DURÍSIMA SEGUNDA EDICIÓN DA OCEAN LAVA GALICIA EN CAMBADOS

A segunda edición da Ocena Lava Galicia será recordada polas durísimas condicións meteorolóxicas que complicaron e moito o desenvolvemento da proba.

A organización viuse obrigada a reducir a natación a 750 metros, tanto na distancia olímpica como en media distancia, pola temperatura da auga e a exterior. Parecía un día de inverno. Por iso mesmo, houbo moitos non presentados e abandonos.

Desta forma, na distancia olímpica, categoría masculina, venceu Ismael Vieitez (Tríatlon Arteixo), con Álvaro Gómez (licenza dun día) na segunda posición e Alejandro Balsa (Tríatlon Coruña) na terceira. Na categoría feminina, o triunfo foi para Carolina Laurentiu (Tríatlon Bierzo), mentres que segunda foi Miriam Portela (Team Corbelo) e terceira, Vanessa Naveira (Club Ciclista Riazor).

Na proba de media distancia, Ramón Troncoso (Atletismo Porriño) logrou o triunfo, mentres que segundo clasificado foi Jacobo Crego (Olímpico e Vedra) e terceiro, Cristóbal Dios (Tri-Penta Terras de Lugo). Na categoría feminina, vitoria para Mónica Alarcón (NoSportLimit), que foi a única que puido rematar a proba.

RESULTADOS OCEAN LAVA GALICIA 2018 DISTANCIA HALF

RESULTADOS OCEAN LAVA GALICIA 2018 DISTANCIA OLÍMPICA

RESTRICCIÓNS DE TRÁFICO POLA OCEAN LAVA QUE SE DISPUTA ESTE DOMINGO

Este ano melloráronse os circuítos da proba

Despois do éxito conseguido na primeira edición, Ocean Lava Galicia buscará consolidarse este 2018. Sobre os mesmos paraxes que na edición de 2017, este domingo 29 de abril disputarase a segunda edición.

O cambio de data é a gran novidade desta edición, onde a organización tivo que adaptala polo comprimido calendario de tríatlon da federación galega de tríatlon. Tentando mellorar a experiencia dos triatletas, a organización deseñaron os circuítos sobre a base dos utilizados na pasada edición, pero tratando de mellorar os aspectos os puntos débiles detectados na proba. A natación será en liña como en 2017 con saída no Porto de Santo Tomé e chegada no porto de Tragove, coa novidade de que este ano a natación farase pola parte de fóra do peirao para que sexa unha natación moito máis limpa. No segmento de ciclismo simplifícase a ligazón evitando o primeiro tramo urbano, e sinalizando e arrombando a zona máis complicada de este. Seguirán sendo 4 voltas, pero coa eliminación da ligazón pasan a ser 80 quilómetros. Aínda así, o segmento ciclista mellora moito coa eliminación dese primeiro tramo. No segmento de carreira, na distancia half a ponte da Illa de Arousa seguirá sendo un dos emblemas da proba. Redúcese tamén o tramo urbano, que se fará ao principio do media maratón investindo así a orde con respecto á edición de 2017. O segmento de carreira a pé sairá de Cambados, pasando por Vilanova de Arousa ata a Illa de Arousa onde se dará volta para volver a Cambados onde estará situada a meta.

Ademais nesta edición incorpórase como coorganizador o club Olímpico de Vedra e manterán o apoio á proba os clubs locais: club piraguismo Cambados, club ciclista do Salnés, club ciclista Cambados e club atletismo Cambados ademais da Mancomunidade do Salnés, especialmente os concellos de Cambados, Vilanova de Arousa e A Illa de Arousa, con colaboración tanto en recursos humanos (Policía e Protección Civil) como medios técnicos. En total un dispositivo de aproximadamente 130 voluntarios, aos que tamén se unirán as agrupacións de Protección Civil de Caldas e Ribadumia.

A carreira afectará a circulación por varias rúas de Cambados. Os vehículos que circulen procedentes da Avenida de Vilagarcía cara á Praza de Fefiñáns, Rosalía de Castro, Carreira, a Modia e Ribeira de Fefiñáns cara a O Pombal. Os vehículos procedentes de Vilagarcía pola PO-549 serán desviados cara á vía rápida. O comezo da proba está previsto para as 7:00 horas do domingo. A Policía Local roga a colaboración e comprensión dos veciños para que a competición desenvólvase do mellor modo posible. Máis información:http://oceanlavagalicia.com/ Foto e Info: Ocean Lava Galicia

NOVIDADES PARA A SEGUNDA EDICIÓN DO OCEAN LAVA GALICIA A CORRER EN CAMBADOS

Este ano melloráronse os circuítos da proba

Despois do éxito conseguido na primeira edición, Ocean Lava Galicia buscará consolidarse este 2018. Sobre os mesmos paraxes que na edición de 2017, o 29 de abril disputarase a segunda edición.

