SOCIALISTAS DE CAMBADOS DENUNCIAN O ESTADO DO CAMPO DE FÚTBOL DE CASTRELO

Os Socialistas de Cambados, esta semana visitaron, ante a demanda de veciños de Castrelo, o campo de fútbol que se atopa nesta parroquia, onde entrenan o Beiramar C.F e o equipo de veteranos. Tralo visto presentaron esta mañán un escrito no Concello co listado de deficiencias que presenta o recinto.

O Campo de Castrelo, a pesares de estar situado nun dos sitios máis fermosos de Cambados, atópase nunha situación de total desprezo por parte do Concello de Cambados e da Deputación de Pontevedra.

   O noso Concello ten unha larga tradición futbolística pero esto parece non importar ni a Rafael Louzán ni , o que é máis grave, a Luis Aragunde.

  A pasada semana presentaban dous escritos solicitando do Concello unha serie de necesidades básicas do Campo de Burgáns e dos Campos de O Pombal, á espera de poder reunirnos cos directivos do Beiramar para que fosen eles mesmos os que nos explicasen as demandas que ten este clube, e poder presentar tamén outro escrito solicitando as súas necesidades básicas.

  Este campo non ten herba no espazo de xogo e actualmente é un campo de terra, xa que foi utilizado incluso para entrar con vehículos que desfixeron completamente a pouca herba que quedaba. Ante tal panorama, ó clube despois de solicitar en varias ocasións o peche do campo, sen obter resposta,  non lle quedou outra que pechar provisionalmente cun enreixado ó redor.

A zona de debaixo das gradas, ó igual que no campo de Burgáns está chea de lixo e de escombros e o baño dos espectadores non pode ser utilizado porque está nun estado moi lamentable.

A día de hoxe este campo ten unha serie de deficiencias e que son totalmente necesarias para poder seguir disputando os partidos e os entrenos.

No escrito que hoxe presentaron no Concello os Socialistas detallan as moitísimas deficiencias do campo.

-Acondicionamento do campo con herba artificial, pois a día de hoxe o campo é de terra.

-Peche do campo, só está cerrado pola metade, aínda que o clube puxo un pequeno valado provisional ao redor.

-Peche do campo con redes desde o muro de bloques, pois o muro ten moi pouca altura e os balóns saen continuamente fóra do recinto.

-Reparación de focos pois están estropeados e nos entrenos, nocturnos case sempre, non se ve nada.

-Acondicionamiento dos vestiarios: o chan está totalmente estropeado e os teitos tamén necesitan ser reparados.

-Acondicionamiento do baño dos espectadores, pois está totalmente deteriorado e incluso abandonado.

-Colocación dun  cristal no ventanuco do vestiario do árbitro pois está tapado soamente cun cartón e entra frío e auga da choiva.

-Colocación dun contedor de residuos grande, só hai dous pequenos e non son suficientes posto que non hai ningunha papeleira nin nada similar.

-Acondicionamiento da zona que rodea o campo de xogo pois está chea de herba e lixo.

-Porterías móbiles (de fútbol 8) para facilitar os entrenos e acortar o campo.

-Limpeza debaixo das gradas.

  Por iso, solicitan do Concello de Cambados que promocione o deporte local, que non vaia só o día da foto do partido e que colabore coa reparación, conservación e limpeza que os clubes, tamén en crise, necesitan para poder subsistir.