SO SETE POLÍGONOS DE BATEAS ABERTOS EN GALICIA

A marea vermella estendese e deixa case todos os polígonos de bateas pechadas

A marea vermella é estendida polas rías galegas e deixa case todos os polígonos de bateas de Galicia pechados, segundo os datos do Instituto Tecnolóxico para o Control do Medio Mariño.

Deste xeito, hai sete polígonos abertos dos 53 existentes en Galicia. Os únicos están na ría de Arousa, mentres que todos os que están no resto das rías están pechados.

En concreto, os sete polígonos operativos son os de: A Pobra A, C, E.1 (reaberto este xoves) e G; Cambados A2 e D, así como a de Vilagarcía B2. O último en pechar foi o xoves o de O Grove A.

Este xoves, o director de Intecmar, Covadonga Toca, presentou a profesionais de diferentes países as últimas novidades de control no marco do XXII Congreso Internacional de Pectínidos que se celebra ata o luns en Santiago. Este Instituto toma mostras en máis de 200 puntos e áreas costeiras para garantir a seguridade do consumidor.

Por outra banda, hai nove bancos de mariscos pechados en diferentes estuarios como Viveiro, Ares-Betanzos e Ferrol, entre outros. Non obstante, aínda hai 28 abertos en Galicia.

A MAREA VERMELLA VOLVE A ATACAR

A marea vermella volve pechar bateas de mexillón e praias de marisco.
As últimas análises deixaron fóra de servizo cinco polígonos de bateas e dúas áreas de ameixa e de berberecho.

A toxina lipofílica ou diarreica aféctalles especialmente ás bateas do mexillón. Na ría de Vigo, pechou o polígono Cangas E. Na ría de Arousa, obrigou a pechar tres polígonos: un en Cambados, un fronte ó Grove e outro fronte á Pobra do Caramiñal, onde si puido entrar en servizo outro que estaba pechado.
Con esta situación, só quedan operativas menos do 20 por cento das bateas de mexillón de toda Galicia.
Ademais, tamén quedaron clausuradas provisionalmente dúas áreas de ostra na ría de Arousa.

No caso da ameixa e do berberecho, pechou unha zona na ría de Pontevedra e houbo un cambio na de Muros e Noia: abriu unha área de marisqueo e pechou outra.

ELECCIÓNS AO C.R.D.O. MEXILLÓN DE GALICIA

O Diario Oficial de Galicia (DOG) publica hoxe a Orde da Consellería do Medio Rural e do Mar pola que se convocan as eleccións para a renovación dos órganos de goberno do Consello Regulador da Denominación de Orixe Mexillón de Galicia. As eleccións terán lugar, segundo o calendario establecido, o domingo 7 de decembro.

Nestes comicios elixiranse un total de 18 vogais do Consello que á súa vez votarán o presidente e vicepresidentes do organismo. Destes vogais, 6 son en representación do subsector produtor, 6 das empresas comercializadoras, 4 dos centros de depuración e ou expedición e empresas comercializadoras de mexillón fresco e 2 das empresas de transformación.

Máis imformación no DOGA

PECHAN MÁIS POLÍGONOS DE BATEAS

Novamente a toxina diarreica aparece nas bateas galegas. Os útlimos polígonos que se viron obrigados a pechar foron os da ría de Muros e Noia, e nove da Arousa. Con todo, desde o sector están esperanzados en que o parón da extracción sexa como moito de tres meses, algo que poderían asumir, xa que este non é unha época de moita produción. Non queren pensar nunha situación como a do ano pasado.

Calma á espera dunhas análises favorables. Así se atopan os bateeiros da ría de Muros e Noia. Son dos máis afectados pola presenza da toxina lipolífica, máis coñecida como diarreica, que volve estar presente en boa parte dos polígonos mexilloeiros galegos. Eles teñen os catro pechados desde a fin de semana.
"Está dando uns quebradeios grandes de cabeza, pero é algo que non podemos controlar. Estamos un pouco impotentes. Non temos moito que facer".
Non son os únicos. A toxina tamén prohíbe a extracción en nove polígonos da ría da Arousa, en Cambados, O Grove e Ribeira. Tamén o de Baiona permanece pechado; así coma os de Cangas, Bueu e Portonovo.
Con todo, a estas alturas de campaña, a situación non é moi preocupante, xa que este non é momento de moita produción.
"De momento si é que o peche é por un mes ou dous, levaríase ben. Se despois empeza a vir o verán que é cando máis se vende mexillón, complícasenos a vida moitísimo"