O cambio de data é a gran novidade desta edición, onde a organización tivo que adaptala polo comprimido calendario de tríatlon da federación galega de tríatlon. Tentando mellorar a experiencia dos triatletas, a organización deseñaron os circuítos sobre a base dos utilizados na pasada edición, pero tratando de mellorar os aspectos os puntos débiles detectados na proba. A natación será en liña como en 2017 con saída no Porto de Santo Tomei e chegada no porto de Tragove, os dous na localidade de Cambados, coa novidade de que este ano a natación farase pola parte de fóra do peirao para que sexa unha natación moito máis limpa. No segmento de ciclismo simplifícase a ligazón evitando o primeiro tramo urbano, e sinalizando e arrombando a zona máis complicada de leste. Seguirán sendo 4 voltas, pero coa eliminación da ligazón pasan a ser 80 quilómetros. Aínda así, o segmento ciclista mellora moito coa eliminación dese primeiro tramo de ligazón. No segmento de carreira, na distancia half a ponte da Illa de Arousa seguirá sendo un dos emblemas da proba. Redúcese tamén o tramo urbano, que se fará ao principio do media maratón investindo así a orde con respecto á edición de 2017. O segmento de carreira a pé sairá de Cambados, pasando por Vilanova de Arousa ata a Illa de Arousa onde se dará volta para volver a Cambados onde estará situada a meta.

Actualmente, só está aberta a inscrición da distancia half e en caso de non alcanzarse os 200 deportistas inscritos ao 15 de febreiro, abrirase a inscrición para a distancia curta. Esta distancia abriríase en principio con soamente 100 prazas, limitando sempre en todo caso a proba a 350 inscritos entre as dúas distancias, pois un dos obxectivos da organización é a loita contra o drafting. Ademais nesta edición incorpórase como coorganizador o club Olímpico de Vedra e manterán o apoio á proba os clubs locais: club piraguismo Cambados, club ciclista do Salnés, club ciclista Cambados e club atletismo Cambados ademais da Mancomunidade do Salnés, especialmente os concellos de Cambados, Vilanova de Arousa e A Illa de Arousa, con colaboración tanto en recursos humanos (Policía e Protección Civil) como medios técnicos. En total un dispositivo de aproximadamente 130 voluntarios, aos que tamén se unirán as agrupacións de Protección Civil de Caldas e Ribadumia. Máis información:http://oceanlavagalicia.com/ Foto e Info: Ocean Lava Galicia

OCEAN LAVA GALICIA CAMBADOS 2018 ABRE INSCRICIÓNS

A partir de hoxe, 29 de Novembro está aberto o proceso de inscrición. Despois do éxito conseguido o a súa primeira edición, Ocean Lava Galicia buscará consolidarse en 2018. Sobre os mesmos paraxes que na edición de 2017, o 29 de abril disputarase a segunda edición O Océano Atlántico e as belas paraxes do corazón das Rías Baixas galegas poñerán a proba a forza física e a fortaleza mental destes superdeportistas. A proba terá como epicentro na vila de Cambados, onde estará situada a saída, a transición e a meta da mesma. Nela desenvolverase o segmento de natación, a unha soa volta. Posteriormente, o circuíto ciclista percorrerá parte da comarca do Salnés, para volver novamente a Cambados e dar inicio á carreira a pé que abandonará territorio continental para chegar ata A Illa de Arousa e volver novamente a Cambados. Video da proba o ano pasado A proba desenvolverase sobre distancia Medio Ironman (1900 metros de natación, 90 km de ciclismo e 21,1 km de carreira a pé). O límite de inscritos está fixado en 350.
OCEAN LAVA, con orixe en Lanzarote, é unha da competicións de longa distancia máis prestixiosas do mundo. Fundada por Kenneth Gasque, director de carreira do Ironman Lanzarote e lenda do mundo do tríatlon é un espectacular evento deportivo. Máis información: http://oceanlavagalicia.com

A OCEAN LAVA GALICIA VOLVE A CAMBADOS

Ocean Lava Galicia e toda a familia Ocean Lava Planet están a traballar para ofrecer importantes novidades para 2018. As series Ocean Lava seguirán en Galicia en 2018. Con nova data, 29 de abril, na mesma sede Cambados e con algún retoque, disputarase a segunda edición do Ocean Lava Galicia. Ademais como gran novidade da franquía para 2018, Lanzarote acollerá o 27 de Outubro a gran final das Ocean Lava Planet World Series, que constarán de 17 eventos repartidos en 13 paises..

Mercores 29 de Novembro abrirán as inscripcións.
Na páxina de facebook dalle a  ata as 10:00 dese día e comparte e gaña unha inscrición gratis.

