ABAL VARELA RENUNCIA AOS SEUS CARGOS MENOS COMO EDIL DE ENOTURISMO

Hai escasamente media hora nunha corta rolda de prensa convocada a última hora de onte, o concelleiro de Obras e Urbanismo i Enoturismo presentou a sua renuncia a parte das suas responsabilidades para centrarse no Enoturismo no ano en que Cambados será a Cidade Europea do Viño.
Por todo elo tamén rebaixará o seu soldo un 20% e que pasaría a ser de uns 30.000 €.
En principio e mentras non haxa unha restructuración as competencias que tiña Abal Varela pasan a ser dirixidas pola alcaldesa, segundo o propio Abal que sinalou que seguramente seguirían así ata o final do mandato.


En canto teñamos máis datos informaremos do que aconteza.

DIMITE O CONCELLEIRO DE MORAÑA QUE INSULTOU A CARMELA SILVA

O concelleiro do Partido Popular de Moraña, Jorge Caldas, que chamou "mala zorra y sinvergüenza" á presidenta da Deputación de Pontevedra, Carmela Silva, presentou esta tarde a súa dimisión.

Nun comunicado remitido polo PP de Pontevedra, o edil confirma a súa "renuncia voluntaria" como concelleiro e tenente de alcalde neste municipio pontevedrés.

Jorge Caldas asegura que o comentario que realizou na súa "conta particular" de Facebook é "ofensivo" e "inadecuado" e sinala que "non se corresponde coa miña opinión persoal acerca da señora Silva".

O edil entende que esta expresión "inxustificada" e "inxustificable" non se corresponde cunha relación "lóxica" entre adversarios políticos.

En todo caso, Caldas lembra que o contexto no que se produciu este comentario foi o da "frustración" polas diferenzas xurdidas coa Deputación sobre a cancelación do rally Rías Baixas, aínda que reitera que esta "discrepancia" non xustifica o "insulto persoal que proferín".

Con este comunicado, o edil popular traslada de forma "expresa e sentida" o seu arrepentimento polo "erro" cometido e pide perdón á presidenta da Deputación.

A QUE SE DEBEN TANTAS DIMISIÓNS NO SERGAS?

O PSdeG pregunta no parlamento galego cales son as razóns de tantas dimisións no seo da dirección do SERGAS.

Carmen Acuña do Campo, Manuel Vázquez Fernández, Carmen Gallego Calvar e María Quintas Alvarez, deputadas e deputado pertencentes ao Grupo Parlamentario dos Socialistas de Galicia, ao abeiro do disposto no artigo 152 do Regulamento da Cámara, presentan ante esa Mesa a seguinte pregunta para a súa resposta oral en Pleno.
Na Consellería de Sanidade se suceden as dimisións dos altos cargos. 
Recentemente coñecemos que o director xeral de Recursos Económicos deixaba o seu posto “por razóns persoais”. Probablemente nesa fuxida tivera algo que ver, o fracaso das súas singulares fórmulas de contratación, pendentes dos tribunais.
Pero agora a que abandona é a xerente do Sergas e, segundo parece, debido as discrepancias coa conselleira, na forma de xestionar a sanidade pública galega, algo que non é de estrañar.SERG
As listas de espera disparadas, os recortes nos orzamentos, nos recursos humanos e ata nas camas hospitalarias xunto cos copagos e repagos e toda sorte de privatizacións, xunto cos nomeamentos a dedo dos cargos e das xefaturas de servizo, están acabando co sistema sanitario público e, por iso 
non é de estrañar, que os responsables e cómplices desa xestión, ante eses resultados se queiran marchar.
Fuxida dos responsables, denuncias diarias e queixas masivas da cidadanía,protestas e plantes das e dos profesionais e ata malestar coa deriva da sanidade no seo do Partido Popular, polo cal e ante esta situación, as deputadas e o deputado que asinan formulan a seguinte pregunta para o seu debate en Pleno:
Cales son, para o Goberno, as razóns das dimisións que se están a producir nos altos cargos da Consellería de Sanidade?

A DIMISIÓN DO CONCELLEIRO QUE NON SE PRODUXO

A nova que adiantamos que se produciría onte no pleno do Concello de Cambados non se produxo.

"A TI MEU CAMBADOS"

A "bomba" informativa era a demisión dun concelleiro do grupo popular e que ao parecer foi convencido de que nestes intres e a tan pouco tempo das eleccións municipais non merecía a pena dar imaxe de desunión no partido.

Este concelleiro foi premiado coa capa de Cabaleiro do Albariño, adiantándose a xente que o merece moito máis polos anos adicados e por experiencia. Un caso que chama a atención é ver coma un adegueiro, Tino Pintos, que leva moitos máis anos no mundo do viño foi nomeado hai anos Xoven Albariñense, cousa que o concelleiro non ten, i este ano é premiado cunha folla de prata. Sen falar de outros casos máis como o do enólogo Luciano Amoedo gañador de innumerables premios con viños saídos do seu saber.

"ALZA LA VOZ CAMBADOS"

Todo parecía indicar que o distanciamento entre alcalde e concelleiro non tiña solución, pero ese premio parece que arranxou o problema.
Pero cerrado unha ferida, aberta outra. Varios pequenos adegueiros tiveron conversas por separado co alcalde amosándolle o seu malestar por tal nomeamento incluso algún chegou a espetarlle ao alcalde: "agardo que ganes as eleccións porque non vas ter ningún voto na miña familia".

O problema empezou a surxir cando tanto a prensa local como nacional fixéronse eco das publicacións dalgúns blogs locais coas imaxes deste concelleiro durmindo en varios plenos. 
Cando foi a Italia si que estivo ben desperto.
O alcalde recriminoulle a sua actitude, algo que non sentou ben nin no concelleiro nin no seo da sua familia. O enfado chegou a  que a sua adega non estivese presente este ano nos postos do Paseo da Calzada