AVES PETRÓLEADAS E GALLETAS DE FUEL NAS RÍAS GALEGAS

A asociación Ecoloxistas en Acción denunciou este venres a aparición de "aves petróleadas e galletas de fuel" na costa galega no que parece unha vertedura da sentina dalgún buque mercante. Nos últimos días apareceron varias aves con feridas e mesmo mortas, envolvidas nunha substancia escura e oleosa, o que suscitou alarma entre organizacións protectoras do medio ambiente. Segundo Ecoloxistas en Acción, os primeiros indicios atopáronse na praia da Lanzada, e posteriormente detectáronse aves con síntomas de estar en contacto con algún derivado do petróleo en zonas que van da ría de Vigo ata a comarca da Costa da Morte. A citada organización considera que a vertedura contaminante podería provir dalgún " sentinazo" ou baleirado de sentinas dalgún buque mercante en tránsito polas rías. Advirte de que ese tipo de "práctica ilegal repítese con asiduidade" e denuncia que "o Goberno galego mira para outro lado nun irresponsable deixamento de funcións". Ecoloxistas en Acción teme que algunhas verteduras poden conter metais pesados e bacterias susceptibles de " desestibilizar o ecosistema e de producir un dano irreparable á biodiversidade das rías" galegas. Varias asociacións ecoloxistas han organizado este #fin# de semana convocatorias para inspeccionar praias, recoller aves afectadas pola contaminación e avaliar o impacto ambiental.

OS GARDACOSTAS REQUISAN 1.600 ÚTILES E MEDIA TONELADA DE MARISCO E PEIXE EN CONTROIS REALIZADOS NA COSTA GALEGA

Axentes do Servizo de Gardacostas de Galicia, dependente da Consellería do Mar, requisaron preto de 1.600 aparellos de pesca, case todo nasas, 3.800 metros de artes de enmalle, unha embarcación e preto de 580 quilos de marisco e peixe en distintos controis realizados nos últimos días polo litoral galego.

Na ría de Arousa, os axentes de Gardacostas incautaron un total de 706 nasas, unha embarcación e 200 metros de aparellos de enmalle e comisaron 173 quilos de especies. O operativo máis destacado resultou co comiso de 469 nasas, 68 quilos de polbo, 20 de congro e dous de nécora.

A ría de Vigo tamén foi escenario de diversos controis contra o furtivismo. Así, nesta ría comisáronse máis de 56 quilos de especies e incautáronse 50 nasas e 3.400 metros de útiles de enmalle. A actuación máis importante desenvolveuse en Toralla e nela comisáronse máis de seis quilos de polbo, máis de tres de martiños e dous de nécora e incautáronse 200 metros de aparellos de enmalle e as 50 nasas.

Na ría de Pontevedra, os inspectores da Xunta tamén realizaron varios controis contra a actividade ilegal. Neles aprehendéronse de 104 quilos de diversas especies e de 298 nasas. A operación máis destacada resultou coa aprehesión de 96 nasas sen identificar e os case 29 quilos de polbo e máis de dous de nécora que contiñan.

Nos controis realizados na ría de Muros e Noia, os axentes requisaron 146 nasas, 150 metros de aparellos de enmalle e máis 33 quilos de especies. O control máis relevante foi na zona de Cabeiro, onde se requisaron 87 nasas, cinco cacharros para polbo, 14 quilos deste cefalópodo e máis dun quilo de nécora.

Na ría de Ares, os gardacostas fixéronse con máis de 316 nasas sen identificación e máis de 104 quilos de diversas especies. A operación máis importante foi nos arredores das Illas da Miranda e alí os axentes requisaron 186 nasas, máis de 80 quilos de polbo e case catro de nécora.

Ademais, na ría de Camariñas, os gardacostas requisaron 80 nasas por estar sen identificar, 50 metros de aparellos de enmalle, 16 quilos de polbo, cinco de nécora e dous de camarón e na de Corcubión 45 quilos de longueirón. Os axentes tamén realizaron un control na lonxa da Coruña, onde comisaron 12 quilos de congro e 17 de ollomol; en Ferrol, onde requisaron tres palangrillos e en Carnota onde se fixeron con máis de dous quilos de polbo.

