A TOXINA MERMA DE MARISCO OS MERCADOS

A marea vermella obriga a prohibir o marisqueo de ameixa e de berberecho noutras tres zonas da costa galega: toda a ría do Burgo (na Coruña), a única zona que estaba aberta na ría de Muros e Noia, e unha área da ría de Pontevedra.
Con estas resolucións, só quedan aptas para o marisqueo as Rías Altas (cunha produción pequena) e algunhas áreas das rías de Arousa, Pontevedra e Vigo. De feito, nas Rías Baixas, está prohibido que os mariscadores e mariscadoras apañen berberecho ou ameixa en máis do 50% das praias.

No caso das bateas do mexillón, Galicia vive o segundo día con toda a produción paralizada. Non hai ningunha batea operativa en Galicia.
A Xunta recorda que a marea vermella é froito dunha fermentación natural de algas. Ademais insiste en que só o marisco etiquetado legalmente cumpre as máximas garantías.

A MAREA VERMELLA VOLVE A ATACAR

A marea vermella volve pechar bateas de mexillón e praias de marisco.
As últimas análises deixaron fóra de servizo cinco polígonos de bateas e dúas áreas de ameixa e de berberecho.

A toxina lipofílica ou diarreica aféctalles especialmente ás bateas do mexillón. Na ría de Vigo, pechou o polígono Cangas E. Na ría de Arousa, obrigou a pechar tres polígonos: un en Cambados, un fronte ó Grove e outro fronte á Pobra do Caramiñal, onde si puido entrar en servizo outro que estaba pechado.
Con esta situación, só quedan operativas menos do 20 por cento das bateas de mexillón de toda Galicia.
Ademais, tamén quedaron clausuradas provisionalmente dúas áreas de ostra na ría de Arousa.

No caso da ameixa e do berberecho, pechou unha zona na ría de Pontevedra e houbo un cambio na de Muros e Noia: abriu unha área de marisqueo e pechou outra.

A MAREA VERMELLA OBRIGA A CERRAR NOVOS POLÍGONOS DE BATEAS

O Instituto Tecnolóxico para ou Control do Medio Mariño (Intecmar) decretou o peche en cinco polígonos de bateas da ría de Arousapola presenza de biotoxinas, segundo recolle o informe do organismo correspondente a este venres.

En concreto, esta xornada foron pechados os polígonos de RibeiraB, A Pobra H, Cambados A1 e Cambados B e Grove C1. Esta mesma semana, dende o luns, fóronse sucedendo as prohibicións á extracción noutros seis polígonos da mesma ría, así como noutro da de Ares-Betanzos e en tres de Vigo.
Esta nova afectación da coñecida como 'marea vermella' prodúcese despois de que os viveiros flotantes de cultivo de mexillón da comunidade galega permanecesen sen actividade durante varias semanas, coincidindo coa floración da primavera.
Con todo, a maior parte dos polígonos aínda permanecen abertos na ría de Arousa, ben ao contrario do que acontece en Pontevedra(onde todos están pechados) e en Vigo (a maioría teñen o veto á extracción).

A TOXINA AVANZA CERRANDO MÁIS POLÍGONOS DE BATEAS

A marea vermella non para de crecer. A toxina obriga a pechar cinco polígonos de bateas, catro na ría de Arousa e un na ría de Muros e Noia.
Este episodio tóxico, que sigue a aumentar, mantén pechado máis do 80 por cento das bateas galegas.
As últimas análises detectaron niveis de toxina lipofílica moi elevados nun polígono de Cambados, en catro da Pobra e nun de Muros. Deste xeito, o número de polígonos do mexillón pechados ascende a 44, case o 82 por cento dos que hai nas costas galegas.
Só se pode extraer mexillón nalgunhas zonas de Redondela, Cangas, O Grove, Cambados, Vilagarcía, A Pobra e Sada.

AUMENTA A MAREA VERMELLA NAS RÍAS GALEGAS

Aumenta a marea vermella nas rías galegas, pero agora pola toxina lipofílica.
As análises detectaron niveis moi elevados en bateas da ría de Vigo, que xa estaban pechadas por mor doutra toxina, a amnésica ou ASP.
A toxina amnésica, que apareceu hai case un mes, baixou algo nas últimas semanas, pero aínda está en niveis elevados, o que obriga a ter pechada gran parte das bateas do mexillón.
Pero agora, tamén se detectaron outras toxinas diferentes. Os biólogos atoparon a lipofílica na zona de Cambados (na ría de Arousa) e tamén en Cangas e en Teis (na ría de Vigo).

