CAMBADOS PROMOCIONA A FESTA DO ALBARIÑO DE INVERNO EN FITUR

O concelleiro de Enoturismo de Cambados, José Ramón Abal, repasou en COPE Pontevedra o potencial turístico da vila do Albariño. Desde a feira internacional do turismo, FITUR, que se celebra esta semana en Madrid, o edil subliñou a difusión que a Mancomunidade do Salnés pretende realizar da Festa do Albariño de inverno, evento creado en 2018 e dedicado ás variedades espumosas do viño da Denominación de Orixe Rías Baixas. Na edición de 2019, o Concello de Cambados acordou cos hostaleiros locais celebrar a festa durante máis dunha xornada, coincidindo coa ponte da Constitución e incluíndo actuacións musicais.

Escoita a entrevista con J.R. Abal


Información de COPE Pontevedra

O CONCELLO RECOLLE EN MADRID O PREMIO A MELLOR CONCELLO ENOTURÍSTICO DE ESPAÑA

A alcaldesa Fátima Abal e o concelleiro de Enoturismo de Cambados J. Ramón Abal recolleron no nome de Cambados o premio ao Mellor Concello Enoturístico de España. 
Na gala celebrada esta noitiña  na Real Fábrica de tapices de Madrid acompañaban as autoridades cambadesas José Ramón Ónega, presidente da Casa de Galicia en Madrid, Héctor Santos, encargado de Turismo da Diputación de Pontevedra, Pilar Martínez Troncoso, concelleira de Turismo de Ribadumia, Yolanda Vázquez, presentadora de televisión e por Yolanda Bóveda, productora de marmeladas de albariño. 

No principio do ano ACEVIN, a Asociación Española de Cidades do Viño, abriu a convocatoria dos Premios de Enoturismo ‘Rutas do Viño de España’ 2018, sendo a cuarta edición duns galardóns cos que se pretende dar visibilidade ás mellores iniciativas enoturísticas, segundo o xurado profesional e multidisciplinar designado para valorar as propostas e iniciativas inscritas e que está formado por representantes de distintas entidades do sector, como ACEVIN, MAPAMA, Turespaña, Federación Española do Viño, Observatorio Español dos Mercados do Viño, Asociación Española de Enoturismo e Turismo Gastronómico, e xornalistas especializados en turismo, viño e gastronomía, entre outros. Con estes premios que teñen un carácter bienal, tamén se recoñece a calidade e o esforzo das persoas e empresas que hai detrás de cada unha das propostas enoturísticas do noso país enmarcadas no mencionado Club de Produto, que ampara 27 Rutas do Viño de toda a xeografía española, coas que, ademais de promocionar o turismo enolóxico, foméntase a cultura vitivinícola, dinamízase a contorna rural, afiánzanse relacións profesionais polos mesmos obxectivos, etc.

Mellor Municipio Enoturístico CAMBADOS (Ruta do Viño Rías Baixas) Polo nivel de conservación e protección do seu patrimonio histórico (un dos conxuntos históricos mellor conservados de Galicia), pola súa contorna de viñedos e adegas e o seu labor de potenciación da cultura do viño e a gastronomía, especialmente a través da Festa do Viño Albariño, creada en 1953 e declarada de Interese Turístico Nacional. Tamén polo seu labor de promotor da Ruta do Viño Rías Baixas desde o ano 2001, participando activamente na creación do Club de Produto Rutas do Viño de España.

Outros galardóns que recaeron na D.O. Rias Baixas foron:
Compromiso coa Sociedade e o Medio Ambiente
ADEGAS MARQUÉS DE VIZHOJA (Ruta do Viño Rías Baixas)

Mellor Experiencia Enoturística

‘SON & SAL’ (Ruta del Vino Rías Baixas)