A única preocupación é que se repita a situación do ano pasado, en palabras do patrón, un dos peores para o sector mexilloeiro.
"Esperemos que este ano non sexa como o pasado, senón si que vai ser un problema gravísimo. O ano pasado tivemos un desprendemento grandísimo de mexillón ao estar cerrados"

Algo que confían non suceda. Polo momento, só queda agardar.

OS BATEEIROS COA MOSCA TRALA OURELLA

Publicábamos hai uns dias que a  Consellería do Mar investirá un millón e medio de euros en axudas ós mexilloeiros afectados pola marea vermella. Para poder acollerse ás subvencións, os produtores deberán acreditar perdas superiores ó trinta e cinco por cento do volume anual de negocio ou un peche ininterrompido de, alomenos, catro meses.

Se ben valoran positivamente as axudas, os termos da convocatoria feitos públicos pola Consellería do Mar non son os agardados. O sector bateeiro consideran que a contía, un millón e medio, a distribuír entre as máis de tres mil bateas existentes en Galicia, apenas suporán un respiro. Máis aínda, cando os requisitos impostos pola administración farán que a maior parte dos produtores non poderán optar ás axudas. están dirixidas a aqueles que tiveron que parar durante máis de catro meses continuados ou que sufriron perdas superiores ó 35 por cento. Dende o sector apostan tamén por outras fórmulas para paliar os danos como unha liña de crédito oficial para retomar a actividade porque algúns produtores están tendo auténticas dificultades para saír adiante tralos nefastos resultados de 2014. 

Ás perdas económicas súmanse os desprendementos que arruinaron a futura colleita ou mesmo os danos nas bateas e outras infraestruturas necesarias para o traballo diario. Esta situación pon contra as cordas a moitos mexilloeiros que mesmo optaron por poñer á venda tanto as bateas como as embarcacións ante a imposibilidade de seguir facendo rendible a súa actividade.

PLAN DE AXUDAS AOS BATEEIROS

Os bateeiros que pararon a actividade durante máis de catro meses consecutivos ou que sufriron perdas de máis do 35% do volume anual de negocios da empresa no 2013 debido aos peches por biotoxinas poderán acceder ás axudas que convocará a Xunta proximamente. Anunciouno esta tarde ao sector a conselleira do Medio Rural e do Mar, Rosa Quintana, na reunión da Comisión do Mexillón celebrada en Santiago, onde sinalou que o seu departamento destinará a estas subvencións 1,5 millóns de euros.

O obxectivo destas achegas, cofinanciadas polo Fondo Europeo da Pesca nun 75%, é compensar aos produtores de moluscos a parada temporal da actividade no 2013 como consecuencia das biotoxinas mariñas. Poderán acceder a elas os titulares de concesións de establecementos de acuicultura que realicen a súa actividade en Galicia e que cumpran estritamente cos requerimentos da orde, que segundo sinalou a conselleira, está en tramitación e sairá proximamente publicada no Diario Oficial de Galicia.

ABERTO O 44% DOS POLÍGONOS BATEEIROS

Unha boa nova para os mexilloeiros, preocupados polas perdas deste ano. Dende a Xunta agardan que a apertura de novas zonas permita salvar parte da campaña do Nadal. En Galicia hai máis de 3.300 bateas dedicadas ó mexillón.

A remisión da toxina permitiu que se              abrisen dúas terceiras partes dos polígonos bateeiros de Vigo, a metade de Arousa e todos os de Ares e Betanzos. Unha boa nova que celebran os bateeiros, malia que temen que este ano a campaña de Nadal será ata un 50% inferior á do ano pasado, xa que en 2013 vivíronse tres períodos importantes de peche nos polígonos. A conselleira do Mar, Rosa Quintana, lembrou que a toxina foi moi virulenta, e que por iso o proceso de eliminación é mais lento. Con todo, amósase optimista con respecto á campaña de Nadal. O anticiclón e o vento que chega a Galicia estes días favorecen que vaian remitindo a marea vermella.