Deste xeito, entre as tres toxinas manteñen pechados case todos os polígonos de mexillón de Galicia. Só está permitida a extracción en zonas de Ribeira, A Pobra, Vilagarcía, Cambados e O Grove (na ría de Arousa) e Redondela (na de Vigo).
As toxinas son froito dunha fermentación natural de algas microscópicas e os prognósticos de vento do sur poderían aumentar o proceso nos próximos días. A Xunta recorda que todo o marisco que chega aos mercados con etiqueta e polas canles legais é totalmente apto para o consumo.

ANULADO O MÉTODO GALEGO PARA DETECTAR TOXINAS DO MEXILLÓN

A Xunta terá que deixar definitivamente de usar ratos de laboratorio para detectar as toxinas do mexillón. A xustiza europea desestimou o recurso que presentara España e obriga todos os centros de referencia a usar unha análise química.

Ata o ano 2011, o único método oficial para detectar as toxinas era inxectarlles aos ratos mostras do mexillón. Se o rato morría en 24 horas, pechábanse as bateas.

Pero a Comisión Europea, para evitar os malos tratos aos animais, acordou eliminar ese sistema e 
establecer un método químico. A Xunta, co centro tecnolóxico de Vilaxoán, presentou unha queixa, xa que considera que o sistema químico non é tan fiable, é máis caro e fai que unha batea estea pechada máis tempo.

Pero o Tribunal de Xustiza da Unión Europea di que a Xunta non ten razón e que a Comisión Europea actuou correctamente. Conclúe así que o único método válido é o químico e anula o uso dos ratos.

A TOXINA PARECE QUE VAI REMITINDO NAS RIAS GALEGAS

O episodio de biotoxina que lle afecta aos polígonos mexilloeiros das rías galegas podería estar remitindo. As análises do Instituto Tecnolóxico do Mar detectaron nas últimas horas unha diminución no número de células tóxicas. Na ría de Arousa xa permitiron a reapertura dun dos polígonos afectados.

Na ría de Arousa, reabriu un polígono de bateas, concretamente na zona de Vilagarcía.
Nas próximas horas podería suceder o mesmo con outros polígonos desa mesma ría e tamén da de Vigo. Os técnicos son optimistas, porque o número de células tóxicas diminuiu moito nas últimas horas, favorecido pola entrada de auga fría.

Todo o sector marisqueiro está afectado polo episodio. Non só porque hai pechadas bateas de ostras e tamén zonas extractivas de ameixa e navalla. Se non tamén porque o episodio de marea vermella está provocando unha caída de prezos.

Mentres hai desconcerto no sector despois de que Francia decretase unha alerta sanitaria tras detectar 60 casos de intoxicación alimentaria que atribúen a unha partida de mexillón galego.

A Xunta enviou os informes de trazabilidade das partidas de moluscos exportados, mentres as asociacións de mexilloeiros apuntan a que non é a primeira vez que Francia decreta unha alerta que despois non se confirma. Ao tempo, defenden o sistema de control dos moluscos galegos coma un dos mellores do mundo.

CERRAN MÁIS POLÍGONOS BATEEIROS

Máis do  30% dos polígonos mexilloneiros galegos permanece pechado por toxina. Malia todo, os produtores aseguran que hai mexillón abondo con todas as garantías sanitarias para abastecer os mercados.
18 polígonos permanecen pechados pola toxina, que afecta principalmente as rías de Ares-Betanzos, Corme-Laxe, Pontevedra, Baiona e parte de Vigo. Pero na Arousa, Muros e Noia e a outra parte de Vigo seguen traballando con normalidade. Iso si, cun ollo posto no avance da toxina.

Nas últimas horas pecháronse sete novos polígonos bateeiros na ría da Arousa pola presenza de toxinas lipofílicas.
Están situados en Ribeira, A Pobra do Caramiñal e Cambados.
O peche chega no peor momento posible, en plena campaña do mexillón para conserveiras e cocedoiros.

E a peor época da toxina aínda está por chegar, en setembro. 

PECHAN MÁIS POLÍGONOS DE BATEAS

Novamente a toxina diarreica aparece nas bateas galegas. Os útlimos polígonos que se viron obrigados a pechar foron os da ría de Muros e Noia, e nove da Arousa. Con todo, desde o sector están esperanzados en que o parón da extracción sexa como moito de tres meses, algo que poderían asumir, xa que este non é unha época de moita produción. Non queren pensar nunha situación como a do ano pasado.