ÉXITO DA FESTA DO ALBARIÑO DE MALLORCA

Unha corentena de adegas da DO Rías Baixas participan na festa do viño albariño de Baleares
O encontro organizado por Antonio Seijas e o Concello de Cambados reuniu este mércores cerca de 60 viños desta denominación de orixe no Club Náutico de Palma O Club Náutico de Palma converteuse este mércores en toda unha embaixada da DO Rías Baixas, xa que acolleu a XXII Festa do Albariño, que organiza anualmente o empresario Antonio Seijas coa colaboración do Concello de Cambados. Segundo asegurou o concelleiro de Enoturismo do Concello de Cambados, José Ramón Abal, a presenza dos viños de Rías Baixas "creceu moito na hostalería de Mallorca grazas a esta xornada", na que os responsables das adegas de Arousa que asisten "poden facer contactos con distribuidores e representantes do sector". A raíz do éxito alcanzado coa Festa do Albariño en Palma, o Concello de Cambados quere organizar unha xornada similar en Andalucía, na Costa do Sol, segundo avanzou este mércores o responsable de Enoturismo. Oito catadores da Asociación Balear de Sommeliers (ABS) formaron parte do xurado do concurso. Manuel de Amaro, Pedralonga e Martín Códax, gañadores

A xornada acolleu un concurso, que este ano chegou á súa sexta edición, no que un xurado dirixido por Daniel Arias, presidente da Asociación Balear de Sommeliers (ABS) e formado polos catadores Julio Torres, Sebastián Longo, Javier Gómez , Aina Hölting, Mónica Pieptanar, Cliff Amengual, Alfonso Sánchez y Roger del Ojo, é elixido, mediante unha cata a cegas, os tres mellores viños de entre os 50 que se presentaron ao certame. O primeiro premio do certame, que outorgou a Asociación de Hostaleiros da Praia de Palma, foi para o viño Manuel de Amaro, de Adegas Señorío de Rubiós, e o segundo premio, entregado pola Escola de Hostalería das Illas Baleares, foi para Pedralonga, de adegas Adega Pedralonga e o terceiro, patrocinado pola Federación Hostaleira de Mallorca, recaeu no viño Martín Códax, das adegas co mesmo nome. Ademais, entregáronse accésit para os viños que quedaron entre a cuarta e a décima posición na puntuación.

CIGALES E CAMBADOS SELAN O SEU IRMANDAMENTO CON ROSADO E ALBARIÑO

Este acto busca promocionar "conxuntamente" a cultura e tradición do viño de ambas as localidades.

O municipio valisoletano de Cigales e Cambados brindaron con Rosado e Albariño, viños típicos de senllas poboacións, para selar o seu irmandamento, que levará a cabo ao longo de próximo ano 2018. Con este irmandamento búscase promocionar "conxuntamente" a cultura e tradición do viño de ambas as localidades así como a cooperación en desenvolver un programa de actividades anual entre ambos para a promoción turística, cultural e enogastronómica, segundo indicou o Concello de Cigales a través dun comunicado remitido a Europa Press. O Concelleiro de Enoturismo de Cambados, Jose Ramón Abal, visitou Cigales para coñecer a localidade, a súa historia, patrimonio e gastronomía así como os seus viños con Denominación de Orixe para "avanzar" no irmandamento entre ambas as localidades.

Tras visitar as instalacións Culturais e Deportivas Municipais así como a Igrexa de Santiago Apóstolo e as súas Adegas Tradicionais e de elaboración Abal, reuniuse coa alcaldesa de Cigales, Pilar Fernández Pastor, ademais de concelleiros e outros membros do Consistorio para concretar proxectos e actividades de fronte ao próximo ano.
Cigales, que conta cunha ampla tradición Histórica do viño documentada desde o Século XVI e coa Festa da Vendima máis antiga de Castela e León, buscou crear lazos de unión con Cambados, 'Vila do Albariño', coñecida pola celebración anual da Festa do Albariño. Cambados, Vila do Albariño, Cigales, terra de Rosados e Tintos, ambas as localidades con Denominación de Orixe así como Ruta do Viño certificada por Acevin, cun "potencial" gastronómico e enolóxico recoñecido a nivel internacional e un "rico" Patrimonio Histórico - Artístico estuda poder desenvolver ao longo do próximo ano 2018 accións conxuntas tales como a participación en feiras de turismo e presentacións conxuntas de ambas as localidades; promoción das Festas da Vendima e Albariñio así como encontros gastronómicos e enolóxicos; eventos deportivos, folclóricos, xornadas culturais, ciclos de conferencias e xornadas técnicas.

