultura e Industrias Agroalimentarias, Belén do Campo, e o delegado da Xunta en Pontevedra, José Manuel Cores Tourís, o resto dos concelleiros do goberno local e membros da oposición, representantes do C.R. Rías Baixas, da Confraría e outras institucións locais.

Tralo Pregón do actor Matías Padín Varela, cheo de "cambadesismo" e familiar con constantes referencias ao mar, o campo e a épocas pasadas da vida do actor e de todos, a comitiva desplazouse ata o Paseo da Calzada para o corte da cinta e dar comezo oficial á LXV Festa do Albariño de Cambados que este ano goza ademais da distinción de Cidade Europea do Viño.

A Festa do Albariño só acaba de botar a andar e a xente xa está na rúa e a mostra do que nos agarda son as colas nos caixeiros de varias entidades financieiras. Desde hoxe e ata o domingo son varios os motivos polos que a actual Cidade Europea do Viño debe ser paseada. E non só falamos de destapar botellas.


Concertos nacionais e internacionais, teatro, humor, arte e actividades relacionadas co mundo do viño agardan estes 5 días aos cambadeses e visitantes.

MATÍAS VARELA PREGOEIRO DA FESTA DO ALBARIÑO 2017

O actor cambadés Matías Padín Varela, Matías Varela no mundo da farándula será o pregoeiro da 65 edición da Festa do Viño Albariño de Cambados. Precisamente estes días xa se fixo ver polo noso pobo.


Louis Matias Karl Padin Varela naceu en Estocolmo pero, cambadés 100 % fala con fluidez español, sueco, inglés, portugués e galego, chegou á  fama cando no ano 2000 uniuse ao elenco da serie Nya Tider, onde interpretaba a Miguel "Mischa" Santos, pero descoñecida fóra das fronteiras de suecia. En 2010 aparecía na película "Snabba Cash / Diñeiro fácil", na que daba vida a un inmigrante  chileno chamado Jorge Salinas,  repetindo papel, esta vez ampliado, na súa secuela en 2012, grazas á  cal empezou a destacar, e foi nomeado ao equivalente ao Goya en Suecia en dúas ocasións nos anos 2012 e 2013 por Snabba Cash - Livet Deluxe e Snabba Cash II.

A partir de 2011  fíxose moi coñecido polo seu papel como Jorge Chavez nas películas de "Arne Dahl / Misterioso" e na posterior miniserie que se realizou. Ata que a popularidade televisiva a nivel mundial chegáballe en 2013 cando se uniu  como personaxe recorrente á terceira tempada da serie "Os Borgias / The Borgias" interpretando ao Rey Fernando II de Aragón.

 Matías incorpórase ao remake de "Point Break/ Punto de Quebra", xusto despois de que Gerard Butler abandonase o proxecto. Esta nova versión da película dirixida nos 90 por Kathryn Bigelow, seguirá -cun novo director (Ericson Core) e guión- a uns fuxidos modernos adictos aos deportes de risco, e como un policía do FBI infíltrase nas súas filas. 

Orixinalmente Gerard Butler, debía protagonizar o remake da película "Point Break / Punto de quebra" coñecida en España como "Le llamaban Bodhi", que Kathryn Bigelow dirigio en 1991 con Patrick Swayze e Keanu Reaves, e que trataba dun policía de incógnito infiltrado nunha banda de delincuentes enganchados aos deportes de risco. O feito de que Butler abandone o papel de Bodhi, ao parecer por conflitos de axenda abreulle a porta a Matías Varela de Hollywood.
Desde a produtora, decidiron non atrasar máis o proxecto e optaron por incluír ao actor sueco Matias Varela, fillo de galegos que emigraron a Suecia por traballo. 

A historia actualizada de Bigelow, centrarase nun atleta de deportes extremos que acaba de entrar no FBI, asignado para iinvestigar como axente encuberto unha serie de roubos perpetrados por unha banda de compañeiros adictos á adrenalina. Varela podería ser un dos membros da banda de fuxidos de Bodhi.

Con esta  remake de "Point Break" ábrenselle a Varela as portas de Hollywood, xa que a súa interpretación en "Snabba Cash / Diñeiro fácil" gozou sempre de moi boas criticas, e foi sen dúbida, estea o papel que lle abriu as portas ao mundo do cinema e posteriormente o da televisión, chegando a confesar o actor o seu desexo de traballar con algún director español: "A miña  gran ilusión é traballar cun director español e se é Amenabar, mellor aínda que non faría ningún noxo a Almodóvar e outros", dixo ao Diario de Arousa.

