UNHA MULLER FERIDA NUN CASO DE VIOLENCIA DE XÉNERO NO GROVE

Unha muller resultou ferida na súa vivenda do Grove (Pontevedra) tras ser disparada presuntamente pola súa parella, da que tiña unha orde de afastamento, e quen se atrincheirou na casa onde despois foi achado ferido polas forzas de Seguridade. Segundo fontes próximas ao caso, a vida da vítima, que presenta feridas no pescozo e o coiro cabeludo, non corre perigo. As forzas de seguridade accederon á vivenda onde se atrincheirou o home tras disparar presuntamente á súa parella, da que tiña en vigor unha orde de afastamento. A muller ferida foi rescatada a través dunha xanela polos servizos de emerxencia. O presunto autor dos feitos foi atopado nunha das estancias da vivenda con dúas feridas por arma de fogo, que presuntamente se causou el mesmo tras agredir á vítima. Os feitos tiveron lugar este mañá na céntrica rúa Castelao do Grove, onde acudiron axentes da Garda Civil e da Policía Local para convencer ao individuo de que se entregase.