Continúan os premios para a directora lucense Olga Osorio e a productora Miss Movies na que participa xunto coa súa parella, o cambadés Juan Galiñanes, e a súa curtametraxe Einstein-Rosen, esta vez, no Festival de Cans, a cita máis importante do cinema breve de cantas celébranse en Galicia e en España.
O xurado da décimo cuarta edición do Festival de Cans, formado por Alfonso Zarauza, Sonia Castelo, Luisa Romeo, César Goldi, Diana Toucedo, José Antonio Quirós e Mara Torres, acordou outorgar tres premios á curtametraxe dirixida por Olga Osorio :
Premio AISGE do xurado á mellor interpretación masculina, cunha dotación de 250 € e un Can de Pedra, para Ricardo de Barreiro e Xulio Abonjo por Einstein-Rosen, por ser capaces de manter a coherencia dos personaxes cun longo intervalo de tempo e dar naturalidade á complexidade dos diálogos.
Premio AGAG do xurado ao mellor guión, dotado con 300 € e Can de Pedra, para Einstein-Rosen, de Olga Osorio, por ser unha metáfora das relacións de poder que se establecen entre dous irmáns a través dalgo tan estrambótico como é a física cuántica.
Premio do público á mellor curtametraxe, dotado con 1500 € e Can de Pedra.