ROSA QUINTANA POR FIN DI ALGO CON XEITO.

Hai uns dias Covadonga Salgado chamaba escasas as perdas do sector mexiloeiro e pouco menos que tachaba de choróns as xentes do mar. 
Pois ben hoxe a conselleira de Medio Rural e do Mar, Rosa Quintana, ha matizado as declaracións realizadas pola directora do Intecmar, Covadonga Salgado, en sé parlamentaria a semana pasada, ao afirmar que "neste caso si hai perdas de mercancía" polo episodio tóxico que mantén pechados desde fai algo máis dun mes a maior parte dos polígonos bateeiros e varios bancos marisqueros de Galicia.

Díxoo no pleno do Parlamento, en resposta a senllas preguntas dos deputados de AGE Juan Manuel Fajardo e do PP José Manuel Balseiro, que intercambiaron reproches pola súa diferente interpretación da xestión desta marea vermella por parte da Administración autonómica.

COVADONGA SALGADO CHAMA CHORÓNS AS XENTES DO MAR

Covadonga Salgado a directora do Intecmar defende a ultranza a os seus xefes, Maneiro, Quintana e Feijóo e tacha aos mexilloeiros pouco menos de choróns e a prensa de ignorante.

A directora do Instituto Tecnolóxico para ou Control do Medio Mariño (Intecmar), Covadonga Salgado, afirmou que a cuantía das perdas económicas ocasionadas polas suspensións temporais de actividade ás que obrigan os episodios tóxicos "normalmente resulta insignificante ou nula" para o sector mexilloeiro.

"Pola sinxela razón de que a maior parte do molusco que estaba no proceso de comercialización non se perdeu xa que puido ser devolto vivo ao mar", destacou, na comisión de pesca do Parlamento galego, ante senllas preguntas dos deputados do PSdeG e AGE.

Salgado defendeu que no Intecmar "trabállase todos os sábados e festivos seguintes a un día laborable", pero, na réplica, explicou que durante estas xornadas non se realizan muestreos "de forma ordinaria", senón únicamente de xeito "extraordinario".

"Sendo certo que as suspensións temporais das actividades obrigadas polos episodios tóxicos inciden no devir das explotacións, a cuantía das perdas, aínda que nalgúns casos pode chegar a ser elevada, normalmente resulta insignificante ou nula, pola sinxela razón de que a maior parte do molusco que estaba en proceso de comercialización non se perdeu xa que puido ser devolto vivo ao mar", dixo.                                                                                                                            Sobre a prensa dixo que alimentaban sen razón as peticións do sector, cando toda a xente que escribe sobre o tema so traslada a opinión pública o sentir das xentes do mar.

ABREN DOUS POLÍGONOS DE BATEAS UN EN CAMBADOS E OUTRO EN REDONDELA

O Instituto Tecnolóxico para o Control do Medio Mariño (Intecmar) levantou este xoves a prohibición de extraer mexilón nos polígonos A2-E de Cambados, na ría de Arousa, e no A de Redondela, na de Vigo. Así consta no seu último informe de resolucións e cambios do día, das 20.11 horas deste xoves.  En canto a o resto de cultivos, tanto en vivero flotante como infaunales, a situación segue igual. Desta forma, a maior parte das zonas de extracción de molusco bivalvo proseguen pechadas pola afectación da marea vermella. Todas menos cinco: catro en Redondela e a de Cambados e boa parte das áreas de recolección de berberecho, ameixa e outros moluscos que tampouco están operativas.

A CONSELLERÍA DE MAR AUTORIZA CEN CORDAS MÁIS POR BATEA

Nun alarde de xenerosidade a Consellería do Mar autorizou ao sector mexilloneiro a colocación de 100 cordas máis por batea --o tope máximo está fixado en 500-- para evitar que perda a produción debido ao episodio de toxicidade que impide retirar e vender o molusco.

   Desta forma, os profesionais poderán utilizar a técnica coñecida como 'desdobre', ao pasar o bivalvo de maior tamaño a novas cordas para regular o peso co obxectivo de conseguir salvar a colleita. Con iso, o mexillón poderá continuar o seu ciclo de vida.

   Esta medida "excepcional", foi notificada este martes á provincia de Pontevedra e este mesmo mércores á de A Coruña.