ÉXITO DA PRIMEIRA OCEAN LAVA GALICIA CELEBRADA EN CAMBADOS

Nicolás Domínguez e Alice Hector levaron a vitoria na distancia 113

O pasado 10 de setembro disputouse en Cambados a primeira edición do Ocean Lava Galicia, con preto  de 250 inscritos

Os gañadores da proba 113 foron en categoría masculina Nicolás Domínguez (Disa HPS Tríatlon) mentres que en categoría feminina a vitoria foi para Alice Hector (Evo), recente gañadora do Ocean Lava Madeira este ano. Os dous triatletas dominaron a proba no caso de Alice desde o inicio da natación e  Nicolás desde o inicio do sector ciclista.

Completaron o podio en categoría masculina Luís Paredes (Motobike Galaico) e Javier Fernández (Tríatlon Vilagarcía) mentres que en categoría feminina o segundo e terceiro chanzo do podio foron ocupados por María Jesus Coya (Cidade de Lugo) e Olalla Duro (Artrogal tri498).

Na distancia 60 en categoría masculina primeiro fué Antonio González ao que acompañou en segunda posición o seu irmán Iván González, ambos os do Lamargha Beariz Tríatlon, mentres que terceiro fué Héctor Fernández (Tríatlon Arteixo). En mulleres impúxose Nerea Castro (Club Ciclismo-Tríatlon Poio), segunda fué Mónica Mesquita (Nosportlimit) e terceira Sonia Roca (Nosportlimit).

Vídeo resumen

A natación desenvolveuse en líena entre os portos de Santo Tomei e Tragove en Cambados, sobre un mar en clama total. O segmento ciclista, tras un complexo tramo de ligazón discorreu pola Vía Rápida do Salnés, entre os muncipios de Cambados, Vilanova e Vilagarcia de Arousa e finalmente o segmento pedestre disputouse na distancia 60 integramente en Cambados, mentres que os participantes na distancia 113 ademais de Cambados pasaron por Vilanova de Arousa, para cruzar ata A Illa de Arousa, pola ponte que une o terreo insular co territorio continental.

 No operativo da proba colaboraron 100 voluntarios ádemas de efectivos de corpos de seguridade do estado e o balance da primeira edición é moi positivo, con detalles por puír como en toda primeira edición, pero que seguro serán liquidados para que a segunda edición do Ocean Lava Galicia sexa aínda mellor.

ÉXITO DA OCEANLAVA EN CAMBADOS

Onte celebrouse a primeira edición do Ocean Lava Galicia, que se disputou en Cambados coa participación de case 240 triatletas. Foron dúas probas moi esixentes e con distancias diferentes.

Desta forma, na proba máis curta masculina (60.0) Antonio e Iván González (Lamargha Beariz Tríatlon) chegaron xuntos a meta, pero a vitoria foi para Antonio, mentres que segundo foi Iván Gonzalez.  Héctor Fernández (Tríatlon Arteixo) ocupou o terceiro posto do podio a uns quince segundos.

Na proba feminina, o podio estivo formado por Nerea Castro (Club Ciclismo Tríatlon Poio) no máis alto, con Mónica Mezquita (NoSportLimit) na segunda posición e Sonia Roca (NoSportLimit), no terceiro chanzo.

113.0

Nico Domínguez (Disa HPS Tríatlon) foi o vencedor da proba 113.0, con Luis Alberto Paredes (Galaico Pontevedra) na segunda posición e Javier Fernández (Tríatlon Vilagarcía) no terceiro posto.

Na categoría feminina, o triunfo foi para Alice Héctor  (Evo), mentres que María Jesús Coya (Cidade de Lugo Fluvial) ocupou o segundo posto e Olalla Duro (Artrogal Tri-498) foi o bronce.

DERRADEIROS DÍAS DE PRECIO REDUCIDO PARA A OCEAN LAVA GALICIA

O próximo 10 de Xullo finaliza o período de prezo reducido.

A franquicia canaria de Ocean Lava, que conta cunha vintena de probas por todo o mundo, volveu a fixarse no noso país e elixiu a Galicia para disputar unha proba de media distancia e outra en distancia 60.0 o próximo 10 de setembro.

A proba celebrarase en Cambados, onde a natación será en liña entre os portos de San Tomé e Tragove, sendo a mesma para as dúas distancias.

O sector ciclista desenvolverase cun tramo de ligazón, sobre un circuíto esixente sen drafting de 4 voltas para a distancia half (90 km) e de 2 voltas (47,4 km) para a distancia 60.0 tamén sen drafting.

A carreira a pé disputarase a unha soa volta para as dúas distancias, é o tramo onde se percorrerá parte da Ruta Pai Sarmiento, coa peculiaridade de que se abandonará na distancia half, para entrar na Illa de Arousa e volver novamente a Cambados.

Fin de prezo reducido

O próximo 10 de Xullo finalizará o prazo para de prezo reducido que pasará na proba half de 95 a 150€ e na proba 60.0 de 50 a 60€. A distancia half ten un límite de 500 participantes e a distancia 60.0 50 prazas

A inscrición pode realizarse na páxina www.oceanlavagalicia.com