A Universidade de Verán recupera o pulso este curso e
alcanzará as 52 propostas, que se desenvolverán en 17 localidades
galegas entre xuño e setembro. Santiago (27) e Lugo (11) acaparan como é
lóxico a gran maioría, pero tamén os haberá na Pastoriza, Arzúa,
Cambados, Cervo, Guitiriz, Guísamo-Bergondo, Lalín, Nigrán, Ortigueira,
Rianxo, Ribadeo, Ribeira, Seoane do Courel, Vilanova de Arousa e
Vilagarcía. A elección dos lugares está na maioría dos casos vinculada
aos asuntos que se tratarán.
A temática será variada, e incidirase, segundo
explicou o vicerreitor de Estudantes Francisco Durán, nas máis exitosas
dos últimos anos, como o fenómeno xacobeo. Aparecen novidades, como un
curso sobre o conflito do Sahara, a reforma local ou a doutrina Parot,
entre outros de acento ambiental ou social.
A
USC espera mobilizar a máis de 1.400 asistentes, e o alumnado poderá
validar créditos de libre elección. As taxas mantéñense respecto
doutros anos, e haberá unha xeneral, de 120 euros, para os encontros que
somen máis de 25 horas; e outra de 70 euros para os máis breves.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.