   Os 'bateeiros' poderán instalar o extra de cordas nos polígonos situados en zonas afectadas pola marea vermella dende este momento e ata un mes despois da reapertura da área en cuestión.
   Xunto a esta decisión, o departamento de Rosa Quintana estuda outra das peticións trasladadas polo sector na comisión do mexillón celebrada a semana pasada: a creación de subzonas, o que permitiría decretar peches e aperturas en espazos de menor tamaño, nos que a presenza de toxicidade pode existir ou non.

   Este mércores, xornada na que se cumpren xustamente dúas semanas dende que o instituto acordou prohibir a extracción de mexillón da maior parte dos polígonos de bateas, seguen pechados a grande maioría a excepción de tres, situados en Redondela, na ría de Vigo.

O SECTOR MEXILLOEIRO DESCARTA PEDIR INDEMNIZACIÓNS POLO DE AGORA

O sector mexilloeiro non pedirá indemnización algunha á Consellería do Mar por mor da incidencia da actual marea vermella.  Afirmábao a Comisión do Mexillón logo dunha xuntanza na que si pediron outras medidas por si se prolongase este episodio; ó igual que fixeron o sector da depuración, o comercializador e a Asociación Galega de Cocedoiros, en cadansúa reunión celebrada onte con altos cargos da consellería.

Membros da Consellería do Medio Rural e do Mar reuníronse onte con distintos axentes implicados na producción e venda do mexillón en Galicia por mor da incidencia da marea vermella. A primeira delas tiña lugar co sector da depuración e da comercialización na que os profesionais amosaron a súa preocupación pola repercusión deste episodio, que xa os está a deixar sen carga de traballo. Entre outras medidas pediron ós representantes da Xunta un centro de predicción destas incidencias e máis celeridade nas mostraxes sobre o terreo. Á mediodía era a propia Conselleira a que se reunía ca Comisión do Mexillón onde lle aseguraron que polo de agora o sector productor non tiña perdas porque aínda non se constatou mortaldade algunha do producto. 

E é que tralo pesimismo inicial, estes mexilloeiros en particular gañan en optimismo conforme evoluciona a incidencia destas toxinas lipofílicas. Entre as medidas acordadas nesta reunión salienta a posibilidade de aumentar o número de cordas permitidas por batea para o desdobre, naquelas zonas onde se prolongue este peche. Falaron tamén doutros aspectos que lles preocupan como a de axilizar a obtención do resultado das mostraxes; aínda que desde a Administración lles aseguraron de que non era técnicamente posible por mor do método imposto pola Unión Europea. Preguntados por se este episodio podería ser unha escusa para a entrada de máis producto foráneo; os bateeiros aproveitaron para volver a reclamar que as esixencias sanitarias foran as mesmas que para o mexillón autóctono. A día de hoxe a marea vermella parece estabilizada e mesmo está a remitir nalgún punto. Proba diso é a apertura dalgunha zona extractiva nas últimas horas.

A última hora de onte decretouse a apertura de varios polígonos en A Pobra e Cambados. Concretamente A Pobra A e Cambados A2 i E.

AS ANÉMONAS AMEAZAN A O SECTOR MEXILOEIRO DAS RIAS BAIXAS

O sector mexiloeiro galego fixo anda moi preocupado ante a presenza dunha praga de anémonas que está a reducir a produción dos polígonos bateeiros exteriores da ría de Arousa.

A anémona común, tamén chamada ortiguilla, é un pequeno animal primario mariño, con células urticarias que emprega para cazar os tentáculos que posúe na parte superior. É de forma cilíndrica, ten uns 6 cm de alto e 3 de ancho. Vive fixada pola base a rochas submarinas e, curiosamente, é todo un manxar.

Este efecto urticante provoca que o mexillón se solte das cordas.

Os expertos coinciden en sinalar ás altas temperaturas alcanzadas polas augas da ría este verán como unha das causas desta inusual proliferación destas anémonas.

O Instituto Tecnolóxico para o Control do Medio Mariño, dependente da Consellería do Mar, investiga esta praga para poder ofrecer unha solución ao sector.

A NOSA BATEA EN INFORME SEMANAL

A nosa batea, é a batea máis famosa do mundo, e digo nosa porque a pagamos todos.