NOVOS OPERATIVOS CONTRA O FURTIVISMO

Axentes do Servizo de Gardacostas de Galicia, dependente da Consellería do Mar, requisaron nos últimos días máis de 410 quilos de peixe e marisco e 416 aparellos de pesca en diversos operativos contra o furtivismo realizados nos últimos días. Tamén se aprehenderon de 1.050 metros de aparellos de enmalle.

A ría de Muros e Noia foi escenario de varios operativos que se saldaron co comiso de máis de 130 quilos de diversas especies e coa incautación de 186 útiles. O control máis destacado foi na zona de Basoñas, en Porto do Son, e nel os axentes aprehendéronse de máis de 136 cacharros de polbo e os 23 quilos de cefalópodo que había no seu interior.

Na ría de Arousa os gardacostas requisaron 31 útiles, máis de 43 quilos de especies e 450 metros de artes de enmalle. A actuación máis relevante realizada nesta ría tivo lugar en Vilanova, onde os axentes incautaron as artes de enmalle e 14 quilos de peixe e marisco, a maioría choco de talla antirregulamentaria.

En Pontevedra os inspectores tamén fixeron varios operativos contra a pesca ilegal que se saldaron co comiso de 81 aparellos de pesca e máis de 18 quilos de diversas especies. O máis destacado levouse a cabo en Sanxenxo e resultou co comiso de 81 nasas que carecían de identificación e de 7 quilos de polbo e máis de 2 quilos de nécora.

Na ría de Vigo os gardacostas tamén realizaron diferentes operacións que se saldaron co comiso de máis de 9 quilos de diferentes especies e coa incautación de 50 aparellos e 100 metros de artes de enmalle. Un dos operativos fíxose nas Cíes e resultou coa aprehensión de 50 nasas de polbo e 4 quilos desta especie.

A Costa da Morte tamén foi escenario de diversos operativos onde os axentes se aprehenderon de máis de 97 quilos de diversas especies, de 68 aparellos e 500 metros de redes de enmalle. A operación máis relevante foi nas zonas de Fisterra, Corcubión e Sardiñeiro e alí os axentes comisaron 53 aparellos, a maioría nasas, os 500 metros de artes de enmalle e máis de 65 quilos de especies, a maioría nécora.

Tamén se desenvolveu un operativo por terra en Mondoñedo e nel os axentes de Gardacostas xunto cos da Garda Civil de Tráfico de Lugo e os do Seprona de Xove, fixéronse con 69 quilos de ourizo e case 37 de linguado. Ademais realizouse outra operación en Ares na que se comisaron case 10 quilos de vieira.

VARIOS OPERATIVOS CONTRA O FURTIVISMO NAS RÍAS GALEGAS

Axentes do Servizo de Gardacostas de Galicia, dependente da Consellería do Mar, requisaron máis de 720 quilos de peixe e marisco e 590 aparellos de pesca en diferentes operativos realizados na última semana polo litoral galego. Os inspectores da Xunta tamén se fixeron con 100 metros de artes de enmalle.

A ría de Arousa foi escenario de diversas actuacións de gardacostas nas que os axentes comisaron máis de 149 quilos de diversas especies e 220 aparellos de pesca. O operativo máis destacado tivo lugar nas zonas do Chazo e a Illa de Arousa, onde os axentes se fixeron con 130 nasas e coas especies que había no seu interior, máis de 18 quilos de polbo, preto de 10 quilos de conguito e máis de 5 quilos de nécora.

Na ría de Vigo tamén se realizaron operativos contra a pesca ilegal que se saldaron co comiso de 33 quilos de especies e coa incautación de 100 metros de artes de enmalle. A actuación máis destacada desenvolveuse na zona das Travesas, onde os inspectores se fixeron con 12 quilos de carioca.

A ría de Muros e Noia tamén foi escenario de diversas actuacións contra o furtivismo nas que os axentes se fixeron con máis de 310 quilos de peixe e marisco e con 190 aparellos de pesca. Na actuación máis destacada os inspectores incautaron os 190 aparellos, a maioría cacharros, e comisaron máis de 37 quilos de especies, a maioría polbo.