Calma á espera dunhas análises favorables. Así se atopan os bateeiros da ría de Muros e Noia. Son dos máis afectados pola presenza da toxina lipolífica, máis coñecida como diarreica, que volve estar presente en boa parte dos polígonos mexilloeiros galegos. Eles teñen os catro pechados desde a fin de semana.
"Está dando uns quebradeios grandes de cabeza, pero é algo que non podemos controlar. Estamos un pouco impotentes. Non temos moito que facer".
Non son os únicos. A toxina tamén prohíbe a extracción en nove polígonos da ría da Arousa, en Cambados, O Grove e Ribeira. Tamén o de Baiona permanece pechado; así coma os de Cangas, Bueu e Portonovo.
Con todo, a estas alturas de campaña, a situación non é moi preocupante, xa que este non é momento de moita produción.
"De momento si é que o peche é por un mes ou dous, levaríase ben. Se despois empeza a vir o verán que é cando máis se vende mexillón, complícasenos a vida moitísimo"

A única preocupación é que se repita a situación do ano pasado, en palabras do patrón, un dos peores para o sector mexilloeiro.
"Esperemos que este ano non sexa como o pasado, senón si que vai ser un problema gravísimo. O ano pasado tivemos un desprendemento grandísimo de mexillón ao estar cerrados"

Algo que confían non suceda. Polo momento, só queda agardar.

ABERTO O 44% DOS POLÍGONOS BATEEIROS

Unha boa nova para os mexilloeiros, preocupados polas perdas deste ano. Dende a Xunta agardan que a apertura de novas zonas permita salvar parte da campaña do Nadal. En Galicia hai máis de 3.300 bateas dedicadas ó mexillón.

A remisión da toxina permitiu que se              abrisen dúas terceiras partes dos polígonos bateeiros de Vigo, a metade de Arousa e todos os de Ares e Betanzos. Unha boa nova que celebran os bateeiros, malia que temen que este ano a campaña de Nadal será ata un 50% inferior á do ano pasado, xa que en 2013 vivíronse tres períodos importantes de peche nos polígonos. A conselleira do Mar, Rosa Quintana, lembrou que a toxina foi moi virulenta, e que por iso o proceso de eliminación é mais lento. Con todo, amósase optimista con respecto á campaña de Nadal. O anticiclón e o vento que chega a Galicia estes días favorecen que vaian remitindo a marea vermella.

A EVOLUCIÓN DA TOXINA NAS COSTAS GALEGAS É NEGATIVA E LENTA

A conselleira de Medio Rural e do Mar, Rosa Quintana, admitiu que o episodio de toxicidade nas rías galegas "non está tendo a evolución que se esperaba de disminución". Actualmente, son 14 os polígonos de bateas de cultivo de mejillón que están abertos para os productores.

"A verdade é que parece ser que non sei si polas condicións climatológicas ou por algún outro motivo, non está tendo a evolución que esperabamos de disminución", destacou a titular do departamento pesquero en declaracións aos medios tras inaugurar un foro sobre o sector forestal en Santiago.

Así, apuntou que, "entre onte e hoxe", por este xoves e este venres, pechouse algún polígono e dividiuse algún para que poidan seguir tamén traballando os productores". "Estamos á espera de ver como evoluciona durante este fin de semana este episodio", sinalou a conselleira.

En concreto, o polígono no que o Intecmar (Instituto Tecnolóxico para ou Control do Medio Mariño) acordou prohibir a extracción de bivalvos cultivados en viveros flotantes é o de Vilagarcía A, en ríaa de Arousa.

Con todo, o organismo tamén autorizou este xoves, segundo consta nunha comunicación na súa páxina web das 19.49 horas, a extracción de mejillón noutros tres polígonos de ríaa arousana, neste caso nas localidades da Pobra (C e E.1) e Cambados (D).

REABREN CATRO ZONAS DE MARISQUEO A PE

O Instituto Tecnolóxico para ou Control do Medio Mariño (Intecmar) abriu tres zonas de extracción de molusco infaunal -berberecho, ameixa, navalla-, a II de Muros e Noia, a II de Vigo e a de Camariñas; e unha de pectínidos -zamburiña e volandeira- en Ferrol. Desta forma, os mariscadores da ría Muros e Noia poderán retomar a campaña de recolección de berberecho e ameixa que tiveron que abandonar o pasado día 9, cando só levaban dous días de traballo. Aínda que o levantamiento está decretado desde este venres,  o máis probable é que os profesionais non acudan a ríaa ata o luns. Xunto a esta área, o Intecmar tamén abriu a zona II de Vigo e a de Camariñas de cultivo de moluscos infaunales, que tamén estaban afectadas pola marea vermella. Ademais, tamén poden volver traballar os profesionais na zona I de pectínidos -zamburiña e volandeira- de Ferrol, onde se levantou a pechadura por presenza de toxina amnésica ('ASP') e lipofílicas. Polo resto, os últimos cambios efectuados polo instituto de control das augas mariñas refírense aos polígonos de bateas de Cambados A2, E e Redondela A, que foron reabertos; e a o Redondela E, que foi pechado por lipofílicas. Desta forma, son cinco únicamente os polígonos de cultivo de mejillón abertos nas rías galegas: catro en Redondela e un en Cambados.