J.R. ABAL DA POR ROTO DEFINITIVAMENTE O PACTO DE GOBERNO

O concelleiro de Cambados Pode J.R. Abal da prácticamente por roto o pacto de goberno de Cambados e non asistirá a vindeira reunión dos grupos que o conforman o venres día 1 de decembro.
Así o anunciou esta mañán á prensa  o seu portavoz que convocará ao partido para decidir que decisión tomarase sobre o futuro do cuatripartito. José Ramón Abal asegura que perdeu a confianza nos seus socios de goberno e que o pasado venres so recibeu reproches por parte dos seus socios.

Si o venres todo parecía camiñar cara a solución hoxe todo parece que naufragou.

O líder da formación independente prometera reunións entre os membros da candidatura cada certo tempo e desde que se celebraron al eleccións as reunións celebradas son inexistentes. Membros destacados da candidatura presentaron a súa dimisión, entre eses membros atópase o seu irmán Sergio, deixando a Cambados Pode como unha pantasma. Polo que unha reunión do partido antóxase algo complicado cando máis da metade dos membros da lista marcharon.

De non continuar co pacto de goberno o que debería facer é demitir como edil de goberno e deixar as súas funcións a outro concelleiro ou concelleira.

Abal partirá cara a Madrid para unha promoción de Cambados como Capital do Viño Europeo e despois cara Bruxelas onde se saberá quen toma o relevo de Cambados.

De seguro este non será o derradeiro movemento de Abal.

A CRISE DE GOBERNO DE CAMBADOS PODE ESTAR PRETO DA SOLUCIÓN

Esta mañán J.R. Abal en declaracións á prensa daba a entender que a crise de goberno podode arranxarse fácilmente.
Abal pide que se suprima a portavocía de goberno para que non haxa malos entendidos e que cada concelleiro ou concelleira dé as explicacións sobre as áreas que levan cada un.

Este venres 24 de novembro como o día sinalado para a reunión dos edís do goberno cambadés. Despois de que o edil de Cambados Pode dera o pacto por roto, dias despois buscouse un primeiro achegamento, ao que non asistiron nin José Ramón Abal nin os edís do BNG. Deste encontro e tras encaixar axendas, saíu a data para a reunión da comisión de seguemento do pacto de goberno que se ve como un paso imprescindible para reconducir esta situación.

Abal deixaba o futuro do goberno nas mans da alcaldesa Fátima Abal, que debía decidir se mantiña no seu equipo a Abal ou ao concelleiro de Economía e Facenda, Xurxo Charlín. Abal acusabao de usurparlle funcións e de humillalo de xeito consciente. Así facía público José Ramón Abal o seu descontento coa situación que se estaba a vivir no goberno de Cambados. 

ABAL CONTRA CHARLÍN. TENSIÓN NUN PLENO DE "GUANTE BLANCO"

Onte asistín coma público ao Pleno da Corporación onde había nada menos que 17 puntos na Orde do Día. Comezou coa aprobación das actas das sesións anteriores e con solución de continuidade se aprobaron as ordenanzas reguladoras dos principais impostos que regula a Lei de Facendas Locais grazas á maioría absoluta do goberno. Foi unha hora de tedio, algo que xa ven sendo unha costume cando teñen un micro diante o noso Concelleiro de Facenda e o Xefe da oposición, ou o que é o mesmo: "Si queremos que todo siga como está, necesitamos que todo cambie", o que en ciencias políticas coñecemos como Gatopardismo (en referencia á famosa novela El Gatopardo). A Aristocracia que representaba Luis trocou pola Burguesía que representa Charlín, pero ámbolos dous son conscientes que o que se dilucida é a loita polo poder.