Ademais na Costa da Morte os axentes realizaron diversos operativos contra a pesca ilegal. Neles fixéronse con preto de 68 quilos de especies e 82 aparellos de pesca. A actuación máis relevante foi en Camariñas, onde se incautaron de 75 nasas de ferro.

Na Coruña os gardacostas tamén fixeron operacións contra a pesca ilegal que resultaron co comiso de máis de 124 quilos de especies e 86 aparellos. Na máis importante os inspectores comisaron 74 quilos de polbo e marisco e 53 artes de pesca, na súa maioría nasas de ferro. En Ferrol os axentes, en colaboración cos da Policía Autonómica, tamén estiveron vixiantes contra os ilegais. Alí desenvolveron un par de operativos no que comisaron máis de 35 quilos de ameixa babosa e 12 sachos.

A TOXINA PECHA A METADE DE POLÍGONOS DE MEXILÓN

Pechada a metade dos polígonos de bateas en Galicia pola toxina

O peche é cautelar, aínda que podería prolongarse de dúas a tres semanas

Contra as 11 e media da mañá de onte o INTECMAR abría dúas das zonas pechadas no Grove. Unha das que abriu para permitir a extracción de mexillón está próxima ao Porto Meloxo. Ata o mediodía todo o mexillón que se descargou neste porto procedía doutras zonas da ría de Arousa.

Non son  normales os peches nesta época do ano ... "pero xa se están acostumando", comentan os bateeiros con resignación.

O peche dos polígonos é cautelar, pero aínda podería prolongarse de dúas a tres semanas, sobre todo na ría de Pontevedra. Os bateeiros agardan que pase rápido e non afecta a campaña do verán e a conserveira que é cando fai máis dano económico.

Nesta época inda non fai moito dano, o problema é nas campañas importantes. "Están facendo análises, a ver como vai isto" pensan en voz alta os bateeiros.

Segundo o Instituto tecnolóxico para o Control do Medio Mariño, esta toxina é bastante persistente e hai anos que se prolongou un ou dous meses, pero tamén pode desaparecer en dúas semanas. INTECMAR fai dúas medicións de toxina ao día e facilita a información na súa páxina web.

GARDACOSTAS COMISA 1.840 QUILOS DE MARISCO E PEIXE

Axentes do Servizo de Gardacostas de Galicia, dependente da Consellería do Mar, requisaron máis de 1.840 quilos de peixe e marisco e 237 aparellos de pesca en diferentes operativos realizados polo litoral galego nos últimos días. Os inspectores da Xunta tamén se fixeron con 3.950 metros de artes de enmalle.

Na ría de Muros e Noia os gardacostas comisaron 1.773 quilos de diversas especies e incautaron 3.600 metros de artes de enmalle e 69 artes de pesca. O operativo máis destacado tivo lugar na reserva mariña dos Miñarzos, onde os inspectores da Xunta se fixeron con 1.755 quilos de mexilla.

Na ría de Arousa realizáronse varios operativos que deron como resultado o comiso de máis de 51 quilos de diversas especies e a incautación de 140 aparellos de pesca e 200 metros de artes de enmalle. A actuación máis relevante foi nun control rexistrado na zona de Sálvora e Portomouro, onde se incautaron 111 nasas de polbo, 22 de centola e 7 de choco e as especies que contiñan, 15 quilos de polbo, 6 de centola e 10 de choco. Os axentes requisaron este material porque se atopaba todo sen identificar.

Na ría de Vigo tamén se rexistraron diversas actuacións deste servizo. Nelas, os inspectores comisaron 15 quilos de peixe e marisco, 150 metros de artes de enmalle e 11 útiles de pesca. O operativo máis destacable desenvolveuse no peirao de Canido, onde os axentes se fixeron con 7 nasas de ferro e cos 8 quilos de centola e 2 de nécora que contiñan.