O SECTOR MEXILLOEIRO DESCARTA PEDIR INDEMNIZACIÓNS POLO DE AGORA

O sector mexilloeiro non pedirá indemnización algunha á Consellería do Mar por mor da incidencia da actual marea vermella.  Afirmábao a Comisión do Mexillón logo dunha xuntanza na que si pediron outras medidas por si se prolongase este episodio; ó igual que fixeron o sector da depuración, o comercializador e a Asociación Galega de Cocedoiros, en cadansúa reunión celebrada onte con altos cargos da consellería.

Membros da Consellería do Medio Rural e do Mar reuníronse onte con distintos axentes implicados na producción e venda do mexillón en Galicia por mor da incidencia da marea vermella. A primeira delas tiña lugar co sector da depuración e da comercialización na que os profesionais amosaron a súa preocupación pola repercusión deste episodio, que xa os está a deixar sen carga de traballo. Entre outras medidas pediron ós representantes da Xunta un centro de predicción destas incidencias e máis celeridade nas mostraxes sobre o terreo. Á mediodía era a propia Conselleira a que se reunía ca Comisión do Mexillón onde lle aseguraron que polo de agora o sector productor non tiña perdas porque aínda non se constatou mortaldade algunha do producto. 

E é que tralo pesimismo inicial, estes mexilloeiros en particular gañan en optimismo conforme evoluciona a incidencia destas toxinas lipofílicas. Entre as medidas acordadas nesta reunión salienta a posibilidade de aumentar o número de cordas permitidas por batea para o desdobre, naquelas zonas onde se prolongue este peche. Falaron tamén doutros aspectos que lles preocupan como a de axilizar a obtención do resultado das mostraxes; aínda que desde a Administración lles aseguraron de que non era técnicamente posible por mor do método imposto pola Unión Europea. Preguntados por se este episodio podería ser unha escusa para a entrada de máis producto foráneo; os bateeiros aproveitaron para volver a reclamar que as esixencias sanitarias foran as mesmas que para o mexillón autóctono. A día de hoxe a marea vermella parece estabilizada e mesmo está a remitir nalgún punto. Proba diso é a apertura dalgunha zona extractiva nas últimas horas.

A última hora de onte decretouse a apertura de varios polígonos en A Pobra e Cambados. Concretamente A Pobra A e Cambados A2 i E.

MALAS NOVAS PARA OS BATEEIROS

Todos os polígonos de bateas da Ría de Pontevedra e o 80% dos instalados na Ría de Arousa permanecen pechados polo avance da marea vermella e, polo tanto, a presenza de toxina lipofilica. Se trata dun fenómeno natural nas rías galegas e habitual en verán, pero non por iso deixa de causar preocupación no sector por ser esta unha época do ano moi activa en canto á comercialización.

Os informes de estado publicados polo Instituto Tecnolóxico para O Control do Medio Mariño (Intecmar) de Vilagarcía de Arousa sinalan que as oito zonas de extracción de Pontevedra permanecen pechadas xa dende o 19 de xullo mentres que no caso das augas arousanas o último polígono clausurado se remite a este mesmo mércores 24 de xullo, cando se prohibiu a extracción no Vilagarcía A.

O episodio de toxicidade que revelan os muestros do Intecmar segue moi activo e proba diso é que este martes 23 de xullo houbo novidades tanto de polígonos que puideron abrirse á extracción como outros que houbo que pechar.

De todos os xeitos, nada parece indicar que a marea vermella poida remitir, pois os dous polígonos abertos o martes foron os de ostra de Cambados D e O Grove A, mentres que o resto segue o ronsel do peche. Nesa mesma xornada pecháronse cinco.

En concreto, os cinco que seguen abertos na Ría de Arousa son A Pobra G, A Pobra A, Cambados A2 E, Cambados D (ostra) e O Grove A (ostra). En Pontevedra están todos pechados dende que o venres 19 as análises revelaron presenza de toxina lipofílica no polígono Portonovo A.