Entramos na segunda parte do Pleno e a estas alturas algúns nos decatamos de que algo non iba ben, había un ambiente bohemio onde todo eran risas, chascarrillos, agás a cara desencaixada de José Ramón Abal e Tino Cordal. Ao meu carón o pai de José Ramón e detrás Alternativa por Cambados, a nova formación política que se presenta polo que parece aos novos comicios e que leva coma cartel ao irmán de José Ramón, Sergio. Algo non encaixaba, se estaba fraguando e que hoxe foi unha realidade, unha nova crise de goberno encol da figura de Abal e Charlín, algo do que falarei máis adiante. Seguíu unha nova moción de recheo (como lle chamou Aragunde) encol da persecución da Inspección de Traballo sobre os temporeiros que fan as tarefas da vendima en pequenas explotacións, e coma non podía ser doutro xeito goberno e oposición teñen puntos diametralmente opostos. Uns pensan que é necesario lexislar doutra maneira e os outros que cada un ten que facelo traballo que ten coma encomenda. Como hai un espazo legal onde hai un espazo “en blanco” onde hai unha colaboración que non ten nada de contraprestación económica porén son explotacións familiares e unha vez Charlín nos agasallou cunha das súas famosas parrafadas (esta vez leu enteiriño o comunicado do Sindicato Unións Agrarias) o sangue non chegou o río, despois de un tira e afloxa o goberno aprobou a moción e a oposición pola “filosofía” nada clara da moción (Luis me lembra cada vez máis a Vargas Llosa –Conversaciones en la Catedral), abstívose.


A Alcaldesa pedíu un receso no Ecuador do Pleno de 5 minutos e o rictus na cara de Abal seguía serio e Charlín collía folgos, porén este home é unha máquina falando, traballadoriño é pero ten un ego que “canto máis probas, máis gostas de ti”. Seguíu a polémica Lei de Portos onde Víctor Caamaño fixo unha exposición paseniña e diáfana encol do que é un novo intento por parte do goberno da Xunta de blindalas competencias de Portos de Galicia, o dono de medio Cambados, por certo. Aragunde non compartíu o escenario que Víctor contemplou e repetíu a frase que un servidor leva pronunciando unhas cantas veces este derradeiro mes, “pero que me estás contando Víctor”, e “que me estás contando Luis”, e todo pasou ao réxime sancionador do que infrinxa algún dos articulados de dita lei, ata 60.000 euros de multa. Entón chegou a parte “infantil” que lle chamo eu que si por xogos se entende que os rapaces en terreo de portos se poñan a xogalo trukel e lles multen con esa cantidade de cartos e arruinen unha familia enteira, e paridas semellantes. Estando dacordo de que a lei é absolutamente discrecional, ao que se refire é que un non se pode poñer a xogalo fútbol NO Porto de Tragove, e punto pelota. Nesta ocasión o goberno votou a favor da moción do BNG e a oposición en contra. E nos deron as doce menos cuarto da noite cando o punto estrela da orde do día se achegaba, a moción do PP pedindo respeto polos Corpos e Forzas de Seguridade do Estado, encol dos recentes acontecimentos no que eu chamo esperpento Catalán. Debido a denominada unidade de acto e unha vez consultado ao Secretario e co voto favorable de tódolos membros presentes na Corporación decidíuse dar por rematada a sesión para reiniciala desde este punto o próximo mes. 

Coma podedes ler nada de particular, agás o rictus na cara de Abal que se foi desencaixado, Tino Cordal de presa e correndo, e Charlín camiñaba a un lado e a outro coma un pato mareado. Aquí hai tomate pensei, algo non cadra, un Pleno tan bohemio non pode rematar sen algún corrillo onde