Ademais nun control realizado na zona do Couto, na ría de Ferrol, os axentes comisaron preto de 3 quilos de ameixa babosa. Por outra banda, na ría de Ares-Betanzos os inspectores tamén se fixeron con 17 nasas de nécora por careceren de identificación.

O CAMBADÉS MIGUEL MOSTEIRO COCIÑEIRO NA FESTA DO PERCEBE DE AGUIÑO

A lonxa de Aguiño en Ribeira, acolleu hoxe día 26 de Xullo, unha nova edición da Festa do Percebe, onde todos os asistentes puderon degustar este exquisito crustáceo das costas galegas, a prezos inmellorables e preparados polas i expertas mans do cociñeiro cambadés Miguel Mosteiro. Dende primeiras horas da mañá os organizadores da festa, traballaron para elaborar os percebes que se  comezaron a degustar a partir das 12.00 horas. A porción de percebes vendeuse a prezos populares na carpa que se instalou para a ocasión na lonxa. Tamén se puderon adquirir empanadas con recheos varios, pan de millo, viños e bebidas. Un grupo musical amenizou esta xornada gastronómica.

Historia:
Dende o ano 1997, a localidade de Aguiño exalta o produto delicatessen das rías galegas e nela homenaxéase ademais os percebeiros que arriscan a súa vida para levar á mesa tan prezado manxar.

A MAREA VERMELLA CAUSA DANOS ECONÓMICOS E DESABASTECEMENTO

Existe unha enorme reocupación entre os bateeiros e mariscadores galegos pola marea vermella, que xa se prolonga varias semanas e está a casuar grandes perdas para o sector. 
Pois nestes intres está pechada a totalidade de polígonos de bateas de mexillón. 50 parques distribuídos polas rías galegas dos que non se pode extraer nada de molusco debido a presenza de toxina diarreica na auga.

Pero este episodio está afectando tamén de xeito notable a boa parte dos bancos marisqueiros. De feito, nalgúnsbancos marisqueiros levan case unha semana sen poder recoller ameixa nin berberecho.
A intensidade desta marea súmase as moitas sufridas este ano e está provocando serios problemas de abastecemento de molusco galego nos mercados.

A MAREA VERMELLA VOLVE A ATACAR

A marea vermella volve pechar bateas de mexillón e praias de marisco.
As últimas análises deixaron fóra de servizo cinco polígonos de bateas e dúas áreas de ameixa e de berberecho.

A toxina lipofílica ou diarreica aféctalles especialmente ás bateas do mexillón. Na ría de Vigo, pechou o polígono Cangas E. Na ría de Arousa, obrigou a pechar tres polígonos: un en Cambados, un fronte ó Grove e outro fronte á Pobra do Caramiñal, onde si puido entrar en servizo outro que estaba pechado.
Con esta situación, só quedan operativas menos do 20 por cento das bateas de mexillón de toda Galicia.
Ademais, tamén quedaron clausuradas provisionalmente dúas áreas de ostra na ría de Arousa.

No caso da ameixa e do berberecho, pechou unha zona na ría de Pontevedra e houbo un cambio na de Muros e Noia: abriu unha área de marisqueo e pechou outra.

A MAREA VERMELLA OBRIGA A CERRAR NOVOS POLÍGONOS DE BATEAS

O Instituto Tecnolóxico para ou Control do Medio Mariño (Intecmar) decretou o peche en cinco polígonos de bateas da ría de Arousapola presenza de biotoxinas, segundo recolle o informe do organismo correspondente a este venres.

En concreto, esta xornada foron pechados os polígonos de RibeiraB, A Pobra H, Cambados A1 e Cambados B e Grove C1. Esta mesma semana, dende o luns, fóronse sucedendo as prohibicións á extracción noutros seis polígonos da mesma ría, así como noutro da de Ares-Betanzos e en tres de Vigo.
Esta nova afectación da coñecida como 'marea vermella' prodúcese despois de que os viveiros flotantes de cultivo de mexillón da comunidade galega permanecesen sen actividade durante varias semanas, coincidindo coa floración da primavera.
Con todo, a maior parte dos polígonos aínda permanecen abertos na ría de Arousa, ben ao contrario do que acontece en Pontevedra(onde todos están pechados) e en Vigo (a maioría teñen o veto á extracción).