Ás 21:50 do sábado o programa Informe Semanal da Primeira de TVE emitiu unha reportaxe sobre o impacto turístico da Vuelta Ciclista a España nas Rías Baixas.

O impacto nas arcas dalgunhas empresas non o investigaron. O sector do metacrilato, está a salvo.

Con motivo do final da Vuelta, vimos unha recreación da famosa saída desta edición desde a batea de Vilanova de Arousa. Para que non falta nin un só detalle, a dirección do programa elixiu ao equipo nº1 do ránking nacional amateur ciclista, o GD Froiz recrearon a saída da batea que asombrou ao mundo e deu a coñecer mundialmente para que serve unha batea.

Ver programa

XA TEMOS O PRIMEIRO ACTO DENDE A BATEA DE CHICHO

 A batea de "Chicho" xa ten o seu primeiro uso, tralo de ser base da saída da etapa prólogo de "la Vuelta".
Así o desvelou hoxe o alcalde, Gonzalo Durán,  que o venres día 13 utilizarase para celebrar unha festa «dance», que inclúe a actuación de dj´s e un espectáculo de luz. Será pola noite e a batea moverase do peirao, onde aínda está a día de hoxe .

 O público poderá bailar e seguir as actuacións desde terra, de forma gratuíta. Coincidindo coa marea alta desa data pois senón non se vería nada.
Ese será o acto co que arrancarán as festas patronais na Honra de San Cibrán.

PRÓXIMAMENTE COMENZA "A BATEA SALNÉS TOUR"

O alcalde de Vilanova, Gonzalo Durán, a partir de agora "cabesiñas" (por aquelo de "a cabesa non para") manifestou estes dias en relación á batea que "a xente estanos pedindo que non nos desfagamos dela, pero é algo que hai que falar con Portos de Galicia, co Consello Regulador do Mexillón, coa empresa organizadora da Volta... O que está claro é que non temos ningunha présa por desfacela".  De feito, Durán asegura que lle gustaría tela polo menos ata as festas patronales da Pastoriza, que son entre mediados e finais de setembro. Finalmente, Durán afirma que outros alcaldes suscitáronlle a posibilidade de levar a batea a outros portos como imán publicitario.  Polo tanto non sería nada raro que a máis famosa das bateas do mundo andivera en procesión polos povos e vilas da comarca.  Como temos poucas festas na comarca parece ser que G. Durán vai sacar unha da chistera. O nome aínda non está definido pero podería ser algo tan simple como "Festa da Batea". A batea polas suas dimensións tería que ir por mar, polo que os concellos de interior terían que conformarse con non facer a festa ou facela con unha réplica de menor tamaño, que supoñemos faría a mesma empresa que arranxou a orixinal. Un problema que ten é como vai convencer a J.J., o seu irmán,  pois os rumores apuntan a un distanciamento bastante grande, do bo que sería darlle esa utilidade a batea. Co Consello Regulador do Mexilón teno máis sinxelo xa que non van desbotar a posibilidade de ter promoción gratuita durante máis tempo. E coa xente de "La Vuelta" poden contar porque para o ano que ven xa teñen solicitudes de paso ou saída de etapa de algún Concello arousán, que podería voltar a usar a batea.  Xa sabedes pronto teremos a batea en procesión por Sanxenxo, O Grove, Cambados, A Illa, Vilanova, Vilagarcía e cecáis Catoira. A orde está supeditada a os proxectos que presenten cada un dos Concellos sinalados. A batea está sendo unha das grandes sensacións da Volta. O seu propietario, Manuel Francisco Melón Lorenzo, declarou  que "non estaría mal que estivese aí un pouco tempo máis", e que el non ten presa por recuperala, pois o acordo entre os organizadores da Volta e o Consello Regulador Mexillón de Galicia, que xestionou a sua cesión, establece a sustitución desa batea por outra, para que Melón siga traballando. Francisco Melón di que está disposto a escoitar as propostas de futuro do Concello de Vilanova cara á batea. Ata non descartaría unha cesión definitiva, aínda que a ve difícil. "O problema non son os temporais, porque hai bateas fondeadas en lugares moito máis perigosos, senón que aí onde está pode estorbar á actividade portuaria".