comentalo percal, e por certo, o grupo do Partido Popular despediuse do público asistente dándonola boa noite a todos, un xesto de educación de Aragunde que estivo do máis correcto, nada que ver con anteriores ocasións. O murmullo do río coma diría Luz Casal proviña do goberno e esta mañá co galo do anuncio das obras que se están a facer para crear unha senda peatonal no Polígono Industrial, unido a famosa Rúa da Pacheca que estando Abal ausente Charlín saíu coma él di “a informar”, fixo que José Ramón dixera ata aquí chegamos, están usurpando as miñas funcións e dou por roto polo momento o pacto de goberno e deixo nas mans da Alcaldesa o goberno, ou o que é o mesmo, desfacelo entuerto, por algo é a encargada de velar que cada un dos socios de goberno faga o seu traballo con profesionalidade e coordinalas tarefas de traballo. Son cousas que leva o de ser Alcaldesa, para que logo digan que non manda nada e que pasa por aí, cando a día de hoxe ata eu estou sorprendido de que éstes catro se entenderan sabendo coma son, e grande parte e grazas a Fátima, que é unha muller intelixente e con moitas habilidades sociais, e que non é a
primeira crise coa que ten que lidiar, polo tanto namentras non se pronuncia tomarémonos un tempo prudencial antes de facer máis extrapolacións so cabo de que a información que temos seña escasa, pero parece claro que todo xira en torno ao EGO de dúas personaxes que teiman por ver quen é o máis parvo, dito con todo o agarimo, porque xa me diredes vós que gañamos os veciños con todo isto, en todo caso espero “ansioso” coma intepretan os Blogs da Dereita este novo desencontro, penso que non van a ser tan reflexivos coma min, percurarán facer un guiñapo do actual goberno, algo no que están no seu dereito, asemade penso que falando se entende a xente e que esto será un roce máis dos moitos que hai nas familias, se “rascas” un pouco, sempre sae algo.


Apertas, e que pase o que pase os veciños non teñamos que lamentar outras desgrazas, xa podían ser todas coma éstas.

Un artigo de Óscar Núñez.-

JOSÉ RAMÓN ABAL DA POR ROTO O CUATRIPARTITO

JOSE RAMON ABAL DA POR ROTO O CUATRIPARTITO DE CAMBADOS

O concelleiro de Obras e Servizos, José Ramón Abal, asegura que da por roto o pacto de goberno por discrepancias, sen mencionalo directamente, co concelleiro de Economía, Facenda e Promoción Económica, Xurxo Charlín.

Abal acusa a Charlín de estar “usurpando” as súas funcións como concelleiro delegado do departamento de obras atribuíndose competencias en asuntos como as obras do polígono do Salnés, que é competencia do propio Xurxo Charlín, e a prolongación da rúa Pacheca.
O edil impón como ultimatum que non pode seguir gobernando con Xurxo Charlín pero en todo caso deixa a última decisión en mans da alcaldesa, Fátima Abal.
Polo que deixa a porta aberta a continuar co goberno.

Declaracións de J.R. Abal en Arousa Sí Radio

XURXO CHARLÍN CONSIDERA QUE ABAL BUSCA UNHA EXCUSA PARA ROMPER O CUATRIPARTITO.

Pola súa banda o Concelleiro de Economía, Facenda e Promoción Económica, non tardou en dar resposta ás declaracións de José Ramón Abal asegurando que se enterou polos medios de comunicación do malestar do seu socio de goberno.

Argumenta que nun cuatripartito hai concellerías que se solapan e que el está no goberno únicamente para traballar sen buscar protagonismo.

Asimesmo, Charlín lamenta que Abal non falara con el das súas discrepancias antes de comparecer ante os medios.

En todo caso, afirma que non vai ser quen de poñer nunha situación comprometida á alcaldesa.

Declaración de X. Charlín en Arousa Sí Radio

Info- ArousaSiRadio

ABAL VARELA RENUNCIA AOS SEUS CARGOS MENOS COMO EDIL DE ENOTURISMO

Hai escasamente media hora nunha corta rolda de prensa convocada a última hora de onte, o concelleiro de Obras e Urbanismo i Enoturismo presentou a sua renuncia a parte das suas responsabilidades para centrarse no Enoturismo no ano en que Cambados será a Cidade Europea do Viño.
Por todo elo tamén rebaixará o seu soldo un 20% e que pasaría a ser de uns 30.000 €.
En principio e mentras non haxa unha restructuración as competencias que tiña Abal Varela pasan a ser dirixidas pola alcaldesa, segundo o propio Abal que sinalou que seguramente seguirían así ata o final do mandato.


En canto teñamos máis datos informaremos do que aconteza.