A MAREA VERMELLA VAI REMITINDO MELLORANDO A SITUACIÓN CARA O VERÁN

A marea vermella vai remitindo nas rías e xa se pode traballar en máis da metade dos polígonos de mexillón. A situación mellorou principalmente na rías de Vigo e da Arousa. Unha mellora importante, porque en breve comeza o período de máis actividade nos cocedoiros de mexillón.
28 dos 50 polígonos de cultivo de mexillón están abertos para o marisqueo. As últimas 9 zonas aptas para o consumo abrían esta fin de semana na ría da Arousa e na de Vigo, depois de permaneceren pechadas desde o pasado mes de abril. 

Na Arousa, a principal zona produtora, so están pechados os catro poligonos do Grove e dous de Cambados, aínda que as previsións do sector é que vaian abrindo nas próximas horas. 
No resto da ría trabállase xa con normalidade, a poucas semanas de que comece o período de maior actividade do ano.
A peor sitación está na ría de Muros e Noia e na de Pontevedra, onde todos os polígonos permanecen pechados desde comezos de maio.

REABREN VARIOS POLÍGONOS BATEEIROS

Hoxe abriron 4 polígonos de mexillón nas rías de Arousa, Vigo, e Ares tras remitir a toxina, polo que xa hai 8 operativos

Despois de que remitise a toxina. En concreto, trátase dos polígonos Sada 1 (na ría de Ares-Betanzos); A Pobra E (na ría de Arousa); así como Redondela D e E (na ría de Vigo). Todos eles se encontraban afectados pola toxina diarreica, a lipofílica. Estas aperturas decretadas nas últimas horas polo Instituto Tecnolóxico para o Control do Medio Mariño de Galicia (Intecmar) únense as que houbo nos últimos días, de forma que xa son oito os polígonos que se encontran operativos na actualidade na Comunidade, mentres a gran maioría continúan pechados.

A TOXINA ASP CASE DESAPARECE PERO AUMENTA A LIPOFÍLICA

A toxina amnésica ou ASP está a punto de desaparecer das bateas galegas. Segundo as análises da Xunta, só lles afecta a sete polígonos, case todos na ría de Pontevedra.
Pero moitas bateas aínda seguen pechadas pola presenza doutra toxina: a lipofílica ou diarreica.
A ría de Vigo, que foi das máis afectadas pola toxina amnésica, quedou libre desa marea vermella. As análises permitiron abrir os catro polígonos de Redondela que aínda estaban pechados. Pero máis da metade da ría permanece pechada agora por outra

toxina: a lipofílica.
Esa toxina lipofílica, que vai a máis, tamén obriga a pechar toda a ría de Pontevedra, a de Muros e Noia e unha gran parte da ría de Arousa. De feito, nas últimas horas pecharon outros tres polígonos arousáns. Só hai algunhas bateas operativas na Pobra, Vilagarcía, Cambados e O Grove.
A Xunta recorda que só o marisco que chega ao mercado con etiqueta e polas canles legais está totalmente garantido para o consumo.

AVANZA SEN TREGUA A MAREA VERMELLA

A presenza de biotoxinas obrigou á Consellería do Mar a decretar o peche administrativo de tres novos polígonos de mexilón este mércores. Trátase dos viveros situados na Pobra, na ría de Arousa, G, B e C. Esta zona suma así tres novos polígonos pechados, despois de que este martes o Intecmar (Instituto Tecnolóxico para o Control do Medio Mariño) decidise prohibir a extracción na Pobra D e E, ademais de en Vilagarcía (B1 e B2), Cambados D e Grove A, tamén en Arousa. Xa na ría de Vigo, a pasada xornada pecháronse viveros en Cangas (D) e Vigo (A), de modo que, en pleno agosto, os productores de mejillón só poden recolectar molusco en 14 dos 51 viveros existentes. 