Martin Padín Varela, facendo caso ao seu manager, e en pos do business e o despegamento da súa carreira, abandonaba o apelido paterno Padín polo camiño. Un novo actor que agora despunta pero que ata fai catro anos era considerado en Suecia un "cabeza negra" como denominaban aos inmigrantes. Agora que conseguiu facerse un nome, propuxéronlle nacionalizarse ao que Varela negouse alegando que o día que faga algo que non guste, volvera a ser estranxeiro. As duras palabras dun novo actor que paso a paso foi consagrándose pero que non ten medo ao fracaso, a regresar ao seu pobo natal e comezar de novo:  "A sociedade sueca non me axudou moito e como non teño medo de perder esta carreira... Se hai que vir a Cambados e montar un bar, faise. Sinto orgulloso de chegar aquí tendo unha nai ama de casa que agora é profesora e un pai economista que agora é camareiro. De feito, hai actores suecos aos que non lles caio moi ben pero teño máis nivel e se non queren ler as miñas entrevistas, non pasa nada. Aínda que non concedo moitas", comentaba ao medio arousán, Diario De Arousa.

Imaxe grande: Diario de Arousa

O CAMBADÉS MATÍAS VARELA ESTÁ A RODAR A PELÍCULA "ASSASSINS CREDE"

Matias Varela xunto a Michael Fassbender e Marion Cotillard, protagonizan a película basada no xogo de computador "Assassins Crede". A gravación está a facerse en Londres con gran segredo.
- Hai unha certa cantidade de presión con estas grandes producións, pero ata o momento é moi divertido, di Matías Varela.
"Assassins Crede" trata de como Callum Lynch a través dunha tecnoloxía revolucionaria desbloquea os recordos xenéticos e descobre que é descendente dunha sociedade secreta de asasinos misteriosos. Matias Varela non pode revelar moito acerca do seu papel. Pero está claro que o sueco, coñecido por películas como ”Snabba cash”, será un dos asasinos profesionais no círculo ao redor protagonizada Callum Lynch, interpretado por Michael Fassbender.
- Temos algunhas escenas xuntos e teño que dicir que son dous grandes profesionais, el e o director. Justin Kurtzel 

A gravación  durou unhas semanas e implicou unha chea de escenas físicas.
- Moito tempo dedícase á formación e a aprendizaxe da coreografía dos profesionais de acrobacias. 

"Assassins Crede" é a segunda película importante Matías Varela, que pronto será visto no remake de "Point Break".
- Foi moi significativa, demostraron ser capaces dunha gran produción talvez podería haber máis. Agora rodar fora pero gústame traballar máis en Suecia tamén. Síntome tan agradecido pola posición que cheguei neste momento, é realmente un privilexio de coñecer a tantos profesionais cualificados. 

Facer películas dos xogos de computador, que che parece?

- Neste caso particular, é moi lóxico. O xogo é tan cinematográfico. O interese é enorme e realmente creo que isto será bo. 

"Assassins Crede" estrearase 21 de decembro 2016.

POINT BREAK CO "CAMBADÉS" MATÍAS VARELA NOS CINES EN DECEMBRO

O actor "cambadés" Matías Varela protagoniza esta versión. Desta vez métese no papel de Grommet o irmán pequeno do protagonista principal e que na versión orixinal interpretara Bojesse Christopher.



Un novo axente do FBI infíltrase nun extraordinario equipo de atletas de deportes extremos dos que sospeita que planean unha serie de atracos, corporativos e sofisticados sen precedentes.
Este é o trálier de Point Break, a nostalxia e os deportes extremos mestúranse.

O remake da película de 1991 que fora dirixida por Kathryn Bigelow, acaba de estrear tráiler. Nel podemos ver que os deportes extremos están a tope e que o personaxe de Bodhi, interpretado por Édgar Ramírez (a.k.a. Simón Bolivar) é o líder do grupo de amigos maleantes e "cool" que van por un golpe maior.

O outro personaxe, Johnny Utah, o infiltrado ao que daría vida na versión dos noventa Keanu Reeves, dálle vida Luke Bracey. Este film estrearase en decembro deste ano. Moita acción e unha versión deste século será posta na pantalla por Ericson Core, director.