VOLVEN AS ALERTAS POR MAL TEMPO AS COSTAS GALEGAS

A Axencia Estatal de Meteoroloxía (AEMET) informa, nos boletíns nº 318/71GAL e 97/71GAL emitidos no día de hoxe ás 10:37 horas, dun fenómeno meteorolóxico adverso por COSTEIROS, onde dende primeiras horas do luns 9 o litoral de A Coruña (NW, W) e Lugo estarán en nivel AMARELO. 
Mentres o litoral de A Coruña (SW) pasará a nivel AMARELO a primeiras hora da maña deste luns. Empeorando o estado da mar e pasando a NIVEL LARANXA (risco importante) no litoral de A CORUÑA (NW e W) e LUGO a primeiras horas da maña do luns 9 de decembro. Mentres o litoral de A Coruña (SW) pasará a nivel LARANXA a primeira hora da tarde. Espérase que remita a partires de ultima hora da tarde en A Coruña (SW) e a partires da media noite en A Coruña (NW, W) e mariña de Lugo. Pasando logo estes litorais a nivel amarelo. 
O litoral de Pontevedra estará, dende a maña, en aviso por nivel amarelo esta xornada de luns 9 de decembro. Espérase Mar Combinada do NW de ata 5 a 7 m. 
POLO QUE A DIRECCIÓN XERAL DE EMERXENCIAS E INTERIOR COMUNICA QUE, EN PREVISIÓN DESTES FEITOS: Adopten as medidas preventivas necesarias ante as citadas predicións meteorolóxicas e no seu caso ALERTEN ou MOBILICEN ós medios e recursos dispoñibles. 
Ante calquera emerxencia chame ó 112  
No caso de precisar información máis puntual ou detallada, chame ao CENTRO INTEGRADO DE ATENCIÓN ÁS EMERXENCIAS 112 GALICIA, ou consulte a páxina web da AEMET: www.aemet.es., do CIAE 112: www.axega112.gal e de Meteogalicia: www.meteogalicia.es