A curtametraxe "Einstein-Rosen", de Olga Osorio, será o único dirixido por unha muller que competirá na sección oficial a concurso do Festival de Sitges, en longametraxes e curtametraxes. O certame celebrarase o próximo mes de outubro.
A FAMILIA QUE GRAVA UNIDA PERMANECE UNIDA
Olga Osorio, a sua parella Juan Galiñanes e os dous fillos da parella participan na curtametraxe.
Rodado na Coruña cun equipo 100% galego, "Einstein-Rosen" ambiéntase no verán do 82. Teo asegura que atopou un buraco de verme ante a incredulidade do seu irmán Óscar. Os protagonistas comparten nome cos actores que lles dan vida, os irmáns Galiñanes, fillos dos produtores da curtametraxe -Juan Galiñanes e Olga Osorio, baixo o selo Miss Movies- e fonte de inspiración directa do que nel nárrase. Comparten cartel cos coñecidos Ricardo de Barreiro e Xúlio Abonjo.
A obra combina a ciencia-ficción, o espírito lúdico da infancia e a capacidade de facer convivir o real e o asombroso sen solución de continuidade, capacidade que cun pouco de sorte non perdemos do todo de adultos. O título fai referencia a outro dos moitos nomes dos buracos de verme, á vez que permite establecer un paralelismo entre os dous científicos e os pequenos protagonistas.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.