PRIMEIRO CASO DE CORONAVIRUS EN GALICIA

-Aumentan a máis de 200 os casos positivos. -As comunidades máis afectadas polo momento son Madrid, Cataluña e a Comunidade Valenciana. -Actualmente, son máis de 150 as persoas afectadas segundo datos oficiais e un total de 15 comunidades autónomas .
Confirmado o primeiro caso por coronavirus en Galicia As análises realizadas a un paciente de 49 anos procedente de Madrid e que permanece illado no Complexo Hospitalario Universitario da Coruña ( Chuac) confirman a infección por coronavirus, primeiro caso positivo en Galicia. Segundo informa a Consellería de Sanidade nun comunicado, a Dirección Xeral de Saúde Pública "está a seguir o protocolo" e iniciou o estudo de contactos para determinar as medidas necesarias que permitan novos contagios. O propio conselleiro de Sanidade, Jesús Vázquez Almuíña, informará esta tarde de mércores en rolda de prensa en Santiago de Compostela sobre a evolución do coronavirus en Galicia.

Os casos de coronavirus en España rexistraron un aumento considerable a xornada do pasado martes 3 de marzo. Agora, tras unha semana desde que aflorou o primeiro caso Sanidade estuda aumentar a alerta nalgunhas zonas para controlar con maior precisión o aumento do virus. Actualmente, son máis de 200 as persoas afectadas segundo datos oficiais e un total de 15 comunidades autónomas. Onte coñeciamos o primeiro caso de falecemento por coronavirus na Comunidade Valenciana e a última hora coñeciamos o terceiro caso positivo en Asturias. O Ministerio de Sanidade tamén manifestou que existe un protocolo para seguir en caso de deceso dunha persoa, de maneira que non poida contaxiar a ninguén máis. Con todo, existe preocupación por algúns pacientes de idade avanzada da comunidade de Madrid en estado grave e unha muller de 39 anos ingresada en Navarra, quen non só presenta síntomas de coronavirus senón tamén de Gripe B. Ademais en Cataluña detectouse o primeiro caso de CoVID-19 nunha menor, sendo a afectada unha moza de 16 anos de Xirona. Hai tres nenos máis tamen afectados, dous en Castela A Mancha e outro en Madrid. Nestes casos afecta moi levemente. Casos positivos por coronavirus actualmente en España: 215 Madrid: 76 Cataluña: 24 (Barcelona e Xirona) Comunidade Valenciana: 19 (Castelló e Valencia) País Vasco: 17 (Áraba e Guipúscoa, Biscaia) Andalucía: 13 (Sevilla, Málaga, Almería e Xaén) Castela-a Mancha: 12 (Guadalaxara, Albacete, Toledo, Ciudad Real) Castela e León: 11 Cantabria: 10 Canarias: 8 (Tenerife, A Gomera) A Rioxa: 7 Estremadura: 6 (Cáceres e Badaxoz) Baleares: 5 (Mallorca) Asturias: 4 Navarra: 2 Galicia: 1 (A Coruña) Casos dados de alta en España: 3 Canarias: 1 ( Gomera) Baleares: 1 (Palma) Andalucía 1 (Sevilla) Casos falecidos en España: 1 Valencia