Ademais, a comúnmente denominada como marea vermella afecta a polígonos de ostra en Cambados e O Grove, tamén desde este martes 12 de agosto, segundo consta no último informe de estado de zonas do Intecmar. Así mesmo, este xoves determinouse a prohibición de extracción de marisco infaunal por toxinas lipofílicas na zona II de Pontevedra, excepto navalla e longueirón, que si se poden recoller.

PROSEGUE A LOITA CONTRA O FURTIVISMO

Axentes do Servizo de Gardacostas de Galicia, dependente da Consellería do Medio Rural e do Mar, comisaron máis de 11.400 quilos de peixe e marisco e incautaron 333 útiles de pesca e 4.100 metros de artes de enmalle en distintos operativos realizados polo litoral galego nos últimos días.

A maioría do peixe comisado pertence a un operativo de control de comercialización por estrada realizado o martes en Mondoñedo, no que axentes do servizo de Gardacostas, en colaboración con axentes do Seprona de Xove e da Garda Civil de Tráfico de Burela, requisaron 9.170 quilos de xarda. Ademais en Viveiro os axentes comisaron 10,5 quilos de marisco, a maioría percebe e tres artes.

A ría de Arousa tamén foi escenario de varios operativos, que se saldaron co comiso de 920 quilos de peixe e marisco e coa incautación de 228 artes e 1.700 metros de artes de enmalle. A actuación máis significativa foi a que se realizou no porto de Ribeira a semana pasada onde os gardacostas requisaron 229 quilos de distintas especies, a maioría centola. O marisco estaba fondeado nos pantaláns do porto e dentro de seis viveiros e sacos de rede, tamén incautados por estar sen identificar.

A maiores, nas actuacións realizadas na área da ría de Pontevedra os axentes requisaron 600 quilos de peixe e marisco, 67 útiles e 1.425 metros de artes de enmalle. A maioría de peixe comisado, 350 quilos, é xarda, requisada nunha inspección en Marín. Ademais as inspeccións realizadasna ría de Vigo saldáronse co comiso de máis de 31 quilos, tres aparellos e 1.000 metros de artes de enmalle.

Tamén houbo decomisos nas rías da Coruña, Ferrol e Muros-Noia cun total de 700 quilos de peixe e marisco.

AS RÍAS GALEGAS SUSPENDEN EN MATERIA MEDIOAMBIENTAL

Ai uns dia publicábamos que técnicos da Unión Europea ían visitar as rías galegas para evaluar o seu estado ambiental. Logo da visita as conclusións sacadas dictaminan un aprobado moi baixo.
Aínda que despois da súa visita a Vigo a delegación da UE transmitiu unha imaxe de melloría ambiental da situación das rías, e mesmo destacou "os esforzos" da Xunta de Galicia en materia de saneamento, despois de pasar por Ferrol e A Coruña a mensaxe matizouse bastante. Os delegados europeos recoñecen esforzos pero detectan atrasos no cumprimento de normas e moitos prexuízos. E quédanlles moitos interrogantes sen resposta.

A Comisión de Peticións do Parlamento Europeo visitou esta semana Vigo, Ferrol e O Burgo para analizar o once denuncias presentadas por diferentes asociacións cidadás sobre os altos niveis de contaminación que sofren as rías galegas, e que poderían vulnerar as leis europeas de protección ambiental.

O Presidente da delegación, Philippe Boulland, en nome de todos os eurodeputados, realizou a seguinte declaración ante os medios de comunicación: "A delegación de parlamentarios europeos da Comisión de Peticións reuniuse en Galicia para responder as peticións de numerosos cidadáns. Constatou a lexitimidade das peticións e o atraso das autoridades na aplicación de directivas europeas en materia de medio ambiente, e os numerosos prexuízos ocasionados".

Constatou ademais os esforzos das autoridades para limitar os efectos nocivos. Aínda que "algunhas respostas son satisfactorias, quedan moitos interrogantes por aclarar e esperamos poder contar coas autoridades para que acheguen respostas".

A delegación emitirá o seu informe antes do verán. Este informe será debatido en presenza dos interesados. Todas as cuestións sen resposta serán abordadas e esixirase á Comisión Europea unha resposta